#الجزء السابع:
@rwayate
ناديا:بس انا بدي اياك ههههههه
سامي:عم تضحكي !
ناديا:ولله عم احكي جد
رن موبايلو لسامي
سامي:هاي ابوكي اجا الفرج..الو...ايه..ليش ...يعني لايمت ...لبكرا معك بس عالاكيد...سلام
ناديا:قلك لبكرا ؟
سامي:ايه
ناديا :.....
بقيت واقفة و شاردة و عم فكر و احبك خطط بيني و بين حالي ،انتبه علي سامي
سامي :شبك واقفة متل الجوكر
ناديا:بدي اتحمم انا ما فيني ضل بتيابي من الصبح للمسا و طبخت و صارت ريحتي طبخ
سامي:ما كنتي بدك تنامي هلأ؟
ناديا:اييه بس نسيت انو تيابي من الصبح ما غيرتن و ريحتن طالعة ،يلا انا فايتة اتحمم
فتت على الحمام و شلحت تيابي و فتحت المي شوي و رجعت سكرتا و لفيت المنشفة علي و فتحت الباب شوي و مديت راسي
ناديا:سااااامي ...ساااااامي
سامي:ايييه ....شبك
ناديا: المي يا عم تطلع باردة يا عم تطلع سخنة ما بعرف ليش ما عم تزبط معي ، فوت عدلي اياها
سامي :....
وقف شوي و كأنو عم يفكر بعدين فات ،هو و منزل راسو
سامي:شوفيا هيك منيحة
ناديا:لا باردة
سامي:هيك
ناديا :لا كتتير سخنتا
سامي:اي ما بتصير غير هيك
ناديا :و هلأ صرت شالحة تيابي
سامي:اي ما صار شي ارجعي البسين
ناديا:لا خلص بتحمم
طلع من الحمام هو و عم ينفخ و وقت كان عم يسكر الباب
ناديا:لااا ما تسكر الباب خليه مشقوق شوي انا بختنق من بخار المي السخنة
اطلع فيني و انا حابسة ضحكتي
سامي: اااه طيب
بلشت اتحمم و انا مركزة سمعي لبرا اذا اجا سامي ،بعد شوي اجا و وقف ورا الباب
سامي:ما تخلصي كل المي السخنة بدي اتحمم بعدك
ناديا:ليش ما قلتلي قبل ما فوت كنت قلتلك تحمم قبلي لانو انا بطول بالحمام و شعري طويل بياخد وقت و بليف جسمي
سامي: طيب
مسك الباب و طبقو،طلعت من تحت الدوش و فتحت الباب شوي
ناديا:انا ما قلتلك ما تسكر الباب بختنق
سامي:افتحي الشباك
ناديا:الدنيا شتا و برد كيف بدي افتح الشباك ،بعدين انت وين المشكلة عندك ،انت الا انا يلي عم اتحمم
سامي:انت بس مبينة كلك من شق هالباب
ناديا:طب ارجع اتفرج عالتلفزيون ، و روح من ورا الباب ،هيك ما بقا بتشوف شي
سامي:فوتي هلأ رح تخلص المي السخنة
ناديا :فايتة و انت روح من هون و ما تبصبص علي
سامي:هههههه بصبص عليكي رايح رايح
خلصت حمام و لفيت المنشفة علي و طلعت و رحت بوجهي على غرفة القعدة
ناديا:انا خلصت حمام اذا بدك يعني قوم تحمم
سامي:.....اييه...هلأ بقوم ..روحي من وجهي
فتت على غرفة النوم انا و عم اضحك على سامي،فتحت خزانتو و كانت شبه فاضية ،شفت قميص عندو ،قلت هيدا هو،لبستو و وقفت شفت حالي على المراية و طلعت ،اول ما شافني ضرب بايدو على جبينو
سامي:شو هادا يلي لابستيه ،هادا قميصي لك ما لقيتي اقصر منو لسا تلبسي
ناديا:قستن كلن و هيدا اطول واحد
سامي:ليش ما لبستي بنطلون
ناديا:جيت لالبس بنطلون بس كلو طلع كبير علي و زحط بس ولله برد كنت جاي اسالك عندك جرابات سميكة
سامي :ما بعرف شوفي بالدرج بغرفة النوم
ناديا :طيب
فتت لبست جرابات و رجعت حطيت راسي على المخدة و غطيت حالي بالحرام
ناديا: ييي بررررد بس تقوم تنام جوا فيقني لنام جنبك
سامي:اي قومي نامي جوا ،انا بدي اتحمم و نام
ناديا :طيب
اخدت المخدة و فتت على غرفة النوم و بعد شوي طلع سامي من الحمام ، طفى الضو و اجا نام جنبي و انا عملت حالي نايمة
سامي:رجليكي هدول ؟
ناديا ...
نادياناديا:ايه
سامي:بعدي رجليكي عن رجلي شوي
ناديا:رجليك دافيين عم اخد دفا منن ....عم تمطر برا مو ...يا ترى امي كيف بكون قلبا علي هلأ متل النار و اكيد بتكون علقت مع ابي و حملتو كل المسؤولية او يمكن تكون مطمنة و مرتاحة ....سامي ...نمت
سامي:...لااا
ناديا:فكرتك نمت لانك ساكت يعني بالعادة بتسبو لابي وقت بجبلك سيرتو
سامي: هلأ تعبان و بدي نام ..نامي بقا
ناديا:سااامي
سامي:نعم الله يمضي هالليلة على خير
ناديا:دير وجهك علي
سامي:
ناديا انا فهمان عليكي
ناديا:شو فهمان ؟
سامي:فهمان عليكي شو بدك من الاخر لهيك نامي و يلي براسك ما رح يصير رح ترجعي على بيت اهلك متل ما انت لانو انا ما بدي ورط حالي فيكي
ناديا:.....اممم
قمت من التخت و مسكت المخدة
سامي:لوين رايحة ؟
ناديا:بدي نام برا حتى ما تفهمني غلط
سامي:ما على اساس بتخافي تنامي لحالك
ناديا:اي بخاف بس معلش ازبط من انو تحطني بشي ما انا فيه تصبح على خير
سامي:خلص نامي هون و انا بنام برا ،بعدين ما في الا حرام واحد ،بدك تنام بلا حرام يعني بهالبرد
طلعت من الغرفة و ما رديت عليه و نمت بغرفة القعدة ،بعد شوي اجا سامي جايب معو
حرام
سامي:خديه انا بدبر حالي
تاني يوم الصبح ف
تكمله
دمى متحركه
سامي:خديه انا بدبر حالي
تاني يوم الصبح فقت على الساعة 8،غسلت وجهي و مريت على غرفة سامي ،شفتو اول ما فايق
سامي:صباح الخير
ناديا:.....
جبت تيابي من الغرفة و رجعت على غرفة القعدة و لبستن بعدين رحت لعلق قميصو بالخزانة
سامي:صباااح الخير
ناديا:ما دقلك ابي لسا ؟
سامي:لسا
ناديا:ايي دقلو انت استعجلو
سامي:سبحان مغير الاحوال ،لسا مبارح كنت ما مستعجلة و بدك تلزقي عندي