#سرطان_عائلي_الكاتبة_روان_الشبلاق
الجزء الثاني
@rwayate
دخل ابي لعنا ع الغرفة وقعد يحكي معنا
ابو محمد. بيرضيكن الشي الي عملو اخوكن
شفتو كيف غلط ع خالتكن
هناء. محمد ماغلط هيي الي غلطت بابا انت لازم تنتبه منها عم تدمرلنا عيشتنا وعاملة حالها مسكينة
ابو محمد. لك اسكتي لا تسمعك شو هالحكي هاد هي الي عم تحكي عنها بمقام امك لازم تحطيها ع راسك هي بتحبكن وبتخاف عليكن
وكل همها انكن تطلعو بنات مناح ومربايين
هناء. بابا انت سامع حالك شو عم تحكي بنات مناح ومربايين قصدك انو امي ماعرفت تربينا
نحنا مربيين احسن ترباية وغصبن عنها وفشرت تكون بمقام امي
ابو محمد. ولك انتي مابتفهمي كيف بتقولي عنها فشرت قومي قدامي يلا
هناء. وين ؟
ابو محمد. قومي اعتذري منها وخليها تسامحك
هناء. نعم ، ماسمعت بدك ياني انا اعتذر منها ولك على شو اذا بسببها اخي طلع من البيت ومابنعرف لوين راح وبسببها انت مديت ايدك عليه وكنت رح تضربو
ابو محمد. اي قومي اعتذري منها بدنا نفتح صفحة جديدة معها لأنو اخوكي غلط بحقها
رنيم. بابا شو هالحكي ليش هناء شو عملت حتى تعتذر
ابو محمد. انتي ماحدا اخد رأيك ريحي حالك ، يلا هناء شطورة قومي
هناء. فشرت يعني فشرت مابعتذر منها لو تطبق السما ع الارض
ابو محمد. ايه ماشي ياحيوانة طلعت عنجد مو عرفان ربيكن
طلع ابي وراح ع غرفتو
رحاب. شو وينها هناء
ابو محمد. مارضيت عم تقول ماعملت شي حتى تعتذر عليه
رحاب. شايف انهن مابيحترموني ومابحبوني مع انو انت شايف انو انا عم بعمل كل شي مشانهن ولمصلحتهن كل الي طالبتو انو يعتبروني متل امهن حن عليهن واسمعهن شو بدي غير هيك
بس هني بيستكترو عليي كلمة خالة
بس الحمدلله الله شايف وعارف كل شي
ابو محمد. انا بعرف انك بدك مصلحتهن
رحاب. لا مابتعرف لو بتعرف كنت خليت @rwayate هناء تجي وتعتذر بس انت مابتمون عليهن
هي بدل ما تتحمدو الله انو بعتلكن ياني بنت حلال ورضيانة ب الي بيعملوه بناتك معي
ابو محمد. طيب هلأ شو
رحاب تبكي. ولشي اصلا انا بحياتو ماحدا حبني مع انو نيتي صافية وبحب الخير لكل الناس
ابو محمد. لا تبكي يابنت الحلال هلأ بروح وبحكي معهن وبوعدك مايتكرر الي صار
وبس يجي محمد انا بعرف شغلي معو
رحاب. اي احكي معهن وانا رح افتح صفحة جديدة معهن وهدول بيبقو بنات زوجي وحبيبي وتاج راسي
وبيظلو بنات صغار وبعمر المراهقة مو حاسين ع حالهن شو بيعملو
ابو محمد. تسلميلي شو قلبك طيب وكبير
رجع ابي لعنا ع الغرفة
ابو محمد. شوفو يابنات الي رح احكي هلأ كلو رح يتنفذ وياويلها الي مابترد
هالبيت رح ينحطلو قوانين وبدكن تلتزمو فهمانين
اول شي رحاب ما اسمها رحاب بتصيرو تنادولها خالة
وتاني شي نوم للظهر مابدي بتفيقو بكير وبتخلصو شغل البيت وبتحطو فطور لخالتكن
وياويلكن اذا بسمع كلمة او بتجيني شكوى منكن
انا بعرف كيف ارجع ربيكن من اول وجديد
تالت شي هلأ هناء بتقومي معي وبتعتذري من خالتك
وكمان بس يجي اخوكن ممنوع تحكو معو بدنا نقاطعو فترة حتى يعرف ان الله حق
واضح كلامي
رنيم. هههههه ولا كأنك بابا الي بنعرفو ليش هيك عم تعمل بابا نحنا بناتك شو نسيت شو نحنا بالنسبة الك
نسيت اديش بتحبنا وبتخاف علينا
ليش عم تتغير ليش خليت رحاب تغيرك
ابو محمد. قلتلك خالة رحاب مو رحاب
رنيم. هه
ابو محمد. بعدين انا ماتغيرت @rwayate انا متل ما انا بس هاد اخوكن معبي رأسكن عليي وع خالتكن
الماس. بابا انت تغيرت كتير
ابو محمد. حتى انتي اصغر شي عم تقولي تغيرت
هناء. لأنك عنجد تغيرت
ابو محمد. اخرسي وقومي اعتذري
هناء. قلتلك وبرجع بقلك مااااارح اعتذر
ابو محمد. هناء قومي بالمنيح احسن ماقومك غصبن عنك
هناء. مارح اعتذر خلص بكفي بقى
ليش بدها تذلنا مابعرف
لك مابكفي اخدتك مننا شو بعد بدها اكتر من هيك عم تحاول تفرقنا عن بعض وحدا حقيرة وتافهة
ابو محمد. شو قلتي ياحيوانة والله لموتك
قرب مني وضربني متل الحيوانات قدام رنيم والماس
كل هاد لأني ماقبلت اعتذر ع شي ماعملتو
خلص ضرب فيني وطلع صرت ابكي وخبيت حالي تحت الحرام حتى مايشفقو عليي اخواتي
رنيم. هناء خلص حبيبتي بكفي بكي
الماس. هناء الله @rwayate يخليكي لا تبكي ولاتهتمي
رنيم. خلينا نعتبرها مو موجدة نحنا مالنا قدها هي مابتخاف من الله
هناء. تبكي بعدو عني اتركوني بحالي
رنيم. هناء بكفي قومي خلينا نلاقي حل اذا بقينا هيك نحنا رح نطلع خسرانين
هناء. لك بابا ضربني هي اول مرة بمد ايدو عليي انا صرت بكرهو
رنيم. لا تقولي هيك بيبقى هاد ابونا واذا بدنا نكره لازم نكره رحاب مو هوا
هناء. وينك يا امي تشوفي شو عم تعمل فينا الي اخدت مكانك
الماس. بابا منيح بس ليش هيك عم يعمل
رنيم. لانو بتظل تعبي براسو علينا وتخليه يكرهنا
هناء. انتو عم تحكو وكأنو هوا ولد صغير
هوا شايف بعينو شو عم بصير وبيعرف انو تغير بس ماراضي يعترف بهالشي
رنيم. شو بدنا نعمل اليوم ضربك انتي وبكرا جايي الدور علينا
هناء. المرة هي سكتتلو بس المرة الجاية والله لأعملو مشكلة اذا بحاول يمد ايدو عليي او عليكن

#سرطان_عائلي_الكاتبة_روان_الشبلاق
الجزء السادس
@rwayate
في بيت رنيم كانت زعلانة كتير
هاني. شبكي ليش قالبة خلقتك
رنيم. ولشي بس حكت معي هناء وقالت انو بدهن ينتقلو من هي المنطقة ويروحو ع محافظة تانية
ومابقى اقدر شوفها الا كل شهور
هاني. ههههههه هاد الي مزعلك
يلا منيح بنخلص من محمود الكلب
رنيم. عم تتمسخر ليش شو عاملك محمود
هاني. بالله ليش مابتخبرك اختك انو كل يوم والتاني جايي لعندي وبدو مصاري مني
قال مفكرني مليونير وانا حق دوا ما معي هه
رنيم. عم تحكي عنجد
هاني. اي لكن مزح قال يعني ماعندك خبر
رنيم. عنجد انا مامعي خبر ويمكن هوا بيطلب من حالو لأن لو هناء بتعرف كانت خبرتني
هاني. ياسيدي المهم الله يريحنا منو
بعد كم يوم انتقلت هناء ع بيتها الجديد وبلشت شغل
رنيم والماس كتير زعلو لانو بعدت كتير
بعد مرور 8 شهور بعدهن ع نفس الحال ماتغير شي بحياتهن غير انو هناء حامل ورحاب ولدت وجابت صبي سمتو يزن
وهناء طول الشهور ما زارتهن الا مرة وحدة وقت ولدت رحاب
وماحكت لحدا عن شغلها الي بتشتغلو وبتحكيلهم انو حياتها حلوة وانها مبسوطة مع زوجها بس الحقيقة غير هيك
ورنيم اه من حيات رنيم الي زوجها مابحبها وبعاملها معاملة سيئة كتير وكل يوم عم يحكي مع حبيبتو
وقت يمرض ويسعفوه ع المشفى تبقى جنبو وماتتركو وتدعيلو كل الوقت
بيغلط عليها بالحكي وبعاملها متل الخدامة وهي ساكتة مابتحكي شي لأنها بريئة وبتقول انو مع الايام بينصلح حالو وبصير منيح
في بيت ابو محمد
الماس. اعطيني يزن خليني لاعبو
رحاب. انقلعي من وجهي لساتو صغير ولا بدك تموتيه بين ايديكي
ابو محمد. لك شو بصير اذا لاعبتو
رحاب. انا مابدي ياها تصيب ابني خليها بعيدة عنو بكون افضل
الماس. بس هادا اخي
رحاب. بالله جد اخوكي
والله ماكنت بعرف
اسمعي ولك يزن ممنوع تمدي ايدك عليه يلا روحي على شغلك
الماس. ليش بس اخوكي مسموح انو يحملو وانا لا
رحاب. هاد اخي وبأمن عليه معو مو متلك بخاف تعملي فيه شي لأنك حقودة
الماس. انتي الوحيدة الي مابحقلك تحكي ع الحقد
رحاب. والله وكبرتي يا الماس وصار الك لسان يحكي اكيد رنيم عم تكرهك فيني مو هيك
الماس. خلي رنيم بحالها مابكفي الي عملتيه فيها
رحاب. ليش شو صاير عليها ليكها من كتر مو مبسوطة مع زوجها
ماعم تطل علينا الا كل شهر مرة
الماس. حسبي الله فيكي
رحاب. هههههه سامع بنتك منيح انو انت موجود لحتى ماتفكرني عم بألف عليها حكي
ابو محمد. الماس روحي ع غرفتك
رحاب. لا خليها تروح ع المطبخ تحطلنا شي ناكلو
ابو محمد. يا رحاب يا حبيبتي بدك تتحمليها شو بدك تعملي
رحاب. لااا انا مو مستعدة اتحملها كنت تقلي انو هيي صغيرة بس هلأ كبرت ولسانها صار بدو قص
ابو محمد. لك بكرا الله بيبعت نصيبها وبتتزوج وبترتاحي انتي
رحاب. اي ياريت يجي هاليوم ونخلص ، بتعرف حبيبي انو يزن بس يكبر رح ترفع راسك فيه مو متل ابنك محمد اذا عندو اب ماعم يسئل عليه
ابو محمد. اي اكيد رح ارفع راسي فيه لاني رح اعرف ربيه
رحاب. اكيد حبيبي ومرتك الاولى ماكانت حاطيتلك قيمة لهك اولادك مابردو عليك بس انا غير انا بعتبرك انت الي بتأمر وانت الي بتنهي وكلمتك مابتصير تنتين
ابو محمد. الله لا يحرمني منك
في بيت رنيم كانت زعلانة وعم تفكر بحياتهم والي صار معهم
رنيم. لك اااااه وين كنا وي صرنا
هاني. عم تحاكيني ؟
رنيم. لا بس عم بفكر بحياتنا انا واخواتي
بتعرف اشتقت لهناء كتير
هاني. ههههههه اي خليكي عم تفكري قال اشتاقتلها عأساس كتير بتحبو بعض
اصلا اختك مو سائلة عنك
رنيم. ليش هيك عم تحكي ع اختي كل هاد لأني قلت اشتقتلها
هاني. لك حاجتك تمثيل قال يعني انتو الاخوات الحنونات الي كتير بتحبو بعض
لك بقص ايدي اذا وحدا فيكن بتحب التانية
بتفكريني مابعرف شي عن حياتكن لك انا بعرف كل شي
وينو ابوكي ليش ماعم بشوفو وبيعرف اني مريض
طيب اخوكي وين ليش ماعم يسأل عنك
بأختصار بعرف انو اهلك كان بدهن يخلصو منك ويبلوني انا فيكي لك مافيكي شي بينحب نكدة ومابتنطاقي
رنيم. يمكن معك حق بكل شي قلتو
بس انو انا نكدة طيب ليش ؟
لأني وقفت معك بأصعب ايامك وبمرضك وتحملت كل الحكي الي بتحكيه عليي وتحملت نشافتك وكل شي سيئ بتعملو معي وتحملك الفقر الي نحنا فيه
لك انت بعمرك ماحبيتني وانا قلبي كان حاسسني بس كنت كذب حالي وقول بسبب المرض هيك بعاملني
بس طلعت غلطانة
مابتمنالك تعيش الي نحنا عشناه لأن صعب كتير نحنا يا هاني اجتنا مرت اب حرمتنا من كل شي حلو بحياتنا حرمتنا من طفولتنا فرقتنا عن بعض وكرهتنا ببعض بس والله ماكنا هيك
حملنا هموم اكبر من عمرنا من ونحنا صغار تشردنا وافترقنا كيف بدك يانا نكون
بس ماحدا بحس بقيمة الام الا ليخسرها
هاني. بس بس اسكتي لعيتيلي قلبي انا ناقصني هم وغم وقت قلتلك انو انتي نكدة ماكنت غلطان
رنيم. لك انت ماعم تحس فيني
وماعم تخليني حبك
اذا بدي قرب منك بتمنعني
اذا بسألك شي بتقلي لا تدخلي دائما بتحط حواجز بيني وبينك
ليش انا شو عاملتلك

#سرطان_عائلي_الكاتبة_روان_الشبلاق
الجزء الثالث
@rwayate
هناء. شووو قلتي ماسمعت
رحاب. انتي مادخلك انا عم بحكي مع الماس هي صغيرة خليني اعرف ربيها ع كيفي ولا تتدخلو
اتطلعت رنيم بهناء وكانو يفكرو نفس الشي قامو لعند رحاب وحاولو يضربوها
رحاب. لك بعدو
عم تمدو ايدكن عليي والله بس يجي ابوكن لخليه يموتكن
بعدووو عني
هناء عضتها لرحاب
رحاب. ااااخ الله لا يوفقك يابنت الحرام
عم تتقاوو عليي
صارت خنائة بينهن وضربوها بس ما اثر فيها
وهي كمان ضربتهن ودافعت عن حالها
رحاب. بسيطة والله لأعمل فيكن العمايل
هناء وهي عم تتجلئ عليها. الي بيطلع بأيدك اعمليه ولا تقصري
راحت رحاب ع غرفتها واتصلت بأبو محمد وهي عم تبكي وخلتو يجي ع البيت
رحاب. وائل حبيبي بدي منك شغلة
وائل. نعم اختي
رحاب. هلأ بس يجي عمو ابو محمد ويسألك شو في بتقلو انو البنات دخلو لعنا ع الغرفة وضربونا
شو بتقلو ؟
وائل. انو البنات ضربونا
رحاب. وانهن دخلو لعنا ونحنا نايمين
وائل. اي
وصل ابو محمد ودخل لعندها ع الغرفة
عملت حالها زعلانة وعم تبكي
ابو محمد. خير شو في
رحاب. روح اسأل بناتك
ابو محمد. طب ليش عم تبكي
رحاب. بناتك بيكرهوني هي جزاتي لأني اليوم كنت رح طالع اخوهن
ابو محمد. طب فهميني شو عملو
رحاب. كنت نايمة انا ووائل وماحسينا الا هناء ورنيم دخلو علينا ع الغرفة وضربوني انا ووائل
واذا مو مسدئني هي وائل اسألو
وشوف ايدي كيف عضتني هناء
يلا هلأ ورجيني شو بدك تعمل معهن كل مرة بتسكتلهن
واذا ماتصرفت انت انا رح اتصرف معهن
ابو محمد. تعبت والله تعبت
هلأ بدون سبب عملو هيك
رحاب. لك ماعملت شي عم قلك كنت نايمة
في غرفة البنات
الماس. سامعة صوت بابا
هناء. انتي اخرسي ولا تسمعينا صوتك
دخل ابو محمد ع الغرفة
ابو محمد. لك وبعدين معكن انتو
قولولي شو اعمل فيكن لك هاد تصرف الي بتتصرفوه
رنيم. بتستاهل
ابو محمد. لك الله يقصف عمركن
لك الله يلعن البنات وساعتهن
لك كانت رح تطالع اخوكن بس بسبب عمايلكن بطلت ارتحتو هلأ
خلي اخوكن بالحبس الله لا يرد حدا
الله يريحني منكن بأقرب وقت
رحاب. اي ماكتير تشد ع حالك هلأ بطقلك شي عرق
ابو محمد. حلي عني انتي التانية
رحاب. كنت مفكرتك رح تاخدلي حقي بس للأسف
دق باب البيت وكانت خالتي عفاف دخلت لعنا ع الغرفة وشافت الوضع مكركب سألت شو في
ابو محمد. مافي شي بس اذا متت اعرفي انو بناتي هني الي جلطوني
عفاف. خير شو في
ابو محمد. شرفو احكو لخالتكن عن عمايلكن
هناء. الله يسامحك يا خالتي بليتينا بوحدة بنت حرام
ابو محمد. ولك هنااااء
هناء. لا تسكتني خليني احكي
بتعرفي يا خالتي انو محمد بالحبس
عفاف. شوو
هناء. اي مرت ابي اشتكت عليه لانو دافع عني وقت كان بابا يضربني
عفاف. لك شو الي عم بصير فهموني
هناء. مرتك يا ابي عم تعمل فينا هيك لأن ماشافتك اب حقيقي بدافع عن اولادو فورا بأول فرصة صحتلك تخليت عن اولادك
وانتي كل هاد الي عم تعمليه يا رحاب بدل ع انك ماكنتي شايفة شي ببيت اهلك وماكنتي شبعانة حتى الاكل
لهيك وصلت فيكي عنا انو تقفلي ع الاكل
ولو بقيتي طول عمرك ببيت اهلك مابصحلك الي صحلك هون
لك احدث موبايل بالسوق اشترالك وقاعدة ع النت ليل ونهار
لك ابي ماعم يحرمك من شي
ونحنا عم نشتغل متل الخدامات عندك ومو زاعجينك بشي
بس ليش هيك عم تعملي
كرهتي ابونا فينا وبالفعل نجحتي
لأنو هلأ كل شوي عم يدعي علينا ويتمنى لو مالنا موجودين
بس بحب قلك انو الدنيا دوارة وجاييكي يوم
ابو محمد. خلصتي حكي فاضي
هناء. لك شو الواحد بدو يحكي معكن اطلعو لبراااا وتركونا لحالنا
كلكن طلعو
مابدنا حدا
طلعو كلهن ع الصالون
عفاف. ابو محمد كيف طاوعك قلبك تخلي ابنك بالحبس كرمال وحدة ما بتسوى
رحاب. احترمي حالك انتي ببيتي
عفاف. شو نسيتي مين دخلك ع هاد البيت
ع كلأ محمد رح تطالعيه
والبنات اتركيهن بحالهن
رحاب. مادخلك وانقلعي من بيتي
عفاف. شووو
ابو محمد. رحاب فوتي ع غرفتك
رحاب. لا هاد بيتي وانا مابدي هيك اشكال تدخل عليه
يلا انقلعي وسكري الباب وراكي
عفاف. لك ليش ساكتلها مو سامع كيف عم تقلعني
رحاب. مابيقدر يحكي شي لأن اذا حكا ابنو رح يصير بسوريا
ابو محمد. لا تأخذينا بس الوضع متوتر هاليومين بنحكي بعدين
عفاف. لك ياحيف بس
مرق كم يوم والوضع متل ماهوا بالبيت طول الوقت مشاكل
ورحاب ماقبلت تتنازل عن الشكوى
ابو محمد. لك شو الي بدكن ياه انتو شوووو
رنيم والماس. بدنا محمد يطلع
ابو محمد. لك مو راضية تتنازل عن الشكوى شو بعمل بحالي انا
انتو لو بتعاملوها منيح كانت طالعتو من زمان بس هاد القرار بأيدكن بدكن اخوكن يطلع بتصيرو مناح معها وبتسمعو كلمتها
رنيم. طيب انت مو هكلان هم ابنك معقول مو حاسس فيه
ابو محمد. هاد الشي من ايدو
بعدين انا رحت وزرتو وبعدو متل ماهوا حيوان
رنيم. منيح كتر خيرك انك زرتو
ابو محمد. عم تتمسخري يا حيوانة انقلعي ع غرفتك
دخلو رنيم والماس ع غرفتهن كانت هناء سامعة كل حكيهن
هناء. قلتلكن لا تحاولو وانسو انو الكن اب

#سرطان_عائلي_الكاتبة_روان_الشبلاق
الجزء الرابع
@rwayate
بالليل في غرفة ابو محمد
رحاب. ليش ماكنت مخبرني عن قصة الذهبات الي لبستهن لبناتك
ابو محمد. قلت انو موضوع مو مهم ليش لنحكي فيه
رحاب. ماحزرت مهم ونص
كان لازم تحطني بالصورة ع الاقل كنت انا لبستهن ياهن ع عين الناس
ابو محمد. هلأ لا تحاسبيني على شي صار وخلص
في غرفة البنات
الماس. رنيم شبكي
رنيم تبكي. ولشي حاسة فضي البيت هلأ مع مين بدي احكي قبل ما نام كانت اختي ورفيقتي وكل شي كلللل شي
الماس. وانا اختك
رنيم. وانتي غالية ع قلبي ومابقدر عيش بدونك بس مابعرف ليش حاسة بخنقة
شو بتكون عم تعمل هلأ
هي مبسوطة او لا
رح يعاملوها منيح او لا
والله البيت فاضي بدونها
في بيت هناء
دقت ام بسام عليهم الباب وفتح محمود
ام بسام. في كلمتين بدي احكيهن معك تعا معي دقيقة
محمود. وهي اجيت شو في احكي يعني انتي شايفة انو هاد الوقت المناسب للحكي
ام بسام. شوف يا محمود انت هلأ صرت مسؤل عن عيلة والصياعة والزعرنة بلاهن
ورح تدور على شغل وتصير تشتغل وتصرف ع حالك وع مرتك
لا تخيب ظني فيك الله يرضى عليك
محمود. اي اي اي ان شاء الله
رجع محمود ع غرفتو
هناء. شو بدها حماتي
محمود. لك حكي ختايرة بلا طعمة
هناء. متل شو
محمود. هلأ شو بدنا بحماتك خلينا بالأهم يا قطة
بعد مرور كم يوم كان من اروع ايام حياتها لهناء
بس الوضع بالبيت ماكان كتير منيح لأن ابو محمد ترك الشغل
ابو محمد. محمد وين اجارك صرلك اسبوع ما اعطيتني
محمد. انا صرت شب ولازمني مصروف وكمان بدي خبي شوي بلاقيهن وقت بدي اتزوج
ابو محمد. هلأ انا شو بفهم من هالحكي
لوقت تجي تتزوج بفرجها الله
محمد. بابا مشان الله وقت بدي اتزوج بتقلي دبر حالك انا مادخلني لهيك انا بدي امن حالي من هلأ
ابو محمد. طب المصروف واجار البيت ومصروف خواتك مين بدو يتكفل فيهن
ولا بس بدك تتسمم ببلاش
محمد. احسب اديش بيطلع عليي حق اكل وانا بعطيك
والبنات شو مابيعتازو بيجو يطلبو مني
ولاتنسى انو انت بيطلعلك راتب بدل اجار البيت
وبيطلعلك مصروف كمان
هاد وين بتروح فيه
ابو محمد. عم تحاسبني لكن
خلص اخد قدر مصروفك واعطيني الباقي
محمد. بابا انت عم تصرف كل المصاري وانا من حقي امن مستقبلي لا توقف بطريقي
مارح اعطيك شي
وقلتلك انا رح بتكفل بمصروف خواتي وشو مابيعتازو
ابو محمد. ياحوينة تعبي كل هالسنين لخليتك هالطول وبالأخر تقطع عني المصروف
لك ربيتك كل شبر بنذر بس تفووو
محمد. لو انك بحاجة كنت بعطيك بس انت مو بحاجة
ابو محمد. وانا مو بحاجتك يلا انقلع برات البيت مابدي شوف خلئتك مابقى الك فوتة ع هالبيت
محمد. بكون احسن اجت منك مو مني
يلااا سلام
رنيم. محمد لا تروح مشان الله
محمد. خلص رنيم ببقى بزوركن كل كم يوم
رنيم. لك طول بالك وين بدك تروح
محمد. بنام مكان مابشتغل اصلا هالبيت مابقى بينطاق
انتبهي ع حالك وع الماس
بعد مرور كم يوم رحاب جنت لانو محمد مابقى اعطاهن مصاري وصارت تتفشش بالبنات وتعمللهن مشاكل من ولا شي
وابو محمد كل مالو عم يغرق بحب رحاب ومابقى سائل ع حدا
تاني يوم اجا محمد واخد رنيم والماس لعند هناء
محمد. المسا برجع باخدكن ماشي
رنيم. اوك
دخلو ع غرفتها وقفلو الباب
رنيم. اشتقنالك
هناء. وانا كمان اشتقتلكن ، لو تشوفو الزواج شو حلو
دلال وحنية وحب وتفاهم مافي ولا مشكلة
ومحمود مافي منو بحبني كتيرر
رنيم. يعني مبسوطة
هناء. اي والله اكتر ماكنت بتوقع وبنصحك توافقي ع اول واحد بيجيكي
لك مابقى هكلت هم شي لا مشاكل ابي ولا مشاكل رحاب
الي بهمني انو عيش حياتي وفخار يكسر بعضو
رنيم. اي الله يهنيكي
هناء. اي قوليلي لساتها رحاب بتعمللكن مشاكل
رنيم. اي والله قرفتني عيشتي
هي انتي تزوجتي واكيد عرفتي انو محمد ترك البيت يعني ماظل الا انا والماس مو عارفين كيف بدهن يخلصو مننا
هناء. مابتعرفي ايمتا بيجي الفرج
تعو لورجين الصور الي تصورناهن انا ومحمود
المسا محمد وصل البنات ع البيت
رنيم. مابدك تفوت
محمد. لا خليني روح قبل مايطلع ابوكي
رنيم. ارجع ع البيت الله يوفقك والله نحنا بحاجتك وما النا غيرك
محمد. خلص رنيم مشان الله خليني اسس حياتي بعيد عنكن مابدي مشاكل
رنيم. اي متل مابدك عيش بعيد عننا
محمد. يلا سلاااام
رنيم. مع السلامة
رحاب. اهلا وسهلا شو ايمتا رجعتو
رنيم. هلأ وصلنا محمد
رحاب. اي يلا بوجهك ع المطبخ انا تعبانة ماقدرت اجلي خليتلك ياهن
رنيم. ليش انتي ايمتا ماكنتي تعبانة
رحاب. شو قلتي ؟
رنيم. ولشي
رحاب. اي لابقى تحكي حكي فاضي احسن ماقول لأبوكي

الجزء الخامس
#سرطان_عائلي_الكاتبة_روان_الشبلاق
@rwayate
الجزء الخامس
بالأيام الي كان المفروض تكون رنيم عروس ومبسوطة كان العكس
هاني عصبي جدا ومو طايقها
وبعاملها متل الخدامة وكل يوم بيتخانئو
بعد مرور كم يوم في بيت هناء
هناء. محمود حبيبي اعطيني مصاري بدي روح لعند رنيم وبدي اخدلها هدية
محمود.هههه وانا من وين بدي جبلك المصاري
هناء. مابعرف دبر حالك
محمود. شايفيتني قاعد ماعم بشتغل حق باكيت دخان ما معي
هناء. طيب شو اعمل انا
محمود. هلأ انا رح بلش دور ع شغل بس صعب الاقي
ومامعنا ولا ليرة
وانتي لازم تاخدي هدية لأختك بس انا مامعي شووو اعمل
هناء. حبيبي دبرها الله يوفقك
محمود. ليكي قومي البسي خلينا نروح لعند امي وهنيك انتي بتطلبي منها حق هدية لأختك وكمان مصروف للبت من هون لكم يوم حتى دبر حالي
هناء. بالله شو ، ليش ماتطلب انت من امك
محمود. لك شو الفرق بيني وبينك بعدين سمعتيها وقت قالت مابعطيك
اما انتي بتعطيكي وما بتقول شي
هناء. لا مستحيل اطلب منها
محمود. مجبورة تطلبي يا اما بتموتي من الجوع
هناء. محمود لا تدخلني بمشاكلك مع امك
تسطفل منك الها انا شو دخلني حتى اطلب منها مصاري
محمود. انا لحد اليوم مازعلتك او عصبت عليكي الله يوفقك خلينا رايقين
وقومي البسي تيابك خلينا نروح
بدنا مصاري ضروري
وامي مارح تحكي شي اذا انتي طلبتي منها
هناء. بس
محمود. بدون بس
في بيت ابو محمد
رجع محمد ع البيت واتفق مع ابوه انو يعطيه نص المصاري الي بيطالعها من شغلو
الماس. والله كتير مبسوطة لرجعتك ع البيت
محمد. ههههه كيف بتقضي وقتك
وكيف ابي ومرتو بعاملوكي
الماس. بمل كتير كنت متعودة ع اخواتي بس هلأ مافي غير وائل اخوها لرحاب بظل طول الوقت لاعبو
وكمان عم اشتغل كل شي بالبيت
وبابا مابشوفو كتير وقت الي بكون بالبيت بيقعد بغرفتو ومابيطلع منها
محمد. ايمتا بدهن يجن رنيم وهناء
الماس. مابعرف
في بيت ام بسام راحت هناء لعند ام بسام وطلبت منها مصاري كانت خجلانة كتير بس محمود ضغط عليها
ام بسام ماعرفت شو بدها ترد ع هناء
ام بسام. لشو بدكن المصاري
يعني محمود الي قلك تجي وتطلبي مني
هناء. بصراحة اي قال انو بدنا مصروف للبيت
ام بسام. شوفي هناء انا والله مو بخل
بس مابدي اعطيكي لأنو اذا ردينا ع محمود واعطيناه هي المرى رح يصير كل يوم والتاني بدو مصاري
وهلأ هوا فتح بيت لوحدو لازم يشتغل ويعتمد ع حالو
حاجتو قاعد بالبيت متل النسوان
بكرا جايي اخر الشهر من وين بدو يدفع اجار البيت
وانتي لازم ماتردي عليه وتقوليلو انو يشتغل ويطالع مصاري
مزبوط كلامي او لا
هناء. اي مزبوط بس حرام هوا عم يدور ع شغل بس ماعم لاقي
ام بسام. كذاب لا تسدئيه
وبدك نصيحتي لا تسكتيلو خليه يشتغل لك والله ماحلوة قعدة الرجال بالبيت ومافي بجيبتو الليرة
هناء. اكيد رح احكي معو وانا ماكنت حابة اطلب منك بس هوا جبرني
ام بسام. عادي ولا يهمك
هناء في نفسها الله يسامحك يا محمود ع هالموقف المخجل الي حطيتني فيه
رجعو هناء ومحمود ع البيت وحكتلو هناء انو امو ما اعطتها مصاري
محمود. عنجد ليش
هناء. لانو بدها ياك تشتغل
محمود. افففف انو ماكنا نخلص من هالسيرة
طيب حاولتي معها وقلتيلها انو مافي معنا مصروف
هناء. شو بدك ياني اعمل عم قلك طلب منها وما وافقت حطيتني بموقف كتير محرج
محمود. معليش حبيبتي ازرعيها بدئني ، شو بدك تعملي مشان اختك بدك تروحي لعندها
هناء. لا رح بحكي معها وبنلتقي انا وياها عند بابا حرام الماس بتكون اشتاقتلنا
محمود. اي بصير ، طيب شو رأيك تديني من ابوكي مصاري بس اسبوع وبرجعلو ياهن
هناء. شووو اكيد لا
محمود. ليش عصبتي مافي غير هالحل
هناء. لا يعني لا
اصلا بابا ونحنا عندو ماكان يتعرف علينا
اذا هوا زوجنا ليخلص منا بدك ياه يدينا هه وصلت
محمود. لك لا مستحيل مافي اب بيحب يخلص من بناتو
هناء. امبلا في
شوف اديش صرلي متزوجة لا عم يسأل عني ولا هامو امري
كلو بسبب مرتو
محمود. يعني ماكان منيح معكن
هناء. لا اصلا لو طلبت منو مستحيل الاقي معو مصاري لانو كلهن بتاخدهن رحاب ومابتخلي معو شي
محمود. ايواا طيب شو العمل
هناء. مابعرف دبر حالك
محمود. طيب اطلبي من اخوكي
هناء. بحاول بس مابوعدك
محمود. لك تسلميلي شو قلبك طيب
حكت هناء مع رنيم واتفقو انو يروحو لعند ابوهن
تاني يوم في بيت ابو محمد
الماس. اشتقتلكن كتير والله العظيم
هناء ورنيم. ونحنا كمان اشتقنالك
رحاب. شو رنيم لحقتي تشتاقيلنا
رنيم. رحاب الله يوفقك خليني بحالي
ابو محمد. شو يا رنيم كيفو زوجك
رنيم. منيح بابا
ابو محمد. يعني مبسوطة معو
رنيم. اي الحمدلله
ابو محمد. مشان تعرفي انو الزواج راحة واستقرار للبنت
وانو انا بعرف وين بتكون مصلحتك
رنيم. بعرف هالحكي كتير منيح كانت حاكيتلي ياه هناء قبلك ولقيت انو معكن حق الزواج احلى شي بالدنيا
هناء. هههههه مشان تسمعي من اختك الكبيرة لما تحكي
رنيم. هه
رنيم ماحكتلهن كيف بعاملها هاني
وانو مابيحكي معها الا للضرورة
ولما بيحكي كلو بالصياح

#سرطان_عائلي_الكاتبة_روان_الشبلاق
@rwayate
الجزء السابع الاخير
ابو محمد. ماعملتي شي بس بهدلتيني وفضحتيني بأخر هالعمر
لك قوليلي شو اعمل فيكي ، موتك واخلص منك
طلع ابو محمد من عندها ودخلت رحاب وهيي شمتانة فيها
الماس. تبكي ليش هيك عملتي فيني
رحاب. مشان تتعلمي تحطي راسك من راسي
وانا اتقصدت انو هاني ومحمود يكونو موجودين لحتى تنفضحي وماتقدرو تخبو الموضوع هههههه
وهلأ بس يجي اخوكي من عند خطيبتو رح خبرو ب الي عملتيه خليه يخلص عليكي
طلعت من عندها رحاب وهي تضحك
رن موبايلها وكانت رنيم
رنيم. شو عملك
الماس. ضربني
رنيم. طيب انتي منيحة
الماس. منيحة ماتخافي
رنيم. ليش هيك عملت رحاب
الماس. تبكي مابعرف مابعرف
هي قالتلي انو تقصدت تعمل هيك قدام زوجك و زوج هناء لحتى تفضحني
رنيم. خليكي قوية ولا تهتمي انتي ماعملتي شي وكزب رحاب كلو رح ينكشف
الماس. يمكن صار دوري وبدها تخلص مني
رنيم. لا تحكي هيك كلنا معك وبس يجي محمد اكيد رح يبهدلها ويحطلها حد
طيب انا لازم سكر بدك شي
الماس. سلامتك
بعد ساعة رجع محمد ع البيت وخبرو ابوه ب الي صار
انصدم وماعرف شو يحكي
رحاب. يافضيحتنا بين الناس
والمصيبة اذا وصل الخبر لأهل خطيبتك
مابعرف شو ممكن يعملو
محمد. حاولو ماحدا يعرف ب الي صار
رحاب. كيف لك اذا محمود وهاني عرفو واكيد رح يخبرو اهلهن ومن واحد لواحد بتتفضح القصة
انتو لازم تزوجوها لاول واحد بيتقدملها هاد الحل الوحيد لتخلصو من هالفضيحة
محمد. طيب وينها هلأ
رحاب. بغرفتها
دخل محمد لعندها
بس شافتو خافت منو وغطت حالها تحت الحرام وهي تبكي
قرب منها وقعد جنبها ع التخت رفع الحرام عن وشها
محمد. قومي فهميني شو القصة
الماس. ليش ماحكولك
محمد. حكولي بس بدي اسمع منك
الماس. وانت سدئتهن
محمد. انا رح سدء الي بتقوليه انتي وبس
احكي الحقيقة حتى لو كان الحكي مزبوط انا رح اسمعك
الماس. لك حقيقة شو والله العظيم الي بعرفو انو انا ماعملت شي
محمد. والي حكتو رحاب شو ؟
الماس. كزب والله العظيم كزب
انت اخي وبتعرفني كتير منيح
معقول تسدء رحاب وماتسدئني
محمد. بعرف انو انتي مابتعملي هيك شي ومستحيل سدء رحاب
الماس. كنت خايفة منك انو تضربني
محمد. ليش في مرة مديت ايدي عليكي انتي او هناء ورنيم
الماس. لا بس
محمد. مين عامل فيكي هيك
الماس. بابا
محمد. لك اووووف اوف ياريت مارجعت ع البيت
الماس. مو مسدئني ماهيك
محمد. لا مو هيك بس مزعوج لانو محمود وهاني كانو موجودين
الماس. شو بدك تعمل لرحاب
محمد. مافيني اعمل شي لان فورا رح تصير تحكي بهي القصة للناس حتى تنزع سمعتك
الماس. ماحدا رح يسدئها
محمد. غلطانة يا الماس غلطانة
تركها وطلع من الغرفة لقا رحاب عم تستناه
رحاب. شو صار
محمد. ماصار شي
رحاب. بس ليش توقعت انك تضربها ع الي عملتو
محمد. هي ماعملت شي
رحاب. لك انا شفتها بعيوني
محمد. بتكوني فهمانة الموضوع غلط
رحاب. لا انا متأكدة واسأل ابوك
محمد. خلص يارحاب خلص مشان الله اتركيها بحالها ولاتنزعي سمعتها بحكي مالو صحيح لك اعتقيها لوجه الله
رحاب. محمد لك انا الي خطبتلك ورح زوجك معقول مو مسدئني
محمد. اتركيني بحالي الله يوفقك
بعد عنها وطلع برات البيت صار يمشي بالشوارع وكان كتير مخنوق ماهان عليه انو الناس تحكي ع اختو ومابيقدر يعمل شي
لان رحاب فورا بتفضح الماس وبتطلع عليها اشاعات
رحاب. ماشي يا محمد عم تكذبني
بكرا رح يوصل الخبر لأهل خطيبتك خليك تنفضح بينهن
تاني يوم اتصلت رحاب من رقم غريب وحكت مع ابو خطيبة محمد وقالتلو انو خطيب بنتكن سمعتو مو منيحة اخواتو وحدا بتشتغل بمطعم
والتانية طلع عليها اشاعات وحكي مو منيح
وقالتلو معقول تزوجو بنتكن لهيك عيلة
بعد ساعتين كان محمد بغرفتو عم يجهز حالو ليروح لعند خطيبتو
رن موبايلو وكان عمو سلم عليه وقلو
.... شوف يا محمد انت ع عيني وراسي بس ماالك نصيب عنا
محمد. شووو بس ليش
..... بدون ماتعرف ليش بنتنا مو للزواج تعا لنتخالص
محمد. لا مو ع كيفك هي خطيبتي ورح اتزوجها
...... وانا مابشرفني زوج بنتي لواحد متلك سمعتو بالأرض انت بتعرف عن شو بحكي وكمان بتخلي اختك تشتغل بالمطاعم ومو بعيدة عنك تشغل بنتي بس تتزوجها
لهيك تعا لنتخالص ومافي نصيب
سكر الخط وقلبو مكسور لسا مالحق يفرح
راح لعند اهل خطيبتو وحاول يحكي معهم بس ماقبلو يسمعوه وفسخو الخطبة
غاب اسبوع وماحدا بيعرف عنو شي وسكر موبايلو
بعد يومين اتصل برنيم وهناء وقاللهن يروحو ع بيت ابوه
وتاني يوم اجتمعو كلهن هنيك هناء ورنيم والماس ومحمد
رنيم. محمد احكيلنا شو في
هناء. ليش خليتنا نجي لهون شو في
محمد. انا بدي اترك هادا البيت ومابقى تشوفوني الا بالصدف
رنيم. شووو ليش وين بدك تروح
محمد. بدي اشتغل وبدي اترك كل هاد القرف الي انا فيه
انا تعبت من هي الحياة الي كلها مشاكل ونكد
انا خلص رح اترك البيت ورح اهتم بس بشغلي حتى زواج بطلت اتزوج لان الي ما الو حظ لا يتعب ولا يشقى
رقمي رح يبقى هوا نفسو ايا شي بدكن ياه اتصلو فيني وشو مابتحتاحو انا موجود