#مـــجــرد_حـــلـــم 🌸✨
Telegram:@rwayate
#تكملت_الجزء_السادس

صارت الساعة 3 طلعو البنات من غرفتها ل لين بس قبل ماتسكر الباب رجعت دخلت وفاء

لين. ليش رجعتي
وفاء. شوفي يا حلوة ابعدي عن ينال احسنلك
انتي مو من مستواه هه ولاتنسي ينال مستحيل يفكر بوحدة شغالة مامعروفين اهلا من وين

ماعطتني مجال رد عليها حكت هيك وطلعت قفلت الباب وفتحت الخزانة طلع ينال

تنهدت وقلتلو هي سمعت الكلام من غيري حتى تعرف انو مو بس انا بفكر هيك

ينال. ليش مارديتي عليها
لين. شو بدي رد هي ماغلطت حكت الحقيقة وباين انو هالبنت بتحبك وانت حاول تحبها بالنهاية هي بنت عمتك ومارح يوقف حدا بطريقكم

ينال. مستحيل احب غيرك انتي صرتي قطعة مني سكنتي بقلبي وروحي وماحدا غيرك بيستاهل اني حبو ، و وفاء رح حاسبها ومارح انسى الحكي الي حكتو
بعدين هي مادخلها

لين. هي الي مادخلها وحكت هيك كيف الي دخلهن

ينال. ليش ماعم تعترفي بحبك
لين. لانو صعب يا نيال صعب كتيرررر

ينال. بالحب مافي شي صعب او مستحيل ، يعني بتعترفي للورق والي مابتعترفي

مافهمت شو قصدو

لين. اذا خلصت حكيك فيك تطلع

طلع من الغرفة وراح ع غرفتو

لين. ووووولي الدفتر لك الدفتر بالخزانة هلأ لفهمت شو قصدو

رحت ركد ع الخزانة طالعت الدفتر وصرت قلب بالورق فتحت اخر صفحة وقرأت الي كاتبو

لين. ياربي شو هاد ليش هيك عم بصير معي ، انا غبية ومابفهم قال مذكرات قال ، يا الله كيف رح حط عيني بعينو بكون قرأ كل شي فيه

تاني يوم حاولت ما شوفو لينال ابدا كنت اتجاهلو وحاول ماتجي عيني بعينو
كان يلحقني ع المطبخ بس فورا تجي وفاء ومايصيرلو يحكي

المسا دخلت اعمل عشا واجا ينال لحقتو وفاء عمل حالو انو عم بغسل ايديه

ينال. لين غرفتي مكركبة ليش ماعم بترتبيها
لين. بس خلص برتبلك ياها
ينال. بس كل مرة ماعم تنضفيها

وفاء. اذا بتحب انا برتبلك ياها
ينال. اي ياريت

راحت وفاء ع غرفتو وهي مبسوطة ترتبلو ياها

وفاء. اكيد ينال عم يتسلا بلين ويتضحك عليها خليني انا عم حببو فيني بالنهاية لين مستحيل يتزوجها

بالمطبخ

لين. اكيد حكيت هيك لتطالع وفاء

ينال. اي نعم من الصبح لاحقيتني وين مابروح

لين. قلتلك انو بتحبك ماسدئتني

ينال. هلأ شو بدنا فيها ، عم بفكر اشتري دفتر وصير اكتب فيه مذكرات شو رأيك بتنصحيني او لا ؟

لين...... بالغصب مسكت ضحكتها

ينال. بس المشكلة انو وين بدي حطو خزانتي ظلت بالطابق التاني

لين. ههههههه خلص بقى
ينال. لك دوم هالضحكة الحلوة

لين. هلأ اذا اجا حدا وسألك شو عم تعمل هون شو بدك تقلو

ينال. بقلو عم بحكي مع حبيبتي
لين. انا مو حبيبتك
ينال. هههههه لسا عم تخبي والكلام الي بالدفتر لمين انو بحبك وانت لابس القميص الابيض ههههه

لين. انا مو كاتبة هيك وبعدين انا مابقصدك انت

ينال. بدك روح جيب الدفتر واقرألك الي مكتوب فيه لأن يمكن انتي نسيتي

لين. لا مانسيت ، طيب فيك تطلع هلأ وتحل عني
ينال. اذا قلتي انك بتحبيني بطلع ومابقى تشوفي وجهي

لين. امممم
ينال. اي شو
لين. انا مااا بحبك

ينال. اخ منك ، انا طالع بس رح يجي يوم وتقوليها
Telegram:@rwayate
بالليل بعد ماخلصت سهرتهن دخلت ع غرفتي وصرت فكر بينال وانو معقول الحلم يصير حقيقة انا بحبو كتير كتير
دخل لحياتي فجأة وخلاني اتعلق فيه
بس شو نهاية هالشي
وانا ليش عم كمل بهالطريق وبعرف شو رح تكون النهاية
بس ماقادرة سيطر ع حالي صرت شوف الدنيا كلها بعيونو

ظليت طول الليل اتخيل ملامحو عيونو ودقنو وشعرو واتذكر حكيو كنت كتير مبسوطة لوقت ماتذكرت حكي وفاء لان هي حكت الحقيقة انا مو من مستواه ومستحيل يقبلو فيني

بس ينال قال مافي مستحيل
سدئت حكي ينال وقلت مافي مستحيل ومشيت ورا قلبي ونمت وانا مبسوطة كتير وتمنيت لو يطلع الصبح بسرعة مشان شوفو وقلو اني بحبو ومستعدة للنتيجة شو ماكانت حتى لو كانت عذاب
بيكفي اني حبيتو وصار في شي عيش مشانو بكفي انو خلاني بدنيا تانية وبعالم تاني بعيد عن الواقع
يا الله شو حلو الحب وشو صعب اذا كان ممنوع ياريت مافي شي يوقف بطريقنا
ياااه شو حلو احساس انو ينال يكون الي ويكون ملكي

ما اجمل ان.. يصبح الحلم واقع..!!
وما اقسى ان.. يكون الواقع.. مجرد حلم.

تاني يوم كانت الشمس طالعة والجو دافي ومافي حدا بالبيت كلهن طلعو بعد ما افطرو الا انا كنت عم اجلي وينال ووفاء واقفين معي

كان بدو فرصة ليحكي معي بس وفاء مامخليتو

وفاء في نفسها مارح اخليلكن الجو لا تفرحو فيها

ينال. كم يوم بقي ع خطبة سمر
وفاء. 4 ايام

ينال. ايوا طيب انا بدي اخد البنات ع السوق يروحو يشترو تياب للخطبة روحي اسألي عمتي اذا بتخليكي تروحي معنا

وفاء. يعني انت حابب اني روح معكن
ينال. ياريت لأن المشوار مابيحلى بدونك

وفاء. تسلم
ينال. وينهن البنات هلأ ، روحي خبريهن يجو ويجهزو حالهن يلا

وفاء. اي رايحة

بس طلعت قرب مني
#مـــجــرد_حـــلـــم 🌸✨
Telegram:@rwayate
#الجزء_السابع

بس طلعت قرب مني واخد ليفة الجلي من ايدي وقالي يلا انتي مابدك تجهزي حالك لتروحي معنا

لين. مامهم انا روح
ينال. انا اخترعت المشوار كلو مشانك يلا روحي البسي

لين. مابدي بكفي وجود وفاء معك لانو مابيحلى المشوار بدونها

ينال. لك والله كنت اضحك عليها بس لتحل عني
لين. عم تكذب علي

ينال. والله ماعم بكذب اذا مارحتي انتي رح الغي المشوار كلو شو بدك اكتر من هيك

ابتسمتلو ورحت ع غرفتي لبست وجهزت حالي والبنات كمان جهزو حالهن

طلعت من الغرفة كان ينال بالصالون

لين. لسا ماجهزو البنات
ينال. متل القمر كتير طالعة حلوة

لين. عيونك الحلوة

طلعنا كلنا مع ينال بالسيارة طلعت وفاء بجنبو وانا وسحر وسمر من ورا
وبس وصلنا ينال ماتركنا وظل يمشي معنا وكل محل كانو يوقفو عندو البنات ويدخلو عليه ومايعجبهن شي وينال مايحكي شي

سحر. ينال فيك شي ؟
ينال. لا ليش
سحر. صرلنا 3 ساعات وانت عم تفتل معنا وماقلت يلا خلصوني مطولين ماخليتو محل ، عنجد غريبة مو هيك سمر

سمر. اي هههههه
ينال. اضحكو الحق عليي الي جبتكن وماشي معكن
لين وسحر اشترو وخلصو وظل وفاء وسمر
دخلو ع المحل وقبل ماتدخل لين مسكها من ايدها وطالعها

لين. وين اخدني

ينال. مابعرف امشي خلينا نبعد عنهن
لين. واذا سألونا وين كنتو
ينال. بنقول انو ضيعناهن

لين. بس
ينال. خلص اسكتي شو بدك فيهن خليهن يشترو ع مهلهن

لين. وين رح نروح
ينال. تاكلي كنافة
لين. متل مابدك

مسك ايدي ومشينا ع محل حلو
حاولت اترك ايدو ماخلاني وشد ع ايدي

لين. اتركلي ايدي هلأ حدا بشوفنا
ينال. اوف منك لو اعرف مين هالحدا الي دائما بتحكي عنو
كل ما احكي معك بتقولي هلأ حدا بشوفنا وكل ما بدي شوفك بتقولي هلأ حدا بشوفنا

لين. اي مابتعرف الصدف
ينال. مارح اترك ايدك ، عنجد عادي واذا شافونا لا تخافي من شي وانتي معي

طلعنا ع المحل ع الطابق التاني وقعدنا ع الطاولة مقابل بعض واكلنا كنافة

لين. كيف بدنا نلاقي البنات هلأ وتغطية بالموبايل مافي

ينال. بيعرفو مكان السيارة اصلا مارح يخلصو بساعتين

شو صار معك ؟

لين بشو
ينال. شو بشو

اجا وقعد ع كرسي جنبي

ينال. بتحبيني
نزلت راسي وانا متلبكة وقلتلو اي بحبك

ضحك وقال قوليها وانتي عم تطلعي فيني

اتطلعت فيه وعيوني عم يلمعو وقلتلو انا بحبك كتير ومتأكدة انو الله بعتلي ياك لتعوضني عن كل الايام الي مريت فيها وعشتها
هلأ لو يسألوني شو اغلى شي عليي بالدنيا بقوللهن انت ، انت وبس كانت حياتي فاضية بس هلأ عايشة مشانك مشان حبك ، انت احلى شي بدنيتي
صرت حب الحياة بسببك انت وصرت حب حالي وبعرف انو كل هاد غلط واني مشيت بطريق صعب كتير بس مابهمني الي بهمني هو انت واني بحبك

ينال. ياعمري انتي وانا مستعد واجه الكل وقوللهن اني بحبك وانك ملكتي قلبي ومستحيل اتخلى عنك

اليوم خليتي الفرح يدخل لقلبي كنت بعرف انك بتحبيني بس كنت حابب انك تتجرأي وتقوليها وهلأ حطي ايدك بأيدي

حطيت ايدي بأيدو وقال الله لا يفرقنا

لين. يلا نمشي اتأخرنا
ينال. متل مابدك

رجعنا للمكان الي الموجودة فيه السيارة مالقيناهن اطلعنا نستناهن فيها
وبعد نص ساعة اجو

ينال. لك وين اختفيتو انتو الحق علي الي اجيت معكن

سحر. كنا ماشيين مع بعض انتو الي وين رحتو
ينال. تكسرو رجلينا ونحنا عم ندور عليكن اطلعو خلصوني مابقى بحياتي اعيدها

غمزني ينال وضحك

وفاء جنت بس شافتني راكبة جنب ينال وركبت هي من ورا

ينال. شو صار معكن
سحر. بشو
ينال. لقيتو طلبكن
سحر. اي خلصنا كل شي بس المصاري الي اعطيتنا ياهن ماكفو

ينال. ليش انتو خليتو معي شي قال ماكفو

وانتي وفاء لقيتي طلبك

وفاء. اي اشتريت فستان بس كنت حابة اخد رأيك فيه بش مو مشكلة بالبيت بتشوفو علي وبتعطيني رأيك

ينال. اي اكيد رح يطلع حلو وانتي الي رح تحليه لأن شو ماتلبسي بيلبقلك
سحر. الله الله الحكي الحلو بس لوفاء والي البهادل

ينال. هي وفاء وغالية علي
وفاء. تسلم خجلتني
ينال. ههههههه
وفاء. ليش عم تضحك
ينال. لا ولشي

وصلنا ع البيت البنات دخلو وبقيت انا وينال برا بس وفاء كانت عم تتسمع علينا

لين. يعني انت عم بتجاكرني وبتحاكي وفاء حكي حلو وبتقوللها انها غالية عليك

ينال. غيرانة

لين. لا بس هلأ بتسدء
ينال. يا مجنونة انا والله عم بتضحك عليها مشان ماتخبر حدا انو تركناهن ورحنا وهي مجنونة بينضحك عليها بكلمتين لهيك لا تزعلي

لين. اذا هيك معليش
ينال. هههههه البنات بنص عقل

اتطلعت فيه وصرنا نضحك

وفاء. انا تتضحك علي وتخلي لين تتمسخر علي ماشي والله لخلي امك يا ينال تشوف الفيديو


البسنا كلنا التياب الي جبناهن وعجبو الكل وتيابي عجبوه كتير لينال وماشال عيونو عني

تاني يوم الصبح نزلت ام ياسين لعنا وقعدت مع ام غسان وانا كنت بالمطبخ راحت وفاء لعندهن لتورجيهن الفيديو الي فيه انا وينال وهوا عم يقلي بحبني

وفاء. شوفو هاد الفيديو واعطوني رأيكن فيه
#مـــجــرد_حـــلـــم 🌸✨

#تكملت_الجزء_الثاني
Telegram:@rwayate
ماقدرت سيطر ع حالي بقيت اتطلع فيها كانت كتير مبسوطة وعم تضحك وضحكتها حلوة وهي كتير حلوة كمان
شعرها بجنن ولون عيونها العسلي وجها الابيض والمدور خدودها الحمر غمازاتها كل شي فيها حلو

لين. عنجد مابعرف كيف اتشكركن ماكنت متوقعة هيك شي والله انا كتير بحبكن
سمر. ولو العفو ياروحي طبعا هي فكرة سحر
وتنفيذي مع مساعدة سمية وينال

لين. شكرا الك سمية
سمية. العفو حبيبتي
لين. وانت ينال شكرا الك
سمر. ينال ينال لك ينال
ينال. شبكي شو في
سمر. هههه وين شارد ، لين عم تشكرك ع مساعدتك النا

ينال. اي اي

تركهن ينال وطلع ع بيتو وقال انو تعبان وبدو يرتاح

لين. وانتي خالة ام غسان الله لا يحرمني منك

فاجئوني كتير بالشي الي عملوه حسسوني بشي اسمو عيلة واخوات
هاد الشي الي

انا محرومة منو
وفرحوني كتيررر

وبس خلصنا دخلت انا ع غرفتي وطلعت دفتر مذكراتي
وكتبت كل شي صار وكتبت انو هاد احلا يوم بمر عليي ومن 6 سنين لهلأ مافرحت متل مافرحت اليوم
عنجد كان شي كتير حلو

الساعة 11
سمر وسحر دخلو يدرسو وانا طلعت نضفت المطبخ
وعملت قهوة لمحمد وسمية وام غسان وقعدت معهن
بعد شوي نزل ينال يسهر لأنو هلأ بلشت السهرة وبيبقو للساعة 2 يوم بكونو مجتمعين

قعد معنا ينال وكان يتطلع فيني انتبهت عليه وصرت اتطلع بحالي انو تيابي فيهن شي ليش هيك عم يتطلع فيني

ام غسان. لين قومي حطيلنا عشا انا متت من جوعي

لين. اي تكرمي

دخلت ع المطبخ جهزت العشا ووقفت بجنب الغاز عم استنا ابريق الشاي ليغلي

دخل ينال ع المطبخ ودخل ع الحمام لانو بقلب المطبخ وبس طلع

ينال. بسرعة وبصوت عالي لين لين في صرصور قريب منك لا تتحركي

اتطلعت عليه وانا مرعوبة
وصرت اتطلع حواليي ونفض تيابي وصرخ

لين. لك وينو وينو تعا اقتلو

صار يضحك وانا صرخ اتطلعت فيه وعرفت انو عم يمزح
عصبت وماعطيتو وجه
لان خلاني متل المجنونة نط وصرخ

ينال. ههههههه خفتي ؟
لين شو رأيك ، مابحب هالمزح

مديت ايدي لأخد ظرف الشاي قرب مني كتير واتطلع فيني

لين. شو
ينال. ولشي

مد ايدو ورفعلي شعري عن عيوني اتطلعت فيه وانا ساكتة
#مـــجــرد_حـــلـــم 🌸✨

#الجزء_الثالث
Telegram:@rwayate
مد ايدو ورفعلي شعري عن عيوني اتطلعت فيه وانا ساكتة وتركني وطلع...

بعد ماطلع ينال من المطبخ فكرت ب الي صار من ثواني قلت يمكن رفعلي شعري حتى ما يهر ع الاكل
او يمكن لاني عصبت عليه وقت مزح معي لهيك فكرني زعلت
حتى طلع بدون مايحكي شي

بس هي اول مرة بصير مزح بيني وبين ينال بالعادة مابنحكي مع بعض الا للضرورة او لما بوصيه ع شي
يعني بعكس اخوه محمد تماما ، محمد بحب المزح مع مين ماكان وبحب الحكي كتير

طالعت العشا ودخلت ع غرفتي لحتى نام

تاني يوم شفت الصور الي تصورتهن كانو كتير حلوين قررت اني مابقى اهمل بحالي وانو حتى ولو انا اشتغل كون لابسة احلى شي عندي
وشعري بدي ابقى فارديتو
ع الاقل هيك بحس انو تغير فيني شي

مرق اسبوع وينال كل مايجي لعنا مايشيل عيونو عني انتبهت لهالشي وما اعطيت للموضوع اهمية

سمر. ســـــحر سحر
سحر. شو في
سمر. اتصل معاذ ابن عمتي وقال انو بدهن يجو كلهن لعنا لانو علقانة عندهم

سحر. هاا وانتي مبسوطة لانو معاذ رح يجي

سمر. اي انتي ليش غيرانة ، انا رايحة خبر امي

راحت سمر تخبر امها وكان محمد اخوها موجود

سمر. امي بيت عمتي ام ياسين بدهن يجو كلهن لعنا لانو الاوضاع عندهن مو منيحة ومابعرف كم يوم بدهم يبقو عنا

ام غسان. عنجد بتحكي
سمر. اي والله
ام غسان. بس بيت عمتك كتيرين وبيتنا ما بيوسع شو نعمل

سمر. يعني وقفت عليهن ما كل قرايبنا اجو الا هني هي اول مرة

ام غسان. ليش انا شو حكيت اهلا وسهلا فيهن

محمد. المشكلة انو بيتي غرفة وحدة والا كنت اخدت قسم منهن لعندي

ام غسان. لك انت ومرتك يالله مدبرين حالكن

سمر. يعني شو !
ام غسان. لو يوافق ينال كنا خليناهن يقعدو ببيتو وهوا يقعد معنا كم يوم

سمر. مستحيل يقبل لانو حاولنا قبل هالمرة
وهوا مابحب الصرعة بحب الهدوء

ام غسان. ايمتا قالولك جايين
سمر. بعد العصر
ام غسان. والله ماعارفة شو اعمل هني واولادهن وكناينهن وبناتهن والله عدد كبير مافي حل الا ببيت ينال

سمر. اذا بيت ينال كلو غرفتين
ام غسان. بدبرو حالهن البنات بغرفة والشباب بغرفة
وينال بدبرحالو هاليومين

طلعت لين من غرفتها وسمعتهن يتناقشو وعرفت انو رح يجي عليهن ناس راح مايغط ع قلبها لانو رح تتعب كتير

ام غسان. بس يجي ينال بنحكي معو وبنشوف

بعد ساعة اجا ينال وحكت معو امو

ينال. لا
ام غسان. ليش لا
ينال. شو ليش وانا وين بدي نام
والاولاد رح يدمرولي غرفتي

ام غسان. لا تخاف مابخليهن يقربو ع شي من اغراضك وبتنام عنا هني هاليومين
الله يوفقك لا تخجلني

ينال. بس يومين مو اكتر
ام غسان. اي اكيد هني مارح يبقو اكتر من هيك

قمنا انا وام غسان لنبلش بتجهيز الغدا ولانو العدد كبير ظلين ساعتين بالمطبخ
وسحر وسمر طلعو ع بيت ينال يرتبوه وينال قاعد بالصالون

بعد شوي دخل لعنا وهو معصب

ام غسان. شو في
ينال. مارح اخد راحتي هون متعود ببيتي
يعني ضروري يجو لعنا

ام غسان. يعني شو نعمل وانت بتعرف عمتك بتزعل اذا ما استقبلناها احلى استقبال

ينال. والله مابيمشي الحال هيك طب كل الي بيجو لعنا يستأجرو بيوت هون وخلصنا

ام غسان. روح قوللهن هالحكي ليش عم تقلي الي

ينال. وبعدين مع هالحالة
ام غسان. مرقلنا ياها هالمرة هي جهزنالك غرفة معنا دبر حالك فيها

ينال في نفسه اووف بس وكان عم يتطلع بلين يلا يمكن هي فرصة لحتى شوفك اكتر

كنت عم اقلي البطاطا وبس صارو وانا عم طالعهن من الزيت قرب مني ينال وسند ايدو ع الحيط وكان عم ياخد بطاطا من الصحن ويتطلع فيني ويبتسم بدون ماتنتبه امو

لين. بكفي رح بتخلصهن يادوب يكفو
ينال. عادي بتقلي غيرهن

وصلو بيت ام ياسين وطلعت ام غسان من المطبخ تستقبلهن

وانا تلبكت لانو المطبخ حالتو حالة
كنت روح لعند المجلى يمشي ورايي ينال ، ارجع لعند الغاز يلحقني ، افتح البراد يمشي ورايي

وقفت واتطلعت فيه
#مـــجــرد_حـــلـــم 🌸✨
#تكملت_الجزء_الثالث

Telegram:@rwayate
وقفت واتطلعت فيه

لين. لك شبك خليني اعرف اشتغل
ينال. ليش بشو مضايقك
لين. عم بتلحقني من مكان لمكان ماعم تخليني اعرف اشتغل اطلع لبرا يلاااا

ينال. خليني ساعدك
لين. شكرا مابدي مساعدتك يلا اطلع

رحت لأجلي وقرب لعندي

ينال. خلص رح اوقف هون وما اتحرك
لين. ههههه ليش اليوم كتير حابب الوقفة بالمطبخ

ينال. لاني ماعارف وين بدي روح
لين. اطلع لعند بيت عمتك
ينال. مابدي تقيلين دم هلأ لحقي على بكي اولاد وصياح وصرعة

لين. ليش ماتعودت ع هالشي
ينال. في حدا بيتعود ع وجع الراس

لين. معك حق
ينال. انتي مابتتعبي وانتي دوم بتشتغلي

لين. عادي تعودت
ينال. يعني بتتعبي او لا
لين. وقت يجي ناس بتعب بس بالأيام العادية مافي شغل

ينال. بس بيتنا مابيفضى من الناس اكيد عم تتعبي

لين. اي وقت يكون عنا ناس مابسدء ايمتا يجي الليل حتى نام من كتر التعب

ينال. كلو من اخواتي ماعم يساعدوكي بشي

لين. لا هني حرام وقت مايكون عليهن دراسة بساعدوني ، ههههه صحيح انا ليش عم بحكيلك هالحكي

ينال. ليش غلط اني اسمعك
لين. مو هيك بالعكس انت متل اخي بس قصدي اول مرة بنحكي هيك حكي

ينال. متل اخوكي ؟
لين. اي

كملت جلي وقرب لعندي ينال ووقف جنبي

ينال. بدي غسل ايدي
لين. اي

غسل ايديه وضل واقف يتطلع بعيوني

لين. خلصت ؟

اخد ليفة الجلي عصرها بأيدو واخد الرغوة وحطهن ع انفي

لين. ليش هيك
ينال. انا مو متل اخوكي فاهمة

وتركني وطلع مسحت انفي وصرت فكر بأنو شو قصدو
تناسيت الحكي وكملت شغلي

وبس خلصت طلعت وسلمت عليهن كانو 14 شخص ام ياسين وبناتها خمسة تنتين منهن متزوجين وجايين مع امهن اولادهن وثلات لساهن بنات
وشباب تنين معاذ وياسين واولاد تنين

حطينا الغدا وبس خلصو جليت الجلي وعملت شاي وطلعت قعدت معهن

المسا خبرتهن ام غسان انو ينامو بالبيت الي فوق لياخدو راحتهن
طلعو تيابهم الي جايبينها وبس شفتهن قلت مستحيل يقعدو بس يومين لأن كانت الشناتي كتيرة

طلعو ساعة لفوق ونزلو ليسهرو
وسمر كتير كانت مبسوطة لانو معاذ موجود وطول الوقت يضحكو لبعض

وانا هلكت من كتر الطلبات لين شاي ، لين قهوة ، لين عصير ، لين خدي هي ، لين جيبي هي ، ماقعدت ولا لحظة كنت خلص شغلة وتطلعلي شغلة تانية ماعدت قادرة اوقف ع رجليي
وينال ماكان عاجبو الوضع ابدا لانو متعود ينام ع تخته كل يوم ومابحب الفوضى

صارت الساعة 12 بالليل كانو تعبانين من الطريق كلهن طلعو ع الطابق التاني لينامو الا بنت ام ياسين الصغيرة من عمر سحر اسمها وفاء قالت انو بدها تنام مع سحر وسمر

كل واحد دخل ع غرفتو وبقيت انا وام غسان بالصالون انا كنت عم عزل وهي دخلت لتنام

خلصت وصارت الساعة 1 ونص طلع ينال من غرفتو وشافني

ينال. ليش لساتك مانمتي لين. هلأ لخلصت كنت رايحة نام

ينال. ليش شو كنتي عم بتعملي
لين. شغل البيت
ينال. الله يعطيكي العافية
لين. الله يعافيك

ينال. بدي اسألك بتعرفي وين حبوب وجع الرأس

لين. هلأ بشوفلك عند خالة ام غسان
ينال. ماشي ناطرك

قعد بالصالون وحط ايدو ع راسو من الوجع

دخلت ع غرفة ام غسان وفتحت الدرج الي بتحط فيه الادوية مالقيت
طلعت ورحت ع غرفة البنات دورت بالغرفة مالقيت

وفاء كانت لسا مو نايمة شافتني عم دور بكل الغرفة وماعرفت ع شو
وانا ما انتبهت انها فايقة

طلعت من الغرفة

لين. ينال مالقيتلك
ينال. طيب خلص مو مشكلة
لين. شو بدك تعمل
ينال. ولشي انا عندي بغرفتي بس كيف بدي جيبهن مابقدر

لين. اذا بدك انا بطلع بجبلك ياهن
ينال. لك لا خلص هلأ باكل يمكن لأن لساتني بلا اكل

لين. اي مزبوط انت ما اكلت رح اعملك سندويشة جبنة
ينال. اي ياريت

دخلت ع المطبخ ودخل معي

عملتلو السندويشة وقلتلو تصبح ع خير

ينال. لين وقفي لحظة
لين. شو

قرب مني وقلي باين عليكي التعب لا بقى تعبي حالك حسي بنفسك شوي لا تحمليها اكتر من طاقتها

لين. لا عادي ، نزلت عيوني عالأرض لانو عيوني دمعو من حكيو انا ليش ومشان شو عايشة حياتي فاضية

ينال. لا مو عادي ومن بكرا سحر وسمر رح يساعدوكي ويشتغلو متلك متلهن

انا حاسس فيكي واليوم شفت بعيوني اديش عم تتعبي معنا

لين. الله يخليك ماتقول لحدا شي قد ماعملتلكن مابوفيكن حقكن مابكفي خليتوني بينكن كل هالسنين وحميتوني واهتميتو فيني
معروفكن هاد مابنساه طول عمري
والتعب الي عم اتعبو مابعادل يوم واحد قضيتو بينكن

ينال. طب ليش عم تبكي
لين. ماعم ابكي
ينال. امبلى عم تبكي ، اتطلعي فيني لشوف
رفعلي وجهي واجت عيني بعينو وانا عم ببكي

لين. مابحب احكي بهالموضوع ينال الله يخليك مابحب الشفقة

مسحلي دموعي وضمني لصدرو...
#مـــجــرد_حـــلـــم 🌸✨
Telegram:@rwayate
#الجزء_الرابع

بعدت عنو وقلتلو شو عم تعمل رغم اني لاول مرة ولثواني بحس بحنان كبير بحس بأمان
اول مرة حدا بحس فيني وبيسمعني وبقلي اهتمي بنفسك
بهالثواني الي ضمني فيهن تسارعت دقات قلبي ونسيت حالي

طلعت لروح ع غرفتي مشا ورايي ووقف بالصالون فتحت باب الغرفة وقبل ما فوت اتطلع فيه وانا ساكتة ماحكيت شي
شو الي صار معي وشو الي حسيت فيه مابعرف بس هالثواني الي ضمني فيهن كانو بداية العذاب
( عذاب الحب )

دخلت ع غرفتي وكتبت كل شي صار معي وكيف قلبي دق بسرعة والامان الي حسيت فيه
بس خلصت رجعت الدفتر ع مكانو ونمت
تاني يوم صحيت الساعة 7 وتذكرت الي صار مبارح

لين. هه مبسوطة لانو ينال شفق عليي لازم مابقى بينلو اني ضعيفة

ضحكت ع حالي بهالكلمات وطلعت ع الصالون لقيتو قاعد هو وامو قلتلهن صباح الخير ورحت غسلت وجهي ورجعت ع غرفتي بدلت تيابي ورفعت شعري وطلعت

ام غسان. لين اعمليلنا فنجانين قهوة
لين. هلأ بعمل

دخلت ع المطبخ عملت فنجانين قهوة
الساده لأم غسان والحلوة ل ينال

طلعت وضيفت ينال قالي بصوت واطي حلوة متلك ؟
لين....
ينال. طيب يسلمو

لين. خالة جهز الفطور هلأ ؟
ام غسان. لا بكير لسا الكل نايمين

قعدت معهن وعيون ينال علي بدون ماتنتبه امو
نظراتو الي خلني اتلبك واتوتر
صرت شد ع ايديي وقول عادي لا تهتمي لا تتطلعي عليه
بس ماشال عيونو عني
تركتهن ورحت حطيت شال ع كتفي وطلعت ع البرنده كان الجو بارد كتير
ماحسيت الا حدا جايي من ورايي تطلعت كان معاذ

معاذ. ليش واقفة برا الجو بارد هلأ بتمرضي
لين. هلأ طلعت

معاذ. سمر وين
لين. لسا نايمة اذا بدك فوت لجوا خالتي ام غسان وينال عم يشربو قهوة

معاذ. لا بس كنت بدي احكي مع سمر شوي
لين. بتحب ناديلها
معاذ. لا خليها نايمة

دخلت انا وهوا ع الصالون وعملتلو قهوة
Telegram:@rwayate
بعد مرور كم ساعة اجو اولادها لأم غسان كلهن وكناينها ونزلو بيت ام ياسين ومابقى في مكان بالبيت
وانا متل العادة بالمطبخ عم جهز للغدا وكانو معي سمر وسحر وحدة بتعمل شاي والتانية واقفة معي
دخل ينال لعنا ولحقتو وفاء بنت عمتو وحكا مع سمر وسحر

ينال. انتو ليش هيك واقفين ليش ماعم تساعدو لين بالشغل

سحر. بشو بدنا نساعدها
ينال. مابعرف ساعدوها بأيا شي هي شو بدها تلحق لتلحق

سحر. نحنا عم نساعدها بعدين انت شو دخلك

سمر. خلص اطلعو انا بساعدها
لين. اصلا مافي شغل وهلأ رح نطلع نقعد

سمر. لا رح بساعدك
لين. عنجد ماعليي شي خلص انتو اطلعو واذا بدي مساعدة بناديلكن

طلعو كلهن وبقي ينال

ينال. ليش ماخليتيهن يساعدوكي
لين. ليش هيك عم تعمل ، نحنا متفقين وانا هيك مرتاحة ، شو بهمك انت اذا ساعدوني او لا

ينال. ليش عصبتي
لين. لأني قلتلك مابحب حدا يشفق علي

ينال. اذا انا حاسس فيكي مامعناها عم بشفق عليكي

لين. انا هيك مرتاحة خلص اطلع لبرا
ينال. متل مابدك

تركني وطلع ، وبالليل الساعة 1 طلعو بيت ام ياسين ع الطابق التاني وبقيت وفاء مع البنات بغرفتهن
وكنت بالصالون انا وينال وام غسان ومحمد وسمية كانو لسا موجودين
وانا كنت تعبانة كتير كان نهار صعب جداااااا مامسدئة ايمتا فوت ع غرفتي

ينال. هيك مابيمشي الحال لاقولي حل نحنا اعطيناهن البيت الي فوق ليبقو فيه
بس هيك شو استفدنا حاجزين الي فوق وعم يبقو طول النهار والليل هون مابيطلعو الا وقت النوم
حاجزين البيت ع الفاضي
هون ماني مرتاح خليهن ينزلو هني وانا بطلع لفوق لأن بالاسم اخدين البيت

ام غسان. لك هس هسسس هلأ بتسمعنا وفاء وبتروح تخبرهن وبيزعلو

ينال. اي خليها تسمع وخليهن يزعلو هدول عشرين واحد مين بدو يبلش فيهن مبارح مانمت الليل من وجعي راسي واليوم كمان

ام غسان. لك شو هامك شو انت حاملهن ع ظهرك
قال مين بدو يبلش فيهن

ينال. لك المشكلة انو
ام غسان. انو شو

اتطلع بلين وسكت كان بدو يقوللها انو هي الي عم تتعب ما انتو وهي الي بلشانة بالكل من كبيرهن لصغيرهن

ينال. الله يمضي هاليومين ع خير

باليوم التاني نزلت ام ياسين الصبح بكير لتشرب القهوة مع ام غسان
ينال كان نايم بس قعد ع اصواتهم
فتح باب غرفتو وراح ع المطبخ كانت لين عم تعمل قهوة قرب منها وقاللها صباح الورد

لين. صباح النور ، ليش فايق بكير
ينال. ماخلوني اعرف نام وهني يحكو ، اي كيفك انتي

لين. منيحة
ينال.لسا معصبة مني
لين. ههههه لا
ينال. تسلملي هالضحكة

خجلت كتير اتطلعت فيه بتعجب وماعرفت رد عليه بس شافني هيك صار يضحك

لين. لك انت شو قصتك ما كأنك ينال الي بعرفو
كل شي فيك متغير
حتى ماكنت تحكي معي
ابدا شو صايرلك هالكم يوم

ينال. انتي الي غيرتيني
لين. كيف انا !
ينال. انتي اخدتيلي عقلي ليل ونهار فكر فيكي كتير بحب ابقى بالمكان الي انتي بتكوني فيه
وتبقي قدام عيوني

قلبي كان رح يطلع من مكانه بسبب حكيو وكان يدق بسرعة كبيرة بعدت عنو وقلتلو ينال بلا هالحكي

ينال. ليش عم تهربي انا ماخلصت حكيي
#مـــجــرد_حـــلـــم 🌸✨
#تكملت_الجزء_الرابع

Telegram:@rwayate
لين. اذا سمحت خلي الاحترام موجود بينا ومافي داعي لهالكلام

قرب مني وحاصرني بأيديه ورفعلي وجهي لأتطلع فيه وقال لازم تسمعيني
بعدتو عني بقوة وقلتلو انت مجنون ليش هيك عم تعمل ماخفت يشوفنا حدا شو رح يحكو عنا

ينال. طيب بس تاني مرة ماتتهربي مني وتتجاهليني وبدك تسمعيني

لين. ماااارح اسمعك

تركني وطلع وانا طلعت وراه ومعي القهوة

ام غسان. لك ساعة تاتعملي القهوة يا لين

كان لوني مخطوف وكان باين عليي اني ماني طبيعية

ام غسان. فيكي شي
لين. اه
ام غسان. عم قول فيكي شي
لين. لا لا انا منيحة

ليش هيك عم يتصرف ينال معي شو الي يدو ياه مني كان يعاملني كتير منيح ليش هيك صايرة تصرفاتو
قال انو عم بفكر فيني ليل ونهار

طلع ينال من غرفتو ومعو قميصو الابيض

ينال. امي كويلي قميصي هاد بدي ياه بعد نص ساعة عندي مشوار

ام غسان. ليش انا بعد بقدر اكوي قعد سحر

ينال. هلأ مارح ترد وانا مستعجل
ام غسان. لين حبيبتي مافي غيرك

لين. ولا يهمك خالة ، اعطيني ياه

اخدتو منو وتقصد انو يلمس ايدي
دخلت ع غرفتي وشميت ريحة العطر الي ع القميص يا الله شو حلوة

دخل ينال ع غرفتو وبقي ام ياسين وام غسان وطلعت لعندهن وفاء وصارو يحكو

ام ياسين. ام غسان بدي قلك شي ، بصراحة ما لازم شب عزابي يقعد معكم وبنفس البيت في بنت غريبة لازم تنتبهي منها

ينال كان سامع حكيهن

ام غسان. لا لا مابصير شي لا تخافي ينال ماصرلو يومين معنا ولين مستحيل تتخطى حدودها

واصلا ينال مابيقعد بالبيت ومستحيل يفكر مجرد تفكير بلين

وفاء. والله يا خالة حكي امي مزبوط مبارح سمعت ينال عم يدافع عن لين ويقول لسحر وسمر يساعدوها بالشغل ومايتركو كل شي عليها
وكمان قبل بيوم كان ينال وحدو بالصالون
ودخلت لين لعنا عالغرفة عم تدور على شي وطلعت لعندو سمعتها قالتلو مالقيت وماكان في غيرهن بنص الليل

ام ياسين. ها شفتي الا مايختلي فيها وانتي بتعرفي الشيطان شاطر

ام غسان. هيك خليتو الشك يدخل لقلبي بس لا لا مستحيل صرلها معنا عمر وماشفنا منها شي

ام ياسين. بس هلأ البنت كبرت وانتي عند شب عزابي ع كل حال انتي خلي عيونك عليهن لوقت ماتزوجي ينال

ينال. الله يلعنكن

طلعت لين من غرفتها ومعها قميص ينال راحت لعند غرفتو لتعطيه ياه

ام غسان. لين تعي اعطي القميص لوفاء هي بتعطيه ل ينال وانتي روحي كملي شغلك

لين. طيب

دخلت لعندو وفاء وهوا كان سامع الي حكتو
اعطتو القميص وحاولت تفتح موضوع معو وتحاكيه بس ما اعطاها وجه وطلعت

ينال. انا لازم ما اخلي امي تشك فيني او تراقبني لازم خليها تفكر اني مابطيقها للين

لبس تيابو قميص ابيض وبنطلون اسود ومشط شعرو وحط بارفان وطلع من غرفتو وقعد معهم لين كانت بالمطبخ

ام غسان. تشرب قهوة اخلي لين تعملك
ينال. اي بشرب بس مابدي لين تعملها

ام غسان. ليش
ينال. المشكلة حرام احكي ع البنت بس مابكونو ايديها نضيفين بس تعملها ، اعمليلي ياها انتي وفاء

وفاء. تكرم عينك

راحت وفاء عالمطبخ وهوا طلع من البيت

ينال. مافشرتي اشربها من ايديكي ، سامحين لين كنت مجبور احكي هيك

ام غسان. ها شفتي انو مستحيل يفكر فيها والله هي البنت نضيفة بس هوا بيقرف من ايا شي

ام ياسين. اي منيح هيك بعد الشك

طلع ينال من البيت ومارجع طول النهار

سمر طلعت لعند معاذ ع الطابق التاني وعم تحكي معو

معاذ. شو رأيك نخطب
سمر. مو كنا متفقين لخلص جامعة

معاذ. بنخطب هلأ احسن مانظل هيك نشوف بعض بالسر

سمر. متل مابدك حبيبي
معاذ. يعني احكي مع امي
سمر. بلكي ماوافقت هلأ
معاذ. لا هي كانت تقول ماعندها مانع وهي اول الناس عرفت انو بنحب بعض

سمر. اممم لك عنجد بتحكي يعني رح نخطب

معاذ. اي عنجد وبما انا عندكم بنعمل حفلة صغيرة وعائلية هون شو رأيك

سمر. اكيد موافقة حبيبي
معاذ. لكن اليوم بحكي مع امي

في غرفة لين فتحت الدفتر وكتبت

كان لابس القميص الابيض كان كتير حلو

لين. شو عم خبص انا

سكرت الدفتر وطلعت من الغرفة...
#مـــجــرد_حـــلـــم 🌸✨
Telegram:@rwayate
#الجزء_الخامس

صارت الساعة 9 المسا دق باب البيت طلعت لأفتح وبنفس الوقت كانت وفاء نازلة من عالدرج
فتحت الباب

سمية. مساء الخير
لين. مساء النور

ينال بس شاف وفاء قال مرحبا وظل ماشي بدون مايتطلع بلين

محمد. كيفك لنوش ، وقرصها من خدها

لين. ههه الحمدلله كيفك انت
وفاء. الله الله مين قدك يا لين محمد عم بدلعك وبقلك لنوش

محمد غالي علي كتير بعتبرو اخ بحسو كتير حنون كل مايجي بيسألني اذا بدي شي وبقلي اذا بتخجلي مني فيكي تقولي لسمية

تركتهم سهرانين البيت مليان ناس وطلعت ع البرنده اتمشى كنت كتير مخنوقة وتعبانة بنفس الوقت

بعد ماطلعت بخمس دقايق دخل ينال ع غرفتو وقفل الباب والغرفة كان فيها باب ع البرنده
طلع لعندي وصار يحاكيني مارد حاول يضحكني وظل ورايي لحتى خلاني احكي معو

لين. ليش طلعت من الباب التاني
ينال. مشان ماحدا يعرف اني معك

لين. مانك بردان
ينال. لا ابدا ، وانتي ليش طلعتي بهالوقت
لين. انا كنت حابة امشي لوحدي انت الي لحقتني

ينال. لكن بدك اتركك مابصير تطلعي بالليل لوحدك
لين. فوت انت هلأ بيجي حدا وبشوفنا

ينال. مامهم
لين. كأنو بعدنا عن البيت
ينال. لا تخافي وانا معك

وقفنا وتطلعت فيه

لين. انت شو بدك مني
ينال. انا بحبك

نزلت عيوني بالأرض وكملنا مشي ماكان عندي شي قلو ياه
ببساطة انا عم بتورط بحبو

ينال. مابدك تحكي شي
لين. لا
ينال. والله انا بحبك

لين. طيب واذا بتحبني يعني شو اعملك

وقفني ومسكني من كتفي

ينال. ليش مانك مسدئيتني
لين. نفس الشي اذا سدئتك او ماسدئتك

ينال. مافهمت شو قصدك
لين. ينال لا تعلقني وتعلق حالك بوهم

تركتو ورجعت ع البيت

ينال. لين انا ماخلصت حكيي
ماتوقعت هيك ردة فعلك

لين. لا تنتظر مني قلك شي انا بنت بلا مشاعر بلا احاسيس بنت فاضيه مافي لحياتها معنى

ينال. لا تحكي هيك انا تأكدت من مشاعري قبل ما احكي معك
صرت اتصرف متل المراهقين دائما فكر فيكي
وبحب كون بجنبك ومافارقك
انتي ليش خايفة من الحب ؟

لين. مو خايفة ولو انا بحبك كنت قلتلك هالشي بس انا مابحس

ينال. عم قلك لا تحكي هيك وجاوبيني بصراحة انتي ليش خايفة من الحب

لين. لان الي متلي مالازم يحبو

ينال. ليش شو ناقصك عم قلك انا حبيتك وصرت بعشق كل تفاصيلك

لين. اي وبعدين ؟
ينال. ليش هيك عم تاخدي حكيي

لين. ينال انا ماعم استهين بمشاعرك يمكن انت عنجد حبيتني وانا لاحظت هالشي ، بس مابدي ياك تتعلق بشي مستحيل

ينال. ليش مستحيل
لين. الفرق بيني وبينك كبير وحكي الناس مابيرحم

ينال. شو بدك بحكي الناس المهم انا وانتي بعدين انتي صرتي منا وفينا

لين. ههه لا يا ينال انا مو منكم انا بشتغل عندكم هي الحقيقة

مسكني من كتفي بقوة

ينال. انا بحبك مين ماكنتي تكوني اناااا بحبك عم تفهمي لا تقوليلي المجتمع والناس
الي بهمني انتي بتحبيني او لا

لين. اول شي اتركني وتاني شي انا مابحبك ومارح حبك كان بأمكاني اتركك وامشي من اول ماحكيت هالكلمة بس لا انا كان بدي وصلك انو هالشي مستحيل ومن الافضل انك تنسى

ينال. مارح انسى ورح خليكي تحبيني
لين. تسطفل لا تنسى بس كمان لا تتأمل

تركتو ودخلت ع البيت وكانت الغصة بحلقي
وكنت رح روح ع غرفتي وانفجر بالبكي بس وفاء قالت

وفاء. لين وين كنتي روحي المطبخ عم يستناكي

دخلت ع المطبخ كان الجلي مكوم بالمجلى وعم يستناني ماكنت قدرانة اشتغل شي
صرت اجلي وعيوني يهرو دموع

لين. شايف يا ينال انو في فرق بيني وبينك والشي الي عم تفكر فيه مستحيل
اي انا بحبك بس ماني منتظرة شي منك ورح ظل مخبية هالشي بقلبي بكفي انو قلبي بدق لما بشوفك ولما بتحكي معي بكفي اني انتظرك بالثواني اليوم لما غبت طول النهار كل تفكيري كان فيك وين بتكون وشو بتكون عم تعمل بأختصار انا اليوم اشتقتلك
#مـــجــرد_حـــلـــم 🌸✨
Telegram:@rwayate
#تكملت_الجزء_الخامس

بس خلصت جلي طلعت قعدت معهن
شفت ينال عم يطلع فيني وكانو عيونو عم تقلي انو بحبني
وفاء كانت عم تحاول تتقرب من ينال يمكن لأن بتحبو
راحت لعندو وقعدت جنبو
وفاء. ينال شوفلي موبايلي ماعم يرضا يشتغل

ينال. ليش مابشتغل
وفاء. مابعرف هيك فجأة

وفاء كانت قريبة كتير منو اتطلع فيني ينال وبعد عن وفاء

ينال. هي اشتغل مافيه شي
وفاء. ايواا معي ماكان عم يشتغل ، يسلمو ايديك
ينال. الله يسلمك

دخلت ع غرفتي وصرت اكتب بالدفتر
اول مرة شخص بقلي بحبك اول مرة بحس بهالأحساس يا الله شو حلو الحب وبنفس الوقت عذاب لما يكون الحب الممنوع
ماقدرت رد عليه ماقدرت اتطلع بعيونو حتى مايكشفني ويعرف انو انا كمان بحبو
اي انا بحبك بحبك بحبك

بس طلعو ام ياسين معاذ حكا مع امو وقاللها انو بدو يخطب سمر بالاول قالت لتهدأ الاوضاع بس بعدين وافقت وقالتلو انو رح تطلبلو ياها

مرقو يومين وانا اتجاهل ينال وقت يكون موجود فوت ع غرفتي وما احكي معو
حاول انو يحكي معي بس ماكان يصيرلو فرصة كان يبقى طول النهار قاعد بالبيت ومايطلع ع امل انو يحكي معي

المغرب طلعت من غرفتي وماكان في حدا بالصالون الا ينال دخلت ع المطبخ ولحقني

شافتو وفاء من الغرفة وطلعت وقفت جنب باب المطبخ بدون مانحس عليها

ينال. بدي احكي معك
لين. اطلع لبرا قبل مايجي حدا
ينال. ليش عم تهربي مني وقت كون موجود مابتطلعي من غرفتك

لين. هيك احسن
ينال. لا مو احسن انا عم بشتقلك بدي تكوني قريبة مني بكل وقت ومابدي تغيبي عن عيني

وفاء. الحقير طلع بحبها لهيك ماعم يعطيني وجه
بسيطة وهي رح صوركن احلا فيديو

لين. ينال الله يخليك بترجاك تحل عني يا اخي شو بدك مني حللل عني بقى

ينال. اعترفي انو انتي بتحبيني انتي ماعم تقدري تخبي هالشي مبين عليكي

نزلو دموعي وقلتلو لك مابحبك مابحبك

ينال. ليش عم تبكي
لين. لان اذا شافنا حدا رح بتبهدل ، وانا مابحبك لو بحبك كنت قلتلك بس صعب صعب انا بعتبرك متل اخي

ينال. لك لا تظلك تقولي متل اخي من كم يوم كان حكيك غير هيك وقلتي انك خايفة من حكي الناس وانو في فرق بيني وبينك

لين. طيب طيب متل مابدك وسكر ع الموضوع واياك تاني مرة تفتحو معي لان وقتا مارح اسكت

ينال. هههه يا امي خوفتيني لك بحبكككك وبعرف انك عم تقولي بقلبك وانا بحبك

وفاء. والله وبيطلع منك رغم انك شقفة شغالة بس خلص انتي انتهيتي رح شوف الوقت المناسب وخبر الكل والفيديو واضح هه

ام ياسين طلبت سمر لمعاذ والكل وافقو وحددو موعد الخطبة بعد اسبوع وبدهن يعملوها عائلية مافي حدا غريب

الساعة 1 بالليل الكل راحو ينامو
بس وفاء وسمر وسحر بقيو سهرانات بغرفتهن

طلع ينال من غرفتو وراح لعند غرفة لين ودق الباب قالت مين بس مارد

فتحت الباب دخل بسرعة وقفل الباب واخد المفتاح

لين. لك مجنون مجنون اطلع لبرا يلا بسرررعة

ينال. لا مارح اطلع

سحبني وقعدني ع التخت وقعد جنبي

ينال. اقعدي بدنا نحكي
لين. بنحكي بنحكي بس مو بغرفتي مشاااان الله ببوس ايدك تطلع

ينال. لا تخافي ماحدا شافني

صرت ابكي واترجاه يطلع بس ماكان يرد

لين. مشان الله ، الله يخليك تطلع اذا عنجد بتحبني ليش هيك عم تعمل معي

ينال. لين حبيبتي والله تأكدت انو ماحدا شافني لا تخافي بس بدي احكي معك واطلع

لين. اي اي بنحكي بس مو اليوم بوعدك بكرا اسمع كل شي بدك تقولو
ينال. لا وبكفي بكي

قرب مني و..........
#مـــجــرد_حـــلـــم 🌸✨
Telegram:@rwayate
#الجزء_السادس

قرب مني وحط ايدو ع كتفي

لين. بخوف لك شيل ايدك
ينال. طيب شلتها بس وقفي بكي واهدي شوي واسمعيني

لين. اي بس احكي بسرعة

ينال. انتي بتحبيني
لين. الف مرة قلتلك لا
ينال. عم تكذبي
لين. لك ماعم بكذب مابحبك يعني اجباري لازم حبك

في غرفة البنات

سمر. انتو نعسانين انا مو جاييني نوم من كتر ماعم بفكر

وفاء. ولا انا لانكن عودتوني عالسهر

سمر. والله مو عاطية فرحتي لحدا

وفاء. سندس ويعرب بدهن يجو يحضرو الخطبة

سمر. سندس اكيد رح تجي بس يعرب يمكن مايقدر يجي

سحر. بكرا ماما بدها تحكي معو ويمكن يجي
سمر. اي ياريت مشان تكمل فرحتي بوجودهن

سندس ويعرب هني اخواتها لسمر الي مسافرين

سحر. شو رأيكن نشرب متة
سمر. اي موافقة لانو مابدنا انام

وفاء. هلأ قبل المتة احكولي عن لين كيف علاقتكن معها وكيف بتتعاملو مع بعض

سحر. خلينا نعمل متة ونروح نشربها بغرفة لين وهي بتحكيلك

سمر. هلأ بتكون نايمة
سحر. بنفيقها
سمر. طيب لكن جهزي المتة انتي والحقينا ع غرفة لين

سحر. اي ماشي

لين. انا كل شي عندي حكيتو يلا اطلع لبرا
ينال. بس انا ناسدئت شي من الي حكيتيه وانتي عم تكذبي علي وع حالك لأنك بتحبيني

دق باب الغرفة

خفت وقلت انكشفنا وصرت ابكي وشلخ بشعري بدون ماطالع صوت

سمر. لين يا لين لنوش افتحي الباب شو هالنوم هاد جايين نسهر عندك

لين. سمعت سمعو ياربي شو اعمل

صرت متل المجنونة اقتل بحالي

لين. لك انت شو عملت فيني لك ليش هيك ليش

ينال. اهدي اهدي خلص افتحي الباب
لين. لك شو جنيت بدك تفضحني

ينال. خلص لا تخافي بالاخير رح يعرفو انو بنحب بعض

لين. لك ليش هنن رح يفهمو هيك ، ياربي موتني وريحني ليش هيك عم بصير معي

راحو سمر وفاء لعند سحر ع المطبخ

ينال. كأنهن راحو
لين. اذا صار شي انا مارح سامحك قلتلك حل عني انركني بحالي

ينال. هس خلص اسكتي

بالمطبخ
سمر. يمكن نايمة والباب مقفول
سحر. انا خلصت امشو هلأ بنفيقها

رجعو دقو ع الباب

قرب مني ينال وحط ايديه ع وجهي وقلي رح افتح الباب خليكي قوية

لين. لا بترجاك انت تخبى تحت التخت وانا بفتح
ينال. ههههه مافي مجال تحت التخت
انتي بس اوثقي فيني وخليني افتح الباب

لين. طيب بالخزانة ، اذا عنجد بتحبني اتخبى بالخزانة وماتطالع صوت

ينال. غلبتيني

اتخبى يناا بالخزانة وقفلتها لين وشالت المفتاح

وفتحتلهن الباب وهي خايفة ومبين عليها انو كانت عم تبكي

سحر. لك شو هالنوم هاد كل الي بالبيت صحيو وانتي لا
لين. لا تأخذوني ماحسيت
سحر. جايين نكفي السهرة عندك بتستقبلينا او لا ، وهي جبنا المتة معنا
وكمان وفاء حابة تتعرف عليكي اكتر

لين. ياريت بس انا بدي نام لانو اتأخر الوقت وبكرا عليي شغل

سمر. دخيلك العمر بيخلص والشغل مابيخلص

قعدو وصارو يحكو وانا ماسكة قلبي بأيدي تمنيت الارض تنشق وتبلعني تمنيت كون رماد ولا انو يشوفوني انا وينال بغرفة وحدة بنص الليل

لين. ياربي ايمتى رح يطلعو

ينال. اففف شو هاد تكسرت مطولين هدول

ينال شغل موبايلو وحطو صامت شاف الدفتر الي بأرض الخزانة
فتحو وقع القلم الي بقلبو وطلع صوت بس ماحدا انتبه شغل الفلاش وصار يقرأ الي مكتوب فيه

ينال. مو معقول يا لين اديش عانيتي بحياتك

وصل لأخر صفحة وقرأ الي فيها

اي انا بحبك بحبك بحبك

ينال. ههههههه هلأ ارتحت طلعت بتحبني وعم تخبي

فتح القلم وكتب تحت اخر شي كاتبيتو
هي كشفتك طلعتي بتحبيني وعم تخبي ع فكرة وانا كمان بحبك بحبك بحبك وبموت فيكي ( ينال ♡ لين )