ﻣﺂ _ﺑﻴﻦ _ﺍﻟﻮﻫﻢ _ ﻭﺍﻟﺤﻘﻴﻘﺔ _ﺑﻘﻠﻢ _ ﻧﺪﺁﺀﺍﻟﺼﻮﺍﻟﺤﻲ
@rwayate
ﺍﻟﺠﺰﺀ ﺍﻷﻭﻝ :
ﻛﻨﺖ ﻗﺎﻋﺪ ﺑﺒﻴﺘﻲ .. ﻋﺎﻟﻜﺮﺳﻲ ﻳﻠﻲ ﺑﺰﺍﻭﻳﺔ ﻏﺮﻓﺘﻲ .. ﻋﻢ ﺍﻃﻠﻊ ﺑﺎﻟﺪﻡ ﻳﻠﻲ
ﻣﺎﻟﻲ ﺍﻟﺴﺠﺎﺩ .. ﻣﺎ ﻋﻢ ﺍﻗﺪﺭ ﺍﺭﻓﻊ ﺭﺍﺳﻲ .. ﻋﻴﻮﻧﻲ ﻣﺎ ﻋﻢ ﺗﺮﻣﺶ .. ﺍﻟﺪﻧﻴﺎ
ﻋﻢ ﺗﺪﻭﺭ ﻭﺗﻠﻒ ﻓﻴﻨﻲ.. ﺍﻟﻨﺎﺱ ﻋﻢ ﺗﺤﻜﻲ ﻣﻌﻲ .. ﺑﺲ ﻣﺎ ﻛﻨﺖ ﺍﺗﺠﺎﻭﺏ
ﻣﻌﻬﻦ .. ﻣﺎ ﻛﻨﺖ ﺍﺳﻤﻊ ﺷﻮ ﻋﻢ ﻳﻘﻮﻟﻮ
ﻛﻨﺖ ﺑﺤﺎﻟﺔ ﺻﺪﻣﺔ .. ﻛﻴﻒ؟ ! ﻭﻟﻴﻴﻪ؟ ! ﻭﻣﻴﻴﻦ !؟؟
ﺍﻟﻀﺎﺑﻂ : ﺍﺳﺘﺎﺫ ﻋﻤﺮ ﻟﻮ ﺳﻤﺤﺖ ﺻﺎﺭ ﻻﺯﻡ ﻧﻘﻌﺪ ﻭﻧﺤﻜﻲ
ﻋﻤﺮ : _
ﺍﻟﻀﺎﺑﻂ : ﻟﻮ ﺳﻤﺤﺖ.. ﺍﺳﺘﺎﺫ ﻋﻤﺮ !؟
ﻛﻤﺎﻝ : ﺧﻠﺺ ﻟﻮ ﺳﻤﺤﺖ ﻣﺎ ﺭﺡ ﻳﻘﺪﺭ ﻳﺤﻜﻲ ﺷﻲ ﻫﻞﺀ .. ﺑﻮﻋﺪﻙ ﺍﻧﺎ ﺭﺡ
ﺟﻴﺒﻪ ﺑﻜﺮﺓ ﻣﻦ ﺍﻟﺼﺒﺢ ﺑﺲ ﺧﻠﻴﻪ ﻳﺮﺗﺎﺡ ﺍﻟﻴﻮﻡ .. ﺍﻟﻲ ﺻﺎﺭ ﻣﺎﻧﻪ ﻗﻠﻴﻞ
ﺍﻟﻀﺎﺑﻂ : ﺑﺲ ﻳﺎ ﺍﺳﺘﺎﺫ ﻛﻤﺎﻥ ﻧﺤﻨﺎ ﻻﺯﻡ ﻧﺎﺧﺪ ﺍﻗﻮﺍﻟﻪ
ﻛﻤﺎﻝ : ﺑﺘﺮﺟﺎﻙ ﺍﺻﺒﺮ ﺑﺲ ﻟﺒﻜﺮﺓ ﺍﻟﺼﺒﺢ ﻣﻮ ﺷﺎﻳﻒ ﺣﺎﻟﺘﻮﻭﻭﻭ ﻛﻴﻴﻒ
ﺍﻟﻀﺎﺑﻂ : ﺗﻜﺮﻡ .. ﺍﻧﺎ ﺭﺡ ﺣﺎﻭﻝ .. ﺑﺲ ﻟﻮ ﺳﻤﺤﺖ ﻻ ﺗﻄﻮﻝ ﻋﻠﻴﻨﺎ
ﺧﻠﺼﺖ ﺩﻭﺭﻳﺔ ﺍﻟﺸﺮﻃﺔ ﺗﺤﻘﻴﻖ ﻭﺍﺧﺪﻭ ﺑﺼﻤﺎﺕ ﻭﻧﻀﻔﻮ ﺍﻟﻤﻜﺎﻥ ﻭﺍﺧﺪﻭ ﺣﺎﻟﻬﻦ
ﻭﻃﻠﻌﻮ
ﺑﻘﻴﺖ ﺍﻧﺎ ﻭﺍﺧﻲ ﻛﻤﺎﻝ ﻭﻣﺮﺗﻪ ﻣﻬﺎ ﻗﺎﻋﺪﻳﻦ ﺑﺎﻟﺒﻴﺖ ﺳﺎﻛﺘﻴﻦ.. ﻣﺎﺑﻨﺤﻜﻲ
ﺷﻲ .. ﻣﺎﻛﺎﻥ ﻓﻲ ﺣﺘﻰ ﺻﻮﺕ ﻫﻤﺲ ﺑﺎﻟﺒﻴﺖ
ﻣﻮ ﻗﺎﺩﺭ ﺍﺣﻜﻲ ﺷﻲ .. ﻣﻮ ﻗﺎﺩﺭ ﺍﺗﻜﻠﻢ ﻣﻦ ﺑﻌﺪ ﻣﺎ ﺷﻔﺘﺎ
ﻗﺒﻞ 4 ﺳﺎﻋﺎﺕ .. ﻛﺎﻧﺖ ﺍﻟﺴﺎﻋﺔ 2 ﺍﻟﻈﻬﺮ ﻛﻨﺖ ﺭﺍﺟﻊ ﻣﻦ ﺍﻟﺸﻐﻞ ﻭﻗﺖ ﻓﺘﺖ
ﻉ ﺍﻟﺒﻴﺖ ﻷﺣﻀﻨﺎ ﻭﻭﺭﺟﻴﻬﺎ ﺷﻮ ﺟﺒﺘﻼ ﻣﻌﻲ .. ﻛﺎﻧﺖ ﺯﻋﻼﻧﺔ ﻣﻨﻲ ﺍﻟﺼﺒﺢ ﻟﻤﺎ
ﻃﻠﻌﺖ ﻉ ﺷﻐﻠﻲ ﻭﻛﻨﺖ ﺣﺎﺑﺐ ﺭﺍﺿﻴﻬﺎ ﺑﻘﻨﻴﻨﺔ ﻋﻄﺮ ﻣﻦ ﺍﻟﻤﻔﻀﻞ ﻋﻨﺪﻫﺎ ..
ﺑﺲ ﻣﺎ ﻧﻄﺮﺗﻨﻲ ﻻﻋﻄﻴﻬﺎ ﺍﻳﺎﻫﺎ .. ﻓﺘﺖ ﺍﻟﺒﻴﺖ ﻭﻣﺎ ﻟﻘﻴﺘﻬﺎ .. ﻧﺎﺩﻳﺖ ﻋﻠﻴﻬﺎ ﻣﺎ
ﻛﺎﻧﺖ ﺗﺮﺩ
ﻧﺎﺩﻳﺖ ﺑﺎﺳﻤﻬﺎ ﻛﺘﻴﺮ
ﻓﺘﻠﺖ ﺍﻟﺒﻴﺖ ﻏﺮﻓﺔ ﻏﺮﻓﺔ ﻭﺍﻧﺎ ﺑﺪﻭﺭ ﻋﻠﻴﻬﺎ
ﻟﻤﺎ ﻟﻘﻴﺘﺎ ﻣﺮﻣﻴﺔ ﻉ ﺍﺭﺽ ﺍﻟﻐﺮﻓﺔ ﻏﺮﻗﺎﻧﺔ ﺑﺪﻣﻬﺎ .. ﻛﺎﻧﺖ ﻣﺪﺑﻮﺣﺔ ﺑﺴﻜﻴﻦ ﻣﻦ
ﺭﻗﺒﺘﺎ .. ﻛﺎﻧﺖ ﻣﺘﻞ ﺍﻟﻤﻼﻙ ﻳﻠﻲ ﺍﻧﺘﺰﻉ ﺣﻴﺎﺗﻪ ﺷﻴﻄﺎﻥ.. ﻣﺎﻓﻴﻨﻲ ﺍﻭﺻﻒ
ﺍﻟﻤﻨﻈﺮ .. ﻣﺎﻓﻴﻨﻲ ﺍﻭﺻﻒ ﺷﻌﻮﺭﻱ ﻭﻗﺘﺎ
ﺣﺴﻴﺖ ﺭﻭﺣﻲ ﺍﻧﺸﺎﻟﺖ ﻣﻦ ﺟﻮﺍﺗﻲ
ﺑﺪﻱ ﺍﺑﻜﻲ ﺑﺪﻱ ﺍﺻﺮﺭﺭﺥ ﻣﻮ ﻗﺎﺩﺭ
ﺣﺎﺳﺲ ﻗﻠﺒﻲ ﺭﺡ ﻳﻨﻔﺠﺮ ..
ﺣﺒﻴﺒﺘﻲ .. ﻣﺮﺗﻲ .. ﺭﻓﻴﻘﺔ ﻋﻤﺮﻱ ﺳﻴﺮﻳﻦ .. ﻣﺎﺗﺖ ﻭﺗﺮﻛﺘﻨﻲ
ﺍﻧﺘﺸﻠﻨﻲ ﻣﻦ ﺻﺪﻣﺘﻲ ﻭﺳﺮﺣﺎﻧﻲ ﺍﺧﻲ
ﻛﻤﺎﻝ : ﻋﻤﺮ ﺍﺧﻲ ﻗﻮﻡ ﻗﻮﻡ ﻏﺴﻞ ﻭﻏﻴﺮ ﺗﻴﺎﺑﻚ
ﻋﻤﺮ _:
ﻛﻤﺎﻝ : ﻟﻚ ﺍﺧﻲ ﺭﺩ ﻋﻠﻴﻲ ﺑﺘﺮﺟﺎﻙ .. ﺍﻟﻚ 4 ﺳﺎﻋﺎﺕ ﻉ ﻫﺎﻟﺤﺎﻝ ﺑﻼ ﻣﺎ
ﻳﺼﻴﺮﻟﻚ ﺷﻲ ﻗﻮﻭﻡ
ﻋﻤﺮ : ﻣﻮ ﻗﺎﺩﺭ ﻳﺎ ﻛﻤﺎﻝ ﺍﺗﺮﻛﻨﻲ
ﻛﻤﺎﻝ : ﻣﺎ ﺭﺡ ﺍﺗﺮﻛﻚ ﻗﻮﻭﻡ ..
ﻣﻬﺎ ﺭﻭﺣﻲ ﺍﻋﻤﻠﻲ ﻟﻘﻤﺔ ﺧﻠﻴﻪ ﻳﺎﻛﻞ
ﻣﻬﺎ : ﺗﻜﺮﻡ ﻟﻴﻜﻨﻲ ﺭﺍﻳﺤﺔ
ﻋﻤﺮ : ﻣﺎﺍﺍﺍﺑﺪﻱ ﺍﻛﻞ ﻣﺎ ﺑﺪﻱ ﺍﺗﻄﻔﺢ .. ﺍﻃﻠﻌﻮ ﻟﺒﺮﺍ ﻭﺍﺗﺮﻛﻮﻭﻭﻧﻲ ﺑﺪﻱ ﺿﻞ
ﻫﻴﻴﻚ ﺑﺪﻱ ﻣﻮﺕ ﻭﺍﻟﺤﻘﻬﺎ
ﻛﻤﺎﻝ : ﻟﻚ ﺍﻫﺪﻯ ﺍﺧﻲ ﺍﻫﺪﻯ ﺍﺳﺘﻐﻔﺮ ﺍﻟﻠﻪ .. ﺍﻟﻠﻪ ﻳﺮﺣﻤﻬﺎ ﻳﺎﺍﺧﻲ ﺍﻟﻠﻪ
ﻳﺮﺣﻤﻬﺎ
ﻋﻤﺮ : ﺍﺍﺍﺥ ﻳﺎﺭﺑﻲ ﻟﻴﻪ ﺍﺧﺪﺗﻬﺎ ﻭﺗﺮﻛﺘﻨﻲ .. ﻟﻚ ﺍﺧﻲ ﻣﻴﻦ ﻳﻠﻲ ﻋﻤﻞ ﻓﻴﻬﺎ ﻫﻴﻚ
ﺧﺒﺮﻧﻨﻨﻨﻲ ﻣﻴﻴﻴﻴﻦ ﺧﺒﺮﻧﻲ ... ﺑﺪﻱ ﺍﻗﺘﻠﻮ ﺑﺎﻳﺪﻱ ﻫﺪﻭﻭﻭﻝ
ﻛﻤﺎﻝ : ﺧﻠﺺ ﺍﻫﺪﻯ ﺭﺡ ﻧﻌﺮﻓﻮ ﻭﻧﺠﻴﺒﻮ ﻭﺍﻟﻠﻪ ﻟﺠﻴﺒﻠﻚ ﺍﻳﺎﻩ ﺗﺤﺖ ﺭﺟﻠﻴﻚ ﺑﺲ
ﺍﻧﺖ ﺍﻫﺪﻯ ﻫﻞﺀ
ﻣﺎ ﻛﻨﺖ ﻗﺎﺩﺭ ﺍﻫﺪﻯ .. ﻛﺎﻥ ﻓﻲ ﺟﻮﺍﺗﻲ ﺑﺮﻛﺎﻥ ﻭﻋﻢ ﻳﺴﺨﻦ ﻭﻳﻐﻠﻲ.. ﻛﻨﺖ
ﺣﺎﺳﺲ ﺑﺄﻱ ﻟﺤﻈﺔ ﺭﺡ ﺍﻧﻔﺠﺮ ﻭﻓﺠﺮ ﻛﻞ ﻳﻠﻲ ﺣﻮﺍﻟﻴﻲ ﻣﻌﻲ ..
ﻗﻤﺖ ﻣﻦ ﻋﻦ ﺍﻟﻜﺮﺳﻲ ﻭﻃﻠﻌﺖ ﻉ ﺳﺮﻳﺮﻱ .. ﺗﻤﺪﺩﺕ ﻭﺿﻤﻴﺖ ﺭﺟﻠﻴﻲ
ﻟﺼﺪﺭﻱ .. ﻛﻨﺖ ﻣﺤﺘﺎﺝ ﺣﻀﻦ ﺍﺭﻣﻲ ﺣﺎﻟﻲ ﻓﻴﻪ .. ﻣﺤﺘﺎﺝ ﺣﻀﻦ ﺍﺗﺨﺒﻰ ﻓﻴﻪ ..
ﻣﻦ ﺑﻌﺪ ﻣﺎ ﺍﻟﺘﻘﻴﺖ ﺏ ﺳﻴﺮﻳﻦ ﻭﺍﺗﺰﻭﺟﺘﺎ ﻋﻮﺿﺘﻨﻲ ﻋﻦ ﻛﻞ ﺷﻲ ﻋﺎﻧﻴﺘﻪ ﻣﻦ
ﻗﺒﻞ ﻋﻮﺿﺘﻨﻲ ﻋﻦ ﻣﻮﺕ ﺍﻣﻲ ﻭﺍﺑﻲ ﻋﻮﺿﺘﻨﻲ ﻋﻦ ﺍﻟﻮﺣﺪﺓ ﻳﻠﻲ ﻛﻨﺖ ﻋﺎﻳﺶ
ﻓﻴﻬﺎ .. ﺑﺲ ﻫﻞﺀ.. ﻫﻞﺀ ﺗﺮﻛﺘﻨﻲ ﻭﺭﺍﺣﺖ .. ﺭﺟﻌﺖ ﻭﺣﻴﺪ ﻣﺎ ﻓﻲ ﺣﺪ ﻳﺤﻦ
ﻋﻠﻴﻲ
ﺍﻧﺎ ﻋﻤﺮ ﻋﻤﺮﻱ 24 ﺳﻨﺔ.. ﻳﺘﻴﻢ ﺍﻻﻡ ﻭﺍﻻﺏ.. ﺗﻮﻓﻮ ﻣﻦ 5 ﺳﻨﻴﻦ ﺑﺤﺎﺩﺙ
ﺳﻴﺮ .. ﻭﺑﻘﻴﻨﺎ ﺍﻧﺎ ﻭﺍﺧﻲ ﻛﻤﺎﻝ ﻟﻮﺣﺪﻧﺎ ﺑﻬﺎﻟﺪﻧﻴﺎ
ﻛﻤﻠﻨﺎ ﺩﺭﺍﺳﺘﻨﺎ ﻭﺍﻋﺘﻤﺪﻧﺎ ﻉ ﺣﺎﻟﻨﺎ ﺍﻧﺎ ﻛﻤﻠﺖ ﻟﻐﺔ ﻋﺮﺑﻴﺔ ﻭﺗﻮﻇﻔﺖ ﻣﺪﺭﺱ
ﻭﺍﺧﻲ ﻛﻤﺎﻝ ﺧﻠﺺ ﺻﻴﺪﻟﺔ ﻭﻓﺘﺢ ﺻﻴﺪﻟﻴﺔ ﺗﺤﺖ ﺑﻴﺘﻨﺎ .. ﺑﻌﺪﺍ ﺍﺗﺰﻭﺟﻨﺎ .. ﺍﺧﻲ
ﺍﺧﺪ ﺷﻘﺔ ﺍﻫﻠﻲ ﻳﻠﻲ ﺗﺤﺖ ﻭﺍﻧﺎ ﺑﻨﻴﺖ ﺷﻘﺔ ﻓﻮﻗﻪ ﻭﺍﺗﺰﻭﺟﺖ ﺳﻴﺮﻳﻦ