الجزء الخامس عشر
@rwayate
ام يامن :- زهير انت شو عم تحكي لك عم تنكر اصلنا شو عم يصير معك جنيت ..
زهير :- انتي اللي شو عم تحكي انتي..
ام يامن :- انا شو عم احكي لك بعت عمري وضحيت فيه كرمال طالعك من السجن..حرمتني حتى من ابسط شي بالدني..كرمال جمع المصاري يلي طلبهن الضابط كرمال يفرج عنك هيك اخرتها عايش حياتك ومتهني ومتزوج وعندك اولاد ونكرت اولادك يلي عاشو متل الايتام فقرا حالهن بالويل..
زهير :- لك شو عم تنطر قلعها من وجهي
عبدالله :- يامدام لو سمحتي اطلعي من هون هاد باب رزقنا مابدي مشاكل
زهير :- بعد هيك لاتلمسني..شوف زهير..حق العذاب يلي عيشتنا اياه 5 سنين مارح يمرقوا هيك رح دفعك عمرك كلو ندم لتعرف انو حق المظلومين عند ربنا مابضيع مارح يهنالك عين باذن الله امشو بنات امشي ابني..حتى منك استعر حسبي الله ونعم الوكيل..ضيعت البنت بسببك ..
شام :- امي دخيلك خلص خلينا نروح
رفيف :- اول مرة شوف اب بنكر اولادو..ع فكرة بنتك كانت معنا كمان عند بلال ببيع وبشتري فيها واغتصبا كمان..
ام يامن :- امشي يارفيف امشي مارح يعرف الا من ينكوي قلبو ويذوق نفس الكاس يلي شربنا اياها..
...
(( غادرنا حتى ما عبرنا.ولا التفت ولا حتى تمتم بشفافو..ماكان ابي البسيط مو هاداك الشخص يلي كان يطالع اللقمة من تمو ليطعمنا..كانت دمعة امي ماعم تفارقها..اللي يسمع شهقات البكي من تما ينوجع قلبو ..اطالعني وتزيد البكي..كنت عم اقرا عيونا..حاسس باللي جواتا بس مابدي وجعلا قلبا بزيادة بكفي يلي هي فيه..كانت حاسة بالندم وبطريق العذاب يلي حطتني فيه كرمال تساعد ابي..بس شو بايد المظلوم والغلبان بالدنيا..
شام :- امي
ام يامن :- اذا بتمك حكي يا شام لاتوجعيلي قلبي فيه
شام :- امي شو بدك تعملي مع ابي
ام يامن :- بعدكن بتقولوا ابي
شام :- 😑 شو بدك تعملي قليلي
ام يامن :- بدي اعرف شو صار بدي اعرف كل شي
شام :- مافهمت امي شو يعني
ام يامن :- رح نرجع لبيتنا
شام :- وين
ام يامن:- لهاداك البيت القديم
شام :- وبلال
ام يامن:- بلال ذكرتيني ببلال..اي يستجري يقرب بنتي..دقيلي ع حسين هلاء..
شام :- مامعي رقمو
ام يامن :- رفيف
رفيف :- حاضر خالتو بعتت لسلوى وليكا ردت..اتفضلي..
ام يامن :- اي حسين ابني تعا هلاء بس تجي بخبرك تعا بسيارتك.. ناطرتك
شام :- امي لوين
ام يامن :- قومي البسي
شام :- انا
رفيف :- وانا
ام يامن :- لاء رفيف خليكي عند زينة ويامن ..
شام :- امي لوين رايحين
ام يامن :- رح تعرفي بس يجي حسين..
شام :- طيب قايمة البس..
بعد نصف ساعة..
(( كنت عم شوف امي متحمسة في شي براسا بدا تعملو بس عم ترفض تحكي شو هو عم تروح للمطبخ وتقفل ع حالا الباب وتطلع..ومرة ع الحمام ومابنعرف شو وليش وشو حاملة بشنتتا..دق جرس الباب وفتحت اختي زينة كان حسين واحمد معو كانو قلقانين بدن يعرفوا امي شو بها..
حسين :- خير ام يامن في شي
ام يامن :- بدك تاخدني لبيت لبلال
حسين :- شو جنيتي
ام يامن :- لاء ما جنيت..بس رح تعرف وقتا
حسين :- ام يامن قولوا وغيري بتعرفي اذا شافوني بقتلوني
ام يامن :- ومين قال رح يشوفك حد..بس وصلني انت
حسين :- المكان هونيك مانو منيح
ام يامن :- بعرف ومع هيك بدي روح عملت حسابي
حسين :- لاء اعفيني ام يامن وشو عاملة حسابك ليش السكين ومية النار
ام يامن :- بغلاوة امك وصلني
احمد :' ليش شام لابسة
ام يامن :- بدي اخدها معي
احمد :-خالتو ام يامن هالشي مابصير خطر عليها..
ام يامن :- بدك توصلوني ولا لاء بنتي وانا ادرى بمصلحتا
شام :- امي انتي شو عم تعملي بدك توصليني للوجع والعذاب بايدك
ام يامن :- لاء مارح وصلك ..رح والله كل حد لمسك بالاذى رح ياخد الضعف
حسين :- ام يامن انا رح وصلك بس انا متاكد من تشوفي العالم والحرس رح تخافي وتتراجعي ..مشي احمد معنا
احمد :- خلوها شام هون
ام يامن :- شام لازم تروح
شام :- امي والله خايفة
ام يامن :- بنتي يالا
(( كنت بالسيارة ابكي واترجاها ليش بدك ترجعيني كلمة مني وكلمة من احمد وحسين وهي بعدا مصممة ..بدا تروح..وصلنا هونيك ع اساس تخاف من شكل الحرس بس اول ما شافت الباب ..فتحت السيارة ونزلت خطواتا عم تسبقها ماعبرتني ولا قالت انزل معها..كنت خايف الحقها وحسين وقفو احمد لانو اذا شافوه الحرس رح يقتلوه..
ام يامن :- هااالو انتو ردو @rwayate
...خير مين انتي وشو بدك
ام يامن :- بدي بلال..ضروري..او صفية او هاي شو اسما مرفت ضروري قلها اشخاص بيعرفوا منيح مكان شام ورفيف وسلوى..
...شو رايك ..
..خلينا نخبرهن لنعرف
..بس سيدي بلال مانو هون
..بنخبر مرفت.. خليكي هون لا تتحركي
ام يامن :- اي ماشي ليكني بمكاني
بعد 5 دقائق وامي واقفة مكانها ماعم تتحرك ناطرة اكيد حد بس من خوفنا عليها ..ماكان بايدينا نعمل شي احمد رافض ينزل حد منا السيارة قفل الابواب علينا وصار خوفي كلو عند امي..
...
مرفت :- خير مين انتي