ابوخالد. لا بدي اجي مابدي يعرفو انو ماصار بينا شي ويشمتو فيني
بس ماتوقعتك حقودة كل هالقد
غزلان. مشان تعرف انو الي بحكيه انا بنفذو
ابوخالد. عم تتهدديني يعني
غزلان. لا بس مشان يكون عندك علم
مرقو كم يوم تانيين و ع نفس الحالة
بس زيادة ع هيك ابو خالد رجع ع شركاته ومعد قعد بالبيت بالنهار
وهون اجا دور ام رائد وام خالد ليتحكمو بغزلان
صارو يعملولها مشاكل كل يوم بس هي كانت قد حالها وماتسمحلهم
اتصل ابو خالد ب ام خالد وال انو رح يسهر ويتعشا برات البيت
وماكان في الت ماهر وام رائد وام خالد
راحت ام خالد عليها ع غرفتها وفتحت الباب بدون ما تدقه
قالت لغزلان تحضرلهم العشا
ام خالد. يلا قومي حضري العشا لانو الخدم تعبانين ونامو بكير وانتي بتستلمي مكانهم
غزلان. لا تخليني انفتح فيكي وبالخدم
اطلعي وسكري الباب وراكي
ام خالد. قومي يلا شو مفكرة حالك بدك تظلي اميرة
حبيبترنحنا بنعرف اصلك وفصلك وانو ابوكي باعك لأبو خالد وقبض حقك لهيك لا تشوفي حالك كتير
غزلان. رح قوم بس مو لأني خايفة منك لا
لانو ماجاي ع بالي اتناقش معك
راحت ع المطبخ وعم تحط العشا تذكرت ميلاد تنهدت والااااه طلعت منها
ماهر. استغل فرصة انو ابوه مو هون واخد صراصير وحطهم بغرفة غزلان ع التخت بدون ماحدا يشوفه
ام خالد. بس ماقلتيلي امك الي ماعرفت تربيكي وينها ماشفناها
غزلان. لسانك قصيه قبب ماتحكي ع امي
ام خالد. انا بتقوليلي هالحكي والله لخلص عليكي
هجمت عليها وصارو يتخانئو ضربتها لغزلان وخلتها تبكي
راحت ع غرفتها وهي زعلانة
قعدت ع التخت
غزلان. لااااااااااااااا
وركدت بأتجاه الباب
دخل ماهر ولقاها بوجهه
غزلان. في صرصور ع التخت
ضمها بسرعة وقلا لا تخافي انا معك
غزلان. حقير تافه الله ياخدك
بعدتو عنها
ماهر. مقبولة منك ياحلوة
طالع الصراصير من الغرفة وغمزها
ماهر. لاتخافي ماظل شي
واذا احتجتيني مرة تانية انا خدام الحلوين
غزلان في نفسها لمين رح تطلع كلب غير لأبوك
قفلت الباب وقعدت بالزاوية كانت خايفة وعم تتطلع حواليها
بقيت ع هي الحالة
ونامت ع الارض
بس اجا ابو خالد صحاها لتنام ع التخت
ابوخالد. غزلان غزلان قومي نامي مكانك
غزلان. بصوت عالي بعد عني
ابوخالد. شبك ليش مين صابك
غزلان. شو بدك
ابو خالد. قومي نامي ع التخت الجو بارد وانتي نايمة ع الارض
باليوم التاني في بيت ميلاد اجا لعنده مالك
مالك. لأيمتا بدك تبقا ع هي الحالة
ميلاد. مرتاح هيك
مالك. مو صحيح وهيك مارح تنسى
ميلاد. انا مابدي انسا
مالك. بكرا بترجع ع دوامك
ميلاد. ع المخيم مستحيل ارجع
مالك. مو ع المخيم انا بقدملك نقل ع المركز الامني
ميلاد. هلأ بدي ارتاح فترة
مالك. من بكرا رح تبلش دوام وانت بتبلش دوام وانا بحهز كل شي شو رأيك
ميلاد. مابعرف اعمل متل مابدك
مالك. يعني منيح مركز المدينة
ميلاد. مابتفرق
مالك. اي هيك بدي ياك حاجتك الك اسبوع حابس حالك بالبيت
ميلاد. كيفها فادية
مالك. بخير .. كل يوم بشوفها وبحكي معها
وعم تسألني عنك
ميلاد. تزوجها فورا بلا ماتخسرها متلي
مابتسألك عن غزلان
مالك. بتسألني وكل حكيها عنكم بس انا كمان مابعرف شي عنها
ميلاد. كيف بكون حالها هلأ
مبسوطة ولا لأ
نسيتني ولا مانسيتني
ياريت تحكي وتطمني عنها
مالك. اذا ماحكت بكون احسن بلا ماتفتحلك جروحك من اول وجديد
ميلاد. لك اخ اخ
باليوم التاني بلش ميلاد دوامه وانتقل من المخيم
بالمخيم صحي ابوها لغزلان من النوم ولاقا امها ميتة من الحسرة والقهر ع بنتها
يتبع...