هلأ ماعاد ياخدنا ع مكان
قدر. اي يلا بس شوي تعي خلينا نشوف قسم الألبسة ماشفناه
نتالي. اي هاد احلا قسم
قدر. بدي اخد شي لعمتي شو رأيك بهي البلوزة حلوة ماا
نتالي. اي حلوة وكتير رح تنبسط منك
بعد ساعة ونص
مراد. بكير والله بكير خليكن بعد شوي
نتالي. لا بكفي مابدنا نأخرك 😊
مراد. كتر خيرك والله قدر. هههههههه بس ماطولنا
مراد. لك صرلي ساعتين واقف برا استناكن والله مابعرف شو بتظلو تعملو
انا لو بدي اشتري شي بأقل من خمس دقائق بخلص
قدر. اي انتو الشباب بتشترو ايا شي
مراد. لا مو هيك مثلا بشوف البلوزة من اول مرة عجبتني باخدها
مابظل 3 ساعات افتل ودور وبالأخير مابيعجبني شي وبظل محتار
قدر. واحنا اشترينا اغراضنا بسرعة مشان ما نأخرك
لانو عندك موعد
مراد. لغيتو للموعد بسببكم ، يلا اطلعو بالسيارة خلصوني
نتالي. دخيل المعصب
قدر ونتالي. ههههههه
راحو ع المطعم وطلبو بيتزا للكل
وبعد ماخلصو صارو يحكو
قدر. انت مابتأركل
مراد. لا ، ليش بتسألي
انتي بتأركلي يعني
قدر. لك لا بس انو سؤال عادي
شفتك مادخنت بعد الاكل قلت يمكن بتأركل
مراد. لا ولا بدخن
قدر. اي منيح
نتالي. انو اكتر عجبك المانيا ولا هون
قدر. هلأ اكيد بحب بلدي بس بصراحة المانيا احلى
نتالي. بس انتي لسا ماشفتي شي هون
مراد. بدون ماتشوف مابدا مقارنة
قدر. مزبوط حكيك
بحب بلدي بس انو هنيك احلى
نتالي. امممم
قدر. طب انتي مين سماكي نتالي
نتالي. ماما سمتني ع اسم امو لمراد الحقيقية
قال لانو جابت اجمل ولد ع هالدنيا
بدهن يبيضو وجه ع حسابي وبلوني بهالأسم
مابكفي جابولي بلوة اسمو مراد 😓
مراد. ولد 😖
قدر. هههههههه
نتالي. اي بوقتا كنت ولد لكن شو 😅
مراد. مو عاجبك اني صرت اخوكي انا حكولي انو ماعندهم اطفال لهيك وافقت اصلا لو بعرف انك رح تجي ع هالدنيا وتصيري اختي لما كنت ابتليت هالبلوة 😑
نتالي. والله انا اجيت ع هالدنيا عأساس اني رح كون وحيدة العيلة ومدللة من الكل لو كنت بعرف بوجودك ما كنت اجيت 😠
قدر. ههههههه لك شبكن ماسدئتو انفتح الموضوع حتى تنبحتو ببعض
مراد. لأنها مو مقدرة النعمة الي الله اعطاها ياها 😎
نتالي. خلص اليوم بس نرجع رح اتوضا وصلي ركعتين شكر لرب العالمين لوجودك بحياتي
مراد. ركعتين مابكفو لازم تقومي الليل كلو ودائما تحمدي الله وتدعي 😌
قدر. هههههههه
نتالي. يي اسمعو ع هالحكي مسدء حالو 😤
قدر. مراد متذكر كيف شكل ابوك الحقيقي
مراد. من الصور بس
قدر. ليش عندك صور
مراد. اي في صور لأبي وفي لأمي نتالي 😛
نتالي. 😲😖😢
قدر. ههههههه لك ماطبيعيين انتو والله موتوني من الضحك اليوم
بنكون عم نحكي بشكل جدي
وكل شي بتقلبوه ضحك
مراد. هههههه يلا قومو خلينا نروح تأخر الوقت
رجعو ع البيت وكانو الكل نايمين لأن الوقت كان متأخر
نتالي. يلا لكن تصبحو ع خير بدي روح نام لاني كتير تعبانة وبدي اصحا بكير
قدر. انا جاية معك
مراد. نتالي روحي اعمليلي فنجان قهوة قبل ماتنامي
نتالي. بدك تسهر يعني
مراد. اي عندي شغل ع الكمبيوتر
جيبيلي القهوة ع غرفتي
نتالي. طيب رايحة
قدر. وانا جاية معك
نتالي. اي تعي معي بدي قلك شغلة
اخدتها ع جنب وقالتلها انو تحكي مع مراد مشان ياخدهم بكرا مشوار تاني
نتالي. يلا انا رايحة اعملو قهوة وانتي احكي معو
دقت الباب قدر ع غرفة مراد ودخلت لعندو
كان واقف وفي بأيديه اوراق
قدر. بدي قلك انو شكرا الك مشان المشوار
مراد. لا العفو
قدر. كتير انبسطنا رغم انو ماخليتك تكمل شغلك ونزعنالك موعدك
مراد. لا بالعكس وانا كمان انبسطت معكن يعني فيكي تقولي كانت استراحة من الشغل
قدر. اممم
مراد. في بتمك حكي ، قولي
قدر. عم قول شو رأيك نحول الاستراحة لأجازة اسبوع مشان ترتاح يعني من الشغل ومنو بتاخدني بهاد الاسبوع بتعرفني ع البلد
مراد. ههههههههه
قدر. هههههه شو قلت
مراد. ياريت بس والله مافيني بكرا خالي نازل معي ع الشركة ولازم كون معو
وعندي شغل مابقدر اجلو
قدر. انا بحكي مع بابا وبأجل روحة الشركة ليوم تاني
مراد. هاد الأسبوع كلو مشغول انا بقول لو تأجلي للأسبوع الجايي بقدر اخدكن بس الاسبوع هاد صعب
قدر. يعني مافي امل
مراد. صعب ، روحو مع امي او امك او خلي اخوكي ياخدكن
قدر. امي وامك مارح يخلونا ناخد راحتنا رح يتعبو فورا ورح يملو
وجوزيف مابيعرف شي والروحة معو مو حلوة
مراد. متل ماحكيتلك الاسبوع هاد ماعندي وقت بس الاسبوع الي بعدو رح خليكي تتمني تقعدي بالبيت
قدر. رح اعتبر هاد وعد
مراد. هههههه طيب وعد
نتالي. تفضل هي القهوة
قدر. يلا لكن تصبح ع خير
مراد. وانتو بخير
#يتبع…