ة من الي صار وحتى طعمة الكبة بلبنية ما حسيت فيها من الفرح😅

فتت عغرفتي وزتيت حالي عالتخت فجأة بيرن الهاتف الأرضي رفعتو وحطيتو عأدني بس ما سمعت صوت

تولين. الو الو. مين ردو بقا
اجيت لسكر السماعة ولا واجهني صوت مو متوقعتو ابداً وقبل ما يحكي سكرت السماعة بسرعة ورجع رن الهاتف مرة تانية

تولين. الو. خيير شوفي شو بدك اوووف
هبة. لك شبك شو عم يتهيألك شو جنيتي
تولين. هبة!!
هي انتي
هبة. لاء خالتو رنا

تولين. بلا غلاظتك هبة شو عاملة
هبة. ولا شي قاعدة ملانة
تولين. ملانة!!
وليه ما قلتيلي مبارح انو اخوكي رح يجي بعد سنة
هبة. ههههه شفتي اليوم اجا كان عامللنا ياها مفاجئة لو تشوفي شو عملت ماما لما شافتو
تولين. اها يعني مشان هيك ما رحتي عالجامعة اليوم
هبة. مبسوطة بأخي مالي نفس روح عالجامعة
تولين. لي انتي ايمتا كان الك نفس😅
هبة. لك خلص حاج تلعي عالهاتف طلعي عالسطح ورح ساوي شاي وجاييتك
تولين. ازا في بزر بطلع
هبة. خلص أمري لألله بحمصلك بزر تولين خانوم
تولين. اي ازا هيك جاييتك

حطيت عراسي الأشرب الابيض وطلعت بسرعة قعدت عالحرف الي فاصل بينا وبين جيرانا فجأة حسيت بحدا عم يمسكلي شعري الي طالع برا الأشرب واول ما اندرت حسيت حالي دخت من المنظر

تولين. عععمررر!!....#يتبع
#رومانتيكا

الكبة بلبنية :هي أكلة مشهورة بسوريا وهي عبارة عن كبة ببرغل متل شكل الكبة المقلية بلبن رايب بس من دون قلي اما السكبة هي عبارة عن الوعاء الذي نسكب به الطعام 😅متل ما موضحة بالصورة بأول تعليق
#نبض_الحياة_بقلم_رومانتيكا
الجزء الثاني..........

تولين. عمرررر!!
عمر. ايي عمرر شبك؟!
تولين. لا ما فيني شي بس نقزتني😅
عمر. ههههه لتاني مرة اليوم بتقولي نقزتني شو شايفتيني بعبع
تولين. لا مو هيك بس ما بكون متوقعة اني شوفك بس
عمر. ازا بدك بروح
فجأة انتبهت على شعري الي لساتو ماسكو وهو لما حس عحالو فلت شعري ونزل عيونو عالأرض من الخجل😊
عمر. اسف ما كان قصدي بسس بسس
تطلعت في تطليعة خبيثة تولين. بس شو
عمر. اسف يعني ما انتبهت انو انتي فكرتك اختي وحتى هبة قالتلي طالعلا صينية الشاي معي وانا تأخرت شوي فكرتا سبقتني لهون
تولين. ههه ولا يهمك

قبل ما يسافر عمر كنت لساتني صغيرة وعمر اكبر مني بسنتين اول ما اجيت عالحارة بعد ما ماتت ماما كان عمري 10 سنين وكان عمر دائماً هو الي يحميني وما يخلي حدا يضربني ،كان يدير بالو علي متل اختو ولما كبرنا كان يغار عليي من كل شباب الحارة ما يخلي حدا يأذيني كان يتدايق لما يشوف شعري طالع من الحجاب وقبل ما يسافر لما كان عمري 16 سنة اعترفلي انو بحبني بس انا ما سمعتو لاني ما كنت متخيلة انو رح يتركني ويروح وحتى كزبت عليه وقلتلو اني ما بحبو

هبة. بععععع
تطلعنا انا وعمر ببعضنا بعدين تطلعنا بهبة وقلنا بصوت واحد
تولين عمر. شو عم يتهيألك
هبة. آااه لا بس كان فكري نقزكون بس الهيئة ما نقزتو
تولين. تنقزينا والله فكرت اجتك الحالة متل كل مرة😀
ضربتني عكتفي هبة. غليظة😏
هبة. عمر نزيل لتحت عم تناديلك امي الهيئة اشتاقتلك
عمر. بس انا ماني سامعها عم تناديلي
هبة. لاء قبل ما اطلع قالتلي بدا ياك ما بعرف شو بدا
عمر. نازل😒
بعد ما مشي عمر شوي تولين. عنجد عم تناديلو
هبة. لاء شو رأيك يضل قاعد معنا
تولين. عادي ققصدي اي ما قصرتي
بصوت عالي عمر. سمعتكون ها بس نازل

هبة. اووف دخيل الله محلا الهدوء بعد ما نزل لو ما قلتلو ينزل كان بيضل هون لبكرا
تولين. شو قصدك🙄
رجعت شوي لورا وتطلعت عليي بمسخرة هبة. لا ما قصدي شي سلامتك عبي شاي عبي رح يبرد اصلاً
تولين. اي ورح تخليني قاعدة هون عالحرف يا اما منقعد عسطحنا يا اما عسطحكون
هبة. اي خليكي ما بيصرلك شي هلق خلينا بالمهم
تولين. اي مهم
هبة. شو صار معك بخصوص احمد
تولين. مشان الله لا تزكريني اليوم عم يدقلي عالأرضي
هبة. عنجد شو قلك
تولين. ما لحق يقلي اصلاً دغري سكرت السماعة وبعدين حكيتي انتي
هبة. اها وانا قلت بعقلي شو صرلا البنت اجتا الحالة
تولين. شو شايفتيني متلك 😏
بس لو افهم من وين جايب رقمنا لك انا خايفة يرجع يدق
هبة. والله انا شايفة الشب بيحبك
تولين. تحبو حية كرهني حياتي يعني ما بيكفي بالجامعة لاحقني عالبيت كمان
هبة. اي شو بدك احلا من هيك ما شفتي هديك المرة كيف صرخ قدام كل الطلاب انو بيحبك الشب رومانسي كمان
تولين. الله ياخدك ماني عرفانة كيف يمرقو هالشهرين وافتك منو بالجامعة
هبة. بيلحقك عالهفا عالمريخ لا مفر..لا مهرب😜
مسكت كمشة بزر ورشيتا عليها تولين. اصلاً انا نازلة لتحت هه بطلت أكل بزر كمان
هبة. لك تعي يا مجنونة
تسطفلي باكل لحالي

نزلت لعند ستي وتركت هبة لحالا كانت تيتا لابسة النظارات وعم تشتغل بالصوف

تولين. مرحبا تيتا
ام بكر. يا اهلاً شو ما كنتي طالعة تقعدي مع هبة عالسطح غريب ما طولتي
تولين. ما طولت يعني ارجع طول
ام بكر. لا بس مالك بالعادة هالمرة ما ضليتي غير ساعة بالعادة بتعليني لتنزلي
تولين. مليت منها ونزلت
ام بكر. امم
تولين. تيتا ما قلتلك لا

عات طويلة وما كان يدقلي وموبايلو خارج التغطية رجعت توترت من أول وجديد صرت روح واجي بساحة المشفى حتى الكل لاحظ التوتر الي باين عليي

مر أسبوع على نفس الحالة اهلو ما بيعرفو وينو وصار الي توقعو ماتت ام شادي وانا مالي شغلة وعملة غير صلي وأدعي يرجعلي بخير وسلامة

المسا كان عندي مناوبة بالمشفى وعم بفرك أصابيع ايديي وادعي لشادي فتحت موبايلي وصرت قلب بين صفحات الأخبار خبر ورا التاني
فجأة مرق عليي خبر "العثور على جثة شاب سوري مسروقة الأعضاء في أراضي الحدود السورية"

تسارعت دقات قلبي وصارو ايديي يرجفو ما كنت قادرة أتحكم بأصابيع ايديي
فتحت التعليقات وبدني كلو عم يرجف وصرت قلب فيهون بتوتر لحتى لمحت الشب المقتول حطيت ايديي عتمي ووقع الهاتف من ايديي

صوتي عم يقرع بحطيان المشفى وشهقاتي كل مالا عم تعلى

.................................................
((اليوم عيدو زواجنا التامن))

كنت لابسة فستان زهري ناعم للأرض ورافعة شعري أرض الغرفة معباية شموع وورد جو رومنسي ببين مراسم عشق لتنين حاربو كتييير لحتى يوصلو لبعض

قربت عالمسجلة شغلت أغنية لو أشوفك ورجعت لعند شادي سحبتو من أيدو

وسن. نرقص!

قام معي ولفني من خاصرتي وزاح خصل شعري من على عيوني شادي. بتعرفي اني بعشقك

شتت نظري عنو وسن. بعرف وانا كمان كتيير بحبك

باسني من جبيني بعدين قرب من شعري وتنفس بعمق شادي. كمان بعرف
كل يوم بشوفك فاردة صوري وعم تبكي علييي

وسن. انا زعلانة منك وعدتني ما تتركني بس خلفت بوعدك

بعد عني شوي شادي. انا صح متت بس ما تركتك انا معك لساتني موجود بيناتكون

قربت منو وبستو

ما كنت عم شوفك بس كنت متأكدة انك موجود معي وعم تحس فيني اليوم صرلي 8 سنين عأسمك وان شاء الدهر كلو مع بعض يا عمري
حتى لو فرقنا القدر بس أرواحنا مستحيل تفترق

كمشني أمير من رجلي مسحت دموعي وتطلعت فيه

وسن. شبك ماما

أمير. ماما جود أخدلي لعبتي

سحبتو لعندي وسن. تعى لعندي ماما وانت جود كمان تعى لعندي
تركو كل شي ألعاب بأيديهون وأجو لحضني
وسن. ماما بتعرفو انو انا وبابا منحبكون كتيير

جود. بس ماما بابا مات وتركنا

وسن. لا حبيبي بابا ما تركنا بابا بيحبنا كتيير وكل يوم بيشوفنا

أمير. طيب ماما وين بابا

وسن. بابا بالسما فوق لما نعمل شغلات حلوة بيفرحلنا ولما نزعل بيزعل معنا

جود. وادا حكيناه بيسمعنا

وسن. اي ماما بيسمعنا مشان هيك بدي منك انت وأمير تحبو بعضكون كتير وما تزعلو بعض مشان بابا ما يزعل ...بابا مستحيل يتركنا

.................................................

بعد 7 شهور من العلاج النفسي قدرت ارجع لحياتي لأني تأكدت انو حبي لشادي ما بيقتلو الموت
رجعت اهتم بولادي متل الأول واحسن

وحالياً عم بدرس اختصاص قلب وأوعية يمكن لاقي علاج لضجيج قلبي الي ما هدي من أول ما عشقت شادي

رسالتي هي:
الحياة قاسية كتيير ولحتى تقدر تعيش عليها لازم تكون اقوى منها لحتى ما تنكسر من اول مطب
يمكن كتيرين ما رح تعجبهون نهاية قصتي ورح يزعلو عليي بس انا رضيانة بالنهاية رضيانة بقدري الي اختارو ربي
حتى ضعفك وحزنك خلي بقوة ...#النهاية

لم تفرقنا البشر ...
لم تفرقنا المسافات ...
وحتى في الموت لم نفترق فكانت أرواحنا تتعانق... #رومانتيكا