كلو بوقتو حلو. ابتسملا بعلامة رضا ومشيو وهوي طلع ليصلي.
.........
بخلصوا فتل وبيرجعوا.. بقيو حسام ونورا بالحديقة
حسام بحب: وأخيرا نوارتي بكرا كتب كتابنا ماعم صدق
نورا ببسمة:ولا أنا مصدقة
حسام بغمزة:اي مابدك تفرجيني الفستان؟
نورا بمكر:تؤ تؤ
حسام:صح نسيت اسألك كيف جبتي الفستان ؟مفتوح قصير مابدي
نورا:لا ان شاء الله بيعجبك
فاتو لجوا والكل فرحان ومبسوط وعم يخططو للخطبة
.....
طلعت دلع لبرا تتمشى شوي جنب المسبح
طلع وراها محمد وحب يحكي معها شوي
محمد:امممم بتعرفي تسبحي؟
دلع بخضة :ههههه هاد إنت خوفتني
محمد:حبيت اطلع غير جو وقلت منحكي شوي
دلع:تمام. أما بالنسبة للسباحة لا مابعرف وبخاف كتير
محمد:حكيلي عن حالك شوي
دلع:متل شو مثلا يعني من وين ابدأ ههه
محمد بابتسامة :يلي بدك ياه
دلع:امممم اسمي دلع هههه
محمد:اي كملي سامعك ههه
دلع:بحب دراستي كتير وبحب اسمع شعر يعني حدي يقرأ لي مو أنا اقرأ بندمج أكتر وبحب اقرأ روايات
بحب إلعب رياضة وبتمنى لو كان عندي أخت بس الحمد لله حسام معوضني عن هالنقص وكلشي بقلبي بقلو ياه لو تفصيل صغير مابحب خبي عنو شي
محمد:حلو وعجبتني علاقتك بحسام وأشرف كتير بس سؤال لي حسيتك بتحبي تتجاهلي مصطفى شوي؟
دلع بإحراج:بصراحة مصطفى بحبني وأنا مابشوفو غير متل أخي
بتجاهلو حتى ينساني ومايضل يفكر فيي وبتمنى يلاقي بنت تحبو ويحبا لأن عنجد بيستاهل
محمد:طب ماجربتي تفكري فيه
دلع:مبلا بس ماحسنت حتى لو طلبني رح وافق غصب مابحبو ومابدي زعل حدا
يلا غير عن هالسيرة بقى
محمد بهز براسه :هههه تكرمي
كانو عم يحكو ومبسوطين كتير وماحاسين بالوقت وكإنن بيعرفو بعض من زماان كان عم يتطلع بعيونا باهتمام ليسمع عنا اكتر
اجو الكل من وراهن
أشرف بمزاح :كإنو صارت الساعة وحدة؟ مانكن حاسين بالوقت، نادينالكن بس مانكن هون مندمجين هههه
حسام:عن شو عم تحكو كل هالوقت؟
عكل حال يلا فوتو نتعشى
مصطفى بإنزعاج :مالك بالعادي ولله تندمجي مع حدا أكتر من خمس دقايق ولا منحكي مع ناس وناس؟
محمد :خلصتو؟
ولاشي أخدنا الوقت وبس
دلع بغضب مكتوم:شو قصدك مصطفى
مصطفى بحدة:إنتي لي هيك عم تتجاهليني أنا بحبك بحبك فهميا بقى
لي ماعم تحسي فيي؟ بتحكي مع الكل بشتهي تحكي معي
بتقعدي مع الكل بتمنى تقعدي معي او تطلعي فيي لو نظرة
دلع لي هيك عم تعملي شو أعملك لتحبيني فهميني؟
حسام بغضب:مصطفى مافي شي بصير بالغصب وبعدين لاتنسى انك عم تحكي معها وقدامي
دلع بدموع:اي بحبك، بحبك كأخ وبفتخر فيك بحبك كصديق وبتمني اتقرب منك، الحب مو بس زواج يامصطفى افهمني
قرب حسام منها وحاوطها بإيديه وهداها
أما مصطفى تجمعت الدموع بعيونو بس مو قادر يبكي تركن ومشي
محمد مبسوط من جواتو بس زعلان ع مصطفى بضل ابن خاله بس الحب مو هيك
اجو الصبايا
شذى:شوفي؟ شبها دلع
أشرف:تناقرت مع أخوكي
ندى:ولله مصطفى شب منيح وبحبك وشاريكي لي هيك عم تعملي فيه
شذى:مو غلط دلع الغلط من أخي من الأساس دلع قالتلو إنت أخي بس هوي ماعم يتقبل الفكرة
محمد قرب من دلع وانحنى لمستواها:
طيب لإيمت بدك تضلي عم تبكي وأصلا لي عم تبكي ها؟
دلع:لأن مابحب زعلو ولله بحبو متل أشرف وحسام ولا بحب اجرحو او هينو بكلمة بس مدري كيف عصبت عليه هالمرة، ماحسيت ع حالي ولله
اجا مصطفى بعد مابكي وصرخ وعصب واجا لعندا وجبلا بوظة وقلا:
خلص دلع قومي ماحلوين عيونك هيك ع فكرة
دلع ببرائة:يعني مو زعلان مني؟
مصطفى بحزن:لا حدا بيزعل من اختو، يلا خدي هي بوظة مابتروقي غير هيك
دلع بابتسامة:طيبي
عند محمد:عيونو عم تقدح شرار وحاسس النار عم تلعب جواتو.
يا الله معقول حبها بهالسرعة؟
أخدتلو عقلو وقلبو بدو ياها الو
بس مافي شي بالغصب،
رح خليها تحبني بتصرفاتي وتعاملي معها.
......
فاتو كلن ع الفيلا وفجأة رن تلفون دلع برقم مجهول
دلع:الو
مجهول:ياهلا بدلع
دلع باستغراب:مين معي.؟
اجا حسام من وراها وهز براسو بمعنى مين وهيي فهمت علي وعطتو الموبايل
حسام:الو مين؟
وسكر الخط
حسام لدلع :ماعرفتي مين؟
دلع:لا ماحكا بس بيعرف اسمي
حسام:غريبة، عموما اذا رد دق هاتي أنا برد، ماشي..؟
دلع:اوك، تصبح على خير
حسام:تلاقي الخير
.....
احببتك كصديق لم اراك كحبيبٍ احببتك كأخ لي و لم احبك كزوج احببت قلبك و طيبتك و لم اراك مثلهم احببت ان ارى صورتك بلاهم
لا أهتم بما يقولون ولكن أهتم بما تقول
من أنت ومن أنا مجرد صديقين وأخوة!!!
ستوووووووووب👇🏻 ♥️
مين المجهوووول؟
ياترى رح يستسلم مصطفى عن حبها
أو رح يضل عندو أمل ليكسبها؟ ومحمد شو رح يصير فيه؟
ندى يلي لاحظت أنو دلع عجبتو لمحمد شو رح تساوي؟
توقعاتكم؟السَلٱمٌ عـَلـْيگمّ-ۈرحـْمّـٌة ٱللـّہ ﯙبُرگـّاتہ ❤️
#تعديل القصة نزلت كاملة والأجزاء الآۆلْ والثاني والثالث نزلو مع المقدمة 🌹
رجعتلكون برواية جديدة لكاتبة عنجد عندها موهبة مابينوصف وهيه صديقة الي بتجنن 🎀
#نار_الأشواق_ولهفة_العاشق، ،،، 🥀
بقلم
#الورد_الجوري 👌🥰
🏵️🏵️🏵️🏵️🏵️🏵️🏵️🏵️🏵️🏵️🏵️
أكشن.. رومنس.. تشويق
الحب الحلال بين اي اثنين ممكن يكون
