ميسون :- روحي حسبو نارو لابو النصر ولا نار المعلم.. بسرعة اطلعي..
Telegram@rwayate
(( اطلعت اركض عم اهرب من الموت للحياة ومن الحيا للموت وماعرفاني وين هالارض بدها ترسيني.. كنت عم امشي بالشوارع لابدي ارجت لابو النصر ولا بدي ارجع للمعلم.. ماكان فيني الا ارجع للحاويات يلي طول عمرا عم تلمني.. بلشت قبل ليجتمعو الاولاد عند الحاويات جمع لالي.. واتخبى بالحدايق واشتغل شغلي بالسوق بدون ماحد يعرفني كرمال جمع قوت يومي او جيب خبز.. ومرق ع حالي ايام.. ليوم مالقيت حالي قدام البناية يلي الشاب فيها ساعدني لقيتو واقف ع البرندا والدخان عم يطلع من نار سيجارتو.. قعدت مقابيلو جنب الحاوية بلكي قدر يفوتني نام تحت درج البناية.. وفعلا شافني ونزل..
نصر :- حسبووو هاي انتي

حسبو :- اي

نصر :- وين غايبة صرلك فترة طويلة وليش متغيرة ووجهك شاحب

حسبو :- بدي قلك صرلي كم يوم مانمت منيح فيني نام بدرج البناية

نصر :- بدرج البناية

حسبو :- والله مابزعج حد وقبل الفجر بطلع ومعي حرام

نصر :- لاا ماقصدت بس ليش لتنامي بالدرج مافي لالك بيت

حسبو :- كان عندي بس المعلم طردني

نصر :- معلم.. انتي بتشتغلي لحد

حسبو :- طول عمري..

نصر :- طيب تعي نفوت من البرد

حسبو :- فيني ضل هون بالدرج

نصر :- طيب رح اطلع جيبلك شي تنامي عليه..

، (( ما كان لالي نفس قلن شو بصير معي لانو ماحد رح يفهمني.. جبلي الفراش وقعد جنبي ع الدرج..

حسبو :- مابدك تنام

نصر :- بالليل لاء مافيني

حسبو :- ليش

نصر :- بسهر ع ابن عمي وبالنهار بغفى لانو يا ابي يا جوز عمتي رح يجي..

حسبو :- بس ليش بتسهر هيك

نصر :- ابن عمتي مريض.. ومافيني اتركوا هو شاب صغير وما الو حد.. وكرمال عمتي وخاطر ابي عم ضلي معو

حسبو :- ياحرام

نصر :- نامي انتي وارتاحي بحكيكي بعدين مافيني اتركوا اكثر من هيك
Telegram@rwayate
(( الصبح كنت تاركة المكان.. بعد ما جمعت حرامي والفراش وحطيتن ع جنب.. بالعصر رجعت للمكان لاخد الفرش لقيتو مرفوع. وبالليل لقيتو بمكانو.. فرشتن وقعدت ونزل من تاني نصر..

نصر :- انا شلتن لانو يلي بتنضف الدرج الصبح رح تكبن لو شافتن..لهيك وقت تفيقي حطيهن فوق بالطابق الثاني ع باب الشقة.. بشوفهن بخبيهن و برجعهن لالك بالليل..

حسبو :- حاضر

((كانت علاقتي معو عادية.. ودائما يتركلي الفرش والاكل.. اما الشخص يلي كان معو ولا مرة شفتو. وبيوم طلع الفجر وفيقني نصر وقلي انو رايح يجيب دوا صروري من الصيدلية قبل ليفيق ابن عمتو ..وانا رفعت الفراش لحطن ع باب الشقة.. سمعت صوت حد عم يان ويصرخ ويبكي مثل طفل صغير.. ماكنت بعرف هالصوت ليش.. كان بالي مشغول.. بعرف انو في حد مريض بس ماكنت قدراني افوت لعندو.. فجاة انفتح الباب.. وكان شاب بعمري.. هيك شي.. عم ينزف من تمو.. ويسعل.. وعيونو حمر وشفافو.. زرق.. كان عم يمد ايديه باتجاهي لاحسن ساعدو كنت حسو مخنوق بس مابأيدي اعملو شي.. اتكمش بتيابي عم يتنجد فيني.. سندتو لانزلو تحت.. وقت صرنا بالشارع بلش يغمى عليه.. قعدتو ع الرصيف وصرت اوقف بالناس يلي تعد ع اصابع الايد انهن يساعدوني.. بس ماكان حد قبلان.. بعد 5 دقائق كان الشاب فاقد الوعي انا فكرتوا مات.. وهون اجا نصر نازل من سيارتو عم يرجف .. وقت شافو بدمو بالارض.. حملو للسيارة وطلب مني اطلع معهن لساعدو اضل راسو للشاب المريض مرفوعك ليحسن يتنفس

#حسبو :- عم يشهق شبوو

نصر :- خليكي رافعة راسو لاتخلي الدم يرجع لصدرو بس لنصل المشفى

(( كنت حاسة انو الوقت طويل وماعرفاني شو اعمل غير اني نفذ يلي بطلبو مني نصر.. وصلنا لمكان بقولوا عنو الطوارئ بقيت واقفة جنب الشاب لوقت مابلشو الممرضيين يطالعوني..

نصر :- الوو وين صرت يابي انا رحت جبلو الدوا مافكرت يفيق فجاة ع هاي الحالة..

.. حكيت ابوه وهو وامو جايين.. طريق سفرهن طويل.. شو قلك الطبيب.

نصر :- مثل العادة محتاج جرعات دم كمان.. المخزون يلي كان الدكتور بقول رح ينفذ..

.. انا جاي ماني متاخر..

....

حسبو :- هو رح يموت

نصر :- اللع لا يقدر

حسبو :- ليش صار فيو هيك

نصر، :- معو مرض وبدو وحدات دم تتناسب مع دمو .. وزمرة دمو نادرة.. والمتبرعين حاليا قلال..
Telegram@rwayate
حسبو :- ياحرام

نصر :- ان شاء الله يعدي مرحلة الخطر وامورو تكون تمام..

مرقت نصف ساعة.. وقت شفت المفاجئة.. وهي محمود واقف مع نصر .. وقت شفتو كنت بدي اهرب بس ماقدرت حاولت اخفي وجهي كرمال مايشوفني .
.. بس صوت نصر وهو عم يناديني..

نصر :- تعي حسبووو

((مارديت وحاولت اتسلل بالهرب بس اجا لعندي واخدني من ايدي بالقوة

نصر :- هاي يابي يلي ساعدت ياسين

(( ياسين ومحمود ونصر.. اتذكرت الاسماءوعرفت انو محمود هو ابوه لنصر.. وياسين هو ابن جميلة... يلي استضافتني ببيتا وخبرتني عن ابنها.. كان محمود عم يزاورني وماقدران يحكي شي..

ابو النصر :- ابني جبلي قهوة

نصر :- يالا نازل