قلوب من ورق.. الجزء السادس
Telegram:@rwayate
الوقت عم يمر واماني ناطرة اختها وكل شوي تقوم تطلع على البلكونة وبنفس الوقت خايفة جمال يعرف مكانها ويخرب كل شي
وبعد مرور نص ساعة كمان اتصلت تهاني وحكتلن انو صارت بالمنطقة ودلوها وطلعت على بيت جولي وسلمو على بعض الأخوات وحضنت اماني اختها
تهاني : عمري امون حكيلي شبك
جولي : أهلا وسهلا تهاني .. تفضلو لجوا بتحكو
تهاني : أهلين فيكي حبيبتي .. تمام
ودخلو الصبايا على البيت وقعدو بالصالون وجولي حبت تتركن لحالن وحكت رح اعلمكن قهوة خدو راحتكن
تهاني : تسلمي حبيبتي
والتفت على اختها تعي لهون حكيلي شو صاير معك وشلون هيك بتتركي بيت زوجك وتختفي ... وبعدين بيت اهلك مفتوح لي تجي عند الغربا
اماني : انا بدي اطلق من جمال
تهاني : شووووووو ؟؟ انتي بعقلك
اماني : اي بعقلي وهاد اخر قرار عندي
تهاني : لك فهميني شو صاير بينكن .. لك يا اختي كل زوجين بصير بينن اشكال والوان زعل ورضى وحب وخناق من اول خناقة بدك تتطلقي
اماني: لك اختي فهمي انا وياه خلص
تهاني: يعني فهميني كمشتيه خانك
اماني : هوا متغير علي بس ما في عليه دليل
Telegram:@rwayate
تهاني : طيب فهميني على شو خلص
اماني : ماشي رح بلشك من الاول
هاد يا ستي انتي بتعرفي من الاول انو حماتي مابتحبني ووماكان بدها ياني ونتيجة إصرار جمال تزوجنا
تهاني: اي وكنتو ما احلاكن
اماني : كنا وهاد بالماضي ..
المهم حماتي كل فترة تعمل مشكلة وانا ازعل ودغري يرضيني جمال .. كان حنون يطلعني يجبلي هدايا يقلي اهلك بأميركا وبعاد بس انا اهلك زوجك وكل شي .. اختي ما نقص عليي
تهاني : لك كان باين عليكن
قديش مبسوطين ودائما لما اسالك تحكيلي كل امورنا تمام وانو منيح هوي واهلو معك
اماني: صح اختي بس لان ماكان بدي بيتي يخرب من اولو وكان هالموضوع متل تحدي الي انو فوز بمحبة حماتي وانو تبطل تصير قصص ومشاكل
تهاني : طيب يا اختي حتى انا بالأول كنت اسمع تنقير وتصير مشاكل يعني بكل البيوت
Telegram:@rwayate
اماني : سمعي لكفيلك هالمرة بدي احكي كل شي لانو انتهى ..اختي كنت اتحمل كلامها الجارح انو انا عايشة بمجتمع غربي وطريقة لبسي كانت تحكي عليه
واحيانا تقول ما في احسن من الي باخد تنتين ليرتاح ويتدلل وانا كنت طنش بس من جوا انقهر لك تهديد علني مجهول التنفيذ
تهاني : ياااخ ايييي
اماني : واستخدمت كل الوسائل اول شي بلشت اخد هدايا بتعرفي شو كانت تقول
تهاني : شو
اماني : ايه الله يرزقك يا ابني لي بتضل متزكر امك
وانا احكي أمين
تهاني : معقول
اماني : واكتر... ومرة رحت لعندها على البيت مشان عاونها بالتعزيل وبعد ماخلصت البيت وطلع عم يضوي ضوي قالت يسلمن كنتي والله لو تاركتيني انا اعملو لريحة النظافة توصل لاخر الشارع
وانا اسكت واتحمل بتضل ام زوجي ومراة كبيرة وماني ساكنة عندها وكان زوجي منيح لهيك اسكت
بس بأخر فترة جمال بلش يتغير يجي متاخر وصار يسهر لحالو على الموبايل بس نفسيتو بشكل عام موكتير تغيرت
ومرة لما حاولت افتح تلفونو لما فات الحمام كان مغير رقم السري انا هون جنيت ورحت لعندو وفتح تلفونو وما كان في محادثات كتير وفتحلي ياهن
تهاني : يعني شاكة بس ما في دليل .. طيب وبعدين
اماني؛ اي شاكة .. المهم مبارح الصبح بعد ما راح جمال على دوامو اتصلت علي حماتي و قالتلي جيب معي طقمي اللؤلؤ الي جبلي ياه اخوكي من اسبانيا
وانا رحت لبست فستان ميدي سماوي وفوقو بلرو جينز حفر وخبرت زوجي اني بدي روح لعند امو وقلي روحي
ووصلت على بيت اهلو ل جمال وانا ناطرة مرة عمي تفتح بينزل جارن شب ازعر
وحماتي فتحت الباب وهداك عم يحكي
ورح اصير ناطور البناية ويا حلو لاتقطعنا
Telegram:@rwayate
وانا رديت عليه يا قليل الترباية.......
هون حماتي بهدلتني الي والله لو ملابسك متل لبس بنات الشوارع محدا حكاكي ولا انتي بتنبسطي بالكلام يا مدام
انا كنت معصبي من الموقف وبلشت تحكي على تربيتي وشرفي هون انقهرت وحكيتلا مرة عمي لو سمحتي مابسمحلك .. وبعدين كمان خوات جمال لبسن سبور متل لبسي
ردت بوجهي وحكت ماناطرتك تسمحي حبيبتي اصلن انا مستغربة كيف ابني حاوي وحدة متلك وبناتي مابتجيبي سيرتن .. والله والله غير طلاقك ما بكون غير على أيدي