وكل يوم بيجي حدا وبدق بابهن بدو مصاريه الي مدينهن لمحمود
محمود اعجز انسان بالدنيا بيكره الشغل بحب المصاري تجيه وهوا قاعد بالبيت
بحياتو ما اشتغل شغلة
والماس رح تطق من الوحدة حملت مسؤلية البيت وهيي عمرا 13 سنة
ورحاب عم تدلل عليها بسبب الحمل
وابو محمد مو سائل لا عبناتو ولا ع حدا مابدو من هالدنيا الا رحاب والي ببطنها
حتى وقت خبرتو رنيم بمرض هاني ما اتأثر ولا راح وزارو
ماسدء ايمتا خلص من رنيم وهناء لان بنظرو هني الي كانو بيعملو مشاكل
في بيت هناء
دق باب البيت
محمود. هناء تعي بسرعة
هناء. شو بدك
محمود. لك هسسس وطي صوتك
هناء. لك افتح وشوف مين
محمود. هاد صاحب البيت بدو الاجار اطلعي وقوليليو انو محمود مو بالبيت ومابيرجع الا لل 12 بالليل
هناء. يعني ليش نكذب قلو انو مامعك
محمود. بالله شو لك يلا خلصيني
حكت معو هناء وكان معصب لان صار 5 الشهر ومادفعو الايجار
محمود. واخيرا انقلع
هناء. فضحنا كل الجيران التمو ع صوتو
يعني مابعرف شو بدي احكي عليك بتحطني بكل موقف اصعب من التاني
محمود. شو قال
هناء. قال انو عم يدور عليك من مكان لمكان بيعرف انو انت عم تتهرب منو
وقال اذا بكرا مابتدفعلو الاجار بيطالعك كن البيت
محمود. لك وبعديييين المشكلة طلبت من امي مارضيت تديني وكل اصحابي الهم علي
ما الي عين اطلب منهم شو بدي اعمل
هناء. مابعرف دبر حالك
محمود. لك شو دبر حالك ، كلو من امي قلتلها بدي ارجع اسكن معها مارضيت
هناء. اي معها حق لأيمتا بدها تظل تصرف عليك
لك شوف حالتنا شوف بيتنا كيف مافيه لقمة اكل
والديون كترت علينا
وحضرتك لا شغلة ولا عملة
محمود. هلأ المهم شوفي اخوكي بلكي بدينا
هناء. بترجاك سكرعالموضوع ولا تفتحو لانو المرى الماضية قال لابقا تطلبي مني
محمود. هه ياحبيبي ع هيك اخوات
ليش ايمتا طلبنا منو الا مرى
هناء. المهم انا مادخلني
شو هالحالة هي كل يوم نفس القصة
محمود. يعني مابدك تطلبي منو ؟
هناء. انت رجال البيت وانت بتتحمل المسؤلية انا مادخلني كل يوم والتاني عم بتجي بتطلب مني من وين بدي جيبلك
اصلا فيك بحق الدخان الي عم تتسممو تلم اجار البيت كل شهر
محمود. هي مو شغلتك
ليش انا مابحاسبك ع الاشياء الي بتخصك متل انو ليش ابوكي واخوكي ماعم بطلو عليكي ولا كأنو عندهم بنت
حتى ولا بيسألوكي اذا بحاجة شي
انا ماني مجبور فيكي بكل شي ببساطة فيني اترك هاد البيت وروح اسكن ببيت شي حدا من رفقاتي
بس بسببك انا عم ادفع الاجار كل شهر
وبس قلك تديني بتقولي مادخلني
هناء. هلأ هاد الي طلع معك بعد كل شي تحملتو مشانك
محمود. اي هاد الي عندي وماعاجبك حكيي فيكي ترجعي ع بيت اهلك ليتحسن وضعي