#دفء الروح

بقلمي:#Mona As

(الجزء الأول)
___________


فاقت متل العادة بكير دخلت على الحمام فرشت اسنانها وتوضت وجت تصلي الفجر قبل ماتروح على المدرسة خلصت صلاة لبست تياب المدرسة وقفت على المراية توازن حجابها وحظرت كتبها حطتهن بالشتنة وحملتها كانت أمها عاملتلها سندوشة صبحت عليها وهي مبتسمة

ديما:صباح الخير يا احلى ماما بدنيا...

ام رامي:صباح الخير يا امي يالله خدي هي سندويشة وحطيها بشنتة...

ديما:والله يا ماما انا ماعاد لساتني صغيرة من لما دخلت ع المدرسة وأنتي بتعملي نفس السندوشة...

ام رامي:اي حبيبتي بدي أبقى اعملك حتى تخلصي مدرسة وتفوتي ع الجامعة هون انتي بتصيري تعملي لحالك من دون خدماتي...

ديما:ولو ماما انا فيني استغني عن خدماتك انتي كل حياتي يا نبع الحنان انتي...

ام رامي:الله عليكي وعلى حكياتك والله روحي ع المدرسة قبل ما تتأخري وهلق بفيق ابوكي بيعملك طوشة متل العادة...

ديما:يالله انا رايحة...لاتنسي انك تتدعيلي

ام رامي:الله يوفقك يا بنتي وتنجحي وتجيبي علامات وترفعيلي راسي بين الناس كلها..

وطلعت من البيت على الطريق بتلتقي بصديقتها رهام بكفوا تنين مشي ع طريق المدرسة.

ديما:صباح الخير.

رهام:صباح النور كيفك?

ديما:الحمدلله بخير شو حظرتي حالك للأمتحان اليوم بتعرفي فحص العربي مو سهل.

رهام: اي الحمدلله يعني أذا ما جبت التامة بكون جايب اقل بعلامة او علامتين يعني حسب ديما:لا انا الحمدلله حظرت منيح وان شالله راح أجيب التامة أذا الله راد.

رهام:اي ان شالله انتي ما بنخاف عليكي من طول عمرك بتطلعي الاولى ع الصف اما نحنا يا حسرة بنظل طول النهار وليل حاطين روسنا بالكتاب وفوق هاد كلو استاز خصوصي يالله نجيب التامة اما أنتي مشالله عليكي بتدرسي لحالك من دون مساعدة حدا وكمان ما بتقبلي تاخدي دروس عند حدا والله هي نعمة بنحسدي عليها.

ديما:الشغلة بدها شطارة وتركيز لو بتركزي مع الاستاز كيف بيشرح وتابعي بكل درس بدرسوا ما بتضطري تاخدي هي كل الدروس وتدفعي مصاري ع الفاضي عرفتي كيف.

رهام:ومنكم نستفيد انسة ديما....

ديما:يالله بلا حكي ليكي هي وصلنا ع المدرسة وهلق منصبح بالأنسة عتاب.........

دخلن ع المدرسة كانت الانسة عتاب عم دخل الطالبات ع الصفوف متل العادة بس مو ع طبيعتها....الأنسة عتاب انسة جبارة كتير يعني بحس انو مانها مدرسة بحسها شي ضابط بشي فرع أمن ع القسوة يلي فيها ما بعرف شو سر هالقسوة وشو سبب انو ع طول عم تعاملنا وكانوا نحنا شي عالي عليها مو طالبات مدرسة...مو مشكلة نحنا تعودنا عليها ع التصرف يلي بتعاملنا فيه كل يوم صبح...دخلنا ع الصف ونحنا عم نسمع شوي وتوتة بنات مجتمعات وحكي صار عنا فضول شو عم صير وليش هالأجتماع غير لما يكون شي مهم مصيري ....

رهام:صباحوو بنات شوفي ليش هيك مجتمعات دارين:ليش ما دريتي...اليوم طلع قرار بفصل الأستاز وليد من المدرسة ونقلوه ع مدرسة تانية...

ديما:ليش شو عامل الأستاز وليد لحتى هيك يفصلوه والله حرام استاز مافي منو.....

سمر:والله انتي يلي مافيي منك....وعلى نياتك شايف حتى انتي صابك من سحر استاز وليد

ديما:شو قصدك انتي....