Telegram:@rwayate
التفتت و شفت شاب قاعدة بالسيارة , اطلعت فيه بقرف و تابعت مشي , لحقني هو وعم يقلي (اذا بتريدي وقفي شوي)
اميرة : خير اخي شو بدك ؟
الشاب : ما عرفتيني ؟
اطلعت فيه و تذكرتو فورا انو شفتو ببيت السيد ادهم
اميرة : انت ابن عمو للسيد ادهم ؟
عماد: أي انا عماد , التقيت فيكي ببيت السيد ادهم من فترة , انت بنت رفيقتا لمدام غزل
اميرة : امم , تذكرتك
عماد : اول ما شفتك ما عرفتك , لوين رايحة ؟
اميرة : ما بعرف , ليش عم تسال , بعتك السيد ادهم تلحقني و تراقبني
عماد : عفوا , ليش ليبعتني الحقك , انا شفتك بالصدفة و الوقت متاخر و ماشية لحالك , قلت بوصلك بطريقي, تفضلي
اميرة : لا شكرا كتير ,بروح لحالي
عماد : اطلعي لوصلك على بيتك الا اذا في احراج يعني قدام زوجك
اميرة : انا ما متزوجة
عماد :............
لفيت و اطلعت بالسيارة و مشي بالسيارة
عماد : لوين طريقك ؟
اميرة (تبكي ): ما بعرف ....ما عندي بيت و ما عندي اهل و ما متزوجة و هيدا يلي ببطني ما ابني ....هيدا ابن مدام غزل
عماد: طولي بالك , انت شكلك مضغوطة و تعبانة كتير
اميرة : ما بعرف حدا هون الا مدام غزل و السيد ادهم و ما بدي روح لعندن
عماد: وينو زوجك ؟
Telegram:@rwayate
اميرة : قلتلك ما متزوجة و ما تفكر انو حدا لمسني بالحرام و حبلت , بس انا عملت عملية زراعة اجنة كرمال مدام غزل عندا مشاكل بالرحم و ما بتقدر تحبل , فهمت علي؟
عماد: ايه ايه ايه كملي
اميرة : و علقت مع مدام غزل بالسوق كرمال كذبت علي هي و زوجا
عماد: بشو كذبو عليكي؟
اميرة: قصة طويلة
عماد: احكي عم اسمعك
صف السيارة بالشارع , حكتلو القصة كاملة لعماد , و اول سؤال سالني اياه
عماد : شذى و خلود بكونو رفقاتك بالميتم؟
اميرة : أي
عماد : شو اعمارن ؟
اميرة : 18 سنة
عماد : وينن هلا ؟
اميرة : قلتلك ما بعرف
عماد: طب انت كيف بتقبلي تعملي هيك ؟
اميرة : لو رفضت كنت هلا بمطرح ابشع من هيك
عماد : ما توقعت ادهم و غزل ناس بلا اخلاق و بلا انسانية هيك حتى يستغلوكي هيك ابشع استغلال
اميرة : ما بدي ارجع لعندن
عماد : مين قال اني رح اخدك لعندن
لف بالسيارة بسرعة و طول الطريق كان عم يسالني عن الميتم يلي ربيت فيه و عن رفقاتي شذى و خلود و تفاصيل كتيرة انا استغربت ليش عم يسالني هيك شي , وصلت على بيت عماد
عماد : تفضلي وصلنا
اميرة : ما بدي سببلك احراج قدام مرتك
عماد : انا ما متزوج , هيدا بيت اهلي
Telegram:@rwayate
فتح الباب و فات و انا فتت وراه و انا منزلة راسي و خجلانة
عماد : ماما ...... ماما ....مورا وينا امي ؟
مورا: فوق
عماد : ارتاحي انت اميرة , انا جاي
طلع عماد لفوق هو و عم يطلع كل درجتين سوا و انا قعدت على الكنباية , بعد نص ساعة نزل عماد و امو من فوق , كانت امو عم تركض على الدرج و عماد لاحقا , و انا واقفة ما فاهمة شي من هالموقف , اول ما وصلت لعندي , لفتني و صارت تبكي و انا بكيت معا بس ما بعرف ليش , صارت تشم ريحتي و تبوسني
ام عماد : يا حبيبة قلبي ... يا روحي .......
عماد : ماما طولي بالك , هاي رفيقتن بس
بعدت عني هي و عم تطلع بعيوني و عم تبتسم
ام عماد : قلي عماد انو عندك رفقات اتنين ااعمارن 18 سنة اسمائن شذى وخلود ؟
اميرة : أي عندي
ام عماد : وينن؟
اميرة : ما بعرف , حكتلو لعماد القصة كاملة
ام عماد : كيف شكلن للبنتين , وصفيلي اياهن ؟
اميرة :شذى ... طويلة و شعرا بني داكن و عيونا خضر و بيضا اما خلود شعرا اسود و عيونا لونن بني , سمرا و طولا متوسط
اطلعت بعماد و تلبكت كتير , كانت افكار كتير عم تحاصرني
ام عماد : لازم نلاقين يا عماد بسرعة , قلبي ما بقا يتحمل
عماد : من بكرا الصبح انشالله
Telegram:@rwayate
اميرة : ممكن افهم شو عم يصير ؟
ام عماد :من 18 سنة انا ولدت توام بنات , بس ما شفتن ابدا , قلولي انو البنات ماتو و انا عم اولدن و دفنون و انا الي كل هالسنين مفكرة انو بناتي ماتو بس من سنة بعتت وراي القابلة يلي ولدتني فين , كانت عم تنازع و تموت و قلتلي انو بناتك ما ميتين بس عمي ابو زوجي االله لايرحمو اعطا ها مصاري و اعطاها اياهن و قلا اتخلصي منن بطريقتك و قلا تكذب و تقلنا انو ماتو و هي راحت حطت كل وحدة على باب ميتم شكل ومع كل وحدة كرت عليها اسم , وحدة اسم خلود و التانية شذى , و انا الي سنة عم دور علين بكل المياتم بالبلد , حتى وصلنا لميتم عرفنا من السجلات انو كانو فيه هن الاتنين من وقت كان عمرن 6سنين و بس بلغوا ال 18 سنة انتقلو على ميتم تاني برا البلد و و سمعت من 4 شهور انو في ميتم بالضاحية بعيد ساعتين و نص من هون ما معروف كتير و رحت انا و عماد و سالنا علين و خبرنا المدير انو بكل الميتم ما في بنتين بهالعمر و بهالاسم حتى دورنا بسجلات الميتم و ما شفنا شي
اميرة : هيدا المدير تيسير بس ليش هيك عمل عمك فين ؟, هدول احفادو
عماد : جدي من الدقة القديمة كتير ,ما كان بحب البنات و بعتبر جيبتن عار و وأدن حلال , لهيك تخلص منن بهالطريقة