📚قصص||روايات||منوعة📚

رامي:انا خبرتك انو عندي موعد خصوصي لشوفك بدك تلحقيني الا لا ؟

ثريا:يعني بدك تختبرني اذا بغار عليك الا لا

رامي: و بعدين الموضوع سري ما فيني خبر اي حدا و خفت تنفعلي و تخبري حامد بما انكن كتير صحبة ويخرب كل شي

ثريا:انا و حامد زملاء عمل بس و ما زعلت عليه لانو بالنهاية يلي عمل شي غلط لازم يتحاسب مين ما كان يكون حتى لو كنت انت

رامي:اي و هلأ بعد ما بينت الحقيقة ،خلينا نخطي الخطوة التانية
Telegram:@rwayate
ثريا:و يلي هي؟

رامي:نطلق

ثريا:اه يعني انت كنت ناطر لتنكشف الحقيقة و طلعني غلطانة و ندمانة و بعدين بطلقني

رامي:اي هيك كان اتفاقنا من الاول

ثريا:امممم اوك متل ما بدك

سكتنا و رجعنا على البيت ،هو فات اخد مخدتو و حرام كالعادة لينام برا ،فتت على غرفتي غيرت تيابي و لبست بجامتي و اتصلت بريتا

ثريا:اي ريتا وين صرتي؟

ريتا:انا .....انا بالمشفى

ثريا: بالمشفى! ، ليش بعدك بالمشفى ؟

ريتا:هيك

ثريا:ما تقليلي انك ....

ريتا:ثريا لنفرض تزوجت غيرو لحسام و صار فيه يلي صار مع حسام هلأ شو بعمل بتركو ،اكيد لأ ،يلا انا بدي سكر برجع بحكيكي بعد شوي

ثريا:ريتا ...ريتااااا

ريتا:سلام

قمت وقفت على المراية و غسلت وجهي و نشفتو زبطت شعري و شكلي و طلعت من الحمام و تابعت على غرفتو ،حطيت شنتايتي على الباب و فتت Telegram:@rwayate ،ضربتي عيني فورا على امو لحسام ،هزتلا براسي و ابتسمت ،اطلعت فيني نظرة غريبة خالية من اي تعابير وجه ، التفتت على حسام ،كان راسو ملفوف بالابيض و صافن بالحيط قبالو ،مريت من جنبو انا و عم ابتسم بوجهو و بعرف انو ما شايفني و لا حتى شايف ابتسامتي،قعدت على الكرسي جنبو و قامت امو فورا و طلعت من الغرفة ،بقيت ساكتة و عم مسح دموعي

حسام:ريتا.....ريتا انت هون ....هاي ريحتك

قمت عن الكرسي و قعدت جنبو و لفيتو و صرت ابكي و هو صار يبكي

حسام:قلت انو مستحيل ارجع شوفك بعد يلي عملو اخي .......و ليكك قدامي بس ما شايفك

ريتا:المهم انو انا شايفتك و انت بعدك عايش

حسام:من وقت ما تركنا و انا ما بقا شايف شي.....ليش جيتي .... ليش انت هون هلأ ،جاي تشفقي علي ،قومي من جنبي ....

قمت من جنبو و انا مصدومة فيه هو و عم يصرخ

ريتا:حسام ....

حسام(يصرخ):انا ما بحاجة لشفقة حدا ...اطلعي لبرا .....اطلعي لبرا ...
Telegram:@rwayate
اجت امو من جوا و هي عم تهديه و هو صابتو نوبة غضب ،اطلعت امو فيني و عبست

ام حسام:اطلعي برا اذا بتريدي

اطلعت لبرا انا و عم ابكي ،اجت بهية و شافتني بهالحالة

بهية:شوفي ؟

ريتا:ما بعرف مدري شو صرلو عصب فجاة و بلش يقلي انا ما بحاجة شفقة حدا

بهية :معلش هلأ نفسيتو تعبانة كتير و خبرنا الدكتور انو بدو وقت ليستوعب وضعو الجديد و يتأقلم

ريتا:و انا شو دخلني حتى تطلع عصبيتو براسي

بهية:تعبتي من اولا

ريتا:ما تعبت قد ما انقهرت عليه و منو لانو انا موجودة هون لانو بحبو

بهية:طيب هلا اتركيه ليروق و بعد شوي فوتي

ربتا:طيب انا نازلة اشرب قهوة تحت و برجع
Telegram:@rwayate
نزلت على كافتريا المشفى و قعدت على الطاولة ،و شربت فنجان قهوة و انا عم فكر بحسام و حياتي لقدام معو كيف بدا تكون بوضغو و نفسيتو هيك ،رجغت تنهدت و كملت فنجاني و رجعت طلعت لعندو ،فتت و قعدت مع اختو و امو يلي تغيرت ملامح وجهها للارتياح و انا خمنت هالشي بعد ما خبرتا بهية ،بعد يومين طلعنا من المشفى و رجعنا على محافظتنا ،رجعت فورا عند اهلو لحسام قبل ما ارجع على البيت ،بقيت للساعة 9 المسا عندن و انا طالعة قلتلا لبهية برجع بكرا انشالله ،سمع حسام هالجملة

حسام:ريتا خليكي شوي بدي احكي معك كلمتين

اطلعت ببهية انا و مستغربة لانو خلال اليومين يلي كنا فين مع بعض كان متجاهل وجودي ،طلعت بهية و بقيت انا و اياه

حسام:انا ما بدي اياكي ترجعي بكرا و لا حتى بعد بكرا و لا يلي بعدو

ريتا:ليش ؟
Telegram:@rwayate
حسام:ريتا انت بتعرفي اديش انا بحبك و لاني بحبك ما بدي اياكي تبقي معي

ريتا:بس انا قبلانة

حسام:انا ما بقبل صبية متلك تقضي عمرا مع واحد متلي ،انا ما بقا حسام يلي عرفتيه ،انا تغيرت من برا و من جوا

ريتا:انت هلأ تعبان ....

حسام:تعبان بس واعي ،روحي و ما ترجعي لهون ابدا و ارجعي حبي من جديد و تزوجي و جيبي اولاد

ريتا(تبكي):حسام ما تحكي هيك اذا بتريد

حسام:عم احكي هالشي لمصلحتك انت بنت بتجنني و بتستاهلي تعيشي ملكة

ريتا:شو يعني !الحرب انتصرت على الحب

حسام:الحب و الحرب بعمرن ما بجتمعو مع بعضن لانو تالتن بكون الموت

ريتا:بس انت عايش
Telegram:@rwayate
حسام:انا ميت على قيد الحياة......بس ما تاكلي همي الذكريات يلي قضيتا معك بتكفيني عن العمر كلو و بكفي انو صورة وجهك رح تبقى براسي انت و عم تضحكي و انت مبسوطة معي ما بدي هالصورة تتبدل و شوفك انسانة تعيسة كئيبة ....

ريتا: حسام انا ....

العلكة بطريقة مستفزة، اطلعت البنت بحسام

_شو متزوج انت؟

رد حسام ب لسان تقيل

حسام:انا متزوج! ولله ما بعرف

_انت اختو؟

ريتا(بصوت يرجف) :لا انا مرتو

_ايه خديه لكن؛ قال قلنا صيدة مرتبة

نزلت البنت و فات حسام هو و عم يرتكي على ريتا

حسام: انا ما كنت بعرف اني متزوج.. عندي اولاد شي؟

سندتو لوصل عالتخت و زتتو عليه و سحبت المخدة و طلعت تنام بغرفة القعدة هي و عم تبكي عالساكت....

_اليوم التاني من الزواج______

الساعة ٣ الضهر فاق حسام من النوم و راسو عم يجعو من اثر سهرة ليلة البارحة؛ انتبه انو بعدو لابس تيابو؛ شلح القميص و البنطلون والبوط و ضل بالتياب الداخلية ، طلع من غرفة النوم هو و عم يفرك وجهو؛ انتبه على ريتا قاعدة على الكنباية؛ صفن فيا شوي و كانو تذكر للتو انو هو تزوج مبارح و هاي يلي قاعدة هون بتكون مرتو؛ رفع ايدو من بعيد ليسلم عليا؛ هزت راسا و هي مبتسمة بنعومة؛ هو فات عالمطبخ يعمل قهوة و هي تابعت حكي مع اما

ام ريتا:كيفو حسام؟

ريتا:لحمدلله تمام بسلم عليكي

ام ريتا:كيف كانت ليلة مبارح انشالله مشي الحال

ريتا:ايه ايه

ام ريتا:الله يسعدكن يا رب؛ طالعين محل اليوم؟

ريتا:ايه قلي حسام بدنا نطلع نتعشى برا بشي محل

ام ريتا:ايه منيح يلا امي ما رح طول عليكي المهم طمنت عليكي يلا ديري بالك ع حالك و ع زوجك

ريتا:و انت كمان امي ديري بالك ع حالك سلام

طلع حسام من المطبخ هو و حامل فنجان القهوة و عم يدخن؛ قعد قبال ريتا وشغل التلفزيون

ريتا: انا بدي انزل اشتري كام غرض للبيت، عندك مانع شي؟

التفت عليا

حسام:لا ابدا؛ المصاري على البيرو

ريتا:طيب

فاتت لبست تيابا و نزلت من البيت، ما عارفة لوين بدا تروح لانو جديدة بهالبلد و ما بتعرف شي بس كانت مخنوقة كتير و بدا تطلع لتشم شوية هوا؛ بقيت ماشية هي و عم تفكر بيلي شافتو مبارح و كيف كانت اول ليلة بزواجا حتى شافت سوبر ماركت، فاتت عليا و اشترت اغراضا و طلعت منا لترجع عالبيت بس ضيعت الطريق؛ كل الابنية عالية و بتشبه بعضا؛و ما قدرت تميز بأي بناية بكون بيت حسام؛ اتصلت فيه اكتر من ٥ مرات بس ما رد عليا؛ قعدت عالرصيف و صارت تبكي؛ لاول مرة بتحس حالا وحيدة و ضعيفة و هشة؛ ندمت كتير انو تزوجت و بعدت عن اما حتى رن موبايلا و كان حسام المتصل؛ مسحت دموعا و ردت

ريتا:انا.. انا ضيعت الطريق و ما عارفة كيف بدي ارجع عالبيت

حسام:وينك انت؟

ريتا:ما بعرف وين انا

حسام:وصفيلي المكان حتي اعرف اجي اخدك؛ يعني شي محل جنبك او حديقة

ريتا:ايه فيه سوبر ماركت من شوي اشتريت منا، اسما العثمان

حسام:ايه عرفتا؛ يلا هلأ بجي

سكر الخط و فات لبس بجامتو و نزل من البيت معصب

حسام:غبية.. خطوتين و ضاعت.. شو الله بلاني بهالبلوة

طلع بسيارتو و مشي هو و عم يدور عليا؛ شافا واقفة و عم تتلفت حوليا؛ زمرلا بالسيارة؛ انتبهت عليه و حست بارتياح؛ هي ما بتعرف حدا بهالعاصمة الكبيرة غيرو؛ ركضت لعندو؛ ؛ و طلعت جنبو

حسام :احفظي الطريق منيح حتى ما ضيعي تاني مرة

ريتا:طيب
فاتت على البيت عالمطبخ فورا؛ لضب شو اشترت و هي راجعة على غرفة النوم سمعت حسام عم يحكي مع حدا عالموبايل
حسام:ايمت بتصلي .. لا ما تجي لهون.. نزلي بالفندق و انا بجي لعندك

اول ما فاتت عالغرفة و انتبه عليا؛ صار يحكي بالروسي فورا بس فهمت ريتا من يلي سمعتو انو كان عم يحكي مع وحدة؛ اخدت المناشف من الخزانة و فاتت عالحمام و وقت طلعت ما شافتو؛ اتصلت فيه ما رد عليا؛ شعرت بالخيبة للمرة التانية؛ الوقت طويل و عم يمر ببطئ بهالبيت و ما كان عندا شي تعملو بكل هالوقت غير انو تطبخ.. تهتم بحالا شوي... تشتغل شوي بالبيت؛ هي و عم تشتغل البيت؛ شافت كرتونة مسكرة و محطوطة فوق الخزانة؛ انتابا الفضول اتجاهها،حطت الكرسي و طلعت جابتا؛ كانت ملزقة باللاصق؛ فتحتا لتعرف اكتر عن حياة حسام؛ كان محتواها تياب داخلية نسائية، فرشاية اسنان مستعملة..فرشاية شعر.. علبة عطر نسائية.. فتحت العلبة و قربت شمتا.. هالريحة نفسا عم تشما على المخدة يلي عم تنام عليا... توترت كتير هي و عم تقلب بالاغراض و هي ضمنيا عارفة انو كل هالاغراض برجعو لمرة كان معاشرا حسام من قبل و كانت عايشة معو بهالبيت متل المتزوجين؛ بس مين هاي؛ تذكرت المكالمة يلي سمعتا قبل ما يطلع من البيت

ريتا:يعني رايح يشوفا هلأ و انا هون متل الغبية قاعدة و ناطرتو

قعدت على التخت مقهورة و مكتئبة و عم تبكي؛ رجعت ضبت الاغراض بالكرتونة بس ما رجعتا لمحلا؛ حطتا عالتخت لتوصل رسالة لحسام انو هي شافتا و عرفت محتواها، اما حسام ما رجع على البيت للساعة ١٢ بالليل؛ كانت ريتا فايقة و قلقانة او بالاحرى ناطرتو لتعرف ايمت بدو يرجع؛ فتح الباب و فات فورا يتحمم؛ بعدا طلع على غرفة النوم ليلبس تيابو بس شاف الكرتونة عالبيرو؛ قرب و شافا مفتوحة
حسام:يلا احسن
كمل لبس تيابو و فاتت ريتا فورا عالحمام و شمت ريحة تيابو لتشم نفس ريحة العطر يلي شمتو بالكرتونة؛ قرفت

ريتا:انا ولله بحبك ليش هيك عم تعملي فيني

سكت حسام و ما جاوب بأي كلمة لانو ما كان ملاقي جواب لكل تصرفاتو غير انو هو ما بحبا لريتا و رافض فكرة الزواج كلا؛ صارت تبوسو بعنف و هو ما قدر يقاوم و خاصة انو هو على مشاكل مع ساشا الروسية، تاني يوم فاقت ريتا مبسوطة و مرتاحة على امل انو بعد هالليلة رح يتغير حسام معا بس حسام كان عكسا تماما فاق متدايق و اعتبر هالشي يلي صار غلطة كبيرة و هلأ لازم يصلحا؛ عمل فنجان قهوة و فيقا لريتا هو و عم يحاول يرتب كلماتو بذهنو قبل ما ينطقن

حسام:قومي بدي احكي معك بموضوع

غسلت وجهها و لحقتو

حسام:انا بعتذر على يلي صار مبارح بالليل، انا ما كنت ناوي قرب عليكي ابدا

ريتا:عم تحكي هيك و كانو انا ما مرتك

حسام:انت مرتي بس انا ما بحس شي اتجاهك و تزوجتك بناءا على رغبة اهلي وكنت بعرف انو هالزواج رح ينتهي هلأ او بعدين

ريتا(مقاطعة) :بدك نتطلق؟

اطلع فيا كانو نطقت الشي يلي حابب يسمعو من اول ما تزوجا و كان بانتظار هاللحظة

حسام:ايه اذا ما عندك مانع

سكتت و نزلت راسا متفاجئة بردة فعلو
ريتا:متل ما بدك؛ انا كمان عندي كرامة ما فيه وحدة بتشوف يلي انا شفتو بهالشهور و بضل متحملة و قاعدة عندك بس انا قلت يمكن بدك وقت لتتعود علي و تحبني.. قلت يمكن تتغير بس اذا رح نكمل هيك انا بفضل نتطلق اكيد

حسام:ماشي معناها بكرا الصبح مننزل عالمحكمة و منتطلق و بالنسبة للماخر اكيد انا ما رح اكلو عليكي؛ بصير ببعتلك اياه على دفعات بحوالات

ريتا:اخر همي المصاري

حسام :و بدي اعتذر منك عن كل اساءة عملتا معك بهالفترة و خاصة وقت فتحت الباب.. و قلعتك، انا ما هيك ولله بس زواجي عمل نوع من الضغط النفسي علي و خلاني اتصرف بطريقة ما منيحة ابدا و ما بحب كمان حدا يتدخل بخصوصياتي

ريتا:....

حسام:ما بدي تطلعي من هون حاملة علي؛ انا بعرف حالي غلطت بحقك و بتمنى منك تسامحيني

هزت براسا

ريتا:امم مسامحتك

حسام:اكيد؟

ريتا(بصوت يرجف) :اكيد

اخر ليلة لريتا ببيت حسام كانت اقسى ليلة على ريتا، بقيت طول الليل عم تبكي و اكلة هم بكرا

____الوقت الحالي ____

رنت الجرس، فتحت الباب ام ريتا

ام ريتا(بدهشة) :ريتا!... حبيبة قلبي ايمت جيتي... ليش ما قلتيلي انك جاية...

سلمت علي اما و بوستا و فاتت و هي عم تجر الشنتة وراها، انتبهت ام ريتا على الشنتة، نقز قلبا من كبر حجم الشنتة، قعدت ريتا على الصوفا هي و عم تاخد نفس

ام ريتا:وينو حسام... ليش ما اجا معك... هو عند اهلو

ريتا:انا و حسام اطلقنا

نزلت راسا فورا، ما كانت بدا تشوف ملامح الصدمة على اما و تتعذب اكتر

ام ريتا:شووو... اطلقتو... ليش.. لك ايمت...
ريتا:.....
ام ريتا:ريتا احكي... قلبي ولله نقزني وقت شفت ملامح وجهك و معك هالشنتة.. حسني قلبي فيه شي... ليش حردانة؟

ريتا:انا ما حردانة امي... هاي جيتي من المحكمة... اطلقنا...

ام ريتا:هيك بهالبساطة... ما فيه عندك اهل يخبرن انو بدو يطلقك... ما لحق يشوف منك شي حتى يرميكي

ريتا:امي حسام ما رماني... نحن الاتنين قررنا نطلق و بس

ام ريتا: طب شو السبب؟

ريتا:ما فيه سبب.. انا ما حبيتو ابدا و لا هو حبني.. كنا عايشين مع بعض شبه اخوات خلال هالفترة

ام ريتا:عادي... بتصير كتير...بدكن وقت لتاخدو وجه على بعض و تحبو بعض.. انا و ابوكي وقت تزوجنا كمان ما كنا منعرف بعض، بس بعد ما جبتك و اخدنا وجه على بعض انا حبيتو و هو حبني

ريتا:ما رح انطر لسا ليصير عندي اولاد منو و يا بحبو و يا ما بحبو، و بعدين نطلق و يتبهدلو اولاد بيناتنا

ام ريتا:شبك بنتي عم تحكي كأنو الطلاق كلمة سهلة بالتم، ولله الناس بس تسمع انك طلقتي بعد ٣ شهور بس لتصيري علكة بتم الناس و انت عم تحكي كأنو ما متأثرة و لا فارق معك شي

ريتا:طيب بدك اياني اتأثر يعني اقعد ابكي و اندب على حظي و فوت بكآبة سنة و اتنين و تلاتة و وقف حياتي و عيش دور المظلومة و الضعيفة بس لانو صرت مطلقة و هو يكمل حياتو و يعيشا متل ما بدو و ما يتأثر بكلمة مطلق بس انا يلي لازم اتأثر، هيك بدك يعني

ام ريتا:لك اخ بس اخ.. انا بدي حكي اهلو و خلين هن يتصرفو معو، شو مفكر اولاد الناس لعبة بين ايديه، تزوجتي من ٣ شهور.. شو بدن يحكو ناس علينا.. يمكن يقولو ابصر شو شاف منها حتى طلقها

ريتا:انا ما بقا رح اسأل على كلام الناس... لقلك طز بكلام الناس.. يحكو ليشبعو.. انا بدي عيش حياتي متل ما بدي

ام ريتا : هو وقت اجا طلبك حكا مع رجال و هلأ كمان لازم يحكي مع رجال.. ما هيك الامور بتصير.. الدنيا ما سايبة، انا فايتة اتصل مع امو نحطن بالصورة

حطت ريتا ايديا على راسا

ريتا:يالله.. هلأ بلشنا

فاتت ام ريتا على غرفة الصالون و رفعت السماعة و اتصلت بأمو، لحقتا ريتا و وقفت على الباب

ام ريتا :معقول هيك يطلق البنت لا احم و لا دستور، شو بنتي جايبتا من الشارع

ام حسام :طولي بالك ولله ما عارفة شي انا... هاي عم اسمع منك.. هلأ بتصل بحسام و بفهم منو شو يلي صار و انشالله ما بصير كل شي الا متل ما بدكن،ولله ريتا بغلاوة بناتي الله بيعلم اديش حبيتا و فاتت على قلبي

ام ريتا:ايه حكيه و قليلو انو ما يفكر انو اذا ابوا ميت وما عندا اخ شاب، يلعب فينا، اعمام البنت بضهرا..

ام حسام :طولي بالك ولله حسام اكيد ما من هالنوع.. انا بعرف كيف مربية ابني بس خليني افهم منو شو يلي صار...

فاتت ريتا من نص المكالمة علي غرفتا تبكي؛ ما كان حدا حاسس فيا من جوا شو عم يصير فيا، قلبان تعبان و مجروحة و مقهورة بس عم تحاول تكابر على حالا و تخبي ضعفا قدام اما، اتصلت ام حسام ببناتا الخمسة و جمعتن عندا و اتصلت بنتا الكبيرة فاديا باخوا حسام على الموبايل، اول ما شاف حسام رقم اختو، عرف انو وصلن الخبر؛ اخد نفس عميق ليبدأ المعركة مع اهلو

فاديا :امك بدا تحكي معك.. خود

ام حسام :شو هادا يلي سمعتو.. انت طلقتا لريتا؟

حسام :ايه مزبوط

ام حسام:ليش شبا البنت شو عيبا؟

حسام:البنت منيحة و ما فيها عيبة بس انا ما حبيتا ما دخلت لقلبي و لا هي حبتني

ام حسام :شو هالحكي متل الاولاد الصغار.. قال ما حبا و ما حبتو، ليش انت لحقتو تحبو بعض، برضاي عليك انزل بكرا و رد مرتك

حسام :امي الموضوع انتهى ما بدي اظلم البنت معي اكتر، خليا تشوف حياتا و نصيبا مع حدا تاني؛ قلتلك من الاول انا ما بدي اتزوج

ام حسام:امي شو هالحكي، وين مفكرنا عايشين باوروبا؛ البنت صارت مطلقة و بعد ٣ شهور زواج بس مين بدو ياخدا هلأ

حسام:ما بعرف ما مشكلتي، يلا انا مضطر سكر عندي شغل؛ بعدين منحكي سلام امي

اعطت ام حسام الموبايل لبنتا فاديا و صارت تبكي

ام حسام :انا هيك حظي... ما لحقت افرح فيه انو جوزتو و قلت بكرا بسمع خبر حمل مرتو و بتصير الفرحة فرحتين

فاديا:شو قلك امي؟

ام حسام :قال ما حبا للبنت

ناديا:هو اصلا حسام بعد ما رجع من روسيا تغير كتير و صار تفكيرو غربي بحت، بدو يحب و يعشق قبل ما يتزوج، كان يقول هيك من الاول ما هلأ

ام حسام:شو بدنا نقول لاهل البنت هلأ؟

فاديا :خليني روح بكرا عند ريتا و افهم منا شو القصة و بلكي مندخل صلحة بيانتن،

راحت تاني يوم فاديا لعند ريتا يلي كانت بالبيت لحالا و فاتت هي و خجلانة

فاديا:وين امك؟

ريتا:هي بسوق الخضرة شوي و بتجي

فاديا:انا كنت حابة اقعد معك لحالنا، فيه حديث ما بدي امك تسمعو

ريتا:تفضلي

فاديا:انا بعرف السبب الحقيقي لطلاقك من حسام

ريتا: هو قلك؟

فاديا:لا بس انا بعرف من قبل انو فيه وحدة بحياة حسام بس انا توقعت انو تقدر مرتو تنسيه اياها

ريتا:انا ما كنت بعرف اني تزوجت حدا لنسيه حدا تاني، كنت لازم تخبريني بيلي بتعرفيه من قبل لاعرف انا على شو رايحة و يا بقبل او لا

فاديا:كل الرجال عندن ماضي

ريتا:اخوكي ما بس ماضي.. و حاضر كمان... يتصل فيا و يحكي معا و يطلع يشوفا بأوتيل و انا متل الكلبة مزتوتة لحالي بالبيت بالساعات و الايام و الشهور ...كل يوم على امل يتغير بس كان بالعكس كان اخوكي وقح ما عم يحاول يستر على يلي عملو، بالعكس كان عم يحاول يفرجيني بشكل واضح هو كيف عايش حياتو بالطول و بالعرض؛ مرة لقيت كرتونة فوق خزانتو فتحتا و لقيت فيا تيابا الداخلية بقلبن... عم تتخيلي... حتى فرشاية اسنانا بعدا موجودة لك حتى ريحتا بعدا علقانة بالمخدة يلي نمت عليا؛ عم تتخيلي وضعي انا وقت عم شوف هيك شوفات، وصلت لمرحلة القرف منو و من كل قطعة بالبيت؛ قرفت من الكاسة و المعلقة يلي كنت عم اكل فيا لانو فيه وحدة قبلي اكلت و شربت منن حتى الفرشة يلي كنت نايمة عليا كنت قرفانة منا بس رغم كل هالشي انا قلت متلك، كل رجال عندو ماضي و ممكن تكون هي هلأ نزوة و هو هلأ حاضرو و مستقبلو معي بس كان وقت يرجع كل يوم من سهرتو او مثلا من عندا و يشوفني بالبيت، يتفاجئ بوجودي... هههههه.. ما بعرف يمكن كان عم يقول بينو و بين حالو هاي الغبية كيف بعدا هون؛ ليش ما تركت و راحت بعد كل شي عم اعملو لطفشا من عندي او يمكن كان نسيان وجودي و بس يشوفني يتذكرني و يتذكر انو هو تزوج؛ اصلا ما كان يشوفني كان يطلع من الصبح و ما يرجع لاخر الليل؛ بكل هالفترة ما قعد معي نص ساعة او حتى اكلنا على طاولة وحدة

فاديا:ريتا انت....

ريتا(مقاطعة) :انا شو.. انا طول عمري كنت صاينة حالي و عافة نفسي لالتقي بانسان بيشبهني، يكون نظيف و عفيف و نحن الاتنين نعوض بعض عن كل الحرمان العاطفي يلي عشناه بس لنعيشو بالحلال و بنيت احلام كتير انو ابني عيلة و اسرة سعيدة مع شريك حياة يحبني و حبو بس وقت وصلت لهنيك انصدمت بالواقع؛ انا ما بستاهل هيك (تبكي).. انا بستاهل احسن ولله

فاديا:معك حق بكل شي عم تقوليه و ولله حسام ما عاطل بالعكس انسان حنون كتير

ريتا:هو ما عاطل و ما منيح كمان هو بس ما كان موجود معي

فاديا:طولي بالك حبيبتي كل شي بيتصلح و اجباري كل المتزوجين اول سنة بتكون صعبة علين و بعدين مع الوقت...

ريتا:مستحيل كان اقدر انطر اكتر على امل يتغير معي، خفت يمضى العمر و السنين انا و ناطرة و جيب اول ولد و التاني و بعدين اضطر انطر اكتر كرمال اولادي؛ و بعدين انا وقت قلتلو بدك نتطلق، شفت الفرحة بعيونو و كانو ناطر يسمع هالكلمة مني، لهيك مشيت بهالطلاق فورا انا و عم احترق من جوا لانو هالشي ما سهل علي ابدا ارجع مطلقة اانا و عروس

فاديا:طيب ريحي اعصابك شهر زمن هلأ و بعدين منحكي بالصلحة و انا رح احكي مع حسام و نشوف كيف بدنا نصلح الوضع

ريتا:لا... (تمسح دموعا) ما بدي تحكي معو بخصوص الرجعة ابدا، انا مستحيل ارجعلو ابدا بعد كل شي شفتو؛ انا كرامتي عزيزة علي و حاولت اعطيه فرصة و اعطي هالزواج فرصة بس ما كان متجاوب ابدا معي.. ما فيه امل منو.. انا برايي تريحو اخوكن و تزوجو اياها

فاديا:لا مستحيل.. امي بتنجلط اذا سمعت حسام بدو يتزوج وحدة اجنبية لا من ملتنا و لا من ديننا و انا بتمنى منك ما تحكي لحدا عن السبب الحقيقي لطلاقكن حتى ما يصل الخبر لامي ولله بتفقع

ريتا: اكيد ما رح احكي لحدا و لا حتى لامي؛ بس انا انسوني و خلوني كمل حياتي و حاول انسى الشي يلي مريت فيه و الجرح يلي بقلبي

انفتح الباب و فاتت ام ريتا، اطلعت بفاديا و عبست

ام ريتا:اهلين

قامت وقفت فاديا لتسلم عليا، اعطت ام ريتا اكياس الخضرة لبنتا و انتبهت على عيون بنتا انو كانت عم تبكي

ام ريتا:شبك

ريتا:ولاشي، انا فايتة اعمل قهوة

فاديا:كيفك خالتي ام ريتا

ام ريتا:من الله منيحة بس من عبدو لا ولله

فاديا:يلا خالتي طولي بالك كل شي رح يتصلح انشالله

ام ريتا:حسبي الله و نعم الوكيل بس

قامت مشاكل بين العيلتين حتى اتقبلو الاتنين فكرة الطلاق و خاصة انو حسام و ريتا بقيو مصرين انو الاتنين ما بدن بعض بدون اضافة اي حكي تاني، و يلي خفف الصدمة شوي انو حسام اتعهد لعموم ريتا انو رح يلتزم بدفع متأخر ريتا على شكل اقساط شهرية بحوالات مالية، بس الشي يلي. ما كان متوقع و محطوط بالحسبان ابدا انو رح يكون فيه حبل صغير يرجع يربط ريتا بحسام العمر كلو، بعد شهر و نص من طلاق ريتا، طلعت ريتا حامل،قبل ما تخبر اما، عملت اختبارات حمل منزلية و اختبار تحليل بالمخبر و اجت النتيجة ايجابية، ريتا حامل مية بالمية، فاتت لعند اما بعد ما خلصت صلاة و فاتحة ايديا و عم تدعي

ريتا:امي انا لازم خبرك بشي لانو هلأ او بعدين بدك تعرفي..

ام ريتا:شو فيه؟

ريتا:انا حامل

ام ريتا:حامل؟ انت متاكدة؟

ريتا :ايه تاكدت اليوم و رحت عند الدكتورة خبرتني اني حامل بالشهر التاني

ام ريتا :كيف حامل و انت قلتيلي كنتو عايشين اخوات؟
ريتا :ايه صح قرب علي مرة وحدة بس و يعني صار حمل و انا ما منتبهة؛ يعني انا ما كنت اخدة احتياطاتي ابدا، ما كنت عارفة انو بدي اتطلق

ام ريتا:اخ على هالمصيبة و هلأ؟

ريتا:لا مصيبة و لاشي، يعني ما رح كون اول مطلقة و عندا ولد

ام ريتا:مفكرة الموضوع سهل انك تربي ولد لحالك بلا اب، اسأليني الي اديش تعبت فيكي

ريتا:بعرف امي ما سهل، هلا انا عم دور على شغل بشهادتي و انشالله رح لاقي و صير اعتمد على حالي و اصرف ع حالي و ابني او بنتي،ما بعرف شو بدو يكون معي

ام ريتا:ايه قومي خبريه لكن، بلكي الله هداه و رجعك لعصمتو

ريتا:مين امي... خبر حسام... لا ما بدي

ام ريتا:ليش بالله ما هو ابوه للولد و لازم يعرف و اهلو لازم يعرفو كمان

ريتا:امي مية مرة قلتلك حسام انسيه، ما بدي ارجعلو و حتى لو اجا تيرجعني انا ما بدي اياه

ام ريتا:ولله ما على كيفك؛ اذا ما بدك ترجعيلو، اعملي حسابك بدك تنزلي الولد

ريتا:امي شو عم تحكي انت، بعدك ما قمتي عن سجادة الصلاة

ام ريتا:لك اخ اخ يا ربي بس، استغفر الله العظيم و اتوب اليه

قامت فورا من عن سجادة الصلاة و لحقتا ريتا

ريتا:انا الحق علي يلي خبرتك

ام ريتا:لازم يعرفو

رفعت السماعة و اتصلت بأم حسام هي و عم تتذكر اخر مكالمة بيناتن، كانت ام ريتا عم تدعي و تتحسبن بحسام و ام حسام عم دافع و تبرر لابنا

ام حسام :الو..الو.. الو

ام ريتا:ايه ام حسام

ام حسام:اهلين خير انشالله

ام ريتا:خير يصيبك... خبريه لابنك هالمحروس انو ريتا حامل

ام حسام :ييي ريتا حامل... يالله... عنجد حامل

ام ريتا:عنجد لكن مزح، بهيك امور ما فيه مزح ابدا

ام حسام:الله ريتو الف مبروك، ما صورت لسا ما عرفت شو معا

ام ريتا:لا لسا حامل بالشهر التاني، ما بين لسا

ام حسام :ريتا جنبك؟

ام ريتا :ايه ليكا جنبي

اطلعت ريتا باما و صارت تنط و تأشرلا بأيدا لا لا

ام حسام :خليني احكي معا باركلا

اعطت السماعة لبنتا

ام ريتا:بدا تحكي معك

اخدت ريتا السماعة و هي وجهها احمر

ريتا:ايه خالتو

ام حسام:يا حبيبة قلبي الف مبروك يا رب

ريتا:الله يبارك فيكي يا رب

ام حسام :الله يقومك بالسلامة و تجيبيلنا صبي انشالله

ريتا:الله يسلمك خالتي

ام حسام :اكيد هلأ حسام رح يفرح و يطير عقلو بس يسمع و انشالله بتكون هالولد خير عليكن و بترجعو متل اول

ريتا:خالتي ام حسام معلش خليني خبرو انا لحسام هالخبرية

ام حسام :ايه لكن... خبريه انت

كانت بتعرف ريتا مسبقا ردة فعل حسام و عم تتخيل ملامح وجهو كانو موجود قبالا

حسام:حامل! كيف يعني حامل؟

ريتا: انا بعرف هالخبر رح يكون مزعج بالنسبة الك و غير متوقع بس ما تخاف نحن رح نضل متل ما نحنا

حسام:بأي شهر؟

ريتا:التاني

حسام:ليش ما بتفكري تنزليه و تكملي حياتك و...

ريتا(مقاطعة) :لا مستحيل.. هيدا نعمة و هدية من الله و انا اصلا ما زعلت اني حامل بالعكس انبسطت و انا اتصلت فيك لخبرك ما كرمال طالبك بشي؛ بالعكس انا ما بدي منك شي؛ انا قادرة ربي الولد لحالي و قادرة اصرف عليه بس لانو اهلك صار معن خبر و بجوز يضغطو عليك انو مثلا نرجع كرمال هالولد و انا عم خبرك مسبقا رأيي و اذا بدك انسى الخبرية كلها و كمل حياتك و لا كانو عندك علم..

حسام:هيدا الولد رح يربطك و يربطنا العمر كلو سوا؛ لسا الحياة قدامك و لساتك صغيرة و باول عمرك

ريتا:ولله توقعتك تدايق بس ما لهل درجة، خلص انسى سلام

سكرت الخط بوجهو

ريتا:.. انسان فاشل و غير مسؤول، الحق علي يلي اتصلت فيه.. غبي

حسام صافن بالحيط و مصدوم و قاعد على الصوفا، طلعت ساشا من التواليت و قعدت جنبو و لفتو و انتبهت عليه متغير، سألتو بالروسي شو صاير معو، تجاهل سؤالها و طالع سيجارة من الباكيت و بلش يددخن و هو صافن بالارض

حسام:شو هالمصيبة يا ربي... انا ما صدقت ايمت اخلص من هالبنت، رجعت بدا تربطني بولد

كان عم يحكي مع حالو و عم تسمعو ساشا بدون ما تفهم كل كلامو، كان هالاتصال هو اخر اتصال بين حسام و ريتا و كل واحد منن كمل حياتو بدون ما يكون خبر الحمل الو يد بالتغيير، ريتا لقت شغل بشركة خاصة ضمن مجال دراستا تجارة ضمن المدينة و كانت فرحانة بكل شهر بطنا عم يكبر شوي شوي و تبلش تحس بمشاعر الامومة لاول مرة، كانو الموظفين يلي معا بالشركة عم يستفسرو عن وضعا الاجتماعي من تحت لتحت كيف حامل و ما شافو بايدا محبس او لمحو زوجا او سمعوا مرة عم تحكي عن زوجا بس اكتر حدا كان مهتم لأمرا هو باسل، باسل بكون من العيلة يلي بتملك هالشركة التجارية؛ موظف مع ريتا بنفس المكتب و بكون اخوه لمدير الشركة مازن ، كان بيعرف من اخوه انو ريتا مطلقة و ما قدر يخبي اعجابو بشخصيتا و جمالا الا انو موضوع حملا كان موترو كتير و مخليه متردد من اي خطوة باتجاه ريتا يلي كانت منتبهة لنظراتَو بس متجاهلتا تماما لانو هي بتعرف انو صعب حدا يتقبلا بوضعا لهيك ركزت على شغلا اكتر و تهيات للولد يلي جاي عالطريق

ما كانت ريتا عندا اي نية لتصلح امورا مع حسام يلي ما كان بيعرف انو ريتا جاي عالطريق، نزلت من القطار و اخدت تكسي و راحت على بيتو، دقت الباب و فتحتلا صبية طويلة و نحيفة شعرا اشقر و عيونا زرق و واضح من شكلا و لهجتا العربية التقيلة انو اجنبية؛ توقعت تكون ساشا

ريتا:هيدا ما بيت حسام؟

ساشا: اي هنا منزل حسام، مين انت؟

ريتا:انا بكون....

اجا حسام من ورا ساشا و اول ما شاف ريتا تلبك كتير لدرجة ما عرف يستقبلا منيح لانو مرتب امورو انو بكرا رح تصل و بهالوقت بتكون طلعت ساشا من عندو

حسام: ريتا! ما توقعتك تجي اليوم

ريتا:امم كنت على اساس اجي بكرا بس ما قدرت انطر اكتر كرمال كرم

اول ما قالت كرم، انتبه حسام على الولد يلي حاملتو بايدا و صفن فيه حتى قاطعت شرودو ريتا

ريتا:طيب انا هلأ بدي روح حط اغراضي بشي اوتيل و برجع بحكيك لنروح عند الدكتور

حسام:طيب ماشي

ريتا:بس اعطيني اسم اوتيل منيح، انا ما كتير بعرف العاصمة هون

حسام:يلا بجي معك و بوصلك بس بدي وصل ساشا على المطار، فوتي انطريني جوا لارجع

ريتا(عابسة) :لا لا ما بدي فوت

حسام:طيب معناها بتروحي معنا

ريتا:طيب

نزلت ريتا لتحت و بعد ٥ دقايق نزل حسام و حامل شنتاية ساشا، حطا بالباكاج و رجع اخد شنتة ريتا و حطا جنبا و طلع بالسيارة و طلعت ساشا جنبو و ريتا من ورا هي و ابنا؛ كانو طول الطريق حسام و ساشا عم يحكو باللغة الروسية الغير مفهومة بالنسبة لريتا بس بكل الاحوال ما كانت مهتمة بالحديث يلي عم يدور بيناتن و كانت شاردة بالمناظر من ازاز الشباك، صف سيارتو عند المطار و نزل هو و ساشا، عند باب المطار بحركة متقصدة من ساشا قربت على حسام َ لفتو من رقبتو و صارت تبوسو، حاول حسام يبعدا عنو محرج من ريتا بس كانت ساشا تلصق فيه اكتر لتوصل رسالة لريتا انو العلاقة بيناتن قوية كتير بس ريتا تجاهلت كل هالحركات و دارت وجهها للجهة المعاكسة، بعد ربع ساعة ساشا فاتت للمطار و حسام رجع للسيارة

حسام:تعي اقعدي من قدام

ريتا:لا مرتاحة بمحلي كرمال كرم

حسام:طيب ماشي متل ما بدك
بقي ماشي بالطريق بس بين الدقيقة و التانية يسرق نظرة على كرم، شافو كتير مختلف عن الصور يلي كانو اهلو يبعتولو اياهن و الشبه بينو و بين جدو كتير كبير، انلهف قلبو لحسام من اول ما شافو و لحسن الحظ كان كرم رايق بهالوقت، ماسك لعبة بايدو و عم يلعب فيا و يحكي و يطلع بامو و يضحك
حسام :شو صار عمرو؟

ريتا:رح يطبق ٩ شهور

صف سيارتو عند فندق و نزل ليشيل الشنتة و نزلت وراه ريتا هي و حاملة ابنا، اطلعت نظرة سريعة على الفندق و قربت تاخد الشنتة من حسام، تفاجئ حسام من تصرفا

حسام:خلص انا بحملا و رح فوت معك

ريتا:لا خلص شكرا حسام، لهون حاجة تعبتك معي اليوم، بكرا بشوفك انشالله

خطفت الشنتة من ايدو ب لمح البصر و تابعت لجوا الفندق و هو بعدو واقف بمحلو عم يطلع بوجه كرم اابريئ ،هديك الليلة حسام ما غفيت عينو ابدا عم يتقلب بتختو و يتذكر وجه كرم و ملامحو حتى نسي تماما امر ساشا و انو لازم يتصل فيا و يطمن عليا انو وصلت ،تاني يوم الصبح راح لعند ريتا ونطرا بالريسبشن ،نزلت هي و حاملة كرم و عم تحكي معو كأنو ولد كبير ،لمحا حسام من بعيد و اشرلا بأيدو ،توجهت لعندو

ريتا:صباح الخير

حسام:صباح النور

ريتا:شو منمشي

حسام:ايه يلا ..فطرتو ؟

ريتا:ايه طبعا

حسام:منيح ،كيف كانت النومة بهالاوتيل انشالله كل شي تمام

ريتا:ايه لحمدلله

فتحت باب السيارة و طلعت من قدام هي و كرم
ريتا:بعيدة العيادة من هون ؟

حسام:لا شي شارعين ،كيفو كرم اليوم ؟

ريتا:لحمدلله

فاتو الاتنين سوا عند الدكتور و قعدو قبال بعض بالعيادة ،اطلع الدكتور بريتا و بلش يسألا عن الاعراض يلي عم يشتكي منا كرم بعدين لف من ورا مكتبو و اطلع بحسام

الدكتور:بس بدنا نفحصو على السرير و بدك تهديلي اياه شوي ..بهالعمر بيحركو كتير
قرب حسام و اخد كرم من ريتا و حملو لاول مرة هو و متلبك و مددو على السرير و بلش يفحصو الدكتور من تمو و بطنو و صدرو و كان عم يوجه حكيو لحسام

الدكتور:بتدخن؟

حسام:ايه

الدكتور(مبتسم):انشالله ما تكون بدخن فوق راسو للولد

حسام:لا لا

الدكتور:عم ينيمكن بالليل؟

سكت حسام و اطلع بريتا لتدخل و تجاوب
ريتا:لا ولله يا دكتور بهالفترة ابدا بصير يبكي و يصرخ كأنو موجوع بس ما عارفة من شو بالضبط

اطلع الدكتور بحسام

الدكتور:ليش ما مطهر الولد لهلأ ؟

تلبك حسام و اطلع بريتا محروج

حسام :ما بعرف

الدكتور :مين لكن يلي بدو يعرف ما انت ابوه؟

حسام :ايه انا ابوه

الدكتور :بس يطيب طهروه فورا ..تعي لبسيه ..كل شي سليم عندو بالفحص رح اكتبلك على تحاليل ،بدن يومين ليطلعو و وقتا ببين معنا انشالله

ريتا:بشو شاكك دكتور يكون معو ؟ولله قلبي متل النار عليه

الدكتور :ما تخافي ما فيه شي بخوف انشالله و ما بقدر احكي قبل ما اتأكد من التحاليل ...

قربت ريتا تلبس كرم و كتب الدكتور

حسام:ما اجت فرصة و بعدين ما ضروري نحكيلن قصة حياتنا، هو هاليوم يلي بدنا نقعد فيه و اذا اضطرينا نام الليلة، انت و كرم نامو عالتخت و انا بنام عالارض

ريتا:طيب... صحي كرم نسيتو

فتحت الباب و نزلت فورا ، كانت نوارة عم تلعبو لكرم و متجاوب معا، ارتاح قلبا و رجعت طلعت لفوق
حسام:انا رايح لشوف كيف بدنا نقطرا للسيارة

ريتا: انا بدي طمن امي، اكيد بكون انشغل بالا علي

حسام:رح شوف وين فيه اشارة بهالضيعة و حكي اختي فاديا و هي بطمنا

ريتا:ايه منيح

نزلو الاتنين سوا، طلع حسام مع سعد بالسيارة و راحو و بقيت ريتا قاعدة تحت قبال نوارة و كرم، بعد ٣ ساعات رجع حسام، كانت سعدية عم تشعل الحطب بالتنور و ريتا قاعدة عم تمد العجين، اول ما شافت حسام تركت من ايدا و راحت لعندو

ريتا:شو صار معك؟
انتبه حسام على الطحين على انفا، كان طالع شكلا بضحك كتير بس بلع ضحكتو
حسام:بس تتصلح بيبعتلنا خبر بس قلي بدا يومين او تلاتة

ريتا:اوف كتير، حكيت فاديا؟

حسام:بعتلا رسالة

حط اصبعو ع انفو

حسام:امسحي الطحين يلي على انفك

بعفوية حطت ايدا على انفا و نسيت انو ايدا كمان طحين لتزيد الطين بلة

حسام:و هلا صار الطحين على كل وجهك
رجعت لمحلا و هي عم تمسح وجهها بكم البلوزة، اخد حسام كرم من نوارة و قعد على الصوفاية، انتبهت ريتا عليه و على معاملتو اتجاه كرم يلي بدات تاخد منحى العلاقة الطبيعية بين اب و ابنو، هالشي فرحا و زعلا بنفس الوقت لانو كانت خايفة كرم يتعود على حسام و هي بتعرف انو حسام بالاخير رح يتركو و يرجع يكمل حياتو و ينساه
اول ليلة لحسام و ريتا تحت سقف واحد كان بمثابة السجن لريتا، صح هي نايمة عالتخت و هو نايم عالارض بس وجودا معو بنفس الغرفة و لليلة كاملة ما خلاها تحس بالارتياح ابدا و ما غفيت الا لوجه الصبح، على الساعة ٧ الصبح فاق كرم و حاول يصحي امو و يضربا على وجهها بايديه الناعمين بس كانت ريتا تعبانة كتير و نعسانة و خاصة انو نامت متأخرة كتير، بعد ما فقد الامل بانو امو تفيق؛ نزل من تختو ونزل يحبي على الارض و يروح لعند حسام و يطبش بايديه على وجهو ليفيقو و لاول مرة بقول بابا، فتح عيونو حسام على وجه كرم الطفولي و الضحوك و على كلامو الغير مفهوم بس كانت كلمة بابا واضحة كتير و اول ما وصلت لسمع حسام، طار عقلو

حسام:عم تقول بابا يا ازعر

حملو و حطو على بطنو، صار كرم يصفق

حسام :فايق رايق و بدك تلعب

صار يطمر راسو ببطن كرم و كرم ينفجر ضحك و حسام يضحك معو، بعد نص ساعة قام غسل وجهو و حمل كرم و نزلو لتحت، فاقت ريتا عال ١٠، اطلعت شمال و يمين ما شافت كرم، قامت من التخت مفزوعة هي و عم تناديلو، فتحت الباب و التقت بسعدية
ريتا:شفتيلي كرم.. وينو كرم

سعدية:طولي بالك ما تخافي.. اخدو زوجك

ريتا(تصرخ) :زوجي! مين زوجي..

سعدية:بسم الله عليكي شكلك فايقة و ما مركزة الولد اخدو ابوه

تنهدت ريتا و هي عم تسرح شعرا بايدا
ريتا:يالله قلبي طلع من محلو

نزلت معصبة و شافت حسام قاعد عم يشرب قهوة و نوارة حامل كرم

ريتا:ليش ما قلتلي انك بدك تاخد كرم معك..

حسام:شفتك نايمة و ما حبيت فيقك

ريتا:معلش تاني مرة بتفيقني و بتقلي لانو قمت مرعوبة وقت ما شفتو جنبي

حسام:يعني وين بدو يكون راح الولد، اكيد معي

اجت سعدية و هي حاملة فنجان

سعدية:قعدي روقي و اشربي فنجان قهوة

قعدت ريتا هي و عم تحاول تهدي اعصابا، بعد ما شربت قهوتا، اخدت كرم و طلعت ترضعو بالغرفة يلي شافتا مرتبة، سعدية فاتت عالغرفة و شافت فراش على الارض و فهمت انو ريتا و حسام متخانقين و نقلت الصورة لسعد

سعدية:هي نامت عالتخت و هو عالارض، انا شفت الفراش بعيني

سعد:ايوا يلا معناها لازم نصالحن عنا هيك بطول اقامتن عنا اكتر، انت اتركي هالموضوع علي، اهتميلي بالاكل انت بس

طلع سعد لعندن بارض الديار

سعد:يلا قومو خلينا نمشي

حسام:لوين؟

سعد:مشوار بالضيعة و عالنبعة.. يلا ست ريتا قومي

ريتا:طيب بس لجيب عرباية كرم و غير تيابي
مشيو هن التلاتة بشوارع الضيعة الضيقة، كانت المناظر خضرا و خلابة و الهوا نظيف حتى وصلو للنبعة

سعد:هاي النبعة يلي حكتلك عنا، قرب اشرب منا و شرب مرتك

قرب حسام و شرب بكف ايدو، اجا حسام ليرجع لتوقف محلو ريتا
سعد:لا ارجع و شرب مرتك و ابنك بكف ايدك كيف لكن بدو يعم الخير عليكن

ريتا:لا بشرب لحالي

قرفص حسام عند النبعة

حسام:خلص تعي يلا
قربت ريتا على مضض و محروجة، شربت شفتين و قامت فورا و اعطتو كرم
سعد:هلأ بتبقو العمر كلو سوا انشالله و لحسن حظكن عرس حارس بكرا و رح تحضروه معنا

حسام:مين حارس؟

سعد:هيدا حارس من الضيعة يلي جنبنا و بحب بنت من الضيعة عنا من ٥ سنين بس اهلا للبنت ما كانو يوافقو عليه و من يومين قبلو فيه و اخيرا و انا كنت نادر اعملو عرسو عندي بارض ديار اذا بتزوجا لهل البنت، هلا بس نرجع بدنا نزينلو القعدة شوي، بتساعدونا اذا ما عنكن مشكلة

حسام:ايه تكرم

بعد ما رجعو على البيت، بلشو سعد و حسام و ريتا بحفلة الزينة، علقو الضواوي بالسقف بكل محل و عملو قعدة عالية للعرسان اما سعدية و بناتا كانو مشغولين بالمطبخ بتحضير العصير و صواني الحلو، ما خلصو للمسا، نورو الاضاءة و قعدو سهرو تحتا و تعشو، كان الجو مثالي و رايق، كانو الاتنين مبسوطين بالقعدة و بكل ساعة عم تمر علين كانو عم يغرقو اكتر بحب المكان و اصحابو ؛ كانت ساشا خلال هاليومين عم تتصل بحسام و يعطي موبايلو خارج التغطية و تنغاظ اكتر، حسام يلي نسي تماما ساشا و التهى بابنو و بالمكان يلي هو فيه، تاني يوم اجتمعت كل رجال و نسوان و اولاد الضيعة عند سعدية و انطلقت اصوات الزغاريد و الطبل يصدحو بكل مكان، كانت ريتا مبسوطة كتير بهالاجواء من زمان ما غيرت جو و حضرت هيك فرح بسيط و عفوي، كل الناس عم ترقص و تضحك، قامت ريتا و حملت كرم و صارت ترقص معو و تبرم فيه، كان كرم رايق كتير و عم يضحك و عم تتحسن حالتو عالدوا كتير، قربت سعدية لعند حسام

حسام:قوم ارقص مع مرتك

حسام:لا انا ما بعرف ارقص

سعد:علي الطلاق بدك تقوم ترقص

سعدية:قوم ارقص الله يخليك و ما طلقني... نوارة خدي كرم من امو
كانت ريتا منسجمة بصوت الطبل و المزمار و ما سامعة شي من يلي عم يصير، اجت فجاة نوارة اخدت كرم منا و انزرع حسام جنبا و مسك ايدا و صار يرقص، سحبت ايدا فورا

ريتا:ولو شبك

حسام:ولله ما دخلني هيدا سعد حلف يمين طلاق الا اقوم ارقص معك، خلص سايرين

ريتا:شو صار بالسيارة

حسام:ما بعرف لهلأ ما بعتلي خبر المصلح، انت متدايقة من القعدة هون

ريتا:لا بس كرمال امي و شغلي

حسام:ليش شو عم تشتغلي؟

ريتا:توظفت بشركة المأمون التجارية

حسام:ولله؛ معناها بتعرفيه لمازن؟

ريتا:ايه بكون مدير الشركة

حسام:و كيف الشغل؟

ريتا:منيح كتير

حسام:و كرم وين عم يضل بفترة شغلك؟

ريتا:عند امي

رجعو الاتنين على الكراسي جنب بعض و ريتا عم دور بنظرا على نوارة حتى شافتا من بعيد جاية باتجاها و ماسكة ايد كرم يلي عم يمشي بخطوات تقيلة جنبا

ريتا:كرم! ولله هيدا كرم.. كرم عم يمشي.. حسام كرم عم يمشي

ركضت لعندا و حملتو
ريتا:ايمت مشي؟
نوارة:خالتو هلأ جيت مشيه قام مشي لحالو خطوتين بس وقع لهيك مسكت ايدو

صارت تبوسو بقوة

ريتا:يقبر قلبي يلي صار يمشي بس خلص العرس طلعو على غرفتن، وقفتو ريتا لكرم باخر الغرفة و رجعت هي لاخر الغرفة و قرفصت على ركبا و فتحت ايديا و حسام واقف جنبا

ريتا:يلا كرومة تعا لعندي يلا تعا لعند الماما

مشي خطوتين و وقف و حسام عم ياشرلو بايدو على السكت ليجي لعندو و يضحكلو، اطلع كرم بابوه و ضحك، رفعت ريتا نظرا و اطلعت بحسام شافتو عم يأشرلو، انتبه عليا انحرج ونزل ايديه، رجع كرم مشي خطوات تقيلة و مشي باتجاه ابوه، حملو حسام هو و عم يضحك و بعدا ريتا مقرفصة و فاتحة ايديا و مصدومة بعد هالخجلة، قامت وقفت متدايقة و غيرانة و خطفت كرم من حضن ابوه

ريتا: اعطيني اياه بدي رضعو و غيرلو الحفوضة

انتبه عليا انو تجاكرت كتير و وقف فوق راس كرم و هي عم تغيرلو الحفوضة و صار يغيظا اكتر

حسام:دخيلو يلي بحب ابوه اكتر من امو

ريتا:مين قلك انو هو بحبك اكتر مني، اصلا هو ما عرفك غير هاليومين

حسام:ما عرفني غير هاليومين و حبني كتير واجا لعندي، مرجوع الولد لابوه بالاخير

تنهدت ريتا هي و عم تحاول تضبط اعصابا

ريتا:حسام انت يومين و راجع لحياتك و لشغلك ما فيه داعي تعلق الولد فيك رجاءا، ما تفكرو صغير ما بفهم بالعكس هو واعي لكل شي عم يصير حوليه؛ ما تاخد الموضوع لعب و مزح

حسام:شو المطلوب مني انا هلأ

ريتا:تبقى بعيد

حملتو و رفعت الحرام و نامت هي و ابنا، تاني يوم فاقت و ما لقت كرم جنبا بس هالمرة كملت نومتا هي و مرتاحة و ما فاقت الا على صوت اولاد سعد عم يركضو و يضحكو بارض الديار؛ لبست و نزلت لعندن؛ شافت كرم معن بس حساام ما موجود؛ ركضو لعندا

نوارة:خالتو ريتا العبي معنا امانة

ريتا:طيب
سكرت ريتا عيونا بمنديل و مدت ايديا على طولن و صارت تتحرك بارض الديار بحركة عشوائية لتلقط حدا من الاولاد و الاولاد يركضو بكل جهة و ينادوا و يضحكو ؛ نزل حسام و سعد من السيارة؛ مر حسام من جنب ريتا ليروح يقعد عالصوفا بس ريتا مسكتو من قميصو

ريتا:لقطتك

نزلا حسام المنديل عن عيونا

حسام:لقطيني انا و انا ما لعيب... من كل عقلك عم تلعبي
انحرجت ريتا و شالت ايديا فورا

ريتا:ايه من كل عقلي
حسام: طيب ضبي اغراضك، بدنا نمشي، تصلحت السيارة

ريتا:و اخيرا

ضبو اغراضن و حاسب حسام سعد عن اقامتن ٣ ليالي عندن

سعد:انا متاكد انو رح ترجعو تزورونا

حسام:انشالله، يعطيكن العافية

ودعن و طلعو بالسيارة، اول ما دخلو ضمن نطاق التغطية، رن موبايل الاتنين، تناول حسام موبايلو و شاف المتصل ساشا حطو عال صامت و رجعو لمحلو اما ريتا شالت موبايلا من جزدانا و ردت

و جنب الشركة فيه حضانة للاطفال يلي بعمر ابنك، مانك الموظفة الام الوحيدة بالشركة ، ما تاكي همو

ريتا:ما بعرف صراحة، الموضوع بدو تفكير
مازن:خدي راحتك و فكري هاي فرصة لا تعوض بس خلي الموضوع بيناتنا و ما بدي حدا يعرف فيه كرمال ما ضيق عيون الموظفين عليكي و الكل يضوج ليش اخترتك الك و انت موظفة جديدة عنا و انت بتعرفي الاحقية للاقدمية

ريتا:طيب ماشي

طلعت ريتا من مكتبو و اتصل مازن بأمو فورا

مازن:هاتي البشارة

ام محمد:شو قول؟

مازن:رح خلصك من المطلقة يلي حاببا باسل

ام محمد:عنجد الله يسمع منك و نخلص منا، كيف؟

مازن:قدفتا للفرع يلي بالعاصمة

ام محمد:اييه برافو عليك، كيف ما خطرتلنا هالفكرة من قبل

مازن:و رح ترجع لطليقا ابو ابنا عن قريب كمان و هيك منكون خلصنا منا للابد و بطريقة لبقة َ و من دون ما يكون النا ايد بالموضوع كرمال ما يزعل حبيب قلبك باسل

ام محمد:برافو عليك

مازن:شو بيطلعلنا منك مقابل هالخدمة

ام محمد:اكلة كبة بكل اشكالا و انواعا من يلي بحبن قلبك، شو رايك؟

مازن:الله عليكي عصافير بطني بلشت تزقزق من هلأ

رجعت ريتا على البيت بهم جديد، انتبهت عليا اما

ام ريتا:شبك ما على بعضك اليوم
خبرتا لاما بطلب مدير الشركة بنقلا للعاصمة

ام ريتا:اكيد لا

ريتا:ليش لا؟

ام ريتا:لانك مطلقة

ريتا:يالله يالله لاني مطلقة ما لازم عيش لاني مطلقة ما لازم اتنفس لاني مطلقة لاني مطلقة ولله ما ناقص مني شقفة ولله بعدو عقلي كامل و بمحلو

ام ريتا:بدك الناس تحكي علينا مطلقة و عايشة لحالا

ريتا:رجعنا لقصة الناس، اذا كنت مترددة لهل الشغل، هلأ انا مصرة اكتر بس لاهرب من هالناس و حكين و حكي كل العيلة يلي عم بسمع صداه

ام ريتا:اتركي الشغل و اقعدي بالبيت، اصلا حسام عم يبعتلك مصروفو للولد و انت ما عندك مصروف..

ريتا:مستحيل امي اترك شغلي، هو المنفس الوحيد الي يلي عم يخليني حس اني عايشة و عم انجز شي بحياتي عالاقل بخليني انسى

ام ريتا:دوري على شغل تاني

ريتا:على اساس الشغل معبي البلد و ناطرني بس

ام ريتا:انت يعني مصرة عالشغل بالعاصمة كرمال تتقربي من حسام و ترجعيلو

فتحت ريتا عيونا مصدومة و انفجرت ضحك

ريتا:ولله بتصدقي ما خطرتلي هالفكرة

ام ريتا:اذا هيك الموضوع ما غلط...

ريتا:اخ يا قلبي؛ لك شو بدي فيه انا عم اطمح لشغل افضل و راتب افضل لأسس لحالي شي و انت بتقليلي البطيخ حسام، ولله ما حاطتو على بالي

شردت ام ريتا و راحت بتفكيرا لبعيد، ما فيه افضل من هيك فرصة لترجع بنتا لطليقا. و ترتاح من هما

ريتا:انا ولله مترددة كرمالك بس، ما بدي اتركك لحالك

ام ريتا:لا لا لا ما تاكلي همي

اطلعت ريتا باما متفاجئة بالنبرة الجديدة
ام ريتا: بيتي استخارة و اذا فقتي مرتاحة و مشروح صدرك اتكلي عالله

ريتا:يعني رضيتي هلأ

ام ريتا:ايه رضيت، الله يصلح بيناتكن و يرجع يلم شملكن

تنهدت ريتا بقلة صبر، رن موبايلا، كان المتصل حسام

ريتا:هاي عم يتصل، شكلو طنت دانو

ام ريتا:ردي ردي لعله خير انشالله

ريتا:ايه حسام

حسام:بدي اجي اخد كرم

رفعت شفايفا متعجبة
ريتا:لوين بدك تاخدو؟
حسام:لبيت اهلي

ريتا:طيب بس تصل لتحت البيت علملي و بنزلك اياه مع اغراضو و ادويتو انا بقلا لفاديا كيف تعطيه اياه

بعد ساعة علملا على موبايلا، حملتو لكرم و نزلت التقت بحسام، فتح باب السيارة و نزل منا، و مشي للباب التاني و فتحو و نطرا، اعطتو اياه هي و عابسة و بمزاج معكر و عقل مشوش

ريتا:اكلاتو و الدوا بالشنتة، دير بالك عليه و ما تتأخرلي فيه بدي ارجع نظم نومتو

حسام:ماشي

حطو على كرسيه

ريتا:حطلو حزام الامان لانو بيحرك كتير

اجت لترجع و نسيت الشنتة على كتفا

حسام:ريتا وين رحتت اعطيني الشنتة

ريتا:اه نسيت

اعطتو اياها و مدت راسا و باستو كرم و رجعت طلعت عالبيت، انتبه حسام انو عقلا ما معا و تأكد انو مازن فتح معا الموضوع، اتصل فيه فورا هو و عم يسوق

حسام:شو قالتلك؟
مازن:لا رفضت و لا قبلت، بتفكر

حسام:بس انت كيف حسيت من لهجتا و ملامح وجهها انو فيه قبول

مازن:ايه هيك حسيت و انا طمعتا براتب و منصب اداري، خليه يطمر فيك هالمعروف بس

حسام:ولله انك كفو يا مازن بحياتي ما رح انسالك هالخدمة

فات حسام على بيت اهلو هو و حامل كرم و ركض الكل عليه يتقاتل مين بدو يحملو

حسام:طولو بالكن انا لسا ما شفتو متل الخلق.. شوفو بالاول كيف عم يمشي

وقفو عالارض و رجع لاخر الغرفة
حسام:يلا كرم تعا لعند ابوك

ركض لعند ستو و تجاهل ابوه، حملتو ستو و باستو

ام حسام:لك انشالله بتقبر قلبي

فاديا:خجلك الصبي ههههه شاف ستو و نسيك فورا

حسام:انت ارتاحي، انا ما الي زعلة

بقيو كل الوقت مشغولين فيه عم يمشو و يلعبوه حتى صارت الساعة ٩، وصلو حسام لعند امو غفيان، حملو هو و عم يطلع بملامح وجهو الناعمة و ما الو قلب يفارقو ابدا، اعطاه لريتا

حسام:غفي عالطريق
ريتا:ما فيه مشكلة
حسام:اعطتو فاديا الدوا
ريتا:ماشي يسلم ايدايا

اخدت الشنتة منو و طلعت فيه و حسام بعدو واقف عم يطلع عليا لحتى طلعت بالبناية، ركب بالسيارة و رجع على بيت اهلو ليضب اغراضو و يرجع صباح اليوم التاني من محل اجا؛ تاني يوم ريتا كانت مقررة انو رح تقبل مبدئيا بطلب مازن بس اذا ما ارتاحت بالسكن او الشغل، رح ترجع للفرع القديم

مازن:ايه اكيد حقك بس انشالله ما رح تكوني الا مرتاحة و رح اطلب من اخي محمد يتوصى فيكي

ريتا:شكرا الك، ايمت لازم سافر؟

مازن:من الافضل بكرا و بعد بكرا بتستلمي الشغل االجديد و من هلأ فيكي ترجعي على بيتك لتجهزي حالك

رجعت ريتا على مكتبا و لمت اغراضا، فات باسل عندا هو و جايب معو فنجان قهوة الا

باسل:شو عم تعملي؟

ريتا:عم ضب اغراضي، انتقلت على فرعكن بالعاصمة
حط الفنجانين على طاولة المكتب بعصبية و توتر

باسل:و مين نقلك؟

ريتا:السيد مازن

باسل:اخي!

راح على مكتب مازن فتح الباب من غير ما يدق عليه

باسل:ليش نقلتا لريتا على فرع العاصمة

وقف مازن متلبك
مازن:لانو.. لانو. هنيك فيه محل شاغر وهون عنا كترة بالموظفين لهيك نقلتا

باسل:كذاب

مازن:احترم اخوك يلي اكبر منك

باسل:امك طلبت منك هالشي؟

مازن:لا ولله امك ما دخلا

باسل:انت غلطتو بحقي و ما رح سامحكن، انا تارك الشغل و البيت و بس ترجع ريتا على شغلا انا برجع

رجع لعند ريتا، شافا ضابة كل اغراضا و رايحة، اتصل فيا
باسل:كيف بتروحي من غير ما شوفك

ريتا:باسل انا ما بدي مشاكل و ما بدي اخسر شغلي يلي لقيتو بصعوبة، و بعرف ليش مازن نقلني من هون و انا ما عندي مشكلة، انا ما مناسبة الك و انت ما مناسب الي

باسل:انا ما حدا بقرر حياتي عني؛بس اوقفي جنبي و انطريني..

ريتا:صعب كتير الله يبعتلك بنت الحلال يلي بتستاهلك انا ما بدي بلش زواجي التاني باساس غلط و جو مشاحنات و مشاكل، يا ريت تفهمني انت شاب منيح و طيب..

باسل (بعصبية) :هيدا يلي طلع معك.. انا بحكيكي بالشرق و انت بتحكي بالغرب طيب ماشي بحكيكي بعدين

سكرت ريتا و هي عم تضحك بسخرية
ريتا:واحد بدو اياني بس اهلو ما بدن َ و واحد اهلو بدن اياني بس هو ما بحبني.. يا ربي شو هالحظ

ضبت اغراضا و راحت عند اهلو لحسام سلمت علين هي و كرم و ودعتن و خبرتن انو منتقلة للعاصمة، اول ما طلعت من عندن صار الكل ينط فرحان و ركضت فاديا تتصل بحسام

فاديا:سمعت انو ريتا و كرم منتقلين عالعاصمة كرمال شغلا الجديد لريتا

حسام:مين خبرك انت؟
. فاديا:ريتا خبرتني هلأ، مرت لعنا و ودعتنا قبل ما تسافر

حسام:يعني خلص جاي لهون

فاديا:ايه اليوم عال ٦ العصر بتصل، هلا راحت تاخد اغراضا و تروح عالمحطة

حسام:ايه منيح

فاديا:ولله فرحنا كتير انو كرم رح يصير جنبك

حسام:ايه و انا فرحت كمان

عالساعة ٦ كان حسام ماسك موبايلو بايدو و متحرقص و ناطر اتصال ريتا، حتى اتصلت ساشا فيه عالسكايب و ما رد عليا من توترو بس مرت ساعة و اتنين و ما اتصلت ريتا حتى قرر هو يتصل و يعمل حالو انو وصلو الخبر من فاديا بس اتصل فيا و ما ردت عليه، رجع حكى فاديا

حسام:عم دقلا و ما عم ترد علي، ليش يعني عم تتجاهلني و ما بدا ترد

فاديا:طول بالك بلكي ما منتبهة؛ بجوز عم دور على بيت او شي لانو حكيتا من ساعة اطمن عليا و قالتلي هلأ وصلت و بدا تلتقي بصاحب الشركة

حسام :طيب طيب رح حاول بعد شوي

نزلت ريتا من القطار و دورت بنظرا على محمد يلي فرجاها صورتو مازن و اعطاها مواصفات لبسو، كان واقف محمد و ناطر، شافتو ريتا من بعيد و قربت لتتاكد

ريتا:مرحبا

محمد:هلا، انت ريتا؟

ريتا:ايه انا هي

محمد:اهلا و سهلا.. تفضلي

طلعو من المحطة و محمد عم يطلع فيا و يبتسم و يسن اسنانو، اخدا على الشقة يلي بدا تسكن فيا هي و واقفة على باب الشقة، رن موبايلا

حسام:كيفك ريتا؟

ريتا:اهلين حسام

حسام:سمعت انك هون

ريتا:ايه

حسام:بلزمك شي؟

ريتا:حسام انا مشغولة هلأ بحكيك بعدين

حسام:طيب ماشي

سكر هو و متدايق

حسام:بالناقص..

فااتت ريتا بعد محمد على الشقة
محمد:هاي هي الشقة صغيرة و مفروشة و مناسبة الك و ما غالية ابدا و كمان نظيفة

تفتلت ريتا بالشقة و محمد ماشي وراها

محمد:شو عجبتك؟

ريتا:ايه منيحة، شكرا الك

محمد:تفضلي هاي مفتاحا و انا هلأ بنزل بكتب العقد و رح يكون الدفع شهري و مسبق عن طريقي و انا بخصمو من راتبك لاحقا

ريتا:ايه ما فيه مشكلة

محمد:و ما كتير بعيدة عن الشركة ابدا، مشي ٥ دقايق بتوصلي

نزل محمد على الدرج هو و عم يتصل مازن

محمد:ولا قلتلي انو مطلقة بس ما قلتلي انو البنت ضرب

مازن:محمد اقعد عاقل، انا بعتا للبنت حتى نخلص اخوك باسل منا

محمد:ايه منتسلى شوي

مازن:ما تسن اسنانك عالفاضي، البنت جدية كتير، لاخوك العذابي ما اعطتو ريق حلو، الك بدا تعطيك و انت متزوج و عمرك فوق الاربعين

محمد:الله يسكرا بوجهك متل ما بتسكرا بوجهي

مازن:لقتلا شقة؟

محمد:ايه عم ضب اغراضا يمكن هلأ يلا سلام

طلع محمد بسيارتو و طلع من جيبة بنطلونو النسخة التانية

ريتا:اهلين بس ما فيني قلك تفضل انا ساكنة لحالي

باسل:اشتقتلك كتير ولله ما قادر فوت عالشركة و انت ما فيا، رحتي قبل ما قلك كل الحكي يلي بقلبي و المشاعر يلي عم حسا اتجاهك

نزلت راسا محروجة، كان حسام طالع عالدرج و حامل كرم و اول ما شاف رجال غريب واقف مع ريتا عالباب تمهل شوي

باسل:انا ولله بحبك كتير و لو ما بحبك ما كنت قطعت كل هالمسافة كرمالك

رفع شفايفو حسام باستهزاء (شي حلو كتير ولله)

باسل:اتركي كل هالشغل و ارجعي و خلينا نتزوج و نحط اهلي تحت الامر الواقع و على مهلن ليرضو
ادخل حسام فورا، انتبهت عليه ريتا و انحرجت، انتبه باسل انو اجا حدا وراه، التفت و التقو مع بعضن

حسام:باسل! هيدا انت..

باسل:حسام شو عم تعمل هون

اطلع حسام بريتا و رجع اطلع فيه و تذكر كلام مازن عنو و بهاللحظة فهم انو ريتا هي المطلقة يلي علقان فيا باسل، اعطى كرم لريتا، اطلع باسل مصدوم و ما فهمان شي و ريتا متفاجئة من المعرفة المسبقة بيناتن

حسام:ريتا بتكون طليقتي و كرم ابني

باسل:عنجد انا ما كنت بعرف
ريتا:انتَو بتعرفو بعض من قبل؟

حسام:باسل بكون اخوه لصديقي مازن

وقف باسل محرج و متلبك و بعدين نزل فورا هو و عم يتصل باخوه مازن

باسل:انت كنت بتعرف انو حسام زوجا السابق لريتا؟

مازن:ما كنا نخلص من هالقصة

باسل:جاوب انت كنت بتعرف

مازن:ايه كنت بعرف

باسل:ليش ما قلتلي هلا حطيتني بموقف زبالة

مازن:ما حسيت الموضوع مهم يعني، و هلأ عرفت اتركا للمخلوقة بحال سبيلا و ارجع عالبيت و عالشغل

باسل:ما راجع

حسام و ريتا بعدن واقفين و ساكتين
ريتا:طيب انا بدي فوت و...

حسام:اذا مفكرة تتزوجي انا ما رح خلي كرم معك، يكون بعلمك

ريتا:ولله هالموضوع بخصني و انا بقرر. اتزوج او لأ و هيدا من حقي

حسام:حضانة الولد من حقك طول انت مطلقة بس وقت تتزوجي بتروح حضانة الولد الي

ريتا:الك؟ ليش انت بتعرف تربيه ولا مين بدو يربيه عنك الروسية يلي ما معروفة قرعة ابوا من وين و على اي اخلاق بدكن تربوه للولد

كان صافي طالع عالدرج و سامع اصوات حسام و ريتا عم يعلقو مع بعض؛ طلع هو و عم يتفرج علين و وقف على عتبة بيتو يتسمع

حسام:ما دخلك بهالموضوع

ريتا:هيدا ابني متل ما هو ابنك و بعدين ظهرت بحياة ابنك هالشهر بس و جيت لتقلب كل شي فوقاني تحتاني

حسام:انا ما عم اقلب شي، خليكي متل ماا انت و انا متل ما انا

ريتا:ولله من حقي كمل حياتي و اتزوج بالحلال و جيب اخوات لكرم بعدني باول عمري ما رح اسمحلك تخليني هيك كل العمر اما انت تصطفل اذا بدك اضل عايش عيشة الحرام هاي، كمان انت حر ما بدخل فيك، بس وقت توصل الامور لابني لا ابني خط احمر وين بتكون امو هو بكون.

حسام:اه بدك تجيبلو اب تاني و انا لازم ضل ساكت و عم اتفرج

ريتا:ما رح جيب اب تاني، طول ما انت عم تشوفو كل يوم و هو عم يشوفك الولد عم يكبر و يعرف مين هو ابوه

حسام:انا حكيت يلي عندي و انت حرة اختاري ابنك او هالزواج

سكرت الباب بوجهو و سندت على الباب هي و ع تبكي و نزل حسام معصب من عندا و اتصل بمازن

حسام:ليش ما قلتلي انو ريتا هي البنت يلي حابة اخوك

غص مازن ب لقمة الكبة، صارت امو تخبطو على ضهرو

مازن:استحيت قلك ولله

حسام:اسمع مازن بتفهمو لاخوك يبعد عنا لريتا و ما بقا بيجي لعندا ابدا

مازن:ليش اخوي راح لعندا؟

حسام:ايه و جاي يقلا تعي نتزوج و نحط الكل تحت الامر الواقع

مازن :هالغبي

حسلم:انا ما بنحط تحت الامر الَواقع، قلو يتركا بحالا و الا رح تخسر ابنا، انا مستحيل اترك ابني يربى بحضن غريب

مازن:طيب روق ما بصير الا يلي بدك اياه، نحن ما موافقين عهالجازة

كان حسام معبق وجهو احمر سكر مع مازن و اتصل يفش خلقو لفاديا

حسام:ولله ست الحسن بدا تتزوج

فاديا:مين ريتا؟

حسام:ايه ريتا و معلقة الشاب فيا و لاحقا لهون بقنعا تتزوجو غصب عن اهلو

فاديا:ييييه ولله هالريتا طالع منا

حسام:الحجر يلي ما بعجبك بفجك، ولله اذا بتتزوجو لطربق الدنيا فوق راسا و احرما تشوف ابنا

فاديا:يلا طول بالك... يعني ما عارفة شو بدي احكي انصدمت فيا

حسام:ما حدا قدي مصدوم، يلا بحكي معك بعدين باي

رجع حسام على بيتو معصب يدخن سيجارة ورا التانية، تاني يوم كان الكل هدي و راق من مشكلة البارحة، ريتا متل العادة انطلقت على شغلا و عيونا منفخين من ليلة البارحة لتلتقي بباسل عند باب الشركة.
باسل:صباح الخير

ريتا:صباح النور

باسل:انا بعدني على كلامي يلي قلتلك عليه مبارح حتى لو كان طليقك حسام ما رح يغير شي من مشاعري اتجاهك

ريتا:باسل ببوس ايدك اتركني بحالي مبارح علقت معو و قلي اذا بتتزوجي انا باخد كرم منك و انا بموت اذا ببعد عن ابني (تبكي) ، الله يخليك اتركني بحالي انا جربت حظي بالزواج و ما بدي ارجع كرر هالتجربة، انت شاب باول عمرك و رح بتلاقي البنت يلي بتحبك و بتحبا و رح تنساني بس اعطي حالك وقت

باسل:طيب.. انا اسف انا بعتذر اذا هالشي بريحك ما بقا رح تشوفي وجهي مرة تانية

ريتا:ايه بريحني و بريح الكل كمان، ما بدي مشاكل مع حدا

باسل(بصوت يرجف) :ماشي سلام
تركا متدايق و راح و هي فاتت عالشركة، هي و طالعة اتصلت بحسام بدون ما تسلم عليه

ريتا:مريت اخدت كرم او لا؟

حسام:ايه هو معي و نحن بالحديقة يلي تحت بيتك، بس تجي مري خديه

اشترت شوية لوازم للبيت و مرت عالحديقة، شافتو حاطتو بالمرجوحة و بمرجحو

حسام:قعدي شوي ما النا شي جاين

ريتا:طيب

راحت قعدت عالكرسي و صفنت شوي بكرم يلي عم يضحك و حسام عم يشوط المرجوحة، شو كان صار لو كانت هيك حياتا الطبيعية هي و زوجا و ابنا قاعدين عم يتشمسو بالحديقة. و مبسوطين ،رجع حسام لعندا و قعد جنبا

حسام:شو صار معك؟

ريتا:بشو؟

حسام:بعريس الغفلة

ريتا:ما ناقصة مسخرتك

حسام:ولله ما عم اتمسخر عم اسألك شو قررتي مشان اعمل حسابي و بلش جهزلو غرفة لكرم عندي

وقفت منغاظة و معصبة
ريتا:كرم رح يضل معي

حسام:يعني رفضتيه

ريتا:....

حسام:قبلتيه لكن؟

قام وقفت لتمشي، مسكا من ايدا

حسام:يكون بعلمك لو...

سحبت ايدا منو بعصبية

ريتا:رفضتو... ارتاح

تركتو و توجهت لعند كرم، شالتو من المرجوحة و طلعت من الحديقة على بيتا،طلع حسام مرتاح بسيارتو و قبل ما يسوق اتصلت فيه ساشا و خبرتو انو لقتلو شغل بروسيا

حسام:مين قلك اني انا بدي اشتغل بروسيا

ساشا:لماذا هبيبي انت ما يعمل عندنا؟

حسام:انا مرتاح و مبسوط بشغلي هون

ساشا:انا يجي بكرا و نهكي

حسام: لا لا ما تجي، انا ما خلصت اجازتي، انا عند اهلي

ساشا: انا اشتقلك

حسام:و انا اشتقتلك بس ارجع على بيتي انا بتصل فيكي و بقلك تجي، خليكي بمحلك انت

سكر الخط هو و عم يتنهد، بلش يحس انو ساشا صارت مصدر تعب و عبئ عليه، وجيتا رح تكون بالتوقيت الخطأ بالوقت يلي عم يحاول يهدي المشاكل بينو و بين ريتا يلي كل يوم عم يتفاجئ بشخصيتا

ريتا هي و حاملة كرم و طالعة على بيتا، صدفت صافي على مدخل البناية

صافي:مرحبا

ريتا:اهلين

طرقت راسا و بقيت متابعة لبيتا

صافي:جارتنا لحظة شوي

فتلت راسا و وقفت

صافي:تفضلي

اعطاها كرت

ريتا:شو هيدا؟

صافي:خديه بالاول

اخدتو و فتحتو

صافي:نحن فرقة موسيقية و منعمل حفلات خيرية للمرضى لنرفه عن نفسن و فيه حفلة بكرا المسا النا بالعنوان يلي مذكور هون و خيرية لمرضى الشلل النصفي و حابك تكوني موجودة طبعا

ريتا:ولله بدي اعتذر منك...

صافي:للاسف ما منقبل اعذار ابدا

ريتا:انا عندي طفل صغير..

صافي:بعرف بتقدري تجيبيه معك او تحطيه عند ابوه مثلا

ريتا:ولله ما....

صافي (مقاطع) :ولو انا عم قلك خيري و داعم لمرضى السرطان..

ريتا:سرطان او شلل نصفي

صافي(متلبك) :عفوا عفوا لمرضى الشلل النصفي، حفلتنا السابقة كانت لمرضى السرطان، و صراحة انا ادرجت اسمك بالقائمة مسبقا و اسامي كل الجيران يعني ما بس انت مدعوة؛ اذا بتريدي تعالي و ما تحرجيني، حفلة بسيطة كتير و اذا ما عجبك الجو فيكي تروحي من نص الحفلة

ريتا:طيب ماشي رح حاول

صافي:بانتظارك

فاتت ريتا عالبيت و زتت الكرت على البيرو و فاتت، تاني يوم كانت مقررة ما تروح بس اندق باب بيتا عال ٧ و نص، اطلعت من العين، شافت صافي؛ لابس بدلة سودا مع كرافيته موف و مرتب شعرو بطريقة انيقة، فتحت الباب هي و لابسة البجامة محرجة

صافي:بعدك ما لبستي؟

ريتا:ولله بدي اعتذر منك كلك ذوق انك عزمتني

صافي:مستحيل اقبل اعتذارك، البسي يلا كل الجيران رايحة و رح تتسلي و تغيري جو

ريتا:طيب ماشي رح حكي ابو ابني اذا بحط كرم عندو

صافي:ماشي انا سابقك

اتصلت ريتا بحسام، رد عليا متفاجئ باتصالا

ريتا:شو عم تعمل؟

حسام:ولاشي قاعد

ريتا:بدي حط كرم عندك شغلة ساعة بس

حسام:ليش؟

ريتا:بدي روح على حفلة

حسام:حفلة شو؟

ريتا:انعزمت على حفلة خيرية لمرضى الشلل النصفي من جاري بالبناية و حرجني اني لازم روح

حسام:مين هيدا جارك؟

ريتا:يلي ساكن فوقي

حسام:ايمت لحقتي تتتعرفي عليه، لسا من يومين سكنتي

ريتا:هو عازم كل الجيران ما بس انا.،خلص ليش كل هالاسئلة، بدك تحطو او لأ و هو اصلا بعد ساعة كرم بنام

حسام:طيب ماشي، هلأ بمر باخدو

ريتا:ماشي

فاتت ريتا تلبس و تجهز حالا، بعد نص ساعة اجا حسام، دق الباب عليا، فتحتلو مستعجلة و اعطتو كرم و شنتايتو، شافا مرتبة حالا كتير بشكل ملفت للنظر

حسام:وين هاي الحفلة؟

ريتا:ما بعرف مكتوب اسم المحل بالكرت، رح اطلع بتكسي و قلو ياخدني للعنوان

حسام:خلص انا بوصلك بطريقي

ريتا:يلا بس لجيب جزداني

نزلت قدامو و هو عم يطلع فيا من تحت لفوق، طلعت جنبو بالسيارة و اعطتو الكرت، قرأ العنوان و رجعلا الكرت و شغل السيارة و مشي، كان صافي واقف على باب المطعم و متحرقص و ناطر ريتا، صفت حسام السيارة و نزلت منا ريتا و توجهت لباب المطعم و حسام عم يطلع فيا و يشغل سيارتو ليمشي، شافا صافي من بعيد و راح لعندا

صافي:كنت عارف انك رح تجي
ريتا:ولله ما حبيت خجلك
رجع طفى حسام سيارتوو

حسام:الله الله مين هيدا كمان؟؟؟

صافي:طالعة حلوة كتير اليوم

ريتا:شكرا الك

صافي:يعني انت حلوة على طول بس اليوم كتير

ريتا:احم طيب ماشي خليني فوت ما حلوة نضل واقفين هيك بالشارع

فاتت هي و اياه سوا و هو عم يطلع فيا باعجاب و يبتسم، انتبه حسام فورا على نظراتو لصافي و فهما فورا، واحد جديد عم يغزل حولين ريتا، كان بدو ينزل و يلحقا بس تذكر انو لابس البجامة و معو ابنو كرم، شغل السيارة و مشي، وصل على بنايتو، طلع بسرعة ، دق على جارتو ام حسن

حسام:ام حسن الله يخليكي فيكي تحطيلي ابني كرم عندك شغلة ساعة بس

ام حسن:ايه تكرم

حسام:اكلاتو بالشنتة و انا ما بطول انشالله، اذا بكي كتير اتصلي فيني و بجي فورا

طلع بسرعة على بيتو غير تيابو و نزل، شغل سيارتو و رجع على المطعم، اجا ليفوت عالمطعم، وقفو شاب

الحارس:لوين يا حبيب، وين كرتك؟

حسام:ما معي، ليش هاي ما حفلة خيرية لمرضى الشلل النصفي

الحارس:ههههههه حفلة شو... خيرية جاي عم تتهبل علي

حسام:عفوا انا فاهم الموضوع غلط، كيف بدي فوت لجوا؟

الحارس:اذا ما معك كرت، روحي اشتري من هنيك، الكرت ب ٥ الاف

حسام:اوف.. طيب طيب

اشترى الكرت و هو عم يتمتم

حسام:خيري لكن.. انا بفرجيكي يا ريتا ولله طلعتي مخباية بتيابك

اشترا الكرت و فات، صار يدور عليا بنظرو، شافا قاعدة عالطاولة لحالا و كان صافي قاعد عم يعزف عالاورك و يطلع بريتا و يبتسم اما ريتا ما كانت منتبهة على نظرات صافي بس ما كانت مرتاحة و حاسة حالا غبية قاعدة لحالا عالطاولة و عم تتعشى بجو هادي و رومانسي، كان صافي مخطط انو اول ما يخلص عزف ينضم الا بس حسام خربطلو كل الخطة و صدمو صدمة عمرو، سحب الكرسي و قعد معا

ريتا:حسام... لك وينو كرم

حسام:حطيتو عند جارتي و جيت عالحفل الخيري لمرضى الشلل النصفي، ولله شايف الكل عم يمشي على رجليه

ريتا:و انا هيك شفت كمان؛ غريب مو

حسام:حاج تتغابي ريتا يعني انت ما بتعرفي انو هيدا ما حفل خيري و ما مجاني و هداك الكلب ابو شعر سبايكي يلي هنيك عازمك ليطبقك

ريتا:شو ما فهمت شو عم تحكي و اصلا ليش عم تحكي معي هيك

تنهد حسام

حسام:هيدا ما حفل خيري و هلا دفعت ٥ الاف لفتت لهون، و وقت قلتلو للشاب يلي واقف برا عن فكرة الحفلة ضحك علي و عملني مسخرة و بعدين انا شايفك لحالك عالطاولة وين جيران البناية المعزومين..

حست ريتا حالا فعلا انو غبية و ساذجة و انضحك عليا و تم استغلالها لتجي لهون و يتقرب منا صافي؛ قامت وقفت مزعوجة و بدا تطلع، مسك حسام ايدا و رجع قعدا بقوة

حسام:خلص خليكي قاعدة و ما تنزعجي، انت ما بتعرفي حيل الشباب و وساختن و خاصة وقت يعرفو يلي قدامن وحدة مطلقة بفكرو لقمة سهلة، انا رح ربيه لهل الحيوان يلي هنيك

قعدت ريتا قالبة وجهها و مقهورة و صافي معكر مزاجو من وجود حسام، بعد ما خلص صافي عزفو، اشرلو حسام بأيدو ليجي لعندو، اجا صافي متلبك، قعد حسام يزقفلو و عم يبتسم

حسام:مشالله عليك عزف بجنن كنت حابب صفقلك عالواقف بس لا تواخذني ما قادر قوم وقف؛ معي شلل نصفي

اطلع صافي بريتا متوتر و ريتا عم تزورو
صافي:اهلا و سهلا فيكن

حسام:و شكرا الك على عزيمتك لمرتي؛ اجت بمحلا النا زمان ما طلعنا و غيرنا جو و تعشينا بهيك محل رومانسي

مسكت جزدانا ريتا و طلعت فورا

حسام:عيب عليك هالحركات ما بقا تعيدا حتى ما قول لصاحب المطعم و اقطع برزقك

نزل راسو صافي

صافي:بامرك لا تواخذنا

طلع حسام وراها لريتا، اطلع شمال و يمين ما شافا، اتصل فيا ما ردت عليه، ركب بسيارتو و مشي هو و عم يدور عليا، حتى شافا، صار يزمرلا بس ما التفتت عليه، صف السيارة و لحقا مشي

حسام:ريتا... ريتا..

وصل لعندا هو و عم يلهت

حسام:شبك عم ناديلك ما سامعتيني

ريتا:كلو منك.. انت السبب بكل شي.. انا لو ما شفتك بحياتي انا كنت مرتاحة هلأ، ما كنت انرفضت لانو بس مطلقة و ما كانو بعدوني بشغلي و ما كنت قابلت هيك ناس بحياتي و جيت هلأ حسستني اني مغفلة و بينضحك علي فورا و صغرتني ، و شو بدك فيني حتى لو كان عم يضحك علي؛ بس انت لا بدك ترجعني و لا بدك تبعدني عنك

نزل راسو محروج بدون ما يرد عليا بكلمة

ريتا:انا بكرهك كتير و بتمنى ما شوف وجهك ابدا

تركتو و مشيت و هي عم تبكي و هو بعدو واقف متدايق من حالو لانو كل هالحكي يلي حكتو ريتا كانت مزبوط، يمكن هلأ ريتا كانت متزوجة و عندا اولاد و مبسوطة بحياتا لو ما حسام طلع بحياتا و ظلما بس هلأ عم يحاول يصلح كل شي بس بكل مرة عم يخبص اكتر و يزيد من حقد ريتا عليه؛ رجعت ريتا عالبيت و بعد ما راقت شوي، اتصلت فيه ليرجعلا كرم

حسام:اذا بدك خليه ينام عندي الليلة

ريتا:لا جيبو ما فيني نام من دونو

حسام:طيب

دق الباب هو و محروج و خجلان، اعطاها كرم من دون ما يحكي كلمة و رجع على بيتو، هديك الليلة ما نامت ريتا من قهرا من لعبة صافي الوسخة و تصرف حسام ، و بنفس الليلة حط محمد المفتاح بالباب و دورو و فات على مهلو، سمعت ريتا صوت حدا فتح الباب،

قامت مقطوع قلبا و عم ترجف
ريتا:مين فيه هون... (تبلع ريقا)
اول ما سمع محمد صوتا و عرفا فايقة، دخل على غرفة القعدة فورا و تخبى ورا البرداية، مسكت ريتا موبايلا و شغلت ضو غرفة النوم و طلعت هي و مرعوبة باتجاه باب البيت، القت نظرة على غرفة القعدة ما شافت حدا، تابعت للباب و شافتو مسكر؛ حطت ايدا عالمقبض و فتحتو، انفتح معا

ريتا:ولله بتذكر قفلتو.... ولله ما ضل عقل براسي..
قامت المفتاح من العليقة و رجعت قفلتو و فاتت على غرفة النوم، طفت الضو و رجعت على تختا، بقي محمد واقف ورا البرداية نص ساعة حتى سمع صوت ابنا فاق و عم يبكي، استغل الفرصة فتح الباب و نزل فورا و قفلو وراه
.... بقي محمد اسبوعين ما فات على شقة ريتا يلي كانت تاخد كرم من ابوه و تسكر الباب فورا من غير ما تحكي معو كلمة و هالشي زعجو كتير لحسام و حس انو لازم ياخد خطوة جدية باتجاهها بس لازم يتاكد بالاول من مشاعر ريتا اتجاهو، اتصل بفاديا فورا و هي ملجئو الوحيد

حسام:انا بدي رجع مرتي

فاديا:عنجد احلى خبر بسمعو بحياتي

حسام:بس طبعا ما رح احكي معا لانو بخاف ترفضني و خاصة بالفترة الاخيرة صاير فيه مشاكل بيناتنا لهيك بدي تجسيلي نبضا اذا فيه قبول من جهتا او لا و وقتا انا بخطي هالخطوة عالمضمون

فاديا:ايه يلا فورا

حسام:ما بدي اياها تعرف انو انا باعتك اوك

فاديا:ايه خلص ما تاكل هم

اتصلت فاديا بريتا فورا

فاديا:كيفو كرومة ولله اشتقتلو كتير عم نام و احلم فيه

ريتا:لحمدلله تمام

فاديا:و كيفو ابو كرم من جنبك

ريتا:لحمدلله

فاديا:انا حاسة انشالله انو رح نسمع اخبار حلوة عن قريب

ريتا:اخبار بخصوص شو؟

فاديا:انت و حسام

ريتا:لا ابدا، ما فيه هيك شي

فاديا:انا بعرف انو حسام دايقك كتير بس هلأ هو تركا للروسية عالاخير و حظرا من كل وسائل التواصل الاجتماعي، برايك ليش عمل هيك؟

ريتا:صراحة انا ما بهمني اعرف، حسام هو ابو ابني و بس

فاديا:لهلأ حاملة عليه؟

ريتا:لا ابدا بس اناما بحس اي شي اتجاهو

كانت ريتا بتتمنى يتغير حسام و يرجعا بس كبريائها و كرامتا منعتا تقول هالحكي لفاديا و تظاهرت انو ما بهما امرو ابدا، اتصلت فاديا متدايقة و اتصلت بحسام

حسام:شو طلع معك؟

فاديا:ولله ما عارفة شو بدي قلك، قال انت ابو ابنا و بس و ما بتحس اتجاهك اي مشاعر

حسام:هيك حكت

فاديا:بالحرف الواحد

حسام:طيب ماشي بالناقص سلام

انزعج حسام كتير من كلام ريتا و بلش يتخبط بحالو، تاني يوم اتصل فيا

حسام:مري خدي كرم من الحضانة، انا ما رح اقدر مر اخدو لانو جاية ساشا

ريتا:طيب ماشي

حسام:و يمكن هالاسبوع كلو كمان ما اقدر مر

ريتا:متل ما بدك سلام

ريتا:قال نهى علاقتو فيا... كذاب

سكر حسام هو و عم يهز برجلو

حسام:ليش قلتلا اسبوع... اسبوع كتير كيف بدي اتحملو من غير ما شوف كرم بس معلش خليا تنقهر شوي

بعد يومين ما شاف اي ردة فعل منها.، ليستفزا اكتر، مر عليا الساعة ٨ المسا، دق الباب هو و متانق

حسام:بدي كرم بدي عرفو على ساشا

ريتا:ولله! عنجد!

انصدمت ريتا من وقاحة حسام

حسام:٥ دقايق بس و برجعلك اياه

ريتا:ما بقدر اعطيك اياه، بدي عشيه و نيمو هلأ؛ بلكي لغير مرة انشالله يلا تصبح على خير

سكرت الباب و فاتت لجوا متدايقة و هو بقي واقف برا ما قادر يفسر ردة الفعل الباردة هي عنجد ما هما انو هو مع ساشا او هي عم تتظاهر انو ما هما الموضوع، رجع حسام محبط على بيتو و قرر يغير كل اسلوبو معا ؛ بنفس الليلة فتح محمد باب شقتا و فات، كانت ريتا فايقة و عم ترضع ابنا، سمعت نفس الصوت يلي سمعتو هديك الليلة و رجعت ارتعبت و حطت احتمال انو عم يتهيألا متل هديك المرة بس هالمرة هي متأكدة انو مقفلة الباب، اول ما سمع صوت حركتا محمد تخبا فورا هو و خايف، راحت عالباب، فتحتو و انفتح معا، رجعت سكرتو

ريتا:هادا شغلك يا حسام

هي و واقفة بمحلا اتصلت فيه، رد عليا هو و نص نايم

حسام:ايه؟

ريتا:شو هالحركات يلي بلاطعمة

حسام:يعني هلأ خطر على بالك نحكي بهالوقت

ريتا:ليك حسام ولله العظيم اذا بتحاول ترجع تعيد هالحركة معي لفرجيك

حسام:غرتي يعني؟

ريتا:من شو بدي غار؟

حسام:غرتي علي من ساشا

ريتا:حسام انا عم بحكي على يلي عم تحاول تعملو معي هديك الليلة و هاي الليلة
جلس ضهرو و هو عم يفرك عيونو
حسام:شو عم حاول اعمل

ريتا:انو بدك تخوفني مثلا و تخليني خاف نام لحالي

حسام:لحظة ما فهمان عن شو عم تحكي انت

ريتا:لا فهمان منيح، عم تجي تفتح الباب و تروح

حسام:باب شو؟

ريتا:باب بيتي

حسام:انا.. من وين ليكون معي مفاتيح بيتك

ريتا:...

حسام:احكي شو عم يصير معك

ريتا:ما انت يلي جيت هلا و فتحت الباب و رجعت سكرتو

حسام:وحدي الله انا من ساعتين بتختي، ما تحركت

صار قلبا لريتا يدق بسرعة و هي عم تتلفت حوليا

ريتا:لكن مين بدو يكون

حسام: خلص ليكني جاي لافهم منك كل القصة، قفلي الباب عليكي منيح و بس اجي انا ما تفتحيلي قبل ما تتاكدي اني انا

ريتا:طيب ناطرتك

نزل حسام ببجامتو فورا و طلع بسيارتو اما محمد كان بعدو واقف ورا البرداية و متوتر و زاد توترَو اكتر بعد اتصال ريتا و ما كان قدامو غير حل واحد و هو لازم يطلع من البيت فورا قبل ما يصل الشخص يلي اتصلت فيه ريتا و ينكشف امرو و تنكشف هويتو، فاتت ريتا على غرفة النوم لتحط كرم عالتخت، طلع محمد من ورا البرداية و ركض ليطلع من البيت بس خبط بالطاولة و وقعت على الارض و طلع صوت قوي، سمعتو ريتا و ركضت ورا المصدر و لمحت ضهر محمد و هو عم يطلع من الشقة، صرخت صوت قوي و بقي محمد نازل ركض من البناية، كان حسام عم يصف سيارتو و نازل منا وقت شاف واحد طالع من البناية عم يتلفت وراه و عم يركض، صرخ حسام صوت

حسام:يا ابن الكلب

لحقو فورا، ما قدر محمد يطلع بسيارتو، اضطر يتابع ركض و حسام عم يركض وراه، دخل بشارع فرعي و. هو مقطوع نفسو ،دخل وراه حسام و هو عم يسبو،طلع محمد من الشارع و تخبى ورا حاوية الزبالة، طلع حسام التفت شمال و يمين ما لقى حدا

حسام:يا ابن.. ولله لاكمشك و.... ابن ستمية كلبة

رجع حسام لعند ريتا، كانت ريتا مقفلة الباب و قاعدة بغرفة النوم و عم تبكي، دق حسام الباب عليا هو و عم يلقط نفسو، قربت عالباب هي و عم ترجف و تلقط نفسا، اطلعت بالعين شافتو واقف ورا الباب، فتحت الباب بعصبية، اجا ليفوت دفشتو لورا

ريتا:انت يلي كنت هون

حسام:ولله العظيم ما انا

فاتت لجوا على غرفة القعدة و قعدت على الكنباية ، لحقا و قعد قبالا

حسام:شفتو هو و نازل من البناية و لحقتو بس ما قدرت اكمشو

ريتا:مين بدو يكون غيرك انت، انا ما بعرف حدا هون غيرك

حسام:ليش ما يمكن يكون باسل مثلا او ابن الجيران يلي رحتي معو عالحفلة

ريتا:باسل ما عندو هيك حركات و اصلا ما كان هرب و بعدين هيدا بطولك ما بطول صافي

حسام:شفتيه يعني؟

ريتا:ايه شفت ضهرو بس ما قدرت اعرف مين بكون

حسام:يعني فكري منيح مين بدو يكون معو نسخة عن مفتاح البيت غير يلي اجرك اياه، مين اجرك البيت؟

ريتا:انا اخدتو عن طريق اخوه لباسل بس صاحب البيت انا شفتو مرة قصير كتير و ناصح غير هيدا

حسام:يعني ما ضل مشتبه غير محمد

ريتا:محمد؟... مستحيل هو موظف معي بالشركة و الشخص محترم كتير معي و مع باقي الموظفين

حسام:طيب على كل حال انت ما بقا الك نومة هون، قومي تعي عندي

ريتا: يالله شو عم تحكي انت.. مستحيل طبعا... خلص رح صير قفل الباب و حط المفتاح بقلب الباب و هيك ما بقدر يفتحو

حسام:هيدا ما حل، رح نام عندك الليلة و انا بكرا بدورلك على شقة جديدة َ بتطلعي من هون

ريتا:على اساس عندي ثقة كتير فيك؛ ليش ما تكون انت عامل كل هالتمثيلية علي

حسام:انت اتصلتي فيني و حكيتي معي، لو انا هو ما كنت رح رد عليكي لاني انا بقلب بيتك و رح ينسمع صوتي

ريتا:صح

حسام:شو الحل لكن، خلينا نبلغ الشرطة ممكن يعرفوه

ريتا:لا ما بدي شرطة و تحقيق و بخاف يصل الخبر لامي، و انت ما تخبر حدا من اخواتك، لحمدلله مرت على خير ، و ما بظن يرجع لهون لانو خاف كتير هلآ

حسام: الله اعلم بس بكل الاحوال مناخد احتياطا و ما منترك القصة عالصدف

انتهت الليلة حسام نايم بغرفة القعدة و ريتا بغرفة النوم؛ بس بقيو الاتنين قلقانين و ما قادرين ينامو ريتا خايفة و حسام عم يفكر بهوية الشخص و غايتو ، تاني يوم الصبح عمل حسام قهوة و قعد بغرفة القعدة يفكر بحل، تمنى لو كان عندو الجرأة ليقلا انو خلص خلينا نرجع لبعض و هيك هو بيرتاح راسو و هي بتحس بالامان بس خوفو من رفض ريتا مانعو ، فاقت ريتا غسلت وجهها و فاتت لعندو

حسام:جيبي فنجان الك، فيه قهوة

قعدو الاتنين سوا

حسام:شو قررتي؟

ريتا:ما بعرف بس عالاغلب رح انقل من هالشقة

حسام :احسن شي بتعمليه، انا اليوم بد...

ريتا:ما بدي شي منك

طفى السيجارة بعصبية بالمكتة

حسام:طيب... ماشي... متل ما بدك

نزلو الاتنين سوا و راح كل واحد على شغلو، فاتت ريتا لعند محمد و خبرتو القصة

محمد:العمى بقلبو مين هادا ابن الحرام

ريتا:ما شفناه منيح بس انا عم قلك كرمال بدي غير الشقة و ما بدي اقعد فيا

محمد:اكيد اكيد لازم تعملي هيك بس لازم نبلغ الشرطة كمان

ريتا:لا ما فيه داعي

محمد:هلأ طليقك مبارح لحقو لكن

ريتا:ايه لحقو بس ما قدر يلقطو

محمد:ايه و بعدين كيف قدرتي تكملي الليلة

ريتا:نام عندي حسام بس بغرفة القعدة

محمد:امم يلا للضرورة احكام بس ما حلوة يعني انتو مطلقين قدام الناس انا كرمالك يعني

ريتا:بعرف هي هالليلة بس و لو ما هيك الوضع مستحيل كنت اقبل ينام عندي او حتى يفوت بيتي

محمد:ايه افضل كرمالك خلص انا اليوم بلاقيلك شقة كويسة و مرتبة و تكون امنة كمان و الها كاميرات كمان حتى تعرفي مين عم يفوت و مين عم يطلع

ريتا:ايه يكون احسن

دور محمد على شقة تانية بس هالمرة بدو يكون حذر كتير و خاصة انو عرف انو فيه حدا بضهرا لريتا بس مطمن انو حسام ما رح يعدي اكتر من عتبة الشقة، حط كاميرا لاسلكية بغرفة النوم بزاوية مخفية بالديكور و صار بيقدر يشوف

ريتا من خلال موبايلو و بعدين اتصل فيا و نطرا على باب البناية ليسلما مفتاح الشقة الجديدة

محمد:هون امان باذن الله. و اذا سمعتي او حسيتى على اي شي ما مزبوط، حكيني فورا لاتصرف

ريتا:ماشي عذبتك معي
هي و عم ضب اغراضا بالشقة القديمة، اتصل فيا حسام

حسام:يعني اخدتي الشقة الجديدة عن طريقو كمان

ريتا:ايه

حسام:انا هالرجال ما مرتحلو ابدا

ريتا:قلي خلينا نبلغ الشرطة بس انا ما قبلت، لو هو ما بيحكي هيك و بكل هالثقة

حسام:طيب يلا انا شوي و بكون عندك و بوصلك عالشقة الجديدة

ريتا:لا انا بروح لحالي

حسام:ما طلعيني من تيابي ، تخليني كفر هلأ، قلتلك انا بجي باخدك ما بدي اجي شوفا للشقة انا بالاول و اعرف عنوانا

ريتا:انت ما دخلك فيني

حسام:انت بس بدك تجاكري و تعاندي لو عن غباء بدك تعاندي.. رح وصل لعندك باي

نزلت هي و كرم من البنابة، راح لعندا اخد الشنتة بعصبية و زتا بالباكاج

حسام:وين قلك العنوان؟

ريتا:لحظة كتبتو على ورقة حتى ما انساه

اعطتو الورقة ومشي، فتحت ريتا الباب و فاتت، اجا حسام ليفوت وراها

ريتا:لوين؟

حسام:لجوا

ريتا:خلص هاي وصلتني و عرفت عنوان الشقة، بكفي لهون

حسام:طيب متل ما بدك

رجع حسام لبيتو بس بقي عقلو مشغول، اتصل بصديقو لؤي

حسام:ليك لؤي بدي اعطيك اسم حدا و بدي تعرفلي كيف ممشاه و سمعتو، انت ابن العاصمة و بتعرف اكتر مني

لؤي:ايه تكرم عينك اذا قدرت ما بقصر

اعطاه اسم محمد الكامل مع اسم مهنتو و شركتو

لؤي:من وين بتعرفو لهل الشخص انت؟

حسام:انت بتعرفو؟

لؤي:تقريبا

حسام:و انا بعرفو معرفة بعيدة و فيه قريب الي بدو يبلش شغل جديد معو بس قلت اطمن مع مين بدو يشتغل بالاول، هات قلي

لؤي: اسمع هو بالشغل و بالسوق صيتو كويس بس الو حركات ما نظيفة

حسام:كيف يعني اشرح اشرح بالتفصيل

لؤي:ليك امانة ما تجيب سيرة لحدا انك عرفت عن طريقي و انا كمان صراحة ما شفت شي بعيني بس فيه شخص بيعرف بقصصو

حسام:احكي بسرعة نشفت الدم بعروقي

لؤي:هادا يا سيدي وسخ كتير و شغل نسوان

حسام:الله لا يوفقو ابن الحرام

لؤي:عاملك شي يعني

حسام:لالا

لؤي:بس يعني كل قصصو عالمخفي

حسام:طيب ماشي برجع بحكيك تسلم عالخدمة سلام

اتصل حسام بريتا، ما ردت كانت عم تتحمم، نزل من البيت فورا و صار يرن على الجرس و يخبط على الباب، طلعت من الحمام هي و عم تلف شعرا بالمنشفة؛ اطلعت بالعين و شافت حسام

ريتا:شو بدو هيدا هلأ

فتحت الباب شوي و مدت راسا
ريتا:ايه حسام

حسام:بدي احكي معك كلمتين

ريتا:احكين هون

حسام:لا جوا

ريتا:طيب ثواني بس لفوت البس تيابي

حسام:طيب، ناطرك

فاتت على غرفة النوم لبست تيابا و طلعت فتحتلو الباب

ريتا:تفضل

فات هو و متوتر

حسام:ضبي اغراضك فورا

ريتا:ليش؟

حسام:لانو هيدا محمد طلع واحد وسخ ومعروف بقصص النسوان

ريتا:و هلأ انا لازم صدقك فورا

حسام:بعرف ما رح تصدقي الا لتشوفي بعيونك، انا رح قلك شو تعملي لتتأكدي هلأ كيف انو محمد هو الشخص نفسو

ريتا:شو لازم اعمل بقا؟

بعد ما خبرا بالضبط شو تعمل، قامت وقفت معصبة

ريتا:و اذا طلع ما هو، بدك ياخد فكرة عني بشعة، كيف بصححلو صورتي بنظرو.. بقلو كنت عم اتأكد اذا انت او لأ

حسام:اسمعي ريتا اذا ما رح تعملي يلي قلتلك عليه انا رح امشي هلأ و شو ما بصير معك من بعد هاللحظة ما بدقيلي ابدا لانو ما رح اجي و رح اتركك لحالك

وقفت ريتا محتارة

ريتا:طيب
اتصلت ريتا بمحمد عالساعة ١٠ بالليل

ريتا:مسالخير

محمد:مسالنور

ريتا:ما كون فيقتك بس

محمد:لا ابدا تفضلي

ريتا:فيني شوفك هلأ بدي احكي معك

محمد:صاير معك شي

ريتا:لا ابدا.. اذا ما خرج خلص انسى

محمد:لا لا عادي، وين منلتقي؟

ريتا:عندي بالشقة اذا ما فيه مشكلة

محمد:طيب ماشي مسافة الطريق

بعد نص ساعة وصل محمد، فات حسام على غرفة النوم بس بقي كل سمعو و تركيزو بالحديث برا، طلعت ريتا فتحتلو الباب مبتسمة

ريتا:اهلا و سهلا تفضل

فات محمد مبتسم، قعد مرتاح

ريتا:انا فكرت طليقي الكريه هو يلي كان عندي هديك الليلة و عم يحاول يدب الرعب بقلبي لانو بدو اياني ارجعلو و انا ما بدي و هو اصلا الو فترة عم يلاحقني و انا عم اهرب منو بس وقت جيت اليوم لعندك عالمكتب و شميت ريحة عطرك، عرفت فورا انك انت..

محمد:انا؟

ريتا:انا ما عندي مشكلة بانك تكون انت، بالعكس انا ارتحت كتير و انبسطت اصلا؛ ما كنت بعرف انو وحدة متلي بتعجبك فكرت ذوقك صعب

محمد:انت بتعجبي اي حدا بس ما انا يلي فتت لعندك

ريتا:طيب ماشي انا بعتذر لكن

قامت وقفت

ريتا:لا تواخذني لكن جبتك فجأة و على عجل

شافا انقلبت فورا و تغيرت

محمد:شبك اتدايقتي... عم نحكي لسا
. ريتا:انا فهمت الموضوع غلط فورا، فكرتك معجب فيني

محمد:انا معجب فيكي
ريتا:لكن ليش عم تلف و دور علي.. انا بكره تصرفات الاولاد الصغار، و انت يلي عملتو تصرف مولدن، كان فيك تجي و بشكل مباشر تقلي انك عاجبتيني

اخد حسام موبايلو لمحمد يلي فيه الفيديو و حطو بجيبتو و بعدين نزلو هو و لؤي و زتوه بالسيارة من ورا و ريتا قعدت جنبو تطلع فيه و تبكي، وصلو على اقرب مشفى، نزلو من السيارة و حطوه على الباب و رجعو بسرعة طلعو بالسيارة و تابعو لبيت حسام، فاتت ريتا عالحمام تستفرغ و لحقا حسام بس كانت مقفلة الباب، رجع لعند لؤي على غرفة القعدة

حسام:معقول يموت هادا

لؤي:خسر دم كتير بس انشالله بعيش

حسام:كيف بدنا نعرف؟

لؤي:اذا مات رح. نعرف بسرعة بس اذا عاش مين رح يقول هيك عمل فيه.. بدو يسترجي يحكي

حسام:ما اظن يفضح حالو

لؤي:بس هو ابن حرام كبير؛ بتخاف يلفق التهمة فيا و يطلع هو المسكين و البريئ

حسام:عم تقول ريتا بعتلا فيديو مصورا فيه؛ يعني معنا اثبات قوي ضدو

طلعت ريتا من الحمام هي و عم تسند عالحيط

حسام:كيف صرتي؟

قعدت عالكنبابة و هي حاطة ايديا على راسا

ريتا:منيحة

حسام:الفيديو معك يلي حكيتي عليه

ريتا:ايه هو على موبايلي

حسام:هاتي فرجيني اياه

اطلعت فيه و زورتو

ريتا:اكيد ما رح فرجيك اياه

حسام:طيب ماشي بس خليكي محتفظة فيه، بجوز يلزم

ريتا:ليش بدو يلزم؟

لؤي:اذا قدم فيكي بلاغ انك انت يلي عاملة فيه هيك، بتقدميلن الفيديو للامن الجنائي و بتقليلن انو كان عم يبتزك

ريتا(تبكي) :يعني لسا فيه امن جنائي و بجوز يجو ياخدوني بآي لحظة

حسام:لانو كلو منك.. بضلي تتصرفي على كيفك انا من الاول قلتلك هالشخص ما ارتحتلو و بلا ما تروحي على الشقة يلي استاجرلك اياها بس انت عندتي.. لا محمد شخص محترم و اكابر.. شفتي هلأ المحترم شو عامل طلع حاططلك كاميرا و عم يراقب كل تصرفاتك بالبيت، انشالله يكون هالفيديو بس يلي معو.. ما يكون كمان مصورك انت و عم تتحممي

صارت تبكي بصوت عالي، اطلع لؤي بحسام

لؤي:خلص بقا... زودتا... ما بصير هيك... شو عرفا البنت بحيل الرجال يلي متل شاكلتو لهل الحشرة

خبط حسام الكرسي برجلو

حسام:اوف اوف عهالمصيبة هلأ

قامت وقفت ريتا

ريتا:خلص انا بدي روح هلأ و اعترف للشرطة شو عملت و ارتاح

بلع ضحكتو لؤي على طيبة قلبا لريتا و عصب حسام اكتر

حسام:يالله ما اغباكي

قرب لعندا بعصبية و حط اصبعو على راسا

حسام:هيدا ما بتشغليه.. عاطتيه اجازة

ريتا(تصرخ) :شو بعمل لكن

لؤي:خلص اقعدي و ارتاحي هلأ، ما فيكي تعملي شي غير انو ننطر و نشوف شو بدو يصير

حسام:وينو كرم؟

ريتا:تركتو عند ام حسن

حسام:هلا بجيبو... لؤي انت ما بدك تنظف سيارتك من اثر الدم

لؤي:اي ولله.. انا راح من بالي الموضوع

حسام:معناها منجيب كرم و مننزل سوا منظفا

بعد ما خلصو الاتنين تنظيف السيارة

لؤي:بكرا الصبح اتصل بالمشفى و اسال عن حالتو بقسم الاستعلامات و وقتا منعرف عالاكيد اذا عايش او ميت

حسام:انا كنت رح اعمل هيك

طلع لؤي بالسيارة

لؤي:شو ما رايح معي؟

حسام:لا بدي نام ببيتي اليوم.. ما رح اترك ريتا لحالا بهالحالة

لؤي:ايه الله يسمعنا الاخبار الطيبة

حسام:روح انقلع من هون لا اخبار و لاشي؛ بضل ام ابني

لؤي:ايون ههههه

حسام:روح رجع سوزي انت بالاول

لؤي:ولله هي ما قبلانة، شكلي بدي اعمل متل ما قلتلك.. يلا سلام

طلع حسام على بيتو؛ كان كرم نايم و ريتا بعدا فايقة و قاعدة بغرفة القعدة عم تبكي

حسام: قومي نامي جنب كرم و انا رح نام هون و لبكرا الصبح منشوف شو صار

ريتا:خلص بنام لحالي هون ما فيه مشكلة

حسام:انت ما بقا تحكي ولا كلمة بقا؛ اعملي يلي عم قلك عليه َو بس

بقيت طول الليل ريتا عم تبكي و تتذكر شكل محمد مرمي عالارض و عم تتخيل شو ممكن يصير فيا اذا مات محمد و هي اتهمت بجريمة قتل و انحبست او انحكمت اعدام، افكار سوداوية كتير خطرت على بالا بهديك الليلة بس وجود حسام جنبا ريحا شوي و خاصة انو ما تركا طول الليل و بقي فايق و عم يطمنا انو القصة رح تعدي على خير، تاني يوم الصبح عالساعة ٧ و نص، اتصل حسام بالمشفى و سأل موظفة الاستعلامات عنو

بعد اسبوع اتصلت ريتا ب لؤي و خبرتو انو موافقة رغم انو كانت من جوا ما مرتاحة او سعيدة لهل القرار بس كانت عم تجبر حالا انو تكمل حياتا و تسترد جزء من كرامتا بعد ما سمعت بنية زواج حسام من الروسية، تم زواج لؤي و ريتا بسرعة البرق حتى بدون ما يعرف اي حدا او يصل الخبر لاهل حسام او حتى ريتا تعرف لؤي منيح ، و رجعت سافرت مع لؤي بنية طيبة بتأسيس بيت و عيلة و استقرار و امان ، كانت الامور ماشية بيناتن مقبولة نوعا ما بيتخللا شعور ريتا بالاكتئاب و الاهمال من قبل لؤي يلي كان معتبر ريتا زوجة بالفراش فقط و حتى هي ما حست بأي مشاعر حب اتجاهو و حست هالشعور متبادل بيناتن حتى هداك اليوم....

كان حسام عم يتصل ب لؤي كتير يلي كان عم يتهرب منو و يتجاهلو باخر فترة و شعر بهالشي حسام بدون معرفة السبب و قرر يعملو زيارة مفاجئة لبيتو و وقت دق الباب عليه، ركضت ريتا لتفتح الباب ظن منا انو لؤي، و اول ما فتحت الباب شافت حسام بوجهها

حسام:ريتا... شو عم تعملي هون؟

انصدمت ريتا و انحرجت؛ نزلت راسا خجلانة كانو عاملة ذنب كبير

حسام:عم اسالك شو عم تعملي ببيت لؤي؟

ريتا:انا و لؤي تزوجنا من اسبوعين

حسام:ها... ها.. تزوجتو.... تزوجتو... هيك بهالبساطة عم تقوليا

ريتا:ايه من حقي اتزوج متل ما انت تزوجت

حسام:مين قلك اني تزوجت

ريتا:انا ما عملت شي غلط

حسام:انت بتعرفي ليش لؤي تزوجك يا غبية

ريتا:لانو بحبني

حسام:لا لؤي ما بحبك.. حسام بحب طليقتو و ميت ليرجعا بس هي ما عم تقبل فيه و هلأ تزوجك ليغيظا؛ شافك طيبة و على قد عقلاتك فقرر يستغلك

ريتا:انت كذاب

حسام:انا ما ككذاب، قلي من شهر انو مفكر يتزوج ليغيظ طليقتو بس ما توقعت انك انت تكون الطعم و الضحية و هلأ اول ما ترجعلو رح يطلقك فورا و يرميكي

ريتا(تبكي) :كل هالحكي كذب منك..

حطت ايديا على صدرو و صارت تدفشو لورا

ريتا:روح انقلع من هون.. ما بدي شوفك.. انت بس حطك لتجرحني و تعذبني بكلامك و كانو انا ما عندي احساس

حسام:طيب انا بعرف انك انت ما الك ذنب انا حسابي مع هداك الواطي

نزل حسام من البناية عم يرجف و يتصل ب لؤي، كان لؤي ماشي باتجاه البناية و اول ما شاف حسام واقف و ماسك موبايلو، تخبى فورا بين السيارات، رن موبايلو و حطو صامت فورا، نطرو حتى طلع بسيارتو و راح حتى طلع على بيتو، فات و شاف ريتا عم تبكي

لؤي:شوفيه شو صاير

ريتا:انت ليش تزوجتني؟

عرف لؤي انو حسام مخبرا كل شي لريتا؛ تململ و هو عم يحاول يلفق حكي

لؤي:انااا اناا تزوجتك لانو شفتك و عجبتيني

ريتا:ما تكذب علي.. صارحني عادي.. قلي تزوجتني كرمال تقهر مرتك الاولى و ترجعا؛؛؛ حتى لو حكيت هيك انا ما رح اطلق منك

قعد لؤي و هو عم يتنهد

لؤي:يعني حسام خبرك كل شي

ريتا:و كلامو مزبوط صح؟

نزل راسو و سكت هو و خجلان

ريتا:و انا لسا عم اسالك.. مبين الجواب من ملامح وجهك و من طريقة معاملتك معي انا كنت حاسة ولله بس... قلت... خلص معلش اسكتي يا بنت.. ما حلوة تطلقي مرة تانية... يعني انا ما بنحب ابدا

قامت و فاتت فورا على غرفة النوم و سكرت الباب وراها بعصبية و قعدت عالارض تبكي؛ رن موبايلو ل لؤي بس هالمرة كان المتصل طليقتو سوزي

لؤي:الو

سوزي:تزوجت؟

لؤي:ايه

سوزي:ايمت؟

لؤي:من اسبوعين

سوزي:و ما لقيت غير طليقة رفيقك لتتزوجا

لؤي:حسام خبرك فورا

سوزي:مبسوط انت؟

لؤي:انت انشالله تكوني مبسوطة هلأ؟

سوزي:انا ما قلتلك روح تزوج

لؤي:انت ما قبلتي ترجعيلي و مكبرة راسك و ماشية ورا كلام اهلك و ما رح اقعد انطرك العمر كلو

سوزي:اذا رجعتلك هلأ بطلقا

سكت لؤي و عم يأنبو ضميرو

سوزي:شو سكتت... حبيتا

لؤي:لا ما قصة حبيتا بس بدي شوية وقت

سوزي:اديش يعني؟

لؤي:اسبوعين بس

سوزي:كتير اسبوعين

لؤي:ما الي شي متزوج؛ بدي مهدلا للبنت شوي

سوزي:طيب رح انطر اسبوعين بس ما اكتر و لؤي انت بغرفة و هي بغرفة ماشي

لؤي:طيب

اطلعت سوزي بحسام يلي كان قاعد عندا و هزتلو براسا انو مشي الحال؛ سكر لؤي الخط و قام ليفوت عند ريتا بس كانت مقفلة الباب عليا، وقف ورا الباب

لؤي:ريتا انا بعتذر كتير.. انا واحد ندل و حقير كتير لاني فكرت استغل وحدة طيبة متلك، انا الحق علي

فتحت الباب بدون ما تطلع فيه و مرت من جنبو
ريتا:رح حضر الغدا

فاتت عالمطبخ هي و عم تمسح دموعا، قعدو تغدو الاتنين سوا هن و ساكتين بدون ما اي حدا منن يفتح حديث او يحكي بالشي يلي صار؛؛ بقيو عهالحالة اسبوعين كل واحد منن ينام بغرفة و ما يحكو مع بعضن ابدا و لؤي اخد اجازة اسبوعين من شغلو حتى ما يلتقي بحسام و يعلق معو، و حتى وقت كان حسام يجي لعندو و يخبط عالباب ما يفتحلو؛ بالاسبوع التالت بادر لؤي بالحديث

لؤي:انا ما عارف كيف بدي احكي معك و افتح معك هالموضوع لانو خجلان منك

ريتا:بدك ترجع مرتك؟

لؤي:ايه.. انا بتمنى منك تسامحيني لانو غلطت بحقك كتير و...
ريتا:خلص ما تكمل.. لو بتحكي من هون لتاني يوم ما فيك تخليني سامحك او بررلك الشي يلي عملتو انت جرحتني و اكيد جرحت مرتك الاولى لانو ما هيك بتتصلح الامور؛ رح ضب اغراضي هلأ و ايمت ما بدك منتطلق

قامت و فاتت على غرفتا ضب اغراضا، لحقا لؤي و وقف عالباب و هو عم يشوفا كيف عم تلم اغراضا من البيت، حس غصة بقلبو اتجاه ريتا و ما كان مخطط انو الامور بيناتن تخلص بهالطريقة و ريتا ما مسامحتو و حاقدة عليه؛تاني يوم كان من المتفق عليه انو لؤي و ريتا يتطلقو بس لؤي ما اجا عالبيت للساعة ١١ بالليل؛ كانت ريتا نايمة بغرفة النوم و جنبا كرم؛ قرب لعندا و حط ايدو على شعرا و هو عم يتأمل ملامح وجهها و جسما، ما كان واثق من حالو انو هو قادر يخطي هالخطوة و ما يبقى يشوفا بحياتو ابدا؛ يفيق الصبح و ما يتصبح بوجهها او يرجع من شغلو و ما يشوفا ناطرتو، و خاصة انو خلال هالاسبوعين يلي عاشن معا كانت مثال للزوجة المثالية مسالمة و مسايرة و مرحة ؛ فاقت من النوم و جلست قعدتا

ريتا:تأخرت اليوم... نسيت شو اتفقنا

لؤي:لا ما نسيت بس انا ما فاضي هاليومين؛ عم اطلع على المشروع باطراف العاصمة من الصبح بكير

ريتا:طيب؛ بدك حطلك اكل؟

لؤي:لا باكل لحالي، رجعي كملي نومتك

رن موبايلو ل لؤي للمرة العاشرة، كانت سوزي عم تتصل فيه من الصبح و هو عم يتهرب من انو يرد عليا

لؤي:ايه

سوزي:وينك من الصبح بتصل فيك ما بترد علي

لؤي:مشغول بالشغل

سوزي:شو صار معك؟

لؤي:بشو؟

سوزي:بشو؟ نسيت.. ما على اساس اطلقا و تجي ترجعني

لؤي:قلتلك بدي شوية وقت

سوزي:خلصت المهلة يلي عاطيتك اياها، هاي رح نفوت بالاسبوع التالت و انا حاسستك عم تمطمط بالقصة

لؤي:اذا بدك بكرا و بجي برجعك

سوزي:ها بدك انزل على ضرة يعني

لؤي:شوفيا الله محللنا نتزوج اربعة

سوزي:لا ما انا يلي بقبل بهالشي، لؤي معك هالاسبوع بس يا بطلقا و بتردني يا اما انسى الموضوع كلو

لؤي:عم تضغطي علي يعني

سوزي:لا بس انا شايفتك متمسك فيا و حاببا؛ بدك تخسرني عالاخر متل ما خسرت رفيقك كرمالا

لؤي(بتوتر) :طيب طيب

فاتت ريتا هو و عم يحكي مع سوزي، نهى المكالمة معا فورا، اتصلت سوزي بحسام فورا

سوزي:رد بس حاسستو عم يمطمط بالقصة كان من قبل متحمس يطلق و يرجعني، هلأ حاسستو مبرد قلبو كتير

حسام:شو يعني... قلك ما بدو يطلق

سوزي:ما حكى هيك

حسام :هالواطي... بعتذر منك.. بس لو بلقطو بالشغل شي مرة بس ، يلا رح طول بالي هاليومين و بعدا رح يشوف الوجه التاني المجنون الي

فاتت ريتا عالمطبخ تشرب مي و لؤي قاعد عم يتعشى عالطاولة، قبل ما تطلع؛ قام وقف بوجهها فورا

لؤي:لحظة...

ريتا:شو بدك؟

لؤي:انا ما بعرف شو بدي

حط ايديه على كتافا
لؤي:انا ما حابب طلقك ولله

ريتا:رجعنا نحكي بالموضوع

لؤي:اسمعيني.. انا بدي اعرف اذا انت بدك توقفي جنبي و بعدك بدك اياني؛و انا مستعد اني خليكي عندي و اتحمل المسؤولية و كل المشاكل يلي ممكن تصير

ريتا:لؤي انت بتحب مرتك الاولى.. انا حسيت بهالشي معك؛ ما تكذب على حالك و روح رجعا..

لؤي:و انت بتحبيه لحسام.. بعرف انك بتحبيه و حسيت بهالشي كمان

ريتا:يمكن بس وقت تزوجتك ما كان عندي نية غير ابدأ صفحة جديدة معك

لؤي:طيب خلينا نبدأ صفحة جديدة

نزلت راسا هي و مترددة

لؤي:شو؟

قبل ما تجاوب بحرف، كان ساحبا لعندو ليعوض بعد اسبوعين عنا، تاني يوم كان لؤي محكيا لريتا و متفقين يتغدو بشي محل بعد ما رجعت المياه لمجاريها بيناتن، نزلت ريتا هي و حاملة كرم من البيت و التقت تحت بحسام يلي كان ناطر لؤي ليرجع من شغلو بس التقى بريتا، راح لعندا بسرعة، شافتو ريتا من بعيد و تنهدت و نزلت كرم من حضنا و مسكت ايدو، قرب حسام و مسك كرم من ايدو التانية و شدو لعندو

حسام:الولد الي بما انك ما ناوية تطلقي من هالحيوان

شدت ريتا كرم من ايدو التانية لجهتا

ريتا:كرم الي اانت ما خرج تحمل مسؤوليتو؛ انساه بقا و التهي بابنك الجديد

وقفو الاتنين يعلقو بالشارع و كل واحد منن يشدو لجهتو حتى وصل لؤي؛ صف سيارتو نزل منا هو و معصب؛ بعد حسام عن ريتا و ضربو بوكس بوجهو