#ع _الوتر_الحساس
بقلم حنين طه
الجزء التالت + الرابع

كان هاد الشخص ورا مني وعم يخبط فيني لامشي قدامه

مجهول : اركبي هون بالسيارة

هالة: طيب قلي لوين اخدني
مجهول : بعد شوي بتعرفي

ما كانت الطريق طويلة عحسب تقديري وقفت السيارة وفوتوني لجوا وسمعت هاد الشخص المجهول عم يحكي مع واحد تاني

المجهول: هاي هي الدكتورة الي قالو عنها خليها تعالجه لهاد الي جوا بدي اياه حي او ميت هيك طلب المعلم

التاني: بتأمر ولا يهمك
شو اسمها لهاي الدكتورة

المجهول: شوبعرفني شواسمها ما كتير بهمني انا بهمني تقوم بمهمتها وبعدها بتنقلع لا تنسى ما تخليها تشوف شكل اي حدا فيكم

من هالكلام قدرت افهم انهم جايبني لحتى عالج حدا جوا ،،، قعدت بغرفة لوحدي وبعدها اجو اخدوني لغرفة جوا وفتحو عن عيوني كانت ايدي لسا بتنزف
رفعت راسي وانا مو قادرة فتح عيوني شفت قدامي شخص نايم عسرير وكمان مغطى عوجهه

هالة: شو هاد

واحد منهم : هاد الشب تعرض اليوم لطلق ناري وضروري هالشب يعيش

هالة: بس هاد بيلزمه مشفى هون ما فيني

قبل ما كمل جملتي كان رافع مسدسه بوجهي

هالة: طيب طيب رح حاول

واحد: ما بدك تحاولي بده يعيش

كنت عم واجه المستحيل لحالي الشب الي قدامي نازف دم كتير ونبضه كتير ضعيف
حاولت بكل جهدي اعمله عملية صغرى لحتى انزع الرصاصة من جسده وتتحسن صحته ما كنت بعرف قد الي فترة عم عالج فيه لانه ما كنت بعرف النهار من الليل كان كل همي تمرق هالفترة وارجع لبيتي وبالفعل بدا الشب الي عم عالج فيه يتحسن ويستعيد وعيه بالرغم اني قعدت فترة عالجه بس ولا مرة شفت وجهه ولا مرة عرفت شكله
وما كنت بعرف هالجماعة شو بدهم منه

هالة: الي طلبتوه مني صار انا لازم ارجع عبيتي

شخص منهم: ناطرين اي امر بخصوصك لنعرف شو نتصرف معك
بهالوقت دق تلفونه لهاد الي عم يحكي معي
كان عم يحكي بدون ما اقدرافهم عليه شوعم يحكي
كان بس بهز براسه

بعد ما انتهى من تلفونه قرب مني

هالة: شو في

شخص : ممم حيانتك والله تروحي هيك كتير عاجبتيني انتي بس المشكلة بخاف قرب منك ينزعج المعلم

اتصل من تاني المعلم بهاد الشخص وفتح السبيكر قدامي
( ما بقي وقت نحنا اخدنا المعلومات الي بدنا اياها من المريض خليه الدكتورة الي عندك تعطيه ابرة هوا تنهيله حياته فيها بدنا نخلص مهمتنا بدون دم ،،، ما بقي معنا وقت كتير)

كنت سامعة كل كلمة عم يحكيها هادالمعلم مع الشخص الي قدامي ،، جسمي كله صار يرجف من الخوف
هالة: مستحيل اعملها لوبموت
رجع رفع سلاحه بوجهي

هالة: لو بتموتني ما بعملها

وما وعيت عليه الا ماسك ايدي ومثبتني هو وكمان واحد وعم يضربو بشرايين ايدي
من كتر الوجع الي عم حس فيه غبت عن الوعي وما عاد شفت الا خيالاتهم قدامي عم تروح وتيجي

———————

( هي المريضة لقيوها اهل البلد مرمية عاول الشارع وماكلة ضربة سكين قوية بايدها )
فقت عحالي وانا عم صرخ ما كنت عم ابكي من الوجع علىقد ما بكيت من القهر

الممرضة : رح اعطيكي ابره مهدىء

هالة: ما بدي تعطيني شي ما بدي عم قلك بعدي عني

وانا عم صرخ وادفش فيها دخلو اهلي لعندي
ابي ومرت ابي واختي ايه واخي ريان وعمر

عمر: اتركيها رجاءا انا بعرف احكي معها

تركتنا الممرضة وطلعت
وانا صرت ابكي بزيادة واشهق ،، قعد اخي جنبي وحضني رميت راسي بحضنه

هالة: عطولولي ايدي يا اخي تعبانة يا اخي تعبانة

ابي: هالة بابا اهدي هلا وارتاحي وبعدين بنحكي بكل شي

حاولو يسكتوني بكل الطرق وكل ما اجي احكي او اشرحلهم شوصار يرجعو يسكتوني وكاني رح احكي شي عيب اوممنوع ،،، مرقت فترة اسبوع الي بالمشفى وبعدها طالعوني عبيت اهلي
لحتى ترتاح نفسيتي شوي وانا كمان طلبت منهم ابقى ببيت اهلي ما بدي ارجع لعند عمر بالوقت الحالي

المسا نطرت ابي ليرجع من شغله كنت بدي حاكيه

هالة: بابا جيت

ابي: هالة بنتي هاد انتي بعدك فايقة

هالة: لازم احكي معك

ابي: خير بابا قولي عم اسمعك

هالة:ابي انا ليش الشرطة لهلا ما حققت بموضوعي

ابي: حققت يا هالة وما قدرت تمسك المجرم
الظاهر انهم عصابة قوية وقدرو ينفذو بعملتهم

هالة: وحقي انا يروح هيك ببساطة ايدي الي صارت عطيلة ،، شغلي الي ما عادارجع عليه بحياتي كل هاد مين بده يعوضني عنه

ابي: هالة بكفي الي صار بدك تنسيه تماما ما صدقنا ونحنا نسكر المحضر ونقفله بمعجزة لحتى قدرت خلي الناس تسكت عنك

هالة: تسكت عني ليش انا شوعاملة

ابي:ايوا الظاهرانتي مو عايشة بهاي الدنيا الي نحنا فيها صح ما بتعرفي الناس وكلامهم ما حدا رح بيصدق القصة الي قلتيها لو بتحلفي من هون لبكرة احمدي الله انه وصلنا لهون وانه زوجك عمر اقتنع وقبل يكمل طريقكم سوا مو متل الشباب التانية ما حدا بيقبل مرته تغيب عنه عدة ايام ويرجع يتقبلها بكل حب وعادي كانه شي ما صار

هالة: عمر يشك فيي كيف انا كنت معه لما خطفوني يا ابي هو الي اختار المكان الي بدنا نروح عليه واختار الجيب الي استأجرها هو موانا

ابي: هالة برضاي عليكي انسي روحي ان