#الجزء__الاول

بس انا بحبو شو ماقلتو وشو ماعملتو انا بحبو ورح ضل معو .. خلص بكفي تركوني بحالي .. ماما خلص تعبت

امي : انا من رأي ابوكي و البنت يلي بدا تطلع عن رأينا مابتلزمنا

ميرا : هلئ هيك ، لاني حبيت صرتو بدكن تتخلو عني ماهو طلبني بالحلال ليش معترضين !!

امي : ابوكي مابحب عيلتو ماحلك تفهمي الشب مو مناسبنا جماعة فقرا ع اد حالهن شو بدنا فيهن لا من توبنا ولا من معشرنا ، لك انتي يلي عم تدافعي عنو قوليلي لشوف اذا مر عليكي شهر و ابوكي خفف عنك المصروف مابتجني ؟ كيف بدك تعيشي عند واحد مامعو فرنك

ميرا : ولو كان انا بحبو ومستعدة عيش معو ع خبزة وزيتونة
وكرمالو انا بتخلى عن عيلتي كلا
••••••••••••••••

هاد الحديث يلي دار بيني وبين امي قبل تلت سنين ..
ماكنت عرفانة شو رح يكون مستقبلي ولا كيف رح عيش

لؤي : يا ميرا خلصينا هاتي السنسال بدي امشي

(( قربت و انا عم ابكي بصوت واطي : ))

الله يخليك يا لؤي بلا مانبيعو هاد الذكرى الوحيدة يلي ضلت من اهلي

لؤي : وحياتك لعوضك بأحسن منو

ميرا : ايمتا يالؤي هي بعتلي محبسي و اسوارتي وماعوضتني بشي

لؤي : صبري عليي ياروحي

قرب عليي وضمني انا هديت اعصابي ، حطيت راسي ع كتفو وهو رفعلي شعراتي ع جنب وفك السنسال من رقبتي .. بعدني عنو شوي اتطلع فيني و ابتسم بعدين باسني ع خدي ومشي ..

ضبيت بيتي ووقفت ع شباك الصالون يلي بطل ع الحارة كنت عم شوف الولاد كيف عم يلعبو و الجيران يلي عم يشربو قهوة ع البرندات و النسوان والرجال والكل ..
لفت نظري وحدة هي وبنت صبية وشب و رجال كبير كانو اعدين ع البرندا وحاطين سفرة و عصير وعم يضحكو وياكلو ويشربو ، ذكروني بجو عيلتي ، ضحكة الزلمة كانت نفس ضحكة ابي ، وعيون الشب ونظرتو نفس نظرة اخي يلي انحرمت منها بعد ماحلف عليي يمين انو لو شافني بالطريق رح يعتبر ماني اختو ولا بيعرفني ، المرة يلي كانت ملامحا بتشبه امي التمست منها حنية امي ، انا يلي كنت عم عيش احساس الفقد ، لذة العذاب كانت عم تموتني ، هاد هو النقص او الموت البطيئ ..
نزلو دموعي بدون صوت ، حسيت حالي مخنوقة ..
سكرت الشباك ورجعت ع غرفتي ..

بعد شوي بيندئ الباب ..
(( شب : مرحبا ))

ميرا : اهلا

الشب : نحنا جيرانكن بالبناية يلي مواجهكن

ميرا : اي اهلا

الشب : قبل شوي نتبهنا عليكي انو كنتي عم تطلعي علينا من الشباك وحسيناكي شتهيتي الاكلة يلي كنا عم ناكلا وماما شتهتلك هاد الصحن تفضلي ..

ميرا : يسلم ايديك و ايدين امك شكرا كتير بس ماكـ ـ
" قطعت حديثي وخنق صوتي كأنو بحنجرتي في حجر بلشت ابكي بدون وعي " : شكرا الكن مضطرة فوت لبيتي هلئ سلملي ع الوالدة ..

دخلت وسكرت الباب ورايي انسندت ع الحيط وصرت ابكي بقوة كنت ناطرة حدا ضمو واحكيلو وجعي و شوقي لأهلي وحاجتي الهن ..

رن التلفون ..
ميرا : الو ..
لؤي : اي ميرا ، حبيبي اليوم جايين الشباب جهزيلي السهرة
ميرا : اي بتؤمر لؤي افندي
لؤي : مايؤمر عليكي ظالم

هي العادة ، كل كم يوم رفقات لؤي بيجو بيسهرو عنا يا اما هو بروح لعندن ..
سكرت الخط وبلشت رتب البيت وحضرت الغدا بعدين عدة الضيافة و الفواكي والموالح والحلويات والمشروبات لسهرة الشباب ، ما اجا المسا الا كنت مهدودة استنيت لؤي
وبس اجا دليتو ع اماكن الغراض وكنت محضرة كلشي ، وبعدين فتت تسطحت وبدي نام ..

(( حديث الشباب )) ..

كانت غرفتي هادية وعم اسمع الشباب شو عم يحكو مع انو م بهمني جوزي طلع يحط فواكي وانا صدفة سمعت حكيون ..

احمد : ياعمي نيال لؤي ع هالميرا يلي عندو لك حلوة وبتفهم وبنت عيلة والله انا بحسدو

اياد : هههه و انا متلك ليش مين قلك انو بجي لهون مشان لؤي انا كل جيتي لشوف ام عيون حلوين وهي مابتبين علينا

معتصم : اسكتو ياشباب ليسمعكن لؤي والله بشرشحنا

وهيب : هه طرطور بيت حماه ومرتو اصدك

انا بمجرد ماسمعت هالحكي هاد مبعرف شو صرلي حطيت ايديي ع تمي و بلشت ابكي كيف بدي افهم جوزي انو هدول العالم مانهن مناح ولا اخوات متل ماهو مفكر
طلعو رفقاتو بعد نص الليل وهو اجا لعندي ع الغرفة ، اتمدد ع التخت وحط ايديه حوليي : اخخ ياميرتي شو انك بتفهمي لك بيضتي وشي مع الشباب

انا ماكنت خرج احكي لانو صوتي مخنوق والدموع ماعم توقف ، عملت حالي نايمة ومو حاسة على شي ، بعدين قرب باسني ودار وشو عني ونام ..

نطرت لطلع الصبح و انا ماكانت تغمض عيوني من الحكي يلي سمعتو ، مابعرف شوبدي اعمل ولا لمين بدي اشكي جوزي مابيسمعني و ماعندي رفقات و اهلي مابحكي معهن ياربي ضاقت فبني الدنيا .. مالقيت بوشي غير الجارة يلي مبارح بعتتلي صحن الاكل مع ابنا ، قمت لبست ورحت لعندا ..

(( دقيت الباب ))

ميرا : مرحبا
الست : يا اهلا
ميرا : كيفك خالة
الست : تمام
ميرا : انا جارتكن بالبناية التانية
الست : اي تزكرتك مبارح يمكن بعتلك صحن الاكل مو هيك
ميرا : هههه اي هي انا يسلمو ايديكي
الست : اتفضلي حبيبة قلبي

#الجزء__الاول
Telegram:@rwayate
يضيق الكون في عيني وأشوفك في خيالي كون
أشوفك كلما أغفى لأنك حلمي الساهر

أحبك في تفاصيلك أحب آسلوبك المجنون
أحبك في طلوع الشمس،احبك يا أمل
باكر
أشوفك داخلي أطفال مع ريح الفرح يمشون
أحبك في ابتسامة طفل اذا ناديت يا
شاطر
أحبك يا صدى صوت بأحاسيس الهوى
مشحون
أحبك يا ربيع أخضر ♡ أحبك يا شتى ماطر
أحبك لذة السكر،أحبك ريحة الليمون
أحبك في قصيدة شوق كتبها في
الهوى شاعر

كانت واقفة وحاطة الشال عليها شالا المفضل وشعراتا الطوال عم يطيرو عم تفرك بايدها بتوتر مرق خمس دقائق ومااجا مالو بالعادة وعم بتطلع حواليها خوفآ من حدا يجي وعم بدندن بغنية لفيروز بصوتا الناعم سالوني الناس عنك يا حبيبي كتبوا المكاتيب واخدها الهوا
بيعز عليي يا حبيبي
فجآة بوقفا صوت عروة
عروة:بحبك يا مجنونة كيف ماكنتي تكوني ونمساعك البي بتسعيك عيوني
سيلا:بحبك ولاه ليه تاخرت
عروة:دخيلو المجنون يا جدبة فيروز الصبح
سيلا:مجنونة فيك يا مجنون
عروة:(مسكلا خدودا)مجنون فيكي ليه جايبة الشال معك يا مجنونة
سيلا: لانو غالي علي ورح يضل معي وين مارحت يلا يلا رح انزل بلا ماحدا يشوفنا
عروة:مجنونة
نزلت سيلا من الاسطوح لتحت راحت لعند اما لتساعدة بالطبخة
سيلا:امي روحي رتاحي انا بكملا عنك
ام سيلا:الله يرضى عليكي وينا اختك
سيلا:ليا جوا
ام سيلا:مو تنسي الاكلة عالنار وتلتهي
حاكم الك منا كتير
سيلا:الله يسامحك يا امي هلق هيك
ام سيلا:دخيل الحساس رايحة لجوا الطبخة
سيلا: لا تاكلي هم رح ابقى فوق راسا
اسمي سيلا عمري 19 سنة عايشين انا وامي واختي ليا ابي توفى من لما كنا انا واختى صغار كان عمري 10 سنين واختي عمرا 8 سنين كان ابي حنون علينا كتير ابي وامي اخدو بعض
عن حب يعني حب ايام زمان اعجاب وهيك اجو اهلو خطبو امي ابي كان فقير عاشت امي معو عالحلوة والمرة بعد ماتوفى ابي صارت امي تربينا وتطعمينا وتشتغلنا مشان مانحتاج لحدا عايشين ببيت صغير حوش عربي النا وكان النا ورثة عند عمي بس لما سمع ابي كتب البيت باسم امي تغير وعينو ضاقت واكل حق ابي وحقنا

ليا:لك ليكو المجنونة نامت بالمطبخ والشوربة عم تفور عالغاز
سيلا:بسم الله ييي الشوربة صارت طفي تحتا
ليا:والله كتر خيرك
سيلا:رح حط الاكل وجيب الصينية روحي
حطتيت الاكل ورحت عالغرفة مشان ناكول
سيلا:امي تعي كلي ليا
اكلنا كلنا مع بعض شلت الاكل كانت امي خياطة بتخيط بالبيت وبتبيع العالم كنت عم حاول اتعلم من امي لحتى ساعدا
سيلا:كيف يي طلعت سهلة عطيني عنك امي لجرب وشوفـ
تعلمت من امي شوي شوي وصرت تقريبا اعرف بس مو متلا صار مسا وشتقت لحتى شوف عروة قررت اطلع لفوق بلكي كان موجود قبل بنص ساعة
طلعت ماكان في حدا كنت بدي انزل سمعت صوت تصفيرة عروة مشان انطر وما انزل
سيلا:كنت بدي انزل
عروة:ليه طلعتي بكير
سيلا:اشتقتلك لانو
عروة:وانا اكتر
سيلا:شبك زعلان
عروة:ايمتا القدر بدو يجمعنا تحت سقف واحد
سيلا:الله كريم
عروة:خليني اطلبك من امك وخلصنا
سيلا:بتعرف عمي مابدنا وجع راس اصلآ هو ناطرنا على غلط مشان الله اصبر
عروة:لايمتا
سيلا:الله كريم انا مو فارقة معي عمي بس مشان امي واختي مو ناقصين والله
عروة:عم تبكي
سييلا:لا ماعم ابكي
عروة:شو مشكلتو عمك معي
سيلا:مو مشكلتو شي بس قلك انه لساتني صغيرة ونبها لأمي اذا وافقت بياخد اختي تعيش عندو ويجوزها لابنو فا خليني نستنا مشان الله مو ناقصين نحنا
عروة:ماعاش يلي بدو يبكي هالعيون
سيلا:بدي انزل
عروة:لك شبك دائما مستعجلة
سيلا:ليكون حابب حدا يشوفنا
عروة:لا دخيلك بشوفك بعدين
نزلت سيلا من الاسطوح وراحت على تختا لتنام
ليا:كنتي فوق ماهيك
سيلا:لك هوس هلق بتمسعنا ماما
ليا:مابتخافي يعرف عمك
سيلا:مو فارقة بضل بقنع حالي انو عمي بس كمان مالو حق علينا مادام في امنا
ليا:بتعرفي عمنا كتير قاسي ونحنا مالنا قدو
سيلا:الله كريم يلا نامي فرطانة انا
ليا:تصبحي على خير
سيلا:وانتي بخير
حطت راسا عالمخدة ماقدرت تنام وهي عم تفكر وتخطط بالمستقبل مع عروة مسكت تليفونا الجديد يلي جبلا ياه عروة ل تحاكيو فيو بعتت مسج (بحبك)
خبت التليفون تحت راسا مشان ماتشوفو اما ونامت وهي عم تحاكي حالا
يوم التاني قاعدين كل وحدة عم تشتغل شي اما عم تخيط وسيلا عم تعلق عالطبخة وليا عم تتفرج على اما واختا بيدق الباب بشكل قوي ومرعب
ام سيلا:الله يستر
سيلا:امي لا تفتحي
ليا:(مرعوبة)....
ام سيلا:كيف مابدنا نفتح اكيد هاد عمك
فتحت اما ل سيلا الباب وكان متل توقعا عم سيلا جاي وحاطط الشر بعيونو
عمي:شو ياخانوم مابتعرفي تربي بناتك
سيرت البنات عكل لسان
كانت ام سيلا شخصيتا ضعيفة ومسكينة لدرجة ماعندا الجرأة دافع عن حالا دخلت سيلا
سيلا:نحنا مرباين عمي ومافي داعي تسمع من العالم
عم سيلا:(مسكلا شعراتا)عم ترفعي صوتك بوجي يا قليلة ترباي
ام سيلا:الله يكسر ايدك
وصارت دفشو لحتى يطلع لبرا طالعتو لبرا

#الجزء__الاول

من بعد ماصارت سمعتنا حديث الناس، صرنا مانقدر نفتح باب البيت لنشوف الشمس، انقطعنا عن كل العالم واللي بمر من جنب بيتنا بيبزق علينا،. حياتنا صارت جحيم،. وعيشة الجحيم يمكن حتكون احسن،. مافيني اوصفلك شعورنا وقت نفتح شباك لتفوت الشمس، بنخاف من عيون الناس وكلامهن، مابتقدري تصوري وقت تشوفي اكياس الزبالة والشحاطات البالية وحفوضات الاطفال كيف بتصير بقلب البيت وقت ينفتح شي شباك.. لا جار ولا قريب الكل اتبرا منا، ماعاد حد يدق بابنا، اتخيلي حتى صاحب البقالة كان يطردنا مايقبل نشتري من عندو،. واذا اضطرينا وماعاد في شي بقلب البيت نلبس نقاب ونطلع نجيب اللوازم،، بقلب هالبيت مابتسمعي الا نحيب وعويل اختي نجوى على اولادها يلي اخدهن منها زوجها وحرمهن منها.. وبالغرفة التانية يلي بتبقى بالايام مقفولة اخي ريان، عم يحاكي حيطانها كان شخص عاقل وواعي وفجاة صار مجنون،، وانا يلي عمري بعدو ، مابلش كنت عم ارسم. وخطط وجهز تياب فرحي، كنت حاجزة فستان العرس، ماحد كان بيقدر يوصف فرحتي بزواجي من حبيب عمري بعد صبر 3 سنوات،، اتخيلي كل هالشي بايديه انحرقوا،، وحرق حالو وحرقنا معو،،

مرام :- انت صرت بلا احساس لك انا عايشة هون معك انسانة ماني حيط حياتك بس كلها شغل وتعبت من اهمالك لالي بترجع ع البيت بس تعبان وانت شغلك طول الوقت قاعد ورا مكتب شو يلي متعبك بس فهمني.. اكلك بتاخدو معك وعم تتسلى بشوية اوراق،،

ريان :- مابتخلصي نكد

مرام :- انا لمتى بدي ضل هيك بس اكل وشرب وتنضيف.. انا كمان بدي عيش حياتي..

ريان :- اي عيشيها مين مانعك

مرام :- ريان لك حس فيني تعبت وانا كل يوم عيد لالك بنفس الموال..

ريان :- شو المطلوب بربك لا توجعيلي راسي

مرام :- يا الله يا الله عم يقلي شو المطلوب لك بدي اهتمممممااااام بدي اهتتتمممااااام بدي تسالني عن حالي شو عملتي شو ساويتي.. تجي اخر الليل تتنام جنبي وتحضني..

ريان :- 😔.. والله كنت قول الحوامل نفسيتهن زفت بس مو لهدرجة..

مرام :- 😢

ريان :- بلشنا ها بكي

مرام :- انا رايحة شوف الصبي..

ريان :- لبسيه لقيس بدي اخدو مشوار

مرام :- وانا

ريان :- بدي اخدو احلق لالو..

مرام :- طيب وانا

ريان :- وين اخدك

مرام :- بدي اطلع

ريان :- اسمعي راسي بدها تنفجر ورح اخد الصبي احلق لالو.. واسهر مع رفقاتي

مرام :-لكان انا رايحة لعند اهلي

ريان :- لاء

مرام :- ليش لاء

ريان :- ماصرلك يومين جاي من عندن

مرام :- وشو يعني ما اختك نجوى ع طول عنا

ريان :- مادخلني بحد

مرام :- رح روح

ريان :- جربي روحي وشوفي شو بصير..

مرام :- شو رح يصير يعني.

ريان :- جربي تطلعي بدون موافقتي وشوفي شو بصير.

مرام :- عناد لكان..

..

في الحادي عشر مساءا..

ريان :- ريم وينا مرام

ريم :- مابعرف والله

ريان :- خدي الصبي نايم.. غطيه منيح

ريم :- شو في خيي..

ريان :- مرام ما مرت لعندكم

ريم :- لا والله ماشفناها ابدا اليوم..

ريان :- اي تمام لكان كسرتي كلامي يا بنت ابو المجيد

ريم :- شبها

ريان :- دقيلا من عندك واساليها وين هي بس لا تقولي ريان سال..

ريم :- اي حاضر.. عم يدق..

مرام :- الوو

ريم :- الو مرام هاي انا ريم.. شو بدي قلك انتي وين

مرام :- ليش في شي

ريم :- لاء قيس عندي نايم ابوه جابوه وراح

مرام :- انا عند اهلي،، ومن يجي ريلن قليلو يجيب الصبي لعندي..

ريم :- اي ماشي..

مرام :- ماشي سلام

....

ريم :- عند اهلها..

ريان :- ايه عند اهلها عند اهلها.. لشوف براس مين بدك تطلعي راس يا مرام..

ريم :- اخي استهدي بالرحمن شبكن ارجعتو اتخانقتو ماصرلكن كم يوم راجعين لبعض

ريان :- عنيدة عنيدة مخها حيط

ريم :- يا اخي الله يعينها بطنا لحلقها وعلى وجه ولادة ونفسيتها تعبانة وهي بتزعل لانها على طول بالبيت محبوسة.. اهدى عليها بعدين وين بدها تروح غير لدار اهلا..بعدين هي زعلانة من امبارح منك بس انت ما انتبهت

ريان :- ليش شو عملت لالها انا

ريم :- من كانت مرت عمي صبحي هون وبنتها.. اتمسخروا على وزنها وانت صرت تضحك معهن والله ع شوي كانت رح تبكي.. بس كمشت حالا

ريان :- هي اخدت المواضيع بجد..

ريم :- لا مرت عمي وبنتها انت بتعرفهن قاصدينها من كيدهن..

ريان :- اختي انا ماني رايق لقصص النسوان رايح اسهر مع الشباب ويمكن اتاخر خلي قيس عندك لوقت ما ارجع..

ريم :-اي حاضر..

(( اخي مشاكلو مع مرتوا مابتنتهي هي بعدا صغيرة وفرفوشة وبتحب الحياة واخي جدي.. او بالاحرى مزاجي وعنيد اكثر منها،، ابنهن قيس عمروا 4 سنوات هو حبيبي وحبيب الكل هون حفيدنا الاول،، الكل مدللو،، ولان ع طول عنا امو بتكون حاطة ايديها ورجليها بمية باردة..

ريم :- عيسي كيفك حبيبي

عيسي :- كنت عم دقلك ياقلبي وين انتي

ريم :_ كنت حاكي ريان. جاب عندي قيس نيمو

عيسى :- ياريتني قيس..

ريم :- دقيقة اطلع للبرندا مشان مايفيق لان اذا فاق ماعاد بنوب يرجع ينام..

عيسي :- دخيل

#الجزء__الاول

• بعد زواج ٣ شهور؛ اليوم حسام و ريتا واقفين قبال بعض عند باب المحكمة بعد ما اطلقو؛ ليتفرقو و يروح كل حدا منن بدرب تاني و يبدأ حياة جديدة
حسام:اطلعي معي بالسيارة؛ خليني وصلك على المحطة

ريتا:لا خلص بروح لحالي؛ بعرف الطريق

حسام:طيب ماشي متل ما بدك

ضلو واقفين قبال بعض ساكتين

ريتا:بس اعطيني شنتة تيابي من باكاج السيارة

حسام:اه.. يلا

فتح الباكاج و اعطاها الشنتة

حسام:ريتا انا بعرف هلأ الكل يعني اهلي و اهلك بدو يسأل ليش اتطلقنا و بدن ينصدمو انو صار الموضوع بسرعة، بتمنى منك انك ما تجيبي سيرتي بالعاطل او تنقليلن شو شفتي علي بالضبط؛ ما بدي مشاكل مع امي و اخواتي و اذا حدا سالك قولي ما تفاهمنا و بس

ريتا:ماشي.. ما تاكل هم هالموضوع.. رح قول ما حبينا بعض و بس.. ما رح اذكر اسباب تانية

حسام:شكرا الك انا بتمنى كمان نكون رفقة؛ ما بدي نضمر عداوة لبعض، انا صح ما بحبك بس كمان انا ما بكرهك

ريتا:و لا انا كمان بكرهك حسام، و هلأ احسن من بعدين

حسام:اكيد اكيد هلأ احسن من بعد ما يصير عنا ولد و اتنين

ريتا:اممم

حسام:انا ما كان بدي اظلمك و صدقيني حاولت خلال هالفترة بس ما قدرت؛ انا ما بحب هادا النوع من الزواج التقليدي بس ضعفت قدام كلمة امي و ما حبيت اكسر كلمتا و ندمان كتير لانو بالاخير هاي حياتي و انا يلي بدي عيشا و انا بالاساس متل ما شفتي ما خرج زواج و التزام و مسؤولية

ريتا:ماشي.. انا لازم امشي هلا مشان لحق القطار.. (ابتسمت بتصنع)
رد حسام بابتسامة خفيفة

حسام:ماشي... موفقة

ريتا:و انت كمان موفق

حسام:و انشالله بتكملي حياتك مع شخص يقدرك و يحبك.. انت بتستاهلي كل الخير

ريتا:شكرا

مد ايدو حسام باتجاه ريتا، ردت التانية بالسلام
ريتا:سلام
حسام:الله معك

افترقو الاتنين عند باب المحكمة، طلع حسام بسيارتو و شغلا و مشي و هو عم يطلع بالمرية على ريتا، ريتا يلي تابعت بالطريق المعاكس هي و عم تجر شنتايتا و عم تقاوم انهيارا، ما قدرت تكمل طريقا بدون ما توقف شوي و تعمل مأتم على هاللحظة و تبكي على حالا، فاتت على شارع ضيق و بلشت تبكي بصوت عاليعالي تسند عالحيط، ما كانت عارفة حالا ليش عم تبكي على حالا او على خيبة املا حسام او على طلاقا ؛ بس كانت حاسة حالا مخنوقة و بدا تبكي لترتاح؛ اما حسام ما كان حالو افضل منها، صف سيارتو قبال البحر و نزل يدخن سيجارة ورا التانية و يجلد نفسو لاول مرة

حسام:ليش تركتا تروح لحالا... كنت لازم وصلا عالاقل على المحطة و احجزلا... بلكي ما لقت حجز وين بدا تروح...يالله..

تنهد و تابع تدخين؛ استجمعت ريتا قوتا و طلعت من الشارع و وقفت تكسي و راحت على المحطة و حجزت بالقطار و بعد نص ساعة طلعت عالقطار لترجع عند اهلا عروس مطلقة؛ كانت طول الطريق خلال ال ٧ ساعات عم تفكر، ما سهيت عينا و هي عم تتخيل ردة فعل اما بس تشوفا مع شنتة تيابا و كيف رح تتحمل ردة هالفعل و الحكي يلي بدو يصير بالعيلة على خبر طلاقها بعد زواجها القصير، مهما كانت ردات الفعل عنيفة او مستفزة، هي رح تحاول تكون قوية و تتجاهل كل شي، بالنهاية قرار الطلاق بالنسبة الها افضل من ال ٣ شهور يلي قضتن بالعذاب و الدموع مع حسام

قبل ثلاثة شهور____
-------اليوم الاول من الزواج---
فتح حسام باب بيتو و التفت على ريتا

حسام:تفضلي

فاتت ريتا هي و خجلانةو طاير عقلا من الفرحة و اخيرا هي و حسام ببيت واحد؛ من هي بالمدرسة كانت بتحبو لحسام و بتراقبو من بعيد لبعيد بحكم انو الاتنين جيران بنفس الضيعة بس وقت اهلو لحسام نقلو للمدينة ما عاد شافتو متل اول بس بقيت عم تلحق اخبارو من بعيد و عرفت انو سافر على روسيا ليكمل دراستو و وقتا فقدت الامل انو يكون من نصيبا بس وقت خلصت جامعة تفاجات بزيارة اهلو ليطلبو ايدا الو و طبعا وافقت بدون ما تتردد و قبلت تعيش معو بالعاصمة بمكان شغلو بعيد عن اما و بيتا و ضيعتا يلي ربيت فيا

فات حسام وراها هو و حامل شنتة تيابا؛ حطا على الارض

حسام :انا رايح جيب شوية اغراض للبيت

قبل ما تجاوب ريتا بأي كلمة، كان فاتح الباب و طالع؛ اتصلت باما و طمنتا انو هلأ وصلت و بعدين ضبت اغراضا بالخزانة و اختارت فستان ابيض عرايسي و لبستو و زبطت حالا بانتظار حسام؛ مرت ساعة و اتنين و تلاتة و حسام ما رجع عالبيت، اتصلت فيه لتطمن عليه بس ما رد عليا، على ٢ بالليل سمعت مفاتيح الباب عم دور بقفل الباب، كان حسام راجع من سهرتو سكران. و مطفي عالاخر و جنبو بنت جايبة من البار يلي كان سهران فيه، يحط المفتاح بالجوزة و بدل ما يفتح الباب يقفلو يرجع يفتحو و يرجع مرة تانية يقفلو؛ لحتى قامت ريتا من التخت و فتحت الباب و شافتو انصدمت كتير من هيئتو اول تلت ازرار من قميصو مفتوحة و القميص برا البنطلون و ريحة المشروب طالعة منو، هو اطلع فيا و كأنو تفاجئ بوجودا، على ما يبدو نسي انو تزوج؛ ما لحقت ريتا تتقبل الصدمة الاولى حتى تفاجات بالتانية، وجود بنت ب لباس شبه عاري جنبو و عم تعلك

#الجزء__الاول

طول الوقت كان عم يتطلع ع الساعة يلي بإيدو.. صار يتفتل بالغرفة وهو شابك ايديه ورا ضهرو وكل شوي عينو تجي ع الساعة يلي معلقة بأول الحيط ..

سوسن : حاج تفتل وجعني راسي

نزار : في مجال تسكتي لان حتى صوت النملة عم يوترني

ضليت عم ابرد اضافري بالمبرد وهو عم يفتل.. بعدين اعد ع الكنبا وحط ايديه ع راسو، كان العرق عم ينزل من وجهو ويهز برجلو : تأخرو ياسوسن تأخرو

سوسن : دائماً هيك مو اول مرة.. حلك تتعود

رن موبايلو : الو
نزار : اهلين ناظم
-- : صاحب هالرقم عمل حادث سيارة ونحنا عم نتصل من المشفى

ضرب الموبايل عالحيط وهو معصب : لكك الله يلعنكون انمسكنا الله يلعنكن

لبس جاكيتو وحط السيكار بتمو واخد مفتاح السيارة ومشي بسرعة.. بصراحة تعودت ع المعاملة هي تعودت اني مجرد كائن عايش بهالبيت بياكل وبيشرب ومأمنلو كلشي من اكل ولبس ومصاري ومشوير.. بس ناقصو الاهتمام والحب
وصل نزار عالمشفى اول مادخل لقى المشفى كلو عناصر امن، سأل عن غرفة ناظم ..

دخل ع غرفة ناظم وسحب الفرد عليه : اي كلمة بتطلع منك رح فجر راسك فهمان

ناظم كانت حالتو سيئة : بس انا مادخلني لأحمل المسؤولية يامعلم

نزار : ممممم طيب ...
بعد كم يوم ..

" إنّ لله و إنا إليه راجعون "
زعلت عليك ياناظم بس كنت مجبور ..

اتطلعت فيه نظرة استحقار و انا دموعي ع خدودي : ليش قتلتو

لف راسو وقرب لعندي وضحك : تؤ تؤ تؤ ما اتفقنا هيك ياسوسن، الكلمة اذا بتطلع منك رح تخليكي تزوري ناظم وتصيري مقيمة عندو

سوسن : واحد مريض
نفسي اعرف كيف الشرطة ماكشفتك لك كيف

نزار : أبرة الهوى مابتكلف غير أنو حطا بكيس السيروم ياحلوة ..

بيتي كبير كتير ومفروش احلا الفرش بس شو الفايدة اذا كان بارد وقاسي مافيه اسم الدفا ..

فتت ع غرفتي حطيت راسي ع طرف الكنباية وقدامي كان في صورة ابي و امي و انا بيناتن .. صفنت بالصورة ودموعي جوات عيوني
حطيت ايدي ع وجه ابي وصرت لومو و احكي معو يمكن انت متت و ارتحت بس عذبتني الي..
تركتني اتعذب كتير
اتطلعت بوجه امي يلي كان عم يضحك : و انت يا امي رميتيني وماعد سألتي ع شمعتك .. شمعتك يلي عم تدوب ورح تنطفي...

نزلو دموعي وصرت ابكي بقوة حملت الصورة ورميتا ع الارض انكسر القزاز يلي كان عليها ...

فتح الباب نزار : شو صار

هههههههه رميتي اهلك ياسوسو معقول ههههه يلا هيك اهل مافيون خير بالناقص منون

سوسن : نقلع لبرى الله يلعنك طلاع

ضل عم يضحك وطلع من البيت..

نزلت من غرفتي ع الصالة اعدت وحطيت ايديي ع راسي

سارة : مدام معلش احكي معك

اشرتلا لتقعد جنبي

سارة : انا مادخلني فيكن بس لاتبكي والله مافيي شوف دموعك

سوسن : اوقات الانسان بموت من جواتو بس روحو بتضل بجسمو هيك يمكن ليتعاقب ع عمايل حدا تاني

سارة : اد ماكان لاتبكي .. انا رح احميكي ورح ضل معك بس انت كوني قوية

سوسن : هههه ضحكتيني انت بدك تحميني؟ لك اذا ابي باعني كرمال المخدرات و امي تجوزت وماسألت عني.. وجوزي يلي عاملني تسلايتو .. بقى انت بدك تحميني

سارة : ههههه اي ضحكي دخيل قلبك .. يعني يمكن ما اقدر احميكي بالمعنى الكامل بس فيني سليكي وضحكك صح؟

سوسن : ههههه اي صح .. فيكي تشربينا قهوة او شي تاني

سارة : من عيوني ..

قلبت شوي بالتلفيزيون ورجعت طفيتو لما اجت سارة ومعا قهوة
سارة : مدام سوسن..

سوسن : سارة لاتقليلي مدام قليلي سوسن وبس

سارة : هههه طيب.. هلأ انت شو قصتك

سوسن : اوووف شو صعب سؤالك

سارة : اذا مو حابة لاتقولي خلص

سوسن : بعدين بتعرفيا..

دخل نزار ع البيت، لما شافني انا وسارة عم نشرب قهوة سوا صار يضحك .. اعد جنبنا وصار يضحك بصوت عالي وقوي .. سارة اخدت الصينية و انسحبت

نزار : ههههههه هههههه هههههااااي شو مدام صايرة الست وجاريتا يتفقو ههههههه

سوسن : روق ع حالك وحاج تضحك بجوز تجيك جلطة وتموت من كتر الضحك

نزار : هههههه هو للامانة ازا انتي وجاريتك بدكن تموتوني فعلا بتكون موتة بتضحك كتير هههههه

قمت من جنبو ومشيت باتجاه درج غرفتي : بكرى مسافر عندي شغل برا البلد

سوسن : تجرة شو ياتاجر

قرب لعندي وبعيونو نظرة حادة : تجرة حباال .. انتبهي بأسلوبك معي مشان مايجي شي يوم والحبال تلف ع هالرقبة الناعمة

تركني وطلع ع الغرفة.. ضليت بمكاني عم اتطلع عليه و انا عم قول : اديشك بشع وسيئ

بعد شوي نزل وكان في بأيدو شنتة : انا رايح يمكن بدي اسبوع لارجع .. تركتلك شب برا مشان يلبي طلباتك و اي شي بتحتاجيه و اي شي بصير بتخبريه هو رح يدير بالو بغيابي
سلام ياحلوة

طلع وسكر الباب وراه : لك درب يسد مايرد
_
قربت سارة لعندي : طولي بالك سوسن اهدي خلص

سوسن : الله يريحني الله ياخدني

سارة : بس بسس سكتي خلص

سوسن : سمعي انا ماشفت يوم حلو بحياتي اليوم رح احجز بمطعم ونطلع انا وياكي نسهر بدي انبسط قبل مايرجع بدي انسا

سارة : اي اي اكيد خلص متل مابدك