بحث عن عنوان القناة أو المجموعة
وهي قصه رعب جديده: #سر_جثة_نتالي✨

قراءة ممتعة🦋💙"
#ⴅმძ3Һa
Link
0
4.1k
18:182017/09/28
#سر_جثة_نتالي_قصص
#سر_جثة_نتالي_6 #سر_جثة_نتالي
الحلقة السادسة
(( @rwayate ))
بعد ما طرد بابا يعقوب من البيت وهددني.. ما شفته باليوم التاني أبداً.. ونظرات أهلي لإلي كانت كلها سيئة بعد ما اخدت الذهب والمصاري من غرفتهم.. حسيت شعور غريب ماكنت عارف شو هوه بالزبط ودخلت على غرفتي ونمت فوراً بعد ماحسيت بشعور كئيب اجاني بشكل مفاجئ.. اتصل ابو نتالي علينا وقللنا انه الشرطة مش رح تترك الموضوع لتكشف انه انا القاتل ورح يرجعوا يستدعوني للتحقيق.. بس انا كان عندي شعور انه رح يصير شيء سيء جديد وما كنت عارف شو هوه.. اللي صار بعدين انه ستي راحت عند ابو نتالي وانا نايم.. وما قالت لحد انها طالعه لعنده بعد مارن التلفون وحكى هوه.. الصدمه اللي صارت بعد ماصحيت من نومي اني سمعت صوت صراخ بالبيت.. قمت من النوم بسرعة ورحت جوا.. شفت الشرطة عنا.. وماما بتبكي وبابا نفس الشي.. حكيتلهم شو في إحكولي!! قالولي الشرطة بتحكي انه ستك انقتلت مع ابو نتالي بالبيت.. عرفو هالشي بعد ما لقيو هويتها بشنتتها وكانو جايين يستدعو ابو نتالي للتحقيق كمان مرة.. نصدمت وصرت ابكي بهاللحظة كنت متأكد انه يعقوب ورا هالشي.. رحت مع الشرطة وحكيت مع الضابط.. قلتله في شخص ظهر بحياتي فجأة اسمه يعقوب.. بعد ما شفت بنت بتشبه مرتي المختفية نتالي.. وبعد ما مر الوقت وقلتلهم على كل شي.. حكولي انه في خوف على حياتي كتير كبير ولازم اخد احتياطاتي حتى يلاقوا يعقوب.. انا اعطيتهم رقمه وكل شي بتعلق فيه بس من بعد ماطلع من بيتنا وهوه اختفى تماماً وانا بهاللحظة بلشت تيجيني هلوسات مش طبيعية.. بعد موت ستي وابو نتالي الرعب سكن جواتي.. نتالي صارت تظهرلي بكل مكان.. لمّا اكون لوحدي أكتر الأوقات.. وقبل لأنام.. بحس بوجودها وبشوفها واقفة بزوايا الغرف.. أول مرة تكررت معي هالحادثة بنفس الليلة اللي رجعت فيها من المغفر.. خلص عزاء ستي وروّح الناس.. انا كنت لسه مصدوم من اللي صار.. كان عزاء النسوان بالغرفة التانية.. وتقريباً كنت شايف بعض النسوان من طرف الباب.. شفت نتالي من بين النسوان.. تهيأتلي مرة تانية وشفتها موجودة.. اقتحمت الغرفه خارج إرادتي.. وصرت انادي عليها.. ماما حكتلي وين داخل انت نجنيت.. حكيتلها شفت نتالي هون.. حكتلي انت تعبان فوت جوا بسرعة.. دخلت بعد ما اتفحصت وجوه النسوان وحدة وحدة وماكنت الاقي نتلي بينهم.. ونظرات التعجب والخوف كلها شفتها على وجوههم.. اعتذرت ماما منهم وحكتلهم انها نفسيتي تعبت من بعد اختفاء مرتي وموت ستي.. بس اللي صار يتكرر معي ماكان طبيعي.. وكان يزيد كل ليلة.. بعد ما راحوا نتالي ظهرتلي مرة تانية بزاوية الغرفة بالعتمه.. كانت منزلة راسها وبتتطلع عليه ولما رفعت راسها أنا صرخت نتالي
Link
18:182017/09/28
#سر_جثة_نتالي_قصص
#سر_جثة_نتالي_4 #سر_جثة_نتالي
الحلقة الرابعة
(( @rwayate ))
انا رح اروح على بيت اهلها وانتي بتروحي عند ثائر مرة تانية وطبعاً بخطة.. وبهاللحظة دخلت ماما علينا وحكت أنا سمعت بالصدفة اللي حكيته.. انت مين؟. وشو يعني اللي حكيته ..كيف يعني أهل نتالي جن!!؟ واطلعت عليه وقالتلي انت لسه بدك تروح عندهم؟,. هالشي مستحيل فاهم.. ماما عارضت فكرة اني اروح عندهم وكانت بدها ياني انسحب من الموضوع تماماً وما اتدخل.. بس هيه ماكانت تستوعب انه نتالي لسه على ذمتي وانها اختفت جثتها واحنا لسه متزوجين.. ويمكن ماتكون فعلاً ماتت.. بس فهمتها انه خلص الموضوع محسوم وكل واحد فينا بده يعرف الحقيقة وشو مخبين اهلها.. طلبت من يعقوب انه ينزل معي وستي تفهم ماما شو لازم نعمل لأنها صارت تصرخ وبطلت قادرة تسمعني.. نزلت معاه.. وحكيت معاه بالسيارة.. حكالي خدني على بيت أهلها.. أنا رح أعرف وأخبرك.. طلب مني مصاري واعطيته.. ووصلته عند بيت اهل نتالي.. بالرغم اني سألته كتير بس ماكان يجاوبني وضل يحكيلي انا رح اعطيك من الآخر بس استنى مني ولا تسألني.. ضليت بستناه بالسيارة.. تأخر كتير وصرله أكتر من ساعه وانا ماقدرت اعرف شو اللي عم بصير فوق.. وبهاللحظة قررت اطلع العمارة بس هوه قلي ماتنزل أبداً.. ولما طلعت فوق صرت اسمع اذا في صوت من الباب بس ماكان يطلع صوت.. رنيتله على التلفون فصلّي وبعتلي بعد دقيقة واتسب.. اذا انت ورا الباب انزل بسرعه..كنت مستغرب انه كيف عرف.. بس أنا مانزلت وصرت أشك بالموضوع انه كل هالوقت شو بعمل جوا.. ام نتالي مستحيل تستقبل حد مابتعرفه وكل هالوقت.. شو عمل حتى قدر يفوت عندها ويقعد كل هالوقت.. وخصوصاً انه ممكن تكون لحالها.. ضليت استنى ورا الباب وطنشت رسالته وبعد عشر دقايق طلع وماكان معاه حدا.. حكالي مش انا حكيتلك تنزل؟! شو عم تعمل هون.. حكيتله شو عملت فهمني ليش تأخرت كل هاد جوا شو ساويت؟! قلي ام نتالي يمكن ماتت.. حكيتله شو بتحكي قتلتها !! قلي لأ.. المره هاي فعلاً فيها جن.. أنا خدرتها بطريقتي وحكيت مع الجن اللي مستلبسها.. كان رح يأذيني ويحرقني.. الجن اللي فيها قوي كتير وماقدرت اتعامل معاه.. حاولت اطلعه منها او افهم منه نتالي وين بس ماقدرت.. ولما قررت اضربها لأعذبه حسيت حالي قسيت عليها وخنقتها.. بطلت تحكي ووقعت.. خلينا نمشي بسرعه.. طلعت انا وياه ونزلنا على السيارة وصرنا نمشي بالشوارع.. حكالي مابدي حد يعرف اللي صار فاهم! ماتحكي لستك ولا لأمك.. انا كنت لابس كفوف على ايدي وقت خنقتها والشرطة مارح تعرف بصماتي ولا اثار اظافري اللي عجلد رقبتها.. بس بضل في خوف.. حكيتله نحنا ما اتفقنا على هيك.. انا سألتك وانت ماجاوبت ودخلت عندها وماحكيتلي شو بدك تعمل
Link
18:182017/09/28
#سر_جثة_نتالي_قصص
#سر_جثة_نتالي_2 #سر_جثة_نتالي
الحلقة الثانية
(( @rwayate ))
حكتلي البنت ماتت وانت خلصت منها قبل ليصير شي لأني حسيت.. ولو ماعملت اللي عملته وطلعت برا الصالة كانت انت معها هسه بثلاجة الموتى.. بعد يوم اجا ابو نتالي عنا وقاللنا احنا مش مسامحين ستك على اللي عملته وحكته بحق عيلتنا قدام الناس وموت بنتي رح يدفعكم الثمن غالي لأنها مش مسامحه حد فيكم.. طلع من البيت وانا صرت ألوم ستي.. حكتلي بكرا رح تعرف اني اللي قلته كله صح.. أوعك تصدق هالزلمه شو ماحكا.. هاد مش طبيعي.. كلهم مبينين عاديين بس همه مش هيك.. صدقني أنا بعرف.. رحت على المستشفى لأشوف نتالي لأخر مرة قبل ليدفنوها.. بس اللي صدمني وخلاني أتعقد انهم حكولي انه جثة نتالي مختفية من غرفة الموتى ومش لاقينها.. أنا نجنيت واتصلت بأبوها واجا على المستشفى وقال بنتي لازم تندفن شو اللي بتحكوه وين جثتها انا رح اخرب بيت المستشفى واللي فيه !!؟ امها كانت لسه بتتعالج بالمستشفى بعد ماتضررت من الحريق بس نجيت وماكان عندها علم انه بنتها توفت بس اللي جننا اكتر انه الجثة اختفت.. وماحد بعرف شو اللي صار بالليلة اللي ماتت فيها نتالي ونحطت بغرفة الموتى.. ووقفت انا وابوها عم نتطلع على بعض ونسأل نتالي وين؟ وقفت حاير أنا وأبو نتالي بالمستشفى ومش عارفين اللي صار بالزبط.. هوه بهدد وأنا واقف ومحتار باللي صار.. جثة نتالي اختفت.. وبفستان العرس! وين راحت!! وصرت أرجع بكلام ستي اللي حكتلي ياه كله.. بس ماقدرت أستوعب شي.. روّحت على البيت بعد ما قدمنا بلاغ إختطاف الجثة وبلاغ بالمستشفى.. وأول ما وصلت لاقتي ستي على الباب وحكتلي شو اللي صايرلك ليش وجهك لونه هيك؟ حكيتلها اللي صار حكتلي صدقتني عرفت انه كلامي صحيح.. انا قلتلك كل شي واللي رح يصير لسه أسوأ ما بتتخيل لو ضليتك ناوي تضل مع هالعيلة.. أنا ماقدرت أتحمل كلامها وهيه بتهين نتالي حتى بعد موتها.. ولأنها ماعملتلي شي ولا عملت لألنا شي.. حكيتلها نتالي على ذمتي واحنا كتبنا الكتاب وصارت مرتي حتى بعد موتها وأنا مارح أترك الموضوع لأعرف الجثة وين راحت وشو اللي صار! بس هيه وقفت بوجهي وحكتلي أنا ما رح اخليك تعمل شي يضرك حتى لو بدك تتهور أنا أنقذتك مرة ومستعدة أنقذك مية مرة حتى ما يصير عليك شي.. طلعت من البيت وفجأة حسيت انه ستي ناوية على شي مع أهلها رحت عند اهلها وكان ابوها مزعوج ومطلّع مرته من المستشىفى.. حكيتله انه لو اجت ستي لعندهم ما يفتحولها او يحكو معها.. امه صارت تتطلع عليه نظرات غريبة وحكتلي انت واهلك نحس علينا وعلى بنتنا.. احكيلي وين بنتي راحت فهمني وين راحت؟!! حكيتلها مابعرف وانا رح اعمل جهدي حتى اعرف وين اختفت.. استغربت من كلامها وحسيتها رح تطردني.. بس انا قررت اعمل المستحيل حتى اوقف جنبهم واضل معهم بعد اختفاء نتالي وحتى مايحسو اني فعلاً كنت نحس عليها وانسحبت من حياتهم بعد اللي صار.. صرت اعتني فيها بعد ما يروح زوجها على الشغل واهملت شغلي حتى اضل معها واخدمها.. ستي كانت حاسة اني بزورهم وصارت تتصل معي وانا اسكر الخط بوجهها.. وبلحظة كنت بعمل فيها اكل لأم نتالي.. وخلصت الأكل بالمطبخ وحطيته على صينيه ولما رحت حتى أدخلّها ياه سمعتها بتحكي بتلفون وكان صوتها واطي.. كانت بتحكي معي حد وبتنبهه انه ما يجي على البيت وقالتله كلام انا استغربت منه.. كانت تحكي مابدنا حد يعرف بالشي اللي صار.. انت ما تحكي لحد أبداً.. وخلي كل شي سر بينّا.. الوضع هلأ خطير ولازم نوخد إحتياطاتنا.. انا بهاللحظة ارتبكت ومن كلامها الغريب صابني رعشة بإديه خلتني اوقع كاسة المي من الصينية على الأرض.. وهيه عرفت اني جيت سكرت الخط.. تصرفت عادي وحطيتلها الأكل لتوكل.. صارت توكل وتحكيلي خلص مافي داعي تضل هون أنا صرت منيحه.. خلص روح بس يصير شي بالقضية رح احكي معك.. حكيتلها انا مش رح اتركك ماتحكي هيك ونتالي مرتي انا بحبها بدي أعرف كيف اختفت ولازم ينخرب بيت المستشفى.. غرفة الأموات مفتوحة للكل!! حكتلي مش مصدقة انه بنتي ماتت.. الفرحة قلبت لميتم ليش يالله!! أنا صرت أحلل كلامها بالتلفون براسي وهيه بتحكي معي.. وبهاللحظة قلتلها معقول ثائر هوه اللي سرق الجثة؟ حكتلي ثائر مابعمل هيك.. هوه اصلاً حكا انه مابده ياها.. ليش لحتى يعمل هيك؟ قلتلها يمكن بحبها وبده ينتقم منها حتى بعد ما ماتت عشان رفضته.. حكتلي هوه مش حيوان لهالدرجة انا بعرفه من وهوه صغير مش ممكن يعمل هيك.. أنا قلتلها انا رح اخد حق نتالي حتى لو انتوا مقصرين بهالموضوع وبدي اوصل لثائر.. هيه ارتبكت ومابعرف شو اللي صارلها.. وصارت تحكيلي خلص افهم انه مستحيل تعمل هيك رح يكبر الموضوع.. قلتلها هيه بنتك ومش مهتمه.. بنتك نخطفت وانتي خايفه عليه.. حتى لو مش ممكن يعمل هيك لازم يتحقق معاه.. لازم!!! انا كنت رايح أطلع من البيت وفجأة نادتني.. تامر ! انا لفيت راسي عليها.. شفت عيونها حمره ووجهت اديها وبصوت محشرج وخشن حكتلي.. اذا بتفكر توصل لثائر ماتلوم الا حالك! رح اقتلك!
Link
18:182017/09/28
#سر_جثة_نتالي_قصص
#سر_جثة_نتالي_3 #سر_جثة_نتالي
الحلقة الثالثة
(( @rwayate ))
حكتلي ستي شو بدك؟ قلتلها بدي أعرف نتالي مين ووين؟ قالتلي انا رح البس واتخفى ورح اقابل ثائر.. رح نلعب لعبة مع عيلة الجن هدول.. ورح نوصل للي بدك ياه بس انت خليك بعيد.. ولو صار شي عليه خليه يصير انا صرت مرة كبيرة ومش سائلة عن شي.. بس بدي أريحك وأعرفلك المجهول ولو بده يلحقني أذى.. حكيتلها متى رايحه؟ قالتلي بعد شوي.. اعطيني عنوانه.. اعطيت العنوان لستي حتى تروح تقابل ثائر بالشغل.. وطلبت مني أني ما الحقها ولا أروح وراها .. حكيتلها ماشي بس خبريني شو بصير معك واول ما تطلعي احكيلي وين انتي عشان اجي اجيبك.. طلعت وأنا ضليت مع ماما.. وحكيتلها ستي شو ممكن تعمل؟ حكتلي ماتخاف عليها هيه بتحس وبتعرف الشي السيء لما بده يصير وغير هيك هوه مابعرفها وهيه رايحه مكان عمله فهاد الشي بخليه مايشك فيها أبداً.. أنا كنت بدي أروح عند أم نتالي بس ماما منعتني وحكتلي هاي المرة ممكن تأذيك لا تنسى الشي اللي شفته منها اخر مرة.. لأنها فعلاً ممكن تكون جن.. مابدي يصير عليك شي.. ستي تأخرت وبقيت ساعتين وأنا أستناها.. ماما حكتلي ماتطلع وخلينا نستناها.. بابا ماكان عارف شي ولا عارف اللي بنعمله وحتى ماعنده خبر.. بس أنا كان بدي أتأكد من الشي اللي بدي ياه من خلال ستي وبعدين بحكيله.. يمكن كان غلط اني اخبي عليه بس حسيت انه ممكن يكون هيك احسن.. بعد ما تأخرت كتير قررت اني اطلع بالسيارة استناها أو أمشي بإتجاه العنوان من بعيد لتطلع.. وبالفعل طلعت.. وبقيت بالسيارة بمشي بالشوارع.. وكل ما ارنلها ماترد.. خفت كتير يكون صار معها اشي.. وقررت خلص اني اروح مكان شغله واللي بده يصير يصير.. وأنا ماشي بالطريق صار في أزمه.. وبنص هاي الأزمه رنت ستي.. بس اللي شفته قبالي خلاني أطنش رنتها وما ارد عليها.. لأني غبت عن التفكير بالتلفون للحظة أول ما شفت نتالي ماشية بالشارع.. وكانت بتقطع الإشارة وانا واقفة سيارتي عالضو الأحمر.. وقبل لاتصير الإشارة خضرة.. طلعت من سيارتي وتركت تلفوني بالسيارة ولحقتها وسيارتي واقفة بنص الشارع وبنص الأزمه والإشارة فتحت والسيارات تزمر.. بس أنا طلعت بنادي نتالي وبركض وراها.. كانت هيه وأول ما شفتها نصدمت ولحقتها.. لابسة اسود وبتمشي بشكل سريع.. ولسه بلحق فيها صار ازمه أكتر وسيارات وناس وهيه قطعت الجهة التانية.. ولسه بنادي عليها سمعت صوت حادث ورايه.. اتطلعت للحظة لقيت سيارتي ومجموعة سيارات خلفها ضربوها.. والحادث كبير بسبب تركي للسيارة والاشارة مفتوحه.. طنشت القصة وما اهتميت لسيارتي لأني شفت نتالي بعيوني.. ولما رجعت راسي لقيتها اختفت.. صرت أحكي مش معقول راحت!! وتلفوني بالسيارة!! يالله شو بدي أعمل شو عملت بحالي.. أنا مش معقول بتوهم أنا شفتها ورايه.. وبعد ما فقدت الأمل.. اتطلعت قبالي لقيتها ركبت بتكسي.. وطلعت واجت عيونها بعيوني.. وقبل ما تهرب مني.. ركبت تكسي تاني وحكيتله الحق هاد التكسي بسرعه.. حكالي شو اللي بدك ياه من البنت؟ اذا الموضوع في شي سيء أنا ما بدي ألحقها.. حكيتله بعطيك قد مابدك مافي شي سيء ماتخاف بس الحقها.. ولما حسيته طمع فيه وصار يبطأ بالسرعة.. اختفت السيارة وأنا صرت احكيله انه الموضوع مهم ومسألة حياة أو موت.. بس صاحب التكسي كان خايف والسيارة رجعت ظهرت وشفت نتالي فيها مرة تانية.. ضربته على وجهه وقلتله اركن هون.. ولما ركن نزلت سحبته من السيارة وضربته واخدتها وطلعت وهوه صار يصرخ ورايه ويقول حرامي سرق السيارة.. وبهاللحظة حسيت في سيارة بتلحق فيه بعد ما قال هالجملة.. بس ماخفت من شي وضليتني بلحق بالسيارة لحد ما وصلت للمكان اللي وقفت فيه السيارة.. ولما وقفت نزلت من التكسي وصرت اصرخ نتالي انتي جوا السيارة! انزلي! ولما نزلت.. كانت بنت تانية.. بنفس الملابس بس مش نتالي.. حكتلي انت مجنون ليش معترض الطريق هيك وليش بتصرخ بنص التكسي؟ شو بدك مني ومين نتالي؟ حكيتلها انا ما كنت بتخيل.. انا شفت نتالي.. وين نتالي وين؟! حكتلي روح من هون قبل لأجبلك الشرطة.. بهاللحظة بطلت استوعب اللي صار.. أنا ماكنت بتوهم وهالشي اللي صار حقيقة مش خيال.. وين نتالي؟! ولسه انا بحكي مع البنت كان في سيارة ورايه فيها صاحب التكسي ومعاه واحد وبقله هاد الحرامي.. وأنا هربت وصرت اركض والشب اللي معاه بلحق ورايه.. حاولت افلت منه بس وقعت بالأرض ومسكني.. حكالي لازم تروح معي عالشرطة بسرعه.. حكيتله أنا ماكان بدي أسرق السيارة بس مرتي كانت بالتكسي وفكرتها هيه لأنها ضايعه حتى سيارتي تركتها لأخد التكسي.. ارجوك أنا بورطة والموضوع مش متل ما انت متخيل.. قلي انا مابفهم هالكلام لازم انت تروح عالشرطة.. حكيتله انت بتعرف صاحب التكسي؟ قلي لأ بس حبيت اساعده بعد ما سرقت سيارته منه! حكيتله طيب تعال افهمك ورح اعطيك قد مابدك لتتركني بحالي.. وبعد ماحكيتله القصة..
Link
18:182017/09/28
📹 آموزش حجامت سر مرحله 5


#حجامت_سر

قسمت آخر از سری حجامت سر
Link
8:082022/10/17
لارا : رح تكون الفوته على بيت رعد صعبه
نتالي : الفوته لبيت رعد مستحيله الفيلا كلا كاميرات مراقبه وحراس
لارا : انا لازم خلص هدى شو ماكلفني الأمر
نتالي : كيف رح تقدري تفوتي
لارا : ازا مافتت بصفتي بنت خاله بفوت بصفتي مرته
نتالي بصدمه : بدك تتزوجي رعد !!!!
لارا : قصدك بدي ضحي كرمال اختي الأمور كتير تعقدت وانا قربت اعرف من الرئيس تبعهم
نتالي : لا انا مارح اسمحلك تجازفي. هيك مجازفه والله ازا كشفك ليخلص عليكي
لارا : متل ماطارق لم شملي بعيلتي أنا بدي لم شمله مع عيلته
نتالي : شو دخل طارق بزواجك من رعد
لارا : يلي ببحب بيضحي نتالي
نتالي : بشو بدك تضحي واي عيله بدك تجمعيها مع طارق
لارا : انتي
نتالي : انا !! شبني انا !!!
لارا : انتي اختو لطارق يا نتالي ... طارق اخوكي من دمك ولحمك وصالح مو ابوكي

نتالي اختي !!!!

التفتو التنتين ليشوفوا طارق واقف وراهم وعيونه جاحضه !!!
////

#يتبع
Link
0
2.6k
20:202019/05/11
#سر_جثة_نتالي_7 #سر_جثة_نتالي
الحلقة الأخيرة
(( @rwayate ))
زادت الهلوسات عندي بشكل كبير.. بطلّت قادر أنام ولا أرتاح ولا أكل ولا أشرب.. حياتي صارت أشبه بالخيال أو بكابوس مش راضي أصحى منه.. صرت أشوف نتالي بكل مكان بالبيت.. أشوفها بتطلع عليه بالزوايا وعيونها بعيوني.. وفجأة تختفي.. صار عندي يقين انه يعقوب عاقبني بهالشي.. إني أشوف نتالي قبالي وما أقدر أوصللها وما أقدر أعرف اذا وجودها حقيقي ولا خيال.. صحيت أهلي بنص الليل وصرت أصرخ بعد ما شفت نتالي بزاوية الباب بنتهدلي أصحى.. تامر إصحى أنا هون.. صرخت نتالي تعالي بدي ياكي.. لا تتركيني أرجوكي.. واهلي صحيوا ودخلوا غرفتي وأنا ببكي وبنادي عليها.. بس كلهم حكولي انت بتتوهم.. لازم بكرا نوديك على دكتور نفسي.. حكيتلهم أنا مش مريض أنا بشوف نتالي بكل مكان.. وحاسس انها قريبة مني كتير.. هيه قريبة مني وبتظهرلي وأنا حاسس بوجودها وما بكذب صدقوني.!! قعدوا معي بالغرفة وماما صارت تهديني وتمسح عراسي.. حكيت لبابا مين كان يتوقع انه ستي يطلع منها كل هاد!! ستي تخربلي حياتي وتدمرلي كل شي وأنا ما أعرف.. إحكولي ليش عملت هيك.. شو المبرر الوحيد اللي بخليها تعمل هيك.. حكولي صدقنا نحنا مصدومين متلنا متلك ومش قادرين نعرف ليش عملت هيك وليش خربت الحفل وفجرّت الصالة.. مصدومين باللي عملته ومش قادرين نتصور انها ممكن تفكر بشكل إجرامي هيك.. حكيتلهم ستي طلعت عدوتي.. خربتلي حياتي وقتلت نتالي.. عملت المستحيل واللي مابخطر على بال حدا حتى تقتلها.. أنا لازم أعرف ليش عملت هيك! لازم أعرف.. وجود نتالي بعذبني.. حاسها بتنتقم مني عشان ستي عملت فيها هيك.. عم تعذبني كل ما بتظهرلي.. أنا خايف أضل لوحدي.. وبهاللحظة صرت ابكي.. ماما حكتلي مش رح نتركك حبيبي.. بكرا الشرطة رح تفهمنا على كل شي.. بدعي يمسكوا المجرم بأسرع وقت.. انا عارفه انه السر عنده!.. طلع الصبح وطلبونا الشرطة.. حكولي توصلنا لمكان يعقوب.. هوه متخبي بمغارة قريبة من صحرا.. هناك في فندق صغير بمنطقة قريبة من الحدود.. والمغارة قريبة من الفندق.. قدرنا نحدد المكان من الخط اللي كان معاه واللي مسجّل بإسمه.. والظاهر باقي نايم بالفندق ليلة وطالع منه من الخوف لحتى ينمسك.. الشرطة بالطريق للمغفر وجابوه من المغاره.. بهاللحظة حسيت بإطمئنان كبير.. وحسيت اني رح أسمع منه الحقيقة اللي ماقدرت تنيمني ليالي طويلة.. السر والجزء الناقص من التسجيل.. انتظرنا ساعه لحد ما وصلوا الشرطة.. ودخل يعقوب منزل راسه ومش قادر يتطلع فينا.. دخل على غرفة التحقيق.. وأنا كان بس بدي أدخل جوا.. حكولي لازم تضل هون لنعرف شو بده يقول جوا.. بعد وقت طويل.. اخدوه ونزلوه للحجز وكل شي صار واضح.. اعترف انه هوه قتل ستي وأبو نتالي وثائر كمان.. أربع جرائم بدم بارد.. طلبوني أنا وأهلي لجوا لنعرف شو قال.. الصدمة الجديدة اللي تلقيناها من الشرطة إنه يعقوب كان على علم بستي من قبل لأعرفه ويظهر بحياتي.. كيف هيك..! ستي قررت تخرب العرس من أول ماعرفت بإنه العروس هيه نتالي.. وهالشي الكل عرفه من أول مارحنا نطلبها.. بس ماكان في سبب عندها إلا إنها حاسه انه هالعيلة مسكونه وملعونه ورح تجيبلنا الخراب.. بس اللي ماكان حدا يعرفه انه هالعيلة كانت تعرفهم من قبل لأخلق أنا عالدنيا.. وكانت على علاقة بأبو أم نتالي.. وهالعلاقة بلشت بعد ما توفى زوج ستي بخمس سنين.. كانت لسه بأول الأربعين من العمر.. وكانت ناوية تتزوجه.. بابا كان عنده علم بالموضوع وكان يعرف الزلمه بس ماكان يعرف مين أهله.. بنته أم نتالي! عارضت القصة عشان ماكانت متقبله قصة انه أبوها يتزوج بعد وفاة أمها.. ولازم يضل مخلص لإلها طول العمر.. ضلت وراهم وخربت القصة لحد ما انفصلوا.. ستي مانسيت الموضوع.. وعشان شغلها بالحجابات قررت انها تسلط عليها جن يخربلها حياتها طول العمر.. بعد فترة أم نتالي تغيرت ومرضت وتعبت.. ستي انتقمت منها وطلعت من حياتهم.. وبعد عذابها طول هالسنين.. مرت السنوات وشاء القدر أني أحب بنتهم عشان القدر يلعب لعبته مرة تانية.. ماكانت بدها الزواجة تتم بأي وسيلة.. وعشان هيك قررت تخرب العرس بإتفاق مع يعقوب اللي كان يساعدها بقصص الحجابات بس ما كانت خبرته متلها وكان بس صبي يجيب مواد خاصة لخراب بيوت الناس لستي والنسوان اللي بتعرفهم.. طلبت منه ستي يظهر بحياتي فجأة باللحظة اللي راحت فيها عند ثائر عشان تقنعني انها عرفت انه فيه جن.. هوه كان سليم ومافيه شي.. وطلبت من يعقوب يلحقني ويقلي انه بعرف بالسحر وممكن يساعدني.. اعطته مصاري كتير وحكتله اخرب الصالة واحرق المولدات بطريقتك.. يعقوب دخل الصالة وعمل حاله عامل فيها وخرب المولدات بطريقة خاصة بعد ما عطل الكاميرات ليزرع فيهم المتفجرات ليصير الحريق والإنفجار.. ستي كانت عندها نية بقتل نتالي.. عشان هيك طلعتني من الصالة وصارت تصرخ لأطلع معها.. وبس طلعت صار الأنفجار.. ماتت نتالي بعد ما اخدوها على المستشفى.. نتالي نحطت بغرفة الأموات..
Link
18:182017/09/28
#سر_جثة_نتالي_1 #سر_جثة_نتالي
الحلقة الأولى
(( @rwayate ))
اليوم اللي بستناه وأخيرا ً أجا.. هاد اليوم اللي كنت أحلم فيه من زمان... اليوم اللي بدي أنزّف فيه قدام أهلي وصحابي وكل الناس على عروستي اللي حبيتها وأخترتها.. نتالي البنت اللي عشت معها قصة حب طويلة وما عاشها تنين أبداً.. ماكنت متوقع انه هاليوم اللي تمنيته يقلب يوم أسود ويصير اللي صار.. تعرفت أنا تامر على نتالي فبيت أهلها وقت مارحت اصمملهم بيتهم واشتغل عليه لأني مهندس معماري.. صممتلهم البيت حسب ماطلبت نتالي لأنه ابوها كان مدللها كتير وحتى تصميم البيت هيه اختارته.. صرنا نجتمع كتير بالبيت ونقعد سوا حتى يطلع معنا شكل البيت حسب مابدها.. ماكنت متخيل اني رح احبها.. واني رح أطلبها من نفس البيت اللي دخلته.. وبس مرت الأيام تطورت القصة.. ابوها كان بده يزوجها لأبن عمها ثائر بس هيه رفضت لأنه مابتحبه وبتكره عيلتها.. ولما استنجدت فيه أنا اعترفتلها بحبي بعد ما حسيت انها بتحس تجاهي نفس الشي وطلبتها من ابوها بس هوه رفض حاولنا كتير بس ماقدرنا نعرف ليش رافض الفكرة برغم انه حالتنا كانت ممتازة متل حالتهم المادية وأحسن بس كان في سر بالموضوع.. وهوه اصرار ابوها انه يزوجها لأبن عمها ثائر.. نحنا اتفقنا انه نضل نحب بعض بالسر وانها تحكي لأبوها انها بدها تكمل ماجستير بعد الجامعه.. حكلته هيك وهوه وافق بس قلها أول ماتخلصي السنتين لازم تتزوجي ابن عمك.. هيه طاوعته وحكتله بفكر بس ضلينا بنحكي مع بعض طول الوقت.. ولما مرت الأيام وخلصوا السنتين.. ابن عمها بطّل بده ياها فجأة واحنا ماعرفنا السبب وابوها وافق عليه وأنا نصدمت من فرحتي بعد ماعشت معها قصة حب بالسر وكنا خايفين ابوها يكشف العلاقة بس لما خلصت المدة انصدمنا باللي صار.. وماكنا فاهمين شي أبداً.. اللي صار اني خطبتها ورحت لأتزوجها وكان معي ستي وبابا وماما بس ستي كانت بتشعر بالشي اللي بده يحصل وعندها حدس وكانت محترفة بقصص الحجابات والسحر بس بابا ماكان عنده علم انا وأنا مراهق كشفتها وعرفت انها هيك واللي اكتشفته بعدين انه ماما الها على هالشي كمان بس فكرت انه الموضوع مجرد تسلية وماتوقعت انه في نسوان عم بستنجدو بستي عشان تساعدهم بقصص وحجابات ستي قالتلي خلينا نطلع مش لازم نشوف العروس هاد المكان في سر خطير ومسكون جوا البنت اللي بتحبها.. في شي غلط عم بصير وأنا حاسيته نتالي كانت عم تعمل العصير وامها معها وبابا كان مشغول بالكلام مع بابا وستي كانت جنبي هيه وماما وهيه بتحكيلي هيك.. أنا حاولت اسكتها بس مارضيت.. وضلت تحكيلي لازم نمشي هاي الجوازة مش رح تتم.. ولما قررت تسحبني من أيدي لتطلعني من البيت أجت نتالي لتقدم العصير.. ولما قربت لتعطي ستي وقعت العصر عليها.. ستي صارت تبهدل فيها عشان تستغل الموقف اللي صار لتخرب الموضوع.. عشان هيه حاسة بشي غلط بهالبيت.. انا كان عندي أيمان بأحساس ستي بس انا حبي لنتالي كان اقوى من اي شي.. برغم في شغلات كتير صدقت فيها ستي وصارت فعلاً .. بس ماكان هاممني شي غير اني اكون مع نتالي طول العمر.. خصوصاً بعد ما ابوها وافق.. بس وستي عم تحكي صرت استرجع اللي صار.. ليه ابوها كان بده يزوجها لهالشب وليه كان معارض عليه وليه رفض بعدين وليه رجع وافق عليه.. في سر فعلاً.. نتالي نحرجت من اللي صار.. وهربت جوا.. وامها صارت تعتذر بس ستي ماقبلت تسمعهم.. أنا طلعت ستي برا البيت وقلت لبابا يوصلها على بيتنا.. بس هيه حست بالأهانه ونجرحت خصوصاً اني تخليت عنها عشان اضل فبيت نتالي وماكان بدي تعمل اي شي تاني يخليني اخسرها.. بس لما طلّعت ستي من البيت.. اتطلعت فيه وحكتلي.. بدك ابوك يوصلني وتخلص مني عشان تضل عندها؟ لهالدرجة بتبيع ستك عشان بنت.. رح تندم وتقول ياريتني جيت معها.. روح فوت جوا وشوف شو اللي بده يجيك.. أنا مارديت عليها واللي براسي كان بدي اعمله.. بابا راح يوصلها وهيه ضلت تتطلع عليه من شباك السيارة وعيونها حادة ومخيفه وكأنها حقدت عليه بشكل مش طبيعي.. دخلت اعتذرت وكانت ماما قاعدة مع نتالي بتعتذرلها عن اللي صار مع ستي.. وبعد نص ساعه رجع بابا وطلبنا نتالي ووافق ابوها.. بس طلب منا انه الخطبة تكون أسبوع واحد وبعدها زواج فوراً.. انا انبسطت وقلت هيك احسن عشان يتحقق حلمنا بسرعه وبلا من الخطبة.. طلعت انا ونتالي وطبعنا كروت وجهزنا كل شي.. بس ماكانت تقبل تيجي على بيتنا عشان ماتشوف ستي لأني حكيتلها هيه مابتحكي معي ولا راضية تسمعني.. عشان اللي صار.. مضى الأسبوع واجا يوم العرس.. ستي طلبت تيجي على الحفلة وقالتلي قبل اي شي انت لازم تترك البنت بسرعة.. انا حاسة انه في شي سيء رح يصير في مصيبة رح تصير.. قلتلها ستي ارجوكي بكفي ومارضيت اسمعها وقلتلها ماتيجي على الحفلة بس هيه ماقبلت ولبست وجهزت حالها.. حسيتها جاي تخرب الحفلة وتخرب الدنيا.. ولأنها ضلت حاقدة عليه من هداك اليوم.. اجت الحفلة ونتالي مبسوطة ومش مصدقة انه نزفينا مع بعض معقول بعد كل هالسنين صرنا لبعض..
Link
18:182017/09/28
سارحة ،اذا بضلي بهالحالة ،انسي يلي قلتلك عليه

تركا عم تبكي و طلع لفوق ،لبس تيابو و راح يشوف نتالي بمزاج معكر لاحظتو نتالي و حاولت تفهم سببو بدون اي فايدة ،حتى حاولت اطلعو منو بس زادت الطين بلة

نتالي:اياد انا بدي قلك شغلة ،ما بعرف اذا تسرعت فيا او بحق الي احكيا

اياد:احكي

نتالي:اليوم البابا سألني شو اخر علاقتك انت و اياد

اياد:ايه

نتالي:قلتلو طبعا اخرتا زواج و استقرار

اياد:زواج؟

نتالي:ايه ليش انت ما مفكر تتزوجني !

اياد:ايه مفكر بس ما هلأ

نتالي:شو ناطر ؟

اياد:انا ما جاهز هلأ ،لامن وضعي اكتر ،اكيد ما رح تقعدي ببيت بعيد عن البلد ...

نتالي:بعرف انا حسبت حساب هالشي كلو

اياد:كيف؟

نتاالي:اولا انا كنت محضرتلك مفاجئة على عيد ميلادك بس بما انو فتحنا هالموضوع هلأ ،خلينا نحكي بكل شي

اياد:انا ما بحب المفاجأت و انت بتعرفي هالشي

نتالي:طيب طيب

قامت من جنبو و تناولت جزدانا و طالعت منو مفتاح سيارة و اعطتو اياه

اياد:شو هاد؟

نتالي:هيدا مفتاح سيارتك الجديدة

اياد:سيارتي!

نتالي:هدية عيد ميلادك

اياد:اوووف هدية عيدميلادي سيارة ،شو تركتيلي الي لاهديكي ،انت بتعرفي اني ما معي ردلك هيك هدية

نتالي:بدي ازعل منك ها ؛انا ما بدي تردلي اياها ابدا مع انو جيبتي و جيبتك وحدة ،انا بس بدي نكون مبسوطين و مكملين بعض و انك تحبني حب صادق

اياد:بقبل هيك هدية بس بشرط واحد

نتالي:تفضل

اياد:بدفع قسم من حقا و الباقي بالتقسيط من شغلي

نتالي:معقول انت ،انا عم قلك هدية ..هههدييية ...و انت بتقلي تقسيط و دفعة اولى

اياد:غير هيك ما رح اقبلا
نتالي :فظيع انت و بقلولي ليش بتحبيه و بتموتي فيه
اياد:مين بقلك؟

نتالي:الغيرانين مني ،طيب المهم هاي سيارة و صار معك و شغلك مع بابا ماشي تمام ،و بالنسبة للشقة كمان جاهزة

اياد:شكلك مخططة لكل شي

نتالي:ههههههه طبعا ،في شقة بابا مسجلة اياها باسمي و بنص البلد ،شو رايك ؟هلأ ما تحطلي حجة تانية ما ضل عندك ولاسبب لنأخر زواجنا الا اذا انت ما بدك تتزوجني

اياد:لا بدي

نتالي:معناها رح حكي البابا و اخد منو موعد تطلب ايدي منو

اياد:ولو مستعجلة كل هالقد

نتالي:اكتر ما بتتصور مستعجلة لنكون ببيت واحد و تحت سقف واحد ،قوم يلا خدني فتلة بالسيارة الجديدة

قدرت نتالي طالعو لاياد من مزاجو المعكر بهديتا الغالية بس كان عم يفكر بالورطة يلي بدو يتورطا مع نتالي و هو زواجو منا ،ما كان عندو ابدا رغبة لانو يربط حالو معا اكتر بس وقت حسبا من الناحية المادية و انو علاقتو فيا عم ترجع عليه و على نورا و ابنو بالمردود المنيح و عم يجبلن كل شي عم يشتهيه و يعيشن احس عيشة ،فكر جديا بعرض الزواج ،فتلو بالسيارة شوي و وصلا على بيتا و رجع لعند نورا ،كانت غاطة بالنوم و جنبا معتز

اياد:نورا ...فيقي

صار يهزا من ايدا و يلمس على وجهها حتى فاقت

نورا:ايه

اياد:قومي بدي اخدك مشوار

نورا:مشوار !!

جلست قعدتا هي و مصدومة و كانو سمعت كلام اياد بالحلم

نورا:تاخدني الي مشوار !وين يعني مشوار
#يتبع
....
Link
0
1.9k
8:082018/11/11
البحوث الأخيرة في الموقع

    الكتب والمواضيع والآراء فيها لا تعبر عن رأي الموقع
    تنبيه: جميع المحتويات والكتب في هذا الموقع جمعت من القنوات والمجموعات بواسطة بوتات في تطبيق تلغرام (برنامج Telegram) تلقائيا، فإذا شاهدت مادة مخالفة للعرف أو لقوانين النشر وحقوق المؤلفين فالرجاء إرسال المادة عبر هذا الإيميل حتى يحذف فورا:
    alkhazanah.com@gmail.com

    الرئیسيه
    المجموعات و القنوات
    Disclaimer

    All contents and books on this website are collected from Telegram channels and groups by bots automatically. if you detect a post that is culturally inappropriate or violates publishing law or copyright, please send the permanent link of the post to the email below so the message will be deleted immediately:
    alkhazanah.com@gmail.com