@rwayate
الجزء السادس
ونامت بدون غدا…
صحيت الساعه 9 بالليل….
كانت فايزة جايبتلها اكل لتتعشا.. و تاركتو جنبا..
قامت ياسمين رجعت لبست عبايتها و اكلت… و طلعت من غرفتها…
ما كان في حدا بالبيت…
طلعت عالجنينة و قعدت جنب بركة المي..
كانت عم تتأمل المي و تفكر…
سمعت صوت سيارة… التفتت و شافت احمد رجع..
ما اهتمت للموضوع و رجعت تطلع عالمي…
نزل احمد من السيارة و شافها قاعده عند البركة و حاطة رجلبها بالمي…
مشي لعندا و قعد جنبا و حط رجليه بالمي…
احمد: كيفك؟
ياسمين: مممم منيحة
احمد: حاسك صرتي احسن…
ياسمين: ايه الحمدلله
احمد: شو قررتي؟
ياسمين: على اساس بايدي الاختيار؟!
احمد: يعني رح نروح؟
ياسمين: ممممم ايه
احمد: انا فايت شوف شادي ازا نام
ياسمين: انا شفتو… نايم… بس ما عرفت شو بدي ضبلو اغراض…
احمد: لشو تضبيلو غراض؟
ياسمين: مشان السفر
احمد: بس ما رح ناخدو معنا!
ياسمين: يه!! بدك تترك ابنك!
احمد: انتي من عئلك عم تحكي؟!