#الضحية_الكاتبة_روان_الشبلاق
@rwayate
الجزء الحادي عشر

دخلو ع الغرفة وغزلان حكت لفادية كل شي من وقت قالت لوعد تناديلا بس يجي الباص

فادية. يعني ريم ورا كل شي عم بصير
غزلان. اي ريم

فادية. الله لا يوفقها لو تشوفي ميلاد كيف قلبو محروق عليكي كانت حالتو بتقطع القلب
اول مرة بشوف حب لهالدرجة

غزلان. انتهينا ماضل لا حب ولا شي رح قضي عمري مع هالختيار

فادية. لا تيأسي
ميلاد طلب مني قلك انو تروحي الساعة 5 ع ..... هوا بكون ناطرك هنيك

غزلان. شو
فادية. اي روحي معو ولا تخافي ولا تترددي
غزلان. لا مستحيل
فادية. اذا بتحبيه لازم تعملي هالشي كرمالو

غزلان. لك مابقدر روح معو وانا ع ذمة رجال تاني
فادية. لا تخافي ميلاد رح يحل الموضوع

غزلان. رح يدورو عليي ويلاقوني ابو خالد بيعرف ناس كتير واكيد رح يأذيه لميلاد

قلي اذا نسيتو مابيعملي شي
وانا سمعتو وقت كان يهددو

فادية. لك ميلاد مابينخاف عليه بدبر حالو
نسيتي ميلاد و الحب الي بينكم

غزلان. بنسى عمري ومابنساه بس صعب يافادية انا خايفة عليه

فادية. لك ماعندك حل تاني

دخل ابو شريف يلا ماخلصتو حكي

فادية. بصوت واطي الساعة 5 ماتنسي .. يلا باي

ابوشريف. مابقا بدي شوف وجهك

ابوخالد. ليش ماخبرتتي انو البنت في بحياتها حدا
ابوشريف. البنت صغيرة وهوا ضحك عليها وهي سدئتو
هلأ ماعلينا شو بدنا نعمل
كل يوم رح يعمللنا مشكلة

ابوخالد. خلينا نعجل بالعرس ونعملو يوم الجمعة

ابوشريف. يعني بعد 3 ايام اي تمام

فادية راحت ع بيت ريم ماكان في حدا بالبيت الا هي وخواتها دخلت عليها عالغرفة وضربتها وصارو يتخانئو

فادية شلختلها شعرها وعضتها بأيدها وطالعتلها روحها

راحت فادية لعند ميلاد لانو مابتقدر تشرحله الي صار ع الموبايل

ميلاد. ريم لكن هلأ عرفت شو سبب سكوتها طول هالفترة
ريم وابوها ماشي ماشي

فادية. شو بدك تعمل هلأ
ميلاد. هلأ مابقدر اعمل شي الساعة رح تصير خمسة

فادية. اي
ميلاد. يعني الي فهمتيه منها انو رح تجي او لا
فادية. مابعرف والله ماكملت حكي معها لانو اجا ابوها
تخيل اخد مني الموبايل من خوفو انو خليها تحكي معك

مالك. الي بزوج بنتو لشايب بيطلع منو كل شي

فادية. اي مزبوط مالك
هي بتحبك يا ميلاد ومابتتردد ابدا بأنو تجي عالموعد بس كأنو فهمت منها انو مهددها يعملك شي اذا غلطت

ميلاد. اكيد رح تجي لانو بتحبني فادية. ان شاء الله
انا صار لازم روح لانو اذا بتعرف امي مابعرف شو بتعمل فيني

بس الله يخليك ميلاد حاول اد مابتقدر تمنعها انو تتزوجو

ميلاد. اكيد ولو يافادية انتي اكتر الناس بتعرفي اديش بحبها
فادية. اول شي كنت خايفة انك تكون عم تتسلا فيها بس هلأ عم بحتقر حالي اني فكرت فيك هيك

ميلاد. لا الله يسامحك اكيد من حبك لصديقتك خفتي عليها
فادية. طيب يلا بدك شي

مالك. انا بوصلك
فادية. لا مافي داعي
مالك. اكيد مارح خليكي تمشي بالوقت هاد لوحدك
يلا امشي

فادية. اي .. ميلاد خبرني شو بصير معك
ميلاد. اكيد

مالك وصل فادية قريب من بيتهم لانو عنجد فادية عجبتو ويمكن صار يحبها

فادية. شكرا الك عزبتك معي
مالك. لا ولو ايا شي بتحتاجيه انا بالخدمة
فادية. اي .. يلا باي
مالك. باي

صارت الساعة 5 غزلان فكرت منيح وخافت ع ميلاد يعملولو شي وقالت انو وين ماهربت رح يمسكوها

صارت 5 وربع والدنيا عم تشتي ميلاد واقف عم يستنا غزلان بالمكان الي اتفقو عليه

غزلان. سامحني ميلاد سامحني
ميلاد. وينك غزلان لا تستسلمي انا ناطرك ياروحي

صارت الساعة 6 وغزلان ما اجت

حكا مع فادية وخبرها
وقالتلو فادية انو اليوم يروح وبكرا بتروح لعندها واكيد رح تقنعها
ميلاد اختنق كتير
صار يمشي بالطرقات وماعرف وين يروح

الساعة 9 بالليل ندمت غزلان انو ماراحت لعند ميلاد

ابوها طالع كل شي بجيبته وحطن ع الطاولة وراح ليغسل ومنهن موبايل غزلان

طلعت من غرفتها لتحكي مع ابوها بلكي تقنعو
شافت الموبايل واخدتو
بعتت رسالة لميلاد وكتبت فيها

ميلاد انا غزلان بس ينام بابا رح لاقيك بنفس المكان الي قلت عنه انت مابعرف ايا وقت بالزبط
مابقدر احكي اكتر من هيك بحبك كتير

مسحت الرسالة ورجعت الموبايل ع مكانه ودخلت ع غرفتها

بس الرسالة ماوصلت لميلاد وصلت لريم لانو مسحت رقم ميلاد وكتبت رقمها

ريم بس قرأتها طار عقلها
ورجت الرسالة لأبوها
وقالتلو انو بدلت الرقم

راح ابو ريم وريم لعند ابو شريف ودقو الباب بقوة فتحلهم
وخبروه انو غزلان بدها تهرب مع ميلاد وانو بعتت رسالة وريم كانت مبدلة الرقم

دخل ع غرفتها ابوها وهجم عليها

ابو شريف. بدك تهربي يا فلتانة بدك توطي راسي
منيح انو ريم بدلت الرقم وكشفناكي

غزلان. قلتلك ان مابدي اتزوجو ومابحبو ومارح اتزوج غير ميلاد لو تقطعوني
انا بحبك يا ميلااااااد

ابوشريف. سكري تمك سكريه

ابو ريم عم يحكي مع ابو شريف

#الضحية_الكاتبة_روان_الشبلاق

الجزء الاول
@rwayate
ما أصعب أن يقسى عليك القدر.

انا غزلان من سوريا عمري 18 سنة
طلعت من سوريا اولا بسبب الحرب
وتانيا بسبب انو امي كبيرة بالعمر ومريضة ومابتتحمل الحياة بسوريا
وماظل هنيك علاج لألها
وهلأ انا ببلد تاني عايشة بمخيم متل مابقولو للأجئين السوريين
مع امي وابي

اخوتي الشباب 3 واحد معتقل ومابنعرف عنو شي
واحد شهيد
والتالت بأوروبا
واخواتي البنات متزوجات وكلهن بسوريا

ابي مابدو ياني ادرس بس عارضتو وبعد معاناة طويلة حتى وافق
وحاليا عم ادرس وبلشانة بأمي المريضة ومتحملة عقل ابي الصعب وقلبو القاسي

عندي صديقة وحدا اسمها فادية هي اكتر من صديقة هي اخت تعرفت عليها هون بالمخيم هي من عمري وبندرس سوا
دراستنا خارج المخيم بنروح بباص كل يوم بياخدنا وبرجعنا

فادية. لك انا مجنونة
غزلان. ليش
فادية. مامعقولة انتي طالعتينا بالشتي والجو البارد وقبل بساعة هلأ بدنا نبقى ننطر بالباص مشان حضرتك تشوفيه

غزلان. بدك احلا من المشي تحت المطر
فادية. الحق علي الي برد عليكي وانا مو مستفيدة شي
انتي بتروحي تحكي معو وانا بوقف بعيد عنكم واتحسر ع حظي هههههه

غزلان. هههههه
فادية. وياريت في تطور كل يوم نفس الحالة بتقوليلو صباح الخير بقلك صباح النور وبتطلعو ببعض وخلص يعني شو هالحب هاد شو بتستفيدو

غزلان. امممم
فادية. وقفي شوي اتطلعي فيني
لك ليش عيونك عم يلمعو انا الي بحكي معك مو هوا صحصحي شوي

غزلان. ههههه خلص بقا
فادية. بدك نصيحتي
غزلان. قولي

فادية. انتي لساتك صغيرة وفي فرق كبيررر بينك وبينو انو انتي من بلد وهوا من بلد وانتي هون لاجئة وبالمخيم بدك تحبي حبي واحد ابن بلدك ع الاقل احتمال انكم تتزوجو بالأخر
اما مو حاببتيلي واحد من بلد تاني وفوق هيك ضابط شو بعرفك يمكن يكون يتسلا معك او اكيد عم يتسلا معك
لان من كل عقلك مفكرة انو بحبك عنجد

غزلان. خلصتي ؟
فادية. مو عاجبك حكيي
غزلان. لا مو عاجبني خليني مبسوطة شو بتخسري مامليتي وانتي كل يوم عم تعيدي نفس القصة

فادية. انا بدي مصلحتك
غزلان. ليش اللاجئين مو بشر يعني ليش مصرة انو انا وين وهوا وين
حبيبتي نحنا كنا عايشين ببيوت مو بخيم وماناقص علينا شي بس هي ارادة الله انو يصير ببلدنا هيك ونطلع منها ونعيش بمخيمات بس انا مابخجل بحالي وبدي حب وانحب وبدي عيش حياتي ولا ممنوع
وانا بفتخر بأني من سوريا مو متلك كل شوي بتقولي لاجئة ولاجئة وكأنو مالنا بشر

فادية. هلأ شو دخل هي بهي انا عم قلك انو انتي من بلد وهوا من بلد
ومابتعرفي بهاد البلد شي ولولا الدراسة مامنطلع من المخيم ابدا

غزلان. مامهم انو من بلد تاني وانتي شفتيه اديش محترم ومو شايف حالو متل الباقيين
وماعم يتسلا معي انا متأكدة
اصلا كل الي بينا نظرات او كم كلمة ومافي غير هيك

فادية. يعني متأملة انو يتزوجك
غزلان. افففف ياه خلص فادية اسكتي
فادية. خلص سكتت

فادية. هههه بس بتعرفي يعني وقت بشوفو واقف تحت الشتي مع العساكر وهي مو شغلتو بس كرمال يشوفك وانتي طالعة بحس انو عنجد بحبك
وكمان وقت نرجع بكون عم يستناكي ليشوفك

غزلان. اي هاد الحكي الي بينسمع هلأ احكي قد مابدك

فادية. لا عنجد وقت اطلع انا وامي من المخيم مابشوفو يعني مابيطلع الا ع الموعد الي بتطلعي انتي فيه

غزلان. نيالك انتي بتطلعي مع امك وشفتي بلدهم وتعرفتي ع شعبها
بس انا لا طلعة ولا فوتة بس ارجع من دراستي فورا ع شغل البيت وببلش بأمي وابي بالموت حتى مخليني ادرس
واذا شافني ماسكة موبايلي وعم بلعب فيه بجن جنانو
وحتى عليكي مابروح مابخليني الا كل اسبوع مره
يعني الشي الوحيد الي حلو بحياتي وبخلي عندي شوية امل بهالحياة هوا وميلاد وكمان دراستي
وانتي كمان صحيح انك اوقات مابتنطاقي بس بحبك

فادية. هههههه ماشي يا غزلان بس انا لو ابي متل ابوكي كنت زمان انتحرت عنجد لا يطاق ال المره هديك قلعني بس شافني عندك
وانا والله لو مابحبك مابفوت عليكي

غزلان. ماتزعلي منو شو اعمل وامي الله يعينها ع حالها مابيطلع بأيدها شي
@rwayate
فادية. اي والله
غزلان. يلا استعجلي شوي شوفي تيابنا صارو كلا مي

فادية. قولي انك زعلانة عليه لانو هلأ بكون ناطرك تحت الشتي
غزلان. اي حرام
فادية. بس مابتتأخري بتوقفي معو دقيقة وبس لاني مابدي اتجمد وانا استناكي

غزلان. ليكك عم تمشي تحت الشتي شو بتخسري اذا استنيتي شوي
فادية. هلأ عم نمشي والمشي بدفي مو متل وقت كون واقفة

غزلان. حبيبتي انتي مابنسالك ياها
فادية. ماشي يلا طولي هويتك رح نوصل
غزلان. هههه طوليلي ياها انتي لأن اصابعي جمدو وعم يوجعوني

فادية. لك صحيح ليش بيشوف هوياتنا لازم نحنا معنا عفو لان انتي بتكوني حبيبتو

غزلان. هههههه لك فينو مايشوفهن بس مشان يوقف معي شوي زيادة بحجة انو عم يشوف الهوية
فادية. ايوااا والله ماخطرلي
@rwayate
#الكاتبة_روان_الشبلاق
وصلو فادية وغزلان ع باب المخيم وكان ميلاد عم يستناهم

#الضحية_الكاتبة_روان_الشبلاق
@rwayate
الجزء الثاني
فادية. شو صار شو حكيتو ليش طولتي شو قلك لك احكي

غزلان. ل ل لحظة شوي بس لأخد نفس لانو قلبي رح يوقف

فادية. لا تجننيني احكي
غزلان. لك مابعرف متل الحلم ماتوقعت هيك فجأة
فادية. لك شو مشان الله احكي
غزلان. قلي انو انو
فادية. انو شو
غزلان. انو بحبني

فادية. شووو عنجد بتحكي كيف صار هيك
احكي كل شي بالتفصيل
غزلان. عنجد مابعرف كنا عم نحكي وقلي بحبك

فادية. عن شو كنتو تحكو
غزلان. سألتو انو ليش وانا رايحة وراجعة بكون عم يستناني قال لأنو بحبك
فادية. والله مالك قليلة يا بنت خليتيه يعترف بحبو

غزلان. بس انا تصرفت بغباء تركتو عم يحكي ومشيت
فادية. عنجد ليش
غزلان. تلبكت وماعرفت شو اعمل تركتو ومشيت
فادية. يعني ماكنتي متوقعة منو هيك كلمة

غزلان. امبلا بس مو هيك فجأة لك حتى حكي بيني وبينو ماكان في الا قليل
فادية. اي اسكتي ال يعني مو عاجبك
غزلان. يا الله منك ماعم تفهمي علي

فادية. وهلأ شو
غزلان. الله يخليكي ونحنا راجعين ماتعملي متل الصبح بتوقفي بعيد عني حتى احكي معو
فادية. اي تكرمي
ولو انو انا بنصحك تتركيه وبزوجك لأخي محمود شو رأيك ؟؟؟
غزلان. بلا غلاظة تضربي منك لأخوكي
فادية. هلأ هيك يصحلك اصلاً

غزلان. لو انك جربتي الحب مابتحكي هيك احساس لا يوصف
فادية. خليني هيك احسنلي في غير اتعلق بواحد وبالأخر يضحك علي او يطلع مو من نصيبي شو بستفيد وقتا
غزلان. انتي حره

بعد مرور 7 ساعات

فادية. يلا اجا الباص
غزلان. اليوم كان كتير متعب
فادية. اي معك حق بس هلأ بس تشوفي ميلاد بتنسي التعب
غزلان. ههههه اي معك حق

وصلو ع المخيم ونزلو من الباص وكان ميلاد ناطرهم

فادية. انا رح امشي من الناحة التانية وانتي امشي من ناحتو بس ما تتأخري
غزلان. لا مارح اتأخر

غزلان. مرحبااا
ميلاد. اهلاً .. كيفك
غزلان. تمام
ميلاد. اسف اذا زعجتك الصبح
غزلان. لا ابداً
ميلاد. في حكي بدي قلك ياه
غزلان. شو هوا
@rwayate
ميلاد. لا هون مابيمشي الحال خدي كتبتلك رقم موبايلي ع هي الورقة اتصلي فيني اليوم ضروري
غزلان. بس
ميلاد. بدون بس ماتخافي مني اي
ناطر اتصالك اليوم
غزلان.......

ريم. مرحبا
غزلان. ريم !!
ريم . اي ريم ليش متفاجئة .. تفضل هي هويتي
ميلاد. روحي عند الشب هداك

ريم. ليش ؟
بدك تاخد راحتك بالحكي مع غزلان
شو هي الورقة الي عطيتها ياها

ميلاد. انتي شو دخلك روحي من هون يلا
ريم. غزلان ابوكي بيعرف مع مين بتوقف بنتو

غزلان......
ميلاد. عم قلك روحي من هون شو ماسمعتي
ريم. اوك باي
@rwayate
ميلاد. غزلان مين هي
غزلان. هي بنت بتدرس معي
ميلاد. طب ليش حكت معك هيك وليش سكتيلها
غزلان. بخاف تخبر ابي اني واقفة معك
ميلاد. يعني في بينك وبينها شي
غزلان. لا بس بحسا بتغار مني كتير بس هيك
ميلاد. ايوا

غزلان. انا صار لازم امشي بدك شي
ميلاد. لا سلامتك ماتنسي تتصلي
غزلان. اوك .. باي

فادية. شو حكيتو
غزلان. شفتي ريم ما اوقحها بس شافتني واقفة معو اجت لعنا وصارت تسمعني حكي

فادية. لا تردي عليها شو ماحكت لانو هي بنت فاشلة
غزلان. خايفة تخبر ابي وتقلو انو شافتني واقفة مع شب

فادية. لا تخافي مابتعملها
غزلان. ان شاء الله ماتخبرو
فادية. اي قوليلي شو صار
غزلان. اعطاني رقمو وال انو احكي معو في شي بدو يقلي ياه
بس انا محتارة
@rwayate
فادية. بشو ؟
غزلان. انو احكي معو ولا لا
فادية. احكي واسمعيه شو بدو يقول
غزلان. طيب بس خايفة ابي يعرف والله بموتني

فادية. اذا انتي ماحكيتيلو مارح يعرف
غزلان. لا شو انا مجنونة حتى قلو

ريم ورفيقتها وعد وقفو غزلان وحكو معها

ريم. غزلان لحظة... لحظة بدي احكي معك
غزلان. شو بدك ليش لاحقتيني
ريم. ماني لاحقتك بس بدي احكي معك لوحدنا
غزلان. انا مابخبي ع فادية شي احكي قدامها
ريم. اوك .. انا بدي رقم ميلاد

غزلان. شوو وانا من وين بدي جبلك رقمو
ريم. ليكي غزلان حارتنا ضيقة وبنعرف بعض منيح انا بشوفك كل يوم وقت بتوقفي معو وبعرف بعلاقتكم واليوم اعطاكي رقمو لهيك لا تحاولي تخبي
@rwayate
غزلان. طيب شو المطلوب
ريم. بدي رقمو
غزلان. ليش بدك ياه
ريم. هوا بيقدر يطالعلنا كفالة ونطلع من المخيم انا واهلي لهيك بدي احكي معو واطلب منو يمكن يوافق
غزلان. مارح اعطيكي
ريم. اوك متل مابدك بس انا رح خبر ابوكي بكل شي

غزلان. ليش هيك عم تعملي
ريم. انتي بدك هيك عم قلك بدي رقمو بس ليساعدنا وانتي خايفة اني اسرقو منك
واذا ماعطيتيني الرقم بوعدك انو اليوم ابوكي رح يكون عندو علم بكل شي

فادية. اعملي يلي بيطلع بأيدك يلا امشي غزلان
ريم. شو يا غزلان مابدك تعطيني الرقم ؟
غزلان. لك كرمال الله اطلبي ايا شي تاني غير الرقم
فادية. لك امشي ال عم تترجاها لا تخافي منها ولا تردي عليها

#الضحية_الكاتبة_روان_الشبلاق
@rwayate
الجزء الخامس عشر الاخير

غزلان. والله العظيم بلم كل البيت عليك انئلع من هون

ماهر. طيب رايح اذا حبيتي تحكي معي وتشكيلي همك انا موجود بغرفتي ورح اسمعك

طلع وسكر الباب

راحت وقفلتو

غزلان. انئلع الله ياخدكم
ياربي شو في لسا مصايب مانزلت ع راسي
والله معد اتحمل
لك شو اعمل بحالي مازل غير انتحر واخلص من عيشتي

راحت توضت وصلت ودعت ربها يحميها منهم ويعوضها عن كل شي صار معها

في بيت ميلاد قرر ينسا ويبلش حياته بشكل طبيعي من اول وجديد

بس رجع ابوخالد ع البيت

غزلان. انا موافقة ع الي حكيتو بعد يومين بصير كل شي بدك ياه
ابوخالد. عنجد بتحكي والله فرحتيني
غزلان. بس عندي شرط
ابوخالد. انتي بتأمري

غزلان. بدي اسكن ببيت لوحدي ابوخالد. شو ليش
غزلان. اذا بقينا هون لا تتأمل انو يصير شي بينا

ابوخالد. انتي صغيرة وما بأمن عليكي اتركك بببت لوحدك بالليل وقت يكون دور ضرايرك
لهيك شيلي هالفكرة من راسك

غزلان. لك ليش ماعم تفهم
ابنك ماهر دخل لعندي ع الغرفة مرتين وكل مايشوفني بالمطبخ بيعمل حركات مو منيحة
شو ناطر لسا حتى يعتدي عليي

ابوخالد. لا تألفي ع الشب حكي كذب
غزلان. ماعم كذب
ابوخالد. انتي كذابة عم تحكي هيك لتطلعي ع بيت لوحدك وتخلصي من معاملة ام رائد وام خالد

غزلان. لك انت مافيك دم عم قلك ابنك دخل ع غرفتي مرتين

ابوخالد. ابني ماممكن يعمل هيك شي
انتي بدك حجة لتطلعي
رح طلعك بس اذا لسا بتطلعي
اشاعات ع ابني ياويلك

غزلان. من بكرا بننتقل ع بيت جديد
ابوخالد. واذا صرلك شي هنيك انا مادخلني مو تصيري تتصلي فيني بالليل وتقولي انا خايفة

غزلان. لا اتطمن مارح يصير هيك شي
ابوخالد. بس بتنفذي وعدك بكرا بننتقل وبنتزوج
غزلان. موافقة

في بيت ميلاد
رن موبايلو

ميلاد. فادية
فادية. اي هي انا لساتك محتفظ برقمي
ميلاد كيفك
فادية. بخير وانت
ميلاد. بخير

فادية. حبيت اتطمن عنك مالك قلي انك بلشت شغل
ميلاد. اي صحيح

في اخبار عن غزلان حكيتي معها هي منيحة

فادية. لا والله للأسف اكيد ماعم يعطيها موبايل مشان ماتحكي معنا

حتى توقعت انها تجي بس ماتت امها بس يمكن ماخلاها

ميلاد. شو .. ليش امها ماتت
فادية. اي وابوها رجع ع سوريا
ميلاد. وما شافتهم
فادية. لا

ميلاد. معناها اكيد عم بعاملها معاملة سيئة وهوا الي ماخلاها تشوف امها

فادية. وانا هيك قلت
اتصلت فيك قلت بلكي حكت معك او سمعت عنها شي

ميلاد. ياريت بس مافي ولا خبر عنها بس من بكرا رح دور عنها ولاقيها

فادية. واذا لقيتها شو بتعمل
ميلاد. اذا كانت مبسوطة بتركها بس اذا لا
مابعرف

فادية. مستحيل تكون مبسوطة مع غيرك
ميلاد. ان شاء الله يكون هيك
فادية. طيب خبرني شو بصير معك انا لازم سكر .. باي

باليوم التاني استأجرلها بيت مفروش وانتقلو عليه قريب من الفيلة

وماهر عرف وين موقع البيت

في مكتب ميلاد

ميلاد. هاد اسم الزلما هوا كبير بالعمر متزوج تنتين ومن فترة تزوج التالتة بنت صغيرة
بدي تعرفولي وين بيته
واذا البنت الي تزوجها ساكنة مع زوجاته التنتين ولا لا

العسكري. اليوم بتكون كل المعلومات عندك
ميلاد. مو اليوم معك ساعتين بالكتير

غزلان ارتاحت بس انتقلت ع بيت لوحدها كانت خايف كتير من ماهر يعملا شي
وارتاحت من معاملتهم السيئة الها والحكي الي كانو يسمعوها ياه بكل وقت

بس بقي شغلة وحدة كيف رح تتهرب من ابو خالد

بعد مرور ساعتين

العسكري. سيدي هي كل المعلومات الي طلبتا
والبنت الي تزوجها اليوم انتقل هوا وياها ع بيت جديد عنوانو مكتوب بالورقة
ونسوانو التانيين ساكنين بفيلة قريبة من البيت

ميلاد. طيب يعطيك العافية

طلع ميلاد من مكتبه وركب سيارته رايح لعندها بس البيت بعيد شوي

في البيت الجديد

ابوخالد. ها قوليلي عجبك البيت
غزلان. اي
ابوخالد. هلأ مافي غير انا وانتي هون لوحدنا وماعلينا شي

غزلان في نفسها شو رح قلو لهاد الختيار من كل عقله مسدء انو رح ياخد الي بدو ياه

قرب عليها ليبوسها

غزلان. لحظة لحظة
ابو خالد. شو في
غزلان. انا .. انا .. انا معذورة

ابوخالد. شوووو من ايمتا
غزلان. من شوي
ابوخالد. ينعن حظي ليش هيك
لتكوني عم تكذبي

غزلان. لا ماعم كذب شو نسيت انو انا الي وعدتك

ابوخالد صار يسبسب ويلعن حظه
بعد ماوصلت اللقمة للتم

ابوخالد. كم يوم رح تبئي
غزلان. خمسة ايام
ابوخالد. الي حظه من يوم يومه زفت رح يبقا زفت

طلع من البيت وهوا معصب وقفل عليها الباب حتى ماتطلع
وراح ع الفيلة

غزلان. روحة بلا رجعة ان شاء الله

في الفيلة

كانو عم يتغدو شلح جاكيته وحطها ع الكرسي وكانو المفاتيح فيها

ام خالد. يعني ماصار الا وخلتك تستأجرلها بيت
هيك مابقا نشوفك

ابوخالد. اتطمني رح ابقا بخلئتك لأسبوع

ام رائد. ليش يعني متخانئين وقلعتك من البيت

ابوخالد. اخرسي انتي وياها

ماهر. لا تهتم بابا انت سيد الرجال روح الله يهنيك