الجزء الأخير
Telegram@rwayate
حاولت اتخلص منو .. وصلت ايدي لكاسة المي الي كانت جنبي و ضربتو فيها على راسو بالقوة الي موجوده بجسمي قبل ما يقتلني ، انكسرت الكاسة على راسو و بايدي ... بعد عني هو وعم ينزف .. وانا ايدي تنزف واصرخ ..
#رشا : اطلع من هون .. اطلع من هون
#نزار : آآآآخ ... دم ! ..
تطلع فيني وتطلع بايدو الي عليها الدم (( شو في .. شو عم يصير !..لك ليش عم تصرخي ))
قمت لعند ام حسام وكان في عالطاولة جنبها صحن فواكي وفيه سكينة .. مسكتها و رفعتها انا وعم هددو (( اطلاع من هون احسن ما اقتلك ، لك .. لك بدك تقتلني ؟ ليييش ! انا شو عملت ! .. قلتلي رح تحميني طلعت جاي تقتلني ))
صحيت ام حسام ومسكتني من تيابي (( رشا شو في .. مين في هون يا رشا ))

#نزار : اهدي شوي انا مو فاهم شي .. اهدي
#رشا : لك لا تقرب خليك بعيد .. احكي شو بدك مني ؟ بدك مصاري ! جاي تسرق ؟ شو بدك !!
#نزار: لك مصاري شو .. وشو يعني اقتلك.. انا كنت عطشان ورحت على المطبخ لاشرب مي وهنيك كانت ..
#رشا : كانت شو ؟
#نزار : كانت دلع قاعده على المجلى ... عم تضحك وتحرك رجليها و
#رشا : نزار لا تجدبها هلأ !! ... عم تستغل ظروفي والشي الي حكيتلك ياه ؟ لك عم تتسلى فيني !
#نزار : والله لأأ ... لأ انا شفتها وتطلعت بعيوني وتطلعت فيها .. كانت بالمطبخ صدقيني
#رشا : لك انت حاولت تقتلني
Telegram@rwayate
#نزار : رشا انا مابعرف شو جابني عالغرفة لهون وما حاولت اقتلك افهمي علي ... ليش انا لازم صدق كل شي بتحكيه
ولازم صدق انك كنتي بالمقبرة بدون وعي وانتي مو مصدقتيني
#رشا : لانو انا ما حاولت اقتلك !
#نزار : صح .. معك حق .. انا طالع من هون ماشي ..

طلع نزار وانا كنت لاحقتو والسكينة بايدي لاتأكد انو رح يطلع من البيت قدام عيوني ، لما وصل على باب البيت .. التفتت على الغرفة المقفولة ولقيت الباب مفتوح (( هاد الباب كيف انفتح ! ))

#نزار : ان شاء الله تكوني صدقتيني هلأ !
انطرق الباب بقوة قدام عيوني انا ونزار ..
#نزار : لسه بدك ياني اطلع من هون ! .. عالأقل اطلعو معي كيف بدي اتركك انتي وام حسام هون بعد الي شفتو
#رشا : انت روح من هون وبس
#نزار : يا رشا
#رشا : لك عم قلك اطلاع !!!!!
Telegram@rwayate
فتح نزار الباب وطلع .. بقيت واقفه ثواني .. عم اسمع صوت انفاسي والهدوء الي حوالي والعتمه .. بعدين رجعت على غرفة ام حسام انا ومعصبه وعم ابكي

#رشا : انتي بتعرفي كل شي .. انتي بتعرفي شو عم يصير هون وليش .. احكيلي يلا احكيلي احكي
#ام حسام : ما بعرف شي طلعوني من هون
#رشا : لا تبلشي تبكي متل كل مره ، ما رح سكر الموضوع وبدك تحكي .. انا رح موت هون ؟ بدهن يموتوني ؟
#أم حسام : بدهن ياكي معهن .. تصيري خادمة الهن متل حسام ابني
#رشا : ليييييييييييش انا ؟؟ ليش انا ! ليش مو انتي مثلاً !
#ام حسام : انا ما بخدمهن بشي ... انتي بتخدميهن بمصالحهن .. بدهم جسمك يستخدموه

كانت ايدي لسه عم تنزف .. فتحت الدرج الي جنب ام حسام وطلعت منو شاشة وسبيرتو وبلشت عقمها ولفها
Telegram@rwayate
#رشا : انا رح اترك هاد المكان واطلع من هون .. مو مشكلتي ولا مجبورة اتحمل شر ابنك ومرتو .. لك تسببو بقتل بنتهن هدول مجرمين
#ام حسام : لا .. لا .. لا تتركيني لا
#رشا : ما ضل شي ليطلع الضو ... ضل هاد اليوم ... ليلة وحده رح عيشها لسه بهل بيت الملعون وانقلع .. بس مو مشانك ولا مشان بنتك.. مشان اهلي ماشي ؟

لفيت ايدي ورحت عالمطبخ .. مشيت بالعتمه وما كنت خايفه ولا عم اتلفت حوالي وحتى ما جربت شغل الأضوية .. كأني خلص فهمت كل اللعبة الي عم تصير .. ما عاد رح استغرب من شي .. ممكن شوف اموات واشباح و اتعرض للقتل .. كل شي ممكن يصير عادي
فتت عالغرفة وبلشت نظف القزاز الي بالأرض .. وعملت فنجان قهوة وطلعت قعدت قدام البيت وشوي شوي طلعت الشمس و كان الشروق كتير حلو .. بفوت الفرح والسلام عالقلب ..ضليت قاعده لهديت اعصابي .. بعدين فتت حضرت الفطور واخدتو لأم حسام ... قعدت على تختها وصرت طعميها .. بس خلصت اكل وقبل ما اعطيها دواها مسكت ايدي
Telegram@rwayate
#ام حسام : احرقيهن ..
#رشا : شو هن ؟
#ام حسام : كل شي من اثرهن احرقيه ..
#رشا :هههه معناها لازم نحرق البيت كلو
#ام حسام : احرقي البيت
#رشا :لك شو عم تحكي .. خلص خدي دواكي وارتاحي
#ام حسام : يمكن انتي تطلعي من البيت .. وانا اطلع .. بس هم رح يضلو هون .. لازم تحرقيهم قبل ما نطلع من هون
صفنت فيها انا وعم فكر ... عنجد هاد البيت بدو حرق .. فيه لعنة وشر بيخوفو ..
#ام حسام : لا تفكري ... لازم تحرقيهن .. يمكن لو طلعتي يلحقوكي .. مو خايفة ؟
رجعت ايدي وبلعت ريقي .. (( يلحقوني ؟ ))
#ام حسام : اي .. بلحقوني وبلحقوكي لاخر الدنيا اذا بدهم يانا .. انتي منحوسة لان جيتي على هاد المكان ونصيحتي الك لا تاخدي اللعنة الي لمستك لاهلك .. احرقيهم قبل ما تروحي ..
#رشا : خدي دواكي .. خدي ...
Telegram@rwayate
اعطيتها دواها ولبست ونزلت اتمشى .. بعدين فتت لعند نزار .. كان مضمد جرحو .. تطلع فيني بطرف عينو وقعد
#رشا : كيف صرت ؟
#نزار : منيح
#رشا : خفت يكون صرلك شي لان الكاسة انكسرت على راسك
#نزار : لا مافيني شي
#رشا : نزار انا ما بعرف اذا انت عنجد مو بارادتك كنت عم تحاول تقتلني .. ولا لا ..بس مع هيك جايه مشان قلك شي
#نزار : بترجع تقلي تقتلني .. افهمي يا مخلوقة ما بعرف شو فوتني عالغرفة ما بعرف ما بعرف
#رشا : طيب خليني احكي
#نزار : تفضلي
#رشا: انا فكرت بعد الي صار فيني ، وبعد ما خطيبي خدعني وكسرني انو ما عاد عندي قلب او مشاعر ..وكرهت الرجال كلهن .. بس انت كنت شي حلو .. يعني مع كل الشغلات البشعه الي عشتها هون .. بس انا فرحت لانو رجع قلبي دق ولو مره وحده ..انبسطت انو هالقلب ما مات على ايد هداك الإنسان الحقير الي ما بيستاهل ياخد مني كل المشاعر الحلوة .. وصراحة كنت متأملة علاقتنا تتطور ويصير شي حقيقي بيناتنا ... بس الظروف الي التقينا فيها ابشع من انو تسمح بهل شي
#نزار : ازا كل هالقد معقده من الرجال ، ليش قلبك دق الي مع انو ما النا يومين تلاته ملتقين ؟
#رشا :ببساطة رجولتك .. انت كتير جريئ وشجاع .. ما بعرفك منيح لاعرف شو فيك صفات منيحه وسيئة بس انا شفت بعيوني كيف انك نخوجي وجريئ ... ويمكن كمان بعد فترة طويلة حدا اهتم فيني بطريقة لطيفه وحسسني انو خايف علي وبهمو امري .. لهيك سرحت كتير بأفكاري ورسمت احلام بعيده
Telegram@rwayate
#نزار : رشا رح ارجع قلك للمره الأخيرة .. انا عنجد ما بعرف شو فوتني على غرفتك وشو عملت .. صحيت بس وفي دم على ايدي وراسي عم ينزف وانتي بتصرخي وبتحكيلي بدك تقتلني

#رشا : بتعرف انا مصدقتك .. لانو بدي صدقك .. ما بدي فكر بشي بشع بخصوصك .. وفوق هيك بدي قلك شكراً على وقفتك معي مع انك ما كنت مجبور ابداً تنحط بهيك ظروف
#نزار : انتي جايه تودعيني صح ؟
#رشا : نوعاً ما
#نزار : خلص تاركه ورايحه على اهلك ؟
#رشا : لا ... رح مضي الليلة وبكرا الظهر بتوصل صفاء
#نزار : بعدك مصره تضلي بعد كل شي صار !!!!! لك كيف ؟
#رشا : عادي ما حدا بيموت ناقص عمر ..
رن موبايلي وكانو اهلي .. (( يلا انا راجعه عالبيت .. مره تانيه شكراً على كل شي .. ))
طلعت بدون ما انطر منو رد .. رديت على اهلي وحكيت معن انا وماشيه وعم ابكي .. عنجد مابعرف شو هالسخافه الي بتخليني اتعلق بشب بسرعه وفكرو بيحبني .. لا وصير احلم انو رح نتجوز ونعمل عيلة وكل هالغباء هاد ..
حكيت مع رغد وبكيت كتير حتى فشيت قلبي ..لما وصلت على البيت كانت ام حسام قاعده بالصالون ومشغله التلفزيون ..بايدها الريمود كنترول ومغمضة عيونها
#رشا : كيف قمتي لحالك لهون ؟
#ام حسام : _ _ _
Telegram@rwayate
#رشا : ام حسام عم احكي معك .. مو قلتلك لا تتحركي بغيابي ؟
نطرتها كمان تجاوبني بس ما جاوبت .. عصبت وانا اصلا كنت زعلانه بس قررت اتركها متل ما بدها وخلي هاليوم يمضى كيف ما كان
فتت عالمطبخ والتهيت بالطبخ .. بعد ساعتين حكيت مع ام حسام من المطبخخ انا وعم ارفع صوتي
#رشا : انا جهزت الأكل بدك ناكول بالصالون ولا اجي فوتك على غرفتك ؟ .. ولا بتفوتي لحالك ما في داعي لمساعدتي اصلا ؟
ما ردت علي بشي .. تطلعت عليها من باب المطبخ (( كمان ما بدك تحكي معي يعني ؟ ))
نطرت شوي لتجاوب .. بس لثواني حسيت في شي غلط .. بعدها على قعدتها من ساعتين ما تحركت ابدا ولا طلعلها صوت ختى !
كنت ماشيه باتجاها لما انتبهت انو باب الغرفة المقفولة مفتوح ... و عم تطلع منو نفس الريحة البشعه الي شميتها هديك المره
لعت نفسي وخفت .. كملت لعند ام حسام وقعدت جنبها (( ليكي خليني فوتك على غرفتك .. او بتعرفي شو ؟ خلينا نطلع نقعد برا احسن شي .. ))
كنت عم احكيها وعيوني على باب الغرفة .. بس ما جاوبتني .. تطلعت فيها ورجعت حكيت (( خلصيني احكي شي بقى .. ))
كان وجها شاحب كتير .. وعيونها مغمضين ... حطيت ايدي على وجهها بخوف (( ام حسام ..ام حسام نايمة ؟ ))
Telegram@rwayate
مال وجهها على كفة ايدي .. بعدين جسمها كلو مال باتجاهي .. شهقت بخوف (( ام حسام انتي نايمة صح ؟ .. اصحي ردي علي .. ام حسام احكي معي تعبانه ؟ موجوعه ؟ ... ام حسااام ... ))
بعدتها عني .. مددتها على الكنباية انا وعم ابكي ... كانت ميتة ... وصرت انا لحالي بهاد المكان وباب هي الغرفة مفتوح !
اخد التفكير معي نص ساعه حتى قررت شو بدي اعمل .. كانت الشمس غابت .... جبت علبة عود كبريت ... وفتت على الغرفة .. فتحت بابها انا ومشغلة فلاشة الموبايل.. قررت احرق كل شي .. متل ما قالتلي ام حسام .. قررت ما اطلع من هاد المكان الا بعد ما احرقهن ..

وقفت و بدي شغل عود الكبريت لاحرق اول شي الأغراض الي بالنص لانو هن اساس السحر الي كانو يعملوه .. شفت بنت صغيرة واقفة على الباب عم تطلع فيني وتبكي .. وبلشت تمشي باتجاهي ..
بلشت حاول شغل عود الكبريت كانت ايدي ترجف ويوقع من ايدي وارجع حاول لزبطت اخيراً .. ورميتو على الأغراض و بلشت النار تمسك بكل شي وتمتد .. ركضت البنت الصغيرة من جنبي و مرت من الحيط لبرا ..
Telegram@rwayate
طلعت من الغرفة انا وعم ارجف وابكي .. رفعت ام حسام وسندتها علي ومشيت .. بس لما وصلت لعند باب البيت كان مقفول ! ..
حاولت افتحو ما انفتح معي ابداً .. حاولت اكسرو واصرخ وارفع صوتي بس بدون اي فايده .. تطلعت حوالي بالبيت .. كان كلو عم يحترق والنار عم تمتد والدخان عم يعبي المكان ...
ركضت على الشبابيك حاول افتحهن او لاقي اي مخرج بس بدون اي فايده ..

اخر شي بتذكرو اني كنت واقفه عم اتفرج على البيت وهو عم يحترق حوالي والدخان عم يخنقني .. وام حسام على الأرض ممددة .. وشوي شوي ما عاد حسيت على شي .. وغبت عن الوعي
_
_
_
_
_

فتحت عيوني ... تطلعت حوالي
#رغد : ماما شوفي رشا صحيت
#ماما : رشا .. بنتي ؟؟؟
#رشا : ماما ! .. رغد ! .. انا .. انا وين
#رغد : انتي هون بأمان يعمري لا تخافي انتي بخير
#رشا :وين انا ؟
#ماما : بالمستشفى ... الحمدلله انك بخير كننت بموت لو صرلك شي والله بموووت
Telegram@rwayate
كان الكل حوالي عم يبكي .. وانا عم فكر شو ممكن يكون صار لوصلت لهون .. كيف بعدني عايشه .. بعدين اجا بابا وفهمت

#بابا : الحمدلله على سلامتك ياعمري
#رشا : بابا ممكن تشرحلي شو الي صار !
#بابا : لا تخافي كل شي منيح .. صفاء وصلت اليوم وهي رح تستلم جثة امها من المستشفى بس بدها تحكي معك لتعرف كيف ماتت امها ..ونزار بخير بس انحرق حرق بسيط هو وعم يطلعكن انتي وام حسام من البيت .. ضمدولو ياه بالمستشفى وراح
#رشا : نزار ؟
#بابا : اي لو بعطيه عمري ما بوفيه ..كتر خيرو لولاه كنا خسرناكي لا قدر الله
Telegram@rwayate
بنفس اليوم حكيت مع صفاء .. وشرحتلها انو امها توفت فجأة والتقرار الطبيه اكدت انو ام حسام ماتت موتت ربها وما في اي شي غير طبيعي ، وحريق البيت قلت اني نسيت الأكل على النار وكنت عم ابكي على ام حسام وصار الي صار
عرضو عليها اهلي ندفع تعويض مادي مشان البيت بس ما رضيت تاخد شي ..
طلعت من المستشفى ورجعت على البيت ، لبست بيجامتي ونمت بتختي .. ما كنت حابة احكي مع حدا ولا شوف حدا ..
ضليت على هالحالة تلات ايام .. لوقت ما اجاني اتصال على هاتف البيت .. جابتلي رغد الهاتف هي وعم تبتسم ابتسامة خبيثة
#رشا : الو ؟
#نزار : كيفك ؟
#رشا : انت ؟
#نزار : اي انا .. اخدت رقم بيتكن من ابوكي بالمستشفى قلتلو بدي ارجع اطمن عليكي
#رشا : كتر خيرك انا منيحه
#نزار : ليش هيك عملتي ؟
#رشا : شو عملت ؟
#نزار : ليش حرقتي البيت ؟
Telegram@rwayate
#رشا : انا ؟ ..لا ..لأا ابدا بس نسيت الطبخه على النار و
#نزار : لا تكذبي علي .. شو صار فهميني ؟
وطيت صوتي وحكيت بهمس (( هيك احسن ، كان لازم احرق كل شي هيك طلبت مني ام حسام ))
#نزار : بتقومي بتحرقي حالك ؟
#رشا : لك لا حاولت اطلع بس الباب كان مقفول وما قدرت
#نزار: طيب طيب خلص مو مهم .. المهم انتي بخير وتطمنت عليكي
#رشا : شكراً لانك انقذتني
#نزار : يعني اقتنعتي اني ما حاولت اقتلك؟
#رشا : هههه اي اقتنعت ..
#نزار : دخلك طمنيني ... اخدتي ال 1500$ الي كافحتي مشانهن؟
#رشا : هههههههههههههه لا والله ما شفت شي .. ليش ضللي عين اطلب من المخلوقة مصاري ؟ لك سلمتها امها ميته وحرقتلها البيت ، اتخيل اطلب منها 1500$ فوقهن
#نزار : هههههه ضيعان تعبك .. طيب جبتي جوال جديد ؟
#رشا : لا صراحه لسه
#نزار : طيب بس تجيبي موبايلي اتصلي فيني وخليني اعرف رقمك ممكن ؟
#رشا : ماشي .. ممكن ..
Telegram@rwayate
ضليت انا ونزار بعلاقة حب لمدة سنتين .. لوقت ما طلعتلو الوظيفة وانتقل يعيش بالمدينة عندنا .. وانا رجعو اتصلو فيني من المستشفى الخاص الي كنت اشتغل فيه وتوظفت ، تساعدنا انا وياه وخطبنا رسمي .. وشوي شوي استأجرنا بيت صغير قريب من اهلي وفرشناه على قدنا ... وتجوزنا
بيوم العرس لما وصلنا على بيتنا كنت حاسة حالي مالكة الدنيا ومبسوطة كتير ، راح نزار يحضر الأكل وانا فتت بدلت فستناي ولبست شي مريح .. رحت على المرايا مشان رتب شعري ومكياجي .. وشفت مكتوب على المرايا بقلم الحمرا
_______________ (( أهلا بك )) _____________
ضحكت وندهت لنزار
#رشا :يعني شكراً لانك رومنسي بس هيك رح ضل نظف المرايا ساعه
اجا وقف على الباب هو وعم يضحك
#نزار :هههه شو حبيبتي ما فهمت ؟
#رشا : لك هي المرايا مين بدو ينظفها ؟بعدين اكتبلي بحبك .. صرتي مرتي .. لوفي و .. موسخها وموسخها اكتب شي رومنسي
#نزار : والله يا حبيبتي مو فهمان عليكي شي ..

تطلعت بالمرايا انا وعم اضحك (( لك هاد الي كاتبــ ـ ... ))
سكتت لما شفت ما في شي على المرايا ..
#نزار : شو حبيبي فيكي شي ؟
هزيت راسي بــ لأ
#نزار : طيب يلا الأكل صار جاهز ناطرك
Telegram@rwayate
قعدت على التخت انا وعم اتطلع بالمرايا ومستغربة ... اخدت نفس عميق وقمت لروح لعند نزار بس فجأة سمت صوت جاي من الخزانة... رحت
.. و بتردد كبير فتحت باب الخزانه شوي شوي...
شفت دلع واقفة بين التياب .. تطلعت فيني وضحكتلي .. وصارت تأشرلي بأيدها بــ مرحبا ...

#انتهت

#أهلا_بك_بقلم_مال_الشام
(((رعب))) ضفت الجزء الأخير #الخامس تحت الصورة رقم 5
☠️الجزء الأول☠️
Telegram@rwayate
وكالعاده متل كل صباح مشرق وسعيد ، غليت فنجان قهوتي وفتحت باب الشقة لاخد الجريدة الصباحية الي بتكون ملحوشة قدام أبواب البيوت ومحدا بيهتم فيها غيري انا ..
شغلت اغنية هادية للجميلة فيروز وقعدت على البرندة .. مديت رجلي على الكرسي الي مقابيلي وبلشت اتصفح الجريدة ، تحديداً زاوية اعلانات الوظائف .. كنت عم اتفحصها بتركيز لما اجت اختي رغد بصوتها المزعج من جوا
(( رشاااااااااااا ما عملتيلي قهوة معك ؟؟؟؟؟ يا الله شو ندلة يلا قومي هلأ هلأ هلأ اغليلي قهوة يلا يلا ))
مسكتلي رجلي ونزلتهن عن الكرسي بعصبية (( عم احكي معك ليش ما بتردي ؟ ))
اعطيتها فنجان القهوة الي بايدي (( خدي قهوتي ... )) ... اخدت القهوة مني وشربت والحمدلله هدي الوحش الكاسر وسألتني (( شبك بشو مركزة هيك ؟ )) .... (( ليكي رغد هاد الأعلان ! معقول حقيقي ولا مقلب ؟ ))
اخدت مني الجريدة وقرأت الإعلان الي اشرتلها عليه وصارت تقرأ بصوت عالي (( مطلوب ممرضة للعناية بامرأة مسنة وحيده وتعاني من امراض عديدة ، الراتب مفتوح والأولوية للسيدات من ذوات الخبرة في التعامل مع المسنين التواصل على الرقم التالي $$$$$$$$$$$$ ))
رجعتلي الجريدة (( وليش لنفكر ونحسبها ؟ اتصلي واستفسري وهيك منعرف ازا حقيقه او مقلب .. يلا لا تنطري اسبقي اي حدا عالسريع ))
قمت عالصالون واسناولت الهاتف الاسلكي (( فعلاً معك حق ... رح اتصل ))
نقلت الرقم المكتوب واتصلت ... رن وما حدا رد .. رجعت اتصلت مره تانيه وقبل ما يفصل الخط بالرنة الأخيرة انفتح الخط
Telegram@rwayate
#رشا : الو صباح الخير
-(بصوت مبحوح) صباح النور مين ؟
#رشا : ازا بتريد حضرتكن ناشرين إعلان وطالبين ممرضة ، انا ممرضة ومهتمة بالشغل
- ممرضة ؟ شغل ... آه آه فهمت ... ليكي صراحة هاد الإعلان طلب مني صديقي انشرو مشان حماتو .. يعني ام زوجتو هن عايشين بأمريكا و حماتو هون هلأ محتاجة ممرضة
#رشا : طيب يعني انا مع مين لازم احكي ؟
- انا رح اعطيكي رقم مدامتو تتواصلي معها مباشرة وان شاء الله بتتفقو
#رشا : بس صعب اتصل على امريكا بصراحه
- ايه ابعتيلها عالواتس اب مو صعبه
#رشا : ايه صح معك حق .. طيب ممكن تعطيني الرقم ؟
- سجلي عندك $$$$$$$$$
///انا رشا ، عمري 26 سنة تخرجت من كلية التمريض واشتغلت بمشفى خاص ، تعرفت هنيك على شب وخطبنا .. ضلت علاقتنا لمدة سنة ونص لوقت ما زبط امورو بوظيفة بالسعودية وبعد ما سافر بتلات شهور بعتلي انو هو محتاج وقت طويل ليأسس حالو و ما بدو يوقف بوش مستقبلي وحياتي ... وانفصلنا بكل بساطة و الأحقر من هيك انو بعد خمس شهور خطب و تزوج .. فتت بحالة اكتئاب وتركت شغلي ولما وقفت على رجلي وطلعت من اكتئابي البايخ اكتشفت انو ما في وظايف بالبلد وانا تركت وظيفتي بكل بساطة ... وهي صرلي تقريباً سنتين ما عم لاقي شغل
Telegram@rwayate ..
عيلتي هي عبارة عن امي ربة منزل ، والدي محاسب .. اختي رغد طالبة بكلية الطب ، وليد هالسنة بكلوريا واخر العنقود سليم صف تاسع ..
وضعنا المادي تعبان و بلشت تتراكم علينا الديون
وضعي العاطفي مع وقف التنفيذ واعتقد والله اعلم اني دخلت عالم العنوسة من اوسع ابوابو ، هيك بسمع من العالم .. منرجع هلأ لموضوع الوظيفة ... ////
بعد ما بعتت سليم يعبيلي وحدات بموبايلي ، شبكت انترنت وبعتت عالواتس اب لرقم مدام صفاء
#رشا : مرحبا .. انا اسمي رشا ممرضة مع خبرة لمدة سنتين بمستشفى خاص وحالياً متفرغة تماماً وعندي خبرة ممتازة بالتعامل مع الكبار بالعمر ، ممكن تعطيني تفاصيل اكتر عن الشغل مدام صفاء ؟
وصل اشارة صح وحده .. وضليت هيك عم استنا للساعه خمسة العصر حتى صارو صحين زرق وانا صارو عيوني قلوب حمر ... "جاري الكتابة"
#صفاء : اهلا رشا ، ممتاز ممتاز متل ما بدي بالضبط .. حبيبتي كم عمرك ؟
#رشا : 26
Telegram@rwayate
#صفاء : طيب رح وضحلك كل التفاصيل عن الشغل ، انا اسمي صفاء عمري 30 سنة متزوجة بأمريكا من أكتر من 10 سنين ما نزلت خلالهن على البلد ابداً ... عندي اخ وحيد حسام الله يرحمو توفى من ست شهور كان هو قاعد مع امي هو وزوجتو وبنتو .. ومن اسبوع توفت بنت اخي الصغيرة الله يرحمها .. لهيك زوجة اخي اخدت اغراضها ورجعت لبيت اهلها .. وتركت امي لحالها وحالياً في لفاية بتروح ساعتين تنظف البيت وتعطيها دواها وتروح وعم ادفعلها مبلغ كبير ، يعني عم تستغلني وامي عم تضل لحالها .. وانا بدي اسبوع واحد لاقدر انزل شوف امي ... متل مو شايفه انا كتير كتير كتير مضطرة للمساعده وانتي اجيتيني من السما
#رشا : اول شي البقية بحياتك مشان اخوكي وبنت اخوكي ، تاني شي بدي تفاصيل عن الشغل مثلاً فترة الدوام ... والمكان .. والراتب
#صفاء : طبعاً ... المكان بوادي الرمان

فجأة تحطمت كل احلامي وآمالي !! وادي الرمان كتير بعيد بدو 5 ساعات بالسيارة ، منطقة متطرفة وبعيده عن معظم الخدمات والتجمعات السكنية
#صفاء : الدوام بدي ياكي تنامي عندها مدة اسبوع يعني تقعدي عندها مع مبيت
بحلقت عيوني وعم اكتبلها فوراً انو الشغل ما بناسبني .. قبل ما اكبس على إرسال شفت رقم .. رقم ... رقم حلو كتير
Telegram@rwayate
#صفاء : الراتب 1000$
رحت على الحاسبة وصرت حول من الدولار لليرة ... يطلع معي رقم كبير كتير عد الأصفار وارجع اضربو مره تانيه واحسب .. !
#صفاء : الو ؟ حضرتك معي ؟
#رشا : 1000$ ؟؟؟
#صفاء : ليكي رح ادفعلك كمان 500$ بدل مواصلاتك واكل وشرب ، ومصروف امي ما تشيلي همو ما رح قصر معك ابداً
#رشا : يعني 1500$ لمدة اسبوع واحد ،عنجد بتحكي ؟
#صفاء : اي عنجد لانو انا كتير مضطرة وما عندي حل تاني ، عالأقل بتطمن امي تضل عايشة لاوصلها ولا اتركها تموت مشان ما ادفع؟ ... وبالمناسبة امي طريحة فراش ، حكيها تقيل كتير يعني ممكن تفهمي عليها شو بدها وبتسمعك وبتفهم عليكي ورح حولك الراتب سلفاً بس بدي تبعتيلي صور عن شهادتك وخبرتك وتفاصيلك الشخصيه متل هويتك ... شو قلتي ؟ بيناسبك هاد الحكي ؟ ...
/// بعد معركة اقناع ضاريه مع بابا وماما .. وحكي الناس وحكي العالم والعادات والتقاليد وخوفهن علي والعيب و الحرام وإلى آخره .. قدرت انجح واقنعهن انو هي فرصة ذهبية وما بتتكرر ... وهيك خلال اسبوع واحد كنت مجهزة اغراضي و طلعت انا وبابا على وادي الرمان ..
وصلنا على العنوان الي معي ... بصراحه المكان اسوء مما توقعت ... كأنو هي المنطقة لسه عايشة بالعصر الحجري ...بيوت من طين و دكانة صغيرة وهدوء رهيب .. لوقت ما وصلت لبيت أم حسام الي هي امها لصفاء ودقينا الباب
فتحتلنا اللفاية الي حكتلي عنها صفاء ///
#رشا : مرحبا
- اهلين .. انتي الممرضة ؟
#رشا : اي انا
- طيب لكن انا رح امشي
فاتت جابت غراضها وطلعت بدون ما تحكي معنا وانا وبابا نتطلع ببعض ... فتنا لجوا وكان بيت عادي ما فيه شي غريب
Telegram@rwayate
غرفة المعيشة مكونة من قطعتين كنب مورس ( خشب ) لونهن بني .. و فرشتين ممدودين بالأرض وسجادة وفي مروحة معلقة بالسقف عم تلف وتطلع صوت زقزقة
فتنا على الغرفة الي بابها مفتوح ، وهناك كانت ام حسام نايمة على تختها وجنبها طاولة عليها كيس ادويتها
#رشا : مرحبا يا خالة انا الممرضة الي بعتتني لعندك بنتك صفاء وهاد ابي بتسمحيلنا نفوت ؟
هزت براسها .. فتت انا وبابا وقعدنا على الفرشة الي على الأرض وبلشت احكي معها وحاول كون لطيفه مشان هي ترتاحلي وتكون مبسوطة بوجودي .. بابا كان عم يتفحص المكان بعيونو وحسيت انو ارتاح نوعاً ما .. بعد ساعه نامت ام حسام ، وبابا طلع يعمل جولة بالمنطقة ليتعرف عليها اكتر . Telegram@rwayate. انا اخدت فتلة بالبيت كان في غرفة نوم واضح انها كانت لحسام ومرتو و غرفة مقفولة ما انفتحت معي وكان في غرفة فيها تخت بيبي لونو زهر وصندوق العاب يبدو انها للبنت الصغرة الي توفت .. سمحت لحالي حط اغراضي على تختها الصغير .. وجيب فرشة من الصالون وحطها بهي الغرفة مشان تصير غرفتي الخاصة خلال هالأسبوع الي رح مضيه ..
المطبخ كان عادي وفي الو غرفة مونه مليانة اكل ومعلبات ومونة واغراض ومو ناقصو اي شي ابداً .. طلعت لبرا ولفيت حوالين البيت .. ورا البيت في شجرة انجاص كبيرة كتير .. وبيطل البيت من ورا على مقبرة وادي الرمان
مقبرة قديمة كتير وصارت غير مستخدمة لان ما ضل مساحة ليدفنو فيها حدا يعني مسكرة من زمان ما فيها شي بيخوف الحمدلله . رجعت لجوا وتمددت على الكنباية وضليت صافنه بمروحة السقف هي وعم تزقزق وعم فكر كيف رح مضي هالاسبوع بعيده عن اهلي وبهل مكان الغريب هاد .. هيك لغمضو عيوني .. ونمت .. //
صحيت مفزوعة لما حسيت في ايد عم تمسح على شعري ، مسكت الايد وقمت على طولي
#بابا : شبك ابي رعبتيني
#رشا : انت الي رعبتني بابا
#بابا : حبيبتي انا صار لازم امشي مشان لحق لاقي مواصلات ترجعني عالبيت .. بس والله انا خايف عليكي ولسه ماني مقتنع
#رشا : ياحبيبي يا بابا هي انت شفت بعيونك ما في شي بيخوف ، بعدين بنتك مو صغيرة انا قد حالي و قوية
مو كنت ضل مناوبات بالمستشفى وارجع لحالي بنصاص الليالي عالبيت .. لا تخاف علي
#بابا : المكان هون كتير هادي ومافي كتير ناس يعني عائلات معدودة .. هيك لاحظت انو ما في شباب زعران
#رشا : اي ممتاز الحمدلله ، حكيت شي مع حدا ؟
#بابا : لا والله بس تمشيت بهل شوارع وشفت ما في شي بيخوف و في دكانة قريبة منك بالنزلة الي ورا البيت .. مقابل المقبرة القديمة
Telegram@rwayate
#رشا : هي اقرب دكانة موجوده ؟
#بابا : اي اقرب وحده ... شو قررتي خلص ما رح تتراجعي عن قرارك ؟
#رشا : لا ابداً ... كلو اسبوع واحد لا تعملها قصة الله يخليك .. بعدين هي المصاري رح تحل مشاكلنا وما نخلي علينا اي دين
#بابا : بس انتي مانك مجبورة تتكفلي بموضوع المصاري ربك بيحلو

#رشا : توكل على الله بابا ، تيسر قبل ما تغيب الشمس
#بابا : ماشي .. متل ما بدك ..
/// ودعت بابا على باب البيت ، فتت وقفلت الباب .. ورحت تفقدت ام حسام وفتحت كيس الأدوية وصرت راجع الأوقات و عدد الحبات مشان ما انسى شي .. بعدين فتت على المطبخ حضرتلنا لقمتين ناكلهن انا وياها .. طعميتها بايدي واعطيتها ادويتها وغسلتلها ورجعت حطت راسها ونامت .. طلعت على الصالون وشغلت التلفزيون و صرت احكي على الواتس اب مع رغد لمضى الوقت وصارت الساعه 9 بالليل دقيت على اهلي قلتلهن تصبحو على خير .. وفتت قعدت شوي مع ام حسام عملتلها سندويشة مشان تاخد دواها و دخلتها على الحمام .. غيرتلها تيابها وكانت ريحتها مو نظيفة واضح انها من زمان مو متحممه بس ما حبيت حممها بالليل مشان ما تبرد وأجلت الحمام لتاني يوم الصبح ، رجعتها لفرشتها وغطيتها .. نطرتها لتنام وطفيت الضو وطلعت على الغرفة الي اخدتها لنام فيها ..
فتحت باب الغرفة وشغلت الضو .. وقبل ما حط رجلي جواتها تطلعت لقيت اغراضي الي حطيتهن على التخت ملحوشين بالأرض ومكركبين كانو حدا ناكشهن ومفتش فيهن !! .. بلعت ريقي وفوراً تطلعت وراي بخوف وعيوني عم يتفقدو المكان ..
لفييت بالبيت وشغلت كل الأضوية .. وتأكدت انو الشبابيك والباب مقفولين منيح ..
رجعت للغرفة وبلشت اجمع تيابي ورجعت على التخت .. مسحت العرق الي على جبيني .. فتحت برداية الغرفة و وقفت شوي على الشباك .. كان الشباك بيطل مباشرة على المقبرة وشجرة الإنجاص .. بس عتمه كتير ومو مبين شي ..
Telegram@rwayate
تركت الأضوية شغالة وجبت غطا ونمت على الفرشة ، ضليت قلقانة ساعات وما قدرت نام ..
و للأسف خطرتلي فكرة سيئة كتير انو افتح صندوق الألعاب وشوف شو فيه لاتسلى وقطع الوقت ..
فتحت الصندوق وصرت طلع الألعاب الي فيه ، كانو عاديين سيارات ومكعبات والعاب باربي ، استغربت لما لقيت لعبة باربي صغيرة مشوهة ..
مغروس فيها دبابيس كتير وملفوفة بخيوط و شايلتلها عيونها ومشخبطة عليها بالأسود .. ما اهتميت كتير وكملت نكش بهل اغراض ولقيت اخر شي صورة قديمة فيها رجال و ست حامله بيبي .. و وجه الرجال مو واضح عليه لطخة حمرا .. حاولت امسحها بايدي ما راحت .. لفيت الصورة كمان كانت ملطخة باحمر من ورا
رجعت كل شي للصندوق بس خليت الصورة معي ، ولسبب ما بعرف شو هو خبيتها بجزداني و رجعت طفيت الضو لان حسيت بنعس ولازم اصحى بكير
رجعت لفرشتي .. تغطيت .. حطيت راسي وغمضت عيوني ... صوت زقزقت مروحة السقف واصل لعندي
وبالمرحلة الي ببلش الإنسان فيها يغرق بالنوم ، المرحلة الي بين الوعي واللا وعي ... تسلل لأذني صوت بقشعر البدن
كان صوت طفل صغير عم يبكي ... و صوت خطواتو الصغيرة عالأرض مسموع
ما عرفت حالي اذا بكابوس او حقيقه ... فتحت عيوني وتجلست وشغلت حواسي بأقصى تركيز .. #يتبع

☠️الجزء التاني ☠️
Telegram@rwayate
لسه عم اسمع صوت طفل عم يبكي ، كأنو زعلان .. او خايف .. او موجوع ! .. بيركض وبيبكي .. والصوت واضح وحقيقي .. كان كل همي اوصل لكبسة الضو مشان ما ضل بالعتمه .. وصلتلها وكبستها بس ما اشتغل الضو
ضليت حاول اكبسها بدون فايده استناولت موبايلي وشغلت الفلاش فيه .. فتحت الباب ومديت راسي بحذر كان الصوت جاي من غرفة نوم حسام ومرتو .. ضويت الطريق قدامي وما كنت قادرة شوف اكتر من خطوة وحده لقدام
لما وصلت لعند باب الغرفة اختفى الصوت مره وحده ... زادت ضربات قلبي وخوفي وكنت اتلفت حوالي واتفقد بضو الفلاش
فجأة بدل ما يكون صوت طفل عم يبكي صار صوت طفل عم يضحك وينط ويركض جوا الغرفة .. حطيت ايدي على مقبض الباب .. فتحتو شوي شوي .. مجرد ما فتحت باب الغرفة اختفى الصوت تماماً
دفشت الباب لينفتح كامل .. ضويت قدامي بالموبايل و ايدي التانيه على الحيط لقدرت المس كبست الضو .. كبستها وضوت الغرفة .. اخدت نفس وجسمي عم يرجف من الخوف .. فتت اول خطوة .. مافي شي غريب بالمكان
كل شي عادي .. وما في اي حدا هون ! من وين اجا الصوت .. انا عم اتوهم ولا الي سمعتو حقيقه كيف بدي اعرف ما عدت فهمانه شي !
تفتلت بالغرفة شوي .. بعدين لفيت ضهري لاطلع .. لما وصلت لعند الباب حسيت متل نسمة هوا فاتت عالغرفة
رجعت التفتت وراي شفت البرداية عم تطير من الهوا ، رحت بسرعه وقفلت الشباك .. التفتت لجنبي ..
كان البيرو – التواليت – قدامي تماماً .. ومكتوب عليه بقلم الحمرا (( أهلاً بك ))
____________________________
اليوم التالي (أول يوم للعمل من الأسبوع المحدد) الساعه 8 صباحاً
Telegram@rwayate
____________________________
ساعدت ام حسام لتقوم .. وفتنا على الحمام .. حممتها وليفتها ونشفتها منيح وعطرتها .. لبستها تيابها وقعدتها على جنب لغيرتلها شرشف السرير والغطا وعطرتهن وبعدين جبتها حطيتها على تختها .. اشرتلي لقرب منها (( جوعانه ))
ابتسمتلها وهزيت براسي (( يلا حاضر بس خليني انا كمان اخد دش وبعدها بجهز الفطور وبعطيكي الدوا ))
اخدت تيابي وفتت على الحمام ، كنت تعبانه كتير ومو نايمة ابداً بعد ليلة امبارح ، خلصت حمامي وطلعت عالمطبخ حطيت حواضر لنفطر .. طعميت ام حسام وانا ما قدرت اكول شي واعطيتها دواها وطلعت على الصالون حكيت مع رغد وقلتلها كل شي صار معي الليلة الماضيه .. وما لقيتها غير عم تضحك
#رغد : هههههههههه قلنالك بلا هالروحة والله لخلي البيت كلو يضحك على هبلك
#رشا : ممكن ما تاخدي الموضوع بمسخرة انا عم احكيكي جد .. و وطي صوتك ما بدي اهلك يسمعو
#رغد : مفكرة رح يخافو عليكي ؟ رح يضحكو على هبلك يا مجنونة هههههههه
#رشا : بتعرفي انا غلطانه الي حكيتلك .. خلص روحي سلام
#رغد : لك تعي زعلتي؟اسفه بس يعني اختي واضح انو انتي مرعوبة لانو اول يوم الك .. مكان غريب وبيت غريب و كل شي جديد عليكي .. وشالفينك بوادي الرمان بعيد عن البشر وجنبك مقبرة .. اي معك حق تكوبسي وتنرعبي
Telegram@rwayate
#رشا : طيب ماشي رح اجي معك ، هي كلها تهيئات .. والحكي الي كان مكتوب عالمرايا ؟
#رغد : مو قلتيلي لما رجعتي فتي على الغرفة الصبح ما كان في شي مكتوب على المراية ؟
#رشا : ايه صح بس انا والله شفتو بالليل متأكدة !
#رغد : تهيئاااااااااااات ...انا دكتورة وعم قلك هي حالة طبيعية هلوسات من التعب والجو الجديد
#رشا : طيب .. يمكن معك حق
بعد الغدا لما نامت ام حسام جهزت الي وقررت اطلع اتمشى شوي وامرق على الدكانة جيب بن لان البن الي بالبيت قديم كتيرر وما الو طعمه ..
نزلت باتجاه المقبره وفوراً لقيت الدكانة .. قبل ما فوت عالدكانة رحت باتجاه المقبرة
وقفت على بابها ، كانت مسورة بشبك حديد .. ضليت صافنه عم اتطلع بالقبور الكتيرة و شفت كلب عم يمشي بعيد بآخر المقبرة .. وانا صافنة حسيت حدا وراي ...
- مرحبا
#رشا : اهلين
- عم تدوري على شي يا انسة ؟
#رشا : لا سلامتك
Telegram@rwayate
تركتو ورحت باتجاه الدكانة وحسيت فيه لاحقني .. التفتت عليه بعصبيه
#رشا : خير شو بدك ؟
- ما بدي شي والله
#رشا : ليش لاحقني لكن ؟
- مو لاحقك يا انسة بس شفتك فايته على الدكانة فاجيت فوراً
#رشا :ها يعني لاحقني
- لك لا مو لاحقك بس انا صاحب الدكانة افهمي علي
#رشا : ولو .. هاد مو مبرر انك تلحقني
فتت عالدكانة وصرت لف فيها ، وهو فات و قعد ورا طاولتو بدون ما يحكي معي
اخدت شيبس وشوكلا و ظرف قهوة وحطيتهن على طاولتو
- انتي مو من المنطقة هون اول مره بشوفك
#رشا : انا ضيفه جايه بس اسبوع
- اهلا وسهلا فيكي انا اسمي نزار صاحب هي الدكانة ، اي شي بتحتاجيه انا بخدمتك
#رشا شكرا كتير ولا تواخذني على عصبيتي بس مريت بليلة مو لطيفه ابداً
#نزار : ههههه بسيطة ولا يهمك ما انزعجت منك ، محتاجة شي تاني ؟
#رشا : بتبيع هون وحدات ؟
#نزار : ايه طبعاً بدك ؟
#رشا : لا مو هلأ بس هيك سؤال مشان ازا احتجت
#نزار : انتي وين ساكنه هلأ ؟

#طقوس_عانس
#للكاتبة_جمايكا_أحمد

الجزء الاول ..

#جوليا :- بحياتك مارح تتغير رح اضل طول عمرك اناني وتعيس وبتفكر بس بحالك..

#نديم :-هلاء انا صرت اناني ولا انتي انسانة مابتشبعي ولا قنوعة..

#جوليا :- اي مابشبع الحياة مو أكل وشرب انا كنت عايشة مع اهلي عم اكل وعم اشرب حاجتك تحكيني بهاي الطريقة كل ماصار خلاف بتقلي مابتشبعي على شوية اغراض للبيت عم تسمعني وياريتني انا يلي باكلهن كلن لالك ولعزايمك يلي مشغلني فيهن يوميا..وبعد ما تنتهي عزومتك يا بتنام يا عند رفقاتك ياعينك بالموبايل مابتشيلا ..

#نديم :- اووووف كل يوم نكد ومشاكل ونق مليت من هالعيشة هاااي ومابدي ضل بالبيت ..كرهتيني فهالحياة يلي كلها نق ..

#جوليا :- ليش مو انت يلي كنت قاتل حالك لتعيش معي هلاء صارت ماتعجبك ..

#نديم :- لا ياستي ماعاد يعجبني انا بدي صبية صغيرة اتزوجها تجيب لالي اولاد شو يلي ضرب بمخي واتزوج كبيرة قال فهمانة ..

#جوليا :- بدك تزوج عليه

#نديم :- ماحد بيقدر يمنعني ..

#جوليا :- اذا بتزوج عليه اعرف انك خسرتني..

#نديم :- بالناقص ..يالا سلام رايح اغير جو..

.....

#رشا :- اختي انتي هون .. ليش عم تبكي شو صرلك ..احمد فوت شنتاية جوليا..

#جوليا :- ماعم اقدر اتحمل اكثر يا رشا الحياة ضدي بكل شي ..

#رشا :- قليلي شو يلي مزعلك هيك .. متمشكلة مع نديم مدايقك بشي.

#جواليا :- مين يعني غيروا تعبت ..

#رشا:-رجع ضربك.

#جواليا :-لاء.

#رشا :-لكان

#جواليا :-بدو يتزوج عليه ..

#رشا :-لاء مابعملها ..بس حكي ..

#جواليا :-اليوم فتح الموضوع مع دار عمي وهني موافقين ..

#رشا :-اووف شو هالحكي مو على اساس انتي الكنة اللي مابتتعوض حكيتي مع عمك

#جواليا :-اي بس مارد عليه صار يقلي بدو اولاد وانو ماقصرنا معك وعالجناكي وانتي بنت منيحة واعتبريها اختك الصغيرة واحتويها وابنها هو ابنك..كان عم يحرقلي قلبي بأسلوبو ..ماقدرت اتنفس قمت جمعت تيابي وجيت مالي قدرة اشوف وحدة تانية عم تشاركني حب عمري اصبرت عليه 9 سنين وهو يقلي السنة هاي السنة الجاي...ومن فات القطار فيني وفيه اجا طلبني..

#رشا :-مافاتك القطار ولا شي عمرك بعدو 34 ومعك عمر لتجيبي اولاد وهاي قدرة الله وحاجتك اتفكري بهالحكي ..انا رح احكي مع ابي يحاكيه بلكي ...

#جواليا :-لاتقولي شي..وينا امي..

#رشا :-امي اها طلعت مشوار يمكن عند خالتي ..تاكلي معي

#جواليا :- مالي نفس .. انا بدي نام شوي ..

#رشا :-ومين لالو نفس على هالدنيا الغبرة..

(( انا رشا عمري 29 سنة واختي جواليا عمري 34 سنة وبينا صبي اسمو احمد عمروا 32 ولهلاء ما اتزوج..حياتنا بلشت بسيطة انا واخوتي مقفل بيتنا على حالنا ..ماحد بيعرف عنا شي .حتى الجيران مابيعرفوا اشكالنا او اسماءنا ماكنا نختلط بحد من البيت للجامعة ومن الجامعة للبيت ..دراسنا فنون جميلة وانهينها .انا واختي على قدر من الجمال ..الحمد لله بس حظ مافي..رغم انو خلصنا جامعة بمعدلات ممتازة الا انو وظيفة ماعنا ..حتى اخي خلص جامعة وكل مابيروح يقابل لشغل برفضوه..والمعيل الوحيد هو بقالة ابي..دكان على قد الحال شوية سناك وشغلات طيبة بتجيب لالنا .مصروف اليوم. .الحمد لله لانحنا فقراء ومحتاجين ولا نحنا اغنياء ومبذرين على قد لحافنا بنمد رجلينا ..من اختي خلصت جامعة بلشت تاخد دورات ومعاهد ترفع مستواها اكثر لتحصل على وظيفة وللاسف كانت محاولاتها تبات بالفشل ..احيانا تحصل على وظيفة شهر شهرين بس بآخر المطاف يبدلوها بشخص تاني ...او يوقف عقدها ..حتى الزواج رغم انها طويلة وجميلة وشعرها لتحت خصرا وعيونها لوزية الا انو الخطابة من يفوتوا بيتنا وينبهروا بجمالا الا انهن يرفضوها ومايرجعوا يردوا علينا ..هالشي تعب اختي وزاد الوضع سوء عليها ..ماعنا حد بيكرهنا لان ماكنا نسيئ لحد لهيك راح من بالنا انو الموضوع سحر وهالحكي الفارغ ..

#ام أحمد :- رشا ما اتصل علينا حد..

#رشا :-ليكني امي قاعدة جنب التلفون ماحد اتصل ..

#ام احمد :-وينها اختك..

#رشا :-عم اترتب بغرفة اخي فوق..

#ام احمد :-طيب اقفي عند السلم ومن تجي تنزل خبريني بدي دق لام سلطان اسألها ليش مارجعو ردوا خبر الخطابة..

#رشا :-حاضر امي ..

#ام احمد :-عم يرن ..الو كيفك حبيبتي وينا امك ..اي اعطيني اياها ..الو ام سلطان كيفك حبيبتي ..

#ام سلطان :-اهلين ام احمد اي حبيبتي الحمد لله وانتي ..

#ام احمد :-بخير من الله بس زي مابتعرفي كنت بدي اسالك وبغلاة الغالي عندك لاتخبي عليه ..صرلي اسبوع عم انطر الناس يلي من طرف قرايبك قليلي ليش ما اتصلو على الاقل يقولوا موافقين او لاء..

#ام سلطان :- بالله عليكي ماتاخدي على خاطرك من كلامي..

#ام احمد :-يووه يابنت الحلال ليش لاخد على خاطري نحنا خوات ..ورفقات عمر قولي الله يسعدك..

#ام سلطان :-مابدي تزعلي لكلامي يلي رح قلك اياه وبدي تسمعيه من هون تطلعيه من ذانك التانية ..

#ام احمد :- قلقتيني يالا قولي..

الجزء الثالث ..

#رشا :-من شوي ..نامت وهي بتبكي..

#ام احمد :- ابوكي مارح يقبل يحكي معو..شو بدنا نقول للرجال لازم تمنع

شرع الله ..

#رشا :- ياربي شو هالحظ ..

#جواليا :-بدي اطلق..

#ام احمد :-عم تسمعنا ...شو قالت.

#رشا :-بدها تطلق..

#ام احمد :- استهدي بالله يامو شو هالحكي ..شو تطلقي ماتطلقي..

#جوليا :- امي انتي مانك حاسة فيني انا تعبت لوصلت لهاد الحال انا يلي صبرت لاخدو لنديم عملت المستحيل تعبت حالي كرمال لاصير لالو ..صرت اشتغل في بيتهن لاقدر شوفو..جمعت الليرة فوق الليرة لاقدر ساعدو ويوقف على رجليه ويجي بطلبني...انتي مابتعرفي شو تحملت شغلات وليالي عذاب لاقدر طبطب على قلبو .اعطيتو عيني ليقدر يغمضها وينام مرتاح..كنت اسهر على تعبو لينام..هو ماصار الا من تعبي انا يلي كنت سندو..اي الله ما اعطاه ولد بس اعطاه وحدة مثلي شايلتو على كفوف الراحة..تعبني ياامو انصدمت من قلي رح يتزوج ..كنت مفكرة انو مشغول على الموبايل للتسلاية كان عم يحاكي بنت اصغر منو ب 12 سنة ... من شفت الرسائل تبعتو تحت ايدي انصدمت نفس الحكي يلي بقلي اياه بقولوا لالها ..عم يبنى معها مستقبل واطفال..نفس ماكنت احلم معو يا امي ااااااخ ...

#رشا :- اشربي يختي هاد الليمون والله لتروقي وربك رح يحلها وهو مفرج الهموم..

#جواليا :-مالي نفس ...بدي اتصل عليه بدي احكي معو..

#رشا :-شو بدك تقليلو ..

#جواليا :-اللي بقلبي ..

#ام احمد :-خليها تحكي معو ..

#رشا :- عم يرن ...

#جوليا :-اعطيني اعطيني..

#نديم :-الوو جوليا وينك انتي ليش ماخبرتيني انك طالعة ..

#جوليا :- انتي ليش عم تعمل فيني هيك ليش بدك تتخلى عني وتروح لغيري مو انت يلي حلف بحياتك تبقى العمر للموت سوا..ليش هيك عملت ليش صرت تمل مني وانا يلي حتى منك مابشبع..انا ماعم سدق انك بدك من ايدي تروح ..قلبي بيوجعني شعلان من جوا...شو بدك اقلك كمان.. روحي مخنوقة من جوا حاسة حالي بدي مووت ...مو انت يلي وعدتني انو مستحيل نتفترق حتى يوم ..مرت سنين ليلة مانمت فيها برب البيت .. شلون بدو يهون عليك تنام جنب غيري وتتركني..مين يلي سندك طول عمرك مين يلي ضل واقف جنبك ومسح دمعك وهون عليك مصاعب هالدنيا...طيب الله وبعدو ما اراد يصير عندنا ولد بس بس مو سبب تكسر خاطري وقلبي هيك..

#نديم :-جوليا اسمعي اسمعي نص الحكي مافهمتو وانتي عم تشهقي ..

#جوليا : عم اشهق ..

#نديم :-اهدي وروقي اللي صار صار البنت كتبت كتابي عليها من ساعة ..ومابدي اتراجع وانتي الكل بالكل وانتي الاولى وما اتخلى عنك ورح اعدل والله ..بعدها جاهلة مابتفهم شي انتي بتقدري تمشيها بكيفك..

#جواليا :-حسبي الله فيك وفيها 😢😢..خدي امي خدي..مابدي اسمع صوتو ..طلقوني هلاء منو طلقوني انا بكرهوا لهاد ...

# ام احمد :-طفي امي ...

#رشا :- نديم رح نقفل هلاء اختى انهارت ومافيها تحكي ...

((ضلينا ايام على هاد الحال كل ما اختي تذكر جوزها تحزن ..وتصير تبكي ..لوقت ما اجتها ورقة الطلاق من جوزها ..وهاد يلي صدمها اكثر لانها لاراحت ولا اجت ...بس كنت اتوقع منها تنهار وتنصدم كل يلي عملتو مسكت الورقة وقطعتها ..وعملت شاي وقعدت جنب الشباك ..وهي مرتاحة البال استغربت منها ومن تصرفها ...

#جوليا :-ليش عم تطلعي فيني هيك ...

#رشا :-لا مافي شي انتي منيحة..

#جواليا :-اي وكتير كمان ..

#رشا :- فيني اقرب لعندك..

#جوليا :-تعي اكيد ..انتي كم صار عمرك 29 سنة ما...

#رشا :-اي هيك شي ..

#جوليا :-وانا 34 ...😂😂..

#رشا :-شوية ونفوت سن الياأس..

#جوليا :-ليش انتي لهلاء مافتيه ...معقولة ..

#رشا :-ههههه يعني يمكن فتو وماحسيت على حالي ..

#جواليا :- جاي على بالك تزوجي..

#رشا :-ههههه لاء مالي نفس..

#جوليا :-ليش هو اكل ..

#رشا :- لا هو شي بسد النفس ..

#جوليا :-كذابة اساسا احلا شي..بس عارفة لمين للبنت الغبية والقبيحة..اللي مثلنا مابزبط معها .. مو بقلك بخت القبايح بالسما لايح وبخت الملايح بالارض طايح..

#رشا :- سادقة..

#جوليا :-من تجيكي شي صرماية اقبلي فيها دغري وانتي مغمضة عيونك..

#رشا :-صرماية ههههههه اخ ضحتيني طيب واذا ما اجت على قدي..

#جوليا :-عادي اشلحيها والبسي غيرها لتلاقي المناسب..تعرفي شي هالرجال لو قردة بحبو يتزوجوها ..بحبو يجربوا كل مرة وحدة شكل ..بملو من وحدة ..اذا جابت لالهم اولاد وخرب جسمها بصيروا يقرفوا وعينهم يمين ويسار ..واذا ضلت محافظة على جسمها ويامحلاها بصيروا كمان بدون يتزوجوا ..واحنا شو ناقصنا هاداك عنا ووقت مايجيكي عريس اتزوجي الله حلل لالنا.. وجربي مثلهم ..واياكي تقولي مابدي اياكي ولا تهتمي لكلام الناس ..يصطفلوا مارح ينفعونا بشي ..هني مين ليحرموا شي الله حللو..

#رشا :-وانتي من يجيكي حد راح توافقي..

#جوليا :-عم احسب ايام العدة بالساعة ..لاتقلقي من تاني يوم رح ابحث عن عريس..

#رشا :-هههههههه وين بدك تبحثى عنو..