#مصيري_المجهول_بقلم_كنانة_غميان#فكرة_نور_الشمس Telegram:@rwayate
الجزء -٩-و ١٠ وال ١١ الأخيرة
اروى بتفوت ع غرفتا بعد ماكانت سعيدة وطايرة من الفرحة بتزعل كتير وقت شافت نظرات اوس الها ولحازم ومبين أنو عم يفكر غلط تجاه التنين وهالشي حز بقلبها كتير ....
أروى : آه ....شو هالقصة هي ماتوقعت أوس يتم فايق لحد هلأ ...لازم فهموا شو اللي صاير أو وضحلو شي ع الأقل ...لهيك رح غير تيابي ع السريع وغسل وجهي ...وروح ع غرفة الأولاد وشوفهم شو عم يعملو ......
وفعلا بعد ما عكلت كل شي أروى ...دخلت لعندهم ولقتهم نايمين .....إلا أوس اللي رمقها بنظرات مخيفة من تحت السرير ويجؤر فيها بقوة ....تنهدت وقربت لعندو : أوس
دار وجهه : شو بدك مني
بدي نحكي أنا وياك كلمتين بس
بدي نام ....طلعي لبرا
أنت ليش هيك عم تعاملني يا أوس
....صح أنا ناني ...بس ما بدي تفهمني غلط
قلتلك بدي نام طلعي لبراااااا
Telegram:@rwayate
طلعت غصب عنها أروى مغصوصة ....راجعة لغرفتها تفكر بحل مع أوس ....وحازم كمان .....شكلو هو التاني ناوي ع شي ...كل شغلة اليوم ما عجبتها ....خاصة قلبها رجع يدق وهالشي رح يأثر ع شغلها والأولاد ...لهيك لازم تبلش تحط حد
وتاني يوم ....وبعد الفطور ...وكالعادة عم يتابعو الأولاد برامج الاطفال كلها بس الملفت للنظر ...إنها كلها عنف وضرب ...
أروى : يا أوس غير هالقناة ....
أوس مارد وطنشها كأنها مو موجودة
لهيك مسكت الرومونت وطفت التلفزيون
اوس بيحاكيها وهوي معصب ع الاخر : انت كيف بتطفي التلفزيون وشو دخلك فينا
حاكيتك ومارديت
أوس : هاتي الريمونت
مافي .....
يااااربي لك انت مالك علاقة ابدااااا فينا حلي عني بقى
تأدب يا أوس
أوس انسم : رح خليكي ترجع ع بيتك متل مارجعوا يلي قبلك ...وتأكدي أن كلامي رح.يصير
Telegram:@rwayate
اروى تحاول تمسك أعصابها فقربت شوي وبدا تمسح ع راس اوس وزعلت عليه ليش معصب كل هالقد ...هي بدها مصلحتو بس صرخ فيها
اوس : ماتقربي عليي أبدا فهمانة
اروى قربت بإصرار ومدت ايدها ومسحت ع راسو : انت ليش معصب هالقد نحنا شو ساوينا بس خبرني ...أنا بشو غلطت معك طيب ؟؟ احكيلي
اوس : مابدي حدا يقرب من أبي ابداااا ماما الوحيدة يلي بيحقلها تكون هون ومعنا وبيناتنا ....مارح أسمح لحدا ياخد مكانها أمي وبس ..
اروى : بس ماما الله يرحمها ....أكيد مابتحب تشوفك أنت وسوار زعلانين وطبعا مابتحب تسمع عم تقول كلام سئ وبزئ ...
اوس شال أيدها عن راسو : طلعي لبرات الغرفة طلعي .....طلعي عم قللك
Telegram:@rwayate
بهل اللحظة ...حازم دخل ع صراخ اوس: شو في ...ليش هالصراخ ...
اروى تلبكت : اه لا مافي شي بس الأولاد بدن يتابعوا تلفزيون وانا كنت عم انصحهن ينوصوا التلفزيون شوي بس
حازم : اييي واوس ليش طالع صوتوا لبرا مايكون طول لسانو معك ...!
اروى: لا ابدا ابدا مافي من هالشي بس كنا تم نحكي سوا عادي يعني ...لاتكبر القصة يا سيد حازم لو سمحت
حازم زور اوس وحس انو اروى عم تغطي عليه حتى مايحاسبوا ابوه ع يلي عم يقولوا ...بطريقة ما
حازم : يلا طفوا هالتلفزيون ...بعد هلق مافي تلفزيون وكلام اروى رح يمشي ع الكل سمعتوني ولا لاء ..
سوار تتفرج ببراءة : اي بابا اكيد ...
فأجت سوار وضمت ابوها وباستو ع خدو وقربت ع اروى وكمان عملت نفس الشي ...
اروى حست بشعور حلو كتير لما ضمتها سوار ومن كتر مافرحت قالت للأولاد بما انكم رح تسمعوا كلامي رح نروح بكرة ع مدينة الملاهي ...
سوار علامات الفرح طلعت ع وجهها النشفان أخيرا : واااااو بحبكككككك كتير يانانا اروى ...
اروى : وانا بحبك كتير ياروحي ...يلا نتعشا ...وبكرة رح نعمل كل هاد
Telegram:@rwayate
سوار ركضت ع سفرة العشا ...بس أوس راح ع غرفتو مسموم مو عاجبو شي
أوس : تصبحوا ع خير ...أنا بدي روح نام بكير
بعد العشا
اروى مشيت قبل حازم ع غرفتها وحازم حس بأوس لما شافوا كيف ساكت وكانن ومالو حس ...
فأجى حازم لعندو وباسو بغرفتو وسكر الباب وطلع ...
وبغرفة نوم الأولاد
سوار : شفت يااوس النانا مارضيت تفسد عليك لبابا....
أنتي ما بتعرفي هالأشكيالات يا سوار ...نامي أحسن
سوار : لو قالتلوا شو حكيت كان عاقبك البابا
حاج تدافعي عنها ....هي ما بتحبنا
سوار : بالعكس هي رح تاخدنا ع الملاهي وانت مو عاجبك شي ..
اوس : ههففففف. ولك ياجدبا انت مابتفهمي شي اصلا هي مو مهتمة فينا
لكن ...بشو مهتمة
هي مهتمة ببابا
شو ؟؟؟
أي ..ب بابا ومصاريه وبس ...
Telegram:@rwayate
سوار هزت راسا بمعنى مافي أمل من اوس فحطت راسا ونامت ...
أما اوس تم سهران ومعصب حتى غفي