#عشق_بيوم_وليلة_بقلم_امل_احمد
(الجزء التاسع)
Telegram: @rwayate
انس: مايا .. انا هون .. ليش هيك عم تعملي بحالك .. مايا .. مايا

مايا: (تبكي) ماني قدرانة يا انس .. تعبت من كلشي .. لك عشت حياتي كلا وحيدة .. ما الي رفقات ولا الي ام ولا حتى اب .. ابي عطاني كلشي الا الاهتمام والحنان .. وهالكلب راكان خلص ع اخر نفس الي بالحياة

تبسم انس ومدلا ايدو من بعيد ..
(تعي لعندي .. انت ما لازم تنكسري .. انت نضيفة من جوا .. نضيفة كتير .. وقفي ع رجليكي وحاج عم تموتي حالك بزيادة )

تبسمت مايا ومدت ايدا لانس ووقفت .. مسكلا ايدا وانتفض جسما وفتحت عيونا وفاقت من نوما ..

مايا: انس .. انس .. ااااه .. انسسسس

مسحت لدموع يلي لساتن معلقين بعيونا من منامها وشالت الغطا وقامت ...
وقفت قدام لمراية واطلعت بوشا يلي صار اسود من قهرا وتعب قلبا ..
مسحت بايدا ع وشا واطلعت بايدا وتزكرت وقت انس مسكلا ايدا بالمنام .. حست برعشة بقلبا وضمتا لصدرا وتبسمت ...

دخلت ع الحمام تحممت وطلعت لبست بنطلون جينز وقميص خفيف زهر وفوقو جكيت جينز بلون البنطلون وحطت مكياج خفيف ونزلت ع الصالة ..

وقت شافتا ام سعيد اجت لعندا ركض وهي كتير فرحانة ..
(انسة مايا واخيراا .. تاكلي شي .. اعملك شي )

(بدي قهوة .. ويا ريت تكون تقيلة )
Telegram: @rwayate
(شو رايك اعملك شي قبلا لتاكليه )

(لااا ... ماني قدرانة .. بدي قهوة وطالعيلي اياها ع الجنينة )

طلعت مايا ع الجنينة .. طالعت سيجارة من علبة الدخان ولعتا وبلشت تدخن و تفكر بكلشي بحياتها .. ولوين وصلت حالا .. عم تفكر شو يلي وصلها لهون .. وكيف انو هي جرت حالا لهيك طريق ..

اجت ام سعيد ومعها القهوة .. حطت الفنجان قداما ع الطاولة وحدو قطعة كيك ..
(تفضلي انسة .. فرحت كتير انو طلعتي من غرفتك )

ولفت حالا ام سعيد لتروح ..
نفخت الدخان يلي مجمع بتما لفوق ..
مايا: خبريني عن امي ام سعيد

وقفت ام سعيد ولفت حالا ورجعت لعند مايا ..
(امك !! .. الله يرحمها ويتقبلها يا بنتي .. شو بدك تعرفي عنها )
Telegram: @rwayate
سحبت من السيجارة وهي مغمضة عيونها ...
(كلشي .. او ... ايا شي .. احكيلي عنها شوي )

(امك كانت بتشبهك كتير .. حلوة متلك وبتحب الحياة وبتحب تتمتع فيها .. كانت تهتم بحالا كتير .. ما بتزكر ولا مرة شفتا من غير زينة .. بكل اوقاتها كانت متل الاميرات .. بس .. بس .. هي كانت اقوى منك بكتير )

اطلعت فيها مايا ببرود ..
(كيف اقوى مني !!)

(انا .. انا ما بعرف شو صاير معك يا بنتي .. بس كل مشكلة بالحياة والها حل .. امك بزمناتها واجهت مشاكل كبيرة .. كل مشكلة كانت تطلع منها اقوى .. ولا مرة انكسرت وولا مرة ضعفت )

رجفت ايدا لمايا وطفت السيجارة وهي عم ترمش بعيونها لتمنع الدمعة من انو تنزل من عينها ..

ام سعيد: ليش عم تحبسيها لدمعتك يا بنتي .. طالعيها .. البكي مانو عيب .. ابكي وطالعي كلشي جواتك لتقدري تقاومي وتوقفي من جديد .. انا ما بعرف شو مشكلتك بس كلشي والو حل يا بنتي .. كلشي بينحل .. بس انت لا تضعفي

مسحت مايا الدمعة يلي نزلت بالغصب منا .. ووقفت وهي عم تشرب بالقهوة ..
(مشكلتي ما الها حل يا ام سعيد .. ما الها حل )

وحطت الفنجان ع الطاولة واخدت مفاتيح السيارة وشنتتا واشرت لابو سعيد بئيدا من بعيد ..
(ابو سعيد فتاح الباب )
Telegram: @rwayate
(حاضر انسة حااضر )

#عشق_بيوم_وليلة_بقلم_امل_احمد
(الجزء الخامس)
Telegram: @rwayate
ركبت السيارة وما قدرت تخبي دمعتها اكتر ..
كانت كتير مخنوقة .. حياتها فاضية ما فيها شي ..
يوم ولادتها كان يوم شقاها بهالحياة .. لانو نفس لنهار يلي امها ماتت فيه بعد ما صابتها حما نفاس ..

عاشت حياتها وهي حاسة بالذنب .. عم تحس حالا بانو هي السبب بموت اما ..
هالعقدة محفورة بقلبا وما ممكن تروح ابدا ..

عاشت حياة مرفهة كتير مع ابوها يلي رفض بانو يتزوج من وقت امها راحت وكرس كل حياتو لشغلو ولمايا ..

بس ابوها ع طول مشغول عنها .. بتمضى ايام وما بتشوفو ..
معطيها حريتها بكل شي .. ومانو عامل عليها رقابة ابدا ..
حياتها من وقت تخرجت من جامعتا صارت كلا سهر ولبس وبس ..

هالساعة يلي قعدتا ببيت انس حركت كل المشاعر المدفونة جواتا ..
حست حالا قديش مشتاقة لاما .. مشتاقة لحدا يكون حدا ويحسسا بوجودها ..

مسحت دمعتها بايدها وشغلت السيارة وراحت ع الشركة ..
كالعادة وقبل لتنزل من السيارة عدلت مكياجا واطلعت بحالا نظرة اخيرة بالمراية ونزلت ..
كانت عم تمشي وكانو هالكون كلو لالها .. وكانو ما في شي بيقدر يهزا .. او يعكر صفو حياتها ..
Telegram: @rwayate
كل مين بيشوفا بيحسا انسانة محظوظة كتير بقوتها .. بس بالواقع هالقوة كانت ظاهرية بس . كانت من جوا محطمة .. مكسورة ..

دخلت لمكتب ابوها واطلعت بالسكرتيرة مع ابتسامة خفيفة ..

مايا: كيفك سارة .. بابا بالمكتب

سارة: اهلين انسة مايا .. اي هون ... تفضلي

دقت الباب دقة خفيفة ودخلت .. كان ابوها عم يحكي بالجوال .. اطلع فيها واتبسملا واشرلا لتجي عندو ..

قربت منو وضمتو وبوستو وهو لساتو عم يحكي بالجوال وقعدت ع المكتب قدامو تطلع فيه ليخلص ..

خلص حكي بالجوال ..
لك اهلا ببنتي الامورة ... لك يعني ازا ما بطلب شوفك ما بتجي لعندي

مايا: هههههههه اي انت ع طول مشغول

(اي وازا مشغول ... كل يوم بتجي لهون .. فهمانة )

(ممم .. اوك استاز اكرم .. رح حااااول ههههههه)

(تسلملي هالضحكة )

دق جوالا .. طالعتو من شنتتا شافت المتصل وعصبت وسكرت ..

(مين يلي عصبا لبنتي )

(مانو مهم بابا ... انا رح روح .. بدك شي )

(لك لسا ما شفتك )

(انت مشغول بابا .. بتعرفني بمل بسرعة .. ما فيني ابقى هون اكتر )

(ماشي يا روحي .. براحتك )
Telegram: @rwayate
مشيت بالسيارة وهي كتير مخنوقة وتعبانة .. عم تلف بالشوارع ..
بهاللحظة دق جوالا .. اطلعت فيه ودمعتا بعينا ..

(اي راكان .. لك لشو عم تدق انت ولا حيوان .. لااا .. ما في اسف .. انت واحد حيوان .. مستحيل ما عاد بدي شوفك .. ابداااا)

سكرت الخط بعصبية ..
وبقيت تلف بالشوارع لوقت تعبت ورجعت ع الفيلا ..
دخلت ع الفيلا وقبل لتطلع الدرج ..

ام سعيد: انسة مايا .. عندك ضيف

تعجبت مايا وعقدت حواجبا .. (ضيف.. مين!!)

(ما بعرف .. هو بالصالة )

#عشق_بيوم_وليلة_بقلم_امل_احمد
Telegram: @rwayate
(الجزء الاول)
كانت واقفة معو بفستانها الاسود الدانتيل يلي لفوق ركبتها ويلي مبين كل معالم انثوتها .. واديها مرجعتن لورا ع سيارتها السودا ..
عم تحكي معو وهي مغمضة عيونها ومانا مركزة بشي غير بنسمات الهوا يلي عم تلفح وشا بنعومة وتلعبلا بشعراتا الناعمين السود المطعجين ..

راكان: كانت السهرة اليوم غير شكل

جاوبتو وهي لساتا ع نفس الوضعية..

مايا: ممممم فعلا .. غير شكل

راكان: بدي اياكي ع طول هيك .. تشعي طاقة وحيوية

مايا: هههههه .. طالما عم تاخدني ع هيك جو رح ضل مفرفشة ومبسوطة

وفجاة وهي مغمضة عيونا حست بئيدو نحطت ع خصرا وقرب منا .. رجفت وفتحت عيونا .. وبكل هدوء سحبت ايدو عن خصرا وهي عم تتبسم ابتسامتها الساحرة .. ورفعت حاجبها ..

مايا: مااا بصير .. صح انا كنت عم ارقص معك متل المجنونة .. بس ما بصير تتمادى معي

اطلع فيها راكان وهو عم يتفحص كل انش فيها بشهية لعتلا نفسا ..
(ولايمت هالشي ممنوع ؟! .. انا عم جوع كتير )

اطلعت فيه بملامح باردة كتير ...
(ما حيصير يلي ببالك .. ابدااا )
Telegram: @rwayate
ومشت وفتحت باب السيارة وهو لساتو واقف ع وضعو .. ورجعت اطلعت فيه ورفعت حواجبا .. (ابداااا)

هز براسو وزم شفايفو بعصبية وطلح حدا بالسيارة وخبط الباب بعصبية ..

مايا بكل برود: مرة تانية لا تسكر الباب هيك .. بلا ما ينتزع

وشغلت السيارة لتحركا ..
اطلع فيها بعصبية من برودا ...
(لك قلتلك انا عم اشتقلك .. ع شوي رح جن .. كل شي فيكي عم يصرخلي لاخدك بحضني وضمك و....)

قاطعتو بمايا بنفس الهدوء..
(ايااك تكمل )
Telegram: @rwayate
بس هو ما كان بوضع يحسن يسيطر ع حالو اكتر .. كانت سهرهتهن كلا رقص .. كانت عم تتمايل قدام عيونو بفستانها يلي عم يناديلو .. ويلي كان كاشف من جسما اكتر مو مستر .. كانت عم تتغنج قدام عيونو وتضحكلو وتلف حوالي وكانها عم تطلبو ..
وهدوء الليل يلي حواليهن ونسمات الهوا الباردة وريحة عطرا يلي جواة السيارة واجريها يلي ما عاد شي منن مخبا وقت قعدت ع السيارة زاد من جنونو وما عاد فيه يسيطر ع حالو اكتر ..

قرب منا وضما بكل قوتو لوقت حست عظاما رح تتكسر ..

راكان: ما عاد فيني اصبر مايا

وقرب منا وباسا ع شفافا ..
دفشتو عنا بكل قوتها وضربتو كف ع وشو طالعو من كل افكارو يلي كان عم يفكر فيها ..
ونزلت من السيارة وفتحتلو باب مقعدو بعصبية واشرتلو باصبعتا ..
Telegram: @rwayate
(طلاع لبرا ولا حيواان .. طلاااع)

كان عم يطلع بعيونا السودا يلي عم تلمع بعتمة الليل وهو مانو مستوعب يلي صار ..

مايا: لك طلاااع .. طلاااع

طلع راكان من السيارة وهو لساتو مانو مستوعب شي .. سكرت باب السيارة بعصبية ومشت لترجع ع كرسيها .. مسكا من ايدا ..
(انا اسف مايا .. ما بعرف شو صرلي)

سحبت ايدا بعصبية وتفت عليه من غير ولا كلمة .. وكملت ع السيارة ومشت ..

مايا: لك الله يلعنكن جنس قذر .. جنس وسخ
Telegram: @rwayate
وبلشت تضرب بايدها ع دولاب لسواقة بعصبية ..

(لك ايمت رح تتعلمي ولي كلبة .. ايمت .. ايمت رح تفهمي انن كلن وسخ )

شغلت المسجلة ع اغاني اجنبية وعلت الصوت لدرجة حست انو هالسيارة رح تطير من هالصوت .. ومسكت الدولاب بئيد وبالايد التانية مسكت علبة السجاير وفتحتا بنفس الايد وطالعت سيجارة بتما ورمت العلبة قداما ومسكت الولاعة وولعت السيجارة وبلشت تتنفس بهالسيجارة بعصبية لجمعت كمية كبيرة من الدخان بتما وطالعتن مرة وحدة بعصبية ..

وفجاة حست بشي خبط بالسيارة .. ضربت بريك ووقفت السيارة بسرعة وفتحت الباب ونزلت وهي عم ترجف ..

انصدمت وقت شافت الشب قدام السيارة وماسك اجرو وعم يتوجع ..
كبت السيجارة لبعيد بعصبية وقربت منو ..
(لك انا ماا رح اخلص من هالجنس الملعون اليوم .. لك الله يلعنكن )

وقربت منو ونزلت ع ركبا ع الارض لتواجهو
(لك شو صار فيك .. احكي شو صار .. لك العما بقلبكن العما )
Telegram: @rwayate
اطلع فيها الشب وهو مصدوم من حكيا ولسا عم يتوجع ويضيق عيونو من الوجع..
(لك شبك اختي انبحتي علي فرد مرة .. لك انا يلي انضربت مو انت .. اااي)

(اختي!! .. اي ماشي ماشي اسفة .. وقف معي لشوف وقف )

ومسكت ايدو لتوقفو ..
اطلع فيها وانصدم من لبسا .. نفض ايدو منها بخوف وبعد عيونو عنها ..
(استغفر الله العظيم .. تركيني اختي تركيني)

رفعت حاجبا وهي مصدومة من تصرفو ورمشت بعيونا وكانو عم تحاول تستوعب ..
(اي بس عم ساعدك .. وقف لاخدك ع المشفى لاطمن عليك)

(لا معلش انا بوقف لحالي .. بعدي عني)

هزت بكتفا وهي عم تلوي شفافا ..
(اي براحتك )

#عشق_بيوم_وليلة_بقلم_امل_احمد
(الجزء الثالث عشر )
Telegram: @rwayate
انس: هديل اهدي .. شو هالحكي هاد .. هالبنت مسكينة وحياتا مخربطة وبدا مين يساعدها

هديل: ايي .. وانت يلي رح تساعدها .. لك هاي وحدة فلتانة وانت كل القصة انو عجبتك هالفلتانة

ومع هالكلمة ما عرف انس كيف رفع ايدو وضربا كف ع وشا ..
وبهاللحظة كانت مايا جايي ومعا الشاي .. وقعت صينية الشاي من ايدا وقت شافتو ضربا ...

حطت هديل ايدا ع وشا وغرغرو عيونا بالدموع واطلعت فيه ..
شلحت محبسا من ايدا وحطتو ع الطاولة بعصبية واشرت باصبعتا ع مايا ..

(عم تضربني كرمال هالفلتانة .. تهنى فيها يا انس .. تهنى )

حكت هيك ومشت .. وقت وصلت لمايا تفت بوشا وكملت مشي وراحت وهي عم تبكي ..

غمضت عيونا مايا لتحاول تستجمع قواها وتتمالك اعصابها.. سحبت نفس طويل ونزلو دموعها .. ولفت وشا لتروح ..
Telegram: @rwayate
انس: مايا انا بحبك

رجف قلبا وهرو دموعا اكتر .. وحكت وهي لساتا لافة وشا ..
(هديل معا حق .. انا فلتانة يا انس .. فلتانة .. انا ما بستاهل حبك )

ركضت مايا لجوا اخدت شنتتا وطلعت بسرعة ..
شافتا ام انس وهي عم تركض وتبكي ..
(مايا .. بنتي .. شو صاير .. لوين رايحة )

ما ردت مايا عليها وكملت لسيارتها شغلتا ومشت باقصى سرعة ..

انس كان لساتو متمسمر بمكانو ومانو عرفان شو يلي صار هلا ..
قعد ع الكرسي ومسك راسو بئيدي التنتين وسندن ع الطاولة ..
(لك شو عملت انا .. لك .. لك .. )

ام انس: لك شو صاير هون .. ووينا هديل .. شبكن
Telegram: @rwayate
حكا مع امو وهو لساتو ع نفس وضعو ..

انس: امي .. انا .. انا .. انا بحبا لمايا وما بدي غيرا

ضربت امو ع صدرا وصرخت ..
(شوووووو .. لك انت جنيت )

رفع راسو وعيونو متل الجمر وصرخ ..
(لك ايييي .. جنييييت .. انا جنييييت ... انا ما رح اخد غير مايا .. مايا .. ماااياااا )

ام انس: لا حول ولا قوة الا بالله .. يا ربي دخيلك
Telegram: @rwayate
كانت عم تلف بالشوارع وهي عم تبكي لوقت ما عادت قدرت تشوف قداما من البكي .. صفت السيارة ع جنب الشارع ونزلت راسا ع دولاب السيارة وبلشت تضرب بايدا عليه بعصبية وزادت بالبكي ..

(لك الله ياخدك يا راكان الحقير .. لك الله ياخدك وياخدني .. لك اااااااخ بدي مووووت .. بدي موووووت )

وشغلت السيارة وبلشت تسوق بعصبية ع اقصى سرعة لوقت شافت عمود كهرباء ووجهت السيارة لعندو وفلتت الدولاب وغمضت عيونا وصرخت باعلا صوتها ..

(انسسسسس بحبك .. بحبك يا انس)

رجف قلبو لانس ونقز مرة وحدة .. (اعوذ بالله من الشيطان الرجيم )