كريم بجمود: الله يبارك فيكِ
رياض: في اشي مش طبيعي بينكم... حتى طلعتكم كريم طلع لحالو.. وحسام وميسم طلعوا وراك يا كريم وانتوا مانكم ع بعضكم احكي يا كريم شو في
كريم بارتباك: اصل
رياض بحده: حسام احكي إنت شو في
حسام وينظر لكريم وميسم: انا شو بدي احكي
ميسم مقاطعه: فش اشي يا عمي.. بس كان كريم مستعجل الصبح يروح ع الشغل وانا ما كنت جاهزة فوصى حسام يوخذني لكريم.. بعدها رحنا ع المشفى حتى اتأكد اني حامل وهيك لف فيي كريم شوي.. اما حسام لما وصلني لعند كريم تركنا والتقينا في ونحنا داخلين.. هاي كل القصة
انصدم كريم وحسام من حديثها ..فالتزموا الصمت.. اما باقي العائلة أحست أن هناك أمرا يخفونه ولكنهم لم يريدوا أن يتدخلوا
صعدا غرفتهما ودخلا..
كريم: ميسم بدي أفهمك شو صار
ميسم: انا تعبانه يا كريم بدي انام... ممكن تتركني لحالي الليلة
كريم: بس هاي
ميسم مقاطعه: خلص بهمش يا كريم.. بروح ع غرفة سديل مش مشكله
كريم: لأ خلص.. خليكي هون
...
وهذا ما حدث لم يستطع كريم التحدث إليها .. حاولت تجنبه لعدد من الأيام... حتى لاحظ الجميع ذلك
طلبت الجدة من كريم وحسام بالحضور إليها
رحمة بحدة: احكولي شو مخبيين عني ..
حسام: فش اشي يا تيتا
رحمة: لأ في اشي... انا ما حبيت أتدخل من الأول قلت يمكن تقدروا تحلوا مشاكلكم وحدكم.... بس فش فايدة... بتفكروني اقتنعت بحكي ميسم هذيك الليله...ميسم انا حافظتها ما بتكذب... اكتشفت من عنيها الكذب... يلا احكولي..بدون لف ولا دوران
قص عليها كريم ما حدث
رحمه: بصراحه من حقها تقاطعك يا كريم..لسا هي ما عملت اشي... يعني انت مفكر حتى لو قلتلها الحقيقه رح تصدقك بسهولة يعني شافت نرجس بمنظر ما في عقل بتخيل إنو ما في اشي بينكم..
كريم بحزن: طيب شو أعمل يا تيتا
رحمه: طيب هي كيف عرفت إنك رايح ع شقتك
كريم: هاد اللي محيرني مش عارف
رحمه: طيب انت ما تحكي معها اشي ولا انا رح احكي معها.. مادام الدكتور قلك ابعدوها عن اي اشي يقلقها فلازم نخليها شوي ع راحتها
حسام: طيب انا اللي مستغربه ... ما قالت الحقيقه قدامكم يعني بينت انو ما صار اشي
كريم: إنت لسا ما بتعرف ميسم... وكديش قلبها طيب
****
كانت رغد تستمع لما دار بينهم.... توجهت بعدها لغرفة ميسم
رغد بابتسامه: ممكن أدخل
ميسم: اتفضلي
رغد بمزاح: شو أخبار البيبي.. بدأ يتحرك
ميسم تضحك: هههه لسا بكير
رغد : ميسم إنت زعلانة من كريم
ميسم ساكتة
رغد: إذن زعلانة.. اسمعي يارغد انا سمعت شو صار .. كنت بدي ادخل عند تيتا وسمعت كريم وحسام بحكولها شو صار
ميسم ابتسمت بسخريه: شو سمعتِ
رغد قصت عليها ما حدث
رغد: بدي أحكيلك يا ميسم.. كريم ما خانك مستحيل يعملها... لأنو بالرغم كل اشي اعملتوا انا معاه ماوصل لدرجة الخيانة ... واكيد هاي لعبه من نرجس
بس إنت شو عرفك انو رايح الشقه
ميسم: معاذ
رغد بصدمه: معاذ!
ميسم: اه معاذ اتصل عليّ وحكالي...
رغد: صدقتي
ميسم: انا عارفة كريم يا رغد مستحيل يخوني... وعرفت انو هاي لعبة من نرجس ومعاذ
رغد: طيب ليش مقاطعتيه
ميسم: هاد السؤال ما بدي أجاوبك عليه.. لازم كريم نفسه يعرف من ايش زعلانه منو.... بس احكيلي إنت كيف بتحكي كريم ما خانك بالرغم إنك كنت تحكيلي اشياء عنو
رغد: اسمعي يا ميسم... كريم أخلاقوا ما بتسمحلوا إنو يخون ... انا حافظتوا.... انا بندم إني عملت معاه هاد الاشي.... بس ما تفكري اني بهاد الحكي بدي ارجعله... انا عمري ماشفت كريم غير أخ لإلي... بس أبوي الله يرحمه غصبني ع الزواج منو... بالرغم كل حنيته لإلي بس ما قدرت أحبوا... ظهر بوجهي معاذ مثل عليّ انو حبني واخذ اللي بدو إياه مني
كريم بالرغم كل حنيته اللي كان يعاملني فيها.... بس نظرة الحب اللي بنظر فيها لإلك عمروا ما نظر الي بهاد النظرة.. يعني اللي بدي اوصلك إياه كريم بحبك يا ميسم اوعي تتركي
ميسم بابتسامه: تخافيش يا رغد... بس انا بدي أعاقبوا شوي
رغد ضاحكة: هههههههه بصحلك يا دكتورة
****
اليوم التالي شاهدت رغد كريم جالسا في الحديقه شاردا فذهبت إليه
رغد: ممكن اجلس عندك
كريم بجمود: عادي
رغد: لهسا ما عرفت من ايش ميسم زعلانه منك
كريم نظر إليها باستغراب
رغد: ما تطلع عليّ هيك .. انا عرفت كل اشي صار.. واللي وصل لميسم انك في الشقه هو معاذ
كريم: ابن ال.....
رغد: ما بفيد هاد الكلام لأنه مثل ما سمعت معاذ جمع اغراضه وترك البلد... بس المهم اللي بدي اياك تعرفوا انوا ميسم عارفه الحقيقة وبتعرف انو مستحيل تخونها
كريم بدهشه: شو عرفك
رغد: حكيت مع ميسم وهي بنفسها خبرتني
كريم: طيب ليش ما بترضى تحكي معي ومقاطعتني
رغد تضحك: ههههههه شكلك بضحك وانت مش عارف
كريم بصطنع الغضب: رغد
رغد: خلص خلص هههه.ِ... اسمع سألتها طيب من ايش زعلانه... حكتلي هاد الاشي ما بدها تجاوبني عليه.... وإنت لازم تكتشفه لحالك (قامت من مجلسها ضاحكة على منظره)
رغد وهي ماشيه: فكر يا كريم مزبوط هههعهه سلام
...
جلس كريم يفكر لكنه لم يصل إلى نتيجه