قصة جديدة: #هيك_قدرنا
.............
قراءة ممتعة🦋💙"
#ⴅÂÐЄĦÂ

#هيك_قدرنا

#الجز_الثالث

تيم بيضحك وبيطلع بمجد وبقلو ..
هلأ انت ذكي بس مو اذكى مني
( الشرطة بطريقا ع موقعن )
مجد . شو اصدك
تيم . انا بعرف انو الشرطة لقطت الموقع لهيك رح اعمل شغلة قبل ماروح
مجد . وشو هالشغلة
تيم . قبل ماقلك شراب مي منشان ما ينشف حلقك لما تجاوبني
( المي محطوط فيا سم )
مجد . ماني عطشان
تيم . شراب عم قلك
مجد . شو رح تعمل اذا قلتلك مااابدي
تيم . بكل بساطة بنده للشباب بيفتحولك تمك وبحطا بحلقك يعني بكرامتك احسن وخلصني رح توصل الشرطة
مجد . هههه اي جيب الشباب يفتحولي تمي
تيم . اييه ..
( وبيجو وبيفتحولو تمو وقبل مايشربو المي بتجي الشرطة )
وبصيرو يصيحو سلم حالك والمكان محاصر
بالمحل في نفق تحت الارض ومابيعرفو غير تيم هرب منو و الشرطة ما حسنت تمسكو وبفوتو بلاقو مجد مربط بفكو وبياخدو ع المخفر ليحكيلن اللي صار ..
( الشرطة بتخبر سيلين وامو ل مجد وبيجو ع المخفر )
سيلين بتركض بتعانقو .
مجد فيك شي
لا مافيني شي ماتخافي
وفجأة بيغمى ع مجد
ام مجد . ابني شو صرلك
سيلين . مجد شبك
بياخدو اخو حسام وابو سيلين فورا ع المشفى
وهنيك بخبرون انو متسمم والسم كتير قوي وقاتل بس من حظو مو شربان كتير
سيلين . شو سم شو ياربي دخيلك
ام مجد . دكتور يعني ابني رح يتحسن مو هيك
حسام . طيب دكتور شو رح تعملو هلأ
.. انشالله رح يتحسن هلأ رح نعملو غسيل امعاء
( بدخلو ع العملية وبيطلع بعد ساعة )
ام مجد . دكتور طمني انشالله ابني مافي شي
سيلين . دكتور طمنا
الحمدلله هوة بخير فيكن تشوفو بس ما تتأخرو خمس دقايق منشان يرتاح
سيلين . طيب
ام مجد . لا انتي مافي فوتة
سيلين . ليش خالة
ام مجد . لأنو كل شي صار مع ابني بسببكن روحوا من هون
ابو سيلين . سيلين بنتي تعي لهون ورجاء يامدام احترمي حالك
حسام . خلص امي هني شو زنبن خلي سيلين تفوت كرمال اخي
ام مجد . مافي تفوت وبس
حسام . متل مابدك
( سيلين بتصير تبكي وحسام بروح وبقلا لشوي بنزل امي ع الكافيتيريا وفوتي شوفي )
سيلين . طيب ماشي شكرا كتير حسام
حسام . العفو
حسام . اخي كيفك شغلت بالنا
مجد . انا منيح
ام مجد . كلو بسس هي البنت ماعاد بدي شوفا معك
مجد . منشان الله امي سيلين مادخلا خلص
ام مجد . لا دخلا ونص لو صاير عليك شي شو بصير فيني انا
مجد . امي انا منيح كتير وسيلين حبيبتي وكرمالا بعمل كل شي
حسام . امي مو وقت هالحكي بعدين لازم نخلي يرتاح الدكتور هيك طلب
ام مجد . اي طيب ماشي
مجد . حسام خليك شوي بدي احكي معك
ام مجد . انا طالعة لكن
حسام . ماشي امي
مجد . حسام سيلين برا
حسام . اي برا
مجد . ليش ما دخلت
حسام . امك ما سمحتلا
مجد . يا الله مابدي الامور تصعب علينا اكتر
حسام . ليش اخي
مجد . بدي اخطبا تعبت ولو
حسام . احسن شي بتعملو
مجد . اي اكيد بس انشالله امك ترضى
حسام . بترضى امك طيوبة واهم شي سعادتنا
مجد . انشالله
حسام . انا طالع نزل امك ع الكافيتيريا كرمال سيلين تدخل لعندك
مجد . طيب اخي شكرا كتير
حسام . امي اروحي ننزل نشرب شاي
ام مجد . ما جاية عبالي
حسام . امي كرمالي
ام مجد . طيب ليش فيني قلك لا
حسام . لك يخليلي ياكي
( حسام بيغمز سيلين لتفوت ع مجد )
ابو سيلين . امشي خلينا نروح ع البيت
سيلين . لا بابا كرمال الله بس خليني شوفو
ابو سيلين . يلا بسرعة بس
سيلين . شكرا كتير بابا
( بتدخل سيلين ع مجد )
مجد . سيلين ياروحي اشتقتلك
سيلين . وانا كمان
( سيلين بتصير بتبكي )
مجد . ليش عم تبكي انا مقابيلك ومافيني شي
سيلين . انا السبب بعرف وامك معا حق
مجد . لا ياقلبي انتي مادخلك بشي لا تحملي حالك القصة بزعل والله
وامي من خوفا حكت هيك امي قلبا طيب كتير بس تهدا بتصير غير
سيلين . يخليلي ياك الله يبعد المشاكل عنا بكفي من اول السنة ماشفنا شي من الخير
مجد . بس نتزوج رح عوضك عن كلشي بوعدك
سيلين انشالله ياروحي
( بيدخل ابو سيلين ع مجد )
مجد . اهلين عمي تفضل
ابو سيلين . الحمدلله ع سلامتك
مجد . الله يسلمك يارب
ابو سيلين . لا تواخذنا ياابني غلطنا معك كتير بس والله انا تغيرت من بعد الشي يلي صار ماعدت شخص سيئ
مجد . انت من البداية مانك سيئ عمي لأنو السيئ عن حق مافي شي بغيرو
ابو سيلين . انا عزبتك كتير وعرضت حياة بنتي للخطر
سيلين . بابا انسى الماضي وخلينا نفتح صفحة جديدة ولا تلوم حالك انت ماعملت شي كلو من ورا راس يلي اسمو تيم
مجد . متل ماقالتلك سيلين عمي خلينا ننسى كلشي صار
ابو سيلين . انشالله .. يلا بنتي خلينا نروح والحمدلله ع سلامتك مرة تانية ابني
مجد . الله يسلمك يارب
سيلين . يلا باي حبيبي انتبه ع حالك
مجد . الله معك وانتي كمان
( وهنن وطالعين بتجي سوزان خالتا ل سيلين ع المشفى )
سيلين .خالتي انتي شو جابك لهون مابكفي يلي عملو ابنك
ابو سيلين . سيلين عيب هالحكي هي بتضل خالتك
سيلين . لا بابا هني بالزات مو عيب يتبهدلو
سوزان . معك حق يا بنت اختي بس انا مو طالع شي بأيدي انا مصدومة باللي عملو ابني
سيلين . بس الشرطة تمسك ابنك وحياتك

#هيك_قدرنا

#الجزء_الرابع_و_الأخير

بيجي حسام من الصيدلية ومجد بيطلب منو يوصل سيلين
حسام . يلا رح وصلا
سيلين . شكرا كتير بدي عزبك
حسام . لا مافي عزاب تفضلي
( وبالطريق بتحكيلو سيلين علاقتا هية ومجد)
حسام . حبيت هي شغلة انو ايديكن مافيون بلا بعض
سيلين . هههه اي انا ومجد دائما سوا مجد حببني بالحياة شجعني ع كتير شغلات كنت ضعيفة فيون
حسام . والله قصتكن حلوة و مو حلوة
سيلين . هههه اكيد الشي اللي مو حلو المشاكل يلي صارت
حسام . اي انتو عانيتو كتير بس انشالله رح تصير حياتكن احسن
سيلين . انشالله .. بتعرف حسام بحياتي ما تخيلت انو يصير معنا هيك مشاكل متل المسلسلات صارت قصتنا
حسام .اي والله بس حبكن اقوى من انو يخرب لهيك ماتخافي من شي وانسي يلي صار
سيلين . يارب ..
انا وصلت شكرا كتير الك
حسام . العفو الله معك
( وبطريق رجعتو لحسام بيجي تليفون انو لازم يسافر بعد 3 ايام )
بيوصل ع البيت وبقول ل امو انو لازم يسافر ويضب غراضو
ام مجد . ماشبعت منك بجايتك صارت المشاكل كلا
حسام . منيح كنت معكن وانشالله المرة الجاية بجي ع فرحة اخي
ام مجد . انشالله ياعمري وبدي افرح فيك
حسام . هههه اي انشالله
( بيجي اليوم التاني وبتروح ام مجد ع بيت سيلين لتطلب ايدا )
بوافقو اهلا و بيحكو بالتفاصيل كلا وكان طلب مجد انو يستعجلو بالعرس
واهالين بوافقو انو العرس يكون قريب ...
( بعد 4 ايام بتصير خطبة مجد وسيلين )
ام سيلين . مقهورة انو خالتك مو موجودة
سيلين . امي معقول تنقهري بعد كلشي صار
ام سيلين . لك يابنتي خالتك شو ذنبا
سيلين . امي ماذنبا شي بس اذا قلنالا اكيد رح يعرف تيم ورح يصير مشاكل وانا صرت بتوقع كلشي من تيم
ام سيلين . ليش تيم معروفة وين اراضي
سيلين . اي بالناقص منو .. هلأ المهم كيف طالعة انا
ام سيلين . حلوة كتير وقمر ياروح امك
سيلين . تؤبشيني ابش
بتطلع سيلين وبيجي تيم بيلبسو الخواتم وبيكتبو كتابن...
وبحددو موعد العرس بعد اسبوع
سيلين . ياالله امي حاسة حالي مارح لحق اعمل شي
لسا بدي فستان وبدي احجز عند الكوافيرة وبدي ابعت الكروت لرفقاتي هف
ام سيلين . هههه كلو منلحقو ماتاكي هم
سيلين ..انشاالله
( تاني يوم بتروح سيلين وبتختار فستان عرسا ومجد بروح وبيختار طقمو )
وبمرو الايام وبيخلص الاسبوع وبيجي يوم العرس ..
سيلين . امي رح اتأخر
ام سيلين . ركزي شوي خليا تعرف تعملك شعراتك
سيلين . اي بس متلبكة
الكوافيرة . اي حقك بس هدي اعصابك منشان يزبطو شعراتك ياقمر
سيلين . ههه اي طيب
مجد عم يحلق شعراتو ومعو اخو
( حسام بيجي قبل عرسو اخو بيوم بيحضر العرس وبسافر بعد يوم )
مجد . كيف اخي تمام
حسام . شو هالحلاوة ولاك الله يحميك لشبابك
مجد . هههه ويحميك اخووي
( بتمر ساعة ومجد بحضر حالو ليروح ياخد سيلين )...
بيوصل مجد ع سيلين
وبيصفن فيا دقيقتين بقرب عليها وبقلا
طالعة بتجنني ياحبيبة عمري
سيلين . وانت كمان ياروحي
بيمسك ايدا وبينزلو ع الصالة ..
وبيمضى ساعتين ع العرس انبسطو كتير وكان احلا يوم بعمرن .. بروحوا ع البيت بدون مشاكل من تيم رغم انو كانوا خايفين مايعرف ويعملن مشاكل بالعرس بس صار العكس ومضى ع خير..
( بعد 4 ايام )
مجد . حبيبتي اومي صار الصبح
سيلين . ايي مجد تركني نام شوي
( بيضحك مجد وبيتركا وبروح بحضر الفطور وبيرجع بصحيا )
مجد . سيلين هلأ حااج
سيلين .اديش الساعة
مجد . صارت 11 ونص
سيلين . يااخ نمت كتير اسفة حبيبي
مجد . ههه نوم الهنا ياقلبي يلا اومي نفكر
سيلين . يلا دقيقتين بيجهز الفطور
مجد . الفطور جاهز
سيلين . هههه ياروحي يسلمو ايديك
( بيفطرو سيلين بتحكي معو بموضوع جامعتا )
سيلين . مجد حبيبي شو منشان جامعتي صرلي شهر ونص مارحت
مجد . حبيبتي هي السنة راحت ماعاد فيكي تعملي شي شهر مو قليل السنة الجاية بتكفي
سيلين . هف يالله
مجد . ماتزعلي حلمك رح يتحقق
سيلين . اي انشالله يارب
( بيندق الباب وبروح مجد بيفتح )
وفجأة بيطلع تيم بوجهو وبأيد مسدس كاتم صوت
سيلين مين ع الباب حبيبي
مجد مابرد عليها بتروح وبتلاقي مرمي ع الارض
بتصرخ كتير وبيطلعو الجيران وبأسعفو ع المشفى
بعد الدفن بيومين بياخدوا اهلا عالمشفى وبيعملولا فحوصات لقلبا والنتيجة كانت سليمة بسبب الادوية
وسيلين معدتا بتقلب وكان الدكتور جنبا
قالتلو صرلي يومين عم دوخ كتير ومعدتي عم تقلب هالشي من الزعل دكتور
الدكتور شك انو تكون حامل وقلا رح نحللك للحمل
استغربت وقالتلو معقول
عملت تحليل الحمل وطلع في حمل وليتأكدو صورلا الدكتور والنتيجة نفسا
فرحت وزعلت
فرحت انو رح تجيب منو احلا زكرى رح تجيب روح منو
وزعلت انو ابنا رح يكون بلا اب وانو مجد مارح يشوفو وماموجود معا ب هاللحظة
بكيت كتير وقالت ل ام مجد انو هية حامل ..
امو زعلت كتير انو ابنا مو موجود ...
وهيك بمرو ( تسع شهور ع حملا وقبل ماتروح تولد راحت ع قبر مجد حطت ايدا ع ترابو وايدا التانية ع بطنا
وقالت انتو روحي وحياتي كلا ابنك رح يجي ياريتك كنت موجود 😔
( وبتبئا اعدة ساعة ع قبرو