📚قصص||روايات||منوعة📚

(الجزء السادس)
Telegram: @rwayate
راحت ع الصالة ونصدمت وقت شافتو ..
(لك انت ما بتفهم .. ما حلك تستوعب.. لك خلص ما عاد بدي شوفك .. طلاع لبرا بيتي وحياتي )

راكان: ماااايا شبك .. اهدي شوي .. انا جد اسف .. بعتزر منك .. ما قدرت سيطر ع حالي .. جد اسف

مايا: اسف!! راكان طلاع لبرا بسرعة .. خلص كلشي بينا انتهى

راكان: مايا حبيبتي .. اعطيني فرصة لاعتزر منك .. بترجاكي .. كانت لحظة ضعف وما حتنعاد
Telegram: @rwayate
سحبت نفس وقعدت ع الكنبة بتعب ..
(فففففف .. لك انت ما بتمل .. لك مالي خلق احكي خلصنا )

(لكن اصفحي عني لروح ههههه)

(اصفح عنك !! خلص ماشي .. بس تركني هلا لانو كتير تعبانة )

(خلص تكرمي .. رح روح .. بشوفك يا عسل )

وغمزا وراح ..

(لك تضرب شو مقرف )

طلعت ع غرفتا بتعب وطلبت من ام سعيد تجبلا الاكل ع تختا .. وسحبت سيجارة وبلشت تدخن .. وسرحت بخيالا .. وفجاة عصبت ....
(لك اييييي .. شبنييي انا .. شو صرلي .. لك ليش ما عم يطلع من راسي هالمخلوق ليييش .. لك ما عاد فكرت غير فيه )

كان انس هو يلي عم تفكر فيه .. من اول لحظة شافتو ما فارق خيالا ولا لحظة ...

دقت ام سعيد الباب ودخلتلا الاكل ..
اكلت بتعب ومسكت جوالا وهي مترددة ..
(دقلو او لا ؟؟ طيب شو رح قلو .. ليش عم اتصل وبهيك وقت ... ففففففف .. رح دقلو )

دقت لانس ..
حطت السماعة ع ادنا وغمضت عيونا عم تستنا لتسمع صوتو .. ونصدمت وقت سمعت صوتا لهديل ..
(الوو .. الوو .. مين معي )

تلبكت كتير وسكرت الخط بسرعة ..
سحبت نفس قوي لتهدي حالا وبلشو دموعو يهرو ع خدودا من وجع قلبا ..

(لك شو عم يصير معي .. لك ليش هالانس سيطر علي هيك .. لييش )

ورجعت دقت .. بس هالمرة دقت لراكان ..

راكان: لك اهلا بالحلوو .. روقتي يا عسل

مايا: راكان .. بدي اطلع سهرة غير شكل .. تعا خدني بسيارتك مالي خلق سوق

راكان: اي يكرم الحلووو .. جايي فورا

قامت ع خزانتا وطالعت تنورة جينز قصيرة كتير وبلوزة زهر مبينة كل مفاتنا .. وحطت مكياج صارخ وحملت شنتتا البيضة وطلعت .. كان راكان صار واصل وعم يستنا ع باب الفيلا..

نزلت عم تتغنج لوصلت السيارة وراكان عم يطلع عليها من سيارتو وبدو ياكلا اكل بعيونو ..
Telegram: @rwayate
فتحت باب السيارة وقعدت حدو وهو لساتو مفتون بشكلا وعم يتفحصا ..
(شبك !! يالا امشي )

(من عيوني يا حلووو انت )

فتحلا موسيقى اجنبية ع اعلا صوت ومشا باقصى سرعة بالسيارة ..

مايا : اي هيك ها هههههه

وولعت سيجارة وبلشت تدخن فيها وهي عم تضحك والهوا عم يلعبلا بشعرا ..

وصلو ع الملهى كالعادة ودخلو وبلشو ع طول بالرقص .. ضلو يرقصو لوقت تعبو تنيناتن ..

مايا: ههههه خلص تعبت .. ما عاد فيني

راكان: اي تعي تعي لنشرب شي

جاب راكان كاسين وبلشو يشربو ..
كانت عم تشرب متل المجنونة .. بدا تهرب من الواقع يلي عايشتو ... من حياتا الفاضية .. من شوقا لاما .. من شعورها بانو وحيدة .. عم تهرب من مشاعر انولدت بيوم وليلة بقلبا .. وكانو عم تهرب من حياتا لحياة تانية ..
مانا عرفانة انو عم تمشي بطريق كلا ظلام وهلاك ..

(الجزء السابع)
Telegram: @rwayate
بقيت تشرب لوقت ما عادت ركزت بشي وصارت تتمايل يمين وشمال ..

راكان: شبك حبي .. شو صرلك

مايا: هههههههههه .. انا ... هئ.. انا ... هئ .. هئ .. نعساااانة ههههههههههه

ومالت ع كتفو ولفت اديها ع رقبتو ..

راكان وقت شافا بهالحالة قلبو بلش يغلي و مسكا من ايدا ووقفا ..
راكان: مشي مشي معي .. وقفي

مسكت بئيدو وهي عم تتمايل يمين ويسار ومانا قدرانة توقف .. لوقت سندا ع صدرو ولفا لوصلو السيارة ..

راكان: مايا .. انت معي حبي

مايا: هههههههه .. لك اي اي معك معك .. مو شايف .. ههههههه .. لييييكنييي

راكان: شو رايك اخدك ع البيت عندي

مايا: ههههههه .. لك عندك عندي ما بتفرق هههههه .. كلو متل بعضو

كانت عم تحكي وتميل براسا ع الكرسي .. لوقت غفيت ع الكرسي...

اطلع فيها راكان وهو عم يتفحصا ويتبسم ..
راكان: والله ووقعتي يا مايا الكلبة

اخدا راكان ع بيتو وعمل فيها متل ايا حيوان بيمسك بفريسة ضعيفة بعد مطاردة سنين ..
Telegram: @rwayate
......................
كانت الشمس بعيونا ... حطت ايدا ع وشا لتغطيها وهي لساتا نايمة ..
وقت حس عليها راكان عم تتحرك ..

راكان: مايااا .. فقتي؟؟

وقت سمعت صوتو نقزت وفتحت عيونها عليه ..

مايا: لك وين انا

اطلعت ع حالا وهي بلا تياب وشرشف خفيف مغطيها وراكان واقف حد السرير وعم يطلع فيها بخباثة ..

مايا: راكان.... شو صااار .. ولااا كلب شو عملت

راكان: ههههه .. لك كنت بتجنني .. تاريكي بدك اكتر مني

شعلت نار بعيونا وبلشت تصرخ فيه ..
(ولك ياا كلب والله لادبحك ... والله )

راكان: هههههههههه .. اي قومي قومي لبسي تيابك ونقلعي من بيتي .. وهيك بنكون خالصين يا حلووو
Telegram: @rwayate
مايا: ولك يا حيواااان .. يا قذر

راكان: هههههههه .. جد ضحكتيني .. قذر!! .. لك انت ما عم تشوفي حالك .. لك مااا في اقذر منك .. بس حللللوووة .. وبتشهييي كتييير .. متلل العسسل

وقرصا من خدا .. بعدت ايدو عنا بعصبية ..

مايا: لك تفوووو عليك يا كلب

قرب منا راكان ومسك رقبتها بئيدو وهو عم يضغط عليها ..
(خرسي لاقتلك بارضك .. لك صرلك سنين عم تعزبي فيني .. ع لبس وطلعات .. وخطبة ما بدك تخطبي .. عم تلعبي فيني موو .. لك انا راكااان .. راكاان ولييي .. ولا تعملي فيها دور الضحية العفيفة الشريفة .. قومي بسرعة لبسي وطلعي ما بدي شوفك هون)

بعد عنها ورجع لف وشو عليها وهو عم يضحك (واعتبري يلي صار بدال الكف يلي ضربتيني اياه .. ههههههه )

تركا بكسرتا وبوجعا يلي مالو دوا وراح ..

(الجزء الثامن)
Telegram: @rwayate
لبست مايا تيابا وطلعت من بيتو لراكان .. كانت عم تمشي بالشارع وهي عم تداري دموعا .. وقفت تكسي وطلعت فيها ..

كانت ساندة ايدها ع شباك التكسي وعم تفكر شو لازم تعمل بالمصيبة يلي حلت عليها ..
كل عذاب حياتا بكفة ويلي صار معا بكفة تانية .. فكرت تروح ع الشرطة .. بس خافت من الفضيحة .. وخاصة انو ابوها الو اسمو ومركزو بالبلد ..

رجعت ع الفيلا واتوجهت مباشرة لغرفتها .. وقبل لتطلع الدرج .. شافتا ام سعيد بالحالة يلي هي فيها ..

ام سعيد: انسة مايا .. انت منيحة ؟؟

حكت معها وهي عم تطلع ع الدرج..
(لا حدا يزعجني ولا تدقو علي شو ما صار ... مااا بدي شوف حدا بنوب )

طلعت ع غرفتها ودخلت مباشرة ع الحمام وحطت حالا تحت الدوش وهي لساتا بتيابها .. قعدت ع طرف البانيو والمي عم تنزل عليها وهي عم تبكي وتشهق وتصرخ باعلا صوتااا ..
(لك ااااااخ .. ااااااااااااخ .. لك بدييي مووووووت .. لك ااااااااااخ.. تعببببت )
Telegram: @rwayate
بقيت ع وضعا لوقت تعبت من لصريخ .. شلحت تيابا وبلشت تتخيل براكان وتتخيل كيف نامت معو وشو ممكن يكونو عملو سوا .. قشعر جسما وصارت تفرك بجسما بقووة بمحاولة منها لتشيل شي من يلي صار ..

لبست روبها ولفت شعرا بمنشفة وزتت حالا ع تختا ومسكت سيجارة وبلشت تدخن بعصبية ... كانت عم تطفي سيجارة وتولع سيجارة .. لوقت خلصت علبة الدخان غطت راسا بالمخدة ونامت لتهرب من واقعها يلي صار بعتمة الليل ..

بقيت مايا ع هالحالة اسبوع كامل ... ما عم تطلع من غرفتها ابدا .. ولا عم تشوف حدا .. كانت ام سعيد كل يوم تفوت لعندا وتضل تترجا فيها لتحط بتما شي يخليها عايشة ..
....................................

بهالفترة انس كمان تغير شي فيه ..
انس شب ملتزم كتير .. معو دكتوراة بالشريعة وموظف بالجامعة .. عايش مع امو ببيتن البسيط .. حياتن هادية كتير وما في شي بيعكرها غير ابو ..
Telegram: @rwayate
ابو لانس من فترة اكتشفو وبالصدفة انو مدمن مخدرات .. وواصل مرحلة متقدمة بالادمان .. لهيك انس حاجزو بغرفة ببيتن وعم يحاول انو يعالجو ..

هديل طالبة بكلية الشريعة يلي بيدرس فيها انس .. بنت هادية ومحترمة .. قمة بالجمال والاخلاق والالتزام .. كملت البكالوريوس وعم تقدم ماستر بمساعدة انس ..

تعرف عليها انس بالجامعة واعجب بشخصيتها وطلب من امو لتخطبلو اياها من شي تلت شهور ..
كلشي فيها بيجذبو .. وشا الملائكة .. برائتها .. ادبها .. اجتهادها بدراستها . ..
يعني باختصار كانت نسخة منو .. متفقين بكلشي ودائما ع نفس الخط بيشتغلو ..

من وقت صار هالحادث معو لانس وهو مانو قدران يشيل صورتها لمايا من بالو ..
ريحة عطرها لساتو معلق بانفو .. لدرجة انو كل ما اتزكرها بحس بقشعريرة بجسمو ونغزة بقلبو ..

صار عم يطلع بهديل وهو عم يتخيلا قدامو ..

هديل: انس حبيبي

انس: يا روحي

هديل: ممممم انا زعلتك بشي

انس: ليش عم تسالي .. اكيد لا

هديل: ما بعرف .. بس حاسيتك متغير علي شوي

انس: ههههه لا يا روحي .. ما في شي .. بس تعبان شوي .. بتعرفي ما فيني احكي بايد وحدة

هديل: ههههههههههه .. اي مو مشكلة ايد وحدة بتكفي

انس: يسلمولي هالعيون يلي بيلمعو وقت تضحكي .. تعي حدي لاشبع منن .. تعي

حمرو خدودا خجل وزادو وشا جمال فوق جمالها واطلعت فيه بدلع..

هديل: لاااا .. هلا بتجي مرت عمي .. ما بدي

انس: اي وشو المشكلة .. ازا ما جيتي رح اجي انا .. تعيي

لوت بشفافا واطلعت فيه بخجل ..
(لاا خلص انا بجي )
Telegram: @rwayate
راحت واقعدت حدو ع طرف التخت ..

انس: تعي .. حطي راسك ع كتفي .. شتقت لريحتك كتير

هديل: اناااااس .. ما بدي والله بخجل

حط ايدو ع وشا وفرط ضحك ..

انس: هههههههه .. لك يسلملي الخجول انااا

(الجزء العاشر )
Telegram: @rwayate
ركبت بالسيارة وفرطت بالبكي ... ما قدرت تحبس دمعتها اكتر ..
(ما لازم انكسر !! لك كيف ما بدي انكسر .. لك كيف .. كلشي راح وانتهى .. كلشي )

بكت لهديت شوي .. مسحت دموعا وطالعت علبة مكياجا رتبت مكياجا واطلعت بالمراية ..
(هاد الشي يلي بقيلي من الحياة .. مكياجي ومرايتي .. ان شاء الله ما يجي شي يوم وافقدن )

تبسمت وسكرت مرايتها وضبت المكياج وشغلت السيارة ومشت ..
وقفت عند السوبرماركت اشترت علبة شوكولا ورجعت مشت بالسيارة لوصلت لبيت انس .. وقفت السيارة وسحبت نفس..

(انسس .. اووووف مني ومنك يا انس )

اطلعت بحالا نظرة سريعة بمراية السيارة واخدت شنتتا وعلبة الشوكولا ونزلت ..
مشيت بخطوات بطيئة ومترددة لوصلت الباب .. غمضت عيونا ودقت ..

بعد بشوي فتحت ام انس الباب .. وتفاجات وقت شافتا لمايا ..
(انسة مايا .. اهلا وسهلا يا بنتي .. اهلا وسهلا .. تفضلي)
Telegram: @rwayate
وضمتا وبوستا ..
(اهلين فيكي خالة )

دخلت مايا وحست بجسما انتفض من صوت القران يلي معبي البيت كلو ..
مشت ام انس لعند القران لتطفي ..

اشرتلا مايا بايدا وحكت بسرعة ..
(تركي خالة .. لوو سمحتي )

اطلعت ام انس بمايا وهي عم تتبسم ..
(ماشي يا بنتي .. رح اندهلك انس .. تفضلي )

راحت ام انس لتنده ابنا وبقيت مايا لوحدا .. عم تسمع للقران وحاسة بانو كل خلية من جسمها عم تتحرك مع هالصوت ..
(الم يأن للذين امنو ان تخشع قلوبهم لذكر الله وما نزل من الحق )

.......................
دخلت ام انس ع ابنها..
(اجاك ضيوف .. تعا لاسندك )

سكر لكتاب يلي بئيدو واطلع فيها ..
(مين ؟ هديل ؟)

(لا .. مو هديل .. الانسة مايا )

رجف قلبو لانس وقت زكرت اسمها .. وشال الغطا عنو بسرعة ومسك العكازة ليوقف ..

قربت امو منو وساعدتو وطلعو لبرا ..
Telegram: @rwayate
طلعو لبرا وانصدمو وقت شافو مايا مغمضة عيونا وعم تسمع للقران بخشوع ..

انس: اهلا وسهلا انسة مايا

فتحت عيونا بسرعة ومسحت الدمعة لمعلقة بعينا ووقفت ..
(اهلين فيك .. جيت لاطمن عليك )

(اهلا وسهلا .. رتاحي )

ام انس: اهلا وسهلا .. رح اعملكن شاي لتشربو مع الفطاير .. لساتن طازة

تبسم انس لامو ..
(طفي القران يامو زكاتك )

طفت الصوت وراحت لتعمل شاي ..
سكتو تنيناتن ليهدو قلوبن يلي عمالا تدق بصورة غريبة ..
انس ما عم يفهم شو عم يصير معو .. هالمشاعر جديدة عليه .. حتى مع هديل ما عم يحس فيها .. عم يحس بنار شعلانة بقلبو .. عم يقاوم حالو لحتى ما يطلع بمايا ..
مايا بلشت تفهم مشاعرها .. بلشت تحس بانو هالشخص هو الشخص الوحيد يلي دخل لقلبا .. كيف دخل ما بتعرف .. يلي بتعرفو انو هو بقلبا .. وانو ما عم ترتاح الا وقت بتكون حدو ..

مايا: كيف صرت هلا

انس: منيح .. منيح الحمد لله .. تمام

مايا: ........... كيفا هديل

انس: هديل .. منيحة .. منيحة هديل

مايا: بتحبا ؟؟

تفاجا انس من سؤالها .. واطلع فيها .. ووقت اطلع بعيونها رجف قلبو وتلعثم بالحكي ..
(مممم .. برتحلا .. برتحلا كتير .. بتفهمني وبتطيعني)

(الله يهنيكن )
Telegram: @rwayate
اجت ام انس ومعا الشاي والفطاير ..
(تفضلي يا بنتي .. دوقي شغلي )

اكلت مايا وكانها صرلا سنة مانا اكلة شي وانس وامو عم يطلعو ببعض ويتبسمو ..
مايا: ليك .. هلا انا مالي بالعادة اكل هيك .. والله جد عم احكي .. بس مدري ليش انفتحت نفسي

فرطو تنيناتن ضحك ...
انس: اي صحة .. صحة وهنا .. كلي

بقيت مايا عندن شي تلت ساعات ... ما حست بالوقت كيف مر معن ..
كان عم ياذن للظهر ..

ام انس: انت بتصلي يا بنتي ؟

حمرو خدودا لمايا واطلعت فيها .. (لا خالة ما بصلي )

(لكن بستازن منك رح اتوضى واجي لصلي انا .. خدي راحتك )

توضو تنيناتن انس وامو واجو ع الصالة وبلشو يصلو قداما لمايا ...
كانت عم تطلع فيهن وحاسة بشي غريب جواتا .. حست قديش هني مبسوطين ومرتاحين بصلاتن ..

تركتن عم يصلو وطلعت من البيت ..
طلعت بسيارتا وهرو دموعا .. (شو كان بصير لو عيلتي كانت هيك .. شو كان بيصير لو امي لساتا عايشة .. شو كان بيصير لو كنت نضيفة متلن )

(الجزء الحادي عشر)
Telegram: @rwayate
طلعت مايا بسيارتها وراحت ع الشركة لعند ابوها .. وكالعادة دخلت لعندو وهو مشغول بشغلو وشركتو ..

تصفن فيها وهو كتير متفاجئ من شكلا ..
(شبك يا روحي .. ليش هيك وشك .. تعبانة شي )

ضمتو مايا وفرطت بالبكي ..
(مشتاقتلك بابا ... مشتاقتلك كتير .. ضمني .. ضمني بترجاك )

انصدم ابوها وقت شافا هيك منهارة .. ضما وصار يمسح ع شعرا بكل حنية ..
(شبك يا روحي .. شو صاير معك يا عمري )

(تعبانة بابا .. تعبانة كتير .. بدي ضل حدك .. بترجاك )

رفع راسا من حضنو واطلع فيها ..
(ما بدي شوفن لهالدموع ابدا .. مسحي وشك وامشي معي )

مسحت مايا دموعا وفتحت شنتتا وطالعت مرايتا ومكياجا لترتب حالا ..
اطلع فيها ابوها وفرط ضحك ..
(هههههههه .. لك حتى وانت بهالحالة ما بتنسي المكياج )

تبسمت من بين دموعها واطلعت فيه ..
(اي طبعا .. التعب شي ومظهري شي تاني )
Telegram: @rwayate
(هههههههه .. اي عجلي )

خلصت مايا مكياجا ومسكت بايد ابوها وطلعو سوا ..
اكرم: سارة .. الغي مواعيدي كلا لليوم .. ويلي بيسال قليلن عندو موعد طارئ

ميلت مايا راسا ع كتفو وغمضت عيونها ..
حط ايدو ع كتفها ومسح عليه بحنية ..
(لك قديش مايا عندي انا )

.........................
خلصو انس وامو صلاة وانصدمو وقت ما لقوها لمايا ..
ام انس: لك وين راحت

انس: باينتا طلعت .. لك هالبنت غريبة كتير

ام انس: والله يا ابني هالبنت باينتا حياتها كتير صعبة .. وغير هيك شايفتا عم تحب جو بيتنا والقران .. عم تسمعو بخشوع .. يا ريت لو فينا نتواصل معا

انس: رقما معي امي .. بكرة حاكيها وعزميها ع فطاير
ام انس: وهو هيك
Telegram: @rwayate
............................

ركبو بالسيارة وراحو سوا ع بيتن يلي بالمزرعة ..
طول الطريق واكرم عم يمزح مع مايا ويحاول يطالعا من جو الحزن يلي شايفو بعيونها ..

وصلو للمزرعة بعد بساعة من السواقة بالسيارة ..
(وهاي وصلنا انسة مايا .. تفضلي يا روح البابا)

(يخليلي ياك يا رب وما يحرمني منك )

نزلو سوا ع المزرعة وبقيو فيها لاخر الليل .. حاول ابوها بهالفترة يفهم ليش تعبانة .. وع طول كان جوابها انو مشتاقتلو وبحاجة لالو ..

هالمشوار كتير ريحا لمايا ورجعت للبيت وهي كتير مبسوطة ..

دخلت لغرفتا بدلت تيابا ونامت ..
Telegram: @rwayate
تاني نهار فاقت ع صوت جوالها ..
مسكتو وهي مغمضة عيونها .. ومن غير ما تشوف المتصل فتحت الخط ..
(الووووووووووو)

ام انس: انسة مايا

(تفضلي .. مين معي )

(اسفة ازعجتك .. باينتك نايمة )

(مو مشكلة .. تفضلي )

(انا ام انس يا بنتي .. كيفك )

رجف قلبا لمايا وفتحت عيونا ع وسعهن ..
(اهلين خالة اهلين .. تمام الحمد لله .. انت كيفك وانس كيفو .. صاير معكن شي)

(هههههه لا لا ابدا كلنا مناح .. قلقت عليكي مبيرح وقت رحتي من غير ما تودعينا )

(اي .. اي بعتزر منك .. بس كان عندي شي ضروري .. لهيك رحت)

(اي بسيطة يا روحي .. عاملة اليوم اكلة كبة واشتهيتك معنا .. شو رايك )

فرحت كتير مايا وقت قالتلا هيك ..
(شكرا كتير خالة .. بس ما بدي عزبك )

(لك ايا عزاب .. رح احسب حسابك .. لا تطولي علينا يا بنتي )

(ماشي خالة .. يسلمو كتير )
Telegram: @rwayate
(يسلم قلبك يا بنتي .. بشوفك )

(الجزء الثاني عشر)
Telegram: @rwayate
سكرت مايا الخط وهي طايرة من فرحتها .. مسكت سيجارة وولعتا وبلشت تدخن فيها وهي لساتا ع التخت وعم تفكر بانس ..

انس: اي امي .. شو قالتلك .. رح تجي

ام انس: اي في حدا بيقول لام انس وكبتها لا .. طبعا جايي ههههه

حس حالو انس رح يطير من فرحتو .. بس بنفس اللحظة حس بغصة بقلبو .. وبلش يفكر ..
(شو يلي عم يصير معيي .. ليش لهالدرجة متلهف لشوفتها .. ليش كتير بفرح وقت بتكون موجودة .. شو يلي عم يصير معي .. يا رب سامحني واغفرلي يا الله )

جهزت مايا حالا وحاولت تلبس استر شي عندا وخففت من مكياجا ع قدر المستطاع .. ومع هيك طلعت متل الملاك .. بتجنن وبتسحر بطلتها .. تنورتها يلي لتحت الركبة بشوي ويلي لبست تحتا جرابات طويلة اعطوها انوثة وجمال اكتر .. قميصا الجرجيت الافوايت الفضفاض .. ويلي زينتو بسلسال طويل .. حلقا الطويل يلي اعطا رقبتا جمال فوق جمالها ..
كانت متل الاميرة بكلشي ..
Telegram: @rwayate
طلعت من بيتا وهي طيرانة من فرحتها .. وراحت لبيت انس ..
وبالطريق دق جوالها ..
اطلعت فيه واتبسمت .. (اي سيد اكرم .. شو يلي زكرك فينا )

(هههههه انت ما بتروحي من بالي يا عمري .. كيفك هلا)

(كتير منيحة بابا )

(انت بالسيارة ؟؟)

(اي بابا بالسيارة .. رايحة زيارة لعند رفيقتي )

(ماشي يا روحي .. بحبك )

(بحبك بابا مووووواه)

سكرت الخط وفتحت ع غنية اجنبية ورفعت الصوت وبلشت تغني معو وهي كتير مبسوطة ..
Telegram: @rwayate
.......................

انس كان ناطرها لمايا ع نار .. ما كان قدران يتحكم بمشاعرو ابدا .. حاسس بنار شعلانة جواتو وبدو يشوفا ..

سمع صوت سيارتها ع الباب ورجف قلبو .. حمل العكازة ووقف بسرعة ليستقبلها ..

فتحت ام انس الباب ودخلت مايا ..
اطلع فيها انس ورجف قلبو من شكلا .. كل مرة بيشوفا بتكون احلا من المرة يلي قبلا .. بتجنن وبتسحر بكلشي فيها ..

مايا: مسا الخير

انس: مسا النور .. اهلا وسهلا .. تفضلي

دخلت مايا وهني عم يرحبو فيها وقعدت ..

ام انس: رح روح جهز الكبة.. طلعو ع الجنينة لجبلكن كاستين شاي

انس: فكرة حلوة .. شو رايك مايا

مايا: مممم ليش لا .. يالا

طلعو سوا ع الجنينة .. كان الجو هدوء كتير وحلو كتير ..
هبت نسمة هوا وحركت شعرا لمطعج لمايا وحركت كل مشاعرو لانس ..
Telegram: @rwayate
مايا كان قلبا عم يرجف رجف .. شي جواتا عم يغلا غلي .. حبو لانس عم يمشي بمدما ويحركلا كل مشاعرها ..
انس ضميرو عم يعزبو من هالمشاعر لجديدة يلي دخلت لقلبو .. بس ما عم يقدر يتحكم فيها ابدا ..

مايا: كيفك انس

وقت حكت اسمو رجف قلبو بزيادة واطلع بعيونها .. ونسي حالو وهو عم يطلع فيها .. كل العالم وقف مع هالنظرة .. ما عاد في شي بالوجود غير هالعيون السود المليانين حزن ..

انس: مايا .. انت .. انت ليش حزينة

تفاجات مايا من سؤالو وتلبكت كتير من نظراتو ..
مايا: ليش هيك فكرت

اطلع فيها انس وتبسم..
(كلشي فينا نداري الا نظرات عيونا .. دايما بتخونا وبتكشفنا.. عيونك مليانين حزن ووجع)

كانت عم تسمعلو وجسما عم ينتفض من جوا
(انا .. انااا .. حياتي كتير معقدة .. او .. او .. ما بعرف بالزبط .. مشاكلي كتيرة )
Telegram: @rwayate
(بس انا فيني ساعدك . يعني فيكي تفشيلي قلبك )

رمشت بعيونها واطلعت فيه بعيون دبلانة وهي عم تقاوم دمعتها ..
(بتشكرك .. بتشكرك كتير )

(انا يلي بتشكرك .. وكتير )

اطلعت فيه مايا وهي متفاجاة..
(تتشكرني .. ليش .. يعني ع شو )

وهون انس كان سرحان بهالعالم لجديد يلي قدام عيونو ... طلع عن الواقع ومانو شايف شي غير مايا وعيون مايا ..
(مايا انت .. انت .. ... )

هديل: كيفكن

نقزو تنيناتن وطلعو من هالعالم يلي عم يجمعهن لعالم الواقع واطلعو بهديل يلي باين عليها قديش مزعوجة ..

انس: هد .. هد.. هديل .. اهلا وسهلا .. اهلا وسهلا .. كيفك
Telegram: @rwayate
مايا: اهلا هديل .. كيفك

هديل: منيحة .. كتير منيحة
سلمت ع مايا ببرود وقربت من انس وبوستو وقعدت حدو ومسكت بايدو .. (كيفك حبيبي )

تلبكت مايا واطلعت باديهن يلي مشلبكين ووقفت ..
(انا .. انا رح روح شوف خالة .. بالازن منكن )

سحب انس ايدو من هديل واطلع فيها ..
(لك انت جنيتي .. ليش هيك عملتي )

اطلعت هديل فيه بعيون عم تشعل نار ..
(انا يلي جنيت يا انس ولا انت .. لك شو صرلك .. شبك .. لك ما شفت حالك كيف كنت سرحان فيها ... لك كنت رح تاكلا بعيونك )
Telegram: @rwayate
شهقت هديل ومسحت دمعة من عينا وكملت وهي عم تاشر بايدها ..
(لك هالبنت من وقت دخلت حياتنا وانت تغيرت .. لك .. لك هالنظرة كنت ع طول بتمنى شوفا بعيونك وقت تطلع فيني .. لك انت قلبت فرد مرة .. لك ما عدت حاكيتني ولا سالت فيني .. ووقت حاكيك كل الحكي بيكون عن مايا .. لك مليت يا انس مليت .. انت جنيت .. جنيييت )هالحكي كلو انس كان عرفانو .. وعرفان قديش هو ظلما لهديل بهالفترة .. بس هالشي ما كان بئيدو .. كان ع طول عم يحاول يداريها بس مانو قدران ..

(الجزء الرابع عشر)
Telegram: @rwayate
كان قاعد ع الكرسي وفاتح القران وعم يقرا .. سكر القران واطلع عليها ..

(لايمت رح تبقي ع هالحالة .. فتحي عيونك .. بكفي .. لك انا ما عاد اقدر عيش بلاكي )

ندق الباب ودخل اكرم ..
(مسا الخير .. كيفك يا ابني )

(تمام الحمد لله .. انت كيفك )

(والله ماني منيح ) مشى لعند التخت وحط ايدو ع راسا وبلش يمسح ع شعرا ..

(صرلا شهر ع هالحالة .. قلبي رح يوقف من وجعو .. ماني متخيل كيف عملت بحالا هيك .. لك قبل بساعة وحدة حاكيتا وكانت كتير منيحة )

(طول بالك عمي .. باذن الله هالقران رح يشفيها ويعافيها .. بس قول يا رب )

دمعو عيونو وحكا من وجع قلبو .. (يااا رب ..روح رتاح يا ابني .. انت تعبت كتير .. رح ابقى معها شوي)

(ماشي عمي .. بالازن منك )
Telegram: @rwayate
طلع انس من المشفى وقلبو واجعو .. رجع بذاكرتو لليوم المشؤوم وبلش يتزكر بكلشي صار فيه .. ووقت نقز قلبو ..

«ام انس: اسم الله عليك يا ابني .. شبك

انس: مايا .. لازم حاكيها

مسك جوالو وايدو عم ترجف .. ودق الرقم .. دق كتير وما كان حدا عم يرد

ام انس: لك يا ابني حاكي هديل هلا مو مايا

انس: امي لا تجننيني .. هديل غلطت في وفمايا .. لك هاي بدا تكسير ىاس .. ما رح حاكيها

ام انس: الله يهديك يا امي

كان لساتو مشغول بالجوال وعم يدق .. (فتح الخط .. الوو .. مايا )

(مرحبا يا اخي )

(مين معي .. وينا مايا )
Telegram: @rwayate
(بعتزر منك يا اخي .. انا هلا واقف بنص الشارع والصبية صاحبة هالجوال هلا الاسعاف اجو واخدوها وانا شفتو للجوال عم يدق بالصدفة فرديت عليك)

بلش كل جسمو لانس يرجف وعيونو شعلت نار وتعبو دموع ..(ايا مشفى يا اخي .. ماشي .. شكرا .. شكرا كتير )

ام انس: شبها مايا

انس: مايا عملت حادث يا امي

وسند حالو ع العكازات ووقف ..

راحو سوا هو وامو ع المشفى .. وكان الرجال يلي معو الجوال داقق ع رقم ابوها ومخبرو بالحادث ..

وصلو كلن ع المشفى .. كان انس عم يدور ع مايا وعيونو كلن دموع ..

اكرم: مين انت .. وليش عم تسال عن بنتي

انس: انا .. انا .. انا حبيبا لمايا
Telegram: @rwayate
اكرم: لكن دعيلا لبنتي »

رجع انس ع البيت توضى وصلى ووقف ع المصلاية .. (يا رب .. يا حبيبي يا الله متل ما دخلت حبا لمايا جواة قلبي لا تحرمني منها وتشفيها وتعافيها .. ياا رب انت الاعلم والاخبر بانو ما الي سلطان ع هالقلب يااا رب .. يااا رب اشفيها يا الله ولا تخليني سبب بموتا يا رب )

دقت امو الباب ودخلت ..
(تقبل الله يا ابني )

(منا ومنك يا امي .. في موضوعين حابة خبرك ياهن)

(تفضلي يا نبض قلبي )

(ابوك .. كتير متحسنة صحتو .. بس نفسيتو تعبانة كتير .. عم قول خلينا نطالعو لبرا ليشوف العالم )

(والله يا امي هالموضوع ما بروح من بالي .. بس صبري .. ما بدي حدا يشوفو وهو هيك .. ما بدي هينو .. ع العموم هلا بروح وبحاكيه .. ومن هاللحظة اكلو وشربو معنا نحنا )
Telegram: @rwayate
(الله يرضى عليك يا امي ويريح قلبك )

(وشو الموضوع التاني )

(هديل .. البنت انظلمت يا امي .. ايا وحدة مكانا كان عملت اكتر .. وصارت اكتر من مرة داقيتلي وهي كتير زعلانة من يلي صار وعم تدعيلا لمايا )

(امي .. مفكرة انو ضميري مرتاح بيلي صار معا .. بس ما فيني اعمل شي لاطمن ع مايا .. مستحيل سامحها قبل لتصح مايا )

(لا حول ولا قوة الا بالله .. الله ينور دربك يا ابني )

وقف انس وباس راسسها لامو ..
(رح روح حاكي ابي و ارجع ع المشفى .. بدك شي )

(سلامة قلبك يا ابني .. الله يرضى عليك )

(الجزء الخامس عشر )
Telegram: @rwayate
دق انس الباب ودخل لعند ابوه يلي كان متسطح ع السرير وعم يقرا بكتاب ..
قرب انس منو وبوسلو اديه ..
(كيفك يابي .. باينتك اليوم احسن )

(الله يرضى عليك يا ابني .. الحمد لله بخير ما زال انت بخير )

تبسم انس وقعد حدو ع طرف التخت واطلع بالكتاب يلي بئيدو ..
(منيح يلي عم تشغل حالك بالقراءة يابي .. بس لو كان هالكتاب القران رح تشفى اسرع ورح تترتاح اكتر)

تبسم ابوه واطلع فيه ..
(لا تخاف يابي .. اطلع حدك .. القران ما عم يفارقني .. ان شاء الله ربنا بيغفرلي وبيساعدني )

مسك انس ايد ابوه باديه التنتين واطلع فيه ..
((ان الله غفور رحيم ) .. وهلا يابي .. بما انك الحمد لله عم تتحسن من هاللحظة بتمنى تكون ع طول معنا بالبيت .. وبرجع بعتزر منك علي صار .. كلو يابي كرمالك وكرمال هيبتك قدام الناس )
Telegram: @rwayate
طبطب ابوه بايدو التانية ع ايد انس يلي ماسكتو وتبسم بوشو .. (بعرف يابي .. بعرف )

وقف انس وهو عم يطلع فيه .. (ماشي يابي .. انا رح روح .. بدك شي )

(رح تروح لعند مايا )

رفع انس حواجبو باستغراب .. (وكيف عرفت بمايا .. امي اكيد هههه )

(ههههههه ومين غيرا .. الله يشفيها يا ابني )

(امين ... سلام )

ترك انس ابوه وراح ع المشفى .. دخل ع غرفة مايا وشغل القران ع جوالو وقعد حدا يدعيلا ..
بعد بشوي حس انس بايد مايا عم تتحرك ..
Telegram: @rwayate
(مايا .. عم تسمعيني .. مايا .. مايا )

............................

عتمة كتيرة .. ما عم تشوف شي قداما غير هالعتمة .. عم تمشي والشوك يفوت باجريها .. كل شوي عم توقع وترجع توقف وهي عم تبكي ..

وفجاة من بعيد اجا نور صغير .. وبلش هالنور يقرب منا ... وهي بلشت تشوف الطريق يلي ماشية عليها منيح.. كل ما قرب النور عم تشوف الطريق اوضح .. وصارت تبعد عن الشوك لحتى ما يجرحها لوقت كل العتمة راحت ووضحت الطريق كلا ..
Telegram: @rwayate
اطلعت قداما شافتو لانس حامل بايدو قران وعم يقرا ..
(الله نور السموات والارض .. مثل نوره ... )

انس عم يقرا وهي عم تقرا معو ...

.....................

انس: مايا .. انت عم تقراي قران .. مايا انت معي .. مايا .. مايا

مايا: الله نور السموات والارض .. الله نور السموات والارض

وفتحت عيونها وهي عم تردد بهالاية .. وشافتو واقف حدا وعم يبكي والفرحة بعيونو ..

انس: الحمد لله رب العالمين .. الحمد لله
Telegram: @rwayate
مايا: انس .. وين انا .. ويين .. راسي يا انس .. راسي (تبكي)

انس: لا تبكي .. انت هلا نولدتي يا مايا .. هلا نولدتي .. الحمد لله ع سلامتك

(الجزء السادس عشر )

*بعد اسبوع*
دق تلفون انس .. اطلع ليشوف المتصل .. سحب نفس ورد ..
(الووو .. هلا هديل .. تمام .. انت كيفك .. لوين ؟ لعند مايا ... ما في داعي .. ع العموم انا رح اجي لعندك .. نص ساعة بكون عندك )

جهز حالو انس وراح لعند هديل ..
دق باب بيتن وخلال لحظات كان الباب مفتوح ..
Telegram: @rwayate
هديل: اهلا وسهلا انس ..تفضل

دخل انس وقعد ع الكنبة بالصالة ..
(وينا مرت عمي )

(عم تجهز القهوة .. هلا بتجي )

(ماشي .. رح فوت بالموضوع مباشرة ... )

(قبل لتحكي بترجاك سمعني .. انا ما كان الي عين حاكيك ومايا بوضعا .. وفرحت كتير وقت عرفت انو صحت .. انا .. انا بحبك كتير انس .. ويلي صار من وجع قلبي .. وما كنت قاصدة هينك او هينا )

(اي سمعيني هديل .. انت بنت مثالية .. بقولا وبكل صدق .. انت حلوة وملتزمة وذكية كتير .. بحسك نسخة مني .. بكلشي ... بس .. بسس .. مايا .. ما بعرف كيف بدي اوصفلك يلي صار .. بصراحة مايا قلبتلي كياني .. وازا ما تجوزتا رح اوقع بالحرام .. لهيك .. )
Telegram: @rwayate
قاطعتو هديل ودموعا بعيونا ..
(تتزوجا يا انس .. تتزوجااااا )

اشرلا بايدو لتسكت وكمل ..
(انت بتعرفي بالدين منيح .. وانا بالشرع بيطلعلي اربعة مو تنتين .. انت مكانتك محفوظة ومعزتك بقلبي كبيرة .. ما رح اظلمك ورح تبقي غالية ع قلبي)

مسحت دموعا باديها واطلعت فيه ..
(لا يا انس .. انا مستحيل اقبلا .. انت .. انت ما بتحبني ... انا ازا تزوجتك ومايا مرتك رح قضي طول عمري بالعزاب .. نظراتك لالها بتكوي قلبي كوي .. ما فيني يا انس .. ما فيني .. بتمنالك السعادة من كل قلبي )

ووقفت وركضت لجوا البيت وهي عم تحاول تحبس دموعها ..

غص انس ووجعو قلبو عليها .. وطلع من بيتن لعند مايا ..

دخل الفيلا وبعد بشوي سمع خطوات ع الدرج .. وانصدم من يلي شافو ..
كانت مايا لابسة عباية نيلي فضفاضة مع شالة ازرق سماوي ونازلة عن الدرج بكل اكابرية ...
Telegram: @rwayate
حس بدقات قلبو عم تتسارع وتجمعت لدموع بعيونو ..
مايا: كيفك انس

تصفن فيها لفترة وهو ساكت ..

اشرت بايدا قدام عيونو ...
(يييي علينا .. لك لساتك لهلا ع نفس العادة وعم تشرد )

تضحك انس واتطلع فيها ..
(انا كتير منيح .. اكتر ما بتتخيلي .. مبارك الحجاب)

تبسمت مايا واطلعت فيه ..
(الله يبارك فيك .. الفضل بعد ربنا لالك انت )

واشرتلو ليقعد ونادت لام سعيد لتجيب القهوة ..

(مايا انا كتير فرحان وفخور فيكي .. من وقت شفتك عرفت انو انت نضيفة من جوا .. وعرفت انو شي يوم رح تتغيري .. مايا .. مايا انا .. انا بموت فيكي .. وبدي اياكي ع سنة الله ورسوله)
Telegram: @rwayate
دمعت عيونا لمايا واطلعت بالارض ..
(انس .. انا مو متل ما انت مفكر .. انا ماني نضيفة .. انا وسخة .. وسخة كتير .. وهالوساخة رح تضل مرافقتني طول عمري .. وما رح اقدر اخلص منها ابدا .. انت بتستاهل وحدة نضيفة متل هديل مو وحدة متلي .. كنت بتمنى من كل قلبي لو شفتك وعرفتك من زمان .. ما كنت ترددت للحظة لاقبل فيك .. بس هلا لا .. مستحيل هالشي )

تلبك انس كتير واطلع فبها ..
(ليش هيك عم تحكي .. لك انا بحبك .. ومستحيل اتركك .. مستحيل عم تفهمي )

(انس بكفي عم تعزبني اكتر .. لك انا بعشقك وبتنفسك .. بس ما فيني كون مرتك .. ولا فيني كون مرة لايا شخص تاني .. فهااام ... بكفييي )

(ليششش .. ليييش .. خبريني ليش .. انا ما رح اتركك لاعرف كلشي )

وبهاللحظة اجت ام سعيد ..
(انسة مايا .. رفيقك ع الباب )

تلبكت مايا كتير وانس انصدم ..
مايا: ليكني جاي

اطلعت بانس ووقفت .. (بالازن منك .. لحظة )

طلعت مايا ع الباب وتفاجات وقت شافتو لراكان ع الباب .. دفشتو بكل قوتها لبرا الباب وطلعت لتحاكيه..
(لك انت شو جابك لهون . .. وشو زكرك فيني هلأ )
Telegram: @rwayate
عدل راكان قبة قميصو واطلع بمايا وهو عم يتبسم بخبث .. (لا ولوووو .. انت رفيقة الروح .. ونبض القلب .. انت العسل كلو .. معقول انساكي )

اطلعت فيه مايا بقرف .. (شو بدك ولااا )

(هههههههه .. اول شي ليش هيك لابسة .. ولا قلك ما بتفرق .. انت بتجنني بكل حالاتك .. جيت لقلك الحمد الله ع السلامة )

(اي الله لا يسلمك .. وهلا انقلع من هون )

(لا يا حلووو .. مو حلوة منك .. نحنا برضو بينا ليالي رقص وغنج وووووو ... )

رفعت مايا حواجبا بعصبية وسكتتو .. (خرااااااس)

(ميوشتي العسل .. لك والله شتقتلك .. جايي لاعزمك ع سهرة تانية .. تعي معي وما رح تندمي .. يعني ما بقيلك شي تخسريه او تخافي منو .. موو ههههه)

اطلعت فيه مايا واتبسمت .. (سهرة .. قولتك ما بقي شي اخسرو .. خلص رح اجي .. بس بشرط تكون سهرة غير عن كل السهرات والي والك وبسسسس)

(لك عم تحكي جد .. لك والله كنت عرفان .. مستحيل تقدري تبعدي عني بعد يلي صار .. لك بحبك يا عسل )

(اي روح هلا وجهز للسهرة .. المسا بكون عندك )
Telegram: @rwayate
(ماشي يا حلووو .. لك اخخخ شو شتقتلك .. ناطرك ع نار ) وتركا ومشا وهو عم يضحك ..

(نار تحرقك الهي )

لفت وشا مايا لتفوت لجوا وانصدمت وقت شافت انس واقف وراها ..

كان واقف ومانو قدران يوقف والدم عم يغلي بعروقو ..

(انس بترجاك .. لا تفهمني غلط )

(ما افهمك غلط .. اي .. اي .. ما رح افهمك غلط .. لهيك ما بدك تتزوجيني مووو .. اي .. اي معك حق .. والله معك حق .. بس انا .. انا الاجدب يلي تركت البنت الطاهرة النضيفة وركضت ورا وحدة متلك .. انا .. لك انا حمااار .. حمااار )

نزلو دموعا لمايا واطلعت فيه ..
(انس لا تفهمني غلط يا انس .. انس مو متل ما انت مفكر )

(لك خرسي .. خرسي .. لك سمعت كلشي .. كلشي.. لك انت وحدة بلا شرف .. فلتاااانة )

عصبت مايا وفقدت اعصابا .. (اي .. لك اي .. لك انا فلتانة وبلا شرف .. لك انا فلتاااانة .. لك انا .. انااا .. لك انا .. )
Telegram: @rwayate
وتركتو واقف وركصت ع غرفتا لتسمح لدموعا تنزل بحرية ..

(الجزء السابع عشر )
Telegram: @rwayate
*بعد بيومين*
انس حابس حالو بغرفتو .. بعد يلي صار حس حالو خسر كلشي ..
خسر خطيبتو وخسر حبيبتو ... كان ضميرو عم يعزبو كرمال هديل بس ابدا مانو حاسس بشي اتجاها ..
قلبو كان عم يغلي غلي ع مايا .. مايا هي الحب الوحيد بحياتو لانس ..

كانت عكسو بكلشي .. كانت اكبر تحدي بحياتو .. هي الوحيدة يلي قدرت تقلب كيانو وتحرك كلشي فيه بنظرة وحدة .. مجرد ذكراها كانت كافية لتحرك خلايا جسمو كلا .. كانت وبكل بساطة النص التاني يلي بكمل انس ..

مانو قدران يستوعب يلي سمعو ابدا .. ولا قدران يستوعب كيف مايا خدعتو بقناع البراءة .. مانو متخيل كيف رح تسمح لرجال يلمسا .. وكيف بتسلم حالا وبتخسر شرفا ببساطة وسهولة ..

دق الباب وطلع من دوامة افكارو ..
دخل عليه ابوه .. سحب كرسي المكتب وقعد حدو ..
(رح تبقى حابس حالك هيك ... ومن غير ما تحكي شو يلي صار .. ازا كرمال هديل فنحنا بنحاكيها وبنقنعها )

(لا لا يابي ... انا ما بستاهلا لهديل وربنا خلصا مني .. انا .. انا ما بستاهل حدا ابدا )
Telegram: @rwayate
(لكن .. مايا .. مايا سبب يلي انت فيه )

مسك انس راسو بايديه التنتين وبلش يفرك بشعرو بعصبية ..

حط ابوه ايدو ع كتفو ليهديه ..
(خبرني يابي .. فشلي قلبك ... شو صار ... يمكن اقدر ساعدك هالمرة وردلك جميلك )

(لا تقول هيك يابي كرمال الله )

(لكن خبرني .. شو صار )

شعلت عيونو لانس نار وسكر ايدو وبلش يشد عليها .. تردد كتير قبل ليبلش يحكي ..
وخبرو لابوه بكلشي .. من وقت تعرف عليها .. لوقت اخر مرة شافا فيها .. وخبرو بكلشي قالتو وكلشي سمعو ..

تنهد ابو واطلع فيه ..
(سماع يا ابني .. انا بزمناتي كنت مدمن مخدرات .. كنت من ملهى لملهى .. كنت اضرب امك لتعطيني مصاري اشتري مخدرات .. مع انو كنت عايش بعيلة وبجو حنون ودافي وما كان ناقصني شي .. الا انو الشيطان جرني ومشيت بهالطريق ..
Telegram: @rwayate
البنت ومتل ما خبرتني عايشة لوحدا .. وحياتا كانت فاضية من وقت تخرجت وهي ما عرفت تستغل حياتا صح واختارت رفقة غلط وطريق غلط ..

انت يا ابني خبيتني عن عيون الناس لتحميني لوقت شفيت .. وهالبنت بدا مين يحميها ... بعدين انت خبرتني كيف كانت مانا طايقتو وبهدلتو وبعدين اتفقت معو ع موعد .. يعني يمكن كانت بس بدا تخلص منو او .. او عم تفكر بشي ..

وانت بلسانك هلا خبرتني كيف وقت فاقت من الحادث كانت عمم تردد ايات قران وكيف التزمت بلبسا ..
ربنا عطاها فرصة تانية لتبلش من جديد .. وربك غفور رحيم .. روح يا ابني واسمع منها .. واحتويها .. وافهم منها ليش هيك عملت .. صرلا يومين عم تدقلك .. البنت بذرتا طيبة وبتحبك .. لا تخسرها يابي .. )

حكا هالحكي ابوه وطلع من غرفتو وتركو .. كان انس عم يسترجع بكل حرف حكا ابوه ..
قام توضى وصلى ركعتين استخارة ونام ..
وتاني نهار فاق ع مسج ع جوالو .. اطلع فيه وكان المسج هو مقطع صوت من مايا ..
Telegram: @rwayate
استغرب كتير وفتحو ..

*قبل بيومين ببيت راكان *
«راكان: لك شتقتلك مووت

وقرب منا ليضما .. بس مايا سحبت حالا بهدوء وبعدت عنو ..
(لك طول بالك شبك ههههه )

(لك ما فيني طول بالي وانت معي )

(اي وانا كمان .. بس حابة اعرف شو يلي صار بهديك الليلة .. هاد شرطي لابقى معك )

(بس هيك .. اي عادي شربنا وسكرنا لقلنا بس .. وانا كنت مدوبلك حبة بكاسك لانو كنت مشتقلك وبنفس الوقت معصب منك ع الكف يلي ضربتيني ياه .. وانت ما عدتي حسيتي ع شي وجبتك لهون وصار يلي صار .. كانت احلا ليلة بعمري كلو .. كنت متل العسل واحلا

قربت مايا منو وحطت ايدا ع كتفو ..
(بتشكرك من كل قلبي يا حلو )

وبهاللحظة دخل ابوها لمايا ومسكو لراكان وبلش فيه ضرب ..
(لك يا حيوااان .. يا حقيير )

مسكت مايا ايد ابوها .. (تركو بابا لا توسخ ايدك فيه .. الشرطة رح تاخدلي حقي )

شحطو ع الشرطة وسلموهن التسجيل وانحبس راكان .. »
Telegram: @rwayate
وقت انس سمع التسجيل حس وكانو شي من جوا طفا كل النار يلي كانت عم تحرق فيه .. وبنفس الوقت زعل كتير من حالو لانو تسرع بالحكم ع مايا ..
لبس تيابو وراح لعندا مباشرة ..

دخل الفيلا وشافا بالجنينة ... كانت متل الملاك بعبايتا البنية وشالتا البيج .. عم تشرب قهوة وتقرا بكتاب ..
وقت شافتو رجف قلبا مع ايدا واندلقت القهوة منا .. ركض لعندا انس

(صرلك شي .. )

(لا لا ابدااا )

اطلع انس فيها .. (مايا .. انا بعتزر منك كتير ع يلي قلتو .. جد اسف .. اسف كتير.. والله مالي عين اطلع فيكي )

(ليش عم تعتزر .. انت ما غلطت .. انا يلي غلطت كتير وان شاء الله ربنا بيسامحني .. وانت مانك مجبر لترتبط بوحدة متلي .. مليون وحدة بتتمناك )

( انا قلتلك ما رح اتركك لو شو ما صار .. وانا ما رح اتركك .. اليوم المسا رح اجي مع عيلتي لعند الوالد .. وهلأ بخاطرك )

(بس انس .. )

(شششششش ... خلصنا .. جهزي حالك وخبري الوالد)

وليد سرحان بهالجمال .. لعيون يلي بلون السما .. البشرة يلي متل الحليب .. سرحان بهالجمال يلي الخجل زادو ..

تبسم وقت وقع نظرو ع اديها ..
وليد: شبك متوترة .. ازا بسببي بروح
Telegram:@rwayate
ميلا: لا ابدا .. بس يعني .. مالي متعودة اقعد مع رجال غريب من غير حدا معي

وليد: ههههه ما غريب الا الشيطان يا شيخة

وصلت القهوة وقدملن ياها الجرسون ..
وليد: اوووه .. والله بدا قهوة .. رح وصي ع فنجان لالي

ولسا عم يحاكي الجرسون بيدق جوالا لميلا .. وكان المتصل الدكتورة ايمان ..

ميلا: اي دكتورة .. وينك

ايمان: ميلا حبيبتي بعتزر منك كتير .. دقولي ع حالة مستعجلة وطلعت بسرعة ونسيتك

ميلا: هاا .. ماشي ماشي دكتورة ولا يهمك

سكرت ميلا الخط واطلعت بوليد يلي كان مركز كل نظرو ع عيونا ..

كركبتا نظرتو بزيادة ..
ميلا: ما في داعي لفنجان قهوة جديد .. الدكتورة ايمان ما رح تجي
Telegram:@rwayate
وليد: ليه شبها

ميلا: اضطرت تروح ع العيادة عندا حالة مستعجلة

وليد: كتير منيح

ميلا: كيف؟!!😕

وليد: لا ولاشي سلامتك

شربو قهوتن سوا وميلا كل مالا عم تتوتر بزيادة من نظراتو لوليد .. ومن الجو الرومنسي يلي كان بالمقهى ..

خلصت فنجانا بسرعة ووقفت لتروح ..
ميلا: بالازن منك .. صار لازم روح

وليد: لوين رح تروحي .. عدي شوي .. الجو كتير حلو

ميلا: لا لا يسلمو لازم روح

وليد: لكن ستني شوي لوصلك
Telegram:@rwayate
فتحت ميلا عيونا ع وسعهن واطلعت في ..
ميلا: لاااااااااا شو توصلني .. بروح لحالي

وليد: ههههههههه شبك يا بنت .. قلتلك رح وصلك .. ما قلتلك رح اكلك .. المنطقة هون ما فيها مواصلات والدنيا ليل ما فيكي تمشي لحالك

ميلا: ط.. طيب .. ماشي

طلعو سوا بالسيارة .. وليد شغل اغاني فيروز وبلش يدندن معن .. وميلا حاسة نفسا مقطوع ..
حابة تفرح بانو هي معو .. بس حاسة حالا عم ترتكب جريمة بحق حالا وبحق اهلا ..
وعقلا عم ياخدا ويجيبا ..

وليد: شبك !! يعني بصراحة اول مرة بشوف بنت كل هالقد بتخجل .. يعني انت جامعية المفروض متعودة ع الشباب

ميلا: اي متعودة .. بس مالي متعودة كون مع شب لحالنا .. هالشي حرام .. واهلي ما بيقبلو بهيك شي
Telegram:@rwayate
وليد: ممممممم .. ع العموم وصلنا .. تفضلي

ميلا: شكرا كتير الك .. عزبتك معي

وليد: لا عزاب ولاشي .. نبسطت كتير معك

خجلت بزيادة وقلب وشا ونزلت من السيارة ..
وع البلكون كانت عيون عم تشوفا وهي مولعة نار .. عيونو لعلي ..

ميلا: سلام

وليد: سلام

مشت وبلشت تسحب نفس لتحاول تهدي حالا قبل لتفوت ع بيتن ..
ولسا عم تحاول تروّق حالا وفاتت الببت ..

ميلا: مسا الخير

وما بتشوف غير علي اجى من غرفتو وصرخ بوشا ..
علي: مين هااااد

ميلا: شوفي اخي

علي: انت يلي خبريني .. شو في ومين يلي كنت معو 😡

ميلا: اخي طوّل بالك الموضوع مو متل مالك متخيل

علي: لكن شو يا مرباية .. شوووووو😡

ادهم: (صريخ) علي !!! مالك ملاحظ انو انا هون

علي: يابي كانت مع شب الست ووصلا لهون

اجو اريج ووئام ع صواتن ..
اريج: شو عم يخبص هاد
Telegram:@rwayate
وئام: سكتي بلا ما يسمعك ويطفي نارو فيكي

ميلا كانت مخنوقة من يلي صار وصريخ علي زاد خنقتا .. نزلو دموعا ع خدودا ع الساكت ..

ادهم: شو عم يصير ميلا .. احكي يا بنتي

ميلا: والله يابي التقينا بالصدفة والله 😭

نورة: وليش عم تبكي .. ومين هو .. وليش لتطلعي معو ويوصلك

حكتلن ميلا يلي صار وهي عم تبكي وعلي عصب بزيادة ..

علي: كنت عرفان هالشغل رح يجبلنا المصايب

ادهم: سكووت انت .. شو يا ميلا يا بنتي .. كيف بتعملي هيك شي
Telegram:@rwayate
نورة: ما كان لازم تقعدي معو يا امي

ميلا: والله نحرجت منو .. والله .. وكنت ناطرة الدكتورة ايمان لتجي وتقعد معنا 😭

ادهم: نحرجتي منو وما نحرجتي من ربك يا بنتي .. لا عاد تعيديها الله يرضى عليكي

ميلا: بعتزر منكن ابي

وتركتن وراحتن ع غرفتا لتكمل بكي ..

اجو وئام واريج وراها ركيض ..
اريج: وئام يا روحي .. عملي زهورات لميلا لتروق دما

وئام: حاضر اختي

راحت وئام وبقيو اريج وميلا سوا ..
اريج: ولي ميلا .. والله كل هالقصة ما خرطت مشطي
ميلا: ماني ناقصتك اريج .. يلي صار قلتو

اريج: لك اي عرفانة .. بس يعني معقول تكون صدفة

مسحت ميلا دموعا واطلعت فيها ..
ميلا: كيف يعني ؟؟

هزت اريج بكتفا واطلعت فيها ..
اريج: ما بعرف .. بس حاسة الموضوع كلو لعبة
Telegram:@rwayate
ميلا: اريج تركيلي كونان ع جنب .. شنو راسي رح ينفجر .. اساسا انا كنت كتير مدايقة من حالي

ضربتا اريج ع كتفا بخفة ..
اريج: حطي عينك بعيني لشوف ! يعني ما كنت مبسوطة انك معو

ميلا: لك كنت مبسوطة اني شفتو .. بس والله قلبلي كياني والله .. لك مدري شو بصرلي وقت بكون معي .. والله بينقطع نفسي .. لك كل الاكسجين بيخلص .. غير انو حسيت حالي عملت جريمة 😭

اريج: لك حااج ولووو .. ما صار شي خلصنا

رهينة عيناك بقلم امل احمد
الجزء الاول

ماشية وكتبا باديها والملل باين ع وشا ..

رانية: لك اي شبك فرديا بقى

لين: ففففف رانية شو افرد .. لك مااالة مااالة .. جاي عبالي هيك شي يقلب حياتي قلب .. الروتين بيقتلني ما بطيقوو .. بدي اكشن اكشن يا بنت

رانية: اي ليكو اجا الاكشن ههههههههه (غمزتا)

لفت لين وشا بسرعة ووقت شافتو جاي من بعيد بسيارتو الجب دق قلبا وحست حالا رح تطير من فرحتا .. حطت ايدا ع قلبا وتغير لونا ..

لين: ولي قلبي يا امي قلبي

ضربتا رانية من كتفا ..
رانية: ولي جدبة اهدي اهدي

دبلت عيونا وهي لساتا عم تطلع بالسيارة .. (لك ااخ ااخ يا رانية اااخ .. ايمت رح يحس فيني)

ضربت رانية بايدا ع جبينا وغمضت عيونا .. (راحت البنت راحت )

وصل لعندن وقف السيارة بسرعة وفتح الشباك ..
ناجي: كيفك لين

لين: هاا .. انا .. اي انا منيحة

لوت رانية بشفافا واطلعت فيه .. (وكانو انا هون .. ولا السلام بس للين )

ناجي: لا تواخزيني .. كيفك

رانية: اي منيحة الحمد لله

ناجي: لين .. طلعي معي بالسيارة

بحلقو التنتين بعيونن واطلعو فيه وحكو مع بعض .. (لشووو )

ناجي: لك شبكن .. اخوكي بعتني لجيبك .. عندو شغلة ضرورية

ديقت لين بعيونا واطلعت فيه .. (ياسر ؟؟ انت متاكد انو بعتك تجيبني )

ناجي: لك اي شبك .. طلعي خلصيني

لين: لك اي بس يعني .. ياسر ؟؟!! مو كانو غريبة شوي !! صاير شي يعني

ناجي: ففففففففففف لك يا بنتي طلعي وحاج عم تجري

لين: لك اي ماشي .. بس لحظة لدق لياسر وشوف شو في

ضرب ناجي بايدو ع باب السيارة وفتحا بعصبية ونزل بسرعة .. قرب منا ليحملا ويحطا بالسيارة ..
بعدت لين عنو بسرعة واطلعت في بعصبية ..

لين: لك شو عم تعمل ولا اجدب

ناجي: طلعي بلا ما احملك وورجيكي جناني

رانية واقفة ع جنب وحاطة ايدا ع تما وكاتمة ضحكتا ..
اطلعت فيها لين وهي مديقة عيونا .. (اي ضحكي انت ضحكي )

اشرتلا رانية بايدا انو طلعي ..

رفعت راسا لين بكبرياء واطلعت بناجي بطرف عيونا وفاتت ع السيارة وسكرت الباب بعصبية ..

هز ناجي راسو ولوا بشفافو واشر لرانية بايدو وطلع بالسيارة وشغلا ومشى بسرعة كبيرة ..

لين: لك شوي شوي انا بخاف

ناجي: اي لا تخافي .. ليكي .. عطيني تلفونك تلفوني خالص شحنو وضروري احكي مكالمة

لين: اي هااا .. الاستغلال من اولا سيد ناجي

ناجي: لك انت مسحوبة من لسانك شي !!! لك عطيني هالتلفون .. عطيني ياااه (بصراخ)

لين: لك اي وليش عم تصرخ فيني .. خوووود

وزتت التلفون قدامو ..

مسك التلفون ورماه من الشباك ..

لين انصدمت وبلشت تضرب في ع كتفو .. (لك ليش زتيتو ليش ) عم تحكي وتصرخ وتضرب في ع كتفو ..

ضرب ناجي بريك .. ووقف السيارة بسرعة ومسكا من رقبتا بايدو والايد التانية ثبتلا اديها .. وعيونو حمر متل الجمر .. (ليكي .. سكتي .. ما بدي اسمع ولا حرف والا اقسم بربي بطالع كل جناني فيكي )

لين كانت مصدومة من تصرفو .. عيونو رعبوها .. لاول مرة بتشوفو بهيك حالة .. نزلو دموعا من عينا بالغصب ورمشت بعيونا بسرعة وهي عم تطلع فيه ..

تبسم بوشا ومسحلا دموعا وفلتلا اديها ..

ناجي: بعد بكير ع البكي يا حلوة .. وفريهن لهالدمعات .. وهلا خليكي عاقلة وما تحكي شي

وبعد عنا ليشغل السيارة ..
وبصوت عم يرجف دوبو مسموع..
لين: نزلني هون

فرط ناجي ضحك وهو عم يشغل السيارة وما حكا شي .. ومشى بسرعة كبيرة ..

لين: ناجي نزلني هون .. انا بروح لعند ياسر

ضل ناجي عم يضحك متل المجانين وماشي بسرعة كبيرة من غير ما يلتفتلا ..

ناجي: ياسر .. ياسر .. يااااااااااااسررر .. نهايتك ع ايدي يا حيوااان

ورجع فرط ضحك ولين مصدومة ومالا مستوعبة شي ..

ساعتين كاملين وناجي عم يسوق بالسيارة والعصبية باينة ع ملامحو .. ولين عم تقاوم دموعا وساكته عم تستنى لتشوف شو رح يصير ..

لين: نحنا .. نحنا لوين رايحين

ناجي: هههههههه رح اخدك فترة نقاهة استضيفك عندي .. انا وانت لحالنا

لين حست بقلبى ع شوي رح يوقف من الرعبة ..

لين: ك.. كيف يعني .. ما فهمت .. كيف لحالنا

ناجي: هههههههه لحالنا .. يعني انا ناجي وانت لين .. اي نسيت والشيطان يمكن يكون تالتنا

واطلع فيها وغمزها ..

لين: لك انت جنيت شي .. وينو ياسر .. مو ع اساس آخدني لعندو

ناجي: هههههههه ياسر .. ههههههههههههههههه .. اااخ شو مشتاق شوف وشو لياسر ههههههه

حاولت لين تستجمع حالا وتهدي انفاسا شوي .. مسحت بئيدا ع وشا ولفت حالا ع الكرسي لعندو ..

لين: ناجي .. بترجاك .. رجعني ع البيت .. امي هلا بكون قلبا غليان علي .. بترجاك ناجي

ضحك ناجي ضحكة كلا غضب وقهر ..

ناجي: للاسف يا لين .. انت رهينة عندي ههههههههههه
تخيلي هالكلمة شو بشعة هههههه رهينة .. انت بس تخيلي ناجي اخد لين رهينة هههههههه

لين: ناجي انت عم تخوفني كتير .. شو ما كنت عم تعمل وقفوو هلا ورجعني ع البيت

غمض ناجي عيونو بعصبية وسحب نفس طويل ..
ناجي: لين .. جد ما بدي جن عليكي .. سكتي ولا حرف .. ولااا حرف