قصة قصيرة: #ويمكرون
.............
قراءة ممتعة🦋💙"
#ⴅÂÐЄĦÂ
.............
قراءة ممتعة🦋💙"
#ⴅÂÐЄĦÂ
الجزء الثالث والرابع من قصه #ويمكرون#
الجزء الثالث
Telegram: @rwayat
ما استوعبت المنظر اللي كان عليه نزار : ركضت على السرير و بوّست جبينه و عيونه.. و مسّحت دموعي بإيده الباردة اللي لأول مرة ما بحس فيهم بحنان نزار اللي تعودت عليه.. افتقدت حنّيته و لمسته اللي خلاني أدمن عليها طول سبع سنين.. و كان لازم بعد ما يتّمتني غادة من هاد الإحساس إني أهاجمها.
Telegram: @rwayate
كل اللي بصير معي بسببها هي.. من وين دخلت على حياتي ما كنت أفهم.. و ليش هيك تتخربط الدنيا حولي أنا اللي كنت أمشّيها على الساعة.. و اللي استفزني أكثر إنها كانت تبكي على نزار.. ليش لحتى تبكي على واحد المفروض يكون جارها و بس.. و تأكدت وقتها من القصة اللي حكالنا اياها نزار.. و عرفت إنه في وحدة مش شايلته من بالها و ذكرياتها.
يمكن تكون هديك الساعة مش وقت غيرة و خوف على زوجي من وحدة ثانية.. بس بالنهاية أنا ست زي باقي الستات.. مش بإيدي أشوف هيك وضع، و فوقه حالة زوجي اللي شفته فيها و أسكت.. أخذوها أهلها بعد ما طردتها و روّحوا.. و حكالي عمي إنه الشرطة بتدّور على زياد.. و وعدوا ما يطلع الصبح إلا يكونوا ماسكينه.
و فعلا الصبح أجى ضابط شرطة مع دخلة الدكتور و خبرنا إنهم قبضوا على زياد بالوقت اللي كان الدكتور بطمننا عن وضع نزار.. الحمدلله، الله سترها معه و أجت السكينة بعيدة عن الكلية بشوي.. و خلال أسبوع بالكثير ممكن يطلع نزار.. يمكن اللي صار كان تدبير من ربنا عشان يخليني أنسى كل شي و أرجع مع نزار عالبيت بدون أي تفكير بشي ثاني.
Telegram: @rwayate
بس خلال هاد الأسبوع ضليت عند أهلي و ما رجعت على بيتي.. ما كنت عارفة كيف أتصرف مع وجود غادة قبالي بعد اللي عرفته عنها و عن نزار.. خليت كل شي لغاية ما يطلع نزار من المستشفى و أرجع أنا و اياه.
و بنفس الأسبوع كان الوقت اللي بدها تحدد فيه جمانة موعد عرسها.. طبعا لإني انسحبت من هاد الموضوع حسب رغبة أمي و تجنبا ما تنتقل عدوى فكرتها عني لجمانة.. حددوا أهل خطيبها مع أهلي موعد العرس.. و ما كان قدامي إلا إني أبلع و أسكت.. و أتظاهر بإني مبسوطة لأختي.. و ما كنت أملك إلا إني أدعي يكون اللي ببالي مش صحيح.
طلع نزار من المستشفى بنفس الموعد اللي توقعه الدكتور.. و حالته كانت بتتحسن كثير منيح.. يمكن طلعة نزار كانت أحسن شي بصير معي من هديك الليلة الشؤم.. طبعا غادة راحت قعدت ببيت أهلها اللي جنب دار عمي بعد ما انسجن زوجها.. بدت التحقيقات.. و انصدمت لما عرفت إنه أهلها قاعدين يحاولوا يقنعوا دار عمي يخلّوا نزار يسقط حقه الشخصي عشان يتخفف عنه الحكم.
Telegram: @rwayate
واحد زي هاد بالنسبة إلي كان لازم يعفّن بالحبس و ما يطلع منه.. و بداخلي بدي أربّي فيه غادة اللي خربطتلي حياتي و ما عدت أعرف أخطط لشي من تحت راسها.. كثير كنت أفتح الموضوع مع نزار عشان أعرف هو شو ناوي.. بده يسقط حقه أو لأ.. و تطمنت إنه ناوي يخليه بنسجن أطول فترة ممكنة من باب الإنتقام عاللي عمله فيه.
ارتحت كثير لما حكالي.. و حسيت إنه هيك راح ياخذلي حقي من غادة.. وفعلا بدت جلسات محاكمة زياد و كانت القضية لابسيته مية بالمية.. و حسيت أيامها إنه الأمور رجعت شوي تهدأ و تروق بعد هالعاصفة العنيفة اللي مرت.. و الأحسن من هاد كله إني انشغلت كثير مع جمانة و ترتيباتها لعرسها.
Telegram: @rwayate
و بمحاولات مني إني أخليها تنسى كل فكرتي عن خطيبها و تحفظاتي عليه.. كنت أبالغ حتى بمساعدتي إلها و وقوفي جنبها بكل إشي كانت تحتاجه.. من تسوّق و حجوزات صالونات و بروفات لفستان العرس.. صرت دايما معها و ما أفارقها بأي خطوة بتعملها.. علما إنه أختي اللي أصغر من جمانة بالبيت و فاضية؛ بس ما كنت أخلّيها تعمل شي بدوني.. و هي طبعا كانت مبسوطة و تاخذ رأيي بكل شي.
حتى فترتها رجعت أمي فتحت معي موضوع الحكي اللي كنت أحكيه عن هاي الجوازة و تأسفتلي بمرّة إنها حكتلي إني حاسديتها لجمانة.. بعد ما شافت فرحتي و ركضي معها طول النهار.. و وضحتلها على رواق ليش كنت خايفة و من شو بالزبط.. بس بالنهاية صفحة و طويتها مع أمي.
Telegram: @rwayate
قبل موعد العرس بأسبوع أجوا خطيبها لجمانة و أهله من الإمارات.. و صارت أيام العرس أسرع و دخلنا بالمواضيع النهائية للترتيبات من سيارة العرس و تزيينها و الفندق اللي بدهم يحجزوا فيه كم ليلة.. و بكل تفصيل يحكوا فيه كان حكيي اللي كنت أحكيه لأختي و أمي يصدق.. أبخل من هيك أنا بحياتي ما شفت..
طلب أبوي تكون ضيافة الرجال كنافة بدل الكيك البايت اللي بقدموه بصالات الأفراح.. و رفضوا أهل خطيبها لإنه فيها زيادة 150 دينار.. و حتى لما عرض أبوي يدفع الفرقية زعلوا و اعتبروها إهانة.. و حتى يمشّي أبوي الأمور و ما يعقدها إعتبر إنه العرس لأهل العريس زي عوايدنا و خلاهم يعملوا اللي بدهم اياه..
Telegram: @rwayate
حتى طلب جمانة إنه تنزفّ بسيارة منيحة بدل الأفانتي تبعت إبن عمه للعريس ما كان طلب منطقي بالنسبة إله بالمرة.. و اعتبرها بعزقة ف
