هند. خلص خلينا نرجع لانو رح تضل كل شوي تقلي بدك ترجع
اشرف. لا اذا زعلتي بنمشي كمان شوي
هند. مابدي امشي لحالك
اشرف. والله غير تمشي خلص انا اااسف معد احكي انتي بس تملي قوليلي خلينا نرجع
هند. اي
#الكاتبة_روان_الشبلاق
هند. ايدك باردة ليش
اشرف. لأنك مو ماسكيتها منيح
هند. هههههه
اشرف.تسلملي هالضحكة
هند. انت امممم شو اكتر شي بتحبو

اشرف. انتي
وانتي شو بتحبي
هند. اااانت بحبك انت وبس

هند. وشو اكتر شي بتكرهو
اشرف. المشي

وقفت هند واتطلعت فيه وزورتو

اشرف. شو .. والله ما لأنو عم نمشي بس عنجد بكره المشي
هند. يعني مانك مستقصد تجاوب هيك
اشرف. لا يعني انتي سألتيني وانا جاوبتك

هند. بتحب الشعر
اشرف. اي كتير .. وانتي
هند. اي

اشرف مشغول بالو انو كيف بدو يخبرها واذا رح تزعل ولا لأ

اشرف. هند بدي قلك شي
هند. قول حبيبي
اشرف. انا .. انا كنت متزوج قبل ما اخطبك

تركتلو ايدو هند ومشيت لحالا

اشرف. هند لك هند
هند. شو بدك
اشرف. زعلتي ماهيك
هند. اي زعلت يعني ما ملاحظ انو كتير صرت قايلي هيك ليش يعني كل مانكون لوحدنا بتقلي نفس الجملة

اشرف. يعني مانك مسدئة
@rwayate
هند. من وقت خبرتك عن دعاء انو انخطبت لواحد كاين متزوج وانو انا مابحب هيك صرت كل ماتشوفني تقلي هند انا كنت متزوج
حتى لو مزح لا بقا تقولا

اشرف. طيب اسف حقك علي
هند. هي اخر مره ماشي
اشرف. اي
هند. يلا خلينا نرجع

اشرف في نفسه احسن شي خلي امها تخبرها

هند. زعلت مني ماهيك
اشرف. لا ليش حتى ازعل
هند. انا اسفة لأني عصبت
اشرف. لاحبيبتي انا الي اسف لاني دايئتك

مشيو وهما ساكتين
وصلو لعند السيارة
وفتحلها اشرف الباب

اشرف. تفضلي يا اميرتي
هند. يسلمو ايديك
اشرف. الله يسلمك
بدك شي قبل مانرجع ع البيت
هند. لا سلامتك

في بيت ام محمد دق الباب فتحت كانت صفاء وسلمت عليها
صفاء. وين هند اشتقتلا
ام محمد. طلعت مع خطيبها ومابقا الا يوصلو
صفاء. انا رح بدل تيابي لكن
ام محمد. اي

بالسيارة

اشرف.حبيبتي عندك مانع اذا كان العرس قريب
هند. اديش يعني
اشرف. اسبوع
هند. ههههه ليش مستعجل
اشرف. يعني اسبوعين خطبة بكفي ماهيك

هند. مابعرف بس انو لسا ماجهزت كل شي
اشرف. اي مو ضروري كل شي هلأ بعد العرس جهزي ع مهلك

هند. بخاف قلك اي وماما ماتوافق
اشرف. انا سألتها وقالت اتفق انت وهند وانا ماعندي مانع هلأ نحنا اليوم الاربعا شو رأيك مو الجمعة هي الي وراها

هند. اي موافقة
اشرف. يوم عرسنا رح يكون ب 2 / 25 منيح
هند. اي كتير منيح
اشرف. لك بحبك ومامسدء ايمتا تصير مرتي وتنوري بيتك يا احلى عروس

في بيت ام محمد بالمطبخ

صفاء. اتصلي فيهم مابقدر استنا كتير

دء باب البيت

ام محمد. ها ليكهم اجو روحي افتحيلهم هلأ القهوة بتغلي

راحت صفاء وفتحت الباب وشافت اشرف وهند

اشرف انصدم بس شافها وهي كمان بس مالحقت تحكي شي لانو هند ضمتها وسلمت عليها

هند. يا الله منك ليش ما قلتيلي انك جاية
بعرفك ع اشرف خطيبي وحبيبي
اشرف هي صفاء اختي الاكبر مني

اشرف. اااا صفاء
صفاء. هههههه لك كيفك طلعنا بنعرف بعض
شو هالصدفة زوج جارتي يصير زوج اختي ههههه
ماخطرلي انو تكون انت مع انو قالتلي اسمك اشرف

هند. لك لحظة لحظة اسكتي شوي
صفاء. شبك

اشرف ساكت ومو عارف شو يحكي

هند. ليش عم تقولي زوج جارتي يصير زوج اختي يعني بتحكي عن حدا تاني

صفاء. لك يا هبلة اشرف هاد هو نفس اشرف زوج جارتي الي حكيتلك عنها وخلت زو

طلعت ام محمد

هند. لك شو عم تخبصي يعني كنتي نايمة قبل ماتجي ولهلأ لساتك عم تحلمي
انتي بتعرفيه لأشرف

صفاء. لك اي وهو بيعرفني شبك اشرف قوللها انو بنعرف بعض من قبل ههههه

اشرف. صفاء هند لسا مابتعرف انو انا كنت متزوج

هند. شوووو لك شو الي عم بسمعو

اشرف. حبيبتي انا كنت متزوج
هند. ماعم سدء كذذذاب ليش هيك عم تحكي
امي سامعة اشرف شو بيحكي وبخبص

صفاء. ليش لهلأ مو مخبرها كيف يعني خاطبين ومابتعرف

اشرف. هند انا كنت بدي خبرك بس
هند. ماما سامعة شو عم يحكو شبكي ليش ساكتة

ام محمد. اهدي شوي خليني فهمك
هند. احكي والله سامعتك

ام محمد. اشرف كان متزوج وماحب يخبرك لانو

هند. صارت تبكي لانو شووو لانو شوو
ام محمد. لانو ماصارلو
هند. هيك لك اشرف طول الوقت هاد كلو وماصارلك
ليش ماخبرتني ليش خبيت عني انا شو عملتلك قلي شوو

اشرف. لاتبكي ياعمري هلأ بحكيلك كل شي
هند. بس ماما انتي كيف كيف عرفتي لك ليش ماخبرتوني كلكم كنتو بتعرفو وكذبتو علي

ام محمد. مدامك عم تبكي مارح تفهمي علي اهدي شوي واسمعي شو رح قلك
اشرف خبرني وكان خايف يقلك وتزعلي منو لانو كنتي قايليتلو مابتاخدي واحد متزوج من قبل

هند. ليش هلأ مازعلت كل هالقد انا غبية ومابفهم لك انت كنت عم تحكي عنجد وانا مابفهم انااا مابفهم

صفاء. يعني مابعرف كيف هيك خاطبين وهند مامعها خبر

هند. اسألي ماما اقرب الناس مني خبت عني
والي عامل حالو بحبني كمان خبا عني وماكان حتى ناوي يخبرني لو ما انتي كشفتيه

رهف. واووو يعني رح نتزوج ونسكن ببيت واحد
ضياء. هههههه طولي بالك لسا ماصار شي
رهف. اي بس رح يصير
#الكاتبة_روان_الشبلاق
ضياء. طيب يلا بدك شي بدي روح انتبهي ع حالك
رهف. الله معك ما تتأخر عليي
ضياء. ماشي حبيبتي باي
مرق اسبوع ظل ضياء كل يوم يحاول يقنع امو وع الفاضي كأنو بحاكي حالو
حاول بأكتر من طريقة بس بدون امل
بطل ضياء يروح على شغلو وبطل يطلع من البيت حبس حالو بغرفتو
حتى امو بطل يحكي معها
حتى رهف ماكان يشوفها
هي تتصل فيها وهوا يطلعلها اعذار يوم مريض يوم تاخرت بالشغل مع انو كتير مشتاقلها
ظل ع هالحالة اكتر من اسبوع ع انو تهتم امو وما اهتمت وماسألتو ليش مابتروح ع شغلك تعاملت معو ببرود جدا
لانو عرفت هي خطة منو ليقنعها
المسا في غرفة ضياء
ضياء. شو هالمسخرة هي هلا بدي حط حد لكل شي
طلع ضياء من غرفتو وهوا معصب كانو امو وابوه سهرانين
ضياء. بصوت عالي امي بدي اسألك لأخر مره شو صار معك بدك تطلبيلي رهف ولا لا
ابو اياد..اخراس ولاك ولا تحكي مع امك بصوت عالي ولا مفكر انو اذا كبرت وصرت قد الحيط بيطلعلك تعلي صوتك ع امك
ضياء. طيب طيب انا اسف بس شو صار معكم
ابو اياد. هي البنت ما بتناسبنا شوف غيرها
ضياء. بدي ياهاااااا ليش هيك عم تعملو
ام اياد. انا حكيت لابوك وما وافق وصار الموضوع عندو
ضياء. يعني انتي موافقة
ام اياد. لا ماني موافقة
ضياء. طيب قولولي شو الي بدكم ياه ليش واقفين بطريقي
ام اياد. مالنا واقفين بطريق حدا وهي عم ندورلك ع عروس
ضياء. نعم .. وليش مين طلب منك تدوريلي
ام اياد. مو ملاحظ انو بسبب رهف كيف تغيرت معاملتك معي هي هيك وماتزوجتو كيف لو تتزوجو
ضياء. خليني اتزوجها والله لخليها تشيك ع كفوف الراحة
ام اياد. شيلها من بالك لترتاح
ضياء. لا ماني شايلها وانا رح اطلبها من ابوها
ام اياد. ابوها مابيعطيك ياها بدون موافقتي
لهيك تعا اقعد هون شوي خلينا نتفاهم
ضياء. ع شو بدنا نتفاهم
ام اياد. تعا لأحكيلك
ضياء. تفضلي سامعك
ام اياد. لقيتلك بنت بتطير العقل وانا متأكدة رح تحبها اول ماتشوفها
ضياء. لا اله الا الله غير رهف ماباخد لو كانت ملكة جمال العالم
ام اياد. مو على كيفك بدك تشوفها واذا مو برضاك غصبن عنك
ضياء. لا مارح شوفها والي بيطلع بأيدكم اعملوه
ابو اياد. لا تخليني اغضب عليك بتروح بتسمع كلام امك وبتشوفها
ضياء. اذا بدك تغضب اغضب لانو فعلا للصبر حدود
ابو اياد. لكن الله يغضب عليك
راح ضياء ع غرفتو
ام اياد. ليش هيك غضبت عليه
ابو اياد. الله يرضى عليه بس حكيت هيك ليقتنع
بس يبدو مافي امل
ام اياد. مو ع كيفو وانت خليك ع كلمتك
رهف اتصلت بضياء
رهف. وينك ياعمري اشتقتلك كتير كتير كيف قلبك بطاوعك تتركني بدون ماشوفك
ضياء. ماني فاضي
رهف. كيف مانك فاضي معقول مابصيرلك وقت تمر لعندي
ضياء. لك رهف خلص اسكتي بقا
رهف. طيب طيب متل مابدك شكلك معصب طيب بس تروء حاكيني .. باي
ضياء. باي
رهف. ولي بس يكون معصب ما بيتحاكا شو صاير معو وين هالغيبة ياعمري اشتقتلو كتير
مرقو يومين وضياء عم يحاول يقنع امو
وابوه عامل حالو غضبان عليه
ماراح لعند رهف لهيك قررت انو هيي تروح لعندهم ع البيت
لانو كان قايللها انو ما بيشتغل
باليوم الثاني راحت رهف لعند عمتها زيارة وبحجتها بتشوف ضياء
عمتها جن جنانها بس شافتها
ام اياد. اهلا وسهلا برهف تعي حبيبتي لنقعد بالجنينة
رهف. خلينا نفو..
ام اياد. لاهون بدنا نقعد
قعدت رهف ع الكرسي وعم تدور بعيونها على ضياء
ام اياد. جايه مشان ضياء ؟
رهف. نعم
ام اياد. عم قول جايه مشان ضياء
#الكاتبة_روان_الشبلاق
رهف. لا لا شو دخل ضياء بس حبيت اتطمن عنك
ام اياد. ضياء حكالي كل شي عن علاقتكم بس شوفي رهف بدي احكي معك كم كلمة ياعمتي وبتمنى ماتزعلي مني اي
رهف نقزها قلبها
رهف. اي عمتي تفضلي
ام اياد.يعني بعرف انو انتي بنت فهمانة وواعية ومانك صغيرة وضياء خبرني انو بحبك وانتي بتحبيه وقالي انو بدو يخطبك صحيح هالحكي
جاوبيني لا تستحي
رهف. اي مزبوط
ام اياد. طيب انتي برأيك انتي وضياء مناسبين لبعض
رهف. ما ما مافهمت
ام اياد. يابنتي اياد مو عارف مصلحتو وين في بنت كنت شايفتلو ياها من زمان مناسبة الو اكتر منك
يعني انتي والله مابعيبك شي والله يبعتلك ابن الحلال
وضياء طايش مابعرف مصلحتو وين لهيك ياعمة بدي منك انو تبعدي عنو
رهف مصدومة من الكلام الي عم تسمعو من عمتها
ام اياد. ومشان ماتفكري انو انتي فيكي عيب لا سمح الله بس هاد اصغر واحد بأولادي وبدي زوجو ع كيفي لهيك ماحابة اخدلو من قرايبنا حابة اخدلو وحده غريبة
فاهمة عليي مو هيك
رهف. .......
ام اياد. شو قلتي يا رهف مارح تعطيه فرصة انو يحكي معك ورح تصدي لانو بأقرب وقت رح اخطبلو البنت الي ببالي
وانتي بنت اخي والله يبعتلك شب احسن من ضياء
مشيت رهف وماحكت ولا كلمة ودموعها عم يهرو
رهف. قسيتي عليي كتير ياعمتي كتير
حروفك كانت اصعب من الموت كلامك قاسي قاسي كتير

#حروف_الموت_الكاتبة_روان_الشبلاق
الجزء الخامس
رجعت رهف ع بيتهم وبكيت لشبعت
دخلت ع غرفتها واتصل فيها ضياء
رهف. تمام كيفك انت
ضياء. الحمدلله شبو صوتك
رهف. ولشي ليش شبو
ضياء. انا اسف اني مبارح عصبت عليكي
ومابعرف شو السبب بس اسف عنجد
رهف. ولا يهمك المهم سمعت صوتك
ضياء. يعني ما اشتقتيلي
رهف. بشتاقلك بكل لحظة وبكل ثانية انا بدونك مافيني عيش
ضياء. ولا انا
رهف. بس ماقلتلي حكيت مع امك مشان خطبتنا
ضياء. اه لا لا لسا ماحكيت
رهف. اها
ضياء. ايمتا بدي شوفك
رهف. مابعرف
ضياء. اليوم المسا رح اجي
رهف. اي متل مابدك
ضياء. طيب بدك شي
رهف. سلامتك.. باي
ضياء. باي
رهف. خبا عني انو مخبرها لأمو بس اكيد لانو عم يحاول يقنعها بس مارح تقتتع من بعد الحكي الي سمعتو منها اليوم عرفت اديش هي قاسية
في بيت ضياء
دخلت امو لعندو ع الغرفة
ام اياد. كيف ضياء
ضياء. مبسوط كتير
ام اياد. ايمت بدك ترجع متل اول ضياء الحنون الي بعرفو مو متل هلأ الك كم يوم مابتحكي معي
ضياء. لحتى توافقي على رهف
ام اياد. رجعنا لنفس الموضوع والله مليت وانت مافي ع لسانك الا رهف رهف كأنو ماظل غيرها
ضياء. لكن لا تعملي حالك مهتمة لأمري وزعلانة عليي قلب الام مو هيك يا امي
ام اياد. هلأ لا تتفلسف انا جاية خبرك انو اليوم المسا بدنا نروح نشوف البنت الي بدي اخطبلك ياها
انا اتفقت مع اهلها وانت اكيد ما بتطالعني بالخجلة
ضياء. لا تجننوني مابدي انقلع ع مكان بطلت لزواج كلو
دخل ابو اياد ع الغرفة
ابو اياد. ليش اصواتكم طالعة
ام اياد. بدو يخجلنا قدام العالم بعد ما اخدنا موعد قال مابدو يروح
ضياء. اي مالي رايح
ابو اياد. كلمتين مافي غيرهم بتكون امك طالق بالثلاث ان مارحت وسمعت كلامها
ابوها للبنت صاحبي بقا سوالف اولاد صغار مابدي
حهز حالك من هون للمسا
طلع ابو اياد من الغرفة
ابو اياد اب قاسي كتير وكلمتو ما لازم تصير ثنتين
ام اياد. عجبك هيك انت بتعرف انو ابوك مامعو مزح بنوب
المره هديك غضب عليك واليوم رح يطلقني بسببك
ضياء. والله مارح سامحكم
ام اياد. بس تتزوج وتعيش مع البنت الي رح بختارلك ياها رح تسامحني وتبوس ايدي كمان
ضياء. اذا رحت اليوم هاد مابيعني اني رح اتزوجها وغير رهف مارح باخد ووقتها يغضب ويطلق ويبلط البحر كمان
ام اياد. لا تحكي ع ابوك هيك
ضياء. بدي احكي لان مافي بقلبكم حنية لا انتي ولا هوا
ام اياد. استحي ع حالك
انا طالعة جهز حالك وشوف شو بدك تلبس
ضياء. الله يلعن ابو هالعمر
بعد مرور ساعتين ضياء لسا بالغرفة وماجهز حالو وكرهان كل المشوار
ضياء. مسكينة رهف هي بتستنا لحتى خبر امي
ومابتعرف انو امي مابدها ياها وبدها تزوجني غيرها
لك لا اعوذ بالله والله مابتزوج غيرها
دخلت عليه امو
ام اياد. لك شبك قوم جهز حالك يلا ماظل وقت
ضياء. طيب روحو انتو وشوفوها وبس تيجو قولولي مواصفاتها وانا بقرر
ام اياد. شو نحنا الي بدنا نتزوجها قوم يلا
ضياء. ومو انتو الي رح تتزوجو رهف
#الكاتبة_روان_الشبلاق
ام اياد. لا تظلك تقول اسم رهف ع لسانك بلا مايسمعك ابوك يلا نحنا ناطرينك
ضياء قرر يروح ويقوللهن انو البنت ماعجبتو مشان يسكر ع الموضوع نهائيا وما يظلو ينقو فوق راسو
ام اياد مقتنعة انو الشي الي عم تعملو مشان مصلحة ابنها
ضياء. لك كيف هيك نسيت انو قلتلها لرهف انو بدي شوفها المسا هلأ بتكون عم تستناني
ابو اياد. ضياء يلا يا ضياء
ضياء. شو بدي اعمل مافي مهرب خليني انقلع وروح بس والله لو هالبنت ملاك ماطقتا بدون ماشوفا كرهتا
في بيت ابو علي ابوها ليسرى الي بدهن يخطبوها لضياء
دخلو ضياء واهلو وضياء ماشال عيونو عن الارض وما تطلع بيسرى نهائيا
ام اياد. بصوت واطي لك ضياء شبك تطلع على البنت مشان تشوفها ونرد خبر للجماعة
صرلها ساعة قاعدة وما اتطلعت فيها
اتطلع فيها ضياء بس مجرد فضول انو يشوف مين هي الي عم بقارنوها برهف
هوا عم يتطلع فيها وصافن وهي عم تبتسملو
ضياء في نفسه العمى بقلبك ع هالتم بيسع جاجة بريشها ال عم تبتسم مفكرة حالها حلوة ولا شواربها متل شوارب الزلم والله بستبعد انها تكون بنت
ال لأنها ضعيفة وطويلة مفكرينها احلا من رهف
الي بيسمع حكي امي بقول طاب الموت لك والله ظفرها لرهف بيسواكي
بعدين ناقصني انا اتزوج وحدا عمرا 18 سنة
لك لا تبتسمي يخرب بيتك خليكي قاعدة ببيت اهلك اشرفلك
ام اياد في نفسها الحمدلله مبينة عجبتو بس قلتلو يتطلع فيها ماشال عيونو عنها
رجعو ع البيت واتفقو انو يردولهم خبر
في بيت ام اياد
ام اياد. وهي فرحانة اي ضياء شو رأيك بالبنت
ضياء. اهاااا سألتيني
لا البنت ماعجبتني
ام اياد.ها وليش ماعجبتك
ضياء. هيك ماعجبتني ماحبيتا ماطقتا ماخرج تكون مرتي بدك كمان
ام اياد. انا بعرف ليش قلت هيك لحتى تتهرب بعرف سبب رفضك بس مارح رد عليك ورح ردلهم خبر انو موافقين البنت حلوة وطويلة مناسبة لجسمك
ضياء. لاااا ماكان هيك اتفاقنا انا رحت معكم عأساس شوفها وبس
وانا شفتها وماعجبتني
بس انك ترديلهم خبر هي مارح تصير

لانو خلص انا بطلت اتزوج هلأ شلت الفكرة من راسي من هون لسنة اقل شي
ام اياد. مو ع كيفك اذا ماعجبتك بشوفلك غيرها
ابو اياد. مابدي طالع حالي بالخجلة قدام صديقي لهيك لاتشوفي غيرها انا حسيت انو البنت مناسبة الو
ضياء. شو رأيكم كمان تتزوجوها عني
ابو اياد. خراس ولاك يلعن ابوك ابن الكلب
ضياء. حسبي الله ونعم الوكيل
لا تتعبي حالك مارح اتزوحها
طلع ضياء من البيت وكان رايح ع بيت رهف
ام اياد. اعطيني اعطيني الموبايل بسرعة اكيد رايح يشوف رهف
رح اتصل فيها
ام اياد. كيفك رهف
رهف. ماشي الحال كيفك انتي عمتي
ام اياد. بخير ياروح عمتك
رهف. خير في شي
ام اياد. اي والله بدي اتشكرك لانو واخيرا ضياء وافق انو يتزوح واليوم رحنا شفنالو البنت وهي رجعتنا ع البيت
رهف. ايا بنت عمتي عنجد بتحكي بس ضياء بحب..
ام اياد. ياحبيبة قلبي يا رهف شفتي انو هاد مو حب وانو كلمة بتاخدو وكلمة بتجيبو
هي اليوم راح معنا وما حكا شي وهلأ طلع من البيت مابعرف لوين يلا بدك شي
رهف.....
ام اياد. يلا مع السلامة
وصل ضياء ع بيت رهف واتصل فيها لتطلع وكانت الدنيا ليل
طلعت رهف وشافتو
مسكها ضياء من ايدها وقربها منو واتطلع بعيونها
ضياء. قربي مني اكتر بدي اتطلع فيكي عن قرب بدي حسك بدي اسمعك بدي حبك اكتر واكتر
بس ليش هالعيون الحلوين ذبلانين
رهف. ان شاء الله تكون عجبتك
ضياء. مين .. شو قصدك
رهف. قصدي البنت الي رحت شفتا
ضياء. شوو .. مين خبرك شو عرفك
رهف. وهي تبكي شو شايفك تفاجئت
عملتني لعبة وعم تتسلا فيني وقلتلي انطريني رح اجي
طلعت نطرتك اكتر من ساعة وكل شوي قول هلأ بيجي يمكن طلعلو شغل يمكن عطلت السيارة بس اخر توقعاتي انو رايح يخطب
عنجد انك..
ضياء. لا تكملي ياعمري
انا مو هيك
رهف. لكن كيف
ضياء. رح بحكيلك بس قوليلي مين خبرك
رهف. انا رحت الصبح ع بيتكم لأني كنت كتير مشتاقتلك وخايفة عليك
ضياء. اي كملي
رهف. لاقتني عمتي وقالتلي انك مخبرها بكل شي
وقالتلي ابعدي عنو لضياء صديه ولا تعطيه وجه انتي مانك مناسبة الو وانا مابدي اخدلو من قرايبنا لهيك ابعدي عنو
وهلأ من شوي اتصلت واتشكرتني وقالت شكرا الك لانك بعدتيه عنك هي اليوم راح يشوف بنت وبدو يخطبها
ضياء. شششو عم تحكي انتي امي هيك حكت معك
رهف. اي مالي متزكرة بالتفصيل شو حكت بس ماتوقعت منك هيك تصرف ابدا ياعيب الشوم عليك خيبت ظني فيك
خسارة الوقت الي ضيعتو معك
ضياء. انا مارح اسكت لأمي ع الشي الي عملتو
ورح بحكيلك كل شي اسمعيني
حكالها ضياء القصة من اولها وهي ماقدرت تكرهو وبتعرف انو بحبها وبدو ياها بس امو هي السبب
رهف. عمتي جرحتني كتير بكلامها مفكريتني مابحس او مابحب لك انا بنت متل كل البنات من حقي انو حب وانحب بس شو اعمل لحظي
ضياء. ولا يهمك ياعمري انا بحبك وبموت عليكي
#الكاتبة_روان_الشبلاق
رهف. مسكتو من قميصو وقالتلو بس انت رحت معهم يعني موافق موافق ورح تتركني انا مافيني عيش من دونك عم تفهم انت الي انت ملكي وبس
ضياء. ههههههه والله ضحكتيني دخيل العصبي ما احلاه
رهف. لك حاج ماابرد قلبك
ضياء. طيب شو بدك اني عصب وصيح وكسر مابيمشي الحال انا لساتني مايئست وعم بحاول معهم ومارح اخد غيرك واشهدي ع كلامي
وقلتلك رحت معهم بس لأخلص من كلامهم
رهف. طيب بدي فوت الدنيا ليل وبخاف اهلي يطلعو ويشوفونا
ضياء. تعي خليكي
رهف. بس
ضياء. خليهم يشوفونا ماظل الا هما خليهم يعرفو بلكي بصفو معنا
رهف. بخاف ابي يزعل اني واقفة معك بهيك وقت
ضياء. لا تخافي ياعمري
بتعرفي رهف يشهد الله عليي اني وانا عم طلع بهديك البنت اتخيلك واتخيلها وقول انو ماببتشبه لظفرك انتي ساكنة قلبي ومحتليتو ومستحيل يغرك يسكن هالقلب
رهف. يعني اتطلعت فيها
ضياء. هلأ من كل هالكلام الي حكيتو لقطتي هي الكلمة
رهف. شو اسما
ضياء. لك صحيح شو اسما .. لا تطلعي فيني هيك عنجد مابعرف ومابهمني اعرف
رهف. اذا رجعت حكت معي عمتي شو قوللها
ضياء. انا رح بحاكيها وقوللها ماتحكي معك
رهف. اكيد رح بتزعل مني لاني خبرتك ضياء تخيل انو مانتزوج انا وياك شو بصير بحالنا انا بالنسبة الي بموت بدونك
ضياء. لا تحكي هيك لان مارح يصير هالشي ورح نكون لبعض
رهف. لك عم بقلك تخيل شو وقتا بتعمل
ضياء. ماعندي جواب لان ولا مره فكرت هيك
رهف. طب انا اتأخرت خليني فوت
ضياء. طيب متل مابدك وبدي قلك انو بدي وقت لأقنع امي ويمكن مايصيرلي شوفك كل يوم بس اكيد رح احكي معك
رهف. اي ولا يهمك رح بشتاقلك
ضياء. وانا كمان .. بلا تصبحي ع خير
رهف. وانت بخير
بعد مرور 3 ايام من محاولات اقناع ضياء لأهلو ومامشي الحال وابوه مصر انو ياخدلو بنت صاحبو وامو بدها تزوجو بأسرع وقت لتنسيه رهف
ام اياد. ضياء اليوم حكا ابوك مع اهل البنت وحددو موعد بعد يومين لنروح ونتفق ع موعد العرس مو الخطبة لانو ابوك مابدو خطبة
ضياء. ليش مين الي بدو يتزوج
ام اياد. بلا غلاظتك
ضياء. شوفولكم شي عريس تاني خدوه معكم وزوجوه ياها
ام اياد. شو عم تحكي انت

ابو وسيم. قالتلي رهف انك اجيت لهون اليوم وحكيت معها
ضياء. اي مزبوط
ابو وسيم. ليش
ضياء. لانو لانو يعني ولشي
ابو وسيم. طيب ياخالي انت هلأ خطبت والاسبوع الجايي عرسك ليش لتظلك معلق رهف فيك انا مو قلتلك انو لاتجي ولا تحكي معها الا ليوافقو اهلك بس انت مارديت رحت خطبت واجيت تخبرها
ضياء. انا
ابو وسيم. انت بدك توعدني انك ماتجي لهون وماتحكي معها انت غالي عليي ومابحب ازعلك
لهيك متل ماقلتلك بتنسى شي اسمو رهف ماشي يا ضياء... شو جاوبني بتشيلها من تفكيرك شو قلت
ضياء. اي
ابو وسيم. وبتنساها ع الخالص مابدي يطلع عليها حكي ومابدي كل يوم والتاني احكي معك خلص كمل حياتك ومابتعرف يمكن البنت الي خطبتا تكون افضل الك
رهف سمعت صوت ضياء وطلعت لعندهم
رهف. ضياء
ابو وسيم. بصوت عالي فوتي ع غرفتك
دخلت رهف ع غرفتها وصارت تبكي وضياء طلع من عندهم
عرف ضياء انو خلص وصل للنهاية خالو مابدو يشوفو عندو بالبيت وعرسو بعد اسبوع ورهف زعلانة منو
والكل واقفين ضدو
رن موبايل ضياء وكان اخوه اياد
اياد. وينك انت انا هلأ بدي اطلع لعندكم ع البيت
ضياء. خلص مافي داعي
اياد. ليش بقا
ضياء. متل ماعم قلك
اياد. اي تسطفل .. سلام
بعد مرور كم يوم قرب عرس ضياء
ضياء ورهف ولا كأنهم عايشين بالدنيا
رهف اعتزلت عن الكل وبين عليها الزعل والكل لاحظ انها متغيرة واكلها خفيف كتيررر
ودائما حابسة حالها بغرفتها وحتى امها خافت عليها لانو ماكانت هيك
وخلال الفترة هي ضعفت حوالي 7 كيلو
وضياء نفس الشي راح ضياء الي بيمزح وبيضحك ودائما فرحان ومتفائل هلأ تغير كتير
خطيبتو لضياء تحاول تتقرب منو وتخليه يحكي معها او تطلع هي وياه مشوار بس ع الفاضي فكرت انو هوا اطباعو هيك
باليوم الثاني ضياء اتصل برهف بلكي هالمره ترد بس ماردت لانو ابوها كان منبه عليها انو اذا بتحكي معو هالمره عقاب قاسي
عصب ضياء وذرب الموبايل بالحيط
ضياء. لك اشتقتلك بدي اسمع صوتك ليش ماعم تردي ليش لك انا شو ذنبي لك انا بدي ياكي عم تفهمي بدي ياكي
في بيت رهف كانت قاعدة وقافلة باب غرفتها وحاطة اغاني حزينة وعم تبكي وحاطة قدامها كل الهدايا الي جابلها ياهن ضياء
وصارت تذكر وقت عطاها اخر وردة
ضياء. طيب خدي هي الوردة لأحلى وردة
رهف. واووو شو حلوة من وين جبتا
ضياء. من الشجرة الي ببيت خالي ياسر قطعتها وانا جايي وحتى انكسر الجدع كلو
وهوا كل يوم بعد الوردات هلأ بيعرف انو نقصو
رهف. ههههههه وانا بقلو هاد ضياء
ضياء. بتعمليها بعد الفصل الي عملتيه هديك المره
باليوم الثاني قبل عرس ضياء بيوم
متل كل مره حاول ضياء يتصل فيها بس ليسمع صوتها ردت عليه
ضياء. كيفك رهف
رهف عم تسمعيني ؟
اذا عم بتسمعيني ردي سمعيني صوتك الله يخليكي
رهف .. رهف
لك ردي الله يخليكي
رهف. والله كتير اشتقتلك
ضياء. ياعمري انت لو تعرفي اديش اشتقتلك اشتقت اني شوفك واسمع صوتك صبح ومسا
كيف بطاوعك قلبك ماتردي عليي كل هالفترة
رهف. عم بجهز حالي بكرا عرس حبيبي
ضياء. لا تحكي هيك
رهف. كيف بدك ياني احكي بكرا عرس اغلا انسان ع قلبي بكرا رح يكون مع بنت تانية حبيبي رح يكون مع بنت تانية
لك انا بحبك عم تفهم بحبككك
بس رح قوي حالي ورح احضر عرسك ورح باركلك ياعمري
مابدي حدا يشوفني ضعيفة ويقولو ياحرام
ضياء. لاتجي بكرا
رهف. ليش مابدك حبيبتك تشوفني
ضياء. انتي حبيبتي وبس
مابدي تشوفيني مع حدا غيرك
رهف. بس انا حابة شوف البنت الي عمتي فضلتها عليي
ضياء. عم قلك لاتجي انا بجي لعندك
رهف. ههههه بدك تجي لتواسيني
ضياء. بكرا لا تجي عم تفهمي
رهف. لا بدي اجي ومو ع كيفك باي
ضياء. لك لا تسكري .. يا الله منك
رهف. وهي عم تبكي وتشهأ
ال مابدو ياني روح انا بعرف انو بحبني ومانو رضيان عن هالزواجة بس بدي روح وبدي شوفو واتطلع بعيونو وقدام كل الناس وماني مهتمة لحدا
#الكاتبة_روان_الشبلاق
باليوم الثاني مارضي ضياء ياخد يسرى ع الكوافيرة
ونايم بغرفتو ومبرد ع قلبو ولا كأنو هوا العريس
بعد مرور ساعتين
ام اياد. لك ضياء شبك قوم البس وجهز حالك كل الشباب ناطرينك وانت ولا هامك يلا قوم مو حلوة
ومشان تجيب يسرى من عند الكوافيرة
ضياء. انا مابجيب حدا خلي اخوتها
ام اياد. لك لا تجنني شو بدها تحكي علينا وكمان بدكم تتصورو مع بعض
ضياء. ماني متصور مع حدا هي بدها تتصور تسطفل
ام اياد. لا اله الا الله
في بيت رهف الكل اجتمعو عندهم مشان يطلعو من عندهم ع العرس
وبنات عمها ناطرات رهف تطلع ليشوفو كيف حالتها من بعد الي صار
كانت رهف بغرفتها وعم تلبس
وكان عندها فسطان حلو بس ماكان يفوت فيها بس هلأ لبستو طلعت حلوة كتير لانها نحفت اكتر من عشرة كيلو
بنات عمها زمان ماشافوها كانو متوقعين انها تكون منهارة
بس طلع العكس رهف لبست وتمكيجت وبعد مانحفت صارت بتجنن صحيح لسا لازم تنحف بس هيك احسن من اول بكتير
رهف. رح كون قوية ورح اقهر الكل والي عندو كلمة يضبها بحلقو
ورح افرحلو لضياء مارح حسسو بشي بس م من قلبي بس قدام الناس

#حروف_الموت_الكاتبة_روان_الشبلاق
الجزء السابع
باليوم الثاني دقت ام اياد الباب عليهم
وفتح ضياء
ام اياد. ان شالله الف الف مبروك ياعمري جوازة الدهر
ضياء. الله يبارك فيكي
ام اياد. يلا ياعمري نادي لمرتك وتعو الفطور جاهز
ضياء. طيب لاحقينك
سكر ضياء باب الغرفة
يسرى. مين هاد حبيبي
ضياء. هي امي يلا امشي عم يستنونا ع الفطور
يسرى. يعني بدنا نفطر معهم !!
ضياء. لكن مع مين
يسرى. بقصد نحنا عرسان لازم يجيبولنا فطورنا لهون
ضياء. لك يلا بقا
رجعت ام اياد ودقت الباب
فتحتلا يسرى
ام اياد. مبروك ياحبيبة قلبي يامرت الغالي انتي
ام اياد كانت متوقعة انو يسرى تبوس ايدها
يسرى. الله يبارك فيكي
ام اياد. اي يلا يلا اتأخرتو ناطرينكم ع الفطور
يسرى. حماتي مو حلوة اليوم اول يوم النا ونفطر معكم جيبيلنا فطورنا ع الغرفة زكاتك
ام اياد. شو ليش مابدكم تفطرو معنا يعني ضياء هيك بدو
يسرى. لا حماتي كلك نظر نحنا عرسان يوه
ام اياد. اي تكرمي هلأ بجبلك فطورك لهون مع اني كنت حابة انو نفطر معكم بس يلا هاليوم معليش
يسرى. مو بس اليوم لانو من هون لأسبوع اقل شي رح نفطر بغرفتنا
ام اياد. هاا اي اي شو عليه متل مابدكم
راحت ام اياد تجبلهم الفطور
ضياء فرح من كل قلبو ع الي صار مع امو مو شماتة فيها بس مشان تعرف ان الله حق وانو خليها تتحمل نتيجة اختيارها البنت الغلط
ضياء ذكي كتير عرف شو هيا يسرى و انو قوية وملعبة
اجت امو وجابتلهم فطورهم وفوتتو لعندهم ع التخت
ضياء في نفسه انتي بدك هيك وانا مارح حاكيها شي ليسرى معليش خليكي تعرفي شو هيا والئي عن راسك اذا بتلئي
بعد مرور ساعتين
ضياء بالغرفة وبلشان بموبايلو
ويسرى طلعت تجيب صحن فواكه
شافتها ام اياد ونادتلها
ام اياد. يسرى شو هاللبس هاد الي طالعة فيه بلكي حدا اجا فجأة وشافك مو حلوة حبيبتي لابقا تطلعي فيه
يسرى. اولا مافي حدا بالبيت غير انتي وثانيا الي بدو يجي بدو يدق الباب
وثالثا يا حماتي مو حلوة بحقي عروس وفوت ع المطبخ جيب صحن فواكه يعني المفروض هاد كلو يكون جاهز عندي بالغرفة
ام اياد متفاجئة من حكي يسرى
ام اياد. اي شو فيها اذا طلعتي مو انتي خلص صرتي من اهل البيت
يسرى. كم مره بدي قلك انو انا عرووووس مابصير هيك
ودخلت يسرى ع غرفتها وتركتها واقفة
يسرى. شو هاد ياه
ضياء. شو في
يسرى. امك ال عم تحاسبني انو طالعة باللبس هاد
ضياء. انا هلأ لانتبهت انتي ليش طالعة بهالمنظر
يسرى. نعم انت التاني
ضياء. اي فهميني ليش طالعة هيك شو مفكرة انك ببيت لوحدك ابي معنا واخوتي كل شوي بيجي واحد منهم
يسرى. واذا يعني شو مابدقو الباب قبب مايفوتو
ضياء. مابدي هالشي يتكرر
يسرى. هه ياحبيبي الام وابنها هيك بعاملوني من اول يوم
يعني مابكفي امك عم تشغلني من اول يوم وانا عروس هي رحت جبت صحن الفواكه لوحدي
ضياء. ليش شو حكيتي انتي وامي
يسرى. قلتلها مو حلوة انا جهز كل شي بأيدي انا عروس
ضياء. شو قالت هيا
يسرى. ال انتي صرتي من اهل البيت بس انا رديت عليها ما سكتتلها
ضياء. هههههههه
يسرى. شو بضحكك
ضياء. اي انتي شو ناقصك ولا بدك واحد يخدمك
يسرى. هاد الي طلع معك ال جاية احكيلك
ضياء في نفسه لو رهف مكانها يا امي كانت شالتك ع كفوف الراحة اتحملي لقلك
بعد مرور ساعتين
اجو الجيران ليباركو لأم اياد
وبدهم يسلمو ع العروس
دقت ام اياد الباب عليهم
ام اياد. يسرى قومي البسي واطلعي
يسرى. وليش لاطلع
ام اياد. لك الجيران جايين لهون وبدهم يباركولك
يسرى. يي علينا ياحماتي لسا كل شوي عم تجي وتدقي الباب اي والله مو حلوة يعني شو بدي بالجيران لساتني عروس جديدة وبدك ياني اقعد مع ختايرة شو هالحكي
ام اياد. هلأ مزعوجة لاني عم اجي على غرفتك
ع كلا الله يسامحك يلا قومي ناطرينك
يسرى. مابدي خلص استقبليهم انتي او قوليلهم يرجعو بكرى
ام اياد. ضياء احكيلك كلمة الجارات بدهن يشوفنها
ضياء. كيف هيك بدها تتركني وتطلع تقعد معهن انا مابرضى بهالشي
ام اياد. هلأ هيك .. طيب ماشي الحال انا بقعد معهم
ضياء عمل هيك ليجنن امو
قعدت امو مع الجيران ومعاد استرجت تدق عليهم الباب
بعد ساعتين جهزت ام اياد الغدا وصيحت عليهم من بعيد
طلع ضياء ومعو يسرى وماسك ايدها وعم يضحكو
ولابسين ومجهزين حالهم
طبعا ضياء عم يمثل قدام امو انو مبسوط
ام اياد. لك وين رايحين
يسرى. حماتي انا طلبت من ضياء انو نتغدى برات البيت وهوا مارفضلي طلب
ام اياد. بس انا جهزت الغدا
يسرى. اي تغدي انتي ولاتهكلي همنا
ضياء. يلا امي سلام
ام اياد ظلت ع اخر خبر
ام اياد. يخرب بيتها من اول يوم نستو رهف والله باين هالبنت قوية
#الكاتبة_روان_الشبلاق
مرق يوم اسود كتير ع رهف والحزن مافارقها ومارضيت تاكل شي
وضياء كل تفكيرو برهف بس هلأ همو الاكبر انو يقنع امو انها كانت غلطانة بأختيارها
بعد مرور كم يوم ضياء حاول يتصل برهف لانو كان متمني يسمع صوتها بس موبايلها كان مغلق
ركب سيارتو وصار يفتل حوالي بيتهم بلكي تطلع ويشوفها بس ماطلعت
باليوم الثاني
طلع ضياء من غرفتو ونادتلو امو

#حروف_الموت_الكاتبة_روان_الشبلاق
الجزء الاول
علمتني ٱلعشق .. وعلمتك ٱلأشتياق
وقتلتني بـ ٱلبعد .. فـ قتلتك بالفرٱق
فثأرة مني بـ ٱلحنين .. وٱقتسمنا ٱلٱلم بيننا
فٱليك ٱلوجع .. وٱلي ٱلٱنين .. فـ تبااً لناا
فـ هذه مصير كل ٱلعاشقين !!
ضياء شب مميز كتير عن باقي الشباب رومنسي لأبعد الحدود بهمو جمال الروح مو الجسد
حلووو كتير ع جمالو الف بنت بتتمناه وبس حضر بغطي ع الكل بروعتو
خلوق ومهذب و اجتماعي و هادي كتير مع الي مابيعرفهم
بس مع الي بحبها ازعر ومجنون
كتير بنات حاولو يكسبو قلبو بس ماقدرو لأن في بنت ماخده قلبو وروحو
عمرو 26 سنة
اصغر واحد بأخواتو
بحب بنت خالو رهف هي كل حياتو بس ماحدا بيعرف بحبو الها
رهف وحيدة ماعندها اخوات بنات عمرها 21 سنة متوسطة الجمال بس كانت تعاني من صحتها الزايدة كان وزنها تقريبا 90 كيلو
وارادتها ضعيفة كتير بأنو تنزل وزنها
بس مع هيك ضياء كان يحبها كتير واختارها من بين كل بنات خوالو وعمامو الي كانن متعربشاتو وبدهن ياه لان جمالو لا يوصف
ام اياد هي امو لضياء بتحبو كتير لانو اصغر واحد بأولادها ومهما كبر بظل بعينها صغير
ضياء مدللها كتير لأمو وحنون عليها وعندو ياها بالدنيا
ام اياد. ضياء لاتنسى الاغراض الي وصيتك عليهم وانت راجع من الشغل
ضياء. والله من هلأ نسيت ذكريني بقدونس وشو ؟
ام اياد. ماشاء الله عليك مين جاب سيرة البقدونس قلتلك كزبرة و
ضياء لا تعدي .. لا تعدي خلص ابعتيلي برسالة لان من هون للمسا رح بنسا
ام اياد. لك والله انت من هلأ فاقد الذاكرة كيف بس تتزوج الله يعين مرتك عليك
راح ضياء لعند امو وضمها وصار يجاكر فيها
ام اياد. لك تركني خنقتني
ضياء. نيال مرتك عليك مو الله يعينها عليك
ام اياد. ع شو نيالها غير من اول اسبوع تجيبلها الجلطة
ضياء. لك نيالها لأن انتي رح تصيري حماتها
رح تكون اسعد انسانة لانو عندا هيك حمايه
ام اياد. اي حل عني بقا
ايمتا يجي هداك اليوم الي زوجك فيه واخلص منك
ضياء. اهلين ام اياد والله
عجبك هيك اخرتيني عن شغلي
ام اياد. اي يلا روح
ضياء. ماشي لكن نلتقي المسا
بدك شي
ام اياد. الله معك الله يحميك ويوفقك
ضياء. اي كتريلنا من الدعاوي بلا ماتنزل قذيفة فوق راسي
ام اياد. لك بلا هالحكي هاد عند الصبح بعيد الشر عن قلبك
ضياء. يلا سلام
ام اياد. الله معك
ام اياد. هههه اف يااا شو هاد
بس والله اغلا شي بأولادي هوا حنون وغالي الله يوفقو ويسر امرو
الله يرضا عليك يا ضياء رضا قلبي وربي
#الكاتبة_روان_الشبلاق
المسا في بيت رهف
ام وسيم. يلا يارهف بدنا نجهز الغدا هلأ ابوكي بقعد من النوم وبدو يروح ع المحل خلصيني بقا
شو شو شو شوهاد ليش هيك لابسة ومزبطة حالك وتاركة الشقا ع مين بقا
وين رايحة ع خير
رهف. يا ماما يا حبيبتي ياقلبي ياعيوني ياعمري انتي مالي رايحة ع مكان بس اليوم مابدي اشتغل
ام وسيم. شو مناسبة الحكي الحلو
وليش مابدك تشتغلي
رهف. هيك يعني اعتبريني خدامة واخدت اجازة بلا راتب مابصير
ولا ليش اعتبريني ما انا ع الحالتين خدامة
ام وسيم. اي تعي اشتغلي بلكي بخف وزنك
رهف. ضروري كل ماشفتيني هيك رايئة تذكريني بس معليش مارح اهتم وطالعة شوي لبرا وراجعة ما بتأخر
ام وسيم. لك رهف لك تعي وين رايحة الله يعدمني ياكي
طلعت رهف لبرا وعم تستنا ضياء لان ع الموعد بيجي عليها وهوا راجع من شغلو
وصل ضياء لعندها
ضياء. كيفها حبيبتي ونور عيوني
رهف. مشتاقتلك كتير كتير ليش مبارح ماشفتك
ضياء. شغل ياعمري
رهف. اممم يلعن الشغل وساعتو الي بيحرمني من شوفت الغالي
ضياء. لك انتي رهوفتي الغالية بس ماقلتيلي شو صار بالريجيم
رهف. امممم لك انت مابتمل كل ماتشوفني بتذكرني
ضياء. لساتك ملتزمة فيه
رهف. اي طبعا
ضياء. رهف اتطلعي بعيوني لا تكذبي بكشفك انا
رهف. اي شو اعمل عم حاول ماعم اقدر بس شوف الاكل مابقاوم
ضياء. يارهف ياحبيبتي انا والله مابحكي مشاني انا بحبك كيف ماكنتي وانتي بتعرفي هالشي وانا من لما اخترتك كنتي هيك قد الدبة بس رغم هالشي حبيتك ودخلتي لقلبي
وانا بحكي مشانك لأني بعرف كل رفقاتك بيتمسخرو عليكي
ليش لتخليلهم مجال
خلي ارادتك قوية وقرري انك تنحفي حالك صدقيني غير بسهولة تنحفي
رهف. اي والله معك حق انا لازم اقهر كل بنات عمي ونزل وزني بسرعة افففف ياه والله مليت من حكين وتعليقاتن عليي بس لتكون انت بتحكي هيك لاني مو عاجبتك اه ولا احكي بصراحة
ضياء. امممم اسمعي لكن بحبك يا مجنونة كيف ماكنت تكوني
وإن مساعك قلبي بتساعك عيوني
عالورد بمشيكي وبلحق خطاويكي
بعشق كلشي فيكي يا أغلى من عيوني
رهف. لك ان شاء الله بيسلملي هالصوت الحنون
ضياء. مين رح يجي عليكم اليوم بالليل
رهف. اووووه ما انت بتعرف انو بيتنا بالليل ما بيفضا بييجن اغلب عماتي واعمامي واولادهن وبناتهن والكل الكل
الا انت وعمتي ام اياد بدكم واسطة لتيجو
ضياء. هههههه طب ياحبي اليوم رح جيب امي واجي لاني مشتاقلك كتير وماعم اشبع من شوفتك
ومابدي متل كل مره تتركيني وتبلشي بالضيوف

#حروف_الموت_الكاتبة_روان_الشبلاق
الجزء الثاني
بالليل في بيت ابو وسيم الكل سهرانين متل كل يوم عمامها وعماتها لرهف واولادهم
دء باب بيتهم
ورهف كانت تعرف انو هاد ضياء
ام وسيم. رهف ودي الكاسات ع المطبخ بين ما انا افتح الباب
رهف. خليكي.. خليكي لا والله مابتقومي انا بفتح
ام وسيم. ماشاء الله من وين الك النشاط
راحت رهف وفتحت الباب وسلمت ع عمتها ودخلت ام اياد
ظلو رهف وضياء
يتطلعو ببعض
ضياء. مساء الحب والورد
رهف. ههههههه
ضياء. ههههههه شو
رهف. ههههه ولشي تفضل
ضياء. ضروري نفوت خلينا هون لحالنا
رهف. لك فوت مو حلوة وقفتنا ع الباب بلكي حدا شافنا
ضياء. بالله شو في ليش عم بتضحكي
رهف. امممم بصراحة رهام بنت عمي ياسر و بيان بنت عمي خالد هون وانا رح اقعد مقابيلك واذا شفتك اتطلعت عليهن يا ووويلك
ضياء. اهاااا وانا قول شو سر هالضحكة
رهف. يي لك فوت والله هلأ بيعرفو انو واقفين مع بعض
في الصالة
ابو وسيم. اهلا وسهلا بأم اياد شو ليش مابتبيني كل شهر لنشوفك مره
ام اياد. والله يا اخي اشغال
وهالحياه انت بتعرف كل واحد فينا مسؤول عن عيلة
ابو وسيم. يالله خير المهم بنشوفكم بخير والله يهدي بالنا وبالكم
ام اياد. امين يارب
دخلو رهف وضياء ع الصالة
وسلم ضياء ع اخواله
ام اياد. وينك لهلأ خابريتك كنت ورايي
ضياء. رحت صفيت السيارة منيح
ام اياد. اي خالك زعلان منك ال من فترة قالك انو بدو ياك تروح لعندو ع المحل عندو شغلة ومارحت
ضياء. ايمتا هالحكي
ابو وسيم. صرلو شهر تقريبا وانا لهلأ بستنا فيك عندي كم شغلة بالمحل بدهم تصليح وماحدا بيعرف فيهن غيرك
ضياء. اي ولو ابشر خال كنت ناسي القصة كلا
ابو وسيم. ولا يهمك هي ذكرتك
رهام وبيان بنات اعمامها لرهف
رهام بنت عمها ياسر. بيان شوفي شو متقل حالو ريتو يسلملي هالجمال مغطي ع كل الموجودين
بيان. اخرسي لا تحكي ع حبيبي
رهام. بالله اعملتيه حبيبك
بيان. اي حبيبي اذا غيرانة هي احمد اخي ليكو قاعد هنيك وعم يطلع عليكي
رهام. تذربي منك لأخوكي انا بدي ضياء وبس سيد الشباب
بيان. اصلا هوا بس يجي يتزوج مارح يطلع فيكي لانو انا احلا منك
رهام. اسمعو مين بحكي
ام وسيم. رهف قومي اعملي ابريق شاي واعملي معو بوشار
رهف. حاضر امي
رهام وبيان. ونحنا جايين معك
رهف. اي امشو
في المطبخ
رهام. شو عم تعملي
رهف. قهوووة
رهام. بس امك قالت شاي وبوشار
رهف في نفسها بس ضياء حبيبي بحب القهوة لانو هلأ اكيد رح يشرب دخان
رهف. اي الشاي وره القهوة
دخلت رهف ع الصالة لتضيف القهوة وضياء ماشال عيونو عنها وبس وصلت لعندو غمزها وضحك
وهي انبسطت كتير
رهف في نفسها اااه يا ضياء ايمتا يجي اليوم الي رح ضيفك فيه بصفتي خطيبتك
ياسر عمها لرهف وابوها لرهام
ياسر. ياجماعة بما انو الكل موجودين هون فأنا بشرفني اعزمكم على عرس بنتي وئام يوم الجمعة ان شاء الله طبعا كل واحد فيكم رح تصلو عزيمتو على بيتو وبتشرف بوجودكم جميعا
ابو وسيم. ان شاء الله الف مبروك واحنا اخي مابدنا عزيمة وئام متل بنتي
ياسر. تسلم
وانت ضياء بدي ياك تكون اول الحاضرين
ضياء. انا ليش !!
ياسر. اي انت ليش العرس بصير من دونك ماحدا بشجع الشباب والبنات ع الدبكة والرقصة غيرك لأنك ماشاء الله بكل عرس بتورجينا ابداعك وقليل الشباب الي متلك بيعرفو يرقصو ويدبكو
بيان. اي ضياء العرس ماحلو بدونك
ضياء. هههههه يعني عملتوني رقاص العيلة خلص بدي بطل هالشغلة
ياسر. له يا خال مين قال هيك بالعكس بكل عرس وقت تمسك دبكة ما بتشوف كيف بتولعها والبنات بصيرو يحومو حوليك شو مو عاجبك هالشي
ضياء اتطلع ب رهف وضحك
ورهف الغيرة عم تاكلها اكل
رهام. رهف .. رهف تعي لقلك
رهف. نعم
رهام. شو رح تلبسي بعرس اختي
رهف. مابعرف لسا مافكرت
رهام. لك حاولي خففي وزنك قبل العرس
رهف. في مجال تختصري
رهام. ليش زعلتي
رهف. لك مازعلت بس ناديتيلي لتسأليني اسألة بايخة
رهام. طب مين بدو يعملك ماكياجك وشعرك
رهف. لك حلو عني بكرا بنحكي وبنتفق
#الكاتبة_روان_الشبلاق
راحت رهف وقعدت مقابل ضياء وبعتتلو ع الواتس
رهف. ماشي يا ضياء اعمل وكتر 👌🏻
شافا ضياء وهيا تكتب فتح الرسالة وقرأها
ضياء. هههههههه 😂 😂
لك شبكي
رهف. ماقلتلك لا تعطيهن وجه ليش عم تجاكرني
ضياء. ماعم جاكرك وماعطيت وجه
رهف. بس شاطر تضحك لبيان 😏
ضياء. غيرانة 😜 😜
رهف. حل عني ياه
ام وسيم. رهف اتركي الموبايل من ايدك وقومي حطي فواكه
بقيو سهرانين عندهم لوقت متأخر
والكل راحو وهلأ ضياء وامو بدهم يرجعو ع بيتهم
قام ضياء ليشغل السيارة وخلا موبايلو قصدا مكان ماكان قاعد
ضياء. استني هون شوي لشغل السيارة بدها ساعة ما بتشتغل
ام اياد. اي ماشي
ام وسيم. لكن تعي لورجيكي الهدايا الي بعتتهم اختي لبين مايشغل السيارة
اياد. اه موبايلي نسيتو اعطيني ياه
رهف. انا انا بجبلك ياه
اخدت الموبايل رهف وطلعت وراه
ضياء. اطلعي لنروح دوره بالسيارة
رهف. شاطر والله خلي الي مابيعرف بقصتنا يصير يعرف

ضياء. لك صحيح ما وعدتيني تبلشي ريجيم شفتك اكلتي 3 تفاحات وموزاية
رهف. هلأ هيك ياضياء عم تراقبني اديش باكل
ضياء. لك لا تجننيني نحنا شو اتفقنا اليوم
رهف. لك اي خلص انا من بكرا رح بلش ريجيم قاسي ومارح اكل ولا قمة
ضياء. اي لنشوف
رهف. بدك تجي بكرا
ضياء. ليش فيني ما اجي
رهف. لكن رح انطرك متل العادة
ضياء. حبيبتي ماتنسي الريجيم مشان العرس بدي ياكي تطلعي احلا وحده بكل الموجودين
رهف. الي بسمعك بقول العرس بدو شهر كلا يومين
ضياء. معليش حاولي وهلأ روحي نادي لأمي بلا مايشكو فينا
رهف. اوك رايحة
ضياء. رح اشتقلك انتبهي ع حالك
رهف. وانا بشتقلك
باليوم الثاني
#الكاتبة_روان_الشبلاق
راح ضياء العصر بس رجع من شغلو لعند رهف وكانت تستناه
ضياء. كيفك ياعمري وياحياتي وياروحي وياقلبي ويا كل شي بملكو
رهف. هههههه كل هاد الحكي الي
ضياء. اي طبعا اذا ماحكيت هالحكي الك لمين بدي احكيه
بس انتي ماعم تهتمي فيني
رهف. كيف يعني مابهتم فيك
ضياء. يعني مابتسمعيني كلمة حلوة او بتبوسيني او بتمسكي ايدي
رهف. ههههه لك استحي ع حالك ال تبوسيني
طلعت ام وسيم وشافت ضياء
واقف مع رهف
ام وسيم. ضياء اهلا وسهلا يا ابني ليش جايي بهالوقت خير في شي
ما الك بالعادة تجي بالنهار
رهف تلبكت وماعرفت شو تحكي
ضياء. انا اجيت مشان
رهف. لا لا امي مافي شي
بس ضياء جايي يقوللنا انو عازمنا ع الغدا هلأ وقلتلو انو يأجلها مو راضي
ضياء تفاجئ من حكي رهف
ام وسيم. ههههه شو مناسبة العزيمة هلأ
ضياء. عادي اذا مابدك بنأجل..
ضياء. قصدي والله هيك امي بدها وقالت اذا مابتجي انتي ورهف بتزعل منكم
ام وسيم. يي شو هالحكي عزيمة وقت العصر
رهف. اي امي وهلأ عمتي بتكون ناطريتنا لانو ضياء نسي يخبرنا الصبح
ضياء. بصراحة هي قالتلي خبركم الصبح بس انا نسيت وهلأ بتكون ناطريتنا
ام وسيم. ولا يهمك هلأ انا بحكي معها وبقوللها انو والله ما الها داعي
ضياء. اي خلص بدون ماتحكي معها هي مارح تزعل
رجعت نكشتو رهف
ضياء. والله بتزعل اذا مارحتو معي هلأ قالت اجي رجلي ع رجلكم
رهف. خلص امي خلينا نروح كرمال ضياء حرام نطرناه كتير وع الحالتين ابي رح يتغدا بالشغل
بنسهر عند عمتي وبنرجع
مزبوط ضياء
ضياء. اي مزبوط
ام وسيم. خلص بنروح
رهف. هيييييي
ام وسيم. انتي بس بدك كلمة
يلا روحي سكري باب البيت وتعي خلصينا
ضياء ماصارلو يحكي مع رهف لانو امها كانت موجودة
بالسيارة طلعت ام وسيم جنب ضياء
ام وسيم. يعني ماقالتلك شو مناسبة العزيمة
ضياء. لا والله ما قالت بس اكيد حابة تشوفكم وتردلكم جمايلكم معها
ام وسيم. الله يصلحك لو خبرتني كنت رحت بكير وساعدتها مو حلوة هيك روح بوقت الغدا
ضياء. حصل خير خالتي
انتو بتشرفو ايمتا ما اجيتو
وصلو ع بيت ام اياد ونزلو
سلمو ع ام اياد
ضياء ماعرف كيف بدو يخبر امو وشو بدو يقوللها لهيك قرر يظل ساكت
ام اياد. ميت اهلا وسهلا شو هالزيارة الحلوة والله نورتونا
ام وسيم. تسلمي يارب يعني والله ماكان في داعي انو
رهف قاطعت امها حتى ماينكشفو
رهف. ماما موبايلك وينو جبتيه ولا نسيتيه بالبيت
ام وسيم. ليكو معي ارتاحي انتي
راحت ام اياد ع المطبخ تجيب العصير ولحقها ضياء
ضياء. شو طابخة ست الحبايب اليوم
ام اياد. مو طابخة شي في اكل من مبارح
ضياء. لا تقوليها
ام اياد. ليش جوعان
ضياء. لا بس مو حلوة تحطي اكل بايت ومرت خالي هون
ام اياد. يي مين قال هالحكي هلأ رح بلش بالطبخ ورح حظر احلى سفره
ضياء. لا خليني جبلك جاهز مافي داعي اتعبي حالك
ام اياد. لا لا انا بطبخ
ضياء. خلص قلتلك انا بجبلك
ام اياد. متل مابدك
طلعو ع الصالة وشربو عصير
وبس خلصو دخل ضياء ع غرفتو
رهف. انا رايحة ع الحمام
رهف لحقت ضياء
ضياء. تعي لهون اجيتي والله جابك كيف هيك بتحطيني بهالموقف شو بدي اعمل هلأ بس انكشف
رهف. هههههههه رح يوقف قلبي من الضحك
ضياء. اي ضحكي لأ وكمان حتى بهي الشغلة مافكرت الا بالأكل ال ضياء عازمنا ع غدا لك كنتي قولي عازمنا ع سهرة او جايي بدو ابي
ماقيتي الا غدا
رهف. هههههههه لك سكوت بكفي
ضياء. ماشي انا بورجيكي الايام جايه
رهف. هي مشان تتعلم تضحك لبيان مبارح
ضياء. اهاااا ع كلا ماشي الحال
رهف. وين بدك تروح هلأ
ضياء. بدي روح جبلك غدا جاهز
رهف. يا سلام
ضياء. اتطمني رح جبلك الك سلطة وممنوع تاكلي غيرها
رهف. بالله شو مو ع كيفك
ضياء. جربي اكسري الريجيم وشوفي شو بدي اعمل فيكي لأن قلبي مليان منك
رهف. ههههههه بتستاهل لكن
راح ضياء جاب غدا جاهز
وحطو الغدا
ورهف قعدت جنب ضياء
وحطلها صحن السلطة قدامها
ام وسيم. والله ماكان مافي داعي للعزيمة كلها
ضياء اتشردء واعطوه مي يشرب
رهف. ههههه صحة صحة
ام اياد. ولو يا ام وسيم حضرتي وبيحضر واجبك معك
ام وسيم في نفسها يوه ليش مو هيا عازمتنا
ام اياد في نفسها ايا عزيمة بتقصد
ام اياد. لا تأخذونا مافي شي من واجبكم وجيتكم هي مو محسوبة لو جايين بكير كنا كسبناكم من الصبح وكنا قمنا بواجبكم لانو والله مقصرين

#حروف_الموت_الكاتبة_روان_الشبلاق
الجزء الثالث
يوم العرس الجمعة الصبح
راح ضياء لعند بيت خالو بس ما لقا رهف اتصل فيها وكان جايبلها وردة معو
ضياء. كيفك حبيبتي
رهف. تمام مشتاقتلك
ضياء. يعني حابة تشوفيني
رهف. اي اكيد واليوم المسا رح شوفك
ضياء. طيب انا هلأ بدي شوفك
رهف. ليش انت وين
ضياء. انا ناطرك تحت شجرة حبنا
رهف. هههههه وين هي شجرة حبنا
ضياء. لك تحت شجرة الزيتون الي ورا بيتكم
رهف. امممم يلا طالعة
طلعت رهف لعند ضياء
ووققو تحت الشجرة
رهف. هي شجر حبنا
ضياء. هههه مو معبية عينك
رهف. ههههه بس ليش جايبني لهون بالعادة مكانا بجنب البيت
ضياء. طيب خدي هي الوردة لأحلى وردة ولاتكتري اسألة
رهف. وااااو شو حلوة من وين جبتا
ضياء. من الشجرة الي ببيت خالي ياسر قطعتها وانا جايي وحتى انكسر الجدع كلو
وهوا كل يوم بعد الوردات هلأ بيعرف انو نقصو
رهف. ههههههه وانا بقلو هاد ضياء
ضياء. بتعمليها بعد الفصل الي عملتيه هديك المره
رهف. كتير غالية عليه هي الوردة دائما بيهتم فيها ومابخلي حدا يقطع منها
ضياء. هلأ شو بدنا منو انتي كيفك
رهف. ماشي الحال
ضياء. اممم طيب رح خليكي منيحة لكن
رهف. ضياء .. لك ضياء
قرب منها ضياء ليبوسها بس ماخلتو
ضياء. بس ولا حرف
رهف. ابعد عني يا مجنون
ضياء. انا بحبك وبعشقك بجنون
رهف. والله انك مجنون ماخفت حدا يشوفنا
ضياء. يعني مين بدو يشوفنا
رهف. اها وانا قول لحالي ليش اليوم جايي لهون تحت الشجرة كاين مخطط لهالشي
ضياء. اي شو صار يعني
رهف. خلص لا تعيدها
ضياء. ليش
رهف. لأن لا تنسا لالنا مخطوبين ولا متزوجين حتى تعمل هيك
ضياء. هلأ هاد الي زاعجك وياسيدي رح اجي واخطبك ووقتا بدي شوف شو بدك تحكي
رهف. اي ايمتا بدو يصير هالحكي
ضياء. عن قريب كتير انتي وهمتك
رهف. كيف يعني انا وهمتي
ضياء. يعني من هون لشهر اذا نحفتي 100 كيلو بتكوني خطيبتي وهي اعطيتك مهلة شهر مشان ما تقولي ما بيمداني
رهف. يعني كل شي عندك تعجيز
ضياء. وانتي كل شي عندك حتى نخطب
رهف. طيب اسمع اليوم مو ضروري تهتم بحالك كتير من دون شي انت حلو كيف لو اهتميت بحالك
ضياء. انتي بتعرفي اني مابشوف غيرك وبعرف انك غيرتي الموضوع
رهف. ههههه لك ضياء خلص تركني انا زعلانة
ضياء. ههههههه يا الله زعلانة
رهف. اي لانو كلهم رح يطلعو حلوين غير انا بسبب جسمي مارح اعجب حدا
ضياء. المهم تعجبيني الي ومامهم الباقي
رهف. اقنعتني
ضياء. يلا ارجعي ع البيت انا بدي روح لعند خالي ياسر ال البافلات ماعم يشتغلو
رهف. ومايقول لاولادو شو دخلك انت
ضياء. مالي خسران شي بزبطلو ياهن
رهف. بس رهام هنيك
ضياء. لك كبريه لعقلك لصغير
مجنونة الله يعيني عليكي
رهف. ليك استنا شوي رح روح قول لأمي اني بدي روح شوف البنات شو بيعملو وبنروح انا وياك
#الكاتبة_روان_الشبلاق
ضياء. لا تقولي انك رايحة معي
رهف. اي استناني
ضياء. ماتطولي
رهف. اي
دخلت رهف ع البيت
ام وسيم. وينك لهلأ
رهف. ماما بدي روح شوف رهام شو بدها تلبس اليوم
ام وسيم. مافي روحة بدنا نعزل البيت وبس نخلص بنروح
رهف. لا بدي روح ضروري والله
ام وسيم. طيب روحي
طلعت رهف لعند ضياء وراحت هيا وياه وبس وصلو
ياسر. له له له لعنة الله عليه
ضياء. كيفك خال عن مين بتحكي
ياسر. الله يكسر ايديه
هالحيوان الي مكسر الوردة يعني شو بستفيدو من الخراب
لو اعرفو لأبزق بوجهو
رهف. هههههههه خالي لا تدعي عليه بلكي طلع واحد بيقربلك
ياسر. مو مكتفي انو مقطع من الوردات وكاسرها كمان
ضياء. يمكن بالغلط انكسرت معو
رهف. يمكن يكون قطعها ليهديها لحبيبتو
ياسر. لا هي شغلة اولاد صغار لانو مبين مابيفهم الي عاملها هيك
رهف. هههههه بصوت واطي هي عملك ولد صغير
ضياء.ههههه عادي كم مسبة وكم دهوة ما بأثرو
فداكي
ضياء. والله يا خالي الي بحب بعمل اكتر من هيك
ياسر. الله يلعنو مين مايكون هي الوردة غالية ع قلبي ومابحب حدا يلمسها
ضياء. عملي ياها قصة رح يحكيها لكل الي رح يجو
رهف. هههههههه
ياسر. شبكم عم تضحكو انت وياها حكيت شي بضحك
بعد ساعة رجعو رهف وضياء ع بيتهم
ام وسيم. هي هيك قلتلك ما تتأخري
رهف. اي التهينا بالحكي والسوالف
بعد مرور ساعتين في بيت ضياء
ضياء. يالله يا امي خلصينا شو مطولة وانتي تلبسي والله لو صبية مابتاخدي كل هالوقت
ام اياد. صبية غصبن عنك وانت ليش مستعجل لو انك بنت ما بتصرعني هيك
ضياء. هلأ يلا لاتطولي انا رح استناكي برا
ام اياد. اي خمس دقايق ولاحقتك
#الكاتبة_روان_الشبلاق
في بيت رهف
رهف. امي مشان الله قومي خلينا نروح لك انتزع مكياجي
ام وسيم. وانتي ليش مستعجلة اذا بيتهم قريب علينا يعني شوي وبنوصل
رهف. يااااربي مليت وانا اسألك يعني مابصير نحنا لازم نكون اول الموجودين
ام وسيم. لك يعدمني ياكي اسكتي صرعتيني
رهف. طيب يلا امشي
ام وسيم. استني كمان ربع ساعة
رهف. بس ربع ساعة ها
في بيت ياسر خالو لضياء
الكل وصلو ورهف لسا ما اجت دخل ضياء وعم يدور بعيونو على رهف
انو ليش لسا ما اجت