#حقد_أنثى

#تكملت #الجزء الأول

بعدين درت ضهري ومشيت ومارديت عليه..
لحقني وحطلي الرقم بكبيشونتي وعدا من جنبي وغمزني وقلي...
زياد : حاكيني اي....سلام
صار يركد هو عم ينط متل المجنون...بقيت واقفة مصدومة..طالعت الرقم ومسكتو وكنت بدي أرميه بالارض وبهاللحظة اجت جودي..
جودي : هاااي...طولت عليكي
خبيت الرقم بجيبي فورا..ومشيت مع جودي..
خلصت محاضراتي ورجعت ع البيت..تغديت....وبعدين دخلت على غرفتي ورحت لحتى طالع موبايلي من جيب جاكيتي وانا عم اسحبو وقعت ورقة الرقم...
مسكتو وصرت اطلع فيو وانا محتارة..
قعدت ع تختي وفتحت الورقة كان مكتوب الرقم وتحتو " حاكيني مشان الله ضروري "
فلك : يي علينا من وين طلعلي هاد هلأ
حطيت الرقم ع الواتس طلع حاطت صورتو دخلت لحتى شوف صورتو واذ بيطلعلي "جاري الكتابة"
ارتعبت وسكرت النت ورميت موبايلي وقعدت وانا صافنة فيو...
فلك : من وين جاب رقمييي...يااربييي
بعد ساعتين رجعت مسكت موبايلي وفتحت نت وكان باعتلي..
زياد : نو😍 انتي فلك ما
زياد : يي وينك؟
زياد : لك وين رحتييي😢
شبك ارتعبتي والله مابخوف انا
بعتلو..
فلك : شو عرفك برقمي؟! وشو عرفك اني فلك🙊🙈؟ √√
زياد : اهلييين واخيرآ الله جبر وحنيتي علي
فلك : ماجاوبتني عسؤالي ع فكرة √√
زياد : من مصادري الخاصة عرفت اسمك ورقمك جبتو لما دخلتي ع اسمي😌 حلوة صورتي ما☺🙈
فلك : لا √√

#حقد_أنثى
#حقد_أنثى

#الجزء الثاني

زياد : ليش انتي هيك والله حرام انا😭
فلك : هههههه قطعتلي قلبي √√
زياد : يااااه😍 شو حلوة ضحكتك شوفي دخيل الله شو وازنة ضحكتك لا طويلة كتيييررر ولا قصيرة يعني حتى ضحكتك بتجنن
فلك : انا رح سكر √√
زياد : لا لا مشان الله ببوس ايدك الله يخليكي لا تسكري بس خلينا نحكي كمان شوي وبوعدك ما ارجع احكي حكي يدايقك🙊
بعد دقيقة...
زياد : وعد🙊
بعد دقيقة...
زياد : عم قلك وعد😢
فلك : نعم؟ شو بدك؟
زياد : بدي نحكي بس نتوفة
بقينا عم نحكي 4 ساعات بدون ماحس..شخصية زياد حلوة كتير ومرحة وعندو حكي مابيخلص لبعد عشر سنين...بقيت كل الوقت عم اسمعو وهو عم يحكي وبقيت عم احكي معو برسمية...
بالاخير سكرنا نت ونمت فورا...
تاني يوم نزلت ع الجامعة وبالعادة بشوف جودي ع باب الجامعة بس هالمرة ماشفتا وقفت انطرا اتأخرت علي قمت اتصلت فيا..
فلك : لك وين انتي
جودي : فلوكة روحي انا أسفة كتير نسيت خبرك مبارحة اني طالعة مع ادهم اليوم بعتذر كتير
فلك : بلله شو
جودي : ماتزعلي ابوسك مشيلي ياها
فلك : لك..لك
جودي : دخيل عينك كرمالي مشيا
فلك : طيب طيب روحي من وشي هلأ
جودي : ابووسك...بااي
فلك : باي
انا سكرت الخط..حدا نط ووقف بوشي..
فلك : يي بسم الله كش كش
زياد : هههههههههه
فلك : ياربي هاد انت...تضرب اي والله وقفتلي قلبي
زياد : هههههههه اسف حقك علي..عم تستني حدا
فلك : اي كنت عم استنا رفيقتي بس مارح تجي
زياد : يعني ماعندك شي هلأ
فلك : لا
عزمني زياد على قهوة ورحنا شربنا وقعدنا نحكي..
بقيت ع هالحالة مع زياد شهرين كل يوم يجي ع باب الجامعة واحيانآ يجي ع كليتي وينطرني..
بـــعـــد 4 شـهـــور..
ارتحتلو لزياد كتير وبلشت اتعلق فيو وصرت حس اذا ماحاكيتو ناقصني شي..هيييك لحتى اعترفلي زياد بحبو إلي وصرنا نحكي كـ حب...شفت اهتمام كبيرر منو وحب ورمنسية وجنون كتير لمدة سـنة...بس بعد هالسنة بلشت تبرد علاقتنا ويخف اهتمامو هييييك لحتى اجا اليوم الاسود التاني..
زياد : فلك بدي قلك شغلة
فلك : اي قلي
زياد : نحن لازم نترك بعض
فلك : شـ...شو قلت؟
زياد : ........بعرف هالكلام صعب عليكي وكمان هو صعب علي..بس انا مابدي اجرحك معي...انا أمي بدها تخطبلي بنت خالتي..يعني علاقتنا هيك هيك مارح تكمل
فلك : بهالبساطة؟
زياد : انا اسف فلك...سامحيني
تركني زياد مصدومة ومشي...ترك مشاعري عم تتخبط ببعضا ترك كلشي ومشي...وهاد كان الجرح التاني بحياتي...
هون صار عمري21صرت قوية..صرت أقوا من قبل وعندي خبرة بالحياة أكتر..تعبت كتير بعد زياد ورجعتلي الحالة يلي عشتا من بعد شادي (اول حب بحياتي)
بـــعـــد ســنــة ونــص...
كنت طالعة من البيت والدنيا شتا ومطرر كتير ومو قدرانة ارفع راسي منيح وعيوني مغمضين نصن...
كان معي كتب ووراق كتير وعم خبيهن من المطر...
جيت لحتى ادخل بالحارة قام طلع شب بوشي وضربت فيو ووقع كلشي من إيدي ع الارض..
فلك : لاااا....ياربي..الوراااق مشان الله
نزلت وصرت لمن بسرعة...الشب تلبك ونزل معي وصار يلمن معي بسرعة من رعبتو...
رفعت عيني واطلعت فيو وانا عم لم الوراق...
اجت عيني بعينو مباشرة...مابعرف ليش دق قلبي..
نحن عم نطلع ببعض وعم نلم الوراق...مسكنا الورقة نفسا نحن التنين..ولزقت إيدي بإيدو...حسيت كهربا مشيت بجسمي سحبت الورقة من إيدو بسرعة وقمت وقفت..
فلك : أأ..انا أسفة...ع كلٍ يسلمو كتير الك
الشب (وهو صافن بعيوني) : اه...لا ولا يهمك..عادي ماصار شي
مشيت وعديت من جنبو...كتفي لزق بكتفو..وريحة عطرو دخلت لجوا جوااا صدري...لتفتت لورا وشفتو واقف مكانو وعم يطلع فيني...
كملت مشي وانا متلبكة وقلبي عم يدق...صرت حاكي حالي معقول لسا قلبي قدران ينعجب ويحس..معقول لسا قلبي عم يدق...لسا عندي احساس بالخوف والفرح والاعجاب...حتى من بعد الجرحين يلي انجرحتن؟..كيف هيك....كل الطريق وانا عم حاكي حالي...
وقفت ع موقف الباص...طلعت بالباص وقعدت...نزلت الكبيشون عن راسي وصرت انفض جاكيتي من المي..قعد جنبي شب بس ما اطلعت فيو...لفيت وشي ع الشباك وصرت اتذكر الموقف...كيف عيونو اجو بعيوني.......
وقف الباص ع الموقف يلي بدي انزل عليه..
لفيت وشي لعند الشب لحتى قلو يعطيني طريق واذ..


#حقد_أنثى
#حقد_أنثى

#الجزء الثالث

لفيت وشي لعند الشب لحتى قلو يعطيني طريق واذ..
فلك : انت؟
الشب : انتي؟
كان نفس الشب يلي ضربت فيو قاعد جنبي من الاول ومالي خبر...
فلك : مـ...ممكن طريق
الشب : أأ..أي تفضلي
نزلت من الباص وانا عم اطلع فيو...مشيت وانا عم ابتسم مع حالي...ضميت الكتب لصدري ومشيت بسرعة....بعد شوي اجا شب وصار يمشي جنبي...بعدين مدلي إيدو وكان ماسك قهوة..
الشب : تفضلي
فلك : عفــ....هاد انت
كان نفسو الشب..وقفت مكاني..
الشب (بابتسامة) : في مجال امشي معك شوي
فلك : اه؟....أي يعني
الشب : انا أسمي طارق وانتي
فلك : انا فلك
طارق : ادي عمرك
فلك : 22 وانت
طارق : 26 سنة
فلك : العمر كلو
طارق : تسلمي
مشينا كل الطريق سوا وبالاخير عطاني رقمو وراح..
رجعت ع البيت وانا محتارة ابعتلو ولا لا...مشاعر كتير وافكار اكتر كانت عم تدور براسي ومو قدرانة قرر...ماحسيت على حالي لما سجلت الرقم واتصلت فيو..كأنو بنت تانية هي يلي عملت هيك مو أنا..
حكينا مكالمة وسهرنا كل الليل ونحن عم نحكي ونتعرف على بعض...طارق شب بجنن أكابر كتير....هاد يلي كنت اعتقدو بالاول..بس انخدعت فيو..
بقينا عم نحكي أربع شهور وبيوم طلعت معو ونحن بنص الطريق دورت على موبايلي مالاقيتو ضليت كل الوقت وانا عم اتذكر اذا نسيتو بشي مكان حسيت حالي رح جن من التفكير...وعدني طارق انو يلاقيه بطريقتو.. وصلني ع البيت وراح...
تاني يوم خبرني طارق انو قدر يعرف وين الموبايل وجبلي ياه...هالتصرف منو حببني فيو بس للأسف كان احقر تصرف بشوفو بحياتي...
بعد 3 ايام..
طارق : فلك بدي منك طلب
فلك : اي تفضل √√
طارق : بدي تبعتيلي صورتك بالقصير
فلك : شو؟ عم تمزح ما؟ √√
طارق : لا ماعم امزح
فلك : معناها جنيت اكيد √√
فلك : شيل هالأفكار من بالك لاني مستحيل نفذا واذا بترجع بتطلبا مني رح ازعل منك √√
طارق : واذا قلتلك الشغلة مو عكيفك

#حقد_أنثى #حقد_أنثى

#تكملت #الجزء الثالث


فلك : كيف يعني؟ √√
كانت الصاعقة لما بعتلي طارق 4 صور الي بلبس قصير...اول ماشفتن حسيت غط ع قلبي...وبعد عذاب وبعد ماترجيتو ليقلي من وين جابن...طلع هو يلي سارق موبايلي وراح على محل فتح الرمز واخد الصور ورجعلي يا على اساس لاقاه.....ومن هون بلشت معاناتي وعذابي...بلش طارق يبتذني بصوري...مرة يطلب مصاري...ومرة صوري...حسيت حالي رح انفجر....البني آدم كم مرة لازم ينجرح بحياتو؟.. ليش هيك البشر؟...لك ليشششش..
كنت عم احكي مع حالي وانا عم ابكي لحتى دخلت لعندي جودي وهي عم تبكي...
فلك : شبك انتي كمان
جودي (تبكي) : ادهم....خطب
فلك : شو؟....كيف يعني
جودي (تبكي) : يعني خطب...يعني تركني هالكذاب
فلك : هيييك بهالبساطة جاية تقليلي خطب...لك شو عم يصييررررر بالدنيااا شششوووووو (تبكي)

لهوون وبس انا ماعدت قادرة اتحمل..صدمتين ع الراس بيوجعو بس انا نصدمت ونوجعت وانجرحت كتير...بلش الحقد والكره جواتي وبلشت اتخيل حالي عم انتقم من كل الشباب واحد واحد...........حطيت الخطة المناسبة..لحتى انتقم من ادهم ومن كل شب اذاني...كتبت اسمائن على قائمة وحطيت جنب اسم كل واحد شو لازم اعمل فيه وشو الانتقام المناسب لالو...كنت متذكرة كل تصرف جرحني وكل كلمة بكتني..
اتفقت مع رفقاتي يلي هنن جودي ؛ سامر (صديق جودي) ؛ غادة ؛ فادي (صديق مقرب الي) هيثم (صديقي)
المسا حاكيت طارق يلي طلب الطلب الاخير مني ويلي هو انو روح معو على بيت فاضي...وافقت على طلبو واتفقت مع الشباب يجهزو سيارة تحت البيت وبس اتصل فين يطلعو ع البيت...جهزت أبرة مخدر واخدتا معي...
لبست ونزلت رحت على البيت يلي دلني عليه طارق...دقيت الباب...فتحلي ودخلت..
طارق : نوووورتيي
فلك (بقرف) : ايمت رح اخلص منك
طارق : هههههه وعد هاد اخر طلب
قرب مني طارق وحط ايديه التنين ع الحيط وصرت انا بالنص وقرب وشو كتير علي وانا لفيت وشي ع الطرف التاني وبلش

#حقد_أنثى
#حقد_أنثى

#الجزء الرابع

وبلش طارق يحكي...بس ماكنت فاهمة شو عم يحكي او مركزة.....همي كان بس اخلص منو لهيك
سحبت الأبرة من جيبي بهدوء وشكيتا برجلو بسرعة ودفشتو عني...وقع ع الارض وخلال ثواني كان فاقد الوعي...
اتصلت بفادي والشباب وطلعو ع البيت...حملوه ونزلنا بسرعة طلعنا بالسيارة ومشينا....وصلنا على منطقة مقطوعة وفيا كراج مهجور....دخلنا وقعدنا طارق ع الكرسي وغمضنالو عيونو وربطناه منيح...وصار الوقت لحتى اخد بتاري.....شهرين وهو عم يبتذ فيني...ماعدت عرفت للحياة طعم...وماعدت عرفانة انا مين والناس بشر ولا شووو...
بعد شوي بلش يصحى طارق..
طارق : شـ..شوفي...وين انا...يانااسس
فلك : اييي خراسس...لساتك هوون مامتت
طارق : فلك؟...هاد انتي
فلك : اي انا
طارق : انا بفرجيكي يافلك...لك انتي مابتعرفي مين طارق بس انا رح عرفـ...
قبل مايكمل كلامو ضربتو كف صوتو رن بالكراج رن...
طارق : اااه...عم تضربيني ياحقيرة والله لخليكي تبوسي الصرماية لحتى سامحك
فلك : اي عم اضربك...اي انا حقيرة...من اليوم انا بطلت انسانة انا صرت متلكن...من حقي اعيش بقا صار الوقت لانتقم...صار الوقت لحتى تتعذب انت وأشكالك وتحسو بوجع الناس..
طارق : .........
دموعي صارو ينزلو لحالن حاولت امسك حالي ماقدرت...كتمت صوتي وطلعت لبرا وصرت صرخ باعلى صوتي...بكررررررهكننننننن يابششششرررر لك انتو حجررررررررر مو بششششرررر بكررررهكنننننن
قعدت ع الارض وصرت صرخ وأبكي...ركدو لعندي رفقاتي لحتى يسندوني....دفشتن عني...سندت حالي لحالي متل كل مرة وقمت وقفت لحالي...شديت حالي شديت قبضة إيدي لدرجة حسيت العروقة رح تنفجر...دخلت لعند طارق وضربت الكرسي...وقع هو والكرسي ع الارض...فكيت الحبل عنو وشلت الربطة عن عيونو وبلشت ضرب فيو بإيدي ورجلي...ركدو لعندي رفقاتي وبعدوني عنو ورجعو ربطوه....
فلك : فادي..شغلي سيكارة
فادي : نعم؟...ليش من ايمت انتي بتدخني
فلك : من هلأ
فادي : بس يا فلـ...
فلك (بعصبية) : لك ششغلي السيكارة
شغلي سيكارة فادي......لأول مرة بمسكا بإيدي وبشرب منا...صرت اسعل كتير...بعد شوي صار عادي وماعدت حسيت.....صرت اسحب اكتر منا...اسحب واسحب لحتى خلصت....طلبت التانية والتالتة....
الرابعة شغلتا ورحت لعند طارق...
فلك : بدك تشوفني بلبس قصير؟
فكيت الربطة عن عيونو وشديتلو قمصيو...انقطعو زرارو وانفتح قمصيو...
مسكت السيكارة وطفيتا بكتافو...
طارق : ااااااااااه
فلك : فادي عطيني كمان
طارق : لااا مششان الله لااا
عطاني فادي السيكارة وطلع من لبرا الكراج...
صرت كل شوي شغل السيكارة وطفيا على جسم طارق......كأني مجرمة...كاني حجر بلا حس....بدم بارد ودون اهتمام...ضربت الكرسي ووقعتو لطارق....مسكتو من شعرو ورفعت راسو وحطيتو على رجلي...
فلك : مين بدو يبوس الصرماية؟
طارق (يبكي)
كنت عم استلذ بتعذيبو...ولما شفتو عم يبكي حسيت حالي قويت اكتر...
فلك (بعصبية) : لك مييين بدوو يبوسسسا...
صرت هز راسو لطارق وانا عم شدو من شعرو...
فلك (بعصبية) : بوسا...لك بوسسا للصرماية بوسسسااا
باس طارق رجلي...ضربتو برجلي ع صدرو...
ورحت قعدت...
فلك : هلأ وقت شادي.....فااادي
جودي : فادي طلع لبرا
قمت طلعت لبرا كان فادي واقف عم يدخن...
فلك : فادي بدي منك طلب
فادي : اي شو هو
فلك : بدي خطة تقدر تجيبو لشادي لهون
فادي : ..............طيب عندك خطة انتي؟
فلك : اي عندي.....شادي تزوج هلأ...رح ابعتلو بنت تعلق عليه وتعلقو فيا لحتى يصير يستجبلا وينفذ طلباتا وهيك منقدر نجيبو لهون..
فادي : طيب متل مابدك
فلك : شبك فادي فيك شي
فادي : لا ابدا مافي شي
فلك : طيب انا رح روح شوف مين بيقدر يقوم بهالعملية
دخلت لجوا وقعدت مع غادة واتفقت معا على كلشي وشلون تعلقو لشادي...خلال يومين قدرنا نعرف كلشي عن شادي وعن بيتو ومرتو وعلاقتو معا......جبنا رقمو وبلشت غادي تحكي معو......والخاين بضلو خاين..استجاب لغادة فورآ وصار ياخد ويعطي...
خلال ايام معدودة قدرت غادة تجننو وتغيرلو عقلو بمرتو.......صار الوقت لحتى نستدرجو لمكان ونجيبو ع الكراج...صباح الاربعاء....
رحت لعند طارق وقعدت قدامو...
فلك : اي كيفك اليوم
طارق : .........
فلك : حزير شوووووو..........رح جبلك صديق يسليك هون ههههههههه
طارق : مين هو
فلك : واحد حقير متلك......تفو
تركتو وقمت لعند غادة يلي كانت متفقة اليوم تروح تشوف شادي......حددو المكان والزمان...واتفقت مع هيثم وفادي وسامر وجهزو حالن وركبو بالسيارة وراحو وراها لغادة وصارو يراقبوها من بعيد....
وصلت غادة ع المكان يلي كانت متفقة مع شادي عليه... وكان عبارة عن حديقة كبيرة مافيا ناس كتير...
دخلت غادة وقعدت مع شادي...
واول ماقعد شادي مع غادة ركد فادي من وراه لشادي ولما شاف انو الحديقة فاضية...


#حقد_أنثى
#حقد_أنثى

#الجزء الخامس

ولما شاف انو الحديقة فاضية...
طالع الكمامة يلي فيا مخدر وحطا على تمو لشادي واول مافقد الوعي شادي...حملوه وجابو ع الكراج ربطوه بس ماغمضولو عيونو.....قعدت قدامو وصرت اتذكر السنتين يلي قضيتن لما تركني....ستنيتو ليصحى...
صحي شادي وصار يفتح عين ويغمض التانية...
فلك : سامر كب سطل المي علي
مسك سامر سطل مي بارد وكتا عليه...
شادي (بخوف) : اااه....شوووفي...مين انتووو
فلك : ولووووو......معقول ماتذكرتني؟
شادي : مـ...مين
فلك : انا فلك
شادي : فلك؟....شـ...شو بدك مني
فلك : مفكر اني رح انسا يلي عملتو فيني ميا
شادي : فلك بـ..بس انـ..
فلك : خراااااسسس ماتحكييي...ماتكمل ماتسمعني صوتك ياخاين
شادي : فـ..فلك
فلك : لك خرااااسسسس خرااس
شادي : لـ..
ضربتو كف لشادي ولحقتو بالتاني والتالت والرابع لحتى فقدت بطلت حس ع حالي وانهرت عليه بالضرب... ركدو رفقاتي وبعدوني عنو..
فلك : حقيييررر حقير بكرهككك
كل هاد كان عم يصير جنب طارق...بس كنا مغمضيلو عيونو بس عم يسمع صوت شادي وهو عم يصرخ...
طلبت من هيثم يجبلي عصاية كهربا...وبالفعل جبلي ياها...
تاني يوم رحت لعند طارق وجهزت عصاية الكهربا...
فلك : قولتك رح تتكهرب؟ هههههههه
طارق : ببوس ايدك لا...مشان الله تسامحيني
فلك : خراااسسسس
شغلت العصاية ودئرتا بجسمو بس ع الخفيف بالاول...صار يصرخ طارق ...بعدين صار يصرخ شادي ويقول..
شادي : لك مييين عم تعذبي كمان يامجرمةةةةة
فلك : لاتسمعني صوتك مشان مااعمل فيك متلو
طارق : اااااااه
كنت كل دقيقتين كهربو لطارق واضحك عليه....
لدرجة حسيت حالي زئب وحش عم ينهش فريستو بدون احساس وهمو بس يتغذى هو....حسيت حالي عم اتغذى على عذابن...
رحت لعند فادي...
فلك : فادي هلأ دور زياد
فادي : ..................يلي بدك يا رح يصير
تركني فادي ومشي...
بلش هيثم يبحث عن زياد ويحاول يعرف ادق التفاصيل عنو...بعد تلت ايام كان كلشي بخص زياد عندي..
زياد كان كاتب كتابة وعلى وشك الزواج...
طلبت من الشباب يراقبوه ويعرفو ايمت بروح ع شغلو وايمت برجع.....زياد كان عم يشتغل بمحل البسة لهيك كان يتاخر بلرجعة ع البيت......استأجر هيثم سيارة تكسي وصار يراقب زياد..
واول ماطلع زياد من محلو مشي هيثم بالسيارة وراح لعند زياد.......زياد وقفو لهيثم وطلع بالسيارة..
مشي هيثم بشكل طبيعي..وشوي شوي صار يدخلو من حارة ويطالعو من التانية..
زياد : معلم وين صرنا
هيثم : ماتشغل بالك رح نوصل بس هاد طريق اقصر
بعد ربع ساعة....وصل هيثم لعند موقف كان متفق مع سامر يكون واقف هنيك.....اشر سامر لهيثم ووقف السيارة..
سامر : دخيل عينك توصلني تاخر الوقت ومافي سيارات
هيثم : شو ابو الشباب عندك مشكلة اذا طلع معنا
زياد : لا لا مو مشكلة المهم وصلني بقا
هيثم : تفضل طلاع
طلع سامر بالسيارة...وبعد دقيقتين سحب مسدسو ووجهو على زياد...
زياد (بخوف) : خير ياشباب شبكن شوفي
سامر : شايف هالمسدس رح فضيه براسك اذا بسمع نفس منك...خراس ولا كلمة
وصل هيثم ع الكراج ونزلوه لزياد ودخلوه...
قعدوه وربطوه جنب طارق وشادي...
وبعد ربع ساعة طلعت لعندو..
فلك : هاااي زيزووو
زياد : فـ..فلك...شو عم تعملي هون...ليش انا هون شو بدكن مني
قعدت ع الكرسي ولفيت رجل على رجل...
فلك : كل خيررر.....كل خير...لا تشغل بالك
كان باين الخوف والتوتر والضعف بعيون زياد.....هاد الشي يلي كنت عم دور عليه....هاد الشي يلي كان عم يقويني ويحسسني اني اخدت حقي وانتصرت بهالمعركة يلي دخلت فيا...
فلك : صحي ايمتا عرسك
زياد : بعد أسبوعين....ممكن تقليلي بقا شو بدك مني؟ انا شو عملتلك حتى جبتيني لهون؟
فلك : لا لا لا...ليش السرعة ليش كلشي بوقتو حلو
زياد : مين هدول يلي مربطين هنيك
فلك : ما حدا غريب....متلن متلك...حقراء كلكن...وانجمعتو سوا...شايف على هالصدفة
زياد (بنظرة خوف) : ........
فلك : ليش خايف.......مارح اعملك شي...بس رح اخد حقي منك...وعيشك بالوجع يلي عشتو انا لما تركتني
زياد : بس هاد كلام قديم والقصة ماتت
فلك : ماتت؟......انت فكرت شو مات معا؟.....ماخطرلك تفكر ياترى انا شو حسيت؟ شو قضيت؟ كم مرة تمنيت الموت؟...صح القصة ماتت بس موتت معا قلب...حياة...روح...احساس...صرت انسانة بلا قلب بلا مشاعر هدفي الانتقام من كل انسان اذى بنت وخانا وهالقلب يلي عندي عبارة عن خزنة للحقد وعقلي بس لحفظ اسماء الحقيرين يلي متلك وتحهيز خطة للانتقام منن وتخليص البنات من اشكالن
زياد : أأ..أنا..
فلك : فكوه
فادي (باستغراب) : عم تحكي جد


#حقد_أنثى
#حقد_أنثى

#الجزء الأول

انجرحتي كتير بس ماقدرتي تقوي؟
اتوجعتي وماقدرتي تنتقمي؟
ومابدك تنتقمي؟

قلبك ضعيف لا تقري القصة..





الشغلة مو تحدي...


القصة فيا قساوة وبدا قلب قوي..


انا عم انصحك ها..



طيب عم تتحديني؟



اوك قوي قلبك وأقرايا..



فلك (تبكي) : خاني يا جودي خاااني
جودي : حاج تبكي مشان الله...طولي بالك..مو كل الشباب متل بعض...بكرة بتشوفي وبتفهمي هالشي
فلك : لك انا بكررهن...كلن متل بعض كلللن (تبكي)
جودي : انتي لازم تقوي...مابصير تضلي هيك ضعيفة عم تفهمي
فلك (تبكي)
انا اسمي فلك عمري 18 سنة أمي وأبي متوفيين وانا ساكنة بالسكن الجامعي مع رفيقتي جودي يلي هي متل اختي وأعز.....انا طولي عادي وشعري خرنوبي وعيوني عسلي وبشرتي بيضا جذابة وروحي مرحة والكل بحبني من ضحكتي...
هاد كان اول جرح من حبي الاول يلي شفتو ماشي مع وحدة وماسك ايدا ولما سألتو وواجهتو قلي انها خطيبتو هه.....اي خطيبتو ليش مستغربين..يعني انا كنت مجرد ضحية فراغ عاطفي لانو خطيبتو تركتو فترة قام هو عبا هالفراغ يلي بقلبو فيني ولما رجعتلو خطيبتو تركني...
بـــعــد سـنـتـيــــن...
قدرت اطلع من حالة الاكتئاب وقدرت لملم جروحي وقوي حالي...صح أخدت مدة طويلة بس انا قلبي ضعيف كتير وعندي طيبة فظيعة وهي السبب بيلي صار فيني ويلي رح يصير..
فلك : جودي مشي ع الكفيتيريا ناكل شي جعت كتيييررر
جودي : أييي ولي عليكي شو أم كرش قلتلك هلأ جاي أدهم شبك نطري شوي معي
فلك : اووووف بقا...خلص خليكي هون ونطريه لحالك وبس خلصتي لحقيني اي
جودي : طيب طيب خلص
فلك : باي
رحت ع الكفيتيريا لحتى اشتري شي أكلو...
فلك : لو سمحت بدي سندويشة وكاسة عصير
الشب : تكرمي
وقفت انطر السندويشة وصرت اتلفت حواليي...كان واقف شب جنبي بس بعيد شوي وعم يطلع فيني ويبتسملي.....بعد شوي اجا ووقف جنبي وطلب سندويشة كمان...ولما خلصو السندويشات وعطانا ياهن جيت لحتى ادفع قام الشب قال : هدول عني وعنا
فلك : عفواً؟...انا بعرفك شي حتى تدفع عني
الشب : لا..بس منتعرف
فلك : لو سمحت رجع مصاريك انا بدفع عن حالي
الشب : لا مابصير مرئيها هلأ
فلك (بعصبية) : لك انا بعرفك حتى عم تقلي هالحكي
صاحب محل السندويش : مطولين؟..شو قررتو بعدين؟
قام الشب دفشلي ايدي ودفع عني وعنو ووقف يطلع فيني...
فلك : استغفر الله ع هالنهار
درت ضهري لأمشي..مسكني الشب..
الشب : هيك بهالبساطة؟..طيب ع القليلة قليلي شو اسمك
فلك : مارح قلك شي طلاع من راسي
الشب : عاشت الاسامي بس كانو اسمك طويل شوي ههههههه
فلك : ها ها ها عم تتهاضم
الشب : لا عم اتلاذذ كه كه كه
مدلي إيدو لحتى سلم عليه وقلي..
الشب : أنا زياد طالب هندسة سنة تالتة
ماسلمت عليه وبقيت واقفة عم اطلع فيه وقلتلو..
فلك : طيب اهلين تشرفنا...لسا بدك شي؟
رفع ايدو زياد وصار يحك براسو لانو طلع بالخجلة..
فلك : عن اذنك
زياد : هيي هيي وين رايحة...هلأ هيك؟...يعني الحق علي دفعت عنك؟
فلك : ماحدا قلك تدفع
زياد : طيب امرك....لك ستني شوي
طلعت من الكفيتيريا وانا عم امشي بسرعة وهو لاحقني...
زياد : انتي طالبة هندسة؟
فلك : .........
زياد : علوم؟
فلك : ........
زياد : صيدلة؟
فلك : ........
زياد : معناها أكيد من كلية الاداب..بتعرفي اهم شي بحياتنا نتعلم آداب لغات العالم وكمـ...
وقفت واطلعت فيو بعصبية..
فلك : لك شو بدك مني
زياد : امممم...بدي نحكي ونتعرف ع بعض...شبك ليش معصبة ومكبرة الموضوع كل هالقد...مجرد رفقة...حابب اعملك صديقتي وين المشكلة
فلك : لا إله إلا الله...انا ماعندي رفقة شباب
زياد : عتبريني صديقتك ههههههه
فلك (ببسمة) : ياربي
زياد : دي خلصينا ولو شو ماعندي غير حضرتك انا خلصيني وحاج معلقة هاتي رقمك لعما شو بتكري
اطلعت فيو وانا مصدومة انو شبو هاد مجنون..
طالع زياد ورقة وكتب عليها رقمو ومدلي ياها بإيدو..
ضليت واقفة عم اطلع فيو وحاطة إيدي بجيوبي..

#حقد_أنثى
#حقد_أنثى

#الجزء السادس

فلك : اي فكوه...سامر جيب برميل المي لهون
مسكوه لزياد وجابو برميل المي....رحت لعندو ومسكتو من شعرو وقربت على ادنو وهمست...
فلك (بهمس) : هي جزات كل واحد بيجرح بنت
ونزلتلو راسو بالمي وانا عم اضحك......
رفعتلو راسو...
فلك : لسا مانضف مخك وتفكيرك الوسخ
رجعت نزلتو راسو بالمي وهالمرة طولت...لحتى حسيتو بلش يتحرك بقوة...ورح يصرلو شي...رفعتو....وضربتو كف ودفشتو ع الارض....
وقفت جنبو وحطيت رجلي على صدرو...
فلك : شايف الدنيا لما تدور شو حلوة
زياد (يبكي) :مشان الله تسامحيني...والله...والله الشي صار غصب عني
فلك :خراس ماتسمعني صوتك...عم تحلف بالله ما...هه ليش انت بتعرف الله...ليش عندك احساس؟
تركتو ودرت ضهري ومشيت وانا عم قول..
فلك : شيلوه من وشي
رحت على الغرفة وقعدت لحالي...كنت ناوية اني جيب ادهم وانتقملا لجودي منو...بس بالأول بدي أسالا...وقبل ما اندهلا اجت لحالا...
جودي : فلك بدي احكي معك بموضوع
فلك : منيح جيتي وانا كنت بدي احكي معك بموضوع...بس يلا احكي انتي اول
جودي : ما كانو حاج أخدتي حقك منن...وخصوصي شادي طول كتير هون
فلك : لا لسا ما اكتفيت.....مافشيت قلبي
جودي : بس سامر وهيثم انسحبو وفادي ماعاد يتحمل كمان بدو يروح وبصراحة......انا كمان تعبت كتير
فلك : هيك؟...هلأ هيك صار...وانا يلي كنت مفكرة جبلك ادهم لحتى تنتقمي منو
جودي : صح هنن جرحونا وماقدرنا ناخد حقنا بس الله موجود مو نحن يلي منحاسبن..الله هو يلي بحاسبن
فلك (بعدم اهتمام لكلام جودي) : شو بدك هلأ يعني
جودي : بدي نرجع ع البيت وتركين بقا
فلك : انا مالي راجعة..لسا ماخلصت شغلي معن لـ هالحقراء........بدك تروحي انتي....روحي
جودي (بعصبية) : اي رايحة....خليكي لحالك هون خلي الحقد بقلبك واوعك تسامحين اي
فلك (بعصبية) : اي روحي...أأ...أنا مو بحاجتكن...انا بكفي لحالي....رو....روحو...روحو كلكن (تبكي)
تركوني كلن لحالي مع طارق وشادي وزياد وراحو...
خفت...ماعدت عارفة شو اعمل...اتركن يروحو...ولا اقتلن...شو اعمل...
بقيت اعدة بالغرفة ومو عارفة اتصرف...
بعد ساعتين دخل فادي...
فلك : فاادي؟
فادي : ماقدرت اتركك لحالك...انا بعرف انتي انجرحتي...بسس......كمان بكفي هيك اخدتي حقك وزيادة
فكرت بكلام فادي وقررت اني اتركن يروحو...
وبالفعل تركناهن يروحو وفادي هددن اذا بيشتكو او بيحكو شي غير يلي علمن ياه فادي...رح يخلص عليهن
رجعني فادي ع البيت...دخلت على غرفتي وغفيت فورآ من التعب.....
تاني يوم صحيت وكان عندي تفاؤل كبير وأمل أكبر..
كنت متنشطة وعبالي انزل اتمشى......نزلت لحالي واول ماطلعت من حارتي حسيت حدا لاحقني...
لفيت وشي واذ بـ زياد موجه مسدس علي..
فلك : ز...زياد...
زياد : اي زياد....شايفة الدنيا لما تدور شو حلوة
بلشت ارجع بهدوء وشوي شوي لورا...لفيت وشي بسرعة ولسا كنت بدي اركد......شفت شادي واقف على راس الحارة.....
خفت كتيب وبلشت ارجف..
زياد : ششووو ليش خاايفةةة
لفيت وشي للطرف التاني شفت طارق واقف وعيونو عم تقدح شرار...
شادي : صار الوقت انك تموتي يا فلك
طارق : قلتلك انتي مابتعرفيه لطارق لسا وهلأ رح عرفك عليه ياحقيرة ورح ندمك ع الشي يلي عملتيه
فلك : اها...اجتمعتو سوا....شي حلو...بدكن تقتلوني.. تفضلو قتلوني يلا...
صرت لف حولين حالي وانا عم قلن يلا قتلوني وكأني مو مهتمة بس جواتي كنت رح موت من الخوف.....لأول مرة حسيت الموت قريب مني كتير....
زياد : فلك..ديري بالك تتحركي
طلع من المسدس صوت تحريك زناد المسدس...
زياد : عدي لل 3 بتكوني صرتي مع الاموات
بلعت ريقي...وغمضت عيوني بقوة....

#حقد_أنثى
#حقد_أنثى

#الجزء السابع

فادي : زيااد...نزل مسدسك
اول ماسمعت صوت فادي التفتت فورا...وشفت الشرطة موجهين مسدس على طارق وشادي...وفادي موجه مسدس على زياد...
اخدوهن الشرطة وطبعآ ثبت عليهن انهن كانو ناويين على قتلي لانو انمسكو بالجرم المشهود وحكمو عليهن.....
طلعت من المخفر وانا تعبانة كتير وكانت المطر عم تنزل بقوة....وقفت وانا ماعارفة ليش هيك حياتي.. وشو هالدوامة يلي دخلتا انا....
طلع فادي ووقف جنبي...
فلك : شكرا كتير لوقفتك جنبي
فادي : لك شو هالحكي محسستيني اني غريب
فلك :.....الله يحميك يارب....وين رايح انت هلأ؟
فادي : ع الجامع بدي صلي المغرب...امشي وصلك
فلك :.....الله يتقبل....امشي
وصلني فادي ع البيت....
طلعت ع الدرج وكلمة فادي عم ترن بأدني "بدي صلي المغرب"
صرت احكي مع حالي انو انا ادي صرلي ماصليت؟...ادي صرلي ماوقفت ودعيت؟... ادي صرلي ماحاولت اتقرب من ربي؟... معقول كل يلي عشتو لاني بعيدة عن ربي؟...
دخلت ع البيت...ورحت فورآ توضيت بعد زماااااان....وقفت ع سجادة الصلاة وانا خجلانة من ربي وماعارفة اذا رح يغفرلي تصرفاتي ولا لا...
فلك : الله أكبر
ومع الركوع نهرت ع الاخير بالبكا...
سجدت وصرت ادعي...
فلك : يارب...وكلت اليك أموري وهدايتي....فانت مالك قلبي وعقلي..وانا.....لا حول لي ولا قوة..يارب اهديني وبارك فيني وارضى عني يارحمن يارحيم (تبكي)....يارب... أنت ملاذي ونجاتي وهداي وقوتي في ضعفي....يارب..كما أخرجت يوسف من الجب أخرج ذاك الحزن الذي يختبيء في قلبي...يارب..أرسل لي أمنية بيضاء تلوح على صدري وفرج كربي وهمي يارب (تبكي)
خلصت صلاة وانا عيوني ماعم ينفتحو من البكا بس لأول مرة بحس براحة كبيرررة بعد فقدان للراحة زمن طوييييل..


" كيفَ لـِ ربٍ أَسْميٰ نفسَهُ المُحييّ أن يُمِيتَ لكَ حُلْمُكْ؟ اصبر قليلا وسيبشِّركَ الله قريباً " ..

غفيت وانا مرتاحة كتير ومطمنة......

صحيت تاني يوم على مكالمة من فادي....

فلك : الو...اهلين فادي.......لا ماعندي شي....طيب ماشي
طلب فادي يشوفني قمت غسلت ولبست ونزلت ع الكفيتيريا...
فلك : كيفك فادي
فادي : تمام وانتي
فلك : تمام
فادي : احم....انا حابب احكي معك بموضوع
فلك : تفضل
فادي : فلك بصراحة....انا بالرغم يلي شفتو منك... والقسوة يلي تعاملتيا مع طارق وزياد وشادي.... انا مع هيك ماكنت عم اقدر شوفك قاسية...او اني اكرهك...فلك انا كنت معجب فيكي من قبل...ولما شفتك ادي حاقدة ع الشباب حاولت اني بعد بس ماقدرت........كل يوم كنت عم عيشو معك قد ماكان صعب كنت عم احسبو مع ايام حياتي الحلوة....انا مابدي تضلي بهالحالة...فلك مو كل الشباب متل بعضن.....صدقيني رح نسيكي يلي عشتيه وضل سندك متل ماكنت..
فلك : ..........
كان صعب علي اخد القرار وماكان عم يدور براسي غير جملة كل الشباب متل بعضن....
فادي : عطيني فرصة اثبتلك.....انتي مو سهل عليكي تتغيري فورا وتبادليني الحب انا بعرف هالشي...وانا ماعم اطلبو منك...انا بس بدي عبر عن حبي الك بدون ماتعصبي علي....وتحاولي تعطي حالك فرصة وتعطيني انا فرصة لاثبتلك اني غير...
فادي فعلآ كان غير الكل...بقيت 6 شهور عم عذبو معي وكل مايزعلني قلو انو كلكن متل بعض...يقوم يعتذر مني...كان يحاول قد مابيقدر ينسيني يلي عشتو...بالبداية تعذبت كتر..وبعد فترة بلشت اكره حالي واكره الحقد يلي جواتي ع الناس.....بلشت تصرفات فادي واهتمامو يأثبتولي انو مو كل اصابعي متل بعضن وانو في المنيح وفي البشع.....فادي خلاني اتقرب من ربي أكتر صار يعلمني شغلات بالدين كنت اجهلا بلش قلبي يرتاح ويصفى وبلش الحقد ينغسل منو...

#حقد_أنثى #حقد_أنثى

#الجزء الآخير

بــــعــــد 3 ســنــيــن....
كنا متزوجين انا وفادي وانا حامل بـبنوتة اتفقنا نسميا " حياة "....
لما جبت حياة كان عليها ضحكة بتشرح القلب وبتفوت الفرح لصمصومو.....فادي معاملتو معي مافي كلام يعبر عنا...كان شايلني باهتمامو ودلالو الي...وبالمقابل بادرتو انا كمان بس طبعآ بعد عذاب مني وصبر من فادي علي....قدر فادي يغيرلي نظرتي للحياة وللناس ومن وقتا ما عدت قطعت صلاة ولا قراءة قرآن...وكل ماكنت حس بضيق اقرأ كم صفحة من القرآن وحس رجعت الحيوية لالي.....كبرت حياة وانا معلمتا ع هالاساس وصرت احميا من كل انسان سيء وممكن يجرحا...وعيتا قبل سنا وفهمتا على اساسيات الحياة وقلتلا تحفظ انو متل مافي المنيح في البشع ومتل مافي انسان مابردلنا الخير في ناس بتضحي لتشوف ضحتنا ولتسعدنا بس اهم شي اختاري الصح واختاري يلي بخاف الله لانو يلي بخاف الله لا تخافي منو وأمنيه على روحك مو بس على قلبك لانو مستحيل يجرحك لانوبيعرف الله كبير ورح يرجعلو ياها بشي يوم.

#انــــــــتـــــهـــــت