"مقالات عن العلم وشبه العلم"
• قراءة ممتعة🍿✨
᎗᎗᎗᎗᎗᎗᎗᎗
|| @rwayate📗💚'
وقف بصعوبة كبيرة .. وجر حالو ع السيارة وطلع بالكرسي الخلفي وهي لساتا واقفة وعم تطلع فيه باستغراب ..
Telegram: @rwayate
سكر الباب وطالع راسو من الشباك ..
(لك اختي مطولة بوقفتك هاي .. لك رح موت من وجعي)
اطلعت فيه.. ومشت بسرعة لمقعدها ..
(اسفة .. اسفة)
وحركت السيارة ومشت بسرعة ع المشفى..وصلو المشفى ونزل ع الطوارئ وهي ماشية وراه وعيون كل مين بشوفا رح تاكلا اكل ..
(الجزء الثاني)
Telegram: @rwayate
لف راسو عليها بعصبية ..
(لك ركضي جيبي كرسي متحرك او ندهي شي حدا ليساعدني )
كانت لساتا مشتتة ومانا مستوعبة شي ..
ضربت بايدا ع جبهتها ..
(لك اااي .. اسفة اسفة .. وقف عندك لاجي )
وركضت ونادت ع الممرضات .. يلي اجو ومعن كرسي متحرك .. ودخلو وعملولو فحوصات وهي واقفة من بعيد وعم تراقب ..
الممرضة: كيف هيك صار معك
انس: ما بعرف .. كنت ماشي وسرحان وما شفت حالي غير بالارض
الممرضة: رح انده للشرطي ليفتحو محضر
رجف قلبا لمايا وعدلت وقفتا وفتحت عيونا ع وسعن واطلعت بانس..
انس: لك لااا .. لا اختي ما في داعي .. ليكني منيح وعين الله علي
هديت مايا ورجعت لوضعا وركزت عيونا بانس يلي كان شالح بلوزتو ليكشفو عليه ..
كان جسمو عم يجسد كل معاني الرجولة ويلي اكتملت بملامح وشو القاسية .. كانت شاردة فيه وسرحانة ..
لوقت فاقت من افكارا ع صوت دقة جوالو ..
انس: اي حبيبتي .. لا لسا ما وصلت البيت .. لك ما في شي بس اجتني شغلة ضرورية ما كنت حاسبلا حساب .. لك يا عيوني ليش قلقتي .. ليكني عم حاكيكي ومابني شي .. اي يقبرني قلبك انا
Telegram: @rwayate
كانت عم تسمع لمحادثتو بكل تركيز .. زمت شفافا ورفعت حاجبا .. وبلشت تحاكي حالا...
(اكيد هاي ست الحسن والدلال عم تطمن ع سي السيد يلي ما فيها دقيقة بلاه .. ههههه لك ولي شو غبيات نحنا ... وقال عم نلومن قال .. لك نحنا يلي بنعمل بحالنا هيك .. اي خرجنا .. )
ومع هالكلمة هزت راسا بقوة وطالعتا بصوت عالي ..
اطلع فيها انس وهو مستغرب .. وهز راسو ..
(شبك !! في شي )
اطلعت حواليها بحرج وحمرو خدودا . ..
(لا لااا ولشي .. كنت عم فكر شوي وحاكي حالي)
اطلع فيها انس وهو عم يتبسم باستهزاء..
انس: اي بس انتبهي ع حالك من حالك .. بلا ما تقتليها بعصبيتك
دارت وشا عنو بعصبية وطلعت لعند الدكتور لتطمن عليه ..
طمنا الدكتور وخبرا انو شوية رضوض وكسر باجرو وايدو وانو رح يبقى عندن لتاني نهار ليطمنو عليه اكتر ..
مايا: اي ماشي دكتور .. يعطيك العافية
رجعت لعندو..
(مممم .. اسفة كتير ما بعرف كيف ما شفتك .. وبتشكرك لانو ما شتكيت علي )
Telegram: @rwayate
كانت عم تحاكي وهو عم يطلع ع جنب ..
لوحت بايدا قدام عيونو..
(بست .. ليكني هون .. عندك حول شي .. بس لا تقول من الحادث بربك )
لوا بشفافو واطلع بعيونا نظرة سريعة ورجع بعدن عنا ..
(اي بعرف انو انت هون .. بس للاسف ما فيني اطلع عليكي وانت بهيك لبس .. لك ... لك كيف بتطلعو بهيك شي ما عم افهم .. لا وعم تقولو الشباب عم يلحقونا ويدايقونا .. استغفر الله)
كانت عم تسمعو وهي مصدومة .. ولاول مرة بحياتا بتحس بالحرج من لبسا ..
(اي .. اي .. اي انت ما دخلك .. انا ... انا رح رووح .. بخاطرك)
طلعت من عندو بسرعة وراحت ع سيارتا .. كانت عم تمشي وهي خجلانة من حالا .. لاول مرة بحياتا بتحس بالحرج من لبسا ...
ولاول مرة بحياتا ذكر بيعلق ع لبسا بهالطريقة هاي . ..
ركبت بالسيارة وشغلتا ورجعت ع بيتا وهي كتير مكركبة ومانا قدرانة تركز بشي ..
وقفت السيارة ع باب الفيلا وبلشت تشد ع زمور السيارة لحتى يسمعا الحارس ويفتحلا ..
فتحلا الباب وطلع ركض ليستقبلا .. دخلت السيارة ع الفيلا ونزلت منا وزتت المفاتيح ع الحارس وطلعت ركض ع الفيلا ..
Telegram: @rwayate
كانت الساعة تلاتة الفجر والكل نايم .. طلعت ع غرفتا وما عرفت كيف وصلت لتختا .. زتت حالا ع التخت بتعب وغمضت عيونا ..
تنفست بصعوبة ومدت ايدا ع الكومدينا حد التخت عم تتحسس ع علبة دخان ما بتنشال عنا وهي لساتا مغمضة عيونا ..
مسكت العلبة واخدت سيجارة وزتت العلبة ع التخت واخدت الولاعة وولعت السيجارة وبلشت تسحب فيها وتطالع بالدخان بمحاولة منا لتسيطر ع حالا ..
Telegram: @rwayate
كانت تسحب وتسترجع بكلشي صار معا .. من وقت لتقت براكان وبلشو يرقصو ..
كانت تتزكر بنظراتو لالها يلي بتشبع انوثتها .. وتتذكر بمحاولاتو للمسا وهني عم يرقصو ..
تتذكر بيلي عملو بالسيارة .. وهون نتفض جسما وشدت ع سيجارتا وع عيونا وانتفضو اديها .. وعصبت بزيادة ..
وفجاة وحدة هديت وقت تذكرت انس كيف سحب ايدو من ايدا وكيف كان عم يحارب حالو لحتى ما يطلع فيها .. وتتذكر بالحكي يلي حكا معا اخر شي . .. وهون حست بنغزة بقلبا ..
فتحت عيونا وسندت حالا .. طفت السيجارة وزتت راسا ع المخدة ونامت بتيابا ..
(الجزء الثالث)
Telegram: @rwayate
فاقت ع صوت جوالا يلي صرعا وهي نايمة ..
فتحت عيونا بتعب .. مانا قدرانة ترفع جفونا .. فركتن بايدا لتقدر تفتح .. وبالايد التانية مسكت جوالا واطلعت فيه ..
مايا: لك هاد الكلب راكان .. لك والو عين يدقلي كمان
سكرت الخط بوشو .. (اوووه الساعة 2)
وضربت بايدا ع جبهتا وقامت بسرعة من تختا ..
مايا: لك لازم لحقو بسرعة قبل ليطلع من المشفى
Telegram: @rwayate
اخدت روب الحمام ودخلت بسرعة ع الحمام تحممت وفتحت لخزانة وطالعت فستان احمر قصير لتلبسو .. صفنت شوي بالفستان وتذكرت حكيو لانس عن لبسا ..
رجعت الفستان ع الخزانة وطالعت قميص ابيض ساتان مورد باحمر وبنطلون جينز ..
تبسمت وهي عم تطلع بحالا بالمراية وعم تنشف شعرا بسرعة ..
لبست تيابا ع سكربينة حمرا وشنتة حمرا وحطت مكياج خفيف وتعطرت عطرا الخاص فيها واطلعت ع حالا نظرة اخيرة بالمراية ..
(لك موااااه .. يؤبرني هالجمااال انااا )
حملت مفاتيح سيارتا وطلعت وهي عم تركض ع الدرج ..
ام سعيد : صباح الخير انسة مايا
اطلعت فيها وهي عم تركض ..
(صباحو ام سعيد )
(انسة مايا .. انسة مايا .. في شي ضروري)
حاكتا وهي متوجهة ع الباب ..
(مو هلا .. مو هلا)
(بس يا انسة الوالد رح يعصب مني كتير )
وقفت واطلعت فيها بنفاذ صبر ..
(فففففف .. شو في كمان )
(السيد اكرم حابب يشوفك بالشركة اليوم .. قلي لخبرك تمري عليه )
Telegram: @rwayate
(حاااضر .. شي تاني )
(ما بدك تفطري)
رفعت ايدا واشرتلا .. (سلام .. سلام ام سعيد)
(الله يحميكي لشبابك يا بنتي)
مايا: ابو سعيد فتااح الباب زكاتك
ابو سعيد: من عيوني يا انسة
ركبت مايا سيارتا وطلعت مباشرة ع المشفى .. وهي بالطريق وقفت ع محل ورد واخدت معا باقة ورد ..
اطلعت ع حالا بمراية السيارة قبل لتنزل .. هالشي كان اهم شي بتعملو .. ما فيها تظهر قدام ايا شخص وتحت ايا ظرف الا وهي بكامل اناقتها وانوثتها ..
كانت ماشية بالممرات وعيون الكل عليها .. شكلا يمكن يكون عادي .. بس فيها شي بيجذب كل مين بشوفا ..
اناقتها .. رتابتها .. طريقة مشيا واكابريتا ..
كانت متل نسمة الهوا الباردة بعز الصيف .. مستحيل تمرق عن ايا شخص وما يستمتع فيها ويلتفتلا ..
دقت الباب بهدوء ودخلت ..
مايا: صباح الخير
Telegram: @rwayate
وقت شافا انس انتفض قلبو من جوا .. كانت احلا بكتير من ليلة امبيرح .. بتجنن بكل معنى الكلمة ..
كان عم يطلع فيها وهو مانو منتبه ع حالو وساكت ..
ميلت راسا شوي ع جنب بدلع واطلعت فيه ..
(صباااح الخيييير .. فيني فوت )
(هاا .. اي .. اي تفضلي .. تفضلي )
دخلت وبايدا الورد قربت وحطتو ع جنب التخت ... وهون انس حس حالو ع شوي رح يغمى عليه من ريحة عطرا ..
مايا: الحمد لله ع سلامتك .. وبكرر اعتزاري مرة تانية
جاوبا انس بعصبية وهو عم يحاول يبعدا ويبعد تاثير عطرا عن عقلو..
انس: ليش انت ايمت اعتزرتي
(لك اييي .. جد ما اعتزرت .. لكن ليكني هلا اعتزرت .. جد اسفة .. ما .. ما كنت بوعيي بوقتا )
(اي وقت ما تكوني بوعيك لا تطلعي بالسيارة .. ماشي)
ادايقت كتير مايا من طريقتو .. وكانت رح تنبحت عليه .. بس تمالكت حالا وغمضت عيونا وسحبت نفس لتهدي حالا ..
(ايمت ح تطلع من هون )
(وليش عم تسالي )
(لحتى وصلك ع بيتك )
Telegram: @rwayate
(لا شكرا .. ما في داعي )
عصبت كتير من اسلوبو ورفعت اصبعتا لتصرخ فيه .. بس اندق الباب .. ودخلت بنت قمة في الجمال ..
عيونا زرق ووشا متل القشطة .. ولابسة عباية سودا مع شالة زهر معطيتا جمال فوق جمالا ..
هديل: انسسسسسس .. حبيبي
وقربت منو وضمتو..
(لك ليش ما خبرتني )
انس: مانا حرزانة .. عدت ع خير
هديل: لك كيف مانا حرزانة .. لك الله ياخدهن صحابين هالسيارات .. ما بعرف ليش عم يسوقو ازا ما كانو بيعرفو يسوقو
بلشت مايا تسعل بقوة .. تبسم انس واطلع فيها .. ووقتا انتبهتلا هديل واطلعت فيها وهي متفاجاة ..
(عفوا ما انتبهتلك وقت دخلت .. اهلا وسهلا)
وقربت منا وسلمت عليها .. ولفت وشا ع انس واشرتلو بعيونا انو عم تسال مين هاي ..
(الجزء الرابع)
Telegram: @rwayate
تبسم انس واطلع فيها .. (الانسة مايا .. يلي خبطتني بالسيارة )
شهقت هديل وحمرو خدودا وتبسمتلا بخجل ..(اييي اهلا وسهلا انسة .. لا تواخزيني .. تشرفت بمعرفتك)
مايا: ولا يهمك .. اهلين فيكي
اطلعت هديل بانس وكملت حكيا لتاطلع حالا من الاحراج..
(شفت الدكتور قبل لاجي لهون .. وسجلك خروج ... جهز حالك لنطلع .. رح روح كمل لوراق مع الدكتور )
مايا: لا لا .. خليكي هون انت ساعدي .. انا رح شوف الدكتور لوقت تخلصو .. لحتى وصلللكن .. انا
واطلعت بانس ورفعت حواجبا لاتاكدلو حكيا .. وطلعت ..
راحت ودفعت تكاليف علاجو وكملت وراق الخروج
وقعدت بالسيارة .. وهي لساتا عم تفكر بالملاك يلي شافتو من شوي ..
(لك يخرب بيتا .. شوو هالجمال هاد )
بعد بشوي شافت انس من بعيد ع كرسي جرار وهديل ماسكة الكرسي وعم تدفشا ..
فتحت باب السيارة ووقفت ولوحتلن بايدا ..
وصلو لعنددا وهديل مسكتو لانس لتطالعو بالسيارة من ورا ..
هديل: استند علي .. استند علي
وطلع بالسيارة ومايا عم تراقبن بمراية السيارة ..
اخدت هديل الكرسي وراحت لبعيد شوي وبقيو انس ومايا بالسيارة ..
Telegram: @rwayate
انس: ما كان في داعي تدفعي التكاليف
مايا: هاد اقلا شي ممكن اعملو
انس: ................
مايا: ما شاء الله مرتك حلوة
انس: مرتي !! اي تسلمي ان شاء الله عن قريب رح تصير مرتي
اطلعت مايا بالمراية لتشوف ملامح وشو وهو عم يحكي ..
(كيف يعني .. ما فهمت .. مانكن مرتبطين !!)
(لا لسا ... بس خطبة مو اكتر )
وبهالوقت اجت هديل وركبت حدو بالسيارة ومشت مايا لتوصلن ع بيت انس ..
هديل: مرت عمي قلبا عم يغلي عليك .. بس ما قدرت تجي كرمال عمي
انس: شششششش
هديل: (بهمس) شبك .. ما حكيت شي
كانت مايا حاسة بشي من جواتا عم يوجعا .. مانا معودة ع هيك شعور ولا فاهمة شو هو بالزبط ..
كانت عم تطلع بهديل وهي كتير مقهورة منا ..
مايا: (عم تحاكي حالا) لك شبني انا .. ليش مغيوظة منا !! لك البنت ما عملت شي .. انس !! انس!! اي وانا شو بدي بانس .. فففففففف لك شو صرلي
Telegram: @rwayate
وفاقت من شرودها ع صوت انس ..
(يا انسة يمينك يمينك )
(اي اي يالا .. ماشي ماشي )
وصلو لبيت انس ونزلت هديل ومسكت ايدو لانس ليستند عليها .. ونزلو سوا لباب البيت ومايا لساتا بالسيارة ..
هديل: انسة مايا .. تفضلي
مايا: لا معلش.. رح روح انا
انس: اي ما بصير .. تفضلي لنشرب القهوة سوا
مايا: ممممم .. اي ماشي .. رح اجي
دقو الباب وبعد بشوي فتحت امو لانس الباب ..
كانت ست كبيرة بالعمر بس من مظهرا باين قديش هي انسانة مرتبة ومنظمة ..
ضمت ابنها لصدرها وبوستو وسلمت ع هديل ودخلتن .. واطلعت بمايا وهي مستغربة ..
اطلع انس بامو واشرلا ع مايا ..
(الانسة مايا .. ههههه يلي ضربتني بالسيارة )
حمرو خدودا لمايا واطلعت فيه من طرف عينا ..
(بعتزر كتير خالة )
Telegram: @rwayate
ام انس: لاا يا روحي وع شو عم تعتزري .. تفضلي تفضلي .. بنحكي جوا
دخلت مايا ع بيتن وحست حالا دخلت عالم تاني .. عالم ما بتعرفو من قبل .. عالم روحاني بحت ..
وقفت وهي مصدومة وعم تطلع حواليها وتدور ع مصدر الصوت يلي عم تسمعو ...
واخيرا شافت شاشة كبيرة معلقة ع جدار الصالة وصوت القران طالع منا ..
حست بقشعريرة بجسمها وبدمعة تعلقت ع طرف عينها ..
هديل: تفضلي انسة ارتاحي
فاقت مايا من شرودها وقعدت ع الكنبة ..
هاليومين بالنسبة لمايا كانو من اصعب ومن اجمل ايام حياتها .. المشاعر يلي نولدت فيها بهاليومين ما بعمرا حست فيهن ولا عرفتهن .. ولانا قدرانة تفسر شو هني ..
كانت كتير ملخبطة ومكركبة .. كل ما تطلع بانس بتحس بنغزة قوية بقلبا ...
كل ما تطلع بهديل بتحس بناار شعلت فيها ..
وهلا هالمشاعر الروحانية لجديدة يلي حست فيها وقت سمعت صوت القران ..
زيارتها لبيت انس ما تعدت الساعة .. تعرفت فيها ع امو وخطيبتو .. وحست اديش هو انسان محظوظ بهالتنتين يلي عندو وحست اديش بحبو وبخافو عليه ..
حست اديش هالبيت فيه دفا وحنية .. هالدفا والحنية يلي كانت طول عمرا تحلم فيهن وتتمنى انو تعيشن او تحس فيهن ..
Telegram: @rwayate
دق جوالا وهي شاردة وكل هالافكار عم تدور براسا ..
مايا: الووو .. اهلين بابا .. اي اي خبرتني .. جاية فورا
وقفت مايا بكل اكابرية واستازنت منن وطلعت ..
#عشق_بيوم_وليلة_بقلم_امل_احمد
(الجزء الخامس)
Telegram: @rwayate
ركبت السيارة وما قدرت تخبي دمعتها اكتر ..
كانت كتير مخنوقة .. حياتها فاضية ما فيها شي ..
يوم ولادتها كان يوم شقاها بهالحياة .. لانو نفس لنهار يلي امها ماتت فيه بعد ما صابتها حما نفاس ..
عاشت حياتها وهي حاسة بالذنب .. عم تحس حالا بانو هي السبب بموت اما ..
هالعقدة محفورة بقلبا وما ممكن تروح ابدا ..
عاشت حياة مرفهة كتير مع ابوها يلي رفض بانو يتزوج من وقت امها راحت وكرس كل حياتو لشغلو ولمايا ..
بس ابوها ع طول مشغول عنها .. بتمضى ايام وما بتشوفو ..
معطيها حريتها بكل شي .. ومانو عامل عليها رقابة ابدا ..
حياتها من وقت تخرجت من جامعتا صارت كلا سهر ولبس وبس ..
هالساعة يلي قعدتا ببيت انس حركت كل المشاعر المدفونة جواتا ..
حست حالا قديش مشتاقة لاما .. مشتاقة لحدا يكون حدا ويحسسا بوجودها ..
مسحت دمعتها بايدها وشغلت السيارة وراحت ع الشركة ..
كالعادة وقبل لتنزل من السيارة عدلت مكياجا واطلعت بحالا نظرة اخيرة بالمراية ونزلت ..
كانت عم تمشي وكانو هالكون كلو لالها .. وكانو ما في شي بيقدر يهزا .. او يعكر صفو حياتها ..
Telegram: @rwayate
كل مين بيشوفا بيحسا انسانة محظوظة كتير بقوتها .. بس بالواقع هالقوة كانت ظاهرية بس . كانت من جوا محطمة .. مكسورة ..
دخلت لمكتب ابوها واطلعت بالسكرتيرة مع ابتسامة خفيفة ..
مايا: كيفك سارة .. بابا بالمكتب
سارة: اهلين انسة مايا .. اي هون ... تفضلي
دقت الباب دقة خفيفة ودخلت .. كان ابوها عم يحكي بالجوال .. اطلع فيها واتبسملا واشرلا لتجي عندو ..
قربت منو وضمتو وبوستو وهو لساتو عم يحكي بالجوال وقعدت ع المكتب قدامو تطلع فيه ليخلص ..
خلص حكي بالجوال ..
لك اهلا ببنتي الامورة ... لك يعني ازا ما بطلب شوفك ما بتجي لعندي
مايا: هههههههه اي انت ع طول مشغول
(اي وازا مشغول ... كل يوم بتجي لهون .. فهمانة )
(ممم .. اوك استاز اكرم .. رح حااااول ههههههه)
(تسلملي هالضحكة )
دق جوالا .. طالعتو من شنتتا شافت المتصل وعصبت وسكرت ..
(مين يلي عصبا لبنتي )
(مانو مهم بابا ... انا رح روح .. بدك شي )
(لك لسا ما شفتك )
(انت مشغول بابا .. بتعرفني بمل بسرعة .. ما فيني ابقى هون اكتر )
(ماشي يا روحي .. براحتك )
Telegram: @rwayate
مشيت بالسيارة وهي كتير مخنوقة وتعبانة .. عم تلف بالشوارع ..
بهاللحظة دق جوالا .. اطلعت فيه ودمعتا بعينا ..
(اي راكان .. لك لشو عم تدق انت ولا حيوان .. لااا .. ما في اسف .. انت واحد حيوان .. مستحيل ما عاد بدي شوفك .. ابداااا)
سكرت الخط بعصبية ..
وبقيت تلف بالشوارع لوقت تعبت ورجعت ع الفيلا ..
دخلت ع الفيلا وقبل لتطلع الدرج ..
ام سعيد: انسة مايا .. عندك ضيف
تعجبت مايا وعقدت حواجبا .. (ضيف.. مين!!)
(ما بعرف .. هو بالصالة )
(الجزء السادس)
Telegram: @rwayate
راحت ع الصالة ونصدمت وقت شافتو ..
(لك انت ما بتفهم .. ما حلك تستوعب.. لك خلص ما عاد بدي شوفك .. طلاع لبرا بيتي وحياتي )
راكان: ماااايا شبك .. اهدي شوي .. انا جد اسف .. بعتزر منك .. ما قدرت سيطر ع حالي .. جد اسف
مايا: اسف!! راكان طلاع لبرا بسرعة .. خلص كلشي بينا انتهى
راكان: مايا حبيبتي .. اعطيني فرصة لاعتزر منك .. بترجاكي .. كانت لحظة ضعف وما حتنعاد
Telegram: @rwayate
سحبت نفس وقعدت ع الكنبة بتعب ..
(فففففف .. لك انت ما بتمل .. لك مالي خلق احكي خلصنا )
(لكن اصفحي عني لروح ههههه)
(اصفح عنك !! خلص ماشي .. بس تركني هلا لانو كتير تعبانة )
(خلص تكرمي .. رح روح .. بشوفك يا عسل )
وغمزا وراح ..
(لك تضرب شو مقرف )
طلعت ع غرفتا بتعب وطلبت من ام سعيد تجبلا الاكل ع تختا .. وسحبت سيجارة وبلشت تدخن .. وسرحت بخيالا .. وفجاة عصبت ....
(لك اييييي .. شبنييي انا .. شو صرلي .. لك ليش ما عم يطلع من راسي هالمخلوق ليييش .. لك ما عاد فكرت غير فيه )
كان انس هو يلي عم تفكر فيه .. من اول لحظة شافتو ما فارق خيالا ولا لحظة ...
دقت ام سعيد الباب ودخلتلا الاكل ..
اكلت بتعب ومسكت جوالا وهي مترددة ..
(دقلو او لا ؟؟ طيب شو رح قلو .. ليش عم اتصل وبهيك وقت ... ففففففف .. رح دقلو )
دقت لانس ..
حطت السماعة ع ادنا وغمضت عيونا عم تستنا لتسمع صوتو .. ونصدمت وقت سمعت صوتا لهديل ..
(الوو .. الوو .. مين معي )
تلبكت كتير وسكرت الخط بسرعة ..
سحبت نفس قوي لتهدي حالا وبلشو دموعو يهرو ع خدودا من وجع قلبا ..
(لك شو عم يصير معي .. لك ليش هالانس سيطر علي هيك .. لييش )
ورجعت دقت .. بس هالمرة دقت لراكان ..
راكان: لك اهلا بالحلوو .. روقتي يا عسل
مايا: راكان .. بدي اطلع سهرة غير شكل .. تعا خدني بسيارتك مالي خلق سوق
راكان: اي يكرم الحلووو .. جايي فورا
قامت ع خزانتا وطالعت تنورة جينز قصيرة كتير وبلوزة زهر مبينة كل مفاتنا .. وحطت مكياج صارخ وحملت شنتتا البيضة وطلعت .. كان راكان صار واصل وعم يستنا ع باب الفيلا..
نزلت عم تتغنج لوصلت السيارة وراكان عم يطلع عليها من سيارتو وبدو ياكلا اكل بعيونو ..
Telegram: @rwayate
فتحت باب السيارة وقعدت حدو وهو لساتو مفتون بشكلا وعم يتفحصا ..
(شبك !! يالا امشي )
(من عيوني يا حلووو انت )
فتحلا موسيقى اجنبية ع اعلا صوت ومشا باقصى سرعة بالسيارة ..
مايا : اي هيك ها هههههه
وولعت سيجارة وبلشت تدخن فيها وهي عم تضحك والهوا عم يلعبلا بشعرا ..
وصلو ع الملهى كالعادة ودخلو وبلشو ع طول بالرقص .. ضلو يرقصو لوقت تعبو تنيناتن ..
مايا: ههههه خلص تعبت .. ما عاد فيني
راكان: اي تعي تعي لنشرب شي
جاب راكان كاسين وبلشو يشربو ..
كانت عم تشرب متل المجنونة .. بدا تهرب من الواقع يلي عايشتو ... من حياتا الفاضية .. من شوقا لاما .. من شعورها بانو وحيدة .. عم تهرب من مشاعر انولدت بيوم وليلة بقلبا .. وكانو عم تهرب من حياتا لحياة تانية ..
مانا عرفانة انو عم تمشي بطريق كلا ظلام وهلاك ..
(الجزء السابع)
Telegram: @rwayate
بقيت تشرب لوقت ما عادت ركزت بشي وصارت تتمايل يمين وشمال ..
راكان: شبك حبي .. شو صرلك
مايا: هههههههههه .. انا ... هئ.. انا ... هئ .. هئ .. نعساااانة ههههههههههه
ومالت ع كتفو ولفت اديها ع رقبتو ..
راكان وقت شافا بهالحالة قلبو بلش يغلي و مسكا من ايدا ووقفا ..
راكان: مشي مشي معي .. وقفي
مسكت بئيدو وهي عم تتمايل يمين ويسار ومانا قدرانة توقف .. لوقت سندا ع صدرو ولفا لوصلو السيارة ..
راكان: مايا .. انت معي حبي
مايا: هههههههه .. لك اي اي معك معك .. مو شايف .. ههههههه .. لييييكنييي
راكان: شو رايك اخدك ع البيت عندي
مايا: ههههههه .. لك عندك عندي ما بتفرق هههههه .. كلو متل بعضو
كانت عم تحكي وتميل براسا ع الكرسي .. لوقت غفيت ع الكرسي...
اطلع فيها راكان وهو عم يتفحصا ويتبسم ..
راكان: والله ووقعتي يا مايا الكلبة
اخدا راكان ع بيتو وعمل فيها متل ايا حيوان بيمسك بفريسة ضعيفة بعد مطاردة سنين ..
Telegram: @rwayate
......................
كانت الشمس بعيونا ... حطت ايدا ع وشا لتغطيها وهي لساتا نايمة ..
وقت حس عليها راكان عم تتحرك ..
راكان: مايااا .. فقتي؟؟
وقت سمعت صوتو نقزت وفتحت عيونها عليه ..
مايا: لك وين انا
اطلعت ع حالا وهي بلا تياب وشرشف خفيف مغطيها وراكان واقف حد السرير وعم يطلع فيها بخباثة ..
مايا: راكان.... شو صااار .. ولااا كلب شو عملت
راكان: ههههه .. لك كنت بتجنني .. تاريكي بدك اكتر مني
شعلت نار بعيونا وبلشت تصرخ فيه ..
(ولك ياا كلب والله لادبحك ... والله )
راكان: هههههههههه .. اي قومي قومي لبسي تيابك ونقلعي من بيتي .. وهيك بنكون خالصين يا حلووو
Telegram: @rwayate
مايا: ولك يا حيواااان .. يا قذر
راكان: هههههههه .. جد ضحكتيني .. قذر!! .. لك انت ما عم تشوفي حالك .. لك مااا في اقذر منك .. بس حللللوووة .. وبتشهييي كتييير .. متلل العسسل
وقرصا من خدا .. بعدت ايدو عنا بعصبية ..
مايا: لك تفوووو عليك يا كلب
قرب منا راكان ومسك رقبتها بئيدو وهو عم يضغط عليها ..
(خرسي لاقتلك بارضك .. لك صرلك سنين عم تعزبي فيني .. ع لبس وطلعات .. وخطبة ما بدك تخطبي .. عم تلعبي فيني موو .. لك انا راكااان .. راكاان ولييي .. ولا تعملي فيها دور الضحية العفيفة الشريفة .. قومي بسرعة لبسي وطلعي ما بدي شوفك هون)
بعد عنها ورجع لف وشو عليها وهو عم يضحك (واعتبري يلي صار بدال الكف يلي ضربتيني اياه .. ههههههه )
تركا بكسرتا وبوجعا يلي مالو دوا وراح ..
(الجزء الثامن)
Telegram: @rwayate
لبست مايا تيابا وطلعت من بيتو لراكان .. كانت عم تمشي بالشارع وهي عم تداري دموعا .. وقفت تكسي وطلعت فيها ..
كانت ساندة ايدها ع شباك التكسي وعم تفكر شو لازم تعمل بالمصيبة يلي حلت عليها ..
كل عذاب حياتا بكفة ويلي صار معا بكفة تانية .. فكرت تروح ع الشرطة .. بس خافت من الفضيحة .. وخاصة انو ابوها الو اسمو ومركزو بالبلد ..
رجعت ع الفيلا واتوجهت مباشرة لغرفتها .. وقبل لتطلع الدرج .. شافتا ام سعيد بالحالة يلي هي فيها ..
ام سعيد: انسة مايا .. انت منيحة ؟؟
حكت معها وهي عم تطلع ع الدرج..
(لا حدا يزعجني ولا تدقو علي شو ما صار ... مااا بدي شوف حدا بنوب )
طلعت ع غرفتها ودخلت مباشرة ع الحمام وحطت حالا تحت الدوش وهي لساتا بتيابها .. قعدت ع طرف البانيو والمي عم تنزل عليها وهي عم تبكي وتشهق وتصرخ باعلا صوتااا ..
(لك ااااااخ .. ااااااااااااخ .. لك بدييي مووووووت .. لك ااااااااااخ.. تعببببت )
Telegram: @rwayate
بقيت ع وضعا لوقت تعبت من لصريخ .. شلحت تيابا وبلشت تتخيل براكان وتتخيل كيف نامت معو وشو ممكن يكونو عملو سوا .. قشعر جسما وصارت تفرك بجسما بقووة بمحاولة منها لتشيل شي من يلي صار ..
لبست روبها ولفت شعرا بمنشفة وزتت حالا ع تختا ومسكت سيجارة وبلشت تدخن بعصبية ... كانت عم تطفي سيجارة وتولع سيجارة .. لوقت خلصت علبة الدخان غطت راسا بالمخدة ونامت لتهرب من واقعها يلي صار بعتمة الليل ..
بقيت مايا ع هالحالة اسبوع كامل ... ما عم تطلع من غرفتها ابدا .. ولا عم تشوف حدا .. كانت ام سعيد كل يوم تفوت لعندا وتضل تترجا فيها لتحط بتما شي يخليها عايشة ..
....................................
بهالفترة انس كمان تغير شي فيه ..
انس شب ملتزم كتير .. معو دكتوراة بالشريعة وموظف بالجامعة .. عايش مع امو ببيتن البسيط .. حياتن هادية كتير وما في شي بيعكرها غير ابو ..
Telegram: @rwayate
ابو لانس من فترة اكتشفو وبالصدفة انو مدمن مخدرات .. وواصل مرحلة متقدمة بالادمان .. لهيك انس حاجزو بغرفة ببيتن وعم يحاول انو يعالجو ..
هديل طالبة بكلية الشريعة يلي بيدرس فيها انس .. بنت هادية ومحترمة .. قمة بالجمال والاخلاق والالتزام .. كملت البكالوريوس وعم تقدم ماستر بمساعدة انس ..
تعرف عليها انس بالجامعة واعجب بشخصيتها وطلب من امو لتخطبلو اياها من شي تلت شهور ..
كلشي فيها بيجذبو .. وشا الملائكة .. برائتها .. ادبها .. اجتهادها بدراستها . ..
يعني باختصار كانت نسخة منو .. متفقين بكلشي ودائما ع نفس الخط بيشتغلو ..
من وقت صار هالحادث معو لانس وهو مانو قدران يشيل صورتها لمايا من بالو ..
ريحة عطرها لساتو معلق بانفو .. لدرجة انو كل ما اتزكرها بحس بقشعريرة بجسمو ونغزة بقلبو ..
صار عم يطلع بهديل وهو عم يتخيلا قدامو ..
هديل: انس حبيبي
انس: يا روحي
هديل: ممممم انا زعلتك بشي
انس: ليش عم تسالي .. اكيد لا
هديل: ما بعرف .. بس حاسيتك متغير علي شوي
انس: ههههه لا يا روحي .. ما في شي .. بس تعبان شوي .. بتعرفي ما فيني احكي بايد وحدة
هديل: ههههههههههه .. اي مو مشكلة ايد وحدة بتكفي
انس: يسلمولي هالعيون يلي بيلمعو وقت تضحكي .. تعي حدي لاشبع منن .. تعي
حمرو خدودا خجل وزادو وشا جمال فوق جمالها واطلعت فيه بدلع..
هديل: لاااا .. هلا بتجي مرت عمي .. ما بدي
انس: اي وشو المشكلة .. ازا ما جيتي رح اجي انا .. تعيي
لوت بشفافا واطلعت فيه بخجل ..
(لاا خلص انا بجي )
Telegram: @rwayate
راحت واقعدت حدو ع طرف التخت ..
انس: تعي .. حطي راسك ع كتفي .. شتقت لريحتك كتير
هديل: اناااااس .. ما بدي والله بخجل
حط ايدو ع وشا وفرط ضحك ..
انس: هههههههه .. لك يسلملي الخجول انااا
#عشق_بيوم_وليلة_بقلم_امل_احمد
(الجزء التاسع)
Telegram: @rwayate
انس: مايا .. انا هون .. ليش هيك عم تعملي بحالك .. مايا .. مايا
مايا: (تبكي) ماني قدرانة يا انس .. تعبت من كلشي .. لك عشت حياتي كلا وحيدة .. ما الي رفقات ولا الي ام ولا حتى اب .. ابي عطاني كلشي الا الاهتمام والحنان .. وهالكلب راكان خلص ع اخر نفس الي بالحياة
تبسم انس ومدلا ايدو من بعيد ..
(تعي لعندي .. انت ما لازم تنكسري .. انت نضيفة من جوا .. نضيفة كتير .. وقفي ع رجليكي وحاج عم تموتي حالك بزيادة )
تبسمت مايا ومدت ايدا لانس ووقفت .. مسكلا ايدا وانتفض جسما وفتحت عيونا وفاقت من نوما ..
مايا: انس .. انس .. ااااه .. انسسسس
مسحت لدموع يلي لساتن معلقين بعيونا من منامها وشالت الغطا وقامت ...
وقفت قدام لمراية واطلعت بوشا يلي صار اسود من قهرا وتعب قلبا ..
مسحت بايدا ع وشا واطلعت بايدا وتزكرت وقت انس مسكلا ايدا بالمنام .. حست برعشة بقلبا وضمتا لصدرا وتبسمت ...
دخلت ع الحمام تحممت وطلعت لبست بنطلون جينز وقميص خفيف زهر وفوقو جكيت جينز بلون البنطلون وحطت مكياج خفيف ونزلت ع الصالة ..
وقت شافتا ام سعيد اجت لعندا ركض وهي كتير فرحانة ..
(انسة مايا واخيراا .. تاكلي شي .. اعملك شي )
(بدي قهوة .. ويا ريت تكون تقيلة )
Telegram: @rwayate
(شو رايك اعملك شي قبلا لتاكليه )
(لااا ... ماني قدرانة .. بدي قهوة وطالعيلي اياها ع الجنينة )
طلعت مايا ع الجنينة .. طالعت سيجارة من علبة الدخان ولعتا وبلشت تدخن و تفكر بكلشي بحياتها .. ولوين وصلت حالا .. عم تفكر شو يلي وصلها لهون .. وكيف انو هي جرت حالا لهيك طريق ..
اجت ام سعيد ومعها القهوة .. حطت الفنجان قداما ع الطاولة وحدو قطعة كيك ..
(تفضلي انسة .. فرحت كتير انو طلعتي من غرفتك )
ولفت حالا ام سعيد لتروح ..
نفخت الدخان يلي مجمع بتما لفوق ..
مايا: خبريني عن امي ام سعيد
وقفت ام سعيد ولفت حالا ورجعت لعند مايا ..
(امك !! .. الله يرحمها ويتقبلها يا بنتي .. شو بدك تعرفي عنها )
Telegram: @rwayate
سحبت من السيجارة وهي مغمضة عيونها ...
(كلشي .. او ... ايا شي .. احكيلي عنها شوي )
(امك كانت بتشبهك كتير .. حلوة متلك وبتحب الحياة وبتحب تتمتع فيها .. كانت تهتم بحالا كتير .. ما بتزكر ولا مرة شفتا من غير زينة .. بكل اوقاتها كانت متل الاميرات .. بس .. بس .. هي كانت اقوى منك بكتير )
اطلعت فيها مايا ببرود ..
(كيف اقوى مني !!)
(انا .. انا ما بعرف شو صاير معك يا بنتي .. بس كل مشكلة بالحياة والها حل .. امك بزمناتها واجهت مشاكل كبيرة .. كل مشكلة كانت تطلع منها اقوى .. ولا مرة انكسرت وولا مرة ضعفت )
رجفت ايدا لمايا وطفت السيجارة وهي عم ترمش بعيونها لتمنع الدمعة من انو تنزل من عينها ..
ام سعيد: ليش عم تحبسيها لدمعتك يا بنتي .. طالعيها .. البكي مانو عيب .. ابكي وطالعي كلشي جواتك لتقدري تقاومي وتوقفي من جديد .. انا ما بعرف شو مشكلتك بس كلشي والو حل يا بنتي .. كلشي بينحل .. بس انت لا تضعفي
مسحت مايا الدمعة يلي نزلت بالغصب منا .. ووقفت وهي عم تشرب بالقهوة ..
(مشكلتي ما الها حل يا ام سعيد .. ما الها حل )
وحطت الفنجان ع الطاولة واخدت مفاتيح السيارة وشنتتا واشرت لابو سعيد بئيدا من بعيد ..
(ابو سعيد فتاح الباب )
Telegram: @rwayate
(حاضر انسة حااضر )
(الجزء العاشر )
Telegram: @rwayate
ركبت بالسيارة وفرطت بالبكي ... ما قدرت تحبس دمعتها اكتر ..
(ما لازم انكسر !! لك كيف ما بدي انكسر .. لك كيف .. كلشي راح وانتهى .. كلشي )
بكت لهديت شوي .. مسحت دموعا وطالعت علبة مكياجا رتبت مكياجا واطلعت بالمراية ..
(هاد الشي يلي بقيلي من الحياة .. مكياجي ومرايتي .. ان شاء الله ما يجي شي يوم وافقدن )
تبسمت وسكرت مرايتها وضبت المكياج وشغلت السيارة ومشت ..
وقفت عند السوبرماركت اشترت علبة شوكولا ورجعت مشت بالسيارة لوصلت لبيت انس .. وقفت السيارة وسحبت نفس..
(انسس .. اووووف مني ومنك يا انس )
اطلعت بحالا نظرة سريعة بمراية السيارة واخدت شنتتا وعلبة الشوكولا ونزلت ..
مشيت بخطوات بطيئة ومترددة لوصلت الباب .. غمضت عيونا ودقت ..
بعد بشوي فتحت ام انس الباب .. وتفاجات وقت شافتا لمايا ..
(انسة مايا .. اهلا وسهلا يا بنتي .. اهلا وسهلا .. تفضلي)
Telegram: @rwayate
وضمتا وبوستا ..
(اهلين فيكي خالة )
دخلت مايا وحست بجسما انتفض من صوت القران يلي معبي البيت كلو ..
مشت ام انس لعند القران لتطفي ..
اشرتلا مايا بايدا وحكت بسرعة ..
(تركي خالة .. لوو سمحتي )
اطلعت ام انس بمايا وهي عم تتبسم ..
(ماشي يا بنتي .. رح اندهلك انس .. تفضلي )
راحت ام انس لتنده ابنا وبقيت مايا لوحدا .. عم تسمع للقران وحاسة بانو كل خلية من جسمها عم تتحرك مع هالصوت ..
(الم يأن للذين امنو ان تخشع قلوبهم لذكر الله وما نزل من الحق )
.......................
دخلت ام انس ع ابنها..
(اجاك ضيوف .. تعا لاسندك )
سكر لكتاب يلي بئيدو واطلع فيها ..
(مين ؟ هديل ؟)
(لا .. مو هديل .. الانسة مايا )
رجف قلبو لانس وقت زكرت اسمها .. وشال الغطا عنو بسرعة ومسك العكازة ليوقف ..
قربت امو منو وساعدتو وطلعو لبرا ..
Telegram: @rwayate
طلعو لبرا وانصدمو وقت شافو مايا مغمضة عيونا وعم تسمع للقران بخشوع ..
انس: اهلا وسهلا انسة مايا
فتحت عيونا بسرعة ومسحت الدمعة لمعلقة بعينا ووقفت ..
(اهلين فيك .. جيت لاطمن عليك )
(اهلا وسهلا .. رتاحي )
ام انس: اهلا وسهلا .. رح اعملكن شاي لتشربو مع الفطاير .. لساتن طازة
تبسم انس لامو ..
(طفي القران يامو زكاتك )
طفت الصوت وراحت لتعمل شاي ..
سكتو تنيناتن ليهدو قلوبن يلي عمالا تدق بصورة غريبة ..
انس ما عم يفهم شو عم يصير معو .. هالمشاعر جديدة عليه .. حتى مع هديل ما عم يحس فيها .. عم يحس بنار شعلانة بقلبو .. عم يقاوم حالو لحتى ما يطلع بمايا ..
مايا بلشت تفهم مشاعرها .. بلشت تحس بانو هالشخص هو الشخص الوحيد يلي دخل لقلبا .. كيف دخل ما بتعرف .. يلي بتعرفو انو هو بقلبا .. وانو ما عم ترتاح الا وقت بتكون حدو ..
مايا: كيف صرت هلا
انس: منيح .. منيح الحمد لله .. تمام
مايا: ........... كيفا هديل
انس: هديل .. منيحة .. منيحة هديل
مايا: بتحبا ؟؟
تفاجا انس من سؤالها .. واطلع فيها .. ووقت اطلع بعيونها رجف قلبو وتلعثم بالحكي ..
(مممم .. برتحلا .. برتحلا كتير .. بتفهمني وبتطيعني)
(الله يهنيكن )
Telegram: @rwayate
اجت ام انس ومعا الشاي والفطاير ..
(تفضلي يا بنتي .. دوقي شغلي )
اكلت مايا وكانها صرلا سنة مانا اكلة شي وانس وامو عم يطلعو ببعض ويتبسمو ..
مايا: ليك .. هلا انا مالي بالعادة اكل هيك .. والله جد عم احكي .. بس مدري ليش انفتحت نفسي
فرطو تنيناتن ضحك ...
انس: اي صحة .. صحة وهنا .. كلي
بقيت مايا عندن شي تلت ساعات ... ما حست بالوقت كيف مر معن ..
كان عم ياذن للظهر ..
ام انس: انت بتصلي يا بنتي ؟
حمرو خدودا لمايا واطلعت فيها .. (لا خالة ما بصلي )
(لكن بستازن منك رح اتوضى واجي لصلي انا .. خدي راحتك )
توضو تنيناتن انس وامو واجو ع الصالة وبلشو يصلو قداما لمايا ...
كانت عم تطلع فيهن وحاسة بشي غريب جواتا .. حست قديش هني مبسوطين ومرتاحين بصلاتن ..
تركتن عم يصلو وطلعت من البيت ..
طلعت بسيارتا وهرو دموعا .. (شو كان بصير لو عيلتي كانت هيك .. شو كان بيصير لو امي لساتا عايشة .. شو كان بيصير لو كنت نضيفة متلن )
(الجزء الثاني عشر)
Telegram: @rwayate
سكرت مايا الخط وهي طايرة من فرحتها .. مسكت سيجارة وولعتا وبلشت تدخن فيها وهي لساتا ع التخت وعم تفكر بانس ..
انس: اي امي .. شو قالتلك .. رح تجي
ام انس: اي في حدا بيقول لام انس وكبتها لا .. طبعا جايي ههههه
حس حالو انس رح يطير من فرحتو .. بس بنفس اللحظة حس بغصة بقلبو .. وبلش يفكر ..
(شو يلي عم يصير معيي .. ليش لهالدرجة متلهف لشوفتها .. ليش كتير بفرح وقت بتكون موجودة .. شو يلي عم يصير معي .. يا رب سامحني واغفرلي يا الله )
جهزت مايا حالا وحاولت تلبس استر شي عندا وخففت من مكياجا ع قدر المستطاع .. ومع هيك طلعت متل الملاك .. بتجنن وبتسحر بطلتها .. تنورتها يلي لتحت الركبة بشوي ويلي لبست تحتا جرابات طويلة اعطوها انوثة وجمال اكتر .. قميصا الجرجيت الافوايت الفضفاض .. ويلي زينتو بسلسال طويل .. حلقا الطويل يلي اعطا رقبتا جمال فوق جمالها ..
كانت متل الاميرة بكلشي ..
Telegram: @rwayate
طلعت من بيتا وهي طيرانة من فرحتها .. وراحت لبيت انس ..
وبالطريق دق جوالها ..
اطلعت فيه واتبسمت .. (اي سيد اكرم .. شو يلي زكرك فينا )
(هههههه انت ما بتروحي من بالي يا عمري .. كيفك هلا)
(كتير منيحة بابا )
(انت بالسيارة ؟؟)
(اي بابا بالسيارة .. رايحة زيارة لعند رفيقتي )
(ماشي يا روحي .. بحبك )
(بحبك بابا مووووواه)
سكرت الخط وفتحت ع غنية اجنبية ورفعت الصوت وبلشت تغني معو وهي كتير مبسوطة ..
Telegram: @rwayate
.......................
انس كان ناطرها لمايا ع نار .. ما كان قدران يتحكم بمشاعرو ابدا .. حاسس بنار شعلانة جواتو وبدو يشوفا ..
سمع صوت سيارتها ع الباب ورجف قلبو .. حمل العكازة ووقف بسرعة ليستقبلها ..
فتحت ام انس الباب ودخلت مايا ..
اطلع فيها انس ورجف قلبو من شكلا .. كل مرة بيشوفا بتكون احلا من المرة يلي قبلا .. بتجنن وبتسحر بكلشي فيها ..
مايا: مسا الخير
انس: مسا النور .. اهلا وسهلا .. تفضلي
دخلت مايا وهني عم يرحبو فيها وقعدت ..
ام انس: رح روح جهز الكبة.. طلعو ع الجنينة لجبلكن كاستين شاي
انس: فكرة حلوة .. شو رايك مايا
مايا: مممم ليش لا .. يالا
طلعو سوا ع الجنينة .. كان الجو هدوء كتير وحلو كتير ..
هبت نسمة هوا وحركت شعرا لمطعج لمايا وحركت كل مشاعرو لانس ..
Telegram: @rwayate
مايا كان قلبا عم يرجف رجف .. شي جواتا عم يغلا غلي .. حبو لانس عم يمشي بمدما ويحركلا كل مشاعرها ..
انس ضميرو عم يعزبو من هالمشاعر لجديدة يلي دخلت لقلبو .. بس ما عم يقدر يتحكم فيها ابدا ..
مايا: كيفك انس
وقت حكت اسمو رجف قلبو بزيادة واطلع بعيونها .. ونسي حالو وهو عم يطلع فيها .. كل العالم وقف مع هالنظرة .. ما عاد في شي بالوجود غير هالعيون السود المليانين حزن ..
انس: مايا .. انت .. انت ليش حزينة
تفاجات مايا من سؤالو وتلبكت كتير من نظراتو ..
مايا: ليش هيك فكرت
اطلع فيها انس وتبسم..
(كلشي فينا نداري الا نظرات عيونا .. دايما بتخونا وبتكشفنا.. عيونك مليانين حزن ووجع)
كانت عم تسمعلو وجسما عم ينتفض من جوا
(انا .. انااا .. حياتي كتير معقدة .. او .. او .. ما بعرف بالزبط .. مشاكلي كتيرة )
Telegram: @rwayate
(بس انا فيني ساعدك . يعني فيكي تفشيلي قلبك )
رمشت بعيونها واطلعت فيه بعيون دبلانة وهي عم تقاوم دمعتها ..
(بتشكرك .. بتشكرك كتير )
(انا يلي بتشكرك .. وكتير )
اطلعت فيه مايا وهي متفاجاة..
(تتشكرني .. ليش .. يعني ع شو )
وهون انس كان سرحان بهالعالم لجديد يلي قدام عيونو ... طلع عن الواقع ومانو شايف شي غير مايا وعيون مايا ..
(مايا انت .. انت .. ... )
هديل: كيفكن
نقزو تنيناتن وطلعو من هالعالم يلي عم يجمعهن لعالم الواقع واطلعو بهديل يلي باين عليها قديش مزعوجة ..
انس: هد .. هد.. هديل .. اهلا وسهلا .. اهلا وسهلا .. كيفك
Telegram: @rwayate
مايا: اهلا هديل .. كيفك
هديل: منيحة .. كتير منيحة
سلمت ع مايا ببرود وقربت من انس وبوستو وقعدت حدو ومسكت بايدو .. (كيفك حبيبي )
تلبكت مايا واطلعت باديهن يلي مشلبكين ووقفت ..
(انا .. انا رح روح شوف خالة .. بالازن منكن )
سحب انس ايدو من هديل واطلع فيها ..
(لك انت جنيتي .. ليش هيك عملتي )
اطلعت هديل فيه بعيون عم تشعل نار ..
(انا يلي جنيت يا انس ولا انت .. لك شو صرلك .. شبك .. لك ما شفت حالك كيف كنت سرحان فيها ... لك كنت رح تاكلا بعيونك )
Telegram: @rwayate
شهقت هديل ومسحت دمعة من عينا وكملت وهي عم تاشر بايدها ..
(لك هالبنت من وقت دخلت حياتنا وانت تغيرت .. لك .. لك هالنظرة كنت ع طول بتمنى شوفا بعيونك وقت تطلع فيني .. لك انت قلبت فرد مرة .. لك ما عدت حاكيتني ولا سالت فيني .. ووقت حاكيك كل الحكي بيكون عن مايا .. لك مليت يا انس مليت .. انت جنيت .. جنيييت )هالحكي كلو انس كان عرفانو .. وعرفان قديش هو ظلما لهديل بهالفترة .. بس هالشي ما كان بئيدو .. كان ع طول عم يحاول يداريها بس مانو قدران ..
#عشق_بيوم_وليلة_بقلم_امل_احمد
(الجزء الثالث عشر )
Telegram: @rwayate
انس: هديل اهدي .. شو هالحكي هاد .. هالبنت مسكينة وحياتا مخربطة وبدا مين يساعدها
هديل: ايي .. وانت يلي رح تساعدها .. لك هاي وحدة فلتانة وانت كل القصة انو عجبتك هالفلتانة
ومع هالكلمة ما عرف انس كيف رفع ايدو وضربا كف ع وشا ..
وبهاللحظة كانت مايا جايي ومعا الشاي .. وقعت صينية الشاي من ايدا وقت شافتو ضربا ...
حطت هديل ايدا ع وشا وغرغرو عيونا بالدموع واطلعت فيه ..
شلحت محبسا من ايدا وحطتو ع الطاولة بعصبية واشرت باصبعتا ع مايا ..
(عم تضربني كرمال هالفلتانة .. تهنى فيها يا انس .. تهنى )
حكت هيك ومشت .. وقت وصلت لمايا تفت بوشا وكملت مشي وراحت وهي عم تبكي ..
غمضت عيونا مايا لتحاول تستجمع قواها وتتمالك اعصابها.. سحبت نفس طويل ونزلو دموعها .. ولفت وشا لتروح ..
Telegram: @rwayate
انس: مايا انا بحبك
رجف قلبا وهرو دموعا اكتر .. وحكت وهي لساتا لافة وشا ..
(هديل معا حق .. انا فلتانة يا انس .. فلتانة .. انا ما بستاهل حبك )
ركضت مايا لجوا اخدت شنتتا وطلعت بسرعة ..
شافتا ام انس وهي عم تركض وتبكي ..
(مايا .. بنتي .. شو صاير .. لوين رايحة )
ما ردت مايا عليها وكملت لسيارتها شغلتا ومشت باقصى سرعة ..
انس كان لساتو متمسمر بمكانو ومانو عرفان شو يلي صار هلا ..
قعد ع الكرسي ومسك راسو بئيدي التنتين وسندن ع الطاولة ..
(لك شو عملت انا .. لك .. لك .. )
ام انس: لك شو صاير هون .. ووينا هديل .. شبكن
Telegram: @rwayate
حكا مع امو وهو لساتو ع نفس وضعو ..
انس: امي .. انا .. انا .. انا بحبا لمايا وما بدي غيرا
ضربت امو ع صدرا وصرخت ..
(شوووووو .. لك انت جنيت )
رفع راسو وعيونو متل الجمر وصرخ ..
(لك ايييي .. جنييييت .. انا جنييييت ... انا ما رح اخد غير مايا .. مايا .. ماااياااا )
ام انس: لا حول ولا قوة الا بالله .. يا ربي دخيلك
Telegram: @rwayate
كانت عم تلف بالشوارع وهي عم تبكي لوقت ما عادت قدرت تشوف قداما من البكي .. صفت السيارة ع جنب الشارع ونزلت راسا ع دولاب السيارة وبلشت تضرب بايدا عليه بعصبية وزادت بالبكي ..
(لك الله ياخدك يا راكان الحقير .. لك الله ياخدك وياخدني .. لك اااااااخ بدي مووووت .. بدي موووووت )
وشغلت السيارة وبلشت تسوق بعصبية ع اقصى سرعة لوقت شافت عمود كهرباء ووجهت السيارة لعندو وفلتت الدولاب وغمضت عيونا وصرخت باعلا صوتها ..
(انسسسسس بحبك .. بحبك يا انس)
رجف قلبو لانس ونقز مرة وحدة .. (اعوذ بالله من الشيطان الرجيم )
(الجزء الخامس عشر )
Telegram: @rwayate
دق انس الباب ودخل لعند ابوه يلي كان متسطح ع السرير وعم يقرا بكتاب ..
قرب انس منو وبوسلو اديه ..
(كيفك يابي .. باينتك اليوم احسن )
(الله يرضى عليك يا ابني .. الحمد لله بخير ما زال انت بخير )
تبسم انس وقعد حدو ع طرف التخت واطلع بالكتاب يلي بئيدو ..
(منيح يلي عم تشغل حالك بالقراءة يابي .. بس لو كان هالكتاب القران رح تشفى اسرع ورح تترتاح اكتر)
تبسم ابوه واطلع فيه ..
(لا تخاف يابي .. اطلع حدك .. القران ما عم يفارقني .. ان شاء الله ربنا بيغفرلي وبيساعدني )
مسك انس ايد ابوه باديه التنتين واطلع فيه ..
((ان الله غفور رحيم ) .. وهلا يابي .. بما انك الحمد لله عم تتحسن من هاللحظة بتمنى تكون ع طول معنا بالبيت .. وبرجع بعتزر منك علي صار .. كلو يابي كرمالك وكرمال هيبتك قدام الناس )
Telegram: @rwayate
طبطب ابوه بايدو التانية ع ايد انس يلي ماسكتو وتبسم بوشو .. (بعرف يابي .. بعرف )
وقف انس وهو عم يطلع فيه .. (ماشي يابي .. انا رح روح .. بدك شي )
(رح تروح لعند مايا )
رفع انس حواجبو باستغراب .. (وكيف عرفت بمايا .. امي اكيد هههه )
(ههههههه ومين غيرا .. الله يشفيها يا ابني )
(امين ... سلام )
ترك انس ابوه وراح ع المشفى .. دخل ع غرفة مايا وشغل القران ع جوالو وقعد حدا يدعيلا ..
بعد بشوي حس انس بايد مايا عم تتحرك ..
Telegram: @rwayate
(مايا .. عم تسمعيني .. مايا .. مايا )
............................
عتمة كتيرة .. ما عم تشوف شي قداما غير هالعتمة .. عم تمشي والشوك يفوت باجريها .. كل شوي عم توقع وترجع توقف وهي عم تبكي ..
وفجاة من بعيد اجا نور صغير .. وبلش هالنور يقرب منا ... وهي بلشت تشوف الطريق يلي ماشية عليها منيح.. كل ما قرب النور عم تشوف الطريق اوضح .. وصارت تبعد عن الشوك لحتى ما يجرحها لوقت كل العتمة راحت ووضحت الطريق كلا ..
Telegram: @rwayate
اطلعت قداما شافتو لانس حامل بايدو قران وعم يقرا ..
(الله نور السموات والارض .. مثل نوره ... )
انس عم يقرا وهي عم تقرا معو ...
.....................
انس: مايا .. انت عم تقراي قران .. مايا انت معي .. مايا .. مايا
مايا: الله نور السموات والارض .. الله نور السموات والارض
وفتحت عيونها وهي عم تردد بهالاية .. وشافتو واقف حدا وعم يبكي والفرحة بعيونو ..
انس: الحمد لله رب العالمين .. الحمد لله
Telegram: @rwayate
مايا: انس .. وين انا .. ويين .. راسي يا انس .. راسي (تبكي)
انس: لا تبكي .. انت هلا نولدتي يا مايا .. هلا نولدتي .. الحمد لله ع سلامتك
(الجزء السادس عشر )
*بعد اسبوع*
دق تلفون انس .. اطلع ليشوف المتصل .. سحب نفس ورد ..
(الووو .. هلا هديل .. تمام .. انت كيفك .. لوين ؟ لعند مايا ... ما في داعي .. ع العموم انا رح اجي لعندك .. نص ساعة بكون عندك )
جهز حالو انس وراح لعند هديل ..
دق باب بيتن وخلال لحظات كان الباب مفتوح ..
Telegram: @rwayate
هديل: اهلا وسهلا انس ..تفضل
دخل انس وقعد ع الكنبة بالصالة ..
(وينا مرت عمي )
(عم تجهز القهوة .. هلا بتجي )
(ماشي .. رح فوت بالموضوع مباشرة ... )
(قبل لتحكي بترجاك سمعني .. انا ما كان الي عين حاكيك ومايا بوضعا .. وفرحت كتير وقت عرفت انو صحت .. انا .. انا بحبك كتير انس .. ويلي صار من وجع قلبي .. وما كنت قاصدة هينك او هينا )
(اي سمعيني هديل .. انت بنت مثالية .. بقولا وبكل صدق .. انت حلوة وملتزمة وذكية كتير .. بحسك نسخة مني .. بكلشي ... بس .. بسس .. مايا .. ما بعرف كيف بدي اوصفلك يلي صار .. بصراحة مايا قلبتلي كياني .. وازا ما تجوزتا رح اوقع بالحرام .. لهيك .. )
Telegram: @rwayate
قاطعتو هديل ودموعا بعيونا ..
(تتزوجا يا انس .. تتزوجااااا )
اشرلا بايدو لتسكت وكمل ..
(انت بتعرفي بالدين منيح .. وانا بالشرع بيطلعلي اربعة مو تنتين .. انت مكانتك محفوظة ومعزتك بقلبي كبيرة .. ما رح اظلمك ورح تبقي غالية ع قلبي)
مسحت دموعا باديها واطلعت فيه ..
(لا يا انس .. انا مستحيل اقبلا .. انت .. انت ما بتحبني ... انا ازا تزوجتك ومايا مرتك رح قضي طول عمري بالعزاب .. نظراتك لالها بتكوي قلبي كوي .. ما فيني يا انس .. ما فيني .. بتمنالك السعادة من كل قلبي )
ووقفت وركضت لجوا البيت وهي عم تحاول تحبس دموعها ..
غص انس ووجعو قلبو عليها .. وطلع من بيتن لعند مايا ..
دخل الفيلا وبعد بشوي سمع خطوات ع الدرج .. وانصدم من يلي شافو ..
كانت مايا لابسة عباية نيلي فضفاضة مع شالة ازرق سماوي ونازلة عن الدرج بكل اكابرية ...
Telegram: @rwayate
حس بدقات قلبو عم تتسارع وتجمعت لدموع بعيونو ..
مايا: كيفك انس
تصفن فيها لفترة وهو ساكت ..
اشرت بايدا قدام عيونو ...
(يييي علينا .. لك لساتك لهلا ع نفس العادة وعم تشرد )
تضحك انس واتطلع فيها ..
(انا كتير منيح .. اكتر ما بتتخيلي .. مبارك الحجاب)
تبسمت مايا واطلعت فيه ..
(الله يبارك فيك .. الفضل بعد ربنا لالك انت )
واشرتلو ليقعد ونادت لام سعيد لتجيب القهوة ..
(مايا انا كتير فرحان وفخور فيكي .. من وقت شفتك عرفت انو انت نضيفة من جوا .. وعرفت انو شي يوم رح تتغيري .. مايا .. مايا انا .. انا بموت فيكي .. وبدي اياكي ع سنة الله ورسوله)
Telegram: @rwayate
دمعت عيونا لمايا واطلعت بالارض ..
(انس .. انا مو متل ما انت مفكر .. انا ماني نضيفة .. انا وسخة .. وسخة كتير .. وهالوساخة رح تضل مرافقتني طول عمري .. وما رح اقدر اخلص منها ابدا .. انت بتستاهل وحدة نضيفة متل هديل مو وحدة متلي .. كنت بتمنى من كل قلبي لو شفتك وعرفتك من زمان .. ما كنت ترددت للحظة لاقبل فيك .. بس هلا لا .. مستحيل هالشي )
تلبك انس كتير واطلع فبها ..
(ليش هيك عم تحكي .. لك انا بحبك .. ومستحيل اتركك .. مستحيل عم تفهمي )
(انس بكفي عم تعزبني اكتر .. لك انا بعشقك وبتنفسك .. بس ما فيني كون مرتك .. ولا فيني كون مرة لايا شخص تاني .. فهااام ... بكفييي )
(ليششش .. ليييش .. خبريني ليش .. انا ما رح اتركك لاعرف كلشي )
وبهاللحظة اجت ام سعيد ..
(انسة مايا .. رفيقك ع الباب )
تلبكت مايا كتير وانس انصدم ..
مايا: ليكني جاي
اطلعت بانس ووقفت .. (بالازن منك .. لحظة )
طلعت مايا ع الباب وتفاجات وقت شافتو لراكان ع الباب .. دفشتو بكل قوتها لبرا الباب وطلعت لتحاكيه..
(لك انت شو جابك لهون . .. وشو زكرك فيني هلأ )
Telegram: @rwayate
عدل راكان قبة قميصو واطلع بمايا وهو عم يتبسم بخبث .. (لا ولوووو .. انت رفيقة الروح .. ونبض القلب .. انت العسل كلو .. معقول انساكي )
اطلعت فيه مايا بقرف .. (شو بدك ولااا )
(هههههههه .. اول شي ليش هيك لابسة .. ولا قلك ما بتفرق .. انت بتجنني بكل حالاتك .. جيت لقلك الحمد الله ع السلامة )
(اي الله لا يسلمك .. وهلا انقلع من هون )
(لا يا حلووو .. مو حلوة منك .. نحنا برضو بينا ليالي رقص وغنج وووووو ... )
رفعت مايا حواجبا بعصبية وسكتتو .. (خرااااااس)
(ميوشتي العسل .. لك والله شتقتلك .. جايي لاعزمك ع سهرة تانية .. تعي معي وما رح تندمي .. يعني ما بقيلك شي تخسريه او تخافي منو .. موو ههههه)
اطلعت فيه مايا واتبسمت .. (سهرة .. قولتك ما بقي شي اخسرو .. خلص رح اجي .. بس بشرط تكون سهرة غير عن كل السهرات والي والك وبسسسس)
(لك عم تحكي جد .. لك والله كنت عرفان .. مستحيل تقدري تبعدي عني بعد يلي صار .. لك بحبك يا عسل )
(اي روح هلا وجهز للسهرة .. المسا بكون عندك )
Telegram: @rwayate
(ماشي يا حلووو .. لك اخخخ شو شتقتلك .. ناطرك ع نار ) وتركا ومشا وهو عم يضحك ..
(نار تحرقك الهي )
لفت وشا مايا لتفوت لجوا وانصدمت وقت شافت انس واقف وراها ..
كان واقف ومانو قدران يوقف والدم عم يغلي بعروقو ..
(انس بترجاك .. لا تفهمني غلط )
(ما افهمك غلط .. اي .. اي .. ما رح افهمك غلط .. لهيك ما بدك تتزوجيني مووو .. اي .. اي معك حق .. والله معك حق .. بس انا .. انا الاجدب يلي تركت البنت الطاهرة النضيفة وركضت ورا وحدة متلك .. انا .. لك انا حمااار .. حمااار )
نزلو دموعا لمايا واطلعت فيه ..
(انس لا تفهمني غلط يا انس .. انس مو متل ما انت مفكر )
(لك خرسي .. خرسي .. لك سمعت كلشي .. كلشي.. لك انت وحدة بلا شرف .. فلتاااانة )
عصبت مايا وفقدت اعصابا .. (اي .. لك اي .. لك انا فلتانة وبلا شرف .. لك انا فلتاااانة .. لك انا .. انااا .. لك انا .. )
Telegram: @rwayate
وتركتو واقف وركصت ع غرفتا لتسمح لدموعا تنزل بحرية ..
(الجزء السابع عشر )
Telegram: @rwayate
*بعد بيومين*
انس حابس حالو بغرفتو .. بعد يلي صار حس حالو خسر كلشي ..
خسر خطيبتو وخسر حبيبتو ... كان ضميرو عم يعزبو كرمال هديل بس ابدا مانو حاسس بشي اتجاها ..
قلبو كان عم يغلي غلي ع مايا .. مايا هي الحب الوحيد بحياتو لانس ..
كانت عكسو بكلشي .. كانت اكبر تحدي بحياتو .. هي الوحيدة يلي قدرت تقلب كيانو وتحرك كلشي فيه بنظرة وحدة .. مجرد ذكراها كانت كافية لتحرك خلايا جسمو كلا .. كانت وبكل بساطة النص التاني يلي بكمل انس ..
مانو قدران يستوعب يلي سمعو ابدا .. ولا قدران يستوعب كيف مايا خدعتو بقناع البراءة .. مانو متخيل كيف رح تسمح لرجال يلمسا .. وكيف بتسلم حالا وبتخسر شرفا ببساطة وسهولة ..
دق الباب وطلع من دوامة افكارو ..
دخل عليه ابوه .. سحب كرسي المكتب وقعد حدو ..
(رح تبقى حابس حالك هيك ... ومن غير ما تحكي شو يلي صار .. ازا كرمال هديل فنحنا بنحاكيها وبنقنعها )
(لا لا يابي ... انا ما بستاهلا لهديل وربنا خلصا مني .. انا .. انا ما بستاهل حدا ابدا )
Telegram: @rwayate
(لكن .. مايا .. مايا سبب يلي انت فيه )
مسك انس راسو بايديه التنتين وبلش يفرك بشعرو بعصبية ..
حط ابوه ايدو ع كتفو ليهديه ..
(خبرني يابي .. فشلي قلبك ... شو صار ... يمكن اقدر ساعدك هالمرة وردلك جميلك )
(لا تقول هيك يابي كرمال الله )
(لكن خبرني .. شو صار )
شعلت عيونو لانس نار وسكر ايدو وبلش يشد عليها .. تردد كتير قبل ليبلش يحكي ..
وخبرو لابوه بكلشي .. من وقت تعرف عليها .. لوقت اخر مرة شافا فيها .. وخبرو بكلشي قالتو وكلشي سمعو ..
تنهد ابو واطلع فيه ..
(سماع يا ابني .. انا بزمناتي كنت مدمن مخدرات .. كنت من ملهى لملهى .. كنت اضرب امك لتعطيني مصاري اشتري مخدرات .. مع انو كنت عايش بعيلة وبجو حنون ودافي وما كان ناقصني شي .. الا انو الشيطان جرني ومشيت بهالطريق ..
Telegram: @rwayate
البنت ومتل ما خبرتني عايشة لوحدا .. وحياتا كانت فاضية من وقت تخرجت وهي ما عرفت تستغل حياتا صح واختارت رفقة غلط وطريق غلط ..
انت يا ابني خبيتني عن عيون الناس لتحميني لوقت شفيت .. وهالبنت بدا مين يحميها ... بعدين انت خبرتني كيف كانت مانا طايقتو وبهدلتو وبعدين اتفقت معو ع موعد .. يعني يمكن كانت بس بدا تخلص منو او .. او عم تفكر بشي ..
وانت بلسانك هلا خبرتني كيف وقت فاقت من الحادث كانت عمم تردد ايات قران وكيف التزمت بلبسا ..
ربنا عطاها فرصة تانية لتبلش من جديد .. وربك غفور رحيم .. روح يا ابني واسمع منها .. واحتويها .. وافهم منها ليش هيك عملت .. صرلا يومين عم تدقلك .. البنت بذرتا طيبة وبتحبك .. لا تخسرها يابي .. )
حكا هالحكي ابوه وطلع من غرفتو وتركو .. كان انس عم يسترجع بكل حرف حكا ابوه ..
قام توضى وصلى ركعتين استخارة ونام ..
وتاني نهار فاق ع مسج ع جوالو .. اطلع فيه وكان المسج هو مقطع صوت من مايا ..
Telegram: @rwayate
استغرب كتير وفتحو ..
*قبل بيومين ببيت راكان *
«راكان: لك شتقتلك مووت
وقرب منا ليضما .. بس مايا سحبت حالا بهدوء وبعدت عنو ..
(لك طول بالك شبك ههههه )
(لك ما فيني طول بالي وانت معي )
(اي وانا كمان .. بس حابة اعرف شو يلي صار بهديك الليلة .. هاد شرطي لابقى معك )
(بس هيك .. اي عادي شربنا وسكرنا لقلنا بس .. وانا كنت مدوبلك حبة بكاسك لانو كنت مشتقلك وبنفس الوقت معصب منك ع الكف يلي ضربتيني ياه .. وانت ما عدتي حسيتي ع شي وجبتك لهون وصار يلي صار .. كانت احلا ليلة بعمري كلو .. كنت متل العسل واحلا
قربت مايا منو وحطت ايدا ع كتفو ..
(بتشكرك من كل قلبي يا حلو )
وبهاللحظة دخل ابوها لمايا ومسكو لراكان وبلش فيه ضرب ..
(لك يا حيوااان .. يا حقيير )
مسكت مايا ايد ابوها .. (تركو بابا لا توسخ ايدك فيه .. الشرطة رح تاخدلي حقي )
شحطو ع الشرطة وسلموهن التسجيل وانحبس راكان .. »
Telegram: @rwayate
وقت انس سمع التسجيل حس وكانو شي من جوا طفا كل النار يلي كانت عم تحرق فيه .. وبنفس الوقت زعل كتير من حالو لانو تسرع بالحكم ع مايا ..
لبس تيابو وراح لعندا مباشرة ..
دخل الفيلا وشافا بالجنينة ... كانت متل الملاك بعبايتا البنية وشالتا البيج .. عم تشرب قهوة وتقرا بكتاب ..
وقت شافتو رجف قلبا مع ايدا واندلقت القهوة منا .. ركض لعندا انس
(صرلك شي .. )
(لا لا ابدااا )
اطلع انس فيها .. (مايا .. انا بعتزر منك كتير ع يلي قلتو .. جد اسف .. اسف كتير.. والله مالي عين اطلع فيكي )
(ليش عم تعتزر .. انت ما غلطت .. انا يلي غلطت كتير وان شاء الله ربنا بيسامحني .. وانت مانك مجبر لترتبط بوحدة متلي .. مليون وحدة بتتمناك )
( انا قلتلك ما رح اتركك لو شو ما صار .. وانا ما رح اتركك .. اليوم المسا رح اجي مع عيلتي لعند الوالد .. وهلأ بخاطرك )
(بس انس .. )
(شششششش ... خلصنا .. جهزي حالك وخبري الوالد)
نسيم (الثاني عشر )
Telegram:@rwayate
نسيم ومروان وماسة بمعرضها لنسيم .. ويلي هو بيتا القديم لصغير يلي حولتو بافكارها لجنة ..
مروان: بصراحة ما تخيلت البيت لصغير يتحول لمعرض هيك .. جد انت فنانة .. خرجك تصيري كمان مصممة ديكور
نسيم: ههههههههه
ماسة: لااا هاي شغلتي انا .. نسيم مصممة ازياء وانا مصممة ديكور او .. او. .. مهندسة معمارية
نزلت نسيم ع ركبا وضمتا لماسة .. (احلا مهندسة يا روحي )
دق جوالا لنسيم .. طالعتو من شنتتا واطلعت بالرقم .. تفاجات كتير وتبسمت .. ورجعتو ع شنتتا ..
مروان: شبك .. ليش ما رديتي
نسيم: الظاهر الاعلان وصل لناس كتير هههههه
مروان: مين ؟؟
Telegram:@rwayate
نسيم: رامي
شعلت عيونو لمروان نار .. (شو بدو هلا )
نسيم: انسى .. خلينا نكفي شغلنا
*تاني نهار *
ناس كتير وتجمعات كبيرة .. صحافة وكلو عيونو ع نسيم .. يلي كانت متل الملاك بفستانا المميز يلي صممتو بايديها خصوصي الها وبس ..
ع يمينا مروان عم يطلع فيها بفخر .. وع يسارا ماسة عم تطلع فيها ببراءة وعيون مليانة حب ..
ومن بعيد عيون مليانة قهر وندم عم تطلع فيها وتتحسر .. رامي
خلص المعرض وراحت الناس .. وبقي مروان مع نسيم وماسة ..
مروان: نسيم .. سمحيلي احتفل بيكي بهالليلة .. تفضلي
ومدلا ايدو لتمشي قدامو ..
مدت ايدا لماسة مسكتا ومشيو سوا .. ركبو بسيارتو وهي حاسة حالا عم تطير لعالم تاني .. حلمها واخيرا تحقق .. حلم الطفولة يلي كان شبه مستحيل حققتو .. وهلا حياتا عم تركز وتستقر ...
شغل مروان السيارة وقبل لتمشي السيارة طل رامي من شباك السيارة يلي حدا لنسيم ..
رامي: نسيم
تفاجات نسيم بوجودو بس حاولت تهدي حالا وترسم بسمة حلوة ع شفافا ..
نسيم: اهلا رامي
رامي: بدي حاكيكي
نسيم: بس انا مشغولة متل مو شايف .. بعتزر منك
Telegram:@rwayate
ولفت وشا عنو ..
مروان عم يطلع فيه بعيون شعلانة نار وعم يحاول يهدي حالو قدر الامكان ..
خبط رامي خبطات قوية ع شباك السيارة وهو معصب ...
رامي: نسيم نزلي عم قلك .. نزلي
فتح مروان الباب ونزل لعندو وقلبو عم يغلى غلي .. قرب منو وضربو بنص وشو .. وتشابكو تنيناتن ..
شهقت نسيم وحطت ايدا ع تما ونزلت ركض من السيارة ..
نسيم: بكفييي
ووقفت بيناتن واطلعت بمروان .. (مروان لو سمحت .. بس دقيقة وحدة )
اطلع فيها مروان وهو عم يتنفس بغضب .. وهي تطلع فيه وتترجاه بعيونها ..
سحب نفس قوي وغمض عيونو .. (ماشي .. ليكني قدام السيارة )
Telegram:@rwayate
لفت وشا ع رامي يلي كان يتبسم بقهر ومسخرة ..
نسيم: (بعصبية) شو زكرك في هلا .. شوو .. شو بدك في .. فهمني شوو
رامي: لك انا بحبك .. من وقت تركتك ما ارتحت ابدا
تبسمت بقهر واطلعت بعيونو . .. (وهلا لتزكرتني .. هلا؟؟ .. لاخر مرة رح قلك .. بعد عني وعن حياتي .. كلشي بينا خلص قبل ليبلش)
ومشت لتركب بالسيارة ..
رامي: ويا ترى خبرتي لحبيب القلب لجديد عن الست نانا
تمسمرت مكانا وهي مصدومة من موقفو الندل .. سكتو تلاتن لفترة .. لوقت مشى مروان لعندو وبكل هدوء .. (سمعني يا .. رامي .. كلشي .. كلشي بخصا لنسيم انا بعرفو وبكل تفاصيلو .. فلا اتعب حالك حبيب .. بالازن منك .. عنا احتفال مميز الليلة وما رح نترك واحد متلك ينزعو )
ومشى بكل هدوء وركب بالسيارة ومشى ورامي واقف مكانو من غير ولا كلمة ..
طول الطريق ونسيم ساكتة وسرحانة بعيون دبلانة وحزينة .. ومروان كل شوي يطلع فيها بطرف عينو .. لوقت وصلو للمطعم ..
مروان: تفضلو يا انساتي
نزلت ماسة وبقيت نسيم بالسيارة ..
نسيم: مروان .. بتشكرك ع كلشي .. من كل قلبي بتشكرك
مروان: ههههههه بعد بكير ع الشكر .. نزلي لقلك
دخلو المطعم ويلي هو من افخم مطاعم البلد .. استقبلن الجرسون ومشاهن لطاولتن ..
الجرسون: تفضلو
اطلعت نسيم بمروان .. (وين ؟؟؟ )
Telegram:@rwayate
كانت قرنة باخر المطعم ومغطاية بستارة حمرا ..
تبسم مروان واشرلا .. (تفضلي )
بعد لستارة ودخلو .. شهقت ماسة وحطت اديها التنتين ع تما .. (واااو عمو مروااان )
كانت الارض كلا ورد جوري وشموع ملونة .. وطاولة عليها فاز صغير وورود حمرا وشمعدان .. وبلالين معلقة بالسقف ..
اطلعت نسيم بمروان ودمعو عيونا .. (ما كان في داعي تعزب حالك ... شكرا لالك )
(انا يلي بدي اتشكرك .. نسيم .. انت دخلتيني لحياة روحانية .. حياة تانية ما كنت متخيل انو هي موجودة ... طيبة قلبك .. اصرارك ع النجاح .. حس الامومة والمسؤولية اتجاه اختك .. كل هالاشياء عم تشدني لالك وتدخلني لعالم روحاني اسمو نسيم .. نسيم وبس )
فتح جاكيتو وطلع منو علبة صغيرة .. فتحا وطالع خاتم الماس ..
(بتمنى ما تكوني نسيتي وعدك لالي .. وتقبلي فيني)
نزلو دموعا من كلماتو وتصرفو .. وتصفنت فيه ما عم تقدر تجاوب ..
Telegram:@rwayate
مروان: لكن رح اسال الانسة ماسة وما رح اسالك
#انتقام_توأم الجزء الأول + الجزء الثاني + الجزء الثالث + الجزء الرابع + الجزء الخامس + الجزء السادس + الجزء السابع
#بقلم_حلا_الشويكي
Telegram:@rwayate
مايا : يا الله ليش هالشباك مسكر دايما .. ليش ماعم يفتح معي
نور : لك شو عم تعملي شو شبك رجعنااااااا رجعناااااا .. لازم نعمل عليكي مراقبة يعني
مايا : بيكون معا هلأ ما ؟؟
نور : اي معا .. وانتي عم تموتي وهو معا .. انتي بتفكري فيه وهو مانو متزكرك اصلا لك اي معا يا غبية
قعدت مايا عالأرض وصارت تبكي .....
نور : لك انتي توأمي متأكدة ؟
مايا : ...... ( تبكي )
نور : لك ليش قلبك كل هالقد مشرشح هههههه هاتي ايدك يا روحي ... قومي معي
استندت مايا على ايد توأما نور و وقفت ضمتا وصارت تبكي
نور : روقي حياتي رووووقي
مايا : لك تعبااااااااااااااااانة .. شلون يعني هو معا شلووون
سامية : لك اييييي شبكن صواتكن طالعة ....
Telegram:@rwayate
فاتت سامية عالغرفة وشافت مايا عم تبكي ونور حاضنتها وعم تلعبلها بشعراتها ...
سامية : شبك مايا ؟؟
نور : ولا شي امي تركيها معي هلأ بروقا
سامية : .........
اتطلعت سامية بعيون ونور وسألتا بعيونا انو شوفي ؟؟
حركت نور عيونا وراسا انه بعدين بخبرك كلشي ..طلعت سامية وسكرت الباب وبعدا عم تطلع عليهن
مايا : نور ساعديني بدي حاكيه اشتقتلو
نور : يا ربي منك يا مايا تعي اقعدي اشربي مي اهدي .. اهدي .. اهديييي
مايا : ليش عم ترفعي صوتك علي ؟؟
زادت مايا بالبكي .. وانهارت اكتر وما عاد شي يهديها
Telegram:@rwayate
مايا : تركيني واطلعي لبرا
نور : لا ما بتركك .. انا صرخت فيكي مشان تصحي
مسكت نور مايا من ايديها وهي عم تبكي وتطلع بالأرض وصارت تشد على ايديها بلا ما تحس وتطلع فيها بنظرة حادة وتحركا بقوة وتقلا ( اصحييييي لك اصحييييي ) ضمتا وصارت تبكي معا ..
=======================================
تسطحت مايا عالتخت وضمت رجليها لصدرا وصارت تبكي لحتى نامت .. غطتا نور وطلعت من عندا وهي عم تمسح دموعا
سامية : لك شو فيييي ؟؟ شبها مايا وشبك انتي عم تبكي كمان ؟؟
نور : تعالي امي اقعدي .. اقعدي واهدي لا تخافي انا بكيت لأنه مايا بكيت كتير ما تحملت شوفا بهالوضع بس
سامية : وشبها مايا ؟
نور : مايا ......
سامية : اي ؟
نور : كانت تحب شب .. واتجوز كانت تحبو كتييييير و خدعا وكذب عليها وتزوج غيرا .. هي هلأ بفترة بس لازم وقف جنبا مو لازم عاتبا على شي لأنه انا خايفة عليها .. خايفة تنتحر
سامية : مين هالشب ؟
نور : والله ما بتعرفيه يا امي
سامية : طيب انا ما رح خبر مايا اني عرفت بشي مشان ما تزعل
نور : اي
سامية : وانتي خليكي جنبا ولا تتركيها ابدا .. انتي بتعرفي هي بتشبهك بكلشي .. بالشكل والطول والصوت الا القلب .. قلبا ضعيف وشخصيتا ضعيفة وانتي رح تقويها اي ؟
نور : والله شخصيتها ضعيفة كتير وقلبها رقيق وحنون كتير يارب اقدر اقويها ياااارب
Telegram:@rwayate
فاتت نور عالمطبخ عملت الأكلة يلي بتحبا مايا .. وراحت فيقتا مشان تاكل
نور : مايا .. مايااا فيقي عملتلك الأكلات يلي بتحبيا
مايا : ما بدي اكل
نور : لك من اسبوع ما اكلتي شي مشان الله بلا جنان قومي كلي
مايا : ما بدي ما بدي تركيني نااام
صفنت نور بذكرياتا ....
مايا : ليكي تعي نقول لإمي انه بدنا نطلع هي ما بتخليني اطلع لوحدي الا تكوني معي
نور : لوين نطلع ؟
مايا : بدي شوف رامي
نور : والله ماني مرتاحتلو هالشب يا مايا
مايا : بحبو .. خلص ما بدك تساعديني براحتك
نور : على طووول بتزعلي .. خلص تكرمي هلأ بخبرا
مايا : ..... اكيد ؟
نور : اكيد
Telegram:@rwayate
ضمتا مايا وبوستا من خدودا وهي عم تشكرا
ما صحيت من زكرياتا الا ومايا عم تحكي بصوت تعبان مبحوح من كتر البكي ..
مايا : بدي مي .. نوووور بدي مي
نور : طيب شو رأيك تسندي ضهرك شوي لحتى نحكي ؟
مايا : احكي عم بسمعك
نور : شو يلي بيسعدك وبيرضيكي مشان اعملو ؟
مايا : بدي شوف رامي
نور : .......
مايا : بدي فش خلقي فيه وبهدلو لأنه بكاني
نور : بدك تفشي خلقك فيه ؟
مايا : اي
Telegram:@rwayate
انبسطت نور من كلام مايا .. اتطمنت انها بلشت تفيق وعرفت انه ما بيستاهلا .. وقررت تساعدا
نور : موافقة بشرط .. تاكلي
مايا : هاتي الأكل
صارت مايا تاكل بشراهة وبسرعة لحتى خلصت كل الاكل يلي قداما ب 5 دقايق و نور عم تطلع عليها بإستغراب
مايا : خلص اكلت كل شي يلا رح تساعديني ؟
بلعت نور ريقها واتطلعت على مايا وعيونا بتلمع من الدموع ..
نور : اي رح ساعدك
=======================================
سامية عم تحكي عالموبايل ...
سامية : بس ما بتوقع مايا رح تقبل تتزوج هلأ رح حاول معا بس ... اي هي صبية بس جد هالأيام ما بتوقع رح ترضى انا بعرف حالتا النفسية ما رح ترضى .. اكيد انا بتشرف فيكن انتي وإبنك بس ... طيب خلص ان شاء الله خير
Telegram:@rwayate
سكرت سامية الخط وهي عم تتأفف ...
#سراب (الجزء الثاني)
@rwayate
خلصت المحاضرة @rwayate بطلوع الروح ..
نور : لك شفتي شفتي كان عم يطلع ناحنا شفتتتتي
لفت سراب وشا ع نور بعصبية .. (لك تضربي منك الو .. لك ع شو كل هااد ع شوو بس فهميني .. لك ما حسنت ركز بشي من خجلتي من تصرفاتك ولي جدبة .. وع شو دبتي في .. اه .. ع شوو .. لك كلو ع بعضو ما بشيلو من ارضو .. لك .. لك )
اطلعت فيها نور وهي فاتحة تما وعيونا ع وسعهن وتحركلا بحواجبا لفوق وتحت ..
(اي اي عمليلي هالحركات ولي جدبة .. لك تضربي منك الو اي .. تضربو تنيناتكن )
ولفت سراب وشا يلي متل الجمر لتمشي .. وانصدمت وقت شافتو لرضى واقف وراها وهو حاطط ايدي بجيب بنطلونو وعم يتبسم ...
رتبكت سراب وقت شافتو .. بلعت ريقا واطلعت في بكل ثقة ...
رضى: مين هاد يلي معصبك هيك
سراب: ما حدا في يعصبني انا
رضى: هههههه بس انا شايف العكس .. وشك متل البندورة
توترت سراب اكتر .. وكملت طريقا من غير ما تحكي شي ..
رضى كان عم يراقبا وهو عم يتبسم ..
نور: احم احم .. كيفك دكتور
رضى: هاا .. تمام تمام .. شبها رفيقتك .. ليه معصبة
نور: و.. ولاشي .. مضغوطة شوي بدراستها
رضى: اها... موفقين @rwayate
كمل رضى طريقو ع مكتبو ونور متابعتو لحتى اختفى .. (لروح شوفا لهالجدبة وين راحت )
كانت سراب ماشية وهي لساتا معصبة وعم تحاكي حالا .. (قال ناصيف زيتون قال .. لك هاد اكتر ما بيشبه حبة مكدوس .. اجدب )
اجتا نور من وراها .. حطت ايدا ع كتفا وهي فارطة ضحك .. (لك مين هاد يلي متل حبة لمكدوس )
اطلعت سراب فيها .. ورفعت اصبعتا قدام عيونا .. (ليكي نور .. ما بدي شوفك لوقت يخلص هالفصل ع خير )
(هههههههه .. لك شبك شبك )
(شبني !! وعم تسالي شبني .. لك اناا انا سراب تعملي فيني هيك )
كانت نور عم تطلع فيها وهي فارطة ضحك لنزلو دموعا .. (لك هاي اول مرة بشوفك معصبة .. بس جد جد بتجنني )
(ولي نووور حااج استفزاز)
حطت نور ايدا ع تما وهي عم تحاول تسكت حالا ... (خلص خلص .. رح اسكت .. بس ع فكرة انا ما استفزيتك ولا عملت شي ههههههه)@rwayate
(لك حااج ضحك .. لك ما شفتي عيونو كيف ما نزلو عنا طول المحاضرة .. ما شفتي !!)
(لك ولهيك زعلانة هههههه .. يؤبر البي شو مزوء .. لك مين في يشوف جمالي ويبعد نظرو )
كانت نور عم تحكي وهي تتنهد وتتطلع لبعيد وتلف بشعرا ع اصبعتا ..
تصفنت سراب فيها . كان بدا بهاللحظة تضربا كف لتطالعا من شرودا .. شدت ع سنانا وصرخت فيها .. (وليي نووور )
(لك اي اي شبك .. خلص تعي لبوسك تعي )
وقربت منا لتبوسا .. بعدتا سراب عنا بعصبية .. (بعدي هيك ولي جدبة .. حاج فضايح لليوم )
(لكن تعي رح شربك كبتشينو ع حسابي .. بعرفك ما بتقاومي )
تبسمت سراب واطلعت فيها بطرف عينا ..
(ههههه .. ملعوونة )
الكتب والمواضيع والآراء فيها لا تعبر عن رأي الموقع
تنبيه: جميع المحتويات والكتب في هذا الموقع جمعت من القنوات والمجموعات بواسطة بوتات في تطبيق تلغرام (برنامج Telegram) تلقائيا، فإذا شاهدت مادة مخالفة للعرف أو لقوانين النشر وحقوق المؤلفين فالرجاء إرسال المادة عبر هذا الإيميل حتى يحذف فورا:
alkhazanah.com@gmail.com
All contents and books on this website are collected from Telegram channels and groups by bots automatically. if you detect a post that is culturally inappropriate or violates publishing law or copyright, please send the permanent link of the post to the email below so the message will be deleted immediately:
alkhazanah.com@gmail.com