يعرب. طيب
في الصالة
خليل. ليش اخوكي قالب وجهو وبيحكي معي بدون نفس
شفاء. اي انت تقل حالك شوي وبلاها حركات الولدنة
خليل. ليش شو عملت انا
شفاء. مو انت اكلتا لمنار بعيونك
خليل. انا
شفاء. اي انت لا تفكرني مو منتبهة عليك
خليل. اي خلص خلص لا تسمعينا نفس الموال كل مره
خليل وسخ كتير وعيونو زايغة وكان يحبها لمنار قبل ماتتزوج يعرب بس هي رفضتو واختارت يعرب
وخليل ظل يحبها لهاد الوقت وكل مايشوفها مع يعرب بجن وبس تزوجت منار من يعرب
خليل اتزوج شفاء اخت يعرب
وعندو علاقات مع بنات كتير
بس الوحيدة الي ماقدر يحصل عليها هي منار ولهلأ عم يحاول يلفت انتباهها بتصرفاتو بنظراتو
شفاء بتعرف كل وساختو وساكتة عنو لانو مابتجيب اولاد وبتخاف يطلقها وهوا فرحان بهالشي وماخذ حريتو ع الأخر
وشفاء كمان مانها احسن منو هي مابتطيقها لمنار وبتفكر انو منار مبسوطة بالي بيعملو خليل
ومصلحجية كتيررر مابتحب حدا حتى اخوها وبتعرف انهم بيتظايقو من وجود زوجها بس مع هيك بتجيبو معها
لانو بتحبو وبتعرف انو بخونها مع اكتر من بنت
في الليل كانو الكل سهرانين والوقت تأخر راحت شفاء لتنام وظل يعرب ومنار وخليل
يعرب. منار خدي البنات وروحي نامي
خليل. ليش بكير
يعرب. شووو
خليل. قصدي كمان انت بدك تنام بكير يعني
يعرب. اي بدي نام عندي شغل
راح يعرب ع غرفتو وظل طول الليل يحذر منار من تصرفات خليل
منار. اي ياحبيبي والله فهمت عليك كم مره بدك تعيد الحكي
يعرب. والله لولا شفاء لقوم اذبحو لكن انا دخل ع بيتي هيك واحد
منار. يعرب خلص بقا يالله نام انا تعبانة كتير
في اليوم التاني راح يعرب ع شغلو وخليل ظل طول الوقت اغاني ودخان وشي مقرف
منار. كانت تحاول تقضي طول وقتها بالمطبخ لحتى ما تقعد معو
في الصالة
شفاء. منار خلينا نروح ع محل التياب الي قريب من هون وبنشوف شو في عندو شي جديد داقت اخلائي
ولا شو رئيك خليل انا مليت كتير
خليل. اي ليش لا روحي حبيبتي
منار. بس يعرب مابخليني روح لحالي
شفاء. لا تخافي يعرب انا بحكي معو
منار. مارح يخليني روح
شفاء. اي قومي هلأ بنروح وبس ارجع بحكي معو
منار. لا بلاها مره تانية
شفاء. انتي هيك دائما
منار. والله بخاف يزعل يعرب
شفاء. انا بحكي معو بس يرجع يلا اووف
منار ماكان بدها تروح وتترك خليل بالبيت لحالو
شفاء. يلا قومي جهزي حالك
منار. اي
جهزت حالها منار وكانت بدها تقفل غرفة النوم بس خافت شفاء تزعل وتقول مو مأمنة علينا لهيك تركتها مفتوحة
وحطت ورقة صغيرة بس ينفتح الباب بتوقع
حتى تعرف اذا خليل رح يقرب لهنيك او لأ
شفاء. يالله مطولة
منار. لحظى بس حتى لبس البنات لانو الجو بارد كتير
بس مابنتأخر ها
شفاء. اي خلصينا
راحو ع المحل الي قريب من البيت
وخليل اتأكد انهن راحو وفتح باب الغرفة وقعت الورقة بس بدون ماينتبه عليها
وفتح خزانة تياب منار وصار يشم ريحتهن
خليل. اااااالله ع هالريحة الي بتاخد العقل نيالك يا يعرب عندك مره مو متل الي الله بلاني فيها مابتتشبه لظفر مرتك
لو انك عندي يا منار لعيشك متل الاميرات
خليل ما خلا شي ما فتش فيه وظل اكتر من نص ساعة بالغرفة
يتبع...