ياسر،،تواصل مع صاحب معرض سيارات ، تعرف عليه لوما كان يتعامل مع مكتبهم ، ووعده يبيع له السيارات بمعرفته.
هدى: ايش من سيارات وحق من ؟
ياسر: تذكري الموضوع الي كلمتك عليه قبل فترره ، رحت الحديده استلمتهن.
هدى: هاا ، ولو اني خايفه عليك ، الربح والخساره في هذه الاشياءء مغامره.
ياسر: على الله، ان شاءالله مافيش خساره
بيت اروى:
احمد حالته حاله مجعوث واقف مع العمال ، بيرنجو الطرحه حقه هو ورشا ،
اروى: دقت له الباب ينزل يجاوب امد لاتداعيه ويسمعو صوتها ،
احمد: نزل يبسر ماتشتي .
اروى: سير اشتري روتي نعشي العمال قدو جاهز العشا ،ماسترتش اخبز.
احمد: حاضر .
بيت عبدالله
عبدالله: هيا ماقالت اختش يامره موافقه نزوجها بيحيى ؟
مرت عبدالله: ماقد حاكيتهاش ، اول حاكيه ، مشتيش لوماوافقش اكسر نفسها.
عبدالله: بنتصل مابيجاوب ولا ، اخر محاوله ، ماشي طز فيه.
مرت عبدالله : مابلا طز فينا احنا.
عبدالله: تمام شاسير ادي كرت واتصل.
عند يحيى
قامو الرجال يغسلو وهن بيرفعين..
سلا: جهزت شاهي ، والفاكهه ،والحلا.
سلوى: فتحت الوداعه وداخلها حق كل مره وزياده جعاله وكعك العيد، فتحت علب الكعك وبدات ترص لصحن جعاله وكعك.
سما: يوو والشم كعك خاله ايناس يجنن.
سلوى: ايوه حقها البيتفور حالي قوي.
سما:بس هذا مش بيتفور ، مالح.
سلوى: مدري ،ناسيه ،سارت تقرب .
سلا : بتعاون امهاسارت تنناول خالد وهوبيقرب قبال محمد.
رن التلفون جاوبت سما
ياسر: الو..
سما: الو .. وبتدقق ف الصوت.
ياسر: السلام عليكم.. من سلا او سما؟
سما: عرفت نبره صوت فيها بحه شويه ، سما
ياسر: كيفك ، كيف خالتي وكلكم
سما: الحمدلله وخاله كيف هي ؟
ياسر:ذاهي جنبي تسلم عليك.
سما: الله يسلمك ويسلمها.
ياسر: شكلك يابنت عقلتي مافيش الزقعه حق اول
سما: ماتشتي احجرلك
ياسرضحكك: والله انك مكانك قارحات فيوزك هاتي عمي بكلمو.
سما: ماشنديش، شاقرح عليك كرت .
ياسر ضحكك:ماتعرفيش تقلدينا وبعدين ايش جاب تلفونه لك ؟
سما: والله انك مدوخ ، اتصلت للبيت .
ياسر: هاا، خلاص بتصله للجوال افضل.
سما: تمام
ياسر: سلمي ع الجميع ، مع السلامه.
يحيى: قام المكان الثاني يجاوب التلفون.
سلوى: سارت تصلي.
بقيو محمد وسلا وسما وخالد.
محمد: شاف سلا ورفع لها حواجبه مبتسم.
سلا: بتبهرر له وتاشر له ياكل.
@rewayatyamania