📚قصص||روايات||منوعة📚

ع كتافي
عمااد : حياة فيقي وصلنااا
انا : بعتذرر .. نمت بلا ما حس
عماد : بعرف .. مبين عليكي تعبانة
انا:شكرا الك عمااد
عماد: شو رح تعملي هلاا؟
انا : بروح اخذ ستي و بعمل اكل ..
عماد : رح اتصل فيكي المسا ماشي
انا : ان شاء الله
مرت ايام و ما في شي تغير .. كلشي ضل ع حالو حتى مرت ثلاث شهور ..عماد و انا قربنا من بعض كثير ..كنا تقريبا نشوف بعض كل يوم .. و مرة قلي انو رح اتاخر بالشغل بليل .. نصدمت لانو كنت مفكرة عايش ع مصاري ابوه بس هو بالعكس يشتغل و نااجح بحياتو ..خجلت منو كثير لانو ايام تعرفنا كنت ناديه الطفل المدلل ..يعني عماد كان يشتغل و يهتم فيني بنفس الوقت و حامل مسؤوليتي كاني حدا من عيلتو .. كان يهتم فيني .. يتصل فيني كل الوقت ... تمسكت فيه كثير .. و بعد كم شهر قضيتا معو ك صديقة حسيت اني عشقانتو كثير ..حتى هو حسيتو انو يحبني كثير بس ما كان يحكيلي شي .. بس كان واضح من شي يلي يعملو دايما مشاني ..
____
مرو الشهور . و اجا الصيف و كان في حرارة كثير .. كنت عم نظف عند الختيارة ..هلمرة ما كنت زعلانة بالعكس متفاءلة و بضحك .. هداك اليوم عطتني المرا فستان تبع بيت مشان ما وسخ ثيابي .. بس بما انو هي قصيرة و ضعيفة .. هداك الفستان كان ضيق عليي شوي و قصيير .. بس ما كان معي مشكلة لانو عايشة لحاهااا و ما حدا يجي لعنداا .. كنت عم نظف و قربت خلص .. كنت عم اشطف الارض .. حتى سمعنا الباب يندق ..حتى شفت ابن بنتا شب فايت ع البيت بدون سلام .. هـ الشب بعمر25 سنة .. معروف بسهراتو و معروف .. كنت عم نظف جنب الباب .. وقفت لحتى خليه يفوت ..حسيتو طلع عليي بنظرات وسخة . نزلت راسي حتى ما تجي عيني بعينو ..هو راح ع مطبخ و انا كنت بالحمام .. حتى غسل وشي و البس ثيابي مشان روح ..حتى شفتو ورا ظهري و عم يطلع فيني و قلي
هو : حياة .. صرلي كثير ما شفتك هون .. عم تحلي اكثر و اكثرر
انا : تركني خلص شغلي بدي غسل و اطلع ...
و هون حط ايديه الوسخين على تمي مشان ما صرخ .. و قرب مني اكثرر و بلش يلمسني بايدو الثانية بكل جسمي ..مثل الحيوان ..كنت عم ابكي و عم جرب صرخ ..صار يقلي انو فيه يعطيني شغل احسن من هااد ..و اني حلوة كثير و فيني اكسب مصاري اكثر ..قلي انو فيه ياجرلي بيت و يعطيني كلشي بدي ياه ..قلي انو رح تعيشي مثل الاميرة .. قصدي مثل الـ ..... صرت صرخ اكثررر و عم ابكي مثل المجنونة ......
و هون .......+ .....
______________________
يتبع.

انتي تهتمي فيها ما بقدر لا اشتغل ولا اتحرك من البيت
هي : لك حطيها بدار العجرة ..انتي كمان مانك مجبورة تتحملي كل هلثقل.. بس بس مشان شوي مصاري عم اهتم فيها و مو بعيد انو انجلط وراها .. كمان بتكسر كل العاب لولاد و انا بدفع كلشي من جيبي
فهمت بسرعة انو مو قصة ستي عم تجننها بس هي بدها راتب اكثر و مصاري اكثر ..الناس ما ترحم مع انو تعرفي وضعي كلو بس ما رحمتني .. بس ما الي خيار ثاني لا فيني اسخى بستي و حطها بدار العجزة ولا اطلع مصاري اكثرر مشان المرا ..
كنت عم احكي معا و بعد عن عماد مشان ما يسمع شو صاير .. حاولت كثير معا بس ما نفع و قالتلي انو لازم ارجع بسرعة اخذ ستي .. سكرت عليها و رجعت
عماد: شو في
انا : لازم روح ع البيت
عماد : احكي شو صارر حياة
اانا : ما في شي .. ستي فقدت السيطرة لازم روح اخدهاا من هنيك
بلش يلبس كنزتو ..
انا :لاتجي عماد خليك ما بدي خرب عليك يومك
عماد : يلي قلتلك ياه قبل شوي دخل من هون وخرج من هنيك مو؟؟ مو قلتلك انو بعمري ما اتركك لحالك .. لازم اجي
ما بعرف ليش وجعني قلبي لما شفتو هيك دايما لازم يضحي بيومو مشان يحل مشاكلي .. حسيت انو بعمرو ما رح يشوف السعادة معي ..ليش لحتى يكون مع وحدة حظا سيء مثلي ؟؟ ما بعطيه غير لحزن و المشاكل ...بعكس عمااد عندو حياة حلوة .. بيت و عيلة و اب و ام ..و مصاري .. معو كلشي ما بملكو انا ..مابكذب عليكن .. مرات بشك ب حبو لالي و بسال حالي مليون سؤال اذاا عن جد يحبني او بس لانو يشفق ع حالتي و ع وضعي ..
بعرف عم احكي كثير و عم احكي كل مشاعري .. بس عن جد انا هلا عم اكتب بلا ما حس يعني قلبو لحالو هو يلي عم يشرح و يكتب ..مرات بوقف عند ذكرى و اكتب و ابكي و مرات بكتب و اضحك .. اسفة اذا عم كثر لحكي لانو حكايتي رح اكتبها مرة وحدة بحياتي و ما رح ارجع اقراها ولا ارجع صحيح فيها شي بدي بس فضي يلي بقلبي لعيش مرتاحة ..
_______
رحنا انا و عماد للبيت و كل الطريق كنت صامتة و فكر بشو رح يصير .. شو فيني ساوي هلااا ما معي مصاري لحتى ادفع للمرا اكثر و لا فيني اخذها عند ثانية لانو الكل يطلب غالي .. ما بقدر اتركها بالبيت لحالها و لا بقدر حطها بدار العجزة مستحيل .. هي امي و هي قلبي و روحي هي ييلي تعذبت حتى تكبرني و درسني .. هي بوقتا ما فكرت تحطني بدار الايتام لا ترميني لبراا .. حاولت اتصل ب ابي بس صار يصرخ و قلي انو انتي رضيتي تهتمي فيها .. كرهتو اكثر و اكثر مو معقول الانسان يكون قاسي حتى ع امو ...كنت مستعدة ادفع عمري مشان خلي ستي معي و ما ببعد عنها ابداا.. عماد شافني انو ماني منيحة حاول كثير يعرف شبني بس ما قلتلو لانو بعرف رح يقلي بساعدك بلمصاري و انا ما برضى بهشي ابداا
لما وصلنا انا و عماد قلي بنطرك جيبي ستك و تعي وصلكن ما انو ما كان بعيد كثير .. حاولت كثير مع المرا بس ما كان بدهاا .. قالتلي لازم ادفع اكثر و الا مانها مضطرة تهتم فيهااا .. زعلت و نقهرت كثير بس هيك الله كاتبلي .. بس نزلنا انا و ستي و شافت عمااد نبسطت و صارت تناديه باسم جدي الله يرحمو .. فرطنا عليها ضحك رغم اني كنت مقهورة .. عماد اصر انو نروح ندور شوي و نرجع ع البيت .. قبلت مشان ستي تنبسط و ما تضل جانة و بعدارجعنا ع البيت ..
بس طلعنا ع البيت .. رحت ع مطبخ مشان ساوي اكل .. و صرت فكر بشو رح يصير و كيف رح اتصرف بالمصروف .. لسا في فواتير و كثير شغلات و خاصة انو ستي لازم تاكل فواكي و عصير و شغلات حلوة .. بس اكيد ما رح يكفي مصروفي لكل هااد .. ما بخجل اني قول هشي مرات كنت ما اكل انا و اترك ستي تاكل لحالها .. تعذبت كثير بس بعرف في عائلات وضعنن اصعب من وضعي .. بس الحمد لله انو كرامتي ما بشتريها بثمن و عايشة ع شرفي و بفتخر بهش ي ..
كنت عم اطبخ حتى اجت ليلى لعندي لحتى تشوفني ..حكيتلها كلشي صار معي .. قالتلي
ليلى : يعني هلا لازم تضلي مع ستك؟؟ ما رح تشوفي عمااد مثل ماكنتي..
انا : هااد كلشي فكرتي فيه ليلى .. ما فكرتي كيف فيني دبر حالي بهاي المصيبة
ليلى : بلكي المرا شافتك كم مرة مع عماد و شافت سيارتو و فهمت انو غني لهيك طمعت بالمصاري ..
الطريقة يلي حكت فيها ليلى كانت كثير غريبة .. زعلت لانو عم تشوف عماد الشخص الغني و ما شافتو الانسان يلي يحبني و يهتم فيني .. من جهتي الله يشهد انو بعمري ما طمعت بمصاريه ولا كان بدي منو شي ... لا بدي فيلا ولا بدي سيارة ولا بدي حياة الرفاهية .. كان بدي من هاي الدنيا اني عيش بشرفي و كون قوية و قد حالي و بس ..
انا : اي صح .. كم مرة شافتني مع عمااد .. بس معقول هيك الناس تفكر انو بطلب المصاري من شخص رغم انو يحبني .. عن جد غبية
ليلى :: مانها غبية هي بس واقعية .. انتي ليش ما تطلبي منو مصاري و خلص
انا: شششششو؟ مستحيل
ليلى : خليكي هيك يا رفيقتي .. حطي كرامتك بصحن و كليها كل ما جعتي ..
انا : لا اكيد رح لاقي طريقة .. متاكدة انو الله ما يضيع حدااا
زمان ليلى كانت تقعد جنبي و تفكر بمشاكلي معي و تفكر معي بحل ..بس هلمرة تغيرت كثير .. حكت معي

حكـــــــــــــــــــــــــــــــاية_حــــياة ( 10 )
_________________________

بس مع مرور الايام .. ليلى و عماد صارو قريبين من بعض اكثرر .. و تقريبا كل يوم يشوفو بعض ..و كل مرة في عــذر ..مرة بتقلي انو تصلت فيه مشان ياخذها ع المقبرة ..و مرة تتصل فيه عم تبكي مشان يجي يوصلها ع البيت ..و مرة لانو حست حالها وحيدة ..كل هااد خلاني كون حزينة بس بخبي جواتي ..ما كان بدي فكر بشي سلبي و كون انانية .. كنت قول اكيد عم تمر بفترة صعبة و يمكن تحس حالها مرتاحة اكثر مع عمااد ..و كمان كنت حزينة و زعلانة لانو رح بلش حضر لحالي كلشي مشان استقبل عيلة عمااد ..كل يوم فوت ع البيت نظف و ساوي كاتو .. قضيت ايام و انا عم اركض هون و هون .. مرة بنسى شي و مرة بحتاج لشي .. و ما لقيت حدا جنبي بهيك ايام .. لا امي ولا ابي و لا عماتي ولا حتى رفيقتي ليلى ...

يــــــــــــــــــــــــوم الخطبة :

فقت الصبح عم اركض بكل الاتجاهات .. نظفت شوي الصبح و كمان حضرت القهوة والكاتو و كلشي يلزم ..ما كنت بعرف ابداا كيف تكون الخطبة و لهيك سالت زوجة المعلم يلي بشتغل عنو كيف تكون .. فهمتني كثير شغلات و بما انو تعرف انو وحيدة بالدنيا و تعرف قصتي .. عملتلي صينية كاتو مثل الهدية يوم خطبتي و حتى انو قالتلي فيني اجي احضر خطبتك و اوقف معك
المهم مثل ما قلتلكن جهزت ستي كمان و لبستها منيح ..و مشطتلها شعراتا صارت كثير حلوة و مرتبة كانت هي البركة لحياتي ..بعدين حضرت حالي .. لبست فستان قصير شوي احمر جابتلي ياه بنت العجوز يلي كنت اشتغل عنداا اذا تتذكروو ..مشطت شعراتي لحالي بالبيت و تمكيجت لحالي كماان ..
ابي و مرتو وصلو ع ساعة 1 مثل المعزومين .. مرتو لابي قالتلي لازم ابعث ستي عند المرا يلي تهتم فيها
انا : و انتي شو دخلك؟؟ مستحيل بدي تكون معي بهيك يوم
هي : سطفلي لكان قلتلك هيك مشان ما تبهدلك قدام العالم
انا : ما رح تعمل شي انا بعرفهاا
هي : اي ان شاء الله تبهدلك .. االعمى شو راسك يابس ..
رحت اخذت ستي ع غرفة و قعدت معاا و كانت كل شوي تقلي مين انتي؟ هههه .. مع هيك ما بطلت حبهااا .. فهمتاا انو لازم تضل عاقلة و ما تساوي شي لانو رح يجو ضيوف مع انو كنت بعرف انهاا عم تسمع و بس و بعد كم ثانية تنسى كل حكيي ..
ع ساعة 3 وصلني مسج من عند عمااد و قلي انو وصلو ..قلبي صار يدق كثير .. انا ضليت بالمطبخ و زوجة ابي راحت تستقبلن .. و بعد من دقيقة رجع بعثلي مسج قلي شتقتلك تعالي ... صار قلبي عم يرجف بس كان لازم استنى زوجة ابي تجي تقلي تعالي هيك العادات .. كنت حاملة صينية القهوة بايدي و كتير متوترة .. و بس فتت ع الصالون كان عم يطلع فيني الاهبل *_* كان كثير حلو و لابس طقم بيجنن .. بس شافني غمزني و انا خلص كنت رح اوقع بارضي من التوتر ..
بالصالون كان في ام عماد و ابوه و اختو .. و زوجة ابي و ابي و ستي ...ابي كان يحكي شوي و يسكت بس مرتو كل الوقت تخبص و تحكي بمواضيع تافهة .. بس امو لعمااد ما قالت ولا حرف ..ولا حتى كانت تضحك لما نضحك كلنا .. كل الوقت كانت تطلع بالسقف .. بالكنبايات و بالطاولة و بالارض و بالسجاادة و بكلشي حواليها ...ضلت كل الوقت تطلع فيني و ما عرفت شبها ابداا .. حاولت ابتسم معا و مع هيك طنشتني ..طبعا ماني غبية و فهمت فورا انو امو ما بدها ياني و اجت غصب عنهاا لهون ...لك حتى ما شربت عصيرها ولا اكلت من الكاتو يلي عملتو مشانن ..عكس تماما ابوه يلي كان كل الوقت يحكي و يضحك و ياكل الكاتو ...و اخيرا قال لابي انو اجيت مشان اطلب ايد حياة لابني عماد .. ابي قلي انو موافق و يلي كتبو الله بيصير ..
ابو عمااد : اي .. لكان رح يلبسو الخواتم
ام عمــاد : لاااا ..
الكل طلع عليها ..عماد تغير وشو و انا ضيعت بسمتي و فرحتي راحت .. ولما شافتنا كلنا عم نطلع عليها قالت
هي : لا .. قصدي انو اليوم اجينا بس نشوف البنت .. ما بيصير لبس الخواتم بلا العيلة ..
عماد حسيتو نقهر ..و ضاعت منو فرحتو .. انا كمان كنت حزينة و فهمت انو ام عمااد ما بدها ياني .. لشو رح تقبل ببنت مثلي؟؟ هي لابسة كثير حلو .. الها عيلة و الها فيلا و سيارات .. الها ولادها حواليها و عايشين بالهنااا .. عكسي انا يلي عايشة ببيت فقير .. لا معي اب منيح ولا الي ام حنونة .. زوجة ابي حتى ما تعرف تحكي صارت تخبص بس .. بس شي يلي بسطني ستي .. ضلت عاقلة مثل ما قلتلها و كانت عم تاكل الكاتو و ما تطلع بحداا ..
لما قامو لحتى يروحو .. عماد قرب مني و قلي
هو : انتي اليوم طالعة بتجنني *_*
حكيو .بسطني و صرت اضحك مثل الهبلة ..و بس راحو زوجة ابي بلشت تدخل و تقول انو ام عمااد مبين عليها ما بدها ياكي ..و قالتلي انو هلعرس ابدا ما رح يصيرر لانو ام عمااد بعمرا ما رح تقبل .. لانو لو كانت قبلانة ما كان عملت شي يلي عملتو اليوم و خربت فرحتنا ..
و بعد ساعة عماد تصل فيني :
انا : وصلتو؟
هو : وصلتن ع البيت و انا برا هلا
انا : و شو قالو؟؟
هو : ابي كثير حبك ..و اختي كمان
انا : و امك شو قالت
هو : ..... قا

لت انو البنت حلوة
انا : عم تكذب ..
هو : شوو؟؟
انا : عماد امك ما حبتني .. ماني غبية فهمت كلشي
هو : لا تحكي هيك عمري مشاني
انا : هاي الحقيقة عمااد .. لك حتى ما شربت قهوة ولا حكيت حرف عني ..واضحة
هو: ........
انا : قول الحقيقة عماد .. شو قالت امك؟
هو : شو ما قالت ما رح يتغير شي عم تفهمي .. انا بدي ياكي و رح تكوني مرتي
انا : رح تطلع عن طاعة امك مشاني انا؟
هو : لا .. بس اكيد رح اقنعهاا ..
انا : متاكدة ما رح تقدر عماد .. بتضلها امك و انا بس وحدة غريبة
هو : هلا انتي بدك تخليني ازعل اكثرر او تجرحيني اكثر فهميني؟؟ ليش هيك عم تعملي .. هاد احلى يوم بالنسبة الناا لا تخربيه كرمال الله
ما قدرت احكي معو شي من قهري .. بس فهمت انو قصتناا بلشت تنتهي قبل ما تبلش .. و انو قضيتناا فاشلة و رح تنتهي بالفراق ..
_________________________

مرت ايام و انا عمااد ضلينا مع بعض بس ما حكينا شي عن العرس او عن الفاتحة و عقد القران و انا ما كان بدي اضغط عليه ..ما كان بدي خليه يختار ..و ما كان بدي يختارني الي و يخسر امو ...لانو بعرف شو يعني الانسان يعيش بلا امو .. عماد و ليلى صارو يتقربو من بعض بشكل مو طبييعي .. ع اساس رفقات و قراب من بعض .. عمااد شوي شوي صار يحكي ل ليلى انو امو رافضة تماما فكرة الزوااج فيني .. و بما انو ليلى صارت انسانة ثانية كانت تنبسط انو تجي و تقلي هشي .. ييلي وجعني اكثر انو عماد صار يكذب عليي .. بيحكلها هي الحقيقة و انا بيقلي كلشي رح يتصلح ...
و بماا انو حياتي كلها هم و مشاكل .. ستي مرضت كثيرر ..بيوم و ليلة خلص ستي صارت بالفرشة لا تحكي كثير ولا تفهم شي من الحكي ..الدكاترة حكولنا انو خلص ما بقا تقدرر تقوم مثل ما كانت و انو لازمهاا سرير خاص مشان ما تتوجع بظهراا ..حكالي الدكتور كمان انو خلص ما بقا فيها تقوم تقضي حاجتها بالحمام .. و انو لازمها حفاظاات مشان عجوز كبيرة .. و لازمها عناية و اهتمام كثيرر .. صرت منهارة و ما عرفت كيف رح اتعلم كل ه شغلات .. و مثل العادة طلبت المساعدة من ابي و عماتي بس ما حدا رضي ياخذهاا .. عقوق الوالدين و العياذ بالله ... كيف رح ياخذوها بهيك حالة و هن مااخذوها و هي بحالة منيحة؟؟
اخذت اسبوع عطلة من الشغل مشان اهتم بستي ...بس ما قدرت اهتم فيها مثل ما يلزم لانو كان ناقصها كثيرر شغلات ما كنت لحق ع شي .. لازم جيب ممرضة ع البيت مشان تعرف تهتم فيها بس الممرضة تااخذ ضعف راتبي و راتب ستي ... عن جد كنت ضايعة و كيف ما بعمل حساب يطلع غلط .. قضيت ثلاث ايام ابكي و تعبانة و بيوم كنت بالمطبخ عم اطبخ شوربة لستي مع انو ما بقا تاكل ابداا .. اندق و الباب و بس رحت فتحت لقيت عمااد ع الباب .. بايديه كثير كثير غراض
هو : بقدر فوت؟؟
انا : تعال .. ما عندي القوة اني فكر بالناس شو رح تحكي لانو ما بقا يهمني حدا
حط كل الغراض بالصالون
انا : شو كل هاد عمااد
هو: لا تحكي ولا كلمة حياة مشان ربك .. جبت هلغراض مو مشانك بس مشان ستك لانو بتعرف اديش بحبا و بحترما و بعتبرها مثل ستي كمان ...
انا : بس عمااد ..
عمااد : لك انا حيط شي ...
انا : شوو؟؟
عماد : حكيلي انو شو بالنسبة الك .. رجال او شي حيط احكي
انا : ما فهمتك و الله
عماد : اذا تعتبريني عن جد رجال ..سكتي حياة لا تحكي شي و قبلي مساعدتي .. رح تصيري مرتي عن قريب و مصاريي هن مصاريكي و مشاكلك هن مشاكلي .. و بالمناسبة اهلي رح يوصلو بعد كم دقيقة مشان يشوفو ستك .....
ما خلالي فرصة اني ارفض ابداا .. جاب كلشي معو ادوية و حفاظاات و غراض و اكل و كلشي
و فجاة صرت ابكي من القنطة و حسيت حالي كثير ضعيفة قرب مني و ضمني و قلي
هو : لا تبكي حبيبتي .. هاد كلو امتحان من عند ربك و اكيد الله رح يجزيكي ع كلشي عملتيه مشان ستك ...
انا : ما عم حس حالي مرتاحة ... عم حس اني صرت مثل الحمل فوق ظهرك ..ما بجبلك غير المشاكل و البلاوي
هوو: لك انتي مجنونة شي؟؟ لو تعرفي اديش تفرحيني و تعطيني بالسعادة بحياتي .. لك انا بحبك يا مجنونة فهمي بقا .. بموت عليكي .. بعشقك يا هبلة ..
انا : كثير خايفة عماد .. ستي ما عم تاكل شي حتى الدواا .. الدكتور قلي انو هشي مو منيح مشانها .. خايفة افقد ستي .. عن جد من وراها بموت و ما يضللي شي بلدنيا
مسك راسي بايديه و صار يطلع بعيوني و قلي
عماد : و انا؟؟ انا شو لك حياة؟؟
انا : انتي قوتي و سندي عمااد .. انت حبيب قلبي و روحي و كل حياتي ..ما بعرف بلاك كيف كنت رح عيش ..بحبك اكثر من ايا شي عماد .. بحبك كثير ..
سكتنا شوي بعدين قلي
هو : بعرف انو مو وقتا بس ...
انا : شوو ؟؟
عمااد قرب مني و باسني من جبيني و من خدودي و صار يشم ايدي و يبوسن ..كانت اول مرة بشوف عمااد بهديك الحنية ..و ما بعرف ليش لما كان عم يعمل هيك حسيت و كانو عم يودعنيي و ما حسينا حتى سمعنا الباب عم يندق
عمااد : اي هلا فيني موت مرتاح هههه
انا : هس بعيد الشر عنك يا دب
هو : بحبك كثير حبيبتي
انا : لك و انا بحبك .. خلص قوم خلينا نفتح الباب
هو : ااه هد

ول اكيد اهلي
لما فتحنا الباب .. كنت قول اكيد رح لاقي امو و ابوه ع الباب .. بس هلمرة كان في بس ابوه ..طلعت ع عمااد حسيتو نقهرر ..سلمت ع ابوه و خليتو يدخل .. ابوه كان معي انسان رائع و قلي انو كلشي رح يتصلح و صبرني كثير ... حتى انو عرض عليي المساعدة بس عمااد فهمو انو راسي يابس و ما بقبل شي ... كانت هاي فرصتي اني ضل مع ابو عمااد و نحكي بكثير مواضيع .. و قبل ما يروح قلي انو يفتخر بابنو انو بدو يتزوج بوحدة طموحة و صبورة مثلي .. عكس امو يلي ما كان بدها تاخذ لابنها خداامة بيوت مثلي انا ..
مر اسبوع ع هلحال .. صرت حس بصعوبة اكثر و اكثر بالاهتمام بستي .. تعذبت كثير بس بعمري ما قلت اووف او مليت .. بس للاسف ما كان معي قد ما اشتريلها كلشي تحتاجو .. بيوم كنت عم حضر اكل بالمطبع بعدين رحت شوف ستي يلي ساءت حالتها اكثر و اكثرر .. و بس طلعت عليها شفتهاا جاامدة .. حاولت فيقها ما كانت تفيق.. لما لمستها كانت كثير باردة .. الله اختار انو ياخذها لعندو و ما يخليها تعيش بهيك عذاب .. ما عرفت شو اعمل .. صرت صررخ و اركض عند الجيران و قلو تعو شوفو ستي .. لما اجو اكدولي انو خلص الله اخذ امانتو .. ما بقدر احكيلكن عن احساسي وقتا .. انهرت و وقعت بالارض و صرت صرخ مثل المجنونة .. رفضت انو تروح و تتركني وحيدة ..مرت الساعات و ما بعرف شو صار وقتا .. بتذكر بس اني ضليت عند ستي لبين ما اجا الدكتور و بكيت ع صدرا كل الدموع يلي بجسمي ..و بعد كم ساعة اجا ابي و عماتي و الكل صار يوصل .. انا ما كنت واعية ع شي حتى شفت ليلى جاية تركض .. حضنتني و صرت ابكي بحضنا مثل الطفلة لصغيرة .. رغم البرود يلي كان بقلبا تجاهي بالايام يلي مضت .. بس بهيك يوم ما تركتني لحالي و بكيت معي كثير ..
عمااد ضل كل الوقت يتصل فيني بس ما برد عليه .. ما كان الي نفس لشي ابداا.. ليلى هي يلي تصلت فيه و طمنتو عني .. قضيت ساعات و ساعات بالفرشة عم ابكي و اتذكر كل ذكرياتي مع ستي .. كيف حضنتني من وقت كنت صغيرة و شو تعذبت حتى تكبرني و تربيني .. ما قدرت استوعب انو رح عيش بلاها من اليوم و رايح .. كننت اسمع الناس عم تبكي برا .. مين رح يبكي مشان ستي؟؟ مين يعرفها؟؟ مين رح يبكي عليها و هي ما الها غيري يحبهاا ..
لما قمت من فرشتي .. لقيت عماتي كلن بالبيت عم يبكو و يصرخو ع اساس زعلانين ...
انا : سكتوووو حااااااج تبكو عليهاااا ..ليش عم تبكو هلا هااااا
ليلى : شو صرلك حياة اهدي لا تصرخي
انا : ليش عم يبكو هلا هاااا. لك كلن منافقين العمى
عمتي: حترمي حالك و لا تحكي بهاي طريقة
انا : ليش عم كذب هااا؟؟؟ لك من امتى حبيتو امكن بس حكولي .. وقت كنت بالحياة و عم تبكي عليكن مثل لولاد لصغار .. ما حدا كان يجي و يشوفهاا .. ما حداا كان يعرف امو اذا عم تاكل او لا و اذامحتاجة شي او لا .. وهلا جايين عم تبكو؟؟ حاج نفاق عم تفهمو .. حاج تبكو عليها و تحرقوها بدموعكن .. لك عن جد شي بيضحك بدي اتقيااا لانو شفتكن هون .. منافقين
عمتي : فهمانين انك حزينة ع ستك .. بس ما الك الحق تحكي و تخبصي بهاي الطريقة و بعدين ليش تقولي كانت جوعانة .. راتبها ما كان يكفي .. او كنتي تحطيه بجيبتك؟؟
انا : انا باخذ راتبهااا؟؟؟ لك انا كنت اكسر ظهري و اشتغل و نظف وسخ العالم مشان خلي ستي تعيش منيح و هلا جاية تحاسبيني
ليلى : حياة عيب .. نحنا بجنازة مو وقت هلخناق
انا : لحتى يوقفو هلمسرحية الوسخة تبعن .. ال شو عم يبكو عليهاا ... ما بدي شوفن هون كلن .. عاشت لحالها و ماتت لحالهااا .. مثل يلي قال لما كان حي اشتاق لحبة تمر و لما مات زرعولو نخلة .. العمى شو منافقين .. خرصو حاج تبكو عليهااا ..
عمتي عصبت كتير و كاننت جاية لتضربني ..بس الجيران ما تركوها تقرب مني .. و بس هديت اجت لعندي و قالتلي
هي : هااد بيت امي .. اذا في حداا ينقلع من هون هو انتي عم تفهمي
انا : هااااد يلي عم تفكرو فيه مووو؟؟ بيت امكن قلتيلي ؟؟ لك كليه هلبيت ولي
هي : ليكي ولي .. لو خليكي هون يوم زيادة تعالي و بزقي بوشي .. ستني بس يمرو ه ثلاث يوم بعدين انتي يلي رح تنقلعي من بيت امي ..
النسوان يلي كانو حوالينا حاولو يهدوني .. بس هاي انا ما بحب منافقين و يلي بقلبي ع لساني .
بعد كم ساعة عمااد اجا لعندي .. ليلى اجت خبرتني انو عم يستناني بالمطبخ .. بس شفتو رحت ركض لعندو و ضميتو و صرت ابكي مثل المجنونة .. ضل كم دقيقة عم يصبرني مع انو حكيو ما فيه يغير شي ولا يردلي ستي ..ابوه كمان اجاا و امو كمان اجت بس ما ضلو كثير بس 10 دقايق و طلعو .. كنت متاكدة انو عمااد غصب امو مشان تجي تعزي ..
لما كانو اخذين ستي ع المقبرة .. طلعت من وراهن و صرت صرخ و ابكي ..الكل صار يبكي لانو شفقو ع حالتي ..ستي راحت و اخذت معا طعم الدنيا ..رغم المرض يلي كان معاا بس عشت معا بكرامتي ..راحت ستي و تركتني وحيدة قدام هلواقع البشع ..رغم كلشي هي كانت حمايتي بهلبيت .. و لما راحت هي ما ضللي حدا غير الله سبحانه و عمااد ...
اليوم يلي بعدو رحت ع المقبرة .. ما كنت وقف

حكــــــــــــــــــــــــــــــــاية حيـــــــــــــــــــــــــــــاة ( 11 )
________________________

و اخيرا رحت عيش عند ابي .. طردوني من بيت طفولتي .. من بيت ذكرياتي .. من البيت يلي فيه ريحة ستي .. رحت عشت عند ابي بس ما كنت مبسوطة ابداا .. زوجة ابي كانت تكرهني و انا بكرها اكثر .. كانت تلاقيلي اتفه الاسباب مشان تخانقني.. قررت اني اشتغل زيادة مشان ارجع البيت بس ناام .. و هيك عملت .. ما كان ناقصني غير مكان نام فيه و نجبرت كون عند ابي ..
_____
مر شهر و ضليت دايما حزينة و منهارة .. فراق ستي اثر فيني كثير ..حاول عمااد كثير معي حتى صير اضحك و انسى بس ما قدرت .. كل دقيقة بشتقلها اكثر و اكثر .. بتذكر بس الذكريات الحلوة معاا .. ضحكتاا .. و حكياا و مزحهاا معي.. لما كنت تسهر ليل ع مرضي و لما كانت تطعميني انا و هي ما تاكل .. زعلت ع فراق ستي كثير .. و زعلت اكثر و اكثر بوجودي عند ابي .. ما كان يحبني ابداا ولا انا كان الي مشاعر اتجاهو .. كنت حس حالي مثل شي كرسي او شي طاولة بهداك البيت ..وماقدرت اتحمل هشي ابدااا
بيوم كنت مع عمااد و صار يحكي عم موضوع الزوااج
عماد : ما عم اقدر شوفك بهيك حالة ... لازم اخذك لعندي .. تعي نتزوج و نروح من هون
انا : يا ريت كان هشي سهل مثل الحكي
عماد : و شو شي يلي رح يمسكنا حبيبتي
انا : وين رح نعيش؟؟ ما عندك سكن
عماد : ناجر بيت حبيبتي هشي مو مشكلة
انا : و امك؟؟
عماد : مجبورة انو تتقبل
انا : اسمعني منيح حبيبي .. العيش بلا ام شي صعب فوق ما تتصور .. اناا امي رمتني مثل القمامة .. حطتني ورا ظهرا مثل شي غلط عملتو بحياتاا ..لما كنت روح لشوفها ما كانت تخليني ادخل ع البيت و تخاف من زوجهاا .. بعمرا ما حبتني و بعمرا ما حضنتني ... بس بتعرف شو لو يوم تصلت فينيي و قالتلي تعالي محتاجتك .. ما رح اتردد لحظة و رح انسى كلشي و روح لعندا .. لانو الام بتضل ام لو شو ماصار .. و انت امك عمااد؟؟ امك حبتك ؟؟ و ربتك؟ لما نقول ام رح نقول حياة رح نقول حنان و رحمة .. مستعد تعيش بلا امك بسببي عمااد ؟؟ رح تكون دايما معقد و حزين و ناقص بسببي .. مستحيل اقبل هشي ..لو ما فيك تعمل عرس بدون امك .. ما رح اقبل ابدا كون السبب بفراقكن
عمااد : بس ما عندي خيار حياة .. انتي لبنت يلي بدي ياها بحياتي .. بدي تكوني ام ولادي مستحيل عيش بلاكي .. امي يجي يوم و تقبل هشي
انا : ما بنعرف شو عم يستنانا بالحياة عمااد
عماد : خرصي لا بقا تقولي هشي .. رح تكوني مرتي غصب عن الكل
انا : كلشي مكاتيب عمااد
عماد : سكتي عم قلك .. ما في تكوني لغيري .. انتي الي عم تفهمي .. بعمل كلشي مشانك .. بكسرر بحرق الدنيا المهم تكوني الي .. ما بدي فكر حتى تفكيرر انو يمكن بيوم افقدك
عماد قرر انو يحارب القدر ..بس القدرر خلاه يعرف انو ما في قوة تقدرر تغير نصيبنا .. ما في شي يجي مثل ما بدنا .. كلوو مكتوب و مسطر ..عمااد كان عم يحاول انو نكون كلنا سوا و ببيت واحد حتى مع امو و باقرب وقت ..وعدني انو رح يحارب كل الدنيا بس مشان نعيش سوا مبسوطين و انو رح يقنع امو و كلشي رح يكون منيح .. بس للاسف بعد شهرر ابوه مرض كثير و عمااد بلش يفقد القوة ..
بالاول وفاة محمد ..بعدين وفاة ستي .. و بعداا مرض ابوه ..و كانو القدر عم يبعثلنا كل الاشارات مشان نفترق و ما نكون سواا ..
كان يوم الخميس بليل .. قالولي انو في ناس جايين يطلبو ايدي .. شفت قبل ايام زوجة ابي عم يتعاملني منيح و عم تحضر كاتو و تنظف البيت .. بس ما شكيت ابداا انو يمكن يكون في شي
انا : كيف هاي يطلبو ايدي؟؟ شو نسيتو اني مخطوبة ؟؟
زوجة ابي : مخطوبة؟؟ وين الخاتم ما عم شوف شي بايدك.. مخطوبة لشخص امو ما بدها ياكي
انا : هشي مؤقت .. رح نحل هاي المشكلة
هي: و انا رح استنى سنين مشان تحلو هاي المشكلة؟؟
انا : ااها لكان قولي هشي من االاول ؟؟ يعني انا هون زيادة و عم ازعجك ما هيك .. مانك مضطرة لتعملي كل هلحكايات .. فيكي تقولي هشي بوشي و انا بروح بلا رجعة
هي : وين بتروحي؟؟ مفكرة انو هشي سهل مو
انا : لسا ما تعرفيني .. ما رح اترك حدا يعطيني اوامر عم تفهمي .. اقتلوني قبل ما تفكرو انو تزوجوني لحداا ثاني ..
قررت اني ما خلي حدا يتحكم فيني او يزوجني بالغصب .. شو وين عايشين نحنا بالغابة شي ؟؟ ما حدا رح يجبرني ابدا ..كان بدي احكي يلي صار لعمااد بس عن جد كان مهموم كثير و كثير مشغول بمرض ابوه .. ما كان بدي اضغط عليه ابداا.. قررت اني اسكت و كنت متاكدة اني رح حل هاي المشكلة لحالي ...
اليوم يلي بعدو الكل قام بكير مشان يزبط حالو للخطبة .. الا انا لبست ثيابي بسرعة و طلعت لبرا .. تركت ابي و مرتو رح يجنو .. رحت ع المقبرة لعند ستي .. صارو يتصلو فيني مليون مرة و ما رديت حسيت حالي عم انتقم منن .. لانو وقت كنت احتاج ابي ما كان يرد عليي .. خلي يحس مثل ما كنت حس من قبل .. قعدت جنب قبر ستي و حكيتلها كلشي صار معي .. بكيت كثير و وعدتها انو ما رح خلي حدا يكسرني او يلعب بحياتي ...
قبل ما اط

حكــــــــــــــــــــــــــــــــاية حيـــــــــــــــــــــــــــاة ( 13 )
_______________________________

فكرت انو رح لاقي الحل عند ليلى .. بس هي كمان كانت نسخة عن ام عماد و زوجة ابي .. تركتاا بدون حكي و بدون ما اطلع وراي .. و رحت للبيت مشان اغفى و ارتاح .. و بس دخلت بفرشتي عماااد اتصل فيني
عمااد : عمري كيفك؟؟ عم اتصل فيكي من صبح ما تردي
اانا : اسفة ما كنت فاضية
عمااد : ليش ما نطرتيني بالمشفى .. اختي خبرتني انك اجيتي
انا : كنت تعبانة رجعت ع البيت
عماد : انتي منيحة؟؟ عم حس فيكي شي
انا : اانا كثير تعبانة و بس
عمااد : انتي مرضانة يا قلبي
انا : لا بس تعبانة .. تعبانة كثير
كل حكيي مع عمااد .. كنت بس قلو اني تعبانة كثير ..لانو عن جد تعبت من الدنيا .. تعبت نفسيا و جسديااا .. تعبت من قلبي و من روحي .. و تعبت من هم الحياة كلهاااا..
ما قدرت احكي مع ابي .. ولا قدرت احكي لعمااد ييلي صاير معي لانو تاخر الوقت و ما فيه يساوي شي .. رح اضغط عليه اكثر و اكثر و حالتو صارت كثير سيئة ... ما كان الي حل ثاني و ما ضل معي غير الحل الاخير .. اني احكي حمزة و قلو انو ما بدي هـ زوااج ولا بدي ياه ابداا
يــــــــــــــــــوم الفــــــــــاتحة بالمسجد :
اجا ابي و حمزة و ابوه لحمزة ع البيت مشان يأكدولي انو من هلا صرت مرتو لحمزة رسميا ..حمزة ضل مع خواتو و ابوه مشان يشربو شي و يروحو ..ما حكيت معن ولا حتى ضحكت معن ..صرت اطلع عليهن و كانو اعدائي ..و حمزة كان كثير مبسوط و كل شوي يطلع فيني و يضحك .. بس انا كنت اقرف منو اكثر و اكثر و ما ببفكر غير بحبيبي عمااد ...كيف رح قلو هيك خبرر ؟؟ ما لازم خبي عليه اكثر من هيك ...لازم احكي معو ..كان لازم اشرحلو كلشي صار معي و بوعدو اني رح اتخلص من هلزلمي المقرف و من الزوااج كلو ..المسا ليلى تصلت فيني لحتى تعرف شو صارر بالقصة ..حكيتلا كلشي مثل العادة ..و قلتلها اني صرت زوجة حمزة رسميا و مو عرفانة كيف رح خبر عمااد بهشي و كيف رح انقذ حالي ...
اليوم يلي بعدو فقت الصبح بكير ..و بس فقت شفت ع تليفوني .. لقيت عماد باعثلي مسج اديش يحبني و انو عرفان اني تعبانة لانو ما صار جديد بقصتناا .. واعدني انو رح يعمل المستحيل مشاني باقرب وقت ..نبسطت برسالتو بس بنفس الوقت نقزني قلبي و تذكرت اني هلا صرت زوجة حدا غيرو ع سنة الله و رسولو ؟؟ لك كيف خبيت ع عمااد هيك شي كيف ؟؟ كيف ما حكيتلو من الاول يلي صارر معي ؟؟
فقت من فرشتي بسرعة و لبست ثيابي .. اختي اجت لعندي بس ما فهمت شي
نايلة : لوين رايحة هيك؟؟
انا : رايحة خبر عماد كلشي نايلة .. لك انا مجنونة كيف خبيت ع حبيبي هيك قصة .. كيف قدررت كون غبية و انانية و ما خبرو هيك شي ..لازم خبرو هلااا .. ما بيهمني النتيجة المهم يعرف و يساعدني للاقي حل ..
نايلة : متاكدة حياة ؟؟
انا : اي متاكدة اختي .. انتي بس دعييلي ..
طلعت من البيت عم اركض .. تصلت بعمااد الف مرة بس ما رد عليي .. صرتي امشي بالشارع و احكي لحالي مثل المجنونة .. كل ما اتذكر اني خبيت عنو هيك شي بصير اشتم حالي .. قلبي كان واجعني كثير .. لك كيف ما ستوعبت انو هشي كثير خطير ؟؟ ما كنت متوقعة انو يمكن يزوجوني بالغصب .. كنت مفكرة حالي قوية و فيني حل مشكلتي لحالي .. بس طلعت النتيجة ضدي و كان لازم عمااد يساعدني ..
رحت بسرعة ع المشفى مشان شوف عمااد ..بس بنص الطريق اتصل فيني .. كان صوتو مكسور و مبين عليه تعبان كثيرر
هو : وينك؟
انا : جاية لعندك لازم نحكي
هو : وينك هلا؟
انا : بلطريق ...
هو : لك ويييين
انا : بـ ......
هو :جاي
انا: انا ......
سكر الخط بوشي ...صوتو كان كثير غريب و حكى معي بطريقة ناشفة ..وصل لعندي و بس طلعت معو بالسيارة شفتو انو ما كان منيح ابدا ..كانت نظراتو الي فارغة كثير من هدااك الحب يلي بشوفو دايما بعيونو .. وشو اصفر من التعب ...
بس سكرت الباب طلع فيني بكره و قلي
عمااد : تزوجتي
نصدمت ...ما عرفت شو رد عليه لانو لما قلي تزوجتي قالها بعصبية و صراخ ..و لما شافني ما رديت عليه رجع صرخ عليي و قلي
عماااد : تزوجـــــــــــــــتي ؟؟؟؟؟؟
انا: عمااد استنى اشرحلك
عمااد : حياااااة ... عملتي الفاتحة مع شخص ثاني
انا : ........
صار ينزل من عيوني الدمع مثل الشلال و هو بلش يصرخ اكثررر
عمااد : ما رح تردي ع سؤؤؤؤؤؤؤالي؟؟ انتي تزوجتي او لاااا فهميني؟؟
انااا : لازم اشرحلك يلي صار عمااد
صار ماسك راسو بايديه لثنين .. كان كثير زعلان .. كان يخوف ..كان مبين من عيونو الحقد و الكره .. كان مبين انو رح ينهارر .. حتى بموت محمد ما شفتو بهديك الحالة ..
عمااد : تزوجتي ما هيك ؟؟ مع غيري حياة ؟؟عملتي الفاتحة معو و قبلتي ؟؟ و بكرا رح تعملو حفلة ما هيك ..احكي لك يا ......... .. لك احكي احسن ما اقتلك لك بدك ياني افقد عقلي احكي عم قلك ..
انا : كنت رح قلك و الله كنت رح قلك
عمااد : كنتي رح تحكيلي؟؟ امتى ؟؟ لك امتى ؟؟؟ وقت تكوني بحضنوو ؟؟
انا : لا تحكي هيك مشان الله .. اجيت لهون م

حكـــــــــــــــــــــــــــــــاية حيـــــــــــــــــاة ( 14 )
_____________________________

رح اتزوج حمزة و ابعد من هلمدينة .. حتى انسى كلشي صار معي ..رح روح من هون و اتركلن حياة ذكرى و بس .........
___________________________
يـــــــــــــــــــــــوم عقد القران بالمحكمة ..بعد ما طلعنا من المحكمة لقيت عم اتصال من عمااد.. قلبي صار يرجف و ما عرفت شو اعمل ..ستنيت لاوصل ع البيت مشان احكي معو .. اتصال عمااد خلى عندي امــل ... امل انو نرجع من جــديد .. امل انو نبلش انا وياه من الصفر و ننسى كلشي صار .. كنت رح اترك كلشي مشانو .. كنت مستعدة حتى اهرب معو .. المهم نرجع سوا و هشي يكفيني ..
لما وصلت ع البيت تصلت فيه و انا قلبي عم يدق بسرعة .. كان كل جسمي عم يرجف من الخوف ..من التوتر .. و من الشوق ..كل ما يرن تليفون مرة قلبي يدق الف دقة بالثانية و بعد كم رنة رد عليي
انا : عمـــاد
عماد : عملتيها حياة ؟؟ للدقيقة الاخيرة كنت استنى تتراجعي .. صرت لوم حالي و قلت يمكن ظلمتاا .. يمكن معا حق .. يمكن كان لازم اعطيها فرصة تحكي.. بس للاسف طلعت غلطان و ليلى معا حق بكلشي قالتلي ياه
انا : شششششو ؟؟ ليـــــلى؟؟
عماد : ليش هيك عملتي فيني؟؟ حبيتك بجنون حياة ليش هيك عملتي ب حبيبك؟؟
انا : ......
عماد : حسبي الله و نعم الوكيل فيكي حياة ..ان شاء الله تعيشي الجحيم بزوااجك
انا : لا تاكل هم عمااد .. اصلا الجحيم رح عيشو و انت بعيد عني
سكر بوشي .. و تركلي جرح اكبر و اكبر من يلي قبلو ..خيانة البنت يلي حطيت فيها كل ثقتي .. البنت يلي عتبرتها اختي .. البنت يلي امنتها ع سري ..غيرت ثيابي بسرعة لاطلع .. اختي نايلة لحقتني حتى تعرف شبني .. بس ما كنت بوعيي ابداا .. كنت بعالم ثاني و ما قدرت رد عليهاا ..طلعت بسرعة من البيت و اخذت اول تاكسي لبيت ليلى ..كان بدي بس اعرف ليش هيك عملت معي ؟؟ بشو اذيتها حتى تاذيني لهاي الدرجة ؟؟ شو كان بدهاا مني؟؟ ليش هيك فرقتناا ؟؟؟
طلعت الدرج اربعة بـ اربعة ..صرت رن و دق بقوة حتى فتحتلي الباب .. كنت عم ابكي مثل الطفلة الصغيرة ..
ليلى : حياة ... حبيبتي شو صارر
انا : حبيبتك ؟؟ ليش هيك عملتي فيني ليلى .. انتي تعملي بحياة هيك ؟؟ لك انتي يا ليلى .. مشان الله حكيلي ليش ..
ليلى : عن شو عم تحكي انتي ؟؟
انا : عمااد .. عم احكي عن عمااد .. ليش هيك عملتي معي .. لك كنتي اختي .. كنتي روحي يا ليلى .. كلشي بملكو كان الك .. لك شو ساويتك .. بشو اذيتك؟؟
ليلى ما قدرت تحكي شي .. شفت الندم بعيونااا .. انا كنت عم ابكي و صرخ عليها ..حتى اجا ابوهاا .. و بس شافني هاجمني و اكلت منو كف بقوة .. ليلى نصدمت و اجت تساعدني لقوم من ع الارض .. ابوها دفشها لوراا .. و دفشني انا لانزل ع الدرج ..و ضل يشتمني و ما وقف مسبة ..نزلت الدرج عم ابكي و اشهق لحتى وصلت ع باب ستي الله يرحمهاا ..صرت عم دق الباب بقوة و انا عم ابكي ...كان بدي تفتح عليي الباب و تقلي انو كلشي عم تعيشيه هو بس كابوس ..بس البيت كان فاضي .. فاضي كثير ....ستي راحت و اخذت كل فرحتي معهاا ..طلعت من العمارة و صرت امشي و ابكي و مو عرفانة لوين روح .. صرت حس انو اجريي ما عم يحملوني ..كنت اتمشى و مو عرفانة شو اعمل حتى لقيت حالي وصلت ع المقبرة ..رحت لعند قبر ستي و تسطحت جنبا و صرت ابكي .. كان نفسي يرجع الزمن لورا و لاقيها جنبي .. شتقتلها كثيرر .. بلاهاا ما عاد الي سند .. لما راحت ما ضل حدا يضرب صدرو مشاني .. بكيت و بكيت و بكيت لنشفو دموعي .. حكيتلا كلشي صار معي ..قلتلها تاخذني لعنداا .. تمنيت موت و يدفنوني جنبااا ....
بالاول فقدت ستي و بعدين عمااد و هلا ليلى ..الحياة جرحتني كثير بس يمكن هاي بس البداية..رجعت ع البيت محطمة .. وسخة كلي ثيابي غبرة ..اخذت دوش و فتت تحت بطانيتي .. وقفت بكي لانو خلص ما ضل معي دموع بالمرة ..ما بقا الي قلب ..ولا عااد الي القوة .. كنت بقايا روح .. بقايا بنت ..
الايام مرت ..وقفت شغل .. كنت شوف حمزة كل يوم ..كل مرة كان يجي ع مدينتي كان يطلب مني اطلع معو ..كنت اطلع معو جثة بلا روح ....ما كنت اسمعو حتى شو يقلي .. حتى انو ما اهتم لبرودي .. كان حاسس و عرفان انو ما بدي ياه بس مع هيك ما قال شي ..حتى انو قدم تاريخ العرس ..خلاه يكون قريب اكثر ...و انا ما عاضرت ابداا ..انا خلص خسرت كلشي ..شو رح اخسرر اكثر بقا ؟؟ حياتي ما بقا الها معنى ..خسرت احلامي ..خسرت مشاريعي ..خسرت حب حياتي و خسرت اختي و رفيقتي .. شو رح اخسر اكثر ... ما ضل شي بالمرة ...
كنت مثل الشبح بالبيت ..ما كانو يشوفوني كثير ولا كنت احكي معن كثير ... بس هشي كان كثير عادي عند ابي ..بس اختي نايلة يلي كانت حاسة فيني و تبكي ع حالتي يلي وصلتلها ..فقدت وزن كثير و ضحكتي نسرقت مني ..و ما بقا الي الرغبة اني عيش ابداا ..حتى ما كنت اطلع اشتري ثياب للعرس ..زوجة ابي هي يلي كانت تهتم بكل هلشغلات ..ليلى ما بقا اتصلت فيني ابداا ..عمااد صار الها شو بدها فين

حكـــــــــــــــــــــــاية حيــــــــــــــــاة ( 15 )
_______________________

يوم العرس فقت بكير مثل الكل .. بلشو الناس يجو ولا كنت اعرف حدا منن .. اجت لعندي الحلاقة مشان تساويلي شعراتي ...كان لازم نطلع بكير مشان نروح بلطيارة .. لانو العرس رح يكون بالولاية يلي فيها حمزة ..و كان كثير بعيد و لو رحنا بلسيارة نضيع وقت كثير ..كانت الساعة 10 صبح .. خلص كنت زابطة ..لابسة فستاني الابيض .. و مكياج و كعب ابيض ..كنت بالغرفة لحالي عم استنى .. كنت اطلع بموبايلي يلي ما وقف من مبارح .. عماد كان يتصل فيني اتصال ورا الثاني .. كنت عم المس الطوق يلي ع رقبتي يلي كان هدية منو ..الكل كان يقلي شيلي هـ طوق من رقبتك لانو ما يلبق مع فستان العرس .. بس ما كان يهمني ولا شلتو من رقبتي ابداا .. هاد الشي الوحيد يلي ضل من عمااد ...و رح يضل برقبتي لاخر نفس ..ما كان بدي رد عليه .. كان بدي يعيش نفس عذابي كل هلشهور ..بس حبي لالو كان قوي كثير و مستحيل انساه ..قررت اني احكي معو للمرة الاخيرة و ودعو ..لحتى اقدرر اقلب الصفحة و عيش من جديد
رديت عليه
عماد : حياة ........
انا : .......
عماد : قليلي شو بعمل .. رح اطلع لعندك .. بدي احرق البيت كلوو بيلي فيه .. قليلي شو بعمل فوراا.. انا عند الباب انا هون جنبك
انا : ما تعمل شي .. انساني
عماد نفجر بكي و قلي
عماد : انا خسرتك حبيبتي .. ما صدقتك الك و صدقتها هي .. كنت مثل الغبي مثل الاجدب و ما سمعتك .. تسرعت و ما خليتك تحكي .. انا خسرتك عمري .. وعدتك دايما انو انا يلي رح احميكي بس انا يلي جرحتك و اذيتك ..سامحيني عمري مشان الله .. سامحيني حياة
لما قلي هيك نفجرت بكي .. صرت ابكي مثل المجنونة .. صوتو بلش يقطش من كثر ما كان بتنفس بصعوبةو هو عم يبكي
عماد : رح تتزوجي ؟؟ اليوم عرسك حبيبتي ؟؟ و انا كيف رح عيش بدونك ؟؟كيف رح عيش مع ندمي ؟؟ كيف رح اقدر اتحمل هشي ؟؟ رح تكوني لغيري يا حياة كيف رح اتقبل هشي ..كل هشي صار بسببي .. ما حاولت اسمعك كل هلوقت .. حكيلي حياة مشان الله .. لا تروحي و تتركيني الله يخليكي .. رح ساوي كلشي مشانك انتي بس سامحيني
انا : قلتلك هشي من قبل بس ما صدقتني .. قلتلك انو وقت تفيق رح يكون تاخر الوقت ..لا توجعني اكثر من الوجع يلي عيشتني ياه ..انساني و عيش حياتك عماد ..و انا بوعدك اني عيش الجحيم يلي تمنيتلي ياه ..
عماد : لا تقولي هيك مشان الله ..لك لا تقولي هيك ...سامحيني يا الله .. لك سامحيني لا تروحي و تتركيني الله يخليكي .. بوس ايدك .. الغي كلشي هلا و بكرا رح كون عندك مع اهلي ..بوعددك انو رح نعمل عرسنا بعد اسبوع .. مشان الله الغي كلشي حياة .. لا تروحي .. لا تخليني عيش بالحسرة .. لا تتركيني عمري
انا : حبيتك اكثر من ايا حداا .. و للاسف جرحتني اكثر من ايا حداا .. ما كنت اتوقع تتركني كل هلوقت بلا ما تصدقني .. بلا ما تحاول تعرف كيف عايشة ..بس مع هيك كنت و رح تضل حبي الوحيد ..ما رح انساك طول عمري .. بس انت انساني عمااد .. تاخر الوقت خلص انا رايحة ..
عمااد : لك مشان الله .. مشان الله حياة .. مشان الله ... لك يا الله سااعدني .. رح اجي احكي مع ابوكي هلااا ..
انا : اوعك تعملي هشي .. اوعك تقرب مني و تعملي مشاكل اكثر .. انساني عمااد .. و سامحني ... سامحني يا عمري ع كلشي صاررر ...
سكرت الخط بوشو لانو مابقا فيني ..رجع يتصل فيني .. شلت الشريحة من الموبايل و اخذت نفسي و كسرتا .. كنت ابكي مثل المجنونة ..لما شافوني ابكي بهديك الطريقة .. فكرو اني زعلانة ع فراق ابي ..بس انا قلبي كان واجعني موووت موووت موووت ...كنت اخذ نفسي بصعوبة .. حتى اني حسيت رح موت ..الوجع بصدري صار ما يتحمل ..مثل كانو حداا عم يطعني الف طعنة بلثانية ...
حمزة وصل ..كان في كم سيارة برا ..كان بدن ياني اطلع و ايدي بايد ابي بس رفضت ..ما كان يستاهل اني اطلع من البيت تحت جناحو ..بعمرو ما عتبرني بنتو ولا انا عتبرتو ابي ..بس مع هيك زوجة ابي نقت عليي كثير و قالتلي عملي هشي بس مشان العالم .. ما كان الي خيار ثاني و اجا ابي طالعني من الغرفة .. و لما كنا نازلين قربت منو و قلتلو
انا : ذنوبي برقبتك ..حسبي الله و نعم الوكيل
حمزة طلع ع نص الدرج .. قرب مني و باسني ع جبيني .. كان بدي اتقيا وقت حسيت شفافو ع جبيني ..كان بدي الغي كلشي بهديك الدقيقة بس القدر منعني ..
نزلناا كمان الدرج ..و كنت عم ابكي طول الوقت ..حمزة مسكني من ايدي .. و نايلة كانت ماسكة فستاني من ورا و بس طلعنا لبرا .. صرت دور ع عمااد بعيوني .. و فجاة شفتو و كان عم يطلع فيني ..كان جوا سيارتو ..كان يبكي مثل الطفل .. و التليفون بايديه عم يتصل فيني ..كان نفسي اترك ايد حمزة و اركض لعندو ضمو لقلبي ..بس كملت و صرت امشي حتى باب السيارة ..و اخيرا رحناا ..لحياة جديدة . .. بس يا ترى ل حب جديد .؟؟ او لحياة العذاب و الوجع من جديد ؟؟؟
و من هـــــــــــــــون رح تبلش حياتي بعــــيد عن هاي المدينة وبعـــيد عن عمااد
__

لا ما يعرف ..مااا اعترضت ابداا اني فوت شوف الطبيبة ..و بس دخلت عند الطبيبة و شافت تمي يلي كلو دم و وشي كلو جروح ..طلبت من حمزة انو يطلع و انو بعد شوي رح تعطيه الدليل اذا عذراء او لا ..و بس طلع قالتلي
الدكتورة : من امتى تزوجتي ؟؟
انا : من كم شهر
الدكتورة : عم يعاملك بقسوة
انا: اي
الدكتورة : ليش لساتك عذراء ؟؟
بلشت احكيلها كل قصتي و شو صار معي .. كنت عم ابكي و هي تبكي معي .. جنت و كان بدها تطلع تسبو .. بس ترجيتها انو ما تعمل هشي ..
انا : اذا بدك تساعديني .. اعطيني ورقة اني لساتني عذراء
هي : رح اعملك هشي فورا يا بنتي .. و رح اعملك كمان ورقة انو عم تاخذي ضربات قوية ع جسمك .. روحي اشتكي عليه خليه يموت بالسجن
انا : رح اطلب الطلاق
هي : لو حتجتي اني اشهد معك .. ما رح اتردد ابداا .. رح روح للمدينة يلي انتي فيها و وقف جنبك .. لو حتجتي ايا شي طلبي مني .. طلعي من بين هلوحوش يلي عايشة معن .. لسا عم تستناكي حياة حلوة بعيدة عنن ..
انا : ادعيلي .. ادعيلي كثير
طلعت من عنداا و رجعنا ع البيت ..بكل الطريق ما وقف مسبة ع عمااد و صار يقول عنو انو ابدا مو رجال ..طنشتو لانو عن جد معو عقلات تبع ولد ..كنت عم اشفق ع حالتو .. لانو كبير بس اجدب ...
ضليت عايشة عندن لحتى الله يساعدني و اقدر اطلع من حياة القرف يلي عشتا عندن ..حماة ما تنطاق ... زوج منحرف و وسخ .. مرة يكون منيح و مرة يعطيني قتلة .. كل نظرة مني الو كان يفكرهاا مسخرة كان يحس انو عم اضحك عليه و انا عم اطلع عليه بهديك النظرة الباردة ..كنت كثير طنشو و ما اطلع عليه مشان ما يضل يضربني .. ابوه ؟؟ ابوه بيخوف ...و الله لما بضل لحالي بالبيت انا وياه ما بطلع من الغرفة حتى لو متت جوع او متت عطش ..ختيار بعمر سبعينات بس يضل يتفرج ع افلام مراهقين تبع الحب و رومنسية ..هو الوحيد يلي كنت خاف منو اكثر بهداك البيت ..خوات حمزة البنات يلي ما ينفعو لشي ..كنت بس احكي معن بشي موضوع بلاقيهن كثير متخلفين و مو فهمانين شي بالدنيا ..كنت وحيدة كثير .. شي الوحيد يلي كان يواسيني و يصبرني هو الحكي مع اختي ع تليفون ..مرة اتصلت فيني حسيت بتما حكي بس ما كانت تقدر تقلي ياه
انا : احكي .. حاسة بدك تقليلي شي
هي : عماد ..
بس قالت اسمو قلبي صار يدق بسرعة .. صار الدمع بعيوني و خفت كثيرر..
انا : شبو عماد؟؟ هو منيح؟؟ ابوه منيح ؟؟
هي : ابوه منيح .. بس هو مو منيح ابدا حياة ..من شهر كنت شوفو يجي كل يوم تحت يضل ساعات عم يطلع ع شباك ..و مبارح
انا : مبارح شوو ؟؟؟
هي : مبارح رحت لاحكي معو .. كثير وجعني قلبي عليه ما قدرت اتحمل حالتو
انا : و شو قلك؟؟
هي : كان بدو يعرف اخبارك .. اذا مبسوطة او لا .. اذا صرتي حامل و اذا نسيتيه او لسا
انا :شوووو؟ نايلة لا تقولي انك حكيتيلو كلشي عني .. ما بسامحك ابداا ..تركيه بحالو ..ما تحكيلو شي مشان الله ..ما يقدر يعمل مشاني شي رح يتعذب اكثر ..تركيه بدي ياه ينساني .. مع الوقت رح ينسى كلشي ...
هي : و انتي تقدري تنسيه ؟؟
انا : لااا
هي : نفس شي بالنسبة الو ..ما عم يقدر ينساكي .. لو تشوفيه يا حياة .. ما بقا الانسان يلي تعرفيه ابداا ... تغير كثير .. تشوفي بس الحزن بعيونو .. عماد تحطم لك حياة ..
كانت عم تحكيلي عن حالتو و انا ابكي مثل المجنونة .. حسيت سكين بقلبي ..
انا : لا بقا تحكي معو .. تركيه .. خليه ينسى لا تحكيلو شي
هي : ما رح احكيلو عن معاناتك او انو تزوجتي بالغصب .. بس بدي احكيلو انو لساتك تحبيه و لسا ما نسيتيه كل هلوقت
انا : اوعك تحكيلو شي .. مشان الله لا توجعي قلبي اكثر من هيك .. خليه ينسى .. تركيه يعيش حياتو بعيد عني .. الوقت رح ينسيه مو هيك قلتي؟؟
هي : بدو رقمك الجديد حياة
انا : اوعي تعطيه ياه
هي : حتى ليلى طلبت رقمك
انا : لا تعطي رقمي لحدا عم قلك
هي : خلص ما رح اعطيه شي .. بتعرفي قلي انوو ما بقا يرجع يجي عند البيت . قلي انو لازم يشوف حياتو بعيد عن هون .. كان عم يحكي و الحسرة بعيونو ..قلي انو عم يتمنى تكوني مبسوطة بحياتك ..قلي كمان انو عم يتمنى حمزة يكون مهتم فيكي و عايشة معو بالهناا .. لك شوي و كنت رح احكيلو كلشي بس ما قدرت خفت .
انا: تركيه يرتاح نايلة ..يستاهل بس الخير بحياتو ..مفكرة انو امو رح تقبل فيني اذا طلقت .. عن جد ما يستاهل هلعذاب .. بدي يعيش بحرية .. ما لقى معي السعادة .. خليه يعيش بعيد عني ما بدي ياه يفكر فيني .. بتمنالو بس السعادة
هي : اي قولي كمان يلا .. قولي بتمنى يلاقي بنت ثانية .. يلا قولي لشوف ..
انا : .......
هي : شفتي .. لسا تحبيه مثل زمان و اكثر
انا : اي بحبو .. لسا بحبو كثير .. بس شو بعمل امو ما رح تقبل فيني مستحيل .. لك حتى ابوكي ما رح يقبل ...
هي : لسا ما فهمت ابي ليش هيك عاملك .. اها صحيح بتعرفي مين اجا يشوفناا
انا : مين ؟؟
هي : رياض .. اجا يطلب من ابي انو يكتبو بدفتر العائلة و يعطيه اللقب .. قال انو بدو يتزوج بس خجلان و ما حدا رح يقبل فييه ..
انا : رياض؟؟ اخونا الكبيررر ؟؟
هي : ا

ما تتاخر براا .. عندي كثير شغلات بدي احكيلك ياهن
هو : اوك اختي
بعدين طلع ع امو و قلها
رياض : امي عندك امانة بالبيت
و بعد ما طلع رياض من البيت ضليت دردش مع انو بعدين قالتلي
هي : فيكي تحكييلي كلشي و انتي مرتاحة حياة
بلشت احكيلها كلشي .. عن عرسي عن ليلة الدخلة عن وساخة امو عن الضرب و السب و عن كلشي كانت تطلع فيني مصدومة بعدين قالتلي
هي : لسا ما فهمت .. معقول لسا في هيك عالم بالحياة .. لك كيف يعملو هيك ببنت بريئة ما الها ذنب ما عندن قلب ؟؟
انا : عرفت كثير ناس بحياتي مجانين و وسخين بس بعمري ما شفت ناس مثلن .. كنت اشتغل خدامة بالبيوت مشان اصرف ع حالي و ع ستي .. و تعذبت كثير بحياتي .. بس لو فيني رجع هديك الايام رح رجعها و عيشها من جديد و ما اتحمل العيشة معن مرة ثانية ..
هي : و هدااك يلي كان خاطبك شو حكايتو
تلبكت لما سالتني ه سؤال .. فهمت انو ما بدي احكي بهيك موضوع ضحكت معي و قالتلي
هي : اوك بنتي .. هلا بالاول طلاقك بعدين كلشي رح يكون سهل ..
انا : و الله ما بعرف كيف بدي اتشكرك يا خالة .. فوتيني ع بيتك و ضميتيني و حبيتيني من اول دقيقة .. رغم اني بنت الانسان يلي حطم حياتك .. و الله قلبك كثير طيب ما بعرف كيف فيني اتشكرك
هي : قصدك الانسان يلي حطم حياتي و بدو يحطم حياتك ؟؟ و انتي شو ذنبك يا بنتي ؟؟ هااد مو غلطك انتي بس ضحية مثل رياض ..بس الله ياخذ حقكن ان شاء الله ..انا غلطت غلطة عمري بصغري ..و دفعت ثمنها كثير غالي ..كل عيلتي زتوني و طردوني ..بس الله عوضني برياض و هو هلا صار كل حياتي ...
انا وياها حكينا كثير ..بعمري ما توقعت انو المرا يلي تكرها امي رح تصير بيوم اقرب انسانة لقلبي و مثل امي و اكثر ..بعمري ما توقعت انو الطفل يلي تركو ابي وحيد رح يجي يوم ويكون هو كل عيلتي .. هو اخي و هو ابي و هو صديقي و هو كلشي ..بالنسبة الي الله هو يلي حط هلشخصين بحياتي مشان يعوضني و ينقذني ...
لما رياض اجا ع البيت تعشينا كلنا سوا .. حكينا كثير عن طفولتنا عن شو نحب ناكل عن الالوان يلي نحبا عن كلشي يخصنا ..و كانو كنا عم نحاول نتعرف ع بعض اكثر و نحنا عم نحكي عن طفولتنا ..و بعد ما اكلنا و خلصنا شفت موبايلي عم يرن و كانت نايلة بس رديت سمعت صوت ابي
ابي : شو عملتي ؟؟؟ وينك ؟؟ بدك توسخي شرفي ؟؟ كيف هاي تهربي من بيت زوجك جنيتي ؟؟ مع مين انتي هلا .. مع الثاني موو احكي عم قلك يا كلبة ..
سكرت بوشو بلا ما قلو ولا حرف ..
رياض : هو ؟؟ا
اانا : اي الشخص يلي ضحى فينااا
رياض : بكرا الصبح رح احكي معو ..
اانا : لا هلمرة انا يلي رح احكي معو
رياض : مانك لحالك هلا .. بس بدك تشوفيه و تحكي معو قليلي ماشي
انا : ماشي
و بعدا ضلينا نحكي شوي بعدين كل حدا راح ع فرشتو .. وقتا نمت مثل الطفل كنت حس حالي بامااان ..بلشت فكر بكثير مشاريع من جديد ...صرت اتخيل حياتي بعد الطلاق ..لازم دور ع شغل ..لازم ارجع لحياتي من جديد بس شي الوحيد يلي ما فيني رجعو لحياتي هو عمااد ..و بس فكر فيه برجع ازعل ... يا ترى عم يفكر فيني ؟؟ لسا متذكرني؟؟ لسا يحبني او صار بارد تجاهي ؟؟ كان بدي وقف تفكير فيه بس ما قدرت بس بالاخير تركتاا ع الله ..
اجا اليوم الجديد انا واخي فقنا شوي بكير مشان نروح نحكي مع ابي ...كان معي بس شغلتين قلو ياهن انو ما رح ارجع للبيت يلي بعثني عليه و انو انا هلا ماني وحيدة و صار الي اخي و ما ارجع عيش عن ابي ابداا ..
لما نايلة فتحت الباب عملتلي اشارة بعيونا .. ما قدرت افهم عليهااا .. بس لما فتت ع صالون فهمت كلشي .. كان حمزة هنيك مع ابي ..اكيد اجا بليل من بيتن لحتى وصل لهون ع بكير ..
بس شفتو و طلع فيني خفت ...خفت انو يرجعني ع الجحيم يلي كنت فيه ..خفت يجرني و ياخذني معو .. كنت مثل الطفل يلي عذبوه كثيرر و خايف يرجع للعذاب ...ما بدي ارجع عيش معو ابدااا ..بس شفتو تخبيت ورا اخي .. قام هو و قلي
حمزة : و كمااااااان جاية معوو ؟؟
ابي : لااا هاد ابني ..
حمزة ما فهم شي .. بعمرو ماشاف رياض من قبل
رياض : اي اجت لعندي .. اجت لعند اخوهاا .. ما هربت ما حبيبها
بس سمعت رياض قال هلحكي شكرت الله ... شكرت الله كثير اني ما هربت عند عمااد ..الله كان بدو ياني لاقي اخي ..لو كنت هربت مع عمااد بعمري ما لاقي اخي .. و حتى لو لقيتو ما كان رح يتقبلني كيف فيه يقبل اختو هربانة مع حبيبها و هي متزوجة .. مجرد تفكيرر بس بحسها انو كثير ثقيلة .. الله بيعرف شو يعمل ..و انا كنت اشكي و اتناقض دايما ع نصيبي ..كلشي بيصيبنا بهاي الدنيا مو بالصدفة كلشي الو سبب و نتائج ..كلشي مكتوب و مسطرر من قبل ..
حمزة : انت يلي حكيت معي مبارح ؟؟
رياض : اي انا .. تذكر شو قلتلك ما هيك ؟؟ يلا تعا ساوي رجال عليي هلا تعاا ..
رياض جن و بلش يتخانق مع حمزة .. و حمزة مثل النسوان تخبى ورا ابي ..رياض دفش ابي مع الحيط و نط ع حمزة و وقعو ع الارض ..و بلش يضربو بقوة و يصرخ
رياض : يلا ضربني اذا تقدرر .. يلا سبني يلااا ..يلا لشوف .. عملت الرجال ع بنت ما الها حدا ماهيكك ..

يلا ورجيني رجولة هلا ..لك انت مو رجال عم تفهم ولا .. انت بس واحد رخيس خبى وساختو و تزوج بنت مسكينة ما الها ذنب ...
رياض طلب مني و هو عم يصرخ :
رياض : اعطيني الورقة ييلي معك .. ورقة اني عذراء
حطلو ياها بوشو و قلو
رياض : شايف هاي الورقة ... شوفها منيح يا كلب .. رح انسخهاا ل 1000 نسخة رح علقعها بكل مكان بالقرية .. بالاشجار بالبيوت بكل مكاان .. خلي يعرفو حقيقتك الوسخة يا ..... لو ما تطلقها رح اقتلك عم تفهم .. هلا بدك تطلقها و تعطيها كلمتهااا ...
ترك حمزة و راح لابي و بلش يصرخ كمان ....
رياض : لو بس عطيت بنتك لرجال حقيقي ..ليك لوسخ ييلي بعتلو بنتك .. بس شو بدي احكي عن اب ترك ولادوو ...حياة هلا عندي و رح تضل عندي .. انساها و انساني مثل ما نسيتنا كل هلسنين ...
حمزة : انتي طالق ..
صرت اضحك مثل المجنونة من الفرحة .. رياض هددو لو ما يطلقني بالتراضي ..قلو انو رح ينشر حقيقتو بكل القرية و بكل البلد كماان .. صار خايف مثل الاجذب بس قلو انو رح طلقها بس ما تاخذ لا ثيابها ولا شي من غراضها ... قلتلو حرقن اذاا بدك ما بدي ياهن .. كان بدي بس اتخلص منو و اتهنى ...
و اخيرا هلا انا حرة ...انا هلا مراا مطلقة ..كثير تعبت بالروحة و الجية ع المحكمة بس اخيرااا اخذت حريتي بفضل الله و بفضل اخي ..لما اخذت ورقة طلاقي طلعت انا و رياض و امو حتى نحتفل بهشي ..كنت كثير مبسوطةة .. و بس فتنا ع البيت امو لرياض قالتلي
هي : و هلا فيكي تحكييلي حكاية يلي كان خاطبك ..
بالاول رفضت بس بعدين وعدتني انو ما تحكي شي لرياض .. ما حكيتلها كلشي عن عمااد بس حكيت شوي عن يلي صار معنااا ..
هي : هلا انتي حرة .. و لساتك عذراء ..ليش ما تحاولي تتصلي فيه ..لو يحبك اكيد رح يرجعلك ..
انا : و امو؟؟
هي : جربي من جديد .. ما تعرفي النصيب شو مخبيلك حياة .. يمكن هاي فرصتك لتعيشي معو من اول و جديد..
صارت تشجعني ..مع انو كنت دايما قول ما بدي خرب حياتو من جديد و ذكرو فيني .. بس فكرتها ما راحت من بالي .. صح انا لساتني صغيرة و لساتني بشرفي ؟؟ كانو ه زوااج بعمرو ما صار و كان مثل الكابوس بحياتناا ..
بعد ما رحت ع فرشتي و بعد تفكير طويل .. اخذت نفسي و اتصلت فيه بس للاسف تليفونو مسكر ..فكرت انو رح فيق الصبح و روح لاقيك و احكيلو كلشي صار معي ...كان بدي قلو كلشي صار معي و برجع قرب منو من جديد .. كان معي امل و كنت كثير متفاءلة ..
اجا الصبح و فقت و رحت بسرعة ع شغلو .. قالتلو انو اخذ عطلة ..ما فقدت الامل و رحت لجنب بيتهن حتى انطرو ..نطرتو عند الباب ساعات و ساعات بس ما شفتو ولا طلع من بابهن .. قررت اني رن ع الباب ما كان يهمني اذا رح يطردني او بيكون نساني .. المهم بكون مرتاحة و ما بندم اني ما دورت عليه ..ما كنت بعرف كيف رح اشرحلو..كيف رح لاقي القوة اني احكيلو كلشي .. ما كنت بعرف شو رح تكون ردة فعلو .. بس مع هيك و ما تراجعت سمعت الحكي يلي قلي ياه قللبي ..بس رنيت الباب طلعتلي امو .. تذكرت اول مرة شافتني كيف كانت تطلع فيني بقرف .. نصدمت لما شافتني و قالتلي
هي : شو عم تعملي هون ؟؟ مو تزوجتي
انا : عمااد هون ؟؟ بدي احكي معوو ..
امو كانت هادية ..كنت استنى انها تسبني بس ردت عليي بكل برود و قالتلي
هي : مانو هون
انا : عم حاول اتصل فيه بس تليفونو مسكر
هي : عمااد ...........+ ..............
_____________________
يتبع

..كنت استنى يفوت من الباب .. قلبي كااان رح يطق من كثر ما شتقتلو و من كثرر ما كان في الف سؤال جواتي ..
ستنيتو شي اربع ساعات هنيك ..لما ما اجاا كنت رح قوم و روح ... خيبة امل جديدة .. كيف رح عيش بكل هلاسئلة يا الله .. و انا قايمة حتى شفتو دخل بس هلمرة لحالو ...
شفتو كان عم يدور بكل لامااكن و كانو كان عم يدور عليي .. بس شافني حسيتو عصب و اجا لعندي بدون ما يسلم ..
عمااد : ليش اجيتي لهون ؟؟
انا : شوو؟؟
عمااد : شو عم تعملي هون عم قلك؟؟
كان كثير مقهور و هو عم يحكي :
انا : هااد مطعم عمااد .. مالي الحق اجي لهون؟؟
عمااد : حااجتك .. ليش اجيتي لهون بلذات ؟؟
انا : ليش عم تحكي معي بهاي طريقة ؟؟ بروح وين ما بدي و بعمل شو ما بدي انت شو دخلك ؟؟
عمااد : ليش جبتيه معك لهون ..لوين بدك توصلي؟؟
بلش يعصبني و يصرخ عليي .. ف نفجرت بوشو و قلتلو
انا :مفكر اجيت مشانك؟؟ لك فيق مع حالك .. شو مفكرني ؟؟ اذا مفكر اني اجيت لهون مشان اعملك مشاكل مع مرتك .. اتهنى ماني تبع مشاكل ..لا تفكر اني مراا مطلقة رح اركض ورا وااحد متزوج ...
تركتو هيك مصدوم و رحت جبت غراضي من ع طاولة و رحت دفعت الفاتورة و طلعت حتى سمعتو وراي
عمااد : استني .. بدك تشرحيلي
ما حكيت معو و صرت امشي بسرعة للسيارة و هو لاحقني و بس فتحت الباب رجع هو سكرلي ياه بقوة ..
اناا : جنييت ؟؟ بعطيك الباب تاخذو معك شي
صار يضحك لما قلتلو هيك بعدين قلي
عمااد: ما في روحة حتى تشرحيلي
انا : تركني بحالي ما عندي شي قلك ياه ..
عمااد: انتي تطلقتي؟؟ بس هداك يلي كان معك !!!!
انا : اي طلعت من ثلاث سنين .. هدااك بس رفيق و مو اكثر ..
عمااد : شووو؟ امتى طلقتي؟؟؟
انا : بنفس الوقت يلي تزوجت فيه انت .. اجيت وقتا لقلك اني صرت حرة بس كنت سافرت ع فرنسا لتجيب عروستك .. و هلا بعد كل هلسنين جاي مشان تقلي شوعم تعملي هون ؟؟ خايف اعملك مشاكل مع مرتك؟؟لا تخاف ماني من هلنوع و ما رح تشوفني مرة ثانية .. باي !!
فتحت باب سيارتي بس هو قرب من سيارة و رجع سكرلي ياه كمان بقوة
انا : ااااااه .. لك شوي شوي ع الباب العمى
صار يطلع فيني و يبتسم بعدين خطفلي مفاتيح سيارة من ايدي ..
انا : شو عم تعمل ؟؟
كنت معصبة كثير ... مسكني من ايدي و صار يجرني ع سيارة صرت صرخ و قلو تركني بس ما تركني .. فتح باب سيارتو و قلي طلعي
انا : لك تركني شو عم تعمل ؟؟
عمااد : لازم نحكي
انا : ما في شي احكيله ياه .. ولا شي
عمااد :لسا راسك يابس و ما تغيرتي
انا : و انت دايما بنفس العقلات و ما تعرف تحكي
عمااد : و انتي تفهمي دايما بالعكسس
انا : و انت تعمل بس يلي براسك
عمااد : خرصي
انا : العمى.. لا تقلي خرصي !!!
صار يسوق بسرعة و اخيرا وصلنا ع مكاان شوي معزول كان هيك مثل الغابة ..و بس وقف قلي
عمااد : ليش هيك عملتي فيني ؟؟
انا : جبتني لهون مشان تحاسبني ؟؟
طلعت من سيارة و صرت امشي بعدين نفجرت بكي.. نزل هو كمان و لحقني ..
انا : اي صح انا غلطت وقت ما خبرتك بس انت غلطت اكثر وقت ما سمعتني.. ما بعرف ليش هيك صديتني و جرحتني و ما تركتلي فرصة اني احكي .. مفكر انو لحالك يلي تعذبت؟؟ مفكر اني تزوجت برضايتي ؟؟ مفكر اني عشت بالهنا عندو ؟؟ اذا انت قلبك نحرق مرة انا قلبي كان ينحرق كل يوم ..انا عشت الجحيم يلي تمنيتلي ياه ...كان يضربني صبح و مسا و يسبني..بعمري ما انسى الوجع يلي عيشني ياه ..مرة كان رح يقتلني لانو دافعت عنك و قلتلو انك ارجل منووو عيشني وقتا بكابوس ..عشت العذاب لشهوررر و انت هلا جاي تحاسبني ؟؟ انت بكم شهر رجعت شفت حياتك من جديد و تزوجت ...بعد ما طلقت انت الاول يلي دورت عليك .. فكرت رح لاقي نفس الحب جواتك .. لما اجيت لبيتكن امك قالتلي انك خلص رح تتزوج .. نطرتك عند الباب مثل شي حرامية .. نطرتك سااعات و ساعات و انت ما رجعت ..وهلا جاي تحاسبني ؟؟؟ بكفي بقا بكفي ..
كنت منهارة و رجعت لثلاث سنين ورا .. كنت حاسة النار جواتي.. قرب مني ليضمني بس دفشتو و صرخت عليه ...
انا : انت رجعت شفت حياتك من جديد .. شو بدك مني هلا .. انت نسيتني عمااد بس انا بعمري ما نسيتك ..ليك ه طوق لساتو برقبتي من وقت حطيتلي ياه برقبتي ... انت رحت تزوجت وانا عشت بالحسرة كل هلسنين ..لا و صرت تجيبها ع المكاان يلي كنا نقعد فيه سوااا ...نيالكعن جد نيالك ..
قرب مني و سرقني لحضنو بقوة .. حاولت ادفشو بس ما تركني.. ضعفت كثير و صرت ابكي مثل المجنونة ع صدروو .. صار عم يهديني و يقلي
عمااد: اهدي يا عمري اهدي ... لا تبكي انا بعمري ما نسيتك .. انا ما تزوجت حياة .. كيف فيني اتزوج و البنت يلي عشقتا لساتهاا ساكنة بروحي ..لا تبكي مشان الله ..
طلعت فيه مصدومة وقلتلو ..
انا : بس امك قالتلي ......
عمااد : بعدين بحكي معا بشوف شوحكايتها ..لك يا هبلة رحت لفرنسا مشان جيب بنت خالتي عنداا 12 سنة .. بدك اتزوج بوحدة قد بنتي
فرطت ضحك و بنفس الوقت كان دمع بعيوني و قلتلو
انا :و البنت يلي كانت معك ؟؟؟
عمااد : لك هاي صديقة بالشغل ..
انا : عم تكذب ..
عمااد

حــــــــــــــــــــكاية حيــــــــــــــــــــــــــــــــاة ( 24 )
______________________________

قلبي صــار يدق للحب من جــديد .. حسيت حالي بالحلم و انا حاضنتو بقوة .. هلحضن كان يكفي مشان انســى كل العذاب يلي عشتو ..اني شم ريحتو هشي خلاني كون اسعد وحدة بالدنيا ..هلمرة ابداا ما رح اتركو..ما رح اهتم بحداا ولا رح فارقو مشان حداا ..قررت هلمرة اني ما اتركو لو متت ..لاانو هلمرة فهمت انو سعادتي ما رح لاقيها الا و انا معو ..كنت حاضنتو و لسا عم ابكي
عمااد : خلص انا هون حبيبتي .. حاج تبكي
كل ما كان يحكي شي كنت احضنو بقوة .. قربت اخنقوو
انا : شتقتلك كثيرر حبيبي
عمااد : عشت الجحيم بلاكي
انا: انا كمان تعذبت بدونك كثير
عمااد : انا هون جنبك .. لا بقا تبكي و بوعدك ما بقا تشوفي العذاب بحياتك .. تعالي ع سيارة رح تبردي ..
رحنا طلعنا بالسيارة لانو عن جد كنت ارجف من البرد .. بس طلعنا ع سيارة رجع اخذني بيه ايديه و قلي
عمااد :تعالي لهون يا بلوة .. ما بدي تبعدي عني مرة ثانية
انا: انت هون بالعاصمة دايما ؟؟
عمااد : اي انا هون .. بس مرة رحت شهر لفرنسا مشان ابي يتعالج هنييك
انا: و هلا هو منيح ؟؟
عمااد : اي ماشي حالو .. بس بطل شغل هلا عم يرتاح بالبيت
انا: و انا يلي كنت مفكرة انو امك اجت لفرنسا تشوفك الشهر الماضي
عمااد : ما فهمت ؟
انا : تصادفت مع امك و هاي جاية من فرنسا لهون .. كنت بعرف انو ما رح تخبرك
عماد : لا ما قالتلي
انا :مو غريبة .. مثل ما خبت عليك اني اجيت دور عليك بالبيت
عماد : صدقيني يا عمري .. ما قالتلي شي ابداا لا عن جيتك ع البيت و لاا الصدفة بالطيارة
انا : لانو ما كان بدها نرجع نلتقي ..بس معا حق لانو كثير تعذبت بحياتي و تزوجت و عشت الجحيم .. لك كان ...
عمااد : هس مشان الله ..رح نسيكي كلشي عشتيه معو بوعدك بس انتي لا ترجعي لوراا
انا : بس لازم احكيلك كلشي
عماد: ما بدي حياة .. لو كنتي تصلتي فيني و انتي عندو كنت اجيت اخذتك بالغصب .. بس هلا لا تحكييلي شو تعذبتي لانو رح اندم اكثر واكثر اني تركتك تروحي
انا : بس في شغلات لازم تعرفهاا ..
مسك راسي بين ايديه و طلع بعيوني و قلي
عمااد : سكتي حياة . ما بدي اعرف شي عن ماضيكيي .. بدي اعرف بس هلا شو تعملي بحياتك ؟؟ وين عايشة عند ابوكي او عند امك؟؟ قلتيلي شفتي امي بالطيارة .. شو كنتي تعملي بفرنسا
انا : عم اشتغل مضيفة طيران
عمااد انتي !!!
انا : اي اي انا ... شو شغلة كبيرة اني اشتغل مضيفة طيران ...
عمااد : ههههه لك ما تغيرتي ابداا يا مجنونة .. لساتك عصبية .. تعالي لهون تعالي نتفك شوي شتقت اتضارب معك .. انتي وين عايشة هلاا ؟؟
انا : ما رح تصدق ..تتذكر اني حكيتلك مرة عن ابي انو معو ولد من مرا ثانية قبل زوااج بامي
عمااد : اي
انا : انا هلا عايشة معو و مع امو .. تخيل عمااد انو الطفل يلي تركو ابي بسبب امي .. هو يلي حماني هو يلي ساعدني و انقذني من حياة الجحيم يلي كنت فيها .. حتى امو تموت فيني
عمااد : لك دخيل ربو .. حبيتو قبل ما اعرفو لازم تعرفيني عليه
انا : تتذكر بنت الختيارة يلي كنت اشتغل عنداا؟؟
عمااد : ختيارة الجن قصدك؟
انا: هههههه لك هس لسا ما نسيت ما هيك .. بنتا هي يلي دبرتلي ه شغل ..
عمااد : يعني هلا سافرتي ع كل العالم
انا : اي صح .. اذا بدك تعرف ايا شي عن شي بلد حلو انا هون بخبرك
عمااد : دخيلللووو اناا .. اي بدي اعرف عن شي بلد مشان روح شهر عسل
انا : شهر عسل؟؟
عمااد : عم امزح هههههه ولي كيف طلعتي فيني
انا : اجدب .. بتعرف شو انا و اخي حققنا اكثر من هدف واولن فتحنا محل لانو مشان تشتغل بالكاتو و الحلويات .. اذاا بدك طلب مشان زوااجك كمان قلي
فرط عليي ضحك و قلي
عمااد : و اخيرا حققتي الحلم يلي قلتيلي عنو .. بعمري ما شفت بنت قوية مثلك ..
اانا : الحمد لله بفضل الله
عمااد : عن جد بفتخر فيكي .. نجحتي بحياتك و قدرتي تاسسي حالك من جديد. انا لساتني مثل ما اناا دايمااا عند ابي و امي دايما بنفس الشغل و دايما وحييد
انا: فيك تغير الكلمة الاخيرة انت مو وحييد من اليوم و رايح حط هشي براسك
عمااد : هههههه يا الله ما عم صدق انك جنبي ..
قربني منو و باسني ع جبيني و قلي
عماااد : بدي اطلب كااتو من ام اخوكي و بنفس الوقت بدي حاكي اخوكي ضروري فهمانة
قلبي صار يدق كثيرر
انا : شو بدك باخي ؟؟
عمااد: مفكرة اني رح اتركك تضيعي من ايدي مرة ثانية .. هلمرة ما في تهربي بدي اتزوجك .. لازم نتزوج بدي كمل حياتي معك .. انتي خلقتي لتكوني قدري
انا : انا كمان بدي
عمااد : مين قلك عم اخذ رايك؟؟
فرطنا ضحك .. يومها قضيت يوم حلو كثير مع عمااد .. اجمل يوم بحياتي و كانو بس مبارح فترقناا .. حكينا كثير كثير عن حالناا .. و اخيرا رجعني ع المطعم مشان اخذ سيارتي عطيتو رقمي و تودعنا بعدين صار لاقحني حتى باب البيت مشان يعرف وين اسكن ....
___
فتت ع البيت مبسوطة قد الدنيااا ...لقيت رياض و امو كمان مبسوطين
ام رياض : تعالي حياة ..يوم السبت رح نروح نطلب ايد بنت

لاخوكي
انا :شششششو؟؟ ياسمين ؟؟
هي : كنتي تعرفي
انا : استني استني رح اتصل فيها ..
بس طلعت ع موبايلي لقيت كثير اتصالات منها بس من كثر ما كنت غرقانة مع عمااد ما سمعت اتصالها ..
ام رياض : شو هلفرحة يلي بعيونك
انا : ولا شي
ام رياض : لك وشك منور اليوم خيرر
انا :ولا شي ولو
رحت سكرت ع حالي بغرفتي .. تصلت بياسمين لقيتها مصدومة ههه .. قالتلي انو رياض طلب يحطبها وما بدو علاقات بدون رسميات ..كانت مبسوططة كثير ..حكيتلها كلشي صار معي صارت تصرخ من الفرحة ..حكينا لساعاااات .. ع تليفون ع فايبر .. ع سكايب ع كلشي ..
بهديك ليلة تصل فيني عمااد .. حكينا شوي بعدين قلي انو بدو رقم اخي مشان يحكي معو و يجي يخطبني ..ماكنت متاكدة و توترت و قلتلو اكيد امك ما رح تقبل فيني .. بس هو اكدلي انو هلمرة رح يكون كلشي غيرر ...
____________
يتبع

حكــــــــــــــــــــــــــــــــــاية حيــــــــــــــاة ( 25 و قبل الاخير )
______________________________________

بهديك ليلة تصل فيني عمااد .. حكينا شوي بعدين قلي انو بدو رقم اخي مشان يحكي معو و يجي يخطبني ..ماكنت متاكدة و توترت و قلتلو اكيد امك ما رح تقبل فيني .. بس هو اكدلي انو هلمرة رح يكون كلشي غيرر ...
___________________________
اليوم يلي بعدو رحت ع شغلي كان معنا سفرة ع ايطاليا ..كان دايما يجذبني محل هنيك كثير حلو يبيع بس ساعات ..كل ما كننت مر عليه كنت قول لياسمين ياريت لو يجي يوم و اشتري ساعة من هون لعمااد مشان شي يلي عملو معي .. الله عطاني هاي الفرصة و تحقق حلمي .. دخلت شتريت احلى ساعة لعمااد ك هدية و شتريت لاخي كماان ..كنت كثير كثير مبسوطة ..
انا عماد ما شفنا بعض ليومين لانو كنت بالشغل .. كنت كل ما يكون عندي وقت راحة بحكي معو ... و اخيرا رجعت ع البيت و رحت انا و رياض وامو لحتى نطلب ايد ياسمين .. امها كانت انسانة رائعة ستقبلتناا منيح بس شفتها تحكي بهديك الطريقة شكرت الله لانو حسيت انو الله بعث لرياض احلى هدية و عوضو عن كلشي .. و اخيرا قبلت امها و ما كان معا مشكلة بالكنية تبع رياض كان بدها بس رجال يحب بنتها و يهنيها و يحميها و يعوضها حنان ابوهاا .. ياسمين كاانت عم تنط هون و هون من الفرحة و قضينا يوم يجنن سوا ...
____
اليوم يلي بعدو كنت بعطلة .. قضيت مع عمااد كل يومي من صبح للمسا .. كنا نضحك باعلى صواتناا تسلينا كثير و تضاربنا و تقاتلنااا .. بس كنت كثير كثير مبسوطة .. بس المسا عمااد قلي لازم يروح لانو معو شغل ضروري .. بس طلعنا ع سيارة عطيتو الهدية ..
عمااد : شو هااد؟
انا: هدية كنت اتمنى دايما اهديك ياهاا
عماد: مممم رح اقبلهاا بس بشرط
انا: شوو ؟؟
عمااد : رح تقبلي بهديتي كمااان .. كان بدي اعملك ياها مفاجاة بس يلا ..
انا : شو هي ؟؟
شفتو حط ايدو بجيبتو .. قلبي كان يدق كثيرر .. طالعلي احلى خاتم وقلي
عمااد: و هاااااد امتى بدك تلبسيه بقا ؟؟
انا : مو نفسهااا
عمااد : كان بدي غيرها .. الاولى صار الها ذكريات بشعة .. بس هاي متتاكد رح يكون الها ذكريات حلوة
انا: عمااد حبيبي .. انا ماني مستعدة فارقك ابداا .. بس خايفة حبيبي .. امك......
عمااد : هلمرة امي ما رح تسبب ولا مشكلة .. ضيعت كل هلسنين بلاكي بسببها و وعدتني لانو رح تقبل هلمرة .. بس الها امنية صغيرة
انا: شو هي ؟
عمااد : قالتلي اذا بدكن تعيشو لحالكن ما معي مشكلة .. بس كثير تتمنى انو تشوف ابنها و مرتو ببيتها .. قالت انو رح تعطينا طابق من الفيلاا ..
انا: بعيش معك وين ما بدك يا عمري
عماد : منيح كثير .. طيب امتى فيني احكي مع اخوكي ؟؟يلا نروح هلا شو رايك؟؟
انا: هلاااا !!!!
عمااد : اي باخذك لبيتكن و بعد كم دقيقة بتصل فييه و بحكي معو شو رايك
انا : ما بعرف .....
عماد : ما تعرفي ؟؟؟ ما بدك تتزوجيني حياة ؟؟ا
انا: عمااد متاكد؟؟ انا وحدة مطلقة .. بتعرف مجتمعناا .. اكيد رح يكون في حكي .. رفقاتك عيلتك يلي حواليك ...
عمااد : جنيتي ؟؟ انا بتركك مرة ثانية ؟؟ و بعدين ااذا مطلقة .. شو رح ينفعوني الناس اذا بيحكوو
انا : بس في شي لازم تعرفو عمااد لما كنت عند ...
عمااد : يا الله هس .. ليش ما تفهمي انسي الماضي لك حياة
ما عطاني فرصة اني احكيلو انو لساتني عذراء و حمزة ما لمسني ابداا ..
_________
ما تركت عمااد يحكي مع رياض بهدااك اليوم بس باليوم يلي بعدو عمااد اجا صبح وصلني ع الشغل و بعد كم ساعة اتصل فيني
عمااد : حبيبتي رايح شوفو هلاا
انا: ما قلك من وين اخذت رقموو؟؟
عمااد: قلتلو كلشي
انا: جنيت ؟؟ شو رح تقلو
عماد : رح قلو انو بحبك و بدي ياكي بالحلال و رح قلو انو كنا مخطوبين من قبل و فرقونا ..ما بدي كذب ع اخوكي و احكيلو حكايات عن جد ما يستاهل و متااكد رح يفهمني
انا: انا اصلا حكيتلو من زماان اني كنت مخطوبة لشخص ثاني
عمااد :اها كثير منيح لكان ..
انا : حبيبي لازم سكر هلااا رح نطلع ع طيارة
عمااد : بس توصلي تصلي فييني و بس ترجعي كماان اتفقناا
انا :اوك حياتي انتبه ع حالك كثير بحبك
عمااد : لا تبلشي هاا .. هاي انتبه ع حالك و بحبك انا كثير بخاف من طيارة
انا : هههه ..لك دخيلو يلي يخاف عليي .. يلا دعيلي حبيبي
عمااد: الله يسهلك حبيبتي ... بس توصلي اتصلي لا تنسي
انا: اوك حياتي
لما رجعت من الشغل ما اجا ياخذني عمااد بس رياض يلي اجاا و بس طلعت معو قلي
رياض : اليوم اجاا شخص يحكي معي مشانك
انا: .......
رياض :انتي عطيتيه رقمي .. يعني بتعرفيه
انا : اي بعرفوو
رياض : انا رافض حياة انسيه
انا: شووووو؟
رياض : ههههههه .. بمزح بمزح لا تتحولي فجاة .. لك مو مصدق كيف ابي رفض هيك انسان و زتك عند وااحد ما يسواا ..اصلا امي حكتلي كلشي
انا : شو قلتلو ؟؟
رياض : يوم الاحد رح يجي مع اهلو
كان بدي نط عليه و بوسو .. بس ثقلت حالي شوي ههه
انا : عجبك لكان ؟
رياض : عجبني لانو ماكذب عليي وحكالي كلشي .. مبين انو انسان قد مسؤولية

انا: اي صح .. رجال و نص..
رياض طلع فيني بالمقلوب لانو شافني تحمست .. بعدين هديت .. نسيت انو هااد اخي يلي عم يحكي معي...
ام رياض كانت كثيرمبسوطة مشاني و قالتلي
هي : صبرتي و بالاخير تحقق حلمك يا بنتي .. يلي خلق بعمرو ما يضيع ..
____________________
مرت الايام بسرعة .. اجو اهل عماد يخطبوني .. عمااد كان كثير كثير مبسوط .. و ابوه بس شافني عانقني مثل بنتو .. عمااد كان يبتسم معي كل شوي بعدين يطلع برياض اذاا عم يطلع فينا ههههه ..
ام عمااد ما كان مبين عليها كثير مبسوطة بس كانت طبيعية ... ام رياض كااننت تحكي كثير منيح ونبسطت فيها ..ام عمااد كانت تطلع بالبيت و بالغراض يلي بالبيت .. و لانو ام رياض كانت تعرف كل قصتي ف صارت تقلها .. انوهاي حياة جابتها من صين و هاي من سنغال و هااي من ايطاليا .. ما كان بدي امو تقبل فيني لاني وضعي منيح بس تمنيت لو انو تحبني مثل ما يحبني ززوجها .. بس شو بدي ساوي المهم قبلت فيني و ما رح تحرمني من عمااد مرة ثانية .. ما كان بدي خليه يختار بيني و بين امو .. بس عمااد يستاهل اني اقبل كلشي مشانو لانو بحبو كثير ..
و اخيرا طلبو ايدي رسمي... وتفاهمو ع شروط .. رياض قلن انو ما بدنا شي غير سعادة حياة بس ام عمااد اصرت انو لازم تجبلي المصاري و ثياب و كثير شغلات .. ما بعرف ليش هيك حسيت بعيوناا انو لساتها عم تورجيني انو هن احسن مناا .. بس مع هيك طنشت مشان ما ارجع اخسر حبيبي .. ام رياض كنت انسانة كثير قوية و عرفت ترد عليها .. قالتلها انو حياة تشتري كل ثيابها من اروبا و مانها محتاااجة للثياب وبرفاناتت ..بيكفي المهرر
ما كان بدي نوصل لهيك نقاش لانو انا بعمري ما خجلت اني قول كنت فقيرة .. بس هلا الحمد لله الله عوضني عن كلشي و احلى شي انو رجعلي رجالي يلي بموت عليه ..
قررنا انو نعمل حفلة صغيرة للخطوبة و مشان يلبسني الخاتم .. كنت لابسة فستان بيجنن .. عمااد كان كثير مبسوط .. ضلينا نضحك كل السهرة .. عزمت ابي و حاولت اني سامحو شوي .. اجا بس هو ونايلة .. امي ما رضيت تجي زعلت شوي بس ماكان بدي اخرب سهرتناا ..
عزمت شوي ناس يشتغلو معي و بنت الختيارة يلي ساعدتني بحياتي كثير ..هدااك اليوم نبسطنا كثيرر .. حبيبي كان كثير حلووو و خلاني اكل كاتو من ايديه و انا كماان ... بعد هاي الحفلة بلشنااا نحضر مشان العرس .. امو عزمتناا ع البيت عندهاا .. شفت الطابق يلي رح نعيش فيه .. غرفتين و صالون و مطبخ و حمام .. كان كلشي حلو و مرتب .. بعد كم يوم رحنا نشتري غراض لللبيت .. عمااد خلاني اختار كلشي ع زوقي .. كنا كثير كثيرمبسوطين الحمدلله ..
بعد كم يوم .. رحنا ع المحكمة مشان عقد القران .. كنا كثير مبسوطين و اخيرا صرت مرتوو ... و بعد يومين الرجال راحو عملو الفاتحة بالمسجد و عملنا حفلة صغيرة نبسطنا فيها كثيرر .. بهدااك اليوم ياسمين كانت معي بالغرفة مشان تزبطلي مكياجي .. عمااد تصل فيني و قلي انو بدو يشوفني.. اجا لعندي و ياسمين راحت ..بس شافني ضمني بقوة و قلي
عمااد : يا الله صرتي مرتي ..كان في دمع بعيونو .. كنا كثير مبسوطين بس بالاخير طفشتو قلتلو ما بيصير هلا ييجي اخي يلاقيك معي بالغرفة ههه
تفاهمنا انا و عمااد انو نعمل عرسنا سوا .. عزمناا كثير عالم .. كان بدي روح اعزم عماتي يلي طردوني من البيت لحتى يشوفو وين وصلت .. انو الدنيا بتدورر و الانسانة يلي حتقروهاا صارت احسن منن .. رحت بسيارتي هدااك اليوم لبست احلى لبس و احلى بارفان .. بس فتت نصدمت بشوفتي عزمتني فوت لجواا .. عطينا الكرت تبع العرس .. صارت تطلع فيني مصدومة بس مع هيك ما حاولت اتكبر عليها هي و بناتها بس لما كنت طالعة قلتلها ...
انا : لا تنسو لبسو منيح رح يكون في كثير عالم مستواهن عالي ...
انا جواتي ماني هيك بس كاان لازم فش خلقي فين مشان يعرفو قيمتي ..
____________________________________________
يــــــــــــــيوم العـــــــــرس .......+ ........
____________________
يتبع

حكـــــــــــــــــــاية حيـــــــــــــاة ( الجزء الاخــــــــير )
___________________________
بيوم العــرس كننت اسعد بنت الكون ..حضرت حالي و لبست فستاني الابيض مشان يجي ياخذني حبيب احلامي ..بس اجا لياخذني نزلت تحت جناح اخــي ..الانسان يلي انقذ حياتي .. الانسان يلي عتبرتو هو الاب الحقيقي.. الحمدلله .. الله عوضني باجلى اخ بالدنيااا ..
عرسي كان يجنن .. كانو الكل حواليي .. ام عمااد كانت مبسوطة رغم كلشي .. كان في عيلة عماااد و كان في عيلتي..ام رياض ورياض و ياسمين و امها و شويرفقات من يلي يشتغلو معي.. ابي اجا هو و مرتو و رغم كلشي انبسطت بشوفتهن ..نايلة حبيبة قلبي ما فارقتني ولاثانية ..حتى عماتي بعد من ساعة اجو .. بالاول نصدمت بعدين رحبت فيهن مثلن مثل ايا حداا.. ططول العرس و انا عم اضحك و مبسوطة و عم سلم ع هااد وهااد .. هليوم كان اسعد يوم بالنسبة الي
لما العرس خلص .. انا و عمااد رحنا ع بيتناا يعني ع بيت حماتي .. ما رضينا نروح ع هوتيل لانو بعد يومين رح نسافر مشان شهر عسل ... و اخيرا صرنا بغرفة لحالناا .. فجاة حسيت بلخوف و التوتر .. اجا عمااد باسني ع جبيني وقلي
عمااد : ليش هيك متوترة حبيبتي
انا: خايفة عمااد
عمااد : من شو يا عمري..
قعدت انا و عمااد جنب بعض .. حكيتلو كلشي و قللتلو انو كان بدي كل يوم قلو هشي بس هو ما تركني .. قلتلو انو حمزة كاان انسان وسخ و ما لمسني ولا يوم ولا قرب من جسمي .. بالاول عمااد نصدم بعدين نبسط كثيرر
عمااد: يا الله مو مصدق حبيبتي .. يعني انتي خلقتي لالي و ماحدا قرب منك ابداا
انا : اي و الله يا عمري .. هاادهو قدرناا ..
الباقي من السهرة كاان خاص شوي ..بس كان اسعد يوم بحياتي .. الصبح بس فقناا سمعت اختي عم تدق ع الباب و تقلي انو الفطور عند الباب ... اكلنا سوا انا و حبيبي بعدين كان لازم روح عند الحلاقة انا و ياسمين مشان ساوي شعراتي ..بس الغطاا ييلي نمت عليه ما لقيت كيف بغسلو لانو ماكان معي غسالة .. خبيتو بالحمام لبين ما ارجع .. بعدين اجت ام عمااد سلمت علينا و باركتلناا .. وصلني عمااد عند الحلاقة لانو هدااك اليوم كمان عملنا حفلة صغيرة مع العيلة و بس ...
بس لما رجعت ع البيت ام عمااد فتحت عليي الباب و قالتلي انو بدها تتحكي معي بشي خاص
هي : لما طلعتو رحت ع غرفتكن و لقيت الغطاا بالحمام .....
اانا : اي فهمت شو بدك تحكي
هي : بس ما فهمت .. مو كنتي متزوجة ..
طلعت معا ع غرفتي و حكيتها بشكل عالم شو يلي صار معي .. لاول مرة ام عمااد نبسطت و ضمتني .. فهمت انو بدها تروح تخبر عيلتها بهيك خبر ...و اخيرا انا و عمااد رحنا شهر عسل .. و بس رجعناا بلشت انا شغلي و هو شغلو كمااان .. كان كثير يشقلي بغيابي و انا كماان ..حسيت انو هلمهنة عم تسرقني منو كثيرر ...بعد كم شهر انا صرت حامل .. عمااد كتير كان مبسوط بهيك خبر و حتى اهلو .. قررت اني وقف لفترة و اخذ عطلة مرضية طويلة ... مرت الايام وصررت ست بيت ..كنت حامل و كثير حساسة ... كنت كل يوم نظف بيتي و انزل لتحت ساعد ام عماااد ..بيوم كنا قاعدين كلنا ع الغذا ابو عماد قلي
هو : يا بنتي مانك مجبورة كل يوم تنزلي تاكلي و تنظفي البيت فوق و تحت ..انتي هلا الك حياة خاصة حاولي تستغليهااا مع زوجك و البيبي يلي ببطنك ... بعدين قال لمرتو
هو : و انتي لا تخليها تساعدك كل يوم بالبيت .....
انا :لا ابي .. لا تحكي هيك ..مو هي يلي تطلب مني بس انا بحب هيك جو عائلي .. بالاول كنت عيش مع ستي الله يرحمها ..وهلااا صرتو انتو كل عيلتي
لاني كنت حساسة كثير صرت احكي و ابكي .. ام عمااد قامت و عانقتني .. علاقتي معا كثير تحسنت .. صح مرات يكون في مشاكل مثل ايا بيت ..بس كنت احترما و تحترمني ..
اليوم صار معي ولد يشبه ابوه كثير بكل الملامح .. هو و عمااد صارو كل حياتي ..ما ندمت ابدا اني تركت شغلي لحتى اهدي كل باقي حياتي لزوجي و ابني .. لانو انا عشت بلا ام و بعرف شو يعني .. الحمد لله قدرت رتب اموري و ما خلي عمااد يغار من ابنو ولا العكس هههه.
__________________
انا كتبتلكن هلقصة بدون ما خبر عمااد .. كان كل ما يطلع للشغل بقعد ع لابتوبي و اكتبلكن .. اجا يوم و عمااد شاف كلشي .. بالاول زعل مني شوي بعدين فهمتو انو هشي يخليني ارتاح اكثرلما فضفض و احكي.. الحمد لله تفهم عليي و كان بدو يقراهااا .. عماد ما يحب احكيعن الماضي و عن حمزة وعن شي يلي عشتو زماان ..بس الانسان دايما يحتاج شي ساعة لحتى يتذكركيف كااان و كيف صارر .. تشكرت الله كل يوم ع شي يلي هداني ياه ..بعد ما خلصت هاي القصة عمااد قراها كلها ..مرات بشوفو عم يضحك و مرات بشوفو تعكرر ..
انا هلا مرا كثير مبسوطة ..مبسوطة لاني نجحت بحياتي .. مبسوطة اني صرت ام ..عايشة بالهنا مع زوجي و عيلتو وابني .. بس هشي ما يخليني انسى شي يلي عشتو بالماضي و كل ما اتذكرر بسجد و بشكر الله ..
__________
ياسمين و رياض تزوجو الصيف الماضي ...بعد ما جبت طفل .. صار في تواصل بيني وبين امي و ابي .