البارت 29
👌🏻👇🏻 😍
📚 @rewayatyamania 🇾🇪
مصطفى سار يقوم غسان .
مصطفى :ييييه غسااااااان قدو مغرب هيا قوم .
غسان: : فتح عيونه وبصوت ملان نوم قال(والله مغرب)
مصطفى : قوم يله قد أحربونا أتصالات وأحنا راقدين
غسان: من هم
مصطفى :: أبوك اول الناس
غسان: دعمم منهم
مصطفى ناهي قوم محد في البيت ذاحين
أنا شاخرج أشل لنا قات هذا أذا عاد لقيت
وانت أتصل لهم مش أسير واجي عادك بقعتك .
غسان: شل تلفونه
أنصدم من كثر الا تصالات الموجوده في تلفونه
أبوه 'ورهف 'وتلفون البيت رجع أتصل لتلفون أبوه
أبو غسان جالسين بيتغدوا سمع رنه تلفونه
شاف المتصل ( أبني غسان)
رد وقال ( حيا الله بالرجال حقي حيا بالركن حيا بالي بيتحنوق ساع النسوان
غسان زاد ضبحه من كلام أبوه وقال كنت راقد وما سمعت التلفون وبعدا ماشارجع البيت الا بعد ما تفسخوا خطبه رهف
أبو غسان : الخطبه ما عتفتسخ واحنا رجال وما نرجع في كلامنا وتشتي تجي البيت جيت ما تشتي ما شتيت ياولدي والخطبه الجمعه وانت أفعل ماشتيت يارجال
غسان: أرتفع ضغطه من كلام أبوه ونسي أنو بيكلم أبوه وقال( اصلا لْـۆ ماناش رجال أني راضي بهذه الخطبه ياأبه تشتي تزوج بنت لواحد………
أبو غسان: غسااااااااااااان لهنأ وكفايه عيب هذا الكلام وليد تربيه عمتك وهذا گلآمَگ كبييييير مش معناته أنك بسرت عليه شي أنو مشو رجال .
غسان: خلااااااااص مشتيتوا فعلتوا أخطبوها وحدكم ويوم الجمعه ماناش جيي واذا سألوك مال أبنك مشو موجود قل ( أبني مشو رجاااااااال )
وانا شاجلس عند مصطفى لاتقلقوش وغلق .
……… …
( كلام أبو غسان جعل غسان يفقد صوابه وخلاه يصيح بصوت قوي خرج القهر إللي في خاطره )
وصل مصطفى وقد شل لهم عشاء تعشوا وصلوا ورجعوا خزنوا وفي بالهم الاثنين يشتوا يذاكروا
بس إللي داخلهم أكبر من كلمه مذاكره
أحلامي أصبحت تتلاشى شيئا بعض شئ
فواقعي مر وحتى وإن حاولت جاهده أني أتذوق بعض حلاوه أحلامي يخذلني الواقع بشده.
………… ..
وصلت جميله لباب بيتها بسرت خالد بيلعب في الشارع زراقيف
وداخلها قالت قدو وقتنا بعد الاختبارات زراقيف ولعب في الشارع
خالد بسر أمه سار لعندها
خالد: أمه أدوا ليـّۓ حق جعاله
جميله: وأنت كل ماتبسرني ما تشتي إلا جعاله مابش فقدتش ياأمه والا مالش ياأمه متأخره لذاحين
خالد: خزي من أمه وقال ( هو غير ياأمه حن كملنا الاختبارات إذا مابش سهل )
جميله : مكنت خالد ميه ريال وفحط من عندها يسير يجعل
دخلت جميله وبناتها جالسات في الحوي بيغسلين
جميله : لَـگِنْ القوئ
ريم ورغد : لكم العافيه ياأمه
جميله: أجي أعاونكن
ريم: والله ما تلمسوا شى أدخلوا غير أفتهنوا بقي شويه ونكمل
بس مالكم الًيَوُمًِ تأخرتوا
جميله شارجع أجابركن ماحصل
و دخلت البيت وهي بتدعي لبناتها يسخر لهن الباري علـّۓ قدر نياتهن .
………… ......
✍نجلاء يحيى
📚 @rewayatyamania 🇾🇪