📚قصص||روايات||منوعة📚

الجزء الرابع:

قمر:ليش ؟وين بدي روح؟

عماد:بكرا بتعرفي

تاني يوم لبست بنطلون جينز و جاكيت اسود جلد وربطت شعري ذيل الحصان و لبست خفافة برجلي و نطرتو لعماد برا بس اول ما شافني ،عبس و زم شفايفو

عماد:ماشي الحال بس ما كتير يعني فرقتي

طلعنا بالسيارة و بعد نص ساعة صف قدام مطعم ،نزل و فات على المطعم و انا مشيت وراه بين الطاولات و انا عم اطلع على فخامة المكان من الطاولات للكراسي للسقف للارضيات و حتى الناس يلي كانو قاعدين فيه كانو ناس رفع كتير ، طلعنا على الطابق التاني ،دق باب غرفة دقتين و فات ،انا بقيت واقفة برا التفت علي

عماد:شبك ،تعي فوتي

فات و سلم على صاحب المطعم ابو سليم

عماد:هاي البنت يلي خبرتك عليا ،شو بدك تلاقيلا شغلة عندك

ابو سليم: ولله يا عماد على اساس حطا نادلة بس ما عندي شاغر الا بالمطبخ ،لازمنا مساعدة شيف ،بس بوعدك اذا صار عندي شاغر بالسيرفيس رح بنقلا فورا

عماد:ما بتقصر ،ايمت فينا تبلش شغل ؟

ابو سليم :من هاللحظة ،شو عمرك ؟

قمر: 16سنة
ابوسليم:عمرا صغير ،المطبخ مناسب الها حاليا

عماد:يلي بتشوفو مناسب ،بس دير بالك عليها ،يتيمة و ما الها حدا

ابو سليم:ما توصي يا عماد

اجت صبية اسما نهال و طلبت مني الحقا،طلعت انا و عيوني معلقة بعماد،حسيت حالي متل الطفلة الصغيرة و عم يسحبو ا من حضن ابوا ،كنت مدايقة كتير و مرغمة على الشغل ، اخدتني على غرفة فيا تختين طابقين و خزانة و طلبت مني ضب تيابي بالخزانة ،بعد ما خلصت التقيت بعماد قبل ما يروح ،فات لعندي ليشوف الوضع

عماد:قمر اي شي بيلزمك او ما عجبك و ما ارتحتي ما تتردي انك تمري عندي عالمعرض و تخبريني ،بلاقيلك شغل تاني ،و بالنسبة للمنامة رح تنامي هون مع صبية تانية

قمر:ماشي ،شكرا الك

تركني عماد و راح و انا لبست تياب الشغل و فتت على المطبخ اتعرف على الناس يلي بدي شوفن كل يوم و اشتغل معن ،اول ما فتت الكل اطلع علي متل الدخيل و انا ما حسيت بالارتياح ابدا ،حتى قربت مني بنت قصيرة و صحتا متوسطة ،بشرتا حنطية و عيون عسلية

منال : انت الشغيلة الجديدة ؟

قمر:ايه

منال:شو اسمك؟

قمر:اسمي قمر

محمد:اهلا و سهلا انا االشيف محمد

اطلعت عليه نظرة سريعة ،شاب متوسط الطول اسمر و عيون خضر

قمر:انا شو بدي اشتغل هون؟

محمد:شكلك مستعجلة كتير و فايتة متحمسة

صار يضحك و الكل ضحك معاه و انا احمر وجهي

محمد:انت رح تشتغلي تحت ايدي ،يعني شو بقلك بتعملي بس لازم تكوني سريعة ،انت ما اشتغلتي من قبل بهيك مجال؟

قمر:لا ،هاي اول مرة ؟

محمد:يلا بكرا بتتعلمي

بعدين صفق بايديه ليفك التجمع يلي صار حولي

محمد:يلا خلصت جلسة التعارف كل واحد على شغلو و انت تعي معي

كنت انا و صبيتين اكبر مني بخمس سنين منال خطيبتو لمحمد و دانية نشتغل بالمطبخ تحت ايد محمد اما نهال وثريا و موسى يشتغلو نوادل بالقسم الخارجي،اول اسبوع الي بالشغل كنت متلبكة كتير و بطيئة مقارنة مع الباقي بس محمد كان بالو طويل علي و انا كنت عم اتعلم و افرق يوم عن يوم ،كان يطلب مني شغلات خفيفة متل تفريم خضرة او نقع دجاج و بعدين بلشت اتعلم القلي و الشوي ،كان الشغل متعب و طول اليوم مضغوطين و ما عنا استراحة الا فترة الغدا حتى يجي اخر الليل كون تعبانة كتير و بدي نام ،باول اسبوع شغل ما اختلطت بحدا حتى نهال يلي كانت تنام معي بنفس الغرفة ،كانت علاقتي معا رسمية كتير حتى اجت يوم عطلتنا ،المسا فتحت نهال شنتة صغيرة بلشت ضب تيابا ،كنت متفاجئة و مترددة لاسالها شو عم تعمل

قمر:لوين رايحة ؟

نهال:مسافرة لعند اهلي ،و انت ما بتروحي لعند اهلك؟

قمر:امبلا طبعا بسافر لعند اهلي كمان

نهال:وين ساكنين اهلك ؟

قمر:....بالجنوب

نهال:وين بالجنوب ؟

قمر:انت كام اخت و اخ عندك؟

نهال:انا عندي اختين و اخ بس اصغر مني

قمر:ايه و ابوكي و امك...

نهال:ابي ميت و امي عايشة ،و لو ابي عايش ما كنت شفتيني عم اشتغل هون بس مضطرة

قمر:ايه و انا هيك كمان ابي ميت و امي مريضة و عندي 5 اخوات و انا اكبر وحدة فين و انا بشتغل كرمالن

نهال:بس شي نهار بدنا نقعد مع بعض و نتعرف على بعض اكتر

قمر:ايه ،ايمت ما بدك

نهال:بلكي العطلة الجاية ،ما عم فكر روح لعند اهلي و انت ابقي هون كمان

قمر:ايه حلوة الفكرة ،ببقى ...بشوف يعني اذا بقبلو يخلوني ابقى هون

نهال:و منطلع مشوار سوا،منروح على السينما شو رايك ؟

قمر:ايه بروح ايه

نهال:هاي انا خلصت

سكرت الشنتا و قعدت هي و عم تتنهد

نهال:صحي انت ما رح ضبي تيابك لتسافري

قمر:ايه طبعا يلا قايمة

قمت فتحت الشنتا و بلشت ضب تيابي و نهال واقفة معي و عم تتفرج على تيابي و تبدي اعجابا بذوقي

نهال:كتير حلوين ليش ما عم تلبسين

قمر:ما بعرف ...ما كتير حبيتن

اختنق صوتي بالجملة الاخيرة و غص بالدموع،انتبهت علي نهال

نهال:قمر ليش عم تبكي؟

قمر:...لانو ...لانو اشتقت لاهلي بس

نهال:بكرا بتشوفين

قمر:ايه بس ما متعودة على بعدن هالقد

نهال:كلنا كنا هيك اولتا بعدين تعودنا ،ا

لا بسيطة ،شفتك انت و داخل ،حسيت انك ما عرفتني

عماد:متغيرة كتير،صايرة صبية

قمر:ايه

عماد:انشالله مرتاحة بالشغل هون ؟

قمر:ايه لحمدلله

اطلع بابو سليم

عماد:شكلك حطيتا بخدمة الطاولات

ابوسليم:لا ولله ،اليوم بس حالة استثنائية ،حلت محل بنت لليوم بس ،انا كنت مفكر حطا بالخدمة بس ما فيني استغني عنا بالمطبخ لانو عم تبدع بطريقة التقديم و نفسا بالاكل طيب كتير حتى صارت اضارب على الشيف

عماد:برافو ،قمر بتتعلم بسرعة و ذكية

ابو سليم:فيكي ترجعي لشغلك هلأ

قمر:عن اذنكن

نزلت تابعت شغلي بعد ربع ساعة نزل عماد و اشرلي لاطلع حكيه كلمتين برا المطعم

عماد:هدول الك

قمر:شو هيدا الظرف؟

عماد:فيه شوية مصاري

قمر:انا عم اشتغل لحمدلله و يلي عم يعطيني اياه عمي ابو سليم منيح

عماد:بعرف بس معلش خلين معك ،جيت اليوم كرمال اعطيكي اياهن و اطمن عليكي و لحمدلله شفتك منيحة كتير ،قمر ما تترددي و تطلبي مني المساعدة اذا لزمك شي

قمر:اكيد

راح عماد و فتلت ضهري لفوت على المطعم انا و عم حط الظرف بجيبة بنطلوني،ضربت عيني على منال واقفة من بعيد عم تكب الزبالة و عم تطلع علي ،تجاهلتا و فتت كملت شغلي بعد ما حطيت الظرف بالخزانة بغرفتي على عجلة ،كنت عم اشتغل و عم فكر بنهال شو صار معا و شو عم تعمل ،حتى رجعت عال 9 و نص ،رجعنا بدلنا محلاتنا و انا رجعت على المطبخ ،و التقينا بالليل و قعدت تحكيلي عن الموعد

نهال:ما تمنيت يخلص الوقت ابدا معو،رحنا قعدنا بكافتريا ..

قمر:و شو حكيتو؟

نهال:عن كل شي،حكتلو عن شغلي هون و عن عيلتي و عنك كمان

قمر:عني؟

نهال:ايه طبعا ،قلتلو هاي نص التاني و قلتلو كمان بدي عرفك عليا

قمر:هههههههه ما دخلني انا

نهال:المهم يا قمر ،شاب بياخد العقل ،شخصيتو حلوة كتير و بتحسيه كل شي على لسانو بيحكيه ،يعني لا بلف و لا بدور

قمر:يعني بدك ترجعي تشوفيه مرة تانية؟

نهال:اكيد هههههه اتفقنا نشوف بعض كل اربعا بنفس التوقيت عال 7 لانو هو كمان عندو شغل و بسافر

قمر:شكلو رح يطيرلك عقلك هالشاب

نهال:طيرن و خلص ،ما احلى الحب

اطلعت فيا و ضحكت ،نامت نهال و انا بقيت فايقة قلقانة ،قمت فتحت خزانتي وبدي طالع الظرف و عد المصاري يلي اعطاني اياهن عماد ،بس ما لقيتو محلو ،نكشت الدنيا عليه بس ما في اثر الو ،عرفت انو منال فايتة على الغرفة و سارقتو ،خفت واجهها و طالبا فين و وقع حالي باسئلة محرجة من نهال و البنات يلي عم يشتغلو معي و ما بقدر جاوب عليها و احكي لحدا مين عماد و ليش عم يساعدني ،بس قررت انو كون حذرة و حريصة بالمرة التانية و صير حط المصاري يلي عم تجيني بقلب المخدة مع باقي المصاري يلي عم حوشن من شغلي،صارت نهال كل اربعا تلتقي بفادي و ترجع تحكيلي عنو و كمية السعادة يلي عايشة فيا و تفرجيني الهدايا يلي كان يجبلا اياهن بكل مرة بشوفا فين ،و انا كنت افرح وقت شوف نهال اديش مبسوطة و ترجع بطاقة ايجابية و كمية تفاؤل كبيرة من موعدا مع فادي حتى كل الطاقم عرف انو نهال بتحبو لفادي و عم تطلع معو كل اربعا ،و حبيت اني حب و انحب متلا

نهاال:بعرفك على رفيقو لفادي.

قمر:لا ما بدي ،ما بحب هيك قصص

نهال:لك ليش ولو ،انت ما تحكي لا ايه و لا لا هلأ ،اتركيني انا نسق الامور مع فادي و بخبرك

قمر:لا لا لا ما بدي يفكر اني بنت خفيفة و بدي اي شب لاتعرف عليه

نهال:اطمني ،ما رح خليكي تطلعي بهالصورة ،فادي عندو رفيق بضل يحكي عليه و حسيتو انو بدو اياني زبطلو رفيقتي

قمر:تزبطيني يعني !

نهال:ايه

قمر:ما بدي ،شو عرفني انا برفيقو بلكي ما كان حلو بلكي ما عجبتو او انا مثلا ما عجبني

نهال:اووف منك ،منخلي القصة صدفة ،انا بقلو لفادي انو رح جيب قمر معي المرة الجاية كرمال عرفا عليك و هو لحالو رح يفهم و يجيب رفيقو ،هيك ما بكون حرجت او بينت مقصودة

قمر :طيب

يوم الاربعا اخدنا اذن انا و نهال و رحنا لنشوف فادي ،فتنا نطرناه بالكافتريا يلي بتلتقي فيه نهال متل العادة ،بعد 5 دقايق فات من باب الكافتريا شاب طويل ابيض و عيون كبيرة بني غامقة،اول ما شفتو ما قدرت شيل نظري عنو لانو كان وجهو مألوف علي كتير ،رفعت ايدا نهال فجاة و اشرتلو بايدا

قمر:هادا هو فادي

نهال:ايه

ابتسم و اجا لعنا ،سلمت عليه نهال و نكشتني من ايدي لقوم و سلم عليه

نهال:هاي قمر

اطلع فيني نظرة عميقة و انا ابتسمت بوجهو انا و متلبكة

فادي:اهلين ..قمر ...

نهال:جاي لحالك؟

فادي:ايه لحالي ،مين بدي جيب معي لكن

رجع اطلع فيني نظرة سريعة و بعدين ركز مع نهال و انا وقتا حسيت قعدتي ما مزبوطة معن و خاصة انو ما جاب رفيقو معو ،قمت وقفت و حملت جزداني

قمر:نهال انا بدي روح ...

نهال:لوين ؟هلأ لسا قعدنا

قمر:معلش انتو خدو راحتكن و انا بدي تابع عالسوق اشتري كام غرض

فادي:بعدين بتروحي عالسوق ،قعدي هلأ ،خلينا نضيفك شي

مسكتني نهال من ايدي و قعدتني ،اجا نادل الكافتريا و طلب فادي 3 عصير بعد ما سالنا شو بدنا ، اجا النادل و حطلنا كاسات العصير على الطاولة ،مسك فادي

حيا بس كانت متل يلي داخل بثبات عميق ،ما وعيت الا على صوت شاب عم يرجف

عمار:ولله هي طلعت بوجهي فجأة ،ما لحقت وقف السيارة

قمر:بسرعة خلينا ناخدا على المشفى

اسعفنا نهال على المشفى و فوتو على غرفة الاسعاف و نحن بقينا برا انا و الشاب يلي اتصل فورا بقرايبو و اجا فورا ليساندو ،كان طول الوقت عم يحاول يبرر انو الغلط ما غلطو و انو نهال طلعت فجأة قدامو بس اناا ما كنت سامعتو ابدا ،كان كل تركيزي مع نهال ،تذكرت كل ايامي الحلوة معا و اديش انا بحبا و فجأة تخيلت انو ماتت ،تخيلت حالي واقفة قدام اما و انا عم قلا نهال عملت حادث و ماتت و انا السبب ،حسيت بالندم عم يحرقني لانو خبيت عليا كل شي ، و تأخرت باني خبرا ،حسيت حالي خاينة فعلا ،بس كان الوقت عم يمر ببطئ كتير و انا واقفة بالممر و عم ادعي لربي انو ما يصرلا شي و انو القدر يعطيني فرصة تانية بس ...

نعدو ،كانت نهال عم تعد هي و عم تضحك ،و انا كنت مبسوطة كتير كانت فرحتي اكبر من اني عبرا

نهال:يااااا عنجد هاي اول مرة بحياتي بمسك هيك رقم بايدي

قمر:لحمدلله الله يديما رزقة علينا

نهال:قمر بما انو يعني معنا هيك مبلغ كبير ،خلينا ناخد منو شوي صغيرة و ننزل على السوق نشتري شي جديد لنروح فيه على الحفلة

قمر:ليش ناوية تروحي

نهال:ايه طبعا

قمر:بس انا تعبانة كتيررررر

رميت حالي على الفرشة

قمر:و بدي نام

نهال:بكرا بتنامي

مسكت نهال المصاري و صارت تزتن علي ،صرخت عليا انا و عم اضحك

قمر:بدك تلمين هلأ لحالك

نهال:اذا بدنا نروح على الحفلة بلمن لحالي اما اذا ما بدك تروحي ما رح لمن

قمر:ما اقواكي بروح بس ما في داعي نشتري كتير ،بدنا نسد دينا لعماد

نهال:ايه خلص منسدو

مسكت ايدي و صارت تشدني لقوم ،غيرت تيابي و نزلنا على السوق،كانت نهال تتفتل بالمحل و تنقي 5 /6ةقطع و تفوت تقيسن سوا ،انا اخترت فستان اسود طويل و بسيط ،اما نهال اختارت بعد ما يقارب ال 3 ساعات فستان اخضر قصير و رجعنا على الكافتريا بسرعة لانو صارت الساعة 7 ،على الساعة 8 سمعنا صوت سيارتو لعماد عم يزمر لنطلع ،انا كنت مخلصة و نهال واقفة عم تركب رموش على عيونا ،تركتا انا و عم تأفأف منا و طلعت ،سلمت على عماد و مرتو و طلعت من وراه

عماد:وينا نهال ما رح تروح ؟

قمر:هلأ بتجي بس عم ....ها ليكا اجت

طلعت نهال جنبي و انا حاطة ايدي على تمي و بالعة ضحكتي

قمر:انا برايي تشيلين انت و بالسيارة احسن ما يوقعو منك انت و عم تسلمي على شي حدا لانو ما عالقين منيح

نهال:يالله من حظي؛شو صار لو خلقت و رموشي اطوال اوف يا ..ما رح شيلن

كانت حفلة ابنو لسيد جمال بصالة خارجية فخمة كتير بطل على مسبح و بوفيه اكل على طول المسبح و طاولة كبيرة فيها حلويات يلي انا و نهال عملناهن

نهال:يا ريت لو كانو معنا عمار و وليد

قمر: ما الن بالطيب نصيب ههههه

قعدنا على طاولة مع عماد و مرتو و نحن عم نطلع بالمعازيم شو لابسين و شو عاملين و بالناس يلي عم ترقص و الالعاب النارية و باولادو للسيد جمال (الياس و جورج) ،كان كل شي جديد بالنسبة الي و ملفت للنظر ،بعد.شوي اجا االسيد كمال و مرتو رحبو فينا

كمال:و هيدي قمر يلي بجبلكن من عندا كل مرة الكلير و الكوفر

زوجة كمال:يا عمري انت ،فكرتك اكبر من هيك بس انت كتير صغيرة ،يعني يلي بشوف شغلك و بدوقو مستحيل يقول انت يلي عاملتيه

نهال:و انا كمان بساعدا

اطلعنا بنهال وضحكنا ،قاطع حديثنا اخوه السيد جمال يلي انقطعت زياراتو على الكافتريا فجأة

جمال: يسلم ايديكي ،الكل عم يسأل شغل مين هالحلوى

قمر:الله يسلمك و مبروك تخرج ابنك

جمال:الله يبارك فيكي

اجت مرتو لجمال و مسكتو من ايدو و سحبتو لبعيد عننا هي و عم تحكي معو ،رجعنا قعدنا على طاولتنا

نهال:قمر اطلعي لهنيك

قمر:لوين؟

نهال:على الشاشة يلي عالحيط ،عم يطلع عليا صور ،هدول صور اولادو لجمال هن و صغار

قمر:ايه هيك شكلو

كانت الشاشة عم تستعرض صور لابنو لجمال من هو و صغير لعمرو هلأ مع اخوه و ابوه و امو ،كانت واضح انو حياتو حلوة كتير ،حطيت ايدي على خدي و صفنت بالطفولة يلي انا عشتا و بين الطفولة يلي عاشا هالولد ،ما كان في ادنى مقارنة بين الاتنين ،قاطع شرودي مشهد غريب،لمحت مرتو لجمال عم تركض لبرا هي و عم تبكي و جمال لاحقا ،نكشتا لنهاا من ايدا و اشرتلا بعيوني لتطلع

نهال:شو عم يصير معن؟

قمر:ما بعرف كانو مناح من شوي

لمو

ماريا:انشالله ،عم تشوفي عماد صحي؟

نهال:لا ابدا

كل يوم عن يوم عم تكتر التفاصيل يلي بتبعد المسافة بيني و بين اهلي و عم يزيد تدخلن بحياتي و عم يحاولو يبعدوني عن وليد و يجمعوني مع ابن عمي جوني حتى اجت امو لوليد زيارة عند اهلي كرمال نحدد موعد العرس و قعدت ساعة عناو طلعت بدون ما تاخد منن كلمة و هن عم يماطلو بتحديد الموعد و كتب الكتاب عند الشيخ بس كل محاولاتن كان طريقا مسدود عندي ، كل ما يحاولو يبعدوني عن ديني انا اتمسك فيه اكتر بس الشي يلي زاد الطين بلة وفجر البركان يلي جواتي ، وقت كنا عم نتعشى و اعطاني البابا هويتي و قرات المعلومات الشخصية وشفت خانة الديانة

ماريا:انا ما مسيحية ...انا ما مسيحية ..افهمو بقا

زتيت الهوية على الكنباية و طلعت على غرفتي انا و عم ابكي ،ضبيت تيابي بالشنتا و نزلت ،شافتني امي انا و عم اسحب شنتايتي لبرا ،قامت بسرعة و صارت تبكي

ام الياس:وين رايحة انا ما صدقت ايمت لقيتك

ماريا:انت لهلأ ما لقتيني ،و لا انا لقيت اهلي

الياس:ماريا لوين بدك تروحي ،طولي بالك خلينا نحكي

ماريا:حكيت كتير بس انتو ما عم تسمعوني ،صادفت كتير ناس بحياتي و تقبلوني متل ما انا ،اما انتو ما تقبلتوني و بدكن تخلقو مني انسانة جديدة ، وعم ترسمولي طريق و لازم امشيه ،ما عم تتركولي حرية الاختيار بشي

ابو الياس:نحن بدنا اياكي تصيري وحدة مننا

ماريا:انا وحدة منكن بس ما متلكن ،اختلافنا بسيط و انتو عم تكبروه كل يوم ،انا ما بدخل فيكن وقت بتروحو على الكنيسة كل يوم احد و بتصلو و لا وقت بتشربو و لا كيف بتطلعو ،انا فهمانة الفرق و متقبلتو لانو المشاعر و المعاملة اهم شي

سحب جورج من ايدي الشنتا

جورج:طيب خلص فوتي و ما بقا رح نزعجك بشي

ماريا:لا بدي ارجع للمحل يلي كنت فيه مرتاحة و حاسة حالي بين اهلي ،انا ما ارتحت بيناتكن ،عم تطلعو فيني كاني غريبة و دخيلة عليكن و عم المحكن عم تتهامسو من وراي و حتى عم تحبكو خطط كمان لتغيروني

ام الياس:ماريا ما تحكي هيك ،نحن اهلك و منحبك

ماريا:بالهوية و بالدم بس ،بس ما وقفتو جنبي بأي شي لهلأ ،يا ريت لو بقيت ضايعة

فتحت الباب و طلعت و امي عم تناديني ،بقيت عم اركض حتى اطلعت على الشارع وقفت تكسي و رحت على المحل ،فتحتلي الباب نهال

نهال:قمر ..شو جابك بهالوقت؟

ماريا:تعبانة و مخنوقة من كل شي،حابة نام و ما ارجع فيق حابة فوت بغيبوبة شي كام سنة

نهال:يا لطيف ،شو يلي صار؟

ماريا:ولاشي...ولاشي

قعدت عم القط نفسي و اشلح حجابي ،اندق الباب ،قامت نهال فتحت الباب و رجعت و وراها الياس ،اطلعت فيه و نفخت

ماريا:الواحد ما بيعرف يلاقي منفس منكن

الياس:لا ،لانو نحن متل الهوا يلي بتتنفسيه ، لك نحن متل جلدك ،شفتي حدا شلح جلدو
ماريا:بعتتك امك؟

الياس:ما حدا بعتني ،انا جيت لحالي لقلك انو انا معك و بصفك و انت بتعرفي انو انا ما ادخلت فيكي او مليت عليكي شو تعملي

ماريا:بالظاهر بس و بالباطن عم تتفق انت و الباقي علي

الياس:لا و العدرا و انا مستعد لاي شي لاثبتلك موقفي ،و اذا بدك هلأ بتفق انا و وليد على موعد العرس و بكتب كتابك عند الشيخ

ماريا:و اهلك ؟

الياس:منحطن تحت الامر الواقع

اطلعت نهال بالياس و هزت براسا

نهال:ولله ،بدك تحدد موعد العرس لحالك من غير علم اهلك !

الياس:ايه!

نهال:و تكتب كتابا كمان!
الياس:ايه!

نهال:سمعتي اخوكي شو بدو يعمل!

ماريا:سمعت نهال

نهال:و انت شو رايك؟

ماريا:موافقة

الياس:عندك حل تاني انسة نهال؟

نهال: طب اقنعن بهالحكي يلي عم تقولو ما ازبط من المشاكل

الياس:و مين قلك اني ما حاولت بس اهلي رافضينو تماما لوليد لانو من غير دينا و هن حاطين براسن انو ماريا رح تغير ديانتا بعد فترة

ماريا:ها سمعتي

نهال:ما بعرف

الياس:انت نامي هون االليلة و ما تقبلي ترجعي على البيت حتى يقبلو يحددو موعد العرس و انا بخبرك اول باول بشو عم يفكرو بس ما تحكي لحدا انو عم وصلك الحكي و الا ببطلو يحكو قدامي شي

نهال:ها يعني رح تشتغل جاسوس ههههه

الياس:هههههه هيك شي

بقيت نايمة بالمحل اسبوع ،كان الياس يمر عندي كل صبح نشرب القهوة سوا انا و اياه و وليد و نهال ،يخبرنا باخر المستجدات و يتابع على عيادتو

وليد:برأيك اهلك رح يرضخو و يقبلو ؟

ماريا:ما بعرف بس حكي الياس اليوم فائلني شوي

وليد:يا ريت تزوجنا من زمان و امي و اختي بلشو يضوجو من التاخير من طرفكن

ماريا:معلش وليد مننطر لسا شوي
وليد:متل ما بدك ،و انت بتعرفي انو ما حابب انو نتزوج من غير وجود اهلك

بقيت اسبوع تاني من غير ما شوفن و انا ناطرتن ليتنازلو و يصالحوني و هن ناطريني لارجع على البيت حتى اجت امي لعندي ،فاتت نهاال لعندي على المطبخ هي و عم تبتسم

نهال:قمر امك برا

ماريا:امي انا !يلا طالعة

شلحت المريول و طلعت ،استقبلتا ببرود كتير
ام الياس:ما توقعتك قاسية لهل الدرجة ،ما اشتقتيلنا ؟

ماريا:اشتقتلكن بس ....

قعدت انا و عم العب بمكعبات السكر

ام الياس:انا موافقة على

ثريا:هو يلي بعتكن الله يلعنو

فتحو باب و فوتوني على بيت ريحتو عفونة و رطوبة

الاشقر:تعا ربطا

ثريا:بعد عني ...وينو هو ....خبروه انو بدي شوفو

قرب لعندي الشاب الحنطي وماسك حبال بأيدو

الحنطي:تعا امسكلي اياها ،شكلا رح تعذبنا

ربطوني الاتنين و هن متجاهلين صراخي و بكاي ،و كان واقف الشاب التالت عند الباب و عم يتفرج علين

الاشقر: لنشوف اديش رح يدفع فيكي ؟

ثريا(تبكي):.....
Telegram:@rwayate
تركوني مشلوحة جوا و طلعو ، كان غضبي و حقدي اتجاه رامي عم يزيد اكتر ،بقيت بهالغرفة ما يقارب الساعتين على ضو شمعة و مع ريحة العفونة ،بعدين دخل لعندي الشاب الاشقر و بأيدو موبايلي ،قرفص قبالي

الاشقر: بدو يحكي معك زوجك ليتأكد انك معنا

حطلي الموبايل على ادني

رامي:ثريا انت....

ثريا(تبكي): لك عيب عليك انت واحد ما بتستحي ما عندك شرف ما عملت حساب العشرة و الولد يلي بينا ،اياك تفكر انك رح ترهبني بهيك حركة ،ما رح اتراجع عن قراري .....
Telegram:@rwayate
رامي: ثريا ...

سحب الموبايل مني و انا عم ابكي و الهت

الاشقر:و هلأ تأكدت انو هي معنا ،معك 24 ساعة بس لتأمنلي 25 مليون ،ما بظن كتير على ام ابنك الا اذا بدك يتيتمو للولد على بكير كتير ،حرام مجد يعيش بلا ام ........

رامي :اسمع سو بدي قلك منيح ،لو بتكون تحت سابع ارض رح اعرف محلك و جيبك يا حيوان

الاشقر:ما تقصر اذا عرفت و احمد ربك غيرنا بيطلب بالدولار نحن رحمناك شوي دكتور رامي .

رامي:و انا ما رح ارحمك
Telegram:@rwayate
الاشقر: .....بس تأمنلنا المبلغ نحن منخبرك بموعد و مكان التسليم و اوعى يخطرلك انو تخبر الامن عننا لانو مرتك رح تصير بعداد الاموات

رامي:اذا بتمس شعرا منا لبيد عيلتك

سكر الخط و اطلع فيني ،كنت ضايعة من الشي يلي سمعتو ،و ما عاد فهمت شي ،تعقدت الامور علي و ضاعت الحقيقة

ثريا:مين انتو ؟

الاشقر:ليش هيك حكيتي معو لزوجك !! يا ترى بدفعلك بعد هالحكي يلي قلتيلو اياه بس شكلو في مشاكل بينك و بينو ...

ثريا:انتو شو بدكن مني ؟

الاشقر:بس يعطينا فديتك منرجعك على بيتك سالمة
Telegram:@rwayate
ثريا:يعني انتو خاطفيني كرمال المصاري

الاشقر:ايه لكن كرمال شو ....

قرفص قبالي و مرر بأصابعو على وجهي و شعري

الاشقر:مع انك حلوة كتير و ادعي لله يدفعلك و الا رح نقضي ليالي كتير حلوة مع بعض

رجعت ضهري لورا و بزقت بوجهو ،مسح وجهو هو و عم يبتسم

الاشقر:عسل

قمت وقفت و طلعت من الغرفة انا و عم اطلع فيا،كانت احلى من اختا بطولا و قواما و نعومة وجها ،طمعت بجمالا و حسيتا صفقة رابحة من كل الجهات

معيد:شو صار معك ؟

بسام:حكتو بس يا زلمة نزلت عليه بالبهادل و المسبات ،ما بعرف شو تهيألا بس على ما يبدو كانت طالعة من بيتا علقانة معو
Telegram:@rwayate
عمار:ليش ؟

بسام:ما بعرف ،ما سألتا لانو ما بهمنا ،المهم المصاري يا عزيزي

معيد:بس حلوة كتير و نعومة بيدفع انا متأكد

بسام:حلوة و بس ،يلي بشوفا و بشوفو بفكرا بنتو ما مرتو

عمار:انت بتعرفو لزوجا ؟

بسام:اي شفتو كذا مرة على التلفزيون عم يتقابلو معو و قلي حسام انو هيدا بكون زوج اختا لريتا
Telegram:@rwayate
معيد:ولله!!

بسام:دكتور جراحة عامة على مستوى

عمار:و هاالشي بخوف ،لانو ما يمكن يسكت،رح يضل ملاحق الموضوع حتى لو دفع

معيد:ولا نحن شغلنا رح يكون نظيف وما رح
نترك اثر ورانا

عمار:بس انا ما متفائل

بسام:بومة اخرس ،يلعن يلي نفضك شو بتبوم

عمار:انا فايت لشوف اذا لازما شي

بسام:تعا لهون يا حنون ،اقعد و ارتاح ،لو بدا شي كانت حكت

عمار:طيب و اذا ما دفع شو رح نعمل فيا ،ما تقلولي رح تقتلوا

معيد:ضيعانة تروح ببلاش،بس منتسلى معا شوي
Telegram:@rwayate
بسام: اخرس ولا ،نحن ما خطفناها كرمال هيك قصة ، انا فايت لعندا لشوف اذا بدا شي و انت خلو عيونكن مفتحة

معيد:ههههههههه

بسام:ليش عم تضحك

معيد:روح روح

فتحت الباب و فتت لعندا ،كانت مكورة حالا و بعدا عم تبكي ،اول ما شافتني جلست قعدت

ثريا:ما دقلك زوجي ؟

بسام:لهلأ ؟
Telegram:@rwayate
ثريا:وجهك مألوف علي ،حاسة حالي انو شايفتك من قبل

بسام:بجوز شايفة ملامحي بوجه شي درويش،نحن الفقرا منصير منشبه بعض مع الايام و ما حدا بيشوف هالشبه الا يلي واقف برا دائرتنا

ثريا:اكيد قصدك على فقر الاخلاق ،ما على فقر المادة

بسام:الاتنين نفس الشي ،فقر المادة بيودي لفقر الاخلاق

ثريا:في ناس فقراء بس شبعانة و عندا عزة نفس و ما بتسرق مال غيرا

بسام:الكل عم يسرق بس الفقير وقت بيسرق بتتفتح العيون عليه

ثريا:الكل عم يتحاسب
Telegram:@rwayate
بسام:الكل عم يهرب و نحن رح نسرق و نهرب و بعدين 25 مليون صار مبلغ بسيط ،الناس وصلت لمرحلة تبيع حالا و تبيع اولادا كرمال تعيش

ثريا:و تبيع اخلاقا و ضميرا !

بسام:قد ما حكينا ما رح تفهمونا لانو الحرب ما شالت من لقمتكن شي و لا اخدت منكن حدا

الجزء التاني:
Telegram:@rwayate
مطرح صغير كتير ,يمكن ما موجود على الخارطة و ما حدا بيعرف فيه , بس انا كنت مفكرتو كل العالم , ما بتعرف فيه مين ابوك , و مين امك , شو هي هويتك او حتى دينك او حتى نسبك , ما بتعرف كيف وصلت لهون و مين جابك و مين سماك باسمك, ما بتعرف الا شغلة وحدة انك مجرد رقم , بتعيش كل ذكرياتك و طفولتك مع ناس بيشبهوك و بيشاركوك نفس الهوا و نفس الاكل و نفس الغرفة و حتى نفس الوجع , المستقبل بالنسبة النا صورتو مغبشة كتير , و اقصى احلامنا هو الزواج يلي رح يعطينا نسب و قيمة ,ما منعرف حتى اذا في النا مستقبل او حتى منملك القرار حتى نختار ,نحن مسيرين و غير مخيرين
Telegram:@rwayate
اميرة_نهال_شذى_خلود : رح نبقى رفقات طول العمر , رح نكبر سوا و و رح نتزوج سوا هههههههههههه
مرت عشر سنين من وقت حطينا ايدينا فوق بعض نحن الاربعة و تلينا عهد الصداقة و لبست كل وحدة فينا اسوارة الخرز يلي عملناها بحصة الخياطة ,الاسوارة يلي بقيت بايدينا سنين طويلة و تعاهدنا انو ما نشلحا ابدا
فقت متل كل نهار على صوت الانسة رغداء , هي و عم تصرخ و تعيط على البنات يلي كانو بالغرفة يلي جنبنا , كانت اعمارن 8_9سنين
رغداء: يلا فيقو غسلو وجهكن و غيرو تيابكن , يلا بسرعة و بانتظام
انا و نهال و شذى و خلود , كنا اكبر شي بالميتم يلي بيستقبل اولاد من عمر ال6 حتى عمر ال 11 سنة , كان هالميتم صغير , اصغر من انو يسع احلامنا و طموحنا البسيط , و بضاحية عدد سكانا ما بتجاوز ال 3 الاف نسمة , غسلت وجهي و فتت غير تيابي, بعد ما شلحت بجامتي ,وقفت على المراية , اطلعت على جسمي و طولي الممشوق ,كبرت بسرعة و علامات انوثتي صارت واضحة , فلتت شعري الاسود انا و مبسوطة بحالي و شايفة حالي صبية و حلوة كتير
نهال: يلا اميرة , خلصي بسرعة رح نتاخر على ام تحسين
اميرة : نهال انا حلوة ؟
نهال: ايه , حلوة كتير بس خلصينا
اميرة : بعجبو لخالد؟
Telegram:@rwayate
نهال: عاجبتيه , اسرعي ,لوز و سكر سبقونا
لبست تياب الشغل و نزلت انا و نهال على المطبخ
ام تحسين : يلا بسرعة وزعو الصحون على الطاولات , هلا بينزلو
نقلنا الصحون انا و نهال من المطبخ لقاعة الاكل بعرباية الاكل و حطينا قدام كل كرسي صحن , نزلو الاولاد من الطابق التاني بانتظام ماشين ورا بعض و سحب كل واحد كرسيو و قعد يفطر , بعد ما خلصنا توزيع الاكل , قعدنا نحن الاربعة على طاولة وحدة نفطر ,كان قدام كل واحد صحن فيه بيضة وحدة و 3 حبات زيتون , هيدا كان فطورنا اخر فترة سواء كان عمرك 6 سنين او 11 سنة او حتى 19 سنة هيدا الفطور للكل , كنا نقوم من عن الطاولة جوعانين , و متل كل يوم نحن و عم ناكل كنا نفتح احاديث يومية و كالعادة شذى و خلود يقضوها مناقرة
خلود : شذى مبارح ما عرفت نام منك مبارح من صوت شخيرك
شذى : حطي قطن بادنيكي و نامي
خلود : بالله
شذى : هاي نهال و اميرة بنامو معنا بنفس الغرفة و ما بدايقو من صوت سمفونيتي الا انت بالذات
نهال : خلص بقا انت و اياها , يلي بشوفكن اديش منسجمين طول النهار مع بعض بفكركن اخوات و مستحيل يصدق انو انتو على راس كل ساعة بتتناقرو على اتفه القصص
خلود:اسمعو كانو سامي ما رجع من مبارح
نهال: قال اجا عمو اخدو
Telegram:@rwayate
شذى: طب عمو ليش تاركو يعيش بهالميتم الجربان, كان اخدو يعيش عندو ما احسن من هالعيشة
اميرة : احتمال ياخدو , لسا هاي اول مرة بيجي و بيشوفو
خلود: نيالو ما متلنا ما في حدا بيسال علينا لا عم و لا خال
نهال و خلود و شذى بعتبرن اخواتي , ربينا سوا من نحن و صغار , قضيت كل طفولتي معن و وعيت علين , بعدما تجاوز عمرنا ال 18 سنة كان من المفروض نتوزع على مياتم تانية بعقود عمل بس اصرينا نضل سوا نحن الاربعة و نشتغل بميتم واحد لهيك بعد اصرار منا و محاولة اقناع مديرة ميتمنا السابق وافقت تفرزنا على نفس الميتم ,و وقت وصلنا لهون نحن الاربعة كانت ادارة الميتم للمدير ايمن و سلمنا مهمات كتير منا مساعدة ام تحسين بالمطبخ و نظافة غرف الاقسام بالميتم , رغم انو الشغل كان متعب كتير بالنسبة لاعمارنا بس ما كنا نحس لانو كنا نقضي كل الوقت عم نثرثر و نلعب و نضحك , بس من فترة شهرين استقال المدير ايمن من وظيفتو فجاة و بدون اسباب او تمهيد و استلم المدير تيسير منصب الادارة منو , و نحن عم نفطر فات المدير االجديد للميتم , صار يتفتل بين الطاولات و يطلع فينا واحد واحد
نهال:يبعتلو حمى ما حبيتو
Telegram:@rwayate
خلود : و لا انا , من اول ما اجا و الميتم عم يتراجع وضعو لورا
اميرة : حتى الاكل صار ما بيتاكل , على دور القديم كنا نشوف الفروج و اللحمة مرتين بالاسبوع , اما هيدا الو مستلم شهرين و ما شفناها الا تلات مرات
شذى: مبلاانا شفتا مبارح الانسة رغداء كانت راسمتا على السبورة بدرس العلوم و عم تشرح للطلاب ههههههه
نهال_خلود_اميرة:ههههههههههه

اضحكنا بصوت عالي , التفت علينا المدير تيسير و زورنا , بلعنا ضحكتنا ,بعد ما خلصنا فطور وشغل بالمطبخ , نحن و طالعين لنظف الغرف بالطابق التاني شفنا سامي و عمو فايتين على غرفة الادارة , كان منظر سامي غريب و مخيف , وجهو اصفر كتير و عم يمشي بخطوات تقيلة و ما متوازن , فكرناه مرضان انا و رفقاتي
شذى: طلعة الميتم ما واتتو ابدا هههههه
خلود: في ناس ما بلبقلا العز , بمرضا
طلعنا لنظف الغرف , فتت انا و نهال على غرفة و شذى و خلود على غرفة تانية ,و نحن عم نشتغل انا و نهال سمعنا صوت شذى و خلود عم يعلقو مع بعض
Telegram:@rwayate
اميرة : نهال انا جاية بس لشوف هالجوز ليش عم يعلقو
تركت الممسحة من ايدي و رحت لعندن
اميرة : وطو اصواتكن هلا بيسمعكن المدير و بتتعاقبو
شذى : تعي بالله اسمعيا قال هي بدا تمسح الغبرة و بدا اياني امسح الارض , اختارت الشغل السهل الا , كل مرة بتعمل هيك
خلود : ما بتفرق , كلو شغل , انا بدي مسح الغبرة و رتب التياب كمان
شذى : لا بتفرق
اميرة : طيب خلود روحي انت اشتغلي مع نهال و انا بشتغل هون محلك و انا بمسح الارض ما في مشكلة و انت شذى مسحي الغبرة , منيح هيك ؟
وقفت اطلعت فين للاتنين و هن ساكتين و عم يطلعو ببعض
اميرة : شو شفتكن سكتو ؟ ما عجبكن الاقتراح
خلود : على اساس حليتيا هيك ,خلص خلص نحن منحلا بيناتنا , روحي انت لعند نهال
اميرة : ههههههههههههههه
رجعت لعند نهال انا و عم اضحك علين , وكملت شغلي انا و نهال ,كنت انا و نهال من عمر بعض (20 سنة) و كنا رايقين و هادين كتير غير شذى و خلود (19 سنة )يلي كانو كانو متل الزيت على النار , رجعنا سمعنا اصواتن مرة تانية بس ما ادخلت و تركتن يحلو مشاكلن لحالن , بعد ما خلصنا نزلنا عند ام تحسين يلي كانت مستلمة مهمة الطبخ , و نحن مهمتنا نساعدا و نجلي الصحون و الطناجر الكبيرة يلي كانت تطبخ فيا للميتم كلو ,بعدما خلصنا شغل , اجت سمية
Telegram:@rwayate
سمية : تعو ساعدوني بتنظيف الحمامات
اميرة: هاي ما مسؤوليتنا
سمية : ولله , صايرلك لسان اميرة
قربت علي و مسكتني من ادني و شدتلي اياها
اميرة: اتركيني عم توجعيني , ولله لاشكيكي للمدير
شذى: اميرة معا حق , انت بتقبضي راتب كل شهر على شغلك
قربت على شذى و بكل غيظ ضربتا كف , شدت شذى على اسنانا و من قهرا ما عاد طلع معا حكي
شذى : ولله لاشكيكي للمدير يا يا يا يا
خلود : ههههه يا يا يا
شذى : اخرسي انت , يا شريرة يا شيطانة
سمية : استرجي يا شذى
راحت بوجها على غرفة الادارة و انا رحت معا و لحقونا نهال و خلود و وقفت سمية تتوعدلنا بالتهديد بحال اشتكيناها للمدير بس نحن ما سالنا و تابعنا طريقنا , دقت شذى الباب دقة وحدة و فتحتو فورا , وقفنا نحن الاربعة جامدين من المنظر
محمود : يلا حاسبيني لشوف
سامية : طب كملي هالمقطع بالاول
محمود: لتدفعيلي على يلي قراتلك اياهن بالاول
سامية : اديش ؟
محمود : 500
سامية : اوووف
محمود : هيك اتفقنا , ما بدك خدي اقرايه لحالك
سامية : تفضل تفضل
.....................................................................................

الجزء التالت:
Telegram:@rwayate
قامت الانسة بهية عن طاولة المكتب هي و متلبكة و زررت ازرار قميصا فورا و قام وقف المدير تيسير من كرسيو و طلعت الانسة بهية فورا من الغرفة هي و منزلة راسا
تيسير: انتو كيف بتفتحو الباب قبل ما دقوه ؟
شذى : دقيناه
تيسير : كذابة , ما سمعتو , شو بدكن انتو الاربعة ؟
اميرة : كنا جاين نشتكي على سمية بدا ايانا نظف الحمامات معا
تيسير : أي انقلعو روحو نظفون معا عقاب الكن حتى تتعلمو مرة تانية دقو الباب قبل ما تفتحوه
سكرنا الباب و ضحكنا
نهال: ما احسن كنتو سكتو
خلود :يااااااااه شفتون شو كانو عم يعملو
اميرة: اسمعو اذا شفنا سمية بطريقنا منقلا انو المدير معصب منك على تصرفك حتى ما نطلع بالخجلة
شذى: برافو اميرة, انت ام الافكار
نحن و راجعين من غرفة الادارة , اجت ريما عم تركض و تلهت من بعيد, ريما عمرا 8 سنين و بتكون رفيقتو لسامي , انا و رفقاتي منحبا كتير لانو بنت ذكية كتير و عندا موهبة الرسم و انا بعتبرا متل اختي الصغيرة
ريما : اميرة ......نهال ....شذى ...خلود تعو بسرعة , سامي مريض كتير
شذى : شبو ؟
مشينا ورا ريما بسرعة , وصلنا على غرفة الصبيان , كانو ملتمين الاولاد بالغرفة و الانسة ندى واقفة فوق راسو لسامي
ندى: حرارتو كتير مرتفعة , بدو دكتور, انا نازلة خبر الادارة
نزلت ندى و انا قربت على سامي , كان عم يرجف و يعرق , وجهو احمر وساخن كتير و عم يلقط نفسو بصعوبة ,و عم يهلوس
سامي : لااااا ....ما بدي ....... لاااا
اميرة : سامي ..... سامي
ما كان عم يسمعني ابدا , اجا المدير هو و عم يخانق علينا كيف ملتمين فوق راسو
تيسير : اطلعو كلكن لبرا
Telegram:@rwayate
طالعونا و بقي هو الانسة ندى جوا , ما قدرنا نفهم من اصواتن و حكين غير انو المدير ما بدو ياخد سامي على المشفى و لا حتى بدو يجبلو الدكتور , طلعت الانسة ندى من جوا و نزلت فورا , كانت رايحة تجبلو دوا خافض حرارة لسامي و نزل وراها المديرهو وعم ينبهنا انو نوقف على الباب و ما نفوت حدا لعندو , و تركو لسامي مشلوح بالتخت عم يصارع الموت , فتت انا و رفقاتي لعندو و سكرنا الباب ورانا
خلود : يا حرام شو صار معو , كان من يومين ما فيه شي
اميرة: صح من وقت ما رجع من عند عمو و هو ما بقا طبيعي
شذى : يا ربي شو لازم نعملو , ولله قلقانة عليه , منظرو بقطع القلب
قربت قعدت جنبو على طرف التخت
نهال : اميرة قومي من جنبو , بلكي كان معو مرض معدي
اميرة : معقول !
قمت من جنبو انا و قلقانة , كنا نحن الاربعة عم نطلع فيه متل يلي حامل شي فيروس معدي و قاتل , اجت الانسة ندى و حطتلو تحميلة
ندى : انزلو على المطبخ و قلولا لام تحسين تعطيكن كمادات مي
نزلنا و جبنالا كمادات مي للانسة ندى و وقفنا نتفرج عليا , كان اكتر شي بميز الانسة ندى عن باقي الانسات انسانيتا و حنانا يلي دفعت تمنو غالي كتير
ندى : نزلت حرارتو , مين بدو يطوع منكن و ينام عندو الليلة , انا ما بقدر نام لانو بكرا عندي فيقة بكير و اعطاء
وقفنا نطلع ببعض نحن الاربعة
اميرة : انا ببقى جنبو , بس ما رح اقدر انزل على شغلي بكرا
Telegram:@rwayate
ندى: انا باخدلك اذن , اميرة ما بصير تنامي , لازم تتفقديه على طول و تقيسي حرارتو بهيدا , هلا بعلمك كيف بستخدموه ,احتمال يرجع يسخن , اذا سخن حطيلو هاي التحميلة
اطلعت برفقاتي و شفتن حاطين ايدين على تمن و عم يضحكو , علمتني الانسة ندى كيف بقيس الحرارة و نزلنا تعشينا و بعدين غيرت تيابي و لبست بجامتي و رحت نمت عند سامي بالقسم (ب) , بقيت سهرانة على سامي لوجه الصبح و بعدين ما بقا قدرت اصمد و غفيت حتى فقت على صوت سامي الصبح
سامي : اميرة ...اميرة ....وين انا
اميرة : سامي حبيبي كيف صرت ؟
حطيت ايدي على جبينو
اميرة:لحمدلله ما بقا في حرارة
سامي : اميرة ما تخلين ياخدوني الله يخليكي , بدي ابقى هون
اميرة : لوين ياخدوك ؟
سامي : على هداك المطرح , كتير بشع
اميرة :شبو هيداك المطرح؟
سامي:..........
اميرة : ما بقا بدك تروح مع عمك ؟
Telegram:@rwayate
سامي : هيدا ما عمي
اميرة : مين هيدا يلي رحت معو ؟
سامي: ما بعرف ....ما بعرفو ابدا
اميرة : طب ليش ما بقا بدك تروح ؟
سامي : ما بقدر احكي بس ما بقا بدي روح
اميرة : احكي ما تخاف
سامي :....
دخلت الانسة ندى و انا عم حاول اسحب الحكي من سامي يلي كان خايف كتير , شكرتني و طمنت على سامي و فيقت باقي الاولاد, و انا نزلت على غرفتي لكمل نومتي , اول ما فتت شفت البنات عم يلبسو و يجهزو حالن لينزلو على شغلن, شلحت حالي على التخت لنام , اجت خلود فوق راسي
خلود: كيف صار سامي ؟
اميرة : احسن لحمدلله
نزلو البنات على المطبخ و انا حاولت نام بس قلقت انا و عم فكر بكلام سامي يلي دب الرعب بقلبي , تاني يوم حاولت التقي بسامي و افهم منو بس ما حكى شي , بعد اسبوع نحن و عم نتغدى بقاعة الاكل
خلود : سمعتو قال خالا لربا اجا مبارح اخدا
تركت الملعقة و اطلعت بخلود

اميرة : مين هيدا خالا كمان ؟, من اكام يوم اجا عمو لسامي و هلا خالا لربا , النا كتير بالميتم بحياتنا ما شفناهن و هلا طلعو فجأة
شذى : احتمال يعني بعد يومين يجي ابي ياخدني ههههههههههههه
Telegram:@rwayate
نهال _خلود:ههههههههههههههه
نهال: ما ليكون معروف ابوكي مين ؟
شذى : على اساس انت يلي ابوكي معروف
سكتنا بعدين اضحكنا , هاي الحقيقة المضحكة المبكية انو نحن الاربعة لقطاء ما معروفين اصلنا و فصلنا بكل الميتم , من اول ما وعينا ,كان باقي البنات يجو قرايبينن كل فترة يزورون اما نحن الاربعة ما حدا كان يسال فينا ابدا و كبرنا على فكرة ما النا حدا ,يمكن هالشي هو يلي خلانا نتقرب من بعض و نصير رفقات من نحن و صغار , بعد ما خلصنا فطور, اجت ام تحسين
ام تحسين : بدي اياكن تروحو على سوق الخضرة , جاسم ما عم يعرف يشتريلي خضرة منيحة
شذى : جاسم بجيب كميات كبيرة بقا كيف نحن بدنا نحملن تقال
ام تحسين : ما رح تحملون انتو , اتركون عند البياع و جاسم بجيبن بالسيارة بس خليه يعملكن فاتورة بالاغراض كرمال المدير عم يدقق , انت قلولن للميتم و هن لحالن بيعرفو
اميرة : من عند مين بدنا نشترين ؟
ام تحسين : خدي هاي الورقة حاطة فيا الاغراض, الخضرة من عند ابو منصورو البقوليات من عند ابو كرم , البندورة بتنقيا حمرا متل الدم و البرغل خشن
نهال : مين ابو منصور ما عرفتو
شذى : انا بعرفو , بدلكن عليه
ام تحسين : ما في داعي تروحو انتو الاربعة , روحي اميرة و شذى بس
شذى : لا الله يخليكي , نادرا ما نطلع من الميتم ,هو هالمشوار يلي منطلع فيه منشم الهوا اذا بتريدي خلينا نروح نحن الأربعة
Telegram:@rwayate
قمنا نحن الاربعة و لفيناها لام تحسين و صرنا نبوسا و نترجاها
ام تحسين : خلص خلص بعدو عني , روحو بس ما طولو , ما تقضو نص النهار بالسوق , اشترو الاغراض و ارجعو فورا
اميرة : احلى ام تحسين بالعالم , انت لازم تكوني الام البديلة هههههه
طلعنا لفوق و زبطنا حالنا و انا لبست تيابي و حطيت كحلة بعيني و شوية روج على شفايفي ونزلنا و رحنا على السوق , كنت ماشية انا و متلبكة لانو بدي شوف خالد على طريق السوق و شذى بتشووف رفيقو رامي و استلمونا البنات طول الطريق
خلود: الا انا ما عندي حبيب
نهال: و هاي انا كمان ما عندي , ها ليكن العشاق
شذى : يقبر قلبي على هالطلة
اميرة : خالد عم يطلع فيني يا ربي اديش نظراتو بتخجلني
مشيت انا و خجلانة , رفعت نظري اطلعت فيه نظرة , كان عم يطلع فيني و وقت اجت عيني بعينو ابتسم , كان وجهو و تيابو وسخين و اثار لانو كان بيشتغل ميكانيسيان , ابتسمت و تابعنا طريقنا على سوق الخضرة ,بعد ما قطعناهن , رجعت التفتت خلود لورا
خلود : ها رامي و خالد ورانا
شذى : بس 5 دقايق رح نوقف معن, ما منطول الله يخليكن
نهال : طيب بسرعة يلا
تركناهن لنهال و خلود وقطعنا الشارع انا و شذى , التفتت لورا و شفتن ماشين ورانا
شذى : انا رح انفصل عنك , منلتقي بعد عشر دقايق
اميرة : ماشي
Telegram:@rwayate
تركتني شذى و راحت و انا بقيت واقفة لوصل لعندي خالد هو و عم يبتسم و انا ضحكت
خالد : امشي امشي بسرعة
مسكني من ايدي و سحبني باتجاه شارع فرعي ضيق
خالد: شفتك من بعيد ما صدقت عيوني , ما بالعادة بتطلعو بهاليوم
اميرة : الشغلة صارت صدفة, رايحين على سوق الخضرة , يعني ما مطولة
خالد: ايمت بدي شوفك منيح و نطلع مشوار , ولله ما عم اشبع من شوفتك و عم ااشتقلك
قرب لعندي و حط ايدو على وجهي و انا خجلت كتير و رجعت خطوتين لورا و سندت على الحيط
اميرة : خالد , نحن بالشارع يعني , بعد شوي
خالد : بنسى كل شي وقت بشوفك , ما عاد بشوف شي غيرك انت
احمر وجهي و ابتسمت و نزلت راسي
اميرة : من وين بتجيب هالحكي
خالد: من قلبي ولله , بحكي كل شي بحس فيه
اميرة : خالد انا حاسة عم يصير شي بالميتم ما مزبوط
خالد : متل شو ؟
اميرة : ما بعرف بس ما مرتاحة و خايفة
خالد : ما تخافي انا و جنبك , احكيلي شو عم يصير
قبل ما احكي باي كلمة , اجت شذى نادتلي
شذى : يلا تعي تاخرنا على لبنات
اميرة : خالد انا رح روح و منحكي بعدين
خالد : طيب ما طولي علي
تابعنا طريقنا انا و شذى لعند البنات , شفت نهال واقفة عم تهز برجلا و معصبة

الجزء الرابع :
Telegram:@rwayate
نهال : ايييه شو اخرة هاللقاءات الغرامية ؟
اميرة : اكيد زواج
خلود : شذى قليلو يجي يخطبك , عمرو منيح و وضعو كمان منيح
شذى : شو بدي قلو ابعت اهلك على الميتم يطلبو ايدي
اميرة : قليلو ياخدك و يعرفك على اهلو , هيك بتحسيه انو جدي
نهال: هههههههههه طب قولي هالشي انت لخالد كمان
شذى : رح خبرو المرة الجاية
نهال : عم يتسلى , وقت بتوصل الامور للجد , ما رح تشوفيه , بيروح بيتزوج وحدة من عيلة معروفة نسبا
شذى : بلا هالحكي المتشائم , الحب بضل اقوى من كل شي
نهال : حكي افلام خيالية
اميرة: حتى لو خيال , ما غلط نعيش شوية خيال لننسى شوي واقعنا
نهال : لا غلط لازم نضل بالواقع لحتى ما تصيبنا خيبات امل
اميرة : على كل حال , اذا ما بدو يقبلني هيك يصطفل , على راحتو و عادي اصلا
وصلنا على السوق ,طالعت الورقة من الجزدان ,نحن و عم نشتري الخضرة , كان في شاب بيشتغل بمحل الخضرة يلي عم نشتري منو و عم يطلع بنهال و يبتسم
Telegram:@rwayate
شذى : نهال شوفي هيدا عم بيطلع فيكي, يمكن هيدا منصور ابن ابو منصور صاحب هالمحل
نهال : شايفتو بس مطنشتو
خلود: اخ الا انا ما حدا بيطلع فيني
اميرة : هههههه خلود دخيل الله شو بتنقي , الا انا الا انا
الشاب : بدكن شي غيرو صبايا ؟
سال السؤال و اطلع بنهال , نحن سكتنا و تركنا الجواب لنهال يلي كانت خجلانة
نهال: اميرة شوفي الورقة ؟
رجعت فتحت الورقة لاتاكد
اميرة : ضل بطاطا , بدنا شنتين بطاطا
الشاب : تكرمو , غيرو ؟
اميرة : ولاشي , اعملنا فاتورة فين , هدول للميتم
الشاب : ....انتو من الميتم !!!!
نهال : ايه
قربت علينا شذى و همست هي و عم تضحك
شذى : طفشتوه بسرعة
نهال : بالناقص
كانت علامات الدهشة و الصدمة واضحين على وجه الشاب منصور , اما نهال خبت اهتماما فيه , نحن و راجعين , مريت من جنب محلو لخالد , كان عم يركبو دولاب سيارة ,اول ما شافونا , تركو شغلن و طلعو وقفو فورا برا
كنا لازم نذكر حالنا على طول نحن مين و وين عايشين , و شو وضعنا حتى ما نحلم و نتامل , رجعنا على الميتم لنكمل شغلنا و نجهز الغدا مع ام تحسين , بعد 3 ايام رجعت ربا , كنت عم امسح غرفة الادارة وقت دخلت هي و رجال طويل و عريض كتير, لابس بدلة رسمية , حطت عيني على ربا فورا , كان وجها اصفر متل وجه سامي
تيسير: اميرة اطلعي من هون هلا , بعدين بتكملي شغلك
Telegram:@rwayate
اطلعت انا و عم اطلع بوجه ربا الشاحب , سكرت الباب وراي و كنت بدي ارجع على المطبخ بس في شدني لاوقف ورا الباب و اتنصت على كلامن , حطيت ادني على الباب و سمعت بصعوبة حكين
تيسير : زودلي اياهن شوي
عم ربا: هلا بطلو يعجبوك , لا تنسى نحن يلي وظفناك هون و عم تقبض راتب و عم تبلع كتير من وراه هالميتم و مساعداتو
تيسير : بس اذا حدا حس علي , انا لحالي يلي بروح فيا و انتو بتطلعو متل الشعرة من العجين
عم ربا : ما حدا رح يحس , اطمن هدول الاولاد ما في حدا يسال علين , اسمع المرة الجاية بدنا بنت كبيرة شوي
تيسير : ما في عنا , انت بتعرف هون من ال 6 سنين ل 11 سنة
عم ربا: و هاي البنت يلي شفتا عندك هلا ؟
محمود : اشتريلي كازوزة , نشف ريقي
سامية :طيب طيب بس شو يلي عم يصير بالميتم ؟
محمود : و انا شو عرفني , قالولك كنت معن , متلي متلك عم اسمع هالسمعات, ليكي جيبيا لون برتقاني و لاتنسي تحاسبيني بس ترجعي
سامية : حاضر
Telegram:@rwayate
رحت على اقرب سوبر ماركت و اشتريت كولا و بسكوت الي و لمحمود , اتفقدت موبايلي يلي كنت حاطتو صامت شفت اخي سامي متصل فيني كتير , رجعت حطيتو بالجزدان و رجعت لعند محمود
سامية : تفضل و هاي حسابك , هالكتاب اشتريتو ب 300 ليرة و صار مكلفني قرائتو اضعاف مضاعفة لنشوف اخرتا , كمل لشوف
.............................................................................................

الجزء الخامس:
Telegram:@rwayate
تيسير : هاي بتشتغل هون و بعدين هاي عمرا كبير , صعب نمشيا متل ما بدنا
عم ربا : ما في شي صعب عليك و رح نزودلك اياهن
تيسير : طيب لشوف , نبهتو عليا لهاي ما تحكي
عم ربا : أي نبهنا , يلي بيحكي عمو شو منعمل فيه ؟, منحرقو بالنار و انت عيد عليا هلا , انا بدي روح
ركضت فورا و تخبيت ورا الحيط , شفت عما لربا طالع من غرفة الادارة و بقيت ربا جوا , خفت ارجع اتنصت على المدير, بس الحكي يلي سمعتو ما مفهموم بس بخوف كتير , و خاصة انو اسمي انذكر و انو هالشخص هو ما عما لربا , في شي خطير عم يصير و بس ما قدرت حدد شو هو لهلأ بس متاكدة انو ربا و سامي هن الاتنين يلي بعرفوه ,رجعت على المطبخ و انا مسجونة بافكاري وبس خلص نهاري , رحت لعند ربا لاسحب منا كلام , بس بقيت ساكتة و شاردة و منعزلة عن رفقاتا , خبرت رفقاتي بالحكي يلي سمعتو بغرفة الادارة
نهال: من الاول حسيت في شي ما طبيعي, انقام المدير القديم بسرعة و بدون مقدمات و اتعين هيدا الجديد ب لمح البصر
شذى : انا خايفة كتير , احتمال يجي دورنا
خلود : وين بكونو عم ياخدن ؟ا
اميرة : ما بعرف , حاولت كتير افهم من سامي و ربا بس ما حكو
نهال : خلينا نحكي للانسة ندى و هي بتتصرف
اميرة : أي و بتعاقب انا بتهمة التجسس و التنصت
نهال : منقلا ما تحكي , اميرة لازم حدا يعرف بالشي يلي عم يصير , لانو احتمال المرة الجاية انت تروحي او وحدة فينا
Telegram:@rwayate
شذى : كانو عم ياخدن على جهنم, عم يرجعو وجوهن مخطوف لونو و تايهين
بعد مناقشات طويلة و تردد , قررنا نتوجه لعند الانسة ندى و نخبرا بكل شي ,رحنا خبرناها
ندى : رجعي عيدي الحكي شوي شوي حتى استوعب
رجعت قلتلا الحكي و بعد ما خلصت كلامي قامت وقفت هي متوترة و كانو حلت اللغز و قدرت تفهم يلي نحن ما قدرنا نفهمو بحكم ثقافتنا البسيطة و انعزلنا عن العالم الخارجي , راحت فورا على غرفة الادارة ,و نحن نزلنا على المطبخ , اعطتنا ام تحسين ورقة بالمشتريات و رحنا على السوق , وقفت شوي مع خالد و بعدين تابعنا طريقنا على السوق كالعادة
شذى : اميرة , رامي قلي شغة عن خالد بس خايفة قلك اياها حتى ما تنقهري
اميرة : شو قلك ؟
شذى : قلي خالد رح يخطب بنت خالتو عن قريب
اميرة :.......رح يخطب !
انصدمت , انقهرت , ما عاد طلع معي حكي ابدا , كان كلاما لشذى متل الكف يلي صحاني من كذبة كنت عايشتا و مبسوطة فيا , بيت .......... عيلة ........... اولاد و اهم من كل هالشي هوية
نهال : انا وقت بحكي ما حدا بصدقني
خلود : بلكي رامي عم يكذب
Telegram:@rwayate
شذى : رامي ما بيكذب و شو مصلحتو ليكذب , و هو حكى هالجملة زلة لسان و بعدين انتبه على حالو شو حكى و حاول يتهرب بس انا حاصرتو باسئلتي و فهمت انو امو عم تضغط عليه و هو ما بدو
نهال: على اساس رامي احسن
شذى : أي خبرتو و قلتلو بدي اتعرف على اهلك ,قلي الاسبوع الجاي بعرفك على اختي
نهال: بدك تروحي لعندن على البيت
شذى : ما بعرف
خلود : لا , شوفو بعض بالحديقة يلي على طريقنا ...اميرة .. اميرة ....شو رايك ...اميرة
اميرة : ايه ايه
كنت ماشية و انا عقلي ما معي و مشوش بخالد و خطبتو , حسيت قلبي انكسر و فجاة اسودت الدنيا بعيني , اشترينا الخضرة و وقفت نهال بعيد شوي عن محل ابو منصور بس بقي منصور يطلع عليا و كانو صارت محرمة عليه بعد ما عرف انو بنت ميتم
منصور : شبا رفيقتكن واقفة بعيد , قلولا تقرب لهون
اشرتلا خلود بايدا لنهال لتقرب لجنبنا , قربت هي عم تنفخ
نهال : شو بدكن ؟
منصور: ما حلوة توقفي لحالك بالطريق
نهال : ما في مشكلة , شو صار معكن ما خلصتو لسا ؟
منصور: على شو مستعجلة ؟
Telegram:@rwayate
نهال: ما منقدر نتاخر على الميتم
سكت منصور و كانو جملة نهال رجعت ذكرتو بانو هي بنت ميتم , بعد ما خلصنا رجعنا و انا على الطريق مرينا من جنب محل خالد و انا دايرة وجهي و ما التفتت عليه ابدا , وقت وصلنا على باب الميتم شفنا الانسة ندى طالعة منو , كانت علامات الارتباك و التوتر واضحة عليا , قربت لعنا
ندى: الحكي يلي قلتولي اياه ما تقولو لحدا و لا تقولو انو خبرتوني , انا رايحة قدم بلاغ ضد المدير
اميرة : انسة ندى ممكن تفهمينا شو عم يصير ؟
ندى : لارجع بخبركن
راحت الانسة ندى و هي مستعجلة , و نحن فتنا على الميتم بعد ساعتين نحن و بالمطبخ عم نساعد ام تحسين بطبخ البرغل ببندورة , اجت خلود عم تلهت
خلود : سمعتو ؟
اميرة : شوفي ؟
خلود : الانسة ندى بالمشفى , ضربتا سيارة
اميرة : شو , كيف صحتا هلا ؟
خلود: حالتا خطرة كتير
نهال : يا ربي , مين خبرك انت ؟
خلود: سمعت الانسة بهية عم تقلا هيك للانسة رغداء انا و عم نظف غرفة المعلمات
شذى : يا ربي دخيلك , معقول تموت ,هاي احسن انسة عنا
اميرة : باي مشفى هي هلا ؟
خلود : مشفى حكومي اكيد
اميرة : لازم نزورا

بعد ما خلصنا طبخ , تحايلت على ام تحسين لتخلينا نزور الانسة ندى بعد ما ترجيناها كتبر , وافقت انو روح انا و نهال بس حتى ما حدا يحس على غيابنا و خبرتنا انو ما نطول ,جهزنا حالنا و رحنا على المشفى , سالنا الممرضة عنا وا خدتنا على غرفتا , بس ما سمحتلنا نفوت لعندا لانو ممنوع بس اعطيناها مصاري , قبلت فورا انو نشوفا 5 دقايق بس , فتنا لعندا , كانت ممددة على سرير بغرفة العناية المركزة , اول ما شفناها بكينا انا و نهال على شكلا
اميرة : انسة ندى .....انسة ندى
فتحت عيونا بصعوبة و اطلعت فيني
Telegram:@rwayate
اميرة : انا اميرة , لحمدلله على سلامتك
حسيت بدا تحكي معنا بس ما قادرة تحرك لسانا و ايديا , قمتلا كمامة التنفس عن تما
اميرة : انسة ندى بدك تحكي شي ؟
ندى :... اهررربو
اميرة : شوووو؟ ما فهمت
ندى : اهربوو .. مااااا ...تبقو .. هن ..عملو فيني ....هيك ..
نهال : ما عم افهم , كانو عم تقول اهربو , مين عمل فيكي هيك ؟
اميرة : احكي انسة ندى ....
ندى : ....ال ال ال
نحن و عم نحاول نفهم منا الحكي , فات المدير تيسير على الغرفة هو و عم يطلع فينا متفاجئ من وجودنا , انا تلبكت و رجعت الكمامة فورا على تما للانسة ندى , و اطلعت فيه و بعيونو , و لاول مرة خفت منو و حسيتو متل الذئب يلي عم يصطاد نعجة ورا التانية
تيسير: شو عم تعملو هون ؟
اميرة : نحن .....نحن جينا نزور الانسة ندى
تيسير : مين سمحلكن تفوتو لهون؟
نهال : ما حدا , يعني متل ما انت فتت
تيسير : رجعو على الميتم فورا و ما بقا بدي شوفكن هون و حسابكن لارجع
رجعنا على الميتم و المسا وصلنا خبر انو الانسة ندى ماتت , بكي كل الميتم عليا , انا بقيت براسي صدى اخر كلماتا النا , كنت خايفة حتى بس انوفكر بيني و بين حالي انو معقول المدير و الشخص يلي كان عما لربا هن يلي
Telegram:@rwayate
موتو للانسة ندى بهالطريقة لانو خافو تبلغ عنن و عن الشي يلي عم يعملوه و لحد هلا ما واضح , لو هالشي مزبوط , نحن شو لازم نتصرف , هيك فكرة ما بسترجي صارح فياحدا بعد يومين من وفاة الانسة ندى , بعد ما خلصنا شغلنا , فتنا غيرنا تيابنا و نامت كل وحدة بتختا و بلشت احاديثنا المسائية المعتادة عن احلامنا و امنياتنا يلي بتناطح السحاب و حسيت هاللحظة مناسبة الي و صارحتن بافكاري بعد ما ترددت خوفا من ردة فعلن لانو كنت حسي حالي انو المسؤولة عنن , دب الرعب بقلبن و انهارت اعصابن و صارو يبكو , انا ما بكيت بس كان قلبي عم يتقطع من جوا على هالنفق المعتم يلي فايتين عليه
شذى : خلينا نخبر الشرطة و نقلن و هن بيتصرفو
خلود: مستحيل منخاف يدرى المدير و يقتلنا متل الانسة ندى , انا ما دخلني
نهال : على الحالتين نحن رايحين على المجهول و لازم نلجأ لحدا
خلود : خلونا نهرب متل ما قالت الانسة ندى , كان فيا تقلكن خبرو الشرطة بس هي قلتلكن نهرب لانو الحل الافضل
نهال: لوين بدنا نهرب ؟
خلود : ما بعرف
Telegram:@rwayate
اميرة : و منترك هالسفاح يمارس طغاتو على اولاد الميتم
سكتنا كلنا و حطت خلود راسا تحت الحرام و صارت تبكي , قامت شذى من تختا و راحت لعندا و لفتا و صارت تبكي و لحقتن نهال و انا وراها , نمنا كلنا جنب بعض بتخت واحد هديك الليلة و نحن لافين بعض و عم نبكي , بس التخت كان اصغر من انو يسعنا و وقعت خلود على الارض و بعدا ما كنا عم نبكي , صرنا نضحك عليا , عصبت هي و عم تضحك و مسكت المخدة و صارت تقلعنا من تختا و نمنا نحن عم نضحك , بعد اسبوع بعت علينا المدير تيسير نروح لعندو على غرفة الادارة نحن الاربعة ,رحنا نحن و خايفين و رجلينا عم يرجفو , دقينا الباب مرتين و فتنا , كان قاعد ورا المكتب و بايدو اوراق , وقفنا نحن الاربعة جنب
Telegram:@rwayate
بعض قبالو , لف من ورا المكتب و هو عم يطلع بكل وحدة فينا من تحت لفوق , حسيتو متل الجلاد يلي عم يختار السجين ليجلدو
تيسير : اليوم اتصلو فيني شركة الابهى للتجارة و بدن موظفات بس بدن بالاول يعملولن بالاول دورات تاهيلية , و الراتب مغري و السكن و الاكل على حسابن , مين بتحب تروح منكن ؟
بقينا ساكتين و عم نطلع ببعض , ما منعرف اذا حكيو صح او هي مجرد حجة ليبعتنا لمحل ما بعت سامي و ربا
تيسير :شو ؟ ما حدا ؟ انا بختار يعني
اميرة : استاذ تيسير نحن مرتاحين هون كتير
نهال : صح و حابين نبقى مع بعض
تيسير لك هاي فرصة من دهب و ما بتنرفض و كل وحدة فيكن رح تاخد فرصتا , شو اسمك انت ؟
خلود: اسمي...خلود
كانت خلود عم تأتأ و هي عم تقول اسما و خايفة
تيسير : انت يلي رح تروحي
خلود : اأأنا ...... أأأأنا ما بدي
تيسير : بكرا الصبح بتجي سيارة من الشركة و بتاخدك , ضبي تيابك
شذى: استاذ تيسير يعني خلود ما بقا رح ترجع لهون ؟
Telegram:@rwayate
تيسير : بترجع طبعا لتزوركن و انتو بتروحو بتزوروا ايمت ما بدكن , يلا على اشغالكن هلا
اميرة : استاذ....ت.....
تيسير :يلا على اشغالكن , عندي شغل
طلعنا من عندو و خلود مصفر وجها
خلود : خلص انا انتهيت

اميرة : خلص خلينا نهرب , انا معي مصاري و كل وحدة منكن معا شوي , منحطن مع بعض و مندبر حالنا فين و في رامي بيساعدنا كمان
شذى : أي بيساعدنا
خلود : ايمت رح نلحق نهرب اذا بكرا الصبح انا لازم كون جاهزة
اميرة : بالليل
كمالة الجزء الخامس : النهاية في التعليقات (انتهت القصة)
.......................
Telegram:@rwayate
شذى : أي بيساعدنا
خلود : ايمت رح نلحق نهرب اذا بكرا الصبح انا لازم كون جاهزة
اميرة : بالليل
احلام وردية , كنا مفكرين الامور سهلة و انو الدنيا بتمشي متل ما بدا ارادتنا و تصميمنا , بتحط خطط ذكية و تنفيذ حرفي بتحصل على النتيجة المرغوبة ,متناسين المفاجات و كلمة القدر , بعد ما ضبينا اغراضنا , الساعة 3 وجه الصبح ربطنا حبل بسياج البرندة و زتيناه على الارض و نزلنا على الارض , وتوجهنا للباب الخلفي لنطلع منو , نحن و ماشين بهدوء بالعتمة , دعست نهال على دنب قطة , صارت القطة تنوي بصوت عالي
اميرة : تضربي ايه , شوفي وين عم تحطي رجلك
نهال :لك ما شايفة منيح بهالعتمة
وصلنا على الباب الخارجي الخلفي ,طلعت اول وحدة نهال , زتت شنتاتا لبرا من ورا الباب و حطت رجلا على سياج الباب واجت لتطلع , و فجاة سمعنا صوت خشن من ورانا
Telegram:@rwayate,
مجهول : شو عم تعملو عنكن ؟ما تتحركو
فتلنا وجهنا و شفنا المدير تيسير واقف بعيد و ماسك البيل و مضوي علينا , عرفنا انو انلقطنا و فشلت خطتنا ,التفتت على نهال يلي كانت بنص طريق الخلاص , كانت بعدا واقفة و معلقة بالباب
اميرة : نهال اهربي بسرعة
تابعت نهال طلوع و وقت شافا المدير , ركض بسرعة متل الدابة هو و معصب و عم يصرخ عليا
تيسير : انزلي ........ انزلي
مسكا من رجلا و صار يشدا لتوقع على الارض , وخلود و شذى صارو يصرخو و يبكو و انا كل كان كل همي انو نهال تقدر تهرب , تهرب للمجهول يلي ناطرة برا و يلي ممكن يكون احسن بكتير من المجهول يلي اخدنا عليه المدير تيسير .
...................................................................................

الجزء السادس:
Telegram:@rwayate
ضربتو نهال برجلا على وجهو و طلعت بسرعة و نزلت على الجهة التانية و مسكت شنتيايتا و هربت , , رجعنا على المبنى و المدير عم يسبنا و يبهدلنا و يتوعدلنا بالعقااب و السجن
تيسير : مين العقل المدبر فيكن ........انا بفرجيكن ......بدكن تهربو ...........من يوم و رايح ما الكن طلعة من الميتم ابدا و انت بدك تروحي بكرا الصبح ............هاتي شنتايتك ..........
سحب الشنتة من ايدا لخلود و حطا على الصوفا عندو بالادارة
تيسير : خليكي هون و انتو اطلعو على غرفتكن
اطلعنا انا و شذى بخلود يلي كانت عم تفرك عيونا و تبكي و اطلعت انا و شذى على غرفتنا , ما رجعنا نمنا ابدا و نحن قاعدين على التخت و ساكتين و مخنوقين و عم نتصفن بالارض , هاي اول مرة نحن الاربعة منبعد عن بعض و بيوم واحد صرنا اتنين بس , راح نظرنا على تخت خلود و نهال الفاضي و صرنا نبكي , نهال ما منعرف لوين راحت وخلود ما منعرف لوين بدا تروح و شو بدو يصير فيا , الساعة 7 الصبح نزلنا على المطبخ لنبلش بالشغل , شفنا خلود طالعة من غرفة الادارة و جنبا رجال كبير شوي بالعمر , اطلعنا فيا من بعيد و اشرنالا بالوداع و نحن
Telegram:@rwayate
عم نبكي و هي كانت عم تبكي , كانت نظرات عيونا عم تتوسلنا لنجي نخلصا بس نحن كنا ما قادرين نعمل شي غير ننظر دورنا واحد ورا التاني , كنت متاكدة من جوا انو خلود ما رح ترجع متل ما رجع سامي و ربا ,بعد اسبوعين على غياب نهال و خلود يلي ما بقا عرفنا عنن شي, صارت حياتنا ما الها طعمة و لون و كل حكينا انا و شذى عنن ,شو عم يعملو هلا و ااذا هن بخطر او لا , كنا نصلي و ندعيلن انو ما حدا يضرن ,فرض علينا المدير رقابة شديدة انو ما نطلع خطوة برا الميتم و انقطعت شذى عن شوفة رامي..
كنت عم ضب فراش القسم (ا) وقت بعتلي المدير انو روح لعندو , كنت عارفة انو اجا دوري هلا و بدو يبعتني , كان فضولي اكبر من خوفي لاعرف كل شي , بلش كلامو
تيسير : الشركة انبسطت كتير من اداء خلود و حبو يعطو فرصة لبنت تانية متل وضعا لهيك ..
اميرة : ايمت بدي روح؟
تيسير: بكرا ؟
اميرة : معناها رح شوف خلود كمان هنيك
تيسير : اكيد
رحت لعند شذى و خبرتا و صارت تبكي
شذى : رح ابقى لحالي هون
Telegram:@rwayate
اميرة : بدي شوف خلود و نهال وين راحو , انت هون ما في خوف عليكي و انت ما تقبلي اذا قلك بدك تلحقيني , قليلو ما بتحرك من هون قبل ما يجو اميرة و خلود يزوروني بالميتم
شذى : طيب و بلكي هالمحل يلي رايحة عليه انحبستي فيه و ما قدرتي تطلعي منو
اميرة : ما تخافي علي رح لاقي طريقة اوصلك فيا
كان كل هدفي انو نرجع نحن الاربعة متل ما كنا عيلة وحدة, نلتم مع بعض و ما نتشتت كل حدا بمطرح , ضبيت اغراضي و ودعت شذى يلي حرقلي قلبي منظرا كتير و اولاد الميتم , و تاني يوم الصبح اجا الرجال نفسو يلي اخد خلود كان اسمو قاسم , طلعنا من الميتم بالسيارة ,و نحن على الطريق وقف السيارة و نزل اشترى فطاير و اعطاني اياهن
قاسم : اكيد ما فطرانة؟
اميرة : يسلمو , ما لحقت
كان طريقنا طويل و باتجاه المدينة ,بعد ساعتين ونص وصلنا على بيت , نزلنا من السيارة و مشيت انا و خايفة و مترددة وراه, بعدين وقفت
اميرة : وين الشركة ؟
ما رد علي و تابع مشي , رجعت مشيت وراه , دق باب كبير , بعد 5 دقايق فتحتلنا الباب مرة اربعينية بالعمر
قاسم : ام رضا اعطي خبر للسيد ادهم انو وصلنا
ام رضا : تفضل سيد ادهم
فات قدامي و انا فتت وراه و اناعم اطلع بالبيت , كان بيت كتير كبير و فخم , ما بحياتي فتت على هيك بيت و لا أي بيت تاني, نحن و قاعدين بالصالون , نزل الاستاذ ادهم من الطابق العلوي و رحب فينا , كان رجال بعمر ال 40 سنة , طولو متوسط , نحيف , شعرو بني غامق متل لون عيونو , اطلع فيني من تحت لفوق و كانو عم يتفحصني , بعدين قعد قبالنا و طلع سيجارة من علبة خشب و بلش يدخن و ينفخ بالعالي
ادهم : شو اسمك ؟
اميرة : اسمي اميرة
ادهم : شو عمرك ؟
اميرة : 20سنة
قاسم : عمرا منيح
ادهم : امممم , خبرتا ؟
قاسم : لا , قلت انتو بتخبروا , لانو انا ما فهمت الموضوع كتير
ادهم : ماشي
قاسم : انا رح امشي
ادهم : الله معك
قام وقف السيد قاسم و راح معو السيد ادهم ليوصلو على الباب , شفتو عم يعطيه ظرف بايدو , توقعت انو مصاري , بعد ما راح رجع لعندي
Telegram:@rwayate
ادهم : يا اميرة , اكيد ما بتعرفي انت ليش هون ؟
اميرة : لا
ادهم : طيب , انا رح قربلك الفكرة على قد ما بقدر , انا متزوج من 13 سنة و لهلا ما اجاني اولاد انا و مرتي , مرتي عندا مشاكل بالرحم ما رح فوت بتفاصيلا
اميرة : ايه
ادهم :و ما ضل علاج الا جربناه و لا دولة الا رحنا عليا لتتعالج بس ما مشي الحال و هي رافضة تتبنى ولد , حابة يكون الولد منا , بيشبها و بيشبهني
اميرة : شو خصني انا بهالموضوع ؟
ادهم : انت هون ....لتساعدينا بهالموضوع
اميرة : كيف ؟
ادهم :انت رح تكوني الام البديلة
اميرة : ما فهمت

ادهم : رح احكي بوضوح بس بدي منك تنظري للموضوع على انو انساني و انك عم تقدم عمل خير للغير ........ نحن بحاجة رحم .......... بحاجة رحمك الك
دق قلبي بسرعة و تشوش عقلي و نمل جسمي
اميرة : بدكن تاخدو رحمي ؟
ادهم :لا , رح نستاجرو بس و رح اعطيكي مبلغ مقابل هالشي
اميرة : ما عم افهم شي
ادهم : طيب .رح فهمك اكتر , مرتي رح تكوني الام البيولوجية يلي رح ياخدو منا البويضة و رح يتم تلقيحا بحيوان منوي مني خارج الجسم و بعدين زرعن برحمك و انت رح تكوني الام الحاضنة يلي رح يعيش الولد برحما كل ..........
Telegram:@rwayate
اميرة : يعني بدي احبل بولد و انا ما متزوجة
ادهم : أي
اميرة : و تسع شهور ؟
ادهم : ايه
اميرة :و يكبر بطني و بس اولد اعطيكن الولد انتو تربوه
ادهم : هو من الاساس النا , رح يكون حامل جيناتنا بس رح يكبر ببطنك
فتل راسي و لعيت نفسي و انا عم اتخيل اني رح يصير ببطني ولد و انا بنت
اميرة : هاي اول مرة بحياتي بسمع بهيك شي
ادهم : الطب اطور
اميرة : بس انا بنت , و مستحيل اقبل بهيك شي , مستحيل , انا جيت لهون لدور على رفيقتي خلود
ادهم : بعرف الموضوع صعب عليكي شوي بس انت فكري بغير طريقة , انت عم تعملي عمل انساني , و لا تنسي المبلغ الكبير يلي رح اعطيكي اياه رح يامنلك مستقبلك , بالنسبة لوضعك بنت بميتم ما بحياتا رح تتزوج او تلاقي يتزوجا لانو نسبا ما معروف
اميرة : و نسب الولد يلي رح احمل فيه ما معروف كمان , الي او لمرتك
ادهم : يمكن مني ما رح تقدري تفهمي بس رح يشرحلك الدكتور اكتر و يفهمك
اميرة : ما في داعي لانو مستحيل فوت بهيك تجربة
ادهم :بدك ترجعي على الميتم , يلي المدير فيه ما في ذرة رحمة و انسانية فيه و عم يستغل الكبير و الصغير فيه و عم يتاجر فيكن بطريقة بشعة , اذا رفضتي عرضي ,رح ترجعي لعندو , بتعرفي لوقتا لوين بدو يبعتك ؟
اميرة : لوين ؟
ادهم : ...ما بنصحك تعرفي بس انت من حسن حظك انك انت هون و انو انعرض عليكي هالعرض , لو بمحلك بقبل بدون ما فكر
طفى السيجارة و رجع سند ضهرو على الكنباية
اميرة : ما دام عم تنصحني بالعمل الانساني , ليش انت ما بتعملو بالاول و بتبلغ على المدير و افعالو و بتنقذ اولاد الميتم منو !
ادهم : ما بقدر , لانو تيسير هو مجرد حجر شطرنج صغير بيحركوه متل ما بدن , و اذا راح تيسير بيجي غيرو و غيرو , شبكة كبيرة ما فيكي توصلي للراس ابدا .
اميرة :........
ادهم : شو قلتي ؟
.......................................................................................

الجزء السابع :
Telegram:@rwayate
صفنت بالارض انا و عم احسب بشوية العقل يلي بقيو براسي , و عم فكر بنهال و خلود و شذى يلي بقيت هنيك
اميرة : و رفقاتي ؟
ادهم: المهم انت
اميرة : ربينا سوا , هن عيلتي ........اخواتي ..ما بس رفقاتي , ما فيني افتلن ضهري , في وحدة بقيت بالميتم و وحدة هربت و التانية ما بعرف لوين هالسفاح بعتا و يمكن بعد اسبوع يبعت يلي بقيت (تبكي ) الله يحرقو , من نحن و صغار مع بعض , هو اجا و كل وحدة فينا صارت بمطرح
ادهم:..........
اميرة : طيب بقبل بس بدي اطمن علين بالاول
ادهم : صعب كتير
اميرة : طيب بس شذى
ادهم: مين شذى ؟
اميرة : يلي بقيت بالميتم , اذا بتريد
وطيت على رجليه انا و عم ابكي و اترجاه
اميرة : طلعا من هنيك
ادهم : اذا بتريدي قومي
اميرة :نحن ما النا غير بعض
ادهم : طيب طيب , رح شوف شو بقدر اعمل
رجعت قعدت على الكنباية و مسحت دموعي , رفعت راسي و حط نظري على صبية طويلة و نحيفة , شعرا اسود طويل و ناعم و عيونا عسلي فاتح كبار , كان وجها حلو كتير بس نظراتا حزينة , قربت علي و مدت ايدا , قمت وقفت فورا و مدتلا ايدي و سلمت عليا
غزل : اهلا و سهلا فيكي , انا مدام غزل
اميرة : و انا اميرة
غزل : تفضلي ارتاحي حبيبتي
اميرة : شكرا
Telegram:@rwayate
قعدنا ساكتين لاجت ام رضا من المطبخ و ضيفتني صحن فيه شي ما عرفتو بس وقت دقت طعمتو عجبني كتير و اكلت الصحن كلو بدون ما انتبه على حالي , بعدين اخدتني و فرجتني على غرفتي يلي بدي ابقى فيا
غزل : عجبتك ؟هاي غرفة النوم للضيوف
اميرة : ايه شكرا
غزل : رح اتركك تعلقي تيابك و ترتاحي شوي
قعدت على التخت و صفنت بحيطان و زوايا الغرفة , كانت غرفة مرتبة , فيا تخت و خزانة و مراية و فيها بلكونة صغيرة و حمام صغير كتير , كان بيت السيد ادهم مرتب كتير , بس كان بارد كتير , ميت ما فيه روح , , تاني يوم اخدوني عند الدكتور كرمال يفحصو رحمي و يطمنو على البيئة الحاضنة يلي بدو يكبر فيا ابنن , طمنن الدكتور انو كل شي تمام عندي و ما في أي مشاكل و كل هالشي كان بسرية تامة و خوف و قلق, وقت رجعنا , فتت لغير تيابي , اندق الباب , فتحت الباب كانت مدام غزل واقفة
اميرة : تفضلي
فاتت قعدت هي و متلبكة
غزل : اميرة .......انا بعرف انو يلي عم نساويه يمكن ما مقبول لا قانونيا و لا دينيا و لا حتى اخلاقيا بس انا تعبت كتير , على طول بسال الله ليش انا , ليش انا حرمني من نعمة الامومة و في ناس كتير عم تجيب اولاد بالحرام و تزتن بالشارع و ما مقدرين النعمة , و انا نفسي بشقفة ولد يملي البيت علي , و انا نفسي صير ام , نفسي احمل ابن مني بين ايدي , يكون بيشبهني , يناديلي ماما و كون انا امو , الي سنين عم احمل لعبة و هزلا و طعميا و غيرلا تيابا , يمكن تقولي عني مجنونة و فقدت عقلي ,يمكن انت ما تفهمي قصدي
Telegram:@rwayate
اميرة : بفهم بفهم منيح , و انا صرت مقتنعة بالشي يلي رح اعملو , اهم شي الولد يعيش ببيت حيطانو دافية و فوق راسو اب و ام يهتمو فيه و ياكلو همو و يحسسوه انو هو كائن عندو قيمة و شخصية , انا و رفقاتي انحرمنا من هالنعمة , نعمة العيلة و شو يعني يكون عنا اب و ام , شو يعني يكون عنا اسم و كنية و هوية و بيت يحتوينا و يكون النا مسقط راس , بتعرفي وين انا مسقط راسي , حاوية الزبالة ,هيك قلتلي مديرة الميتم و هي عم تضحك , انا مبسوطة اني عم قدم شي , لانو أي بنت بوضعي حكم عليا المجتمع تبقى حبيسة لقب اللقيطة يلي ما بصير تتزوج و تمارس حياة طبيعية متل أي حدا , ما تاكلي همي انا بس مدايقة انو رح تنفض عذريتي بهالطريقة , انا كنت حابة اتزوج يعني متلي متل أي بنت بس ما في مشكلة , ما مهم , بكل الاحوال هاي كانت مجرد احلام
قربت لعندي و قعدت جنبي و حطت ايدا على ايدي
غزل : شكرا كتير
اميرة : مدام غزل , انا بس بدي منك توعديني انو ترجعي تجمعيني انا و رفقاتي و انا مستعدة جبلك كل سنة ولد
غزل : ادهم رح يحاول اكيد , لازم تكون نفسيتك مرتاحة كرمال البيبي
قبل عملية زراعة الاجنة بيومين, كنا قاعدين عم نتغدى , وقت فاتت الخدامة ام رضا و خبرتو للسيد ادهم انو في ضيف ناطر برا و حابب يشوفو , اعطاها الموافقة بانو ادخلو ,فات شاب عمرو بالعشرينات, كان وجهو مالوف كتير بالنسبة الي , طويل و نحيف , اسمر و عيونو خضر و شعرو بني داكن , قام السيد ادهم عن طاولة الاكل ليستقبلو
ادهم : اهلا و سهلا بابن العم عماد
عماد : اهلين فيك
سلم عليه و التفت سلم علينا
ادهم : اقعد تغدى معنا
عماد : صحة و هنا , تغديت مع مرة عمك و جيت
ادهم : طب اكام لقمة , جاملنا بس ولا لتكون بخيل ؟
Telegram:@rwayate
عماد :انت الواحد ما بيقدر عليك
سحب الكرسي يلي كان جنب مدام غزل وقعد , اطلع علي بنظرات استفسار , انتبهت مدام غزل عليه و سارعت لتعطي اجابة و هوية مقنعة عن وجود وجه غريب بيناتن
غزل: : عماد ..... نسيت عرفك ...هاي اميرة , بتكون بنت رفيقتي روان
عماد : اهلين تشرفنا
اميرة : فيك

غزل : رفيقتي مسافرة شغل و هي منفصلة عن زوجا لهيك بقيت اميرة عندي هالفترة لبين ما ترجع اما
بقيت ساكتة و حطيت عيوني بصحني وتابعت اكل و هن فتحو احاديث عائلية
ادهم : كيفا مرة عمي اليوم ؟
عماد : وضعا سيئ وبتراجع , لا عم تاكل و لا عم تنام منيح و خاصة كل يوم عم تفقد الامل اكتر
ادهم : قصة ما بتتصدق عنجد
عماد : فعلا , مين ما سمع فيا ما بصدق , قصة ولا بالخيال
غزل : الله يفرج هما , يلي هي فيه صعب كتير
عماد : و انا عم اعمل كل طاقتي ومجهودي و ما ضل محل و ما سالت فيه بس ما في أي نتيجة
غزل : سالت بالضواحي و بباقي المحافظات ؟
عماد : انا جيت اليوم لعند ادهم كرمال يساعدني بهالموضوع
ادهم : تكرم عينك عماد , أي شي انا جاهز
عماد : كفو ابن عمي لهيك جيت لعندك بالذات
Telegram:@rwayate
خلصت اكل واستاذنت و رحت على غرفتي, كان عندي فضول اسال عن قصة عماد بس حسيت الموضوع عائلي و ما حبيت ادخل حتى ما ينقال عني حشرية ,عملت العملية و بقيت مرتاحة فترة بالتخت , و بقيت مدام غزل جنبي , كانت قبل ما تطلع بوجهي , تطلع ببطني و كانو شايفة ابنا بقلبا , كانت عم تهتم فيني اهتمام مبالغ كرمال يجي الولد صحتو منيحة , كنت عم انصح كتير و عم يكتسو عظامي لحم , الفواكه بانواعا و الخضار و اللحوم و الحليب متوفر على طول , كنت انزل افطر و اتغدى و اتعشا معن على طاولة وحدة ,كنت مبسوطة كتير , كنت عم حس احساس جديد , يمكن اسمو احساس الانتماء , انتماء لبيت و انتماء لعيلة , كنت عم شوف غزل و ادهم متل ابي و امي, كنت عم حبن كل يوم اكتر عن قبل و عم شوف الالفة و المحبة بيناتن حتى و هن ساكتين , و كنت عم احسد الولد يلي ببطني على الحياة يلي ناطرتو , خلال هالفترة كان السيد ادهم عم يطمني عن شذى يلي بعدا بالميتم و كنت ابعتلا كل شهر مبلغ و هالشي ريحني نفسيا كتير بالاضافة للمبلغ يلي وعدني فيه و كنت عم ابني عليه خطط كتير و اولها لاقي خلود و نهال و اشتري بيت و نعيش نحن الاربعة فيه , اعتبرت حالي عم ضحي
Telegram:@rwayate
كرمالن و ما حسيتا تضحية كبيرة مقابل جمعتنا سوا , بالشهر الرابع بلش بطني يكبر و بلش الاهتمام يضاعف اكتر , و انا كنت عم اشبع اهتمام قبللقمة االاكل بعد كل سنين الحرمان , كنت قاعدة عم اتغدى وقت حسيت بحركة الولد لاول مرة , وقفت الاكل و حطيت ايدي على بطني , اطلعت فيني مدام غزل
غزل : شبك شي اميرة ؟
اميرة : عم يتحرك
غزل : ابني عم يتحرك ؟
حطت ايدا على بطني
غزل : ادهم .ولله عم يتحرك ......ابني عم يتحرك .......تعا شوف
اجا ادهم و حط ايدو على بطني و هو متلبك
غزل : يا اللله ما مصدقة ايمت يجي على هالدنيا
انا كنت مبسوطة بهالشعور يلي كنت عم حسو , شعور الامومة , شي جواتي عم يتحرك , بلشت حس بشي عم يربطني بهالولد و انا كنت ما مصدقة ايمت شوفو , بالشهر السادس رحت انا و غزل على السوق كرمال نجهز الديارة للبيبي , انا و فايتة على المحل شفت مرة حامل عم تشتري كمان , نطرناها لتخلص ليلتفت البياع النا , انا و واقفة دخل شاب على المحل , اطلعت فيه و بلعت ريقي و توترت و درت وجهي فورا , كان خالد , قرب على المرة الحامل

خالد : شو ميرفت لسا ما خلصتي
ميرفت : حبيبي شوف هدول مو حلوين
خالد : ايه ايه حلوين
ميرفت كانت مرتو لخالد و حامل بابنو , بينت على وجهي علامات الانزعاج فورا , رجعت درت وجهي و اطلعت عليه , لاجت عيني بعينو , صفن فيني و كانو ما عرفني للحظة الاولى و بعدين اطلع على بطني و انا وقفت ضاغطة على اعصابي و رافعة راسي و عم ابتسم
Telegram:@rwayate
و حاطة ايدي على بطني , كان بدا ايا يفكر اني انا تزوجت و حبلت و كملت حياتي طبيعية متل أي وحدة ما بينقصا شي , طلع من المحل و ترك مرتو لحالا تابع تشتري اغراض و انا بقيت عم اطلع على بطنا و مخنوقة من جوا , لوقت ما بقا قدرت اتحمل ضل واقفة و عم شوف احلامي راحت لغيري
اميرة :مدام غزل ثواني و برجع
غزل : لوين رايحة ؟
اميرة : بدي شم شوية هوا برا انضغطت هون
اطلعت من المحل و التفتت يمين و شمال و انا عم دور عليه لحتى شفتو واقف بعيد و عم يدخن رحت لعندو , شافني من بعيد تلبك و خجل و نزل راسو
اميرة : كيفك؟
خالد : اهلين اميرة ......كيفك انت
اميرة : منيحة , مبروك رح تصير اب
خالد : و انت كمان مبروك رح تصيري ام
اميرة : امممم , تفاجات وقت شفتك هون
خالد : ايه بيت حماي قاعدين هون و جينا زيارة لعندن و ميرفت حبت تجهز للولد من هون
اميرة : اممم , بدي اسالك رامي و شذى بعدن عم يحكو مع بعض ؟
خالد : بعد ما تركت شذى الميتم , انقطعت اخبارا عنو
اميرة : شذى تركت الميتم , ايمت تركتو ؟
خالد : من فترة 4 شهور تقريبا و تركتو فجاة بدون ما تخبرو ابدا , لوين راحت ؟شكلا تزوجت متلك
اميرة :................
خالد : اميرة انا ماكذبت عليكي بشي , انا فعلا حبيتك و لهلا بحبك بس انا ما كان قدامي حل تاني , امي ضغطت علي بهالزواج ؟
اميرة : طيب نهال ؟ شفتا شي لنهال ؟
خالد : أي نهال تزوجت ابن الخضرجي ابو منصور
اميرة : نهال تزوجت !!!
Telegram:@rwayate
شردت و دمعو عيوني وقت سمعت هالخبر انا و عم اتخيل نهال صارت ست متزوجة اخيرا و الها قيمة و بيت و نسب و حققت الشي يلي ما قدرنا نحققو بس كانت فرحتي غاصة بشذى و بانو السيد ادهم كان عم يسايرني كل هالفترة ,انا و عم احكي معو لخالد , اجت ميرفت مرتو لخالد , اطلعت فيني نظرة غريبة
ميرفت : مرحبا
اميرة : اهلين
خالد : ميرفت , هاي رفيقتي من ايام المدرسة , شفتا هون بالصدفة
اطلعت فيه و انا عم هز براسي و ابتسم و مديت ايدي و سلمت عليا و استاذنت لامشي
ميرفت : لحظة , انت اميرة ؟
رجعت التفتت لعندن
اميرة : ايه انا اميرة
التفتت على زوجا خالد و اطلعت فيه و رفعت حواجبا
ميرفت : هاي اميرة , البنت اللقيطة يلي حبيتا
اطلعت بخالد و انا عم شد على اسناني
خالد : ميرفت خلص , اسكتي, اميرة خلص روحي انت
ميرفت :لا لسا ما خلصت كلامي , لتكونو متواعدين هون لتلتقو ببعض , ابعدي عن زوجي , اوعى تفكري انو ممكن يطلع بوحدة متلك ما معروفين مين ابوا و اما
خالد : ميرفت خللللللص, ما شايفتيا متزوجة و حامل
ميرفت : الله اعلم من مين حامل
ما عرفت رد عليا ولا بكلمة , شو بدي رد و قلا انت كذابة و كل حكيا مزبوط , سحبا خالد من ايدا بعيد و هي عم تصرخ علي و انا وقفت بالشارع ابكي لاجت غزل
غزل: اميرة شبك
حطت ايدا على كتفي
اميرة : بعدي عني , كلكن كذابين , كذبتو علي بموضوع شذى و شذى طلعت من الميتم من زمان , عم تضحكو علي كرمال هالولد , انا مشيت على الاتفاق و مشيت متل ما بدكن بس هلا انت كذبتو علي و ما بقا الكن عندي شي
غزل :اميرة انا ما معي خبر بشي , متلي متلك
تركتا و مشيت و لحقتني لتهديني , دفشتا بعيد عني , وقعت على الارض
اميرة : اتركوني انت و زوجك ناس استغلالين و كذابين
Telegram:@rwayate
و مشيت و طلعت باول باص مر من جنبي , ما كنت عارفة حالي لوين رايحة و ما بعرف حدا بالمدينة ابدا , ضل يمشي الباص و الناس تنزل منو و ناس تطلع , لحتى انتبه علي شوفير الباص
الشوفير : مدام لوين رايحة ؟
ما فكرتو عم يحكي معي لانو انا ما مدام , حامل بس ما متزوجة , صعب كتير اشرحا لاي حدا , التفت علي
الشوفير : انت , يلي قاعدة عندك ؟
اميرة : عم تحكي معي انا ؟
الشوفير : ما في غيرك بالباص , انا خلص دوامي و بدي سلم الباص للشوفير التاني , لوين رايحة ؟
اميرة : ما بعرف
الشوفير : ما عندك بيت تروحي عليه ؟
اميرة : لا ما عندي
الشوفير : وين زوجك ؟
اميرة : انا ما متزوجة
الشوفير : يالطيف بس , الله يجيرنا على هالزمن
اميرة : بس انا ما .....خلص بنزل هون
نزلت من الباص , كانت الدنيا عم تبلش تعتم و انا جعت كتير , ضربت عيني علىى محل سندويش على الرصيف التاني,و شفت الناس طالعة من المحل عم تاكل , حطيت ايدي على بطني و سمعت صوتو عم يكركر من الجوع و انا ما معي ولا ليرة , قطعت الشارع و وقفت على الباب لشم الريحة بلكي خف جوعي شوي او حدا بيطلع على شكلي و بيخمن انو انا جوعانة و يعطيني سندويشة من غير
Telegram:@rwayate