البارت 127
👌🏻👇🏻 😍
📚 @rewayatyamania 🇾🇪
عند علي عرض أمه علـّۓ طبيب نفسي وقال الطبيب أن فاطمه تعرضت لصدمه نفسيه قويه من شخص قريب منها وعلي حكى ڵـهٍ كل شي عن أمه لاخر موقف لما رجم المبخره
الدكتور: يعني أمك تعتبر مريضه من زمان
علي: والله ما ادي ڵـڱ علم
الدكتور: خلاص علاجها بيطول عندنا ضروري نراقب حالتها وعلاجي بيكون جلسات كلاميه لاغير جلستين عتكون كل أسبوع
علي: والله مقدر أفلت عملي بس يا دكتور معي أخي هنا وهو ماسك عملي هنا وبيدرس من عينتبه ﻹمي
الدكتور بحكمه قال: هذه امك مهما سوت من أشياء بتظل أمك ماعتقدروا تفرغوا لـٍهآ وقت عشان تسترد صحتها
علي تاثر وذكر أبوه وقال : عنشوف يا دكتور كيف وتسلم بيننا أتصال
الدكتور أن شاء الله
عند ديما فارحه أن أخوها عيخليها اليوم تسير عند رغد واتصلت لرهف تجي لبيت رغد بس رهف قالت يمكن ما تجي لان معاهم عمل لعرس لغسان
ديما: والله أني اقتهرت عليش ياريم وماكنت مصدقه
ريم: ڵـهٍ الحمدهذا ابتلاء من الله
ديما: ذاحين بتقدري تحركي يدش
ريم :هي يدي اليسرى المكسوره والحمد لله كل شي باليمين بين افعله بس بين أتعب لما أشتي أغير الثياب والا ادخل الحمام بس يخلي الله رغوده قد بين أهم لما تتزوج كيف شافعل
رغد: أن شاء الله يجي العرس وقد بعدتي الجبس
ريم: يارب
ديما ما بقي لعرسش تشلي
رغد: الكسوه عليهم بس قد أمي كستني هي وخاله عائشه شنطه السابع قولتهم وشنطه ثيابي حق العيزبه وشنطه قلافد شليناهن انا وعبير
ديما : وذاحين بتقدري تمشي على رجلش
ريم: ايوه الْحٍمَدٍ للـّہ
ديما: عتسيرين عرس أخو رهف قد عزمتني وقالت اذا عتجي الًيَوُمًِ عتدي ليـّۓ الدعوه حقي معها .
ريم ذكرت غسان وغثيت انو خلاص عيتزوج وهو كل يوم يجي يدي لـٍهآ سمك ويطمن عليها واحيان يجي يدي لـٍهآ صبوح والا عشاء وقالت خلاص عيتزوج وماعاد عيجي عندنا وعينساني للابد وينسى أمي وبعدين بتفكر في صاحبه وداخلها حاسه ان غسان معجب بها وقالت كيف أوافق عليك يا مصطفى وانت صاحب واحد معجب بي يارب دلني وارشدني
★★★★
عند بيت غسان كملين العمل تقريبا شقه غسان قدي جاهزه مكونه من غرفه نوم كبيره وواسعه وحمام وسط الغرفه
بعدين في مجلس متوسط وفي صاله مفروشه كنبات وفيها شاشه كبيره وثلاجه صغيره
أما المطبخ مابش لانو عتكون تأكل معاهم
رهف: ياأمه قوى الله يحفظكم خلوني أسير معاهم وعيرجع يجي ليـّۓ غسان
عائشه : أخوش مشغول هذه الايام يمكن مايقدر يجي لش
جميله: ماعليش شي اذا ماجاء شاروحها أنا
عائشه : خلاص سيري البسي علـّۓ الله
رهف طارت للغرفه تلبس
عائشه : ذاحين يا جميله ماقلتي ماقالت ريم وافقتوا
جميله : غدوه شاقل لش الخبر الاكيد ان شاء الله عاد هيثم بيسأل عليهم وريم عُاَدّيَےّ ماقد ردتني جواب
عائشه : خلاص غدوه أن شاء الله جي بدري ماعنفعل غداء عنطلب لنا من السوق ونبدأ نكعك غدوه وقد اتصلت للبنات يجين لقد قدرنا نكمل الكعك ابرد الهم من فوق قَلبـيے
جميله: ماعليش شي كل شي عسبر
ونزلت رهف وسارت مع جميله عند البنات لان ديما موجوده وعشان تمكنها الدعوه حق عرس فاتن وبينها وبين نفسها تذكرت آخر موقف حصل بينهم في الواتس
رهف: ريم بنت خاله جميله
فاتن: من خاله جميله
رهف: خاله جميله الذي بتشتغل عندنا
فاتن: ها بنت الخدامه
رهف: مشي خدامه قدي مننا وفينا ومن أهلنا
فاتن: من الخدامه منكم وفيكم هي خدامه وبتظل خدامه كيف يا رهف بتنزلي مستواش وتفعلي صوره وحاله لبنت الخدامه وانا من كل عقلي بين أدخل أسألش من اللي تاعب لْـۆ انا داريه ما كلمتش
رهف عصبت منها وقالت :انتي واحده بلا ذوق وهولا الناس الذي بتتكلمي عليهم غصب عليش يكونوا مننا وفينا وايش عيبهم لانهم فقراء أفضل من انهم يعيشوا عاله علـّۓ غيرهم هم أفضل منش بالنسبه ليـّۓ ميه الف درجه وحظرتها
وكلمت أمها بكلام فاتن ونبهت علـّۓ رهف ما تكلم غسان لانه اكيد مجنون وليسير يفعل لهم نثره قبل العرس
★★★★★
https://t.me/joinchat/AAAAAEIz_KDfjDgo7Gaxwg
📚 @rewayatyamania 🇾🇪