وبنص الحفلة شغلو أغنية كتير حلوة وكانو مقسومين لفريقين .. وبيختارو من كل فريق شخص ويطلعو يرقصو مع بعض على غنية بيختارها أحد الفريقين
من الفريق الأول طلع وطن وكان لابس بنطال أسود على قد الجسم وكنزة بيضا ورافع كمامها شوي صغيرة عن إديه .. لابس بوط أبيض ورافع شعراتو بطريقة ساحرة وكان أحلى من العريس هههه .. وقف وكان ناطر يختارو شخص تاني من الفريق ليطلع يرقص معو
الفريق الثاني اختار ليلاس لتأدي هالمهمة بس هيي خجلت كتير وما قبلت بس مو بإيدها هي شروط اللعبة .... كانت لابسة فستان أسود للركبة مع جرابات شفافة وشالة بيضا متل التلج مثبتيتها من قدام وراديتها على ضهرها وتاركيتها على راحتها .. عاملة ميك أب خفيف وطالع بتشل .. اتطلعت على مراد وابتسملها
وقفت مقابل وطن بعيد عنو شوي وشغلولهم أغنية وصارو يرقصو مقابيل بعض و كل ما وطن يقرب من ليلاس .. ليلاس ترجع أكتر وتعمل لفة وترجع لمكانو ههه
عم يلفو حولين بعض و يبتسمو .. كان عم يرقص بطريقة كتير حلوة ويهز بكتافو ههه ..
"" أشطر من ليلاس يؤبرني ❤❤""

خلصت الحفلة وروحو المعازيم ومراد كان طاير فرحة لأنو خطب البنت يلي بحبها .. و وطن كان مسحور بجمال ليلاس ..
قربت ليلاس لعند شام وحكت
ليلاس : مبروك شامو
شام : الله يبارك فيكي يروحي
وطن همس بإدنها : ع قبالنا
وهيي فاتت بالحيط من الخجل هههههههه 😂😂
رجعت ع البيت مع أمها و مراد ونامت بسرعة من التعب ... بعد ما خطبوا مراد و شام أم محمد قررت تخطب لمحمد بنت رفيقتها و فعلا خطبتها وعملو عرسهن بنفس اليوم بصالة كبيرة .. كانت الفرحة بكل مكان .. وطن كتير مبسوط اليوم بكون عرس أخوه و إختو .. أبوهن نزل من دبي و حضر عرس أولادو .. وطن كان طالع بجنن أحلى من العرسان .. كانت حفلة كبيرة و حلوة .. ليلاس كانت كتير مبسوطة لمراد وشام وبنفس الوقت زعلانة .. يمكن كانت حابة أبوها يكون معهن بهاليوم .. عم تفكر إنو معقول شام وبكرا إزا جابت بيبي هنن يلهو مراد عنها .. حابة مراد يفرح و ينبسط بس كمان ما بدها حدا ياخدو منها .. نزلت رقصت مع شام قبل ما يفوتو الشباب وكانت كتيير حلوة .. لفتت نظر الجميع بجمالها و رقتها .. ببرائتها و عفويتها .. كلشي فيها بينحب و بينعشق .. معو حق وطن ينسحر بجمالك يا سوسو ❤ .......
بعد انتهاء الحفلة رجع كل واحد لبيتو .. شام انتقلت لبيت عاريسها .. سكنت بنفس البيت مع مراد و أمو و إختو .. ومحمد استأجر شقة صغيرة قريبة على شغلو ليسكن فيها مع مرتو ..

#تبع

- ادم ؛ حاضر دكتورة
- فتون : يلا
- آدم : دكتورة نحن ليش عم نعمل هيك
- فتون : تسلاية .. تحرك ادم وبلا اسئلة زايدة
#طلع ادم وقعد يوسف ع الكرسي
- يوسف : ليش ما فينا نروح نشوفو
- فتون : لانو المريض باسم زياد
- يوسف: شو يعني ؟؟ مين زياد
- فتون : اححححححم زياد اكل قتلة من تحت ايدين يمان وقتلة مرتبة مو اي شي بظن لهلأ اثار الضرب ع وجهو
- يوسف ؛ يماااان اوف يماااان اوووف مية مرة قلت مصيبة ورا مصيبة مو كلن مع بعض
- فتون : بس لقلك بقتلة زياد انا مع يمان ولو ينعاد الموقف ما بمانع انو زياد ياكل قتلة تانية
- يوسف : معلش تحكيلي يلي براسك لانو مو فهمان شي
- فتون : طيب.. المريض باسم زياد وزياد مناوب يعني رح يوصلو خبر فورا اني رحت شفت مريضو ورح يجي ويشوفك وانا متأكدة انو متذكرك لان من وقت حادثتك قلي انو ما ح يترك الموضوع وبلا ما ندخل بمصيبة جديدة هلأ
#انا وعم احكي تحركت قبضة الباب و ..

#تبع
#ياسمينة