عابد: بتعرفي يا دكتورة هالة هاد الي مقلل من حاله كان اشطر واحد معنا بالمدرسةعطول يطلع الاول عكل المدرسة دايما متفوق وكل الطلاب تغار من فادي عقد ما هو شاطر ما كان اله بقصص الشباب وهمالتهم ما همو الا دراسته بس كان جدع ورجال وبيرتكن عليه بس الزمن ما انصفه توفى بيه وهو صغير واضطر يترك دراسته ويدير باله على امه واخته مسكين كمان انبلى بخال طماع واخ الله يهديه ما بقول الا هيك
فادي: انه فضحتنا يا زلمة مو هيك
هالة: ههههههه لا عادي بالعكس كل الكلام الي قاله عنك حلو
عابد : طيب دكتورتنا وين بتداومي انتي
هالة: انا ما بشتغل هالفترة للاسف كنت اشتغل بمشفى الدكتور يسار
عابد: معروف طبعا هالمشفى وهلا صار لابنه الدكتور عمر بتعرفيه اكيد. ما شاء الله افتتح المشفى من اول وجديد وعمله شي بجنن
لحظة لحظة انا شايفك قبل هيك انتي حضرتي عرسه للدكتور عمر ؟
هالة : ايه لانه انا كنت العروس
تغيرت كل ملامح فادي وحسيته توتر ،، حتى انا كنت عم احكي ومتوترة وخايفة كتير لاني لهلا مو متأكدة من شخصية فادي اذا كان هو الي خطفني فعلا وسمع قصتي رح بعرفني وحيتذكرني
هالة: بس نحنا انفصلنا
عابد: زعلتيني والله
فادي: طيب عابد هلا خلينا نحكي بالمهم شوي
عابد: بعتذر بتعرفني بس شوفك بحب ظل دردش واحكي
كشف عابد عن ايدي كانت مشوهة لدرجة كبيرة
عابد: وضع ايدك صعب جدا اتوقع يا دوب عم تحركيها صح
هالة: مزبوط
عابد: متعرضة لتهشيم قوي فيها من شي شهرين تلاتة تقريبا
هالة: صحيح
عابد: ما رح خبي عليكي ايدك بدها عمليات كتيرة وترميم كتير لترجع متل اول
فادي: يعني في امل
عابد: دايما الامل موجود
فادي: متى بنقدر نبدا بالعلاج
عابد: الاسبوع الجاي اذا بتحبو
فادي: تمام انا رح ابقى عتواصل معك واكيد رح نبدا بالعلاج
سلمت على عابد انا وفادي وطلعنا كنت متشوقة اعرف ردة فعل فادي بعد كل الكلام الي سمعه مني اعرف شو رأيه بدي اكتشف هو الي دمرني او لا
فادي: ليش ما خبرتيني بانه الحادث الي متعرضتيله ما اله زمان
هالة: خجلت خبرك
فادي: من شو تهشمت ايدك
هالة: حادث
فادي: انتي و طليقك ما عاد في بينكم تواصل
هالة: لا ابدا
فادي: شوفي وضعك وخبريني متى بتحبي ناخد موعد من عابد لتبدي بالعلاج
ما كان مبين على وجهه اي دلالة بانه بعرف عن الي صار معي ما بعرف ليش فرحت وانبسطت بكل الي سمعته برغم الوقت القصير الي عرفت فادي فيه الا اني ما بقدر انكر اعجابي بشخصيته
هالة: لا تتغدى برا اليوم رح اطبخ واعزمك انت وخالة ام زيد عندي
فادي: طيب ماشي
هالة: بتحب تتغدى شي معين
فادي: جاي عبالي ملوخية
هالة: حاضر حاعملك ملوخية
كنت عم اطبخ بكل حب بكل طاقة بكل نفس راضية صحيح كنت اطبخ بايد وحدة بس كنت متاكدة انه الطبخة رح تطلع طيبة لانها من نفس
جهزت السفرة على موعد جية فادي وطلعت لاجيب الخالة ام زيد التقيت بهبه عباب بيتهم
هبه: انتي شو مطلعك عالطابق هون وليه
هالة: وانتي شو خصك لتكون العمارة مسجلة باسمك وانا ما عندي خبر
هبه: عم تحاولي تكسبي الجيران لصفك بتفكريني ما بعرف عن فوتاتك وطلعاتك مع السيد فادي
هالة: ما بهمني رايك ولا بهمني كلامك
تجاهلتها عم تحكي ودقيت عام زيد اخدتها ونزلنا لتحت كان فادي واصل والتقينا فيه عالباب
فادي: وليي ريحة الملوخية معبية الدرج تعباية
اذا هيك ريحتها كيف طعمها
هالة : هلا بتدوق وبتحكم براهنك انا ما رح تدوق اطيب منها بعمرك
اكلنا وضبينا رقعدنا شوي شرب فادي كاسة شاي واعتذر منا بده يروح يغفى شوي ببيته والخالة ام زيد بقيت قالتلي رح تنام عندي هديك الليلة
هالة: كتير انبسطت انه رح تنامي عندي يا سلام رح انبسط معك
سهرنا سوا انا والخالة حكينا كتير وضحكنا كتير اول مرة من سنين من لما توفت ستي بقعد هالقعدة وبنبسط هيك
هالة: غريبة فادي ما اله حس من بعد ما طلع من عنا معقول بعده نايم
ام زيد: لانه مو هون
هالة: مو هون لكان وينه
ام زيد: والله لو يعرف اني خبرتك ليجن هو طلب مني نام عندك الليلة لانه راح يزور اهله بده يتفقد احوالهم ويجي بكرة
بلحظة وحدة بس رجعتلي كل الافكار السودة ورجعت شك فيه وقول لحالي اكيد بس سمع كلامي مع عابد عمل هالتمثيلية ليروح
بس انا دايما بلحق احساسي بالبشر والله احساسي معه كان حلو كنت عم حس باشيا بعمري ما حسيت فيها
فتت عغرفتي وصرت ابكي عم ادعي ربي يطلع مو هو انا حبيت روحه حبيت الشخصية تبعه الي فرجاني اياها خططت لاشيا كتير قلت لحالي ما عاد بدي انتقم ولا دور عالشخص الي اذاني قلت لحالي بدي اطلق من عمر بدي عيش لنفسي يا رب ما يكون الي عم عيشه وهم
فقت تاني نهار الساعة ٩ الصبح بدي حضر فطور للخالة ام زيد لقيت فادي قاعد معها بالصالة هو وكمان ست كبيرة وكمان صبية
هالة : انت هون
فادي : ايه الي ساعة واصل ما حبيت فيقك قالتلي الخالة ام زيد نمتي متاخرة
صحيح هي امي وهي اختي هنا
هالة