#كابوس_بقلم_جمايكا_أحمد
الجزء الأول
@rwayate
من وقت ماوعيت ع هالدنيا وانا شايفتا مو معي..وعم تضحك لناس وبتبكيني .اشتهيت شي مرة حط راسي ع هاي المخدة وما ابكي ..اشتهيت شي مرة ماحد يهيني او يذلني او يسمعني هاداك الحكي يلي بوجع ..مو ذنبي مو انا يلي غلطت واذنبت وارتكبت بحق العالم ظلم .. مو ربي قال ..((ولاتزر وازرة وزر اخرى)) ..طيب ليش انا بالذات لاحمل كل هالحمل ع ضهري..كنت عم امشي تحت هالشمس الحارة والعرق من جبيني عم ينقط جلبابي يلي ماعندي غيروا عم البسو صيف شتي..وحجابي الصوف التقيل هيك تياب ماكانت مناسبة لجو حر متل هيك..حتى قنينة المي يلي بالشنتاي المهرية اللي حاملتا عم تشر ..ومبهدلتني ..ماسدقت وصل بيتنا المعتم يلي كل انارتوا مضروبة ..ومافي لمبة فيو شغالة..عايشة بالنهار ع ضو رب العباد وبالليل بندبر حالنا بشي شمعة انا واختي واخي وامي الست الغلبانة يلي عم تحفر بالصخر لتأمن لالنا شي اكلة انسد فيها اصوات هالمعدة ..ماكنا نقول لاء او يع او شو هاد شو ماكانت امي طابخة ناكل الحمد لله ع الاقل في شي يسد هالجوع بتقوم اختي بتجيب طشت هالمي وبنبلش نغسل تيابنا وبعدا بنحط هالاطباق انا وهي نجلي مكان الغدا يادوب هالمي تكفينا .الحمد لله كنا راضيين بعيشتنا. ووقت العصر كان لالنا جارة عجوز مابتسمع منيح عم اتابع مسلسلات كانت تعلي صوت التلفزيون لدرجة نسمعو في بيتنا..نحط هالمخدات جنب الشباك انا واخواتي وامي ونبلش نسمع المسلسل بدون ما انشوفوا اصلا ماعنا تلفزيون عادي الحمد لله ..مشاكلنا وهمومنا كانت بسيطة ع قد الحال .بعدنا بالمدارس انا بكالوريا واختي سنة اولى ثانوي واخي بعدو صغير بالسادس..وتكاليف دراستنا بالمدارس كانت بالمجان كانت تصنف حالتنا الاجتماعية من ضمن الفقر المدقع تحت الصفر لهيك دراستنا مجانية ..اي مساعدة بالمدرسة كنت اركض عليها شي تياب مستعملة شي شنت شي مونة اكل وايام الاعياد كنت احصل ع مصاري ..كنت اخدهن بدون ما اخجل كانو رفقات المدرسة عامليني مسخرة يضحكو عليه ويسمعوني حكي ..بس كل كلامهن ماكان يحرك فيني شعرة قدام فرحتي بتياب مانا مهترية ..او اكلة طيبة ..او مصاري لاعطيهن لامي كرمال تحطهن فوق المصاري يلي مخبيتهن ..كان هدفنا بالعيلة واحد هاديك الليرة يلي كنا نخبيها كانت تسوى الف يوم سعادة بنفكر شي يوم نعيشو ..انتو مابتعرفوا ليش ..امي بتقول انها جمعت 60% من المبلغ ..هاد المبلغ مو لنشتري تلفزيون او شي اكلة دسمة او تياب ..لاء لاء..هاد المبلغ لندفعو تغريم للدين يلي بسببو انسجن ابي 😢..اي يلي من يوم ماصار ورا هالقضبان ونحنا حالنا بالويل لاسند ولا مدد لالنا من بعدو..ابي الانسان الطيب الغلبان يلي كان يمشي جنب الحيط ويقول يارب الستر ابي يلي كان يقلنا ع قد لحافكن مدو رجليكن..ولاتطلعو لفوق لتنكسر رقبتكن..الرجال البسيط يلي بيوم من الايام انسجن ظلم بدون ذنب .قصة ابي انا شفتا بعيوني الاتنين ..شفتن شلون شحطوه لابي ظلم ..ورفضو يسمعو لشهادتي لاني قاصر..
قبل 5 سنين .
كان ابي رجال تعيب وشغيل كان يشتغل حارس بوابة لفيلا تابعة لمسؤول كبير بالدولة ..كان راتبو ع قد الحال رضيان باللي قسمو لالو رب العباد..وكانت مهمتي من ارجع من مدرسة اخد علبة الاكل من امي تقريبا قريب العصر واركض فيها لعند ابي ..ليتعشا ويكمل هو مناوبة لتاني يوم ..انا كنت حب روح هونيك وكنت اترجا امي لتخليني انا من دون اختي واوقات قلا لاتعطي ابي الاكل بايدو انا بوصلوا لالو..كان هونيك مكان كتير حلو بيت كبير حواليه اشجار وبوابة كبيرة ابي واقف عليها عم يفتحها للسيارات الفخمة ..كنت روح بس لاقعد واتفرج ع المكان يلي ابي بشتغل فيه..
ابي ؛- شام شو عم تعملي هونيك تعي
شام :- بابا ..
ابي :- هاتي الاكل وبسرعة للبيت لا اضلي هون
شام :- حاضر
ابي :- يالا ركض ركض ع البيت بدي عد للثلاثة 1..2
شام : يالا رايحة رايحة..
( كان ابي كل مرة ماينطر لاحكي معو حرف اهم شي اني بعد عن المكان وما ابقى فيه ..بس هالمرة مابدي بعد بدي ضل .اتخبيت عن نظر ابي بين الشجر ..كنت بدي اعرف هالبيت من جوا ابي شو عم يعمل هونيك..اكيد مو بس فتح باب وتقفيلو ..نطرت ساعة ثانية وثالثة ونطرت لفاتو سيارات سودا مفيمة مرة تانية وتخبيت بجانبهن وع دخلتهن بهدوء دخلت للبيت بدون ماحد يشوفني وتخبيت ورا الشجر يلي كانت جوا..كان المكان ساحر لايوصف بيت كبير وسيارات كثيرة ..ومسبح ..وست تقريبا بلا تياب اول ماشفتا غطيت ع عيوني..بس الخباثة الطفولية والفضول يلي جواتي خلتني شوف شو عم تعمل ..بعدا بشوي اجا لعندا رجال لابس شرط.ياعيب الشوم ..وقرب لعندا وبوسا من الخجل بلش قلبي يدق..قلت لازم خبر امي وقلا شوفي ابي كل يوم شو عم يشوف كان منظر كثير سئ ..ومافيو حيا..نزلوا المسبح سوا والرجال حواليهن وكانو ستات واقفين وكامشين مناشف..حاولت لاقي طريقة لاطلع من المكان ..بس مازبطت معي ماكان في سيارات عم يطلعوا ..وابي واقف جنب البوابة ولوشافني هونيك والله ليقتلني..مرقت الساعات .وبلشت الدني تظلم
الجزء الأول
@rwayate
من وقت ماوعيت ع هالدنيا وانا شايفتا مو معي..وعم تضحك لناس وبتبكيني .اشتهيت شي مرة حط راسي ع هاي المخدة وما ابكي ..اشتهيت شي مرة ماحد يهيني او يذلني او يسمعني هاداك الحكي يلي بوجع ..مو ذنبي مو انا يلي غلطت واذنبت وارتكبت بحق العالم ظلم .. مو ربي قال ..((ولاتزر وازرة وزر اخرى)) ..طيب ليش انا بالذات لاحمل كل هالحمل ع ضهري..كنت عم امشي تحت هالشمس الحارة والعرق من جبيني عم ينقط جلبابي يلي ماعندي غيروا عم البسو صيف شتي..وحجابي الصوف التقيل هيك تياب ماكانت مناسبة لجو حر متل هيك..حتى قنينة المي يلي بالشنتاي المهرية اللي حاملتا عم تشر ..ومبهدلتني ..ماسدقت وصل بيتنا المعتم يلي كل انارتوا مضروبة ..ومافي لمبة فيو شغالة..عايشة بالنهار ع ضو رب العباد وبالليل بندبر حالنا بشي شمعة انا واختي واخي وامي الست الغلبانة يلي عم تحفر بالصخر لتأمن لالنا شي اكلة انسد فيها اصوات هالمعدة ..ماكنا نقول لاء او يع او شو هاد شو ماكانت امي طابخة ناكل الحمد لله ع الاقل في شي يسد هالجوع بتقوم اختي بتجيب طشت هالمي وبنبلش نغسل تيابنا وبعدا بنحط هالاطباق انا وهي نجلي مكان الغدا يادوب هالمي تكفينا .الحمد لله كنا راضيين بعيشتنا. ووقت العصر كان لالنا جارة عجوز مابتسمع منيح عم اتابع مسلسلات كانت تعلي صوت التلفزيون لدرجة نسمعو في بيتنا..نحط هالمخدات جنب الشباك انا واخواتي وامي ونبلش نسمع المسلسل بدون ما انشوفوا اصلا ماعنا تلفزيون عادي الحمد لله ..مشاكلنا وهمومنا كانت بسيطة ع قد الحال .بعدنا بالمدارس انا بكالوريا واختي سنة اولى ثانوي واخي بعدو صغير بالسادس..وتكاليف دراستنا بالمدارس كانت بالمجان كانت تصنف حالتنا الاجتماعية من ضمن الفقر المدقع تحت الصفر لهيك دراستنا مجانية ..اي مساعدة بالمدرسة كنت اركض عليها شي تياب مستعملة شي شنت شي مونة اكل وايام الاعياد كنت احصل ع مصاري ..كنت اخدهن بدون ما اخجل كانو رفقات المدرسة عامليني مسخرة يضحكو عليه ويسمعوني حكي ..بس كل كلامهن ماكان يحرك فيني شعرة قدام فرحتي بتياب مانا مهترية ..او اكلة طيبة ..او مصاري لاعطيهن لامي كرمال تحطهن فوق المصاري يلي مخبيتهن ..كان هدفنا بالعيلة واحد هاديك الليرة يلي كنا نخبيها كانت تسوى الف يوم سعادة بنفكر شي يوم نعيشو ..انتو مابتعرفوا ليش ..امي بتقول انها جمعت 60% من المبلغ ..هاد المبلغ مو لنشتري تلفزيون او شي اكلة دسمة او تياب ..لاء لاء..هاد المبلغ لندفعو تغريم للدين يلي بسببو انسجن ابي 😢..اي يلي من يوم ماصار ورا هالقضبان ونحنا حالنا بالويل لاسند ولا مدد لالنا من بعدو..ابي الانسان الطيب الغلبان يلي كان يمشي جنب الحيط ويقول يارب الستر ابي يلي كان يقلنا ع قد لحافكن مدو رجليكن..ولاتطلعو لفوق لتنكسر رقبتكن..الرجال البسيط يلي بيوم من الايام انسجن ظلم بدون ذنب .قصة ابي انا شفتا بعيوني الاتنين ..شفتن شلون شحطوه لابي ظلم ..ورفضو يسمعو لشهادتي لاني قاصر..
قبل 5 سنين .
كان ابي رجال تعيب وشغيل كان يشتغل حارس بوابة لفيلا تابعة لمسؤول كبير بالدولة ..كان راتبو ع قد الحال رضيان باللي قسمو لالو رب العباد..وكانت مهمتي من ارجع من مدرسة اخد علبة الاكل من امي تقريبا قريب العصر واركض فيها لعند ابي ..ليتعشا ويكمل هو مناوبة لتاني يوم ..انا كنت حب روح هونيك وكنت اترجا امي لتخليني انا من دون اختي واوقات قلا لاتعطي ابي الاكل بايدو انا بوصلوا لالو..كان هونيك مكان كتير حلو بيت كبير حواليه اشجار وبوابة كبيرة ابي واقف عليها عم يفتحها للسيارات الفخمة ..كنت روح بس لاقعد واتفرج ع المكان يلي ابي بشتغل فيه..
ابي ؛- شام شو عم تعملي هونيك تعي
شام :- بابا ..
ابي :- هاتي الاكل وبسرعة للبيت لا اضلي هون
شام :- حاضر
ابي :- يالا ركض ركض ع البيت بدي عد للثلاثة 1..2
شام : يالا رايحة رايحة..
( كان ابي كل مرة ماينطر لاحكي معو حرف اهم شي اني بعد عن المكان وما ابقى فيه ..بس هالمرة مابدي بعد بدي ضل .اتخبيت عن نظر ابي بين الشجر ..كنت بدي اعرف هالبيت من جوا ابي شو عم يعمل هونيك..اكيد مو بس فتح باب وتقفيلو ..نطرت ساعة ثانية وثالثة ونطرت لفاتو سيارات سودا مفيمة مرة تانية وتخبيت بجانبهن وع دخلتهن بهدوء دخلت للبيت بدون ماحد يشوفني وتخبيت ورا الشجر يلي كانت جوا..كان المكان ساحر لايوصف بيت كبير وسيارات كثيرة ..ومسبح ..وست تقريبا بلا تياب اول ماشفتا غطيت ع عيوني..بس الخباثة الطفولية والفضول يلي جواتي خلتني شوف شو عم تعمل ..بعدا بشوي اجا لعندا رجال لابس شرط.ياعيب الشوم ..وقرب لعندا وبوسا من الخجل بلش قلبي يدق..قلت لازم خبر امي وقلا شوفي ابي كل يوم شو عم يشوف كان منظر كثير سئ ..ومافيو حيا..نزلوا المسبح سوا والرجال حواليهن وكانو ستات واقفين وكامشين مناشف..حاولت لاقي طريقة لاطلع من المكان ..بس مازبطت معي ماكان في سيارات عم يطلعوا ..وابي واقف جنب البوابة ولوشافني هونيك والله ليقتلني..مرقت الساعات .وبلشت الدني تظلم
