دن حدا يساعدون
ابوها : مزال قلبك طيب وعم تاخدي اذني .. رح اعطيكي ٢٠٠الف و٥٠الباقية خديها الك
رفيف: تسلملي يا احلا اب بالكون
ابوها : انتي احلا الشي الله بعتلي اياه الله يفرحني فيكي
اخدت المصاري من ابوها وراحت ع المشفى دفعت اجرة المشفى لسامر وطلعت لانو كان مشفى خاص
بعد ساعات بيتصل عليها سامر
رفيف : هلا حبيبي كيفك ايمت بدون يخرجوك
سامر : مين دفع مصاري للمشفى
رفيف: ليش انفعد مصاري للمشفى ؟؟
سامر : رفيف لاتغشمي حالك بعرف انك انتي ليش هيك عملتي
رفيف : مشان ساعدك
سامر : بس انا مابدي مساعدة ...انا رجال وبقدر امن مصاري
رفيف : وسيد الرجال كمان بس انتو هلأ بمحنى وانت حتى تتعافى بترجعون اعتبرون دين
سامر : طيب ماشي ..... يسلمو
رفيف : الله يسلمك ولايحرمني منك .. اي حبيبي ايمت بدون يخرجوك
سامر : بكرى
رفيف : لكن انا اليوم رح اجي شوفك
سامر : بتعرفي ماني حابب اطلع من المشفى
رفيف : وليش بقا
سامر :لانواذا طلعت مارح اقدر شوفك
رفيف: خلص لاتفكر بنحلا
سامر : ان شاء الله
رفيف : يلا سلام
سامر : سلام
###########بااااااااك#########
ابتسمت على غبائها بهداك الوقت وقامت تشتغل بالبيت قصدي الخيمة 😅
بس في نظرات كانت عم تراقبا لرفيف من بعيد .. وهلأ عم تراقب الخيمة ياترى مين بكون؟؟
................................
وصل سامر على مطار بيروت ... طلع من المطار وراح ع الاوتيل ..
وصل عالرسبشن
سامر : في حجز باسم سامر المحمد
الموظفة : صح غرفتك رقما ٢٢٣وهي البطاقة
سامر : ممكن احكي تلفون
الموظفة : اكيد
دق سامر : الو مرحبا ... كيفك حضرة الضابط جورج ... اي انا سامر وهي وصلتي على بيروت ... اي وين نلتقى ... اوكي ع الساعة الخمسة اوك اوك .. سلام
.....................
الساعة اربعة ونص برن تلفون يلي بغرفة سامر
سامر : الو .....في مكالمة الي اوك حوليها... الو اهلا استاذ جورج ... اممم خلص مامشكلة بنلتقى بكرا. .. كمان صعب؟ ..... اااه اعطيك الاسم وانت بتجبلي العنوان ...كمان هيك منيح كتير ... اي الاسم رفيف محمد الحسن اي هاد الاسم الثلاثي ... اوك ناطر منك خبر ... ميرسي الك ميرسي
سامر : وهلأ شوبدنا نعمل ... رح اطلع اتغدى بشي مكان جعت كتير
.....................
المسا بعد نص ليل
في حدا واقف بالعتمة عم يراقب خيمة رفيف .. بس في شي بايدو لمع على ضو القمر ... اي سكين يلي بايدو سكين حادة ... بس وجه الشخص مانو مبين
..........
بعد نص ساعة طلع صوت صريخ عالي من خيمة رفيف ... والعالم كلا فاقت بلشت تطلع من خيمها وتجتمع عند خيمة رفيف

يتبع ..........
#توقعاتكم ؟؟
ياترى شو صار مين هاد الشخص ياترى معقول رئيس المخيم ولا اخوها ...وياترى شو صار عند اخوها

#يتبع….

رعد: اه تمام
زين: يلا بستأذن صار لازم روح ، مواعد ماسة اخدها وناكل برة
رعد: يا عمي تتهنى
طلع زين من مكتب رعد ورجع على شركته لحتى ياخذ زوجته على الغدا
رعد:هههه والله إنك قوية يا ملاكي
~back~
رجع من ذاكرته واتطلع على ملاكه وهي عم تمشي بثقة واعتزاز
اتطلع عليها بحب ظاهر من عيونه وهو عم يشوف جمالها الي زاد من حلا الفستان
كانت لابسة فستان احمر طويل ماسك من عند الصدر وبعدين بينزل بأتساع، عامله بشعرها تسريحة مرفوعة وحاطة ميكب زايد من جمالها جمال
بعد وقت من التصوير والاستفسارات الي جاوبت عليهم شمس بقوة وثقة ……
راحت شمس مع زين لعند أهلها وسلمت عليهم وهنئوها وهنئوا زين بنجاحة
سلمت شمس على رعد ووقفت جنبه وهو حضن كتفها بتملك شديد

#يتبع…

شمس بخجل : تسلم منورة باصحابها
رعد:- بعصبية: سيييف
سيف سكتت
رعد: شطور ، وهلا اقعد اشرب معنا قهوة بدنا نحكي بموضوع بخص الشغل بس خليك عاقل والا رح تشوف شيئ مارح يعجبك
سيف: امرك ياجميل
وهم قاعدين بيشربوا القهوة وبيحكوا بأمور الشغل اندق باب المكتب ودخلت صبية حلوة كثيرة ولبسها بيكشف اكثر مابغطي على المكتب وقالت بمياعة :صباحووو
سيف بيقلدها: صباااحو
رعد: اهلا سالي اتفضلي
سالي : قربت لعند رعد ووقفت جنبه وفتحت الملف واتقصدت تتقرب منه وكأنها ماشافت شمس نهائياً ، وهو ماأبدا رد فعل لحتى يختبر غيرتها وحبها لأله
شمس صارت تهز برجلها بفعل العصبية وحست بنار الغيرة شعلت بقلبها كيف هو بحاسبها على قربها من اخوها وهلا بيسمح للموظفة تتقرب منه بهالشكل وقدام عينها… اتطلعت على سيف وهو اشرلها بعيونه لحتى تتصرف…
سالي استغلت هدوء رعد وعدم اعتراضه من حركاتها وصارت تتمايع وتتدلع اكثر عليه وفجأة انتفضت من مكانها بسرعة لما سمعت صراخ من وراها
شمس: سااالي في صرصووور على ضهرك
سالي صارت تنط على الطاولة وتصرخ باعلى صوتها وكأنها مو هي اللي كانت تتمايع من شوي
سيف وشمس صاروا يضحكوا على شكلها ورعد ابتسم بحب لأنه عرف انه شمس بتحمل جواتها مشاعر تجاهه و عملت هالحركة لتبعد سالي عنه
❥━──➸➽❥❂❥━──➸➽
^^في شركة زين
دخل على غرفة الأجتماع وقعد ورا الطاولة وصار يدور عليها بعيونه بين الموظفين وشافها قاعدة وبتضحك مع نفس الموظف اللي شافها معه قبل ، حس بضيق بصدره وخاف يخسر البنت اللي حبها من اول نظرة وسكنت قلبه وخياله…
خلص الاجتماع وهو مارفع عيونه عنها
زين: انتهى الاجتماع بتقدروا ترجعوا على مكاتبكم
طلعوا الموظقين من المكتب وماسة جمعت الملفات ودارت ظهرها لحتى تطلع كمان بس وقفها صوت زين
زين بحدة:- انسة ماسة خليكي
ماسة رجعت كم خطوة ورجعت الملفات على الطاولة: اتفضل زين بيك
زين قام من مكانه ووقف قدامها:- شوفي بينك وبين عمر( الموظف)
ماسة:- عفواً
زين قرب منها اكثر ومسك ايديها بقوة: جاوبيني شوفي بينك وبين عمر
ماسة نترت ايدها منه بقوة : مافي شيء بيني وبينه وبعدين انت باي صفة بتحاسبني
زين سحبها من خصرها لعنده وقرب من وجهها كثير وهمس قريب من شفايفها:- بصفتي إني بحبك، وأنك انتي لألي وحدي وممنوع هالشفايف الحلوين يضحكوا لغيري… فاهمة…
ماسة اتلبكت كثير من قربه لالها ونطقت بصعوبة: ط..ططيب… بس انت بعد عني شوي…زييين
زين بعد عنها شوي لحتى تتنفس:- ياعيونه وقلبه لزين… انتي شوعملتي فيني !!!
ماسة: اناا………
زين: انتي شوو
ماسة: اناااا
زين: ايييه شووو
ماسة: انا لازم ارجع على مكتبي فوراً ، اخذت الملفات وطلعت من المكتب ركض ووجهها احمر من الخجل وتركته وراها ضايع بريحة عطرها وسحر عيونها
زين:- انا لازم اتحرك بهالموضوع
❥━──➸➽❥❂❥━──➸➽
#يتبع…

نبراس: أنتبهي عَ حالك رح أجي أتطمن عليكي بعد شوي.

نغم:.....

بعد ساعتين ببيت نغم:
_______

فاتت نغم عَالبيت وحالتا ماكانت منيحة أبداً حاولت تفوت بلا صوت مشان ماتحس عليها روان لأنو مالا خلق عَالحكي والأخد والعطا بس مازبطت معها وحست عليها روان فوراً ونادتلا من المطبخ.....

روان: وأخيراً شرفتي دكتورة نغم عَ أساس رح تجي تتعشي معي ومارح تطولي حضرتك؟!.

نغم:تأفأفت وفاتت بسرعة زتت الكمامة غسلت أديها وعقمتن وهي عم تقول لروان....خلص مشان الله مو وقت محاضراتك هلأ مالي خلق لشي.

روان:(بلشت تردحلا وبعدين أجت عيونا بعيون نغم وشافت حالتا كيف كانت وقربت عليها)......أنتِ أيمت رح تبطلي......نغم شبك لي هيك عيونك قليلي شبك؟!.

نغم:ماتحملت أكتر ورمت حالا بحضن روان وصارت تبكي.

روان:شغلتيلي بالي أحكي شبك؟!.

نغم: صارت تبكي أكتر وتحكي كلام مو مفهوم.

روان:نغومة حبيبي شبك شو صرلك ماعم أفهم عليكي حدا من المرضى اللي عندك صرلو شي؟.....حدا مات؟!.

نغم:(هزت راسا وصارت تقلا)...لا بس آدم.

روان:يييي شبو آدم لاتقليلي صار معو كورونا؟!.

نغم:(شهقت وقالت)....لك سكتي بعيد الشر.

روان:طيب شو القصة؟.

نغم:تركني.

روان:شوووو كيف وليش وأيمت إذا بشوف هالشي بعيوني مابصدق شو صرلكن؟!.

نغم:صارت تبكي أكتر وتسردلا تفاصيل القصة.............................وهاد كل اللي صار.

روان:هييك لكن.....طيب أهدي ولاتبكي بتعرفي آدم مافيه يعيش بلاكي وهالحكي طلع بساعة غضب وهو لأنو خايف عليكي عم يعمل هيك وأنتِ ماكنتي تعرفي تسايريه وتهدي شوي بتعرفي جنانو وعصبيتو.

نغم:لك روان مشان الله بلا جنانك أنتِ كمان سايرو بشو لك الشخص اللي كان واقف معي اليوم مانو آدم لك حسيتو واحد تاني مجرد من الأنسانية بدو ياني أترك أرواح العالم مشان روحي بالوقت اللي أنا فيني أعملن شي ممكن ينقذهن.

روان:هو لأنو خايف عليكي مو قدران يميز الصح من الغلط لاتلوميه عم يفكر بقلبو مو بعقلو فهمتي ياجدبة حبو إلك عم يخليه يفكر بأنانية.

نغم:طيب شو أعمل رح جن أنا مافيي أتخلى عنو وكمان مافي أترك شغلي.

روان:لاتتركي شي بس عَالقليل سايريه شوي حسسيه أنك مقدرة خوفو عليكي مو تروحي تحكي معو حكي بجننو أكتر حطي حالك محلو هلأ متأكدة رح تعملي نفس الشي.

نغم:هيك قولتك؟!.

روان:أي هيك هلأ مسحيلي دموعك وسمعيني منيح هلأ بتقومي وبتروحي لعندو وبتتفاهموا عَ كلشي وخليكي رواق معو قد ماكان معصب هو.

نغم:هلأ لا مستحيل.

روان:أي هلأ لاتعندي وسمعي شو عم قلك.

نغم:مالي معندة بس الوقت تأخر ومابعرف وين ممكن لاقي هلأ بعدين نسيانة أنو في حظر وهلأ صعب أقدر أطلع بلكي شافتني شي دورية؟!.

روان:يعني أكيد بكون بالمرسم هلأ وين بدو يروح وبعدين مالي نسيانة لا بس شكلك أنتِ اللي نسيتي إنك دكتورة وفيكي تطلعي وقت اللي بدك ومعك حجة.

نغم:أخخخ أي والله نسيت أخ منك يا آدم ماخليتلي عقل.

روان:ههههههه قومي غيرلي هالمنظر وأنا رح حطلكن أكلات من اللي عملتن حاولي تتعشوا سوا وغيروا جوو وحاجتكن نكد مابكفي عرسكن تأجل يلا قومي وأمري لله أنا بتعشى لحالي.

نغم:ولكك الله يخليلي ياكِ أنا بلاكي مابسوا شي.

روان:حاج كولكة تحركي يالله.

نغم:طيب حاضر أسلوب القمع هاد مستحيل تبطليي.


ببيت آدم:
__

سوسن:وين رايح لك أبني هلأ أجيت برضايي عليك خفف طلعات بهيك وضع.
{ست سوسن بتكون أم آدم مرة سبعينية كتير حنونة وطيبة بس دقة قديمة كتير ومابتحب كلشي من هالأيام وخاصة التكنولوجيا مابتحب تتعامل فيها أبداً بالرغم من أنو كلشي متوفرلا وأيَ شي بدا ياه بكون عندا بس هاد طبعها.....كانت عم تشتغل بالصوف ومتل العادة بتعمل كنزات ولفحات لآدم ونغم وهنن بينبسطوا فيهن عَ طول كتير بتدللهن وبتهتم فيهن لأنو آدم أبنا الوحيد وماعندا غيرو وبتعتبر نغم بنتا كمان}.

آدم:هون أمي نازل عَالمرسم شوي.

سوسن:شبك حبيبي ليش مالك عَ بعضك نغم فيها شي؟!.

آدم: (وجعو قلبو لما سمع بأسما بس ماحب يحسس أمو بشي وقلا)....لا أمي لاتخافي نغم منيحة وبتسلم عليكي.

سوسن:الله يسلما ويرضى عليها يعلي أكيد عم تتعب كتير بالمشفى هالأيام لهيك ماعم تجي لعندي.

آدم:(شد أديه بقوة وقال)....أي ماتاكلي هم لاتشغلي بالك ياست الكل يالله نامي وأرتاحي هلأ وأنا مارح طول....قرب باسا عَ راسا وقلا.....تصبحي عَ خير.

سوسن:الله معك حبيبي الله يحميك ويفرحني فيك.


عَالطريق:
____

واحد من عناصر الدورية:لوين رايحة يا أنسة مابتعرفي أنو ممنوع التجول؟.


#يتبع…

نغم:طيب أنا جاية فوراً.....لا لا مارح أتأخر مسافة الطريق بس....طيب ماشي.

آدم:خير شوفي؟!.

نغم:(وهي عم تجهز حالا بسرعة كبيرة)......طالبيني بالمشفى بسرعة في حالات كتيرة اليوم ولازم نشوف وضعن بأسرع وقت.

آدم:أستغفر الله العظيم طيب أهدي شوي أنا بوصلك.

نغم:(باستو من خدو).....لا حبيبي مابدي تروح لهنيك أنتَ طول الليل مانمت صار لازم ترتاح.

آدم:عندي شغل للشركة صار لازم أشتغلو بس خلص روحي هلأ وأنتبهي عَ حالك منيح.

نغم:إن شاء الله ياعمري يالله باي.

آدم:الله معك.

ببيت نغم وروان:
______

فاقت روان من النوم وعم تتطلع عَ مكان نغم ومالقتا...

روان:شكلا الخانم ماشرفت أخخخ منك صرتي قد الدبة ولساتك بس تنجلقي مابتعرفي تنضبي أحسن شي دقلا وشوف وينا..... وماعم ترد كمان.

بعد شوي وصلها مسج من نغم "رنو أنا بالمشفى لاتشغلي بالك عليي أنا منيحا مافيي حاكيكي هلأ بشوفك المسا".

روان:"طيب الله يحميكي" .....وهلأ شو بدي ساوي أنا والله مليت من البيت أشتقت للشغل و للمشغل ولكل اللي بيشتغلوا فيه كمان الله يمضي هالحجر عَ خير ويخلصنا بقا أحسن شي أرسم تصاميم جديدة لبين ما الله يفرجا.


ببيت آدم:
_____

سوسن:أهلا وسهلا ياعمري.

سحر:لك كيفا خالتي حبيبة قلبي؟.

{سحر بنت أختا لسوسن بنت شقرا وعيونا زرق بتحب الموضة والمشاوير حياتا عبارة عن لبس ومكياج وهالقصص وكتير شايفة حالا}.

سوسن:مشتقتلك حبيبتي بس بلا تبويس الله يرضا عليكي.

سحر:براڤو خالتو كتير ملتزمة بأساليب الوقاية.

سوسن:أجباري لك بنتي ماعم تسمعي شو عم بصير بهالعالم بعدين كيف قدرتي تطلعي وفي حظر؟!.

سحر:يييي بقى لاتعملي متل أمي ليكو بيتنا قريب من هون ومافي دوريات لشو هالحكي.

سوسن:الله يصلحك لك بنتي أنا خايفة عليكي عم بقولوا هالمرض كتير خطير الله لايبلينا.

سحر:خليلي ياكِ لا تشغلي بالك.....شو وينو آدم مالي شايفتو؟!.

سوسن:نزل عَالمرسم بالليل و شكلو مارجع لهلأ يعلي عم يديق خلقو لأنو ماعم يروح عَالشركة.

سحر:أيوا وخطيبتو شو وضعا هالأيام شايفة قديشا وش نحس هالبنت ياخالتي لما حددتوا العرس هيك صار.

سوسن:شو هالحكي لك سحر حرام عليكي البنت مالا ذنب بشي وهاد المرض عَ كل العالم مو بس علينا يعلي عم تتعب ليل نهار فوق هاد عم تشتغل بمشفى (كوفيد-19) وتعرض حالا للخطر.

سحر:(عصبت من كلام خالتا وقالت)......أي هدي شوي خالتي  ماحكينا  شي.....(أبتسمت أبتسامة خبيثة وكأنو خطرلا شي ورجعت سألت خالتا).....قلتيلي نغم عم تشتغل بمشفى كوفيد-19؟!.

سوسن:أي والله ليش عم تسألي؟!.

سحر: (وهي عم تحكي بقلبا).......أعمل اللي براسي هلأ ولا أجلا لحتى أحبكا منيح؟.....لأ خليني أحبكا أكتر لحتى تزبط  معي المهم لازم أستغل خوف خالتي من هالمرض وأعرف كيف العب بأفكارا..........لالا ولا شي خالتي  بس هيك مجرد سؤال.

سوسن:.....

سحر:يلا بالأذن هلأ بدي روح ببقى برجع لعندك بدي أحكيلك عن الكورونا وأعراضا وقديشا خطيرة وقلك عَ طرق وقاية جديدة لحتى تنتبهي عَ حالك منيح.

سوسن:ييي ليش شو إلها أعراض تانية غير اللي بنعرفا؟!.

سحر:(أبتسمت بخباثة وقالت)....يييي ياخالتو في كتير المهم أنتِ أنتبهي عَ حالك وببقا بحكيلك بعدين يلا باي ياعمري.

سوسن:الله يجيرنا وأنتِ كمان أنتبهي عَ حالك ولاتضلي تحوصي هون وهون عَالبيت بوشك.....الله معك.


بعد ساعتين بالمشفى:
_______

طلعت نغم من غرفة التعقيم هي وكل الدكاترة اللي موجودين وأثار الوقت المتعب والصعب كانت مبينة عَ ملامحهن.

ميرا:أووف وأخيراً رح موت من تعبي.

أدهم:أي والله بس الحمدلله كل الأصابات وضعن أستقر.

صفاء:الأعداد عم تزيد ماعم تنقص وهالشي مابطمن أبداً.

نغم:والأسبوع الماضي كان عدد الوفيات مرتفع الله يستر.

نبراس:أول شي الله يعطيكن العافية لازم تتفائلوا شوي  لا حياة مع اليأس شو ماكانت الظروف لازم ما نيأس.

ميرا:(وهي عم تحاول تتقرب من نبراس)....معك حق دكتور نبراس بالفعل لازم مانيأس.

أدهم:كلو خير.

الدكتور علي:شو ياجماعة بدكن تضلوا واقفين هون؟.

أدهم:أكيد لا يلا خلونا نقعد جوا يلا شباب صبايا اللي ماعندو مرضى هلأ يتفضل.

صفاء:أنا ماعندي شي أصلاً خلصت مناوبتي وأستلم بدالي الدكتور طارق بس بقعد معكن شوي قبل  ماروح عَالبيت.

ميرا:وأنا ماعندي شي وأنتَ نبراس عندك شي عفواً قصدي دكتور نبراس.

نبراس:بتعذر عندي مرضى ولازم راقب  وضعن بس من بعد أزنك دكتورة نغم بدياكِ شوي إذا فاضية.

نغم:أي أكيد تفضل.

مشيوا نغم ونبراس وبعدوا شوي عن البقية والكل كان عم يتطلع فيهن وشاكين بأهمتام نبراس بـ نغم الكل مشي بأستثناء ميرا ضلت عم تراقبهن وتحاول تعرف شو بدن يحكوا...

#يتبع…

يزن:بدي روح عَالبيت مليت وأنا لحالي بدي اللعب مع أخواتي ورفقاتي.

نغم: ياقلبي أنتَ لاتخاف حبيبي كلن كم يوم وبتطلع من هون بأحسن حال إن شاء الله.

يزن:أنا هلأ منيح خلوني أطلع أشتقت لماما كتير.

نغم:أنتَ مو بدك تضما وتبوسا للماما بس تطلع؟.

يزن:أي.

نغم:طيب حبيبي هلأ أنتَ لازم تبقى هون كم يوم تانيين مشان بس تطلع تقدر تبوسا للماما بدون ماتخاف من شي أنتَ مو بتحبا للماما لازم تصبر كرمالا يعني معقول تطلع قبل ماتخلص علاجك وتمرض ماما لاسمح الله.

يزن:لا مابدي حدا يصير فيه متلي خلص رح أتحمل لكن.

نغم:براڤو يابطل أنا لأني بعرفك ذكي بحكيلك هالحكي.

يزن:....

طلعت نغم من عند يزن بعد ماتأكدت أنو مالو بحاجة شي وشافت كل المرضى اللي عندا وأتطمنت عليهن قبل ماتخلص مناوبتا بس تفكيرا ماكان يوقف عم تفكر بكلشي عم يصير حوليها وتتأسف على هالوضع.....

نغم:أخخخ ياربي وبعدين مع هالحالة شو ذنبن هالأطفال يعيشوا هيك تجربة صعبة وشو ذنب هالأمهات يعيشوا هيك نوع من القلق يزن الطفل الوحيد اللي كان أكتر قوة ومناعة وحتى أرادة بس الباقيين بزعلوا أيمت رح يخلص حصاد هالأرواح بهالشكل البشع ماعاد عندي طاقة أتحمل هيك وجع...الأب بروح ليأمن لقمة عيش لولادو بيرجع مريض وبينقل المرض لألهن ياربي أرفع هالبلاء عننا وأرحم عبادك...

أدهم:دكتورة نغم فيكِ شي الي حصة عم ناديلك؟!.

نغم:أإآ لا أبداً دكتور مافيني شي ماتأخزني ما أنتبهت.

أدهم:ولايهمك بس خير شو اللي شاغل بالك دكتور نبراس عم يسببلك أزعاج شي؟.

نغم:لا أبداً بس ليش هالسؤال؟!.

أدهم:دكتورة لاتفهميني غلط بس عم شوف أهتمامو فيكِ وأنا بعرف إنك مخطوبة ماقصدي شكك فيكِ أو فيه بس عم أحكي لمصلحتكن تنيناتكن أنتوا زملائي وبهمني أمركن.

نغم:دكتور أنتَ فهمان الموضوع غلط الدكتور نبراس شافني تعبانة واليوم حب يتطمن عليي بس.

أدهم:تمام بستأذن من حضرتك.

نغم:أذنك معك.


بمكان تاني:
__

سلام:أبنك كبر وكتير كترت المصاريف وأنتَ ماكنت تلاقيلك شغلة منيحة نعيش منها.

{سلام مرة طماعة كتير وبتحب جمع المال بشكل مو طبيعي بس هي مين وشو مكانا بقصتنا رح يبين معنا ببقية القصة}.

عدنان:لك شو بدك ياني أشتغل هلأ شايفة الدنيا كلا مسكرة ليش وقفت عليي يعني محدا عم يسترجي يطلع ليش عم تحكي وكأنك مالك عايشة بهالعالم؟!.

{عدنان ختيار كبير بالعمر بكون زوجها لسلام عندو أملاك ومحلات كتيرة مع هيك عايشيين بالقلة هو وعيلتو لأنن بحبوا المصاري كتير}.

سلام:أي وبدنا نضل هيك كيف بدنا نعيش؟.

عدنان:عننا شي يعيشنا هلأ لشو هالنق يامرة قصرتيلي عمري من كتر النق.

سلام:شو بدك يانا نصرف كلشي عننا وبعدين نفتح تمنا للهوا؟.

عدنان:بكرا بس تخلص هالأزمة بيتلصح كلشي.

سلام:شكلا مطولة هالقصة مابنلحق نسترزق يومين بيرجعوا بحطولنا حظر هيك مارح يمشي الحال.

عدنان:نقعد بلا شغل أحسن مايمرض حدا مننا ومافينا نعمل شي وقتا.

سلام:مزبوط بس هاد الشي مابيعني أنو نضل هيك أنا عندي فكرة.

عدنان:رح تجننيني بأفكارك هاتي لشوف.

سلام:نغم.

عدنان:(أنقلب كيانو لما سمع أسما)...شو جاب سيرتا لهي هلأ؟!.

سلام:هههههه يعني أكيد مالي مشتاقتلا قال شو جاب سيرتا قال هه.

عدنان:أحكي شوفي براسك ولاتلفي وتدوري!.

سلام:نغم دكتورة والدكاترة هنن الوحيدين اللي ماتوقفوا عن شغلن بهالوضع صح؟.

عدنان:شي طبيعي مايوقفوا بس فهميني لوين بدك توصلي؟!.

سلام:اللي بدي أوصلو أنو هي لازم تساعدنا إذا مو بالأخلاق بالزور شغلا منيح والمقوص خطيبا كمان مليان.

عدنان:ههههه شكلك جنيتي يامرة بعد هالسنين بدك نغم تعطينا مصاري!.

سلام:أي وغصباً عنها كمان خليها عليي هالقصة أنتَ بس نفذ كلشي بدي قلك ياه بالحرف بس بالأول لازم نستنى يخلص الحجر لحتى تقدر تروح لعندا.

عدنان:طيب بس شو بدنا نساوي؟!.

سلام:يعني أنتَ موافق عَالموضوع؟.

عدنان:طالما بدنا نستفاد فـ أكيد موافق.

سلام:حلو هالحكي بالأول لازم نقنعا تجي تسكن عننا منو بنستفاد منها ومنو بتشتغل بالبيت أنا كبرت ومابقى فيي أشتغل والأهم أنو ناخد منها مصاري إذا أجت لهون أو لا.

عدنان:أنا كيف مافكرت بالموضوع قبل خلص أنا موافق وقليلي شو بدك بعمل.

سلام:خلي هالحجر يخلص وساعتا بنتفاهم ياعدنان.

عدنان:أن شاء الله.

لحد هلأ ماعرفنا مين هدول ونغم شو بتخصهن وشو الشي اللي عم يخططوا إلو هدول التنين وكيف رح تكون ردة فعل نغم؟!.

#يتبع…

آدم:أخخخ منها.

روان:شو عم يصير معكن؟.

آدم:روان صدقيني مابعرف عقلي مو متحمل أيَ شي.

روان:طيب أنا رايحة أعمل شي نشربوا وأنتَ حاول تفيق هالدبة.

آدم:طيب.

راحت روان عَالمطبخ وآدم قرب من نغم وبلش يتأمل ملامحها وأبتسم لما شافا نايمة طب عَالكنباية ونص رجليها طايرين بالهوا أجا ليفيقا وبعدين تراجع ماسخي ينزعلا نومتا حملا فوراً وحطا عَ تختا دفاها منيح وقعد يتطلع فيها ويلعب بشعرا ضل وقت طويل وهو قاعد جنبا أما روان شافتن هيك من برا قررت تفوت عَ غرفتا وتتركن براحتن بعد شوي آدم صار بدو يروح باس نغم على راسا وقبل مايقوم مسكت أيدو وقالتلو بصوتا النعسان…

نغم:خليك لاتروح أشتقتلك.

آدم:(ضحك عليها وقرب منها وضما لصدرو)...وأنا أشتقتلك كتير.

نغم:(وكأنها عم تحكي بمنامها)....زعلانة منك رضيني يلا.

آدم:أمممم مجنونة بحبك.

نغم:بطلت حبك أنا.

آدم:هههه مافيكِ.

نغم:لابقى تحرمني منك مابحب يمرق وقتي بدونك.

آدم:وأنا مابحب بس كان الأحسن أنو ضل بعيد هاليومين.

نغم:الأحسن إنك تضل بعيد عني؟.

آدم:حبيبي أنا ماكان بدي تكبر المشاكل بيننا لهيك عطيت فرصة لحالنا.

نغم:وشو طلع معك بهالفرصة؟!.

آدم:أشتقتلك بسس.

نغم:لابقى تعيدا.

آدم:كلن كم ساعة ولك مجنونة.

نغم:حسيتن سنين.

آدم: والله وأنا كمان ياقلبي أنتِ.

نغم:آدم.

آدم:عيونو.

نغم:لاتتركني أنا كتير بحاجتك أنا تعبانة كتير.

آدم:سلامة قلبك ياروحي بوعدك مابقى بعد عنك ولا شوي.

نغم:بحبك.

آدم:وأنا بموت على هالوش النعسان دخيلو ما أحلاه يلا رجعي كملي نومتك هلأ وأرتاحي بكرا عندك شي؟.

نغم:عندي بس للمسا.

آدم:لكن الصبح بدنا نروح لعند ماما لأنو كتير مشتاقتلك.

نغم:طيب حبيبي وأنا كان بدي قلك هيك بس أنتَ خفف طلعات مشان الله بلا مايصيرلك شي لاسمح الله أو حتى تعلق مع شي حدا من عناصر الدورية.

آدم:لاتخافي عم أحمي حالي منيح ولاتاكلي هم أي شي.

نغم:(غطت بالنومة وماعاد حست عَ شي وقبل ماتغفى مرة تانية قالت بصوت متقطع)....طيب ن…

آدم:ضل عم يتطلع فيها ويبتسم لحتى تأكد أنها غطت بالنوم  حط عليها الغطا منيح رجع باسا على راسا وطلع.

تاني يوم بالشفى:
___

بين الوجع وسكرات الموت أصوات الدعاء مسموعة محدا عرفان إيمت وكيف بدو يطلع من هالوضع حاسين حالهن عايشين بكابوس بس بدهن يطلعوا منو بأقل الخسائر بس للأسف هاد واقع والخسائر كل يوم عم تزيد وتكتر ومع هيك الأمل برب العالمين كبير…أستنفار فظيع بالمشفى والكل فايت ببعضو كل واحد عم يعمل كلشي بيطلع بأيدو لينقذ أكبر عدد من الأرواح اللي عم تعيش أصعب شي بالحياة…


وائل:الوضع صعب كتير ماضل مكان والأصابات أغلبن أطفال وختايرة مناعتن ضعيفة جداً ممكن نخسر أرواح كتيرة.

نبراس:طول بالك دكتور الحالات الموجوة قبل تماثلت للشفاء فينا نحط قسم منهن بنفس الغرفة بس نحاول نحافظ عَالتعقيم والمسافة بيناتن.

وائل: هالشي صعب دكتور نبراس خايف نكون بشي ونصير بشي تاني ياشباب هي الأرواح أمانة برقبتنا.

فيصل:ونحنا قد هالأمانة بأذن الله عم نبذل قصارى جهدنا لحتى ننقذ أكبر عدد من المرضى ونحاول نخرجهن بأحسن حال بس بالوقت الحالي الأعداد عم تتزايد والمكان عم يديق علينا.

صفاء:أنا رأيي من رأي الدكتور نبراس هاد الحل الأنسب بالوقت الحالي.

ميرا:وأنا معكن.

فيصل:وهلأ صار لازم نروح نهتم بالمرضى الجداد لازمهن مراقبة شديدة.

وائل:تفضلوا كل واحد على شغلو وأنتَ دكتور فيصل أستدعيلي كل الدكاترة والممرضين اللي بالمشفى وخبرهن أنو لازم يتواجدوا دائماً بهالفترة.

فيصل:حاضر دكتور.

وائل:موفقين.


ببيت آدم:
___

سوسن:لك أهلا وسهلا نور البيت ياعمري لك والله أشتقتلك كتير.

نغم:حبيبة قلبي والله وأنا أشتقتلك بس بتعرفي الوضع.

سوسن:بعين الله لك بنتي المهم أنتِ طمنيني عنك عم تنتبهي عَ حالك منيح؟.

نغم:لاتخافي عليي بتعرفيني مابهمل حالي.

سوسن:الله يحميكي يا رب ويفرحني فيكِ أنتِ وآدم عن قريب.

آدم:نغم:تسلمي ياست الكل.

سوسن:لك والله عم قلو لآدم تزوجوا هلأ بدون عرس وخلص مو مهم العرس لك أبني ماكان يسمع.

نغم: ياقلبي أنتِ والله أنا كمان مابهمني العرس وقصصو بس بهالفترة صعب كتير يا أمي والله شغلي أخد كل وقتي.

آدم:شو هاد لك أمي مابدك أبنك يصرلو عرس تحكي فيه كل الناس.
سوسن:ياحبيب قلبي مُنى عيني والله بس شوفة عينك هالوضع الله أعلم إيمت بدا تفرج علينا.

نغم:الله كريم ياروحي.

#يتبع…

إليانا: صار وجهها شاحب لانه نفسها مقطوع عم تتطلع عليه بعيون تايهة مابتعرف شو إللي عم بصير حواليها بس كل إللي حاسة فيه هو الوجع إللي بقلبها وهي عم تشوف كل هالكره من أغلى شخص بحياتها من حب طفولتها كان رح يغمى عليها بين أيديه والكل عم يصرخوازويحاولوا يفكوها من إيديه صار يدفشهم ويهزها بقوة لتنتفض بين إيديه وترجع لوعيها

آرام: يا حقيرة يا وسخة فكرتك نضيفة وبريئة كنت مفكرتك لساتك الطفلة إللي كانت تحتمي فيني الطفلة البريئة كيف صارت وسخة هيك كيف بتطعنينا بشرفنا بهالسهولة إنتِ وين مفكرة حالك عايشة هون مو متل المزبلة إللي إجيتي منها، ضربها كف قوي وقعها عالارض: ركض على سيارته إللي كانت قريبة كتير طلع منها مسدسه ورجع صوبه عليها ' إنتِ مالازم تضلي عايشة لازم تموتي وتغرقي بنار أعمالك

عبد الرؤف: وقف قدام المسدس وصرخ لاول مرة بوجه حفيده: أخراس آرام أخرسسس من إيمتى بترفع صوتك بوجودنا وبتتصرف هيك شو عاملة البنت لحتى بدك تقتلها ماخليتها تحكي حتى كلمة

آرام: ههه مافي داعي تحكي جدي انا شفت كلشي بعيوني صورة وحدة أختصرت كتيير حكي

سليمان: إبني لاتحكي بالألغاز انو صورة هاي

آرام: فتح الصورة وفرجاهم ياها واول وحدة شهقت هي إليانا

إليانا: مستحيل كذب والله كذب انا موهيك والله مابعمل هيك صدقوني جدي بترجاك والله مابعمل هيك شي

عبد الرؤف: اتطلع عليها بغل ورفع إيده وضربها بكل قوته رجعت وقعت عالارض منهارة … نزلت دمعة من عيون الجد: كنت مفكر إبني عرف يربي كنت اتباهى بترباية ولادي وأحفادي بس إنتِ شو عملتي وسختي سمعتنا وشرفنا لييش هيك بشو قصرنا معك أحكيييييييييي

إليانا: شبه منهارة من الوجع، وجع قلبها قبل وجع جسدها اتطلعت بعيون آرام نظرة كلها عتب وكره ورجعت وقفت على رجليها كانت واقفة بصعوبة اتطلعت بجدها وقالت من بين شهقاتها
_ أنا حفيدتك بنت أبنك سالم إللي عرف يربيني عالقيم والأخلاق بعمري ماعملت الغلط ولا مشيت بطريق الحرام إنتوا حتى ما سمعتوني ولا عطيتوني مجال دافع عن حالي حكمتوا علي فوراً مشيت لعند آرام إللي كان لساه ماسك المسدس بإيديه وعم يتنفس بسرعة مسكت إيده إللي حامل المسدس وصوبته على قلبها اقتربت منه وأتطلعت بعيونه نظرة ماقدر يفسرها
إليانا: أقتلني يلا … شو عم تستنى يلا قوص ونضف شرفك يلا كون البطل إللي غسل عاره ورجع سمعة عيلته يلاااااا أقتلنيييي شووووو عممم تسسستنننى

آرام: ضغط بإيده على المسدس وكانوا إيديه عم يرجفوا وبنفس الوقت الحقد عامي على قلبه كيف بشوف صورة محبوبته وهي بحضن غيره وبهاي الطريقة أتقدم الجد ومسك إيده وبعد المسدس عن إليانا وحكاله : أنت شو عم تعمل أبني! !
وسليمان مسكها وبعدها عن آرام كانت واقفة جسد بلا روح

( عندما يتلقى المرء الخيبة من أقرب الأشخاص لقلبه تنطفئ روحة وتختفي البهجة من حياتة ليس لأنه ضعيف بل لأنه كان يريد القليل من الاهتمام والصدق ولكن الخيبة شقت طريقها إلى قلبه ليجعل منه جسداً بلا روح 💔)

« ياترا شو إللي صار مع إليانا وليش ماعم تتذكر شو إللي صار معها معقوول تكون خسرت أغلى ماعندها والاهم مين إللي اله مصلحة يعمل معها هيك
#يتبع… »

نبراس:بعد فترة مو كتير طويلة توفى بابا من قهرو وضليت أنا وأمي وأختي الصغيرة وجرح بابا وأختي كان صعب علينا بوقتا صارت أمي تشتغل وتصرف علينا للوقت اللي كبرت فيه شوي وصرت أشتغل وأعتمد عَ حالي ضليت عم أشتغل وأدرس ماقطعت الدراسة مع أنو هالشي كان كتير صعب علي بس كان عندي حلم من صغري كان حلمي أني أدرس وأدخل المعهد العالي للفنون المسرحية وصير ممثل وكاتب بنفس الوقت.

البنت:شايفتك دكتور؟.

نبراس:ضليت عم أشتغل وأدرس للوقت اللي أجا لعندي ختيار كبير خبرني أنو أختي توفت بسبب ظلم زوجا الها.

البنت:معقوولل!!.

نبراس:داقت فيني الدنيا ماتت أختي قبل ماشوفا كنت كتير ولساتني مشتقلا لو كنت شايفا كنت خليتا ترجع عَالبيت ولا رح يهمني الناس وحكين المهم أختي ترجعلي بس للأسف عرفت أخبارها بوقت متأخر حسيت الدنيا عم تدور فيني للوقت اللي قلي عندا بنتين.

البنت:(وهي عم تبكي)...أييي.

نبراس:قلي وقتا فيني دلك عَ مكان وحدة بس التانية ضاعت أو هربت مابعرف ضليت معو لحتى عرفت أنو نغم ببيت جيرانها لأختي ضلت مع بنتن اللي هي هلأ عايشة معها وأسما روان وقتا عرفت هي البنت كانت وحيدة وأمها كبيرة شافت نغم وشفقت عليها وربتها مع بنتها مشان تضل معها طول العمر.

البنت:شو كمان ليش مارحت لعندا ليشش؟.

نبراس:ضليت راقبها فترة كانت نغم بنت ناعمة وبتاخد العقل بكل مرة كنت شوفها فيها كنت أشتهي روح ضمها بس ماقدرت وقتا روح لعندا ضليت عم دور عَ أختا كان بدي لاقيهن سوا ضليت ورا نغم وأنا عم دور عَالتانية خطر ببالي روح أحكيلا بس كانت صغيرة ماتوقعت أنها بتكون بتعرف شي وأنا كمان كنت صغير ماكنت شخص بيقدر يفكر بطريقة عاقلة وواعية مابعرف كيف كنت عم أتصرف ضليت عم لف بمكاني ماعملت شي لا تقربت من نغم ولا لقيت أختا ماعملت شي غير أني كنت ماشي ورا نغم عَ طول غيرت حتى مدرستي لحتى كون جنبا بالمدرسة وبكل مكان كنت أقطع مسافة طويلة لحتى وصلها بس ماكنت عم فكر غير ببنات أختي.

البنت:أيي؟.

نبراس:ليش عم تبكي؟.

البنت:معلش تكمل شو صار بعدين ليش ماقلت لنغم لهلأ؟.

نبراس:لما قررت روح خبرا مابقا شفتا ضليت أكتر من أسبوع ماعم تجي عَالمدرسة قررت روح أسأل الجيران عن صحاب البيت اللي هي كانت ساكنة فيه وقتا قالولي أنو المرة اللي هيي أم روان رفيقتا لنغم توفت وراحوا عَالضيعة مع جدها لروان لسوء حظي محدا كان بيعرف الضيعة وين وحتى شو أسما وهيك قضيت وقتي روح أقعد جنب بيتن وأنطر وأندم عَ كل لحظة كانت نغم قريبة مني ومارحت حكيت معها أخر شي مليت بطلت روح إلا صدفة أو مرة  طريق عرفت من الطلاب اللي معهن بالصف أنو جد روان أخد وراقهن ونقلهن عَ غير مدرسة.

البنت:وشو صار بعدين.

نبراس:قضيت وقتي كلو ندمان حسيت نفس الأحساس اللي حسيت فيه وقت فقدت أختي وهيك بلشت دور عَالتنين نغم وأختا اللي ماقدرت أعرف عنها شي أبداً.

البنت:وكيف رجعت لقيت نغم.

نبراس:مرت سنين وكنت لسا بمرق من جنب هداك البيت وشفت الضو شغال والبيت فيه روح ضليت قاعد للصبح لحتى شفت صبيتن طلعوا من البيت ومتل العاد مشيت وراهن  بوقتا كنت طالب بالمعهد العالي للفنون المسرحية وعم حضر لبلش دوام للسنة التانية.

البنت:أي.

نبراس:رح حاول أختصرلك التفاصيل هالمرة ضليت عم الحقا وصارت تحس أنو في شي مو طبيعي عرفت أنها عم تجهز للبكالوريا ورجعت عَالمدينة لحتى تسجل معاهد وتحضر منيح هي ورفيقتا حاولت حاكيها أكتر من مرة صدتني وماعرفت أتصرف كان شوقي لأختي عامي عَ قلبي لهيك قررت قدم معها بنفس المعهد وكلشي مسجلتو هيي سجلتو كانت شادة عَ حالها كتير كنت لما بشوفا بتحمس بشكل مو طبيعي والباقي بتوقع إنك بتعرفي تعذبت بكل مرة تركت دراستي ودرست شي تاني مختلف كلياً بس لحتى كون قريب منها (ضحك ضحكة وجع وقال)... ههه صرنا دكاترة أنا وياها وما أجتني الجرأة أعترفلا خفت أنها ماتتقبلني أو أنها تحاسبني عَالشي اللي صار معها ولليوم أنا ماشي وراها ومابعرف شو النهاية خبرت أمي وأختي وصاروا ينقوا عليي كل يوم لخبرها بس لحد هلأ خايف ماتتقبلني خايف تلومني لأني ماحافظت على  أمها وخايف تلومني لأني ماقدرت لاقي أختا وهي هي كل القصة.

البنت:(وهي عم تبكي كتير)...شو أسما أختك؟.

نبراس:نور.


البنت:(أنفجرت بكي) وقالت طويلة وشعرا ناعم وعيونا خضر.

نبراس:لككك أيي بتشبهكك معقول أنتِ؟…(طلع صورة من جيبتو وقلا)...هي هيي أختي نور بتعرفيا؟.


البنت:(وقعت جنب رجليه وهي فارطة بكي وقالت)...أنا هي البنت اللي عم تدور عليها هي أمي بتذكر تفاصيلها منيح مستحيل أنسى ملامح أمي  أنا هي البنت اللي عم تدور عليها والله هي القصة قصتي مع أهلي كمان اللي بدك تعرفو عني أنتَ حكيتو أنا نرمين بنت نور.

خليل:(أنحنى لعندا ومسك أديها وهو عم يتفحص ملامحها) وقال...الله أكبر...الله أكبر ماعم صدق!.


#يتبع…

إليانا: صار وجهها شاحب لانه نفسها مقطوع عم تتطلع عليه بعيون تايهة مابتعرف شو إللي عم بصير حواليها بس كل إللي حاسة فيه هو الوجع إللي بقلبها وهي عم تشوف كل هالكره من أغلى شخص بحياتها من حب طفولتها كان رح يغمى عليها بين أيديه والكل عم يصرخوازويحاولوا يفكوها من إيديه صار يدفشهم ويهزها بقوة لتنتفض بين إيديه وترجع لوعيها

آرام: يا حقيرة يا وسخة فكرتك نضيفة وبريئة كنت مفكرتك لساتك الطفلة إللي كانت تحتمي فيني الطفلة البريئة كيف صارت وسخة هيك كيف بتطعنينا بشرفنا بهالسهولة إنتِ وين مفكرة حالك عايشة هون مو متل المزبلة إللي إجيتي منها، ضربها كف قوي وقعها عالارض: ركض على سيارته إللي كانت قريبة كتير طلع منها مسدسه ورجع صوبه عليها ' إنتِ مالازم تضلي عايشة لازم تموتي وتغرقي بنار أعمالك

عبد الرؤف: وقف قدام المسدس وصرخ لاول مرة بوجه حفيده: أخراس آرام أخرسسس من إيمتى بترفع صوتك بوجودنا وبتتصرف هيك شو عاملة البنت لحتى بدك تقتلها ماخليتها تحكي حتى كلمة

آرام: ههه مافي داعي تحكي جدي انا شفت كلشي بعيوني صورة وحدة أختصرت كتيير حكي

سليمان: إبني لاتحكي بالألغاز انو صورة هاي

آرام: فتح الصورة وفرجاهم ياها واول وحدة شهقت هي إليانا

إليانا: مستحيل كذب والله كذب انا موهيك والله مابعمل هيك صدقوني جدي بترجاك والله مابعمل هيك شي

عبد الرؤف: اتطلع عليها بغل ورفع إيده وضربها بكل قوته رجعت وقعت عالارض منهارة … نزلت دمعة من عيون الجد: كنت مفكر إبني عرف يربي كنت اتباهى بترباية ولادي وأحفادي بس إنتِ شو عملتي وسختي سمعتنا وشرفنا لييش هيك بشو قصرنا معك أحكيييييييييي

إليانا: شبه منهارة من الوجع، وجع قلبها قبل وجع جسدها اتطلعت بعيون آرام نظرة كلها عتب وكره ورجعت وقفت على رجليها كانت واقفة بصعوبة اتطلعت بجدها وقالت من بين شهقاتها
_ أنا حفيدتك بنت أبنك سالم إللي عرف يربيني عالقيم والأخلاق بعمري ماعملت الغلط ولا مشيت بطريق الحرام إنتوا حتى ما سمعتوني ولا عطيتوني مجال دافع عن حالي حكمتوا علي فوراً مشيت لعند آرام إللي كان لساه ماسك المسدس بإيديه وعم يتنفس بسرعة مسكت إيده إللي حامل المسدس وصوبته على قلبها اقتربت منه وأتطلعت بعيونه نظرة ماقدر يفسرها
إليانا: أقتلني يلا … شو عم تستنى يلا قوص ونضف شرفك يلا كون البطل إللي غسل عاره ورجع سمعة عيلته يلاااااا أقتلنيييي شووووو عممم تسسستنننى

آرام: ضغط بإيده على المسدس وكانوا إيديه عم يرجفوا وبنفس الوقت الحقد عامي على قلبه كيف بشوف صورة محبوبته وهي بحضن غيره وبهاي الطريقة أتقدم الجد ومسك إيده وبعد المسدس عن إليانا وحكاله : أنت شو عم تعمل أبني! !
وسليمان مسكها وبعدها عن آرام كانت واقفة جسد بلا روح

( عندما يتلقى المرء الخيبة من أقرب الأشخاص لقلبه تنطفئ روحة وتختفي البهجة من حياتة ليس لأنه ضعيف بل لأنه كان يريد القليل من الاهتمام والصدق ولكن الخيبة شقت طريقها إلى قلبه ليجعل منه جسداً بلا روح 💔)

« ياترا شو إللي صار مع إليانا وليش ماعم تتذكر شو إللي صار معها معقوول تكون خسرت أغلى ماعندها والاهم مين إللي اله مصلحة يعمل معها هيك
#يتبع… »