# ﺑﻘﺎﻳﺎ _ #ﺷﻴاﻄﺎﻧﻴﺔ
ﺑﻘﻠﻢ # ﺭﻧﺪ _ ﻣﺤﻤﺪ
—------—
ﻣﺎﺗﺖ ﺍﻣﻲ ﻭ ﺍﻧﺎ ﻋﻤﺮﻱ 3 ﺳﻨﻴﻦ ، ﺑﺎﺑﺎ ﺭﺟﺎﻝ ﺁﺩﻣﻲ ﻛﺘﻴﺮ ﻭ ﻗﻠﺒﻮ ﻟﻠﻪ ، ﺑﺤﺐ ﺍﻟﻨﺎﺱ ﻭﻗﻠﺒﻮ
ﻃﻴﺐ ﻣﺎﻋﻨﺪﻭ ﺧﺒﺚ ﺍﺑﺪﺍً ..
ﻛﺎﻥ ﻋﻤﺮﻱ 3 ﺳﻨﻴﻦ ﻭﻗﺖ ﻳﻠﻲ ﻓﻘﺪﺕ ﺍﻏﻼ ﻭ ﺍﺣﻦ ﺣﺪﺍ ﺑﺎﻟﺪﻧﻴﺎ .. ﺍﻟﻨﺎﺱ ﺍﻟﺼﺎﺩﻗﻴﻦ ﺑﻴﻌﺮﻓﻮ
ﺍﻧﻮ ﻣﺎﻣﺎ ﺗﺰﺣﻠﻄﺖ ﻭ ﻫﻲ ﻋﻢ ﺗﻌﺰﻝ ﻭﻭﻗﻌﺖ ﻉ ﺭﺍﺳﺎ ﺑﻌﺪﺍ ﻣﺎﺗﺖ ..
ﻭ ﺍﻟﻨﺎﺱ ﻳﻠﻲ ﻣﺎﻓﻲ ﺑﻘﻠﺒﻦ ﺭﺣﻤﺔ ﺍﺗﻬﻤﻮ ﺑﺎﺑﺎ ﺑﻘﺘﻼ .. ﻫﻮ ﺑﺤﻴﺎﺗﻮ ﻣﺎ ﺍﺫﻯ ﻧﻤﻠﺔ ﻟﺤﺘﻰ ﻳﻘﺘﻞ
ﻣﺮﺗﻮ ﻭ ﺍﻡ ﻃﻔﻠﺘﻮ ..
ﺍﻧﺤﺒﺲ ﺑﺎﺑﺎ 6 ﺳﻨﻴﻦ ﻇﻠﻢ .. ﺗﺸﺮﺩﺕ ﺍﻧﺎ ﻳﻮﻡ ﺑﺒﻴﺖ ﺟﺪﻱ ﺍﻫﻞ ﺍﻣﻲ ﻭ ﻳﻮﻡ ﻋﻨﺪ ﻋﻤﺔ ﻣﻦ
ﻋﻤﺎﺗﻲ .. ﻭﻳﻮﻡ ﻋﻦ ﻋﻢ ﻣﻦ ﻋﻤﺎﻣﻲ ..
ﺑﻘﻴﺖ ﻋﻬﺎﻟﺤﺎﻟﺔ ﻭ ﺍﻧﺎ ﺷﺒﻪ ﻳﺘﻴﻤﺔ ﻟﺤﺘﻰ ﺻﺎﺭ ﻋﻤﺮﻱ 9 ﺳﻨﻴﻦ ﻭ ﺭﺟﻊ ﺑﺎﺑﺎ ..
ﺑﻮﻗﺘﺎ ﻟﻌﺮﻓﺖ ﺷﻮ ﻳﻌﻨﻲ ﺍﻫﻞ .. ﻛﻨﺖ ﻋﺎﻳﺸﺔ ﺑﺎﻟﺤﺮﻣﺎﻥ .. ﺣﺮﻣﺎﻥ ﻣﻦ ﻣﻠﺬﺍﺕ ﺍﻟﻄﻔﻮﻟﺔ ..
ﺣﺮﻣﺎﻥ ﻣﻦ ﻛﻠﻤﺔ ﻣﺎﻣﺎ ﻭ ﺣﻨﻴﺔ ﻣﺎﻣﺎ .. ﻭﺣﺮﻣﺎﻥ ﻣﻦ ﻛﻠﻤﺔ ﺑﺎﺑﺎ ﻭﺳﻨﺪ ﺑﺎﺑﺎ .. ﺣﺮﻣﺎﻥ ﻣﻦ
ﺍﻟﺸﻲ ﻳﻠﻲ ﻫﻸ ﺍﻻﻃﻔﺎﻝ ﻟﺒﻌﻤﺮﻱ ﻋﻢ ﺗﻮﻋﻰ ﻋﻠﻴﻪ
ﺭﺟﻌﺖ ﻉ ﺑﻴﺘﻨﺎ ﺍﻻﺳﺎﺳﻲ ﻳﻠﻲ ﻫﻲ ﺍﻭﻝ ﻣﺮﺓ ﺑﺸﻮﻓﻮ .. ﻣﺎﻋﺸﺖ ﻓﻴﻪ ﺟﻮ ﺍﻻﺳﺮﺓ ﺍﺑﺪﺍً ..
ﻛﺎﻥ ﻓﻲ ﻋﺶ ﻋﻨﻜﺒﻮﺕ ﻛﺒﻴﺮ ﺑﺰﺍﻭﻳﺔ ﺍﻟﺴﻘﻒ ..
ﻭ ﺍﻟﺤﻴﻄﺎﻥ ﻣﻘﺸﺮ ﺩﻫﺎﻧﻬﺎ ﻣﻦ ﺍﻟﺮﻃﻮﺑﺔ ..
ﺍﻻﺛﺎﺙ ﻛﺎﻥ ﻛﻠﻮ ﻏﺒﺮﺓ ﻭﺗﺮﺍﺏ ..
ﺑﻴﺖ ﻣﺎﺗﻌﺰﻝ ﻭﺗﻨﻀﻒ ﻣﻦ 6 ﺳﻨﻴﻦ ﺍﻛﻴﺪ ﻫﻴﻚ ﺭﺡ ﻳﻜﻮﻥ ، ﺍﺧﺮ ﺣﺪﺍ ﺩﻗﺮ ﺍﻟﺒﻴﺖ ﻛﺎﻧﺖ ﻣﺎﻣﺎ
ﻗﺒﻞ ﻣﺎﺗﻤﻮﺕ ..
ﺑﻠﺸﺖ ﺷﻐﻞ ﺑﺎﻟﺒﻴﺖ ﺍﻧﺎ ﻭﺑﺎﺑﺎ ، ﻛﺎﻧﻮ ﻧﻈﺮﺍﺕ ﻋﻴﻮﻧﻲ ﺍﻟﺒﺮﻳﺌﺘﻴﻦ ﻛﻞ ﺍﻟﻮﻗﺖ ﻉ ﺍﺑﻲ ﻭﻛﻴﻒ
ﻣﺎﺗﺤﺮﻙ ، ﺧﺎﻳﻔﺔ ﺍﻓﻘﺪﻭ .. ﺧﺎﻳﻔﺔ ﺍﺭﺟﻊ ﻟﻠﻜﺒﺖ ﻭ ﺍﻟﻮﺣﺪﺓ ..
ﻧﻀﻔﻨﺎ ﺍﻟﺒﻴﺖ ﻭﻛﻞ ﻳﻮﻡ ﻛﻨﺖ ﺩﻳﺮ ﺑﺎﻟﻲ ﻋﻠﻴﻪ ﻭ ﻋﺎﻟﺒﻴﺖ ..
ﻋﻤﺮﻱ 9 ﺳﻨﻴﻦ ﺑﺴﺲ ﺍﻧﺎ ﻭﺍﻋﻴﺔ ﻛﺘﻴﺮ .. ﻭﺍﻋﻴﺔ ﻻﻧﻲ ﻛﺒﺮﺕ ﻉ ﺍﻟﻈﻠﻢ ﻭ ﺍﻟﺨﻨﻖ ..
ﺑﻌﺪ ﻓﺘﺮﺓ ﻣﻦ ﺭﺟﻮﻉ ﺑﺎﺑﺎ ، ﻋﻤﺎﺗﻲ ﺑﻠﺸﻮ ﻳﻄﻠﺒﻮ ﻣﻦ ﺑﺎﺑﺎ ﺍﻧﻮ ﻳﺘﺰﻭﺝ ﻻﻥ ﻣﻮ ﻣﻌﻘﻮﻝ ﻧﻌﻴﺶ
ﻟﺤﺎﻟﻨﺎ ﻛﻴﻒ ﺑﺪﻱ ﺍﻗﺪﺭ ﺍﻫﺘﻢ ﺑﺎﻟﺒﻴﺖ ﻭﺍﻟﻄﺒﺦ ﻭﺍﻟﺸﻐﻞ ﻟﺤﺎﻟﻲ ﻭ ﺍﻧﺎ ﻃﻔﻠﺔ ..
ﻟﻤﺎ ﺑﺎﺑﺎ ﺍﻗﺘﻨﻊ ﺍﻧﺎ ﻓﺮﺣﺖ .. ﻛﻨﺖ ﻓﺮﺣﺎﻧﺔ ﺑﺎﻟﻌﺮﻭﺱ ﻳﻠﻲ ﺭﺡ ﺗﺠﻲ ﻳﻤﻜﻦ ﻳﺼﻴﺮ ﻋﻨﺪﻱ ﺍﻡ ..
ﻭﺻﻴﺮ ﺍﻗﺪﺭ ﻗﻮﻝ ﻛﻠﻤﺔ ﻣﺎﻣﺎ ﻳﻠﻲ ﻣﺎﻗﻠﺘﺎ ﺑﺤﻴﺎﺗﻲ ..
ﺑﺎﺑﺎ ﻛﺎﻥ ﻳﺪﻭﺭ ﻉ ﻋﺮﻭﺱ ﻭ ﻋﻤﺎﺗﻲ ﻳﺪﻭﺭﻭﻟﻮ ﺑﺲ ﻟﻼﺳﻒ ﻣﺎﻛﺎﻥ ﺣﺪﺍ ﻳﻘﺒﻞ ﻳﻌﻄﻴﻬﻦ ﻻﻥ ﺍﻟﻜﻞ
ﻛﺎﻥ ﻣﻔﻜﺮ ﺑﺎﺑﺎ ﻣﺠﺮﻡ ﻭﻗﺘﻞ ﻣﺮﺗﻮ ﺳﺎﺑﻘﺎً ..
ﻣﺎﺣﺪﺍ ﻗﺒﻞ ﻳﺄﻣﻦ ﻉ ﺑﻨﺘﻮ ﻣﻊ ﺑﺎﺑﺎ .. ﻣﺎ ﺣﺪﺍ ﻛﺎﻥ ﻋﺮﻓﺎﻥ ﺍﻧﻮ ﻳﻠﻲ ﺻﺎﺭ ﻗﻀﺎﺀ ﻭﻗﺪﺭ ﻭﺑﺎﺑﺎ
ﻣﺎﺩﺧﻠﻮ ..
ﻣﻀﻴﺖ ﻓﺘﺮﺓ 6 ﺷﻬﻮﺭ ﻭﺑﺎﺑﺎ ﻣﺎﻟﻘﻰ ﻋﺮﻭﺱ ..
ﻟﺤﺪ ﻣﺎ ﺑﻴﻮﻡ ﻣﻦ ﺍﻻﻳﺎﻡ ﻋﻤﺘﻲ ﺧﻄﺒﺘﻠﻮ ﺑﻨﺖ ﺟﻴﺮﺍﻧﺎ ﻛﺎﻧﺖ ﺍﺭﻣﻠﺔ ﻭﺻﺒﻴﺔ ﺣﻠﻮﺓ ﻛﺘﻴﺮ ..
ﺍﻭﻝ ﻣﺎﺩﺧﻞ ﻫﻮ ﻭﻳﺎﻫﺎ ﻋﺎﻟﺒﻴﺖ .. ﺭﻛﺪﺕ ﻟﻌﻨﺪﻥ ﻭ ﺍﺗﻄﻠﻌﺖ ﻓﻴﻬﻦ .. ﻃﻔﻮﻟﺘﻲ ﻛﺎﻧﺖ ﻛﺘﻴﺮ
ﺑﺮﻳﺌﺔ ..
ﻗﻠﺘﻠﻮ : - ﺑﺎﺑﺎ ﻟﻘﻴﺘﻠﻲ ﺍﻡ ﺟﺪﻳﺪﺓ ؟؟
ﺑﺎﺑﺎ ‏( ﺍﺑﺘﺴﻤﻠﻲ ‏) : - ﺍﻱ ﻳﺎ ﺑﺎﺑﺎ ، ﺣﻴﺎﺓ ﺭﺡ ﺗﻜﻮﻥ ﻣﺘﻞ ﺍﻣﻚ ﻭ ﺍﻛﺘﺮ ؟؟
ﺣﻴﺎﺓ : ﻳﺎﻋﻤﺮﻱ ﻳﺎ ﺑﻴﻠﺴﺎﻥ ، ﺍﻧﺎ ﺭﺡ ﻛﻮﻥ ﻣﺎﻣﻴﺘﻚ ..
> ﺣﻴﺎﺓ ﻣﺮﺕ ﺍﺑﻲ ، ﺭﺟﻌﺘﻠﻲ ﺍﻟﺤﻴﺎﺓ .. ﺣﺒﺒﺘﻨﻲ ﺑﻜﻞ ﺷﻲ ، ﻛﺎﻧﺖ ﺍﻡ ﺣﻨﻮﻧﺔ ﻭ ﺍﺧﺖ ﻭﺭﻓﻴﻘﺔ
، ﺭﺑﺘﻨﻲ ﻭﻛﻞ ﻳﻮﻡ ﺗﻔﻴﻘﻨﻲ ﺍﻟﺼﺒﺢ ﻭﺗﻠﺒﺴﻨﻲ ﻭﺗﺒﻌﺘﻨﻲ ﻉ ﻣﺪﺭﺳﺘﻲ ، ﺗﻜﻮﻳﻠﻲ ﻭﺗﻐﺴﻠﻠﻲ
ﻣﺎﺗﺒﺨﻞ ﻋﻠﻴﻲ ﺑﺸﻲ