📚قصص||روايات||منوعة📚

علا : سامي شوو اللي صار
سامي : اسالي ايلول شو خبصت
علا : عم اسالك انت
سامي : اطلعي شوفيها واحكيلها اني ناطرها بالحديقة
علا : طيب هلا بشوفها بس انت روق وما تعصب عليها
سامي : اطلعي اندهيها
علا طلعت لفوق عند ايلول ، كان الباب مسكر صارت تخبط عليه وتندهلها ..
علا : ايلوول افتحي لشوف شو خبصتي
ايلول : علا اتركيني لحالي
علا : ما حزرتي ان تركتك انا سامي ما بيتركك ناطرك بالحديقة ..
ايلول : ماا بدي اشووفه ولا احكي معه روحي احكيلو هيك
علا : احكيلو هيك
ايلول : ايه
علا : اووف منك ايلوول
ايلول مع نفسها : ايلول انتي من متى بتهربي هلا رح يفكر هيك اووف اوووف
قامت عن تختها بسرعة وركضت فتحت الباب ..
ايلول : علاا وقفي انا رايحة لعندو
علا ركضت لعندها : خبرتيه بمشاعرك لهيك جانن ما
ايلول : بخبرك بعدين
علا : طيب ناطرك
سامي كان معصب كتير من ايلول ورايح جاي بالحديقة مش قادر يهدا ، لما شافها وقف بمكانه ..
ايلول كتفت ايدها : تفضل سيد سامي كفي بهدلتك
سامي : ايلول لا تستفزيني
ايلول : شو بدك سامي
سامي : تعي اقعدي
ايلول : مرتاحة هيك
سامي : يا ربي الصبر لا تطالعيلي خلقي قربي لهون
ايلول : قربت فيك تحكي
سامي بهدوء : ليش هيك عملتي
ايلول بانكسار : بعتذر ع كل شي
سامي : ع كل شي يعني ندمانة ؟
ايلول : بعتذر وخلص
سامي قرب منها ومسكلا وجهها : اطلعي فيني لا تنزلي راسك انا ما بدي اجرحك ما بتهوني عليي بس اللي عملتيه واللي فكرتي فيه غلط ، انا ولا بيوم فرقتك عن علا ما بعرف كيف قدرتي تفكري فيني بهي الطريقة ، بعد هلا حطي براسك انو انا اخوكي وبس ومستحيل فكر فيكي بطريقة تانية لو انه اخر يوم بحياتي ...
كلمات سامي كانت عم تغرز بقلبها متل السكين ل ايلول : ايه فهمت وانا بوعدك لاخر يوم بحياتي رح اتزكر هالكلمات وما رح فكر فيك بطريقة تانية ..
سامي : اتفقنا
ايلول هزت براسها ..
سامي قرصها ع خدها ..
ايلول رجعت لورا ..
سامي : شو ايلول معاملتنا لبعض رح تتغير
ايلول : لاء انا عم حط مسافات بيني وبينك متل ما انت طلبت عن اذنك هلا بدي انام ، تركتو ومشيت ..
سامي بعد ما مشيت ايلول : آآخ منك يا ايلول ..
ايلول مع نفسها : ما رح ابكي ما رح انكسر انا كنت قوية باصعب الاوقات ورح ضلني هيك ما في شي رح يكسرني ولا شي ...
تيم قاعد بغرفته متمدد ع تخته وفاتح ع رقم ايلول عم يفكر ازا يدقلها او لاء ..
تيم : الوقت اتاخر هلا بكرة الصبح بدقلها ، هات اشوف ازا عندها واتس اب ..
تيم فتح ع الواتس اب كانت حاطة صورة الها حفظها عنده ، فتح ع الصورة وصار يتأمل فيها بالتفصيل ويبتسم ..
تيم مع نفسه : قتلتني هالبنت بجمالها شو هاااد شو هاااد ، ايه هلا رح انام ست ايلول بس بكرة اول شي رح اعملو ادقلك لاخد موعد من حضرتك .. طفى اللمبة ونام ....
ايلول رجعت على غرفتها كانت علا نايمة ..
ايلول : اووف الحمد لله ما الي خلق احكي واشرح شي هلا ، ما رح فكر باللي صار بس بعد هلا رح كون ايلول تانية ، يوم ميلادك يا سيد سامي كان يوم موت ايلول اللي بتعرفها ...
ايلول بعد القرارات اللي اخدتها حاولت تنسى كل شي صار معها الليلة وما تفكر فيه وتبدا عن جديد ، حطت راسها ع المخدة وغفيت ...

بيوم جديد وصباح جديد ...
تيم بالفيلا عم يشرب بقهوته مع هاني ..
هاني : شايفك عم تمزمز ع القهوة مو ناوي تتحرك من مكانك ..
تيم : انت اسبقني ع الشركة بدي امرق ع مكان قبل
هاني : ع وين
تيم : بخبرك بعدين
هاني : ماشي لا تنسى امك وابوك اليوم مروحين من العمرة لا تتاخر ع البيت
تيم : متزكر مو ناسي
هاني : ماشي بشوفك بالشركة سلام
بعد ما يطلع هاني بيرن تلفونه ل تيم ..
تيم بلهفة : ايه قدرت تجيب العنوان
شاب : ايه وانت بتعرفو
تيم : كيييف
شاب : نفس عنوان سامي رفيقنا
تيم : عنجد !!
شاب : ايه
تيم : ماشي ماشي بعرف العنوان يسلمو هالايدين غلبتك
شاب : ولا يهم عيونك
تيم طلع من الفيلا وركب سيارته ومشي ..
.................
بالفيلا عند ايلول ...
ايلول بتنزل من غرفتها بعد ما تجهز حالها ..
ايلول بحماس : صبااح الخير
مهدي : صبااح الفل
علاا : اووه شو كل هالنشاط
ايلول : تجهيزات النادي قربت تخلص كتير متحمسة للافتتاح
مهدي : اية الرزق ان شاءالله حبيبتي
سهاد : ع خير ان شاءالله حبببتي
سامي ما حكى شي ..
ايلول : انا ما رح افطر مستعجلة كتير
مهدي : ع راحتك حبببتي
ايلول : عن اذنكم بشوفكم المسا
ايلول بتطلع برا الفيلا وسامي بيلحقها ..
سامي من وراها : ايلوول
ايلول : ايه سامي
سامي : لاقيلك شي حجة وما تيجي المسا معنا
ايلول بانزعاج : ليش ما بدك ياني كون
سامي : ما بدي فضايح هالليلة كتير مهمة بالنسبة الي
ايلول بغصة : قصدك تقول انو كل مكان بكون موجودة فيه رح اختلق مشكلة وافضحك ما هيك
سامي : عم احكي هالشي مشانك مو مشاني
ايلول بسخرية : هههه ايه كبر شانك كتير فكرت فيني
سامي : ايلول انا
ايلول مقاطعة : لا تحكي شي انا رح كون موجودة وارح اكون اول وحدة بتتمنالك السعادة من كل قلبها ، وازا خايف ع مشاعري بحب اطمنك انا كتيير كتيير منيحة ...
سامي : ايه ريحتيني
ايلول : اهم شي راحتك عن اذنك يا اخي
سامي بعد ما مشيت ايلول : قلبي مو مطمن مستحيل تكون نسيت اللي صار بكل هالسرعة والبساطة ...
ايلول ركبت بسيارتها وطلعت ، تيم كان واقف قدام الفيلا لما شافها لحقها بسيارته ....
بعد شوي ايلول بتركن سيارتها قدام النادي وبتنزل من السيارة ، لما بشوفها تيم نزلت من السيارة بيفلت زمور السيارة ...
ايلول بتتطلع عليه وبتتفاجئ كتير بيشاورلها بايدو وبينزل من السيارة وبيروح لعندها ..
تيم : صباح الخير يا حلو
ايلول بعصبية : شكلك حبيت الاهانات الصباحية وجاي تاخد حصتك منها اليوم كمان
تيم بضحكة : هههه ما بدي خناقة اليوم
ايلول : شو بدك ليش لاحقني
تيم : بدي احكي معك
ايلول : ما في حكي بيناتنا
تيم : لوو سمحتي
ايلول بغضب : ما بدي احكي معك ولا بدي اسمعك روح من وجهي هلا .. تركتو ومشيت
تيم بصوت عالي : بعترف انك حلوة وبتجنني وبيطلعلك تشوفي حالك
ايلول بتلتفت عليه ..
تيم : ايه بس انا كمان مز وعندي شخصية بتجنن يعني ما فيكي تشوفي حالك هالقد عليي وتتجاهليني هيك ..
ايلول اطلعت فيه من فوق لتحت : ههههه يا الله ثبت علينا العقل والدين
تيم قرب منها : شو حكيتي
ايلول : بشووو
تيم : لو سمحتي خلينا نقعد ونحكي ونصلح سوء التفاهم اللي صار بيناتنا
ايلول : اللي صار مو سوء تفاهم اللي صار حكم مسبق منك واعذرني ع هالكلمة وقاحة
تيم : تماام تمااام انا موافق ع كل كلمة بتحكيها
ايلول : شو المطلوب مني هلا
تيم : نقعد نشرب قهوة ونحكي ومنها بعتذر منك
ايلول : اعتذارك وصل بس انا ما بدي اروح معك ع محل ، عندي شغل كتير بدي الحقو مو فاضيتلك
تيم التفت للمكان : ازا ما بتعتبريها تدخل شو عم تعملي هون
ايلول بتافاف : عم باشر بالتجهيزات لافتتاح النادي
تيم باندهاش : النادي هاد لالك
ايلول : ايه ليه تفاجات
تيم : كان لازم افهم من ركلتك
ايلول ابتسمت ..
تيم : ايه هيك كل هالانوثة بيليق عليها الضحك مو الكشرة والتعصيب ..
ايلول : ازا خلصت حكيك اركب سيارتك وارجاع من مكان ما جيت ، عندي شغل كتير
تيم : ماشي ما رح احكي باللي صار عندي الك عرض بالشغل
ايلول : عرض شو هاد
تيم رجع لعند سيارته وفتحلها الباب : لوو سمحتي تقبلي ما رح اخد من وقتك كتير ، رح نشرب قهوة ونحكي عن الشغل وارجعك لنفس المكان ..
ايلول : عم تحطني تحت الامر الواقع يعني
تيم : لوو سمحتي كم مرة اترجيتك اشفقي عليي شوي
ايلول : طيب ماشي بس ما رح نتاخر عندي شغل كتير
تيم : تمااام
ايلول طلعت بالسيارة وشغلها وراحو سوا ...
ايلول وتيم قعدو بكوفي قريب من النادي ..
تيم : شو بتحبي تشربي
ايلول : ع اساس عازمني ع قهوة
تيم : يعني خطرلي هلأ انو ممكن ما بتحبيها
ايلول : ما بحب شي بهالدنيا قدها
تيم : اول شي بعرفو عنك
ايلول : واخر شي
تيم : هههه اوف لا تقطعيها بوجهي هيك ، كيف قهوتك
ايلول : سادة
تيم للكرسون : لو سمحت تنين قهوة سادة
ايلول : ايه عم اسمعك
تيم اخد نفس : انا حكتلك انو ما رح احكي بالموضوع بس ما رح ارتاح قبل ما اعتذر منك ع حكمي المسبق ..

ايلول بحزن : يمكن لما فكر باللي صار بشوف انو معك حق تحكم عليي هيك
تيم : كيف يعني
ايلول : يعني انت حكمت عليي من تصرفاتي من حركاتي من جنوني بهديك الليلة ..
تيم : ما بعرف شو بدي احكي
ايلول : ما تحكي شي بس بكفي تعرف انها كانت ليلة سيئة جدااا بالنسبة الي لهيك كنت بهالحالة
تيم : بتحبي تحكيلي
ايلول : ما بدي اتزكر اي شي هلا خلينا بموضوعنا حكيت شي عن الشغل شو كان قصدك ...
تيم : تمام ، خليني اعرفك ع حالي انا تيم العابد رجل اعمال
ايلول ضحكت ..
تيم : لييش عم تضحكي
ايلول : متاكد انك رجل اعمال يعني لا تفهني غلط بس مو باين عليك هالشي ..
تيم حط ايده ع ذقنه : لكان شو بيبين عليي
ايلول : خليني ما اغلط غلطتك واحكم عليك هلأ
تيم : رح كفي ، انا واخي بندير اكتر من شركة وبنستورد الات وماكنات رياضية بجودة ممتازة
ايلول : ايه
تيم : شو ايه رح اعرض عليكي الشراكة ..
ايلول ضحكت بصوت عالي : عم تتمسخر عليي شو شايفني قدامك
تيم باستغراب : ليش فهمتي كلامي مسخرة شو حكيت انا
ايلول : هلا انت حكيتها بلسانك انك بتدير شركات كتير ورجل اعمال ما هيك
تيم : ايه
ايلول : يعني واحد بيدير شركات كتيرة ووضعه المادي ممتاز ، اعطيني سبب مقنع ومنطقي لتعرض شراكة على شخص فيك تحكي مبتدئ بشغله وهيك مشروع بالنسبة اله ما رح يحقق ارباح مقارنة بارباح الشركات ..
تيم : امممم بنت ذكية اكتر ما توقعت
ايلول : مو بحاجة لهالذكاء اللي بتحكي عنه
تيم : تمام رح كون صريح اعتبريه شي خاص
ايلول : كون صريح اكتر واحكيلي شو قصدك بالزبط
تيم : تمام رح كون صريح لاخر درجة معك ، انا من اول ما شفتك عجبتيني كتير وحابب انو اتعرف عليكي اكتر ولما عرفت انك عم تفتحي نادي خطيت تجاهك بالخطوة لاتقرب منك اكتر هاي القصة بدون لف ودوران ..
ايلول : بشكرك لصراحتك ، خليني كون معك صريحة انا كمان انا ما بفكر ادخل باي ارتباط او اي علاقة وازا لساتك مصمم ع شراكتي بعد ما سمعت هالكلام مني انا عندي الك عرض ..
تيم باستياء : فيني اسال ليش
ايلول : ماني جاهزة لاي علاقة او مو ببالي الموضوع
تيم : ما رح اضغط عليكي اكتر بس اكيد فينا نكون رفقات ، شو عرضك
ايلول : هلا انت شفت المكان اللي استاجرتو يعني انا كنت مفكرة انو استخدم قسم منه مبدئيا واللي هو رح يكون صالة رياضة نسائية ومستقبلا كنت مفكرة انو القسم الثاني يكون صالة شبابية بوجود مدرب خاص اتفق معه يعني ازا قيمت المشروع وقبلتو فينا نفتح القسمين سوا ...
تيم : حلوو كتير وعرض مغري بالنسبة الي انا موافق
ايلول : هيك دغري وافقت فكر بالموضوع
تيم : ما في داعي للتفكير
ايلول : بس انا كنت مفكرة الافتتاح يكون خلال الاسبوع الجاي هيك ما رح نلحق
تيم : لا تقلقي انا رح كل شي وما في عنا مشكلة الاات يعني الباقي لسرعة بنحل
ايلول بفرح : تماااام
تيم مد ايده ليسلم ع ايلول : مبروك الناا
ايلول سلمت عليه : ان شاءالله خير ، هلا فيك تجهز العقد
تيم : ما رح نختلف
ايلول : لاء انا بحب اكون ع نور بكل المواضيع
تيم : ولا يهمك بكرة رح يكون جاهز
ايلول : ازن خلينا ما نضيع وقت واخدك تشوف المكان وتعطيني رايك
تيم بابتسامة : تماام يلا
...................
تيم وايلول وصلو ل مكان النادي نزلو من السيارة وفاتو ع المكان ..
ايلول بحماس : صبااح الخيير
العمال : صباح الورد
ايلول : يعطيكم الف عافية كيف التجهيزات
احد العمال : كلوو تمام انسة ايلول
ايلول : بعرفكم على تيم العابد شريكي بالمكان
العمال : اهلا وسهلا
ايلول : كفو شغلكم ما بدنا نعطلكم رح نتفرج ع المكان
ايلول ل تيم : تعا معي افرجيك القسم الثاني
ايلول اخدت تيم وفرجته القسم الثاني ، كانت عم تشرحلو وهو مو مركز معها صافن فيها وغرقان بجمالها وبطريقة كلامها اللي بتدخل ع القلب ..
ايلول : ايه شو حكيت
تيم شارد فيها ..
ايلول انتبهت عليه واشرتلو بايدها : هوووب عم احكي معك
تيم فاق من شروده : ايه ايه كلو تمام والمكان واسع رح يكون مشروع ناجح انا متاكد
ايلول ابتسمت : بمساعدتك اكيد
تيم بابتسامة : اكيد ، انا لازم ارجع ع الشركة عندي اجتماع مهم ، رح رتب كل اموري وبخبرك شو بيصير معي تمام
ايلول : تماام
تيم : يلا بشوفك شريكتي
ايلول : هههه لسة ما صرت شريكتك خلينا نوقع العقد بالاول
تيم : هههه بس رح تصيري ما رح ضيع هالفرصة معك
ايلول : ما بدي اعطلك اكتر الحق اجتماعك
تيم : فيني اطلب منك طلب
ايلول : تفضل
تيم : فيكي تشيلي الحظر عني لنقدر نتواصل
ايلول بضحكة : هههه تمام هلا بشيلو
تيم : ههه تماام يلا بشوفك
ايلول : الله معك
تيم طلع من المكان وهو فرحان كتير وغامرتو السعادة ، وايلول كانت فرحانة كتير انو واخيرا حلمها رح يتحقق عن قريب ومبسوطة بهالشراكة ....
تيم رجع ع الشركة ودق للمحامي ليجهز العقد وخبر هاني باللي صار ، ايلول بعد ما خلصت شغلها بالنادي رجعت ع الفيلا لحتى تجهز حالها للمسا ...
علا وايلول عم يجهزو بحالهن بالغرفة ..

علا : ايلول ما رح تغيري رايك
ايلول : اووف علا فرضا ما بدي اروح كيف رح برر لاهلك هالشي وحكينا بهالموضوع اكتر من مرة
علا : تمااام تمااام
ايلول : كيف شكلي زابط
علا : القالب غالب حبيبتي شو ما تلبسي بيلبقلك وبتطلعي بتجنني
ايلوول : مواااه دخيلو قلبك يلا ننزل انا جاهزة
علا : اووك يلا ..
علا وايلول نزلو لتحت كان الكل جاهز وناطرهم ...
سامي بنرفزة : تاخرنا ع الجماعة ما كنتو تخلصو
علا : ما رح تطير دانا لا تخاف
مهدي وسهاد اطلعو ع بعضهن وضحكو ..
ايلول : بلا ما نتاخر اكتر يلا
سامي : ايه يلا مشوو ..
..........
بعد وقت قليل وصلو ع بيت اهلها ل دانا ، دقو ع الجرس استقبلوهم اهلها ل دانا ..
ابو دانا : اهلا وسهلا شرفتونا تفضلو
ام دانا : تفضلو نورتو
دخلو وقعدو بالصالة وتعرفو ع بعضهن وبعد شوي طلعت دانا قدمتلهن القهوة ...
سهاد : ما شاءالله عنها الله يحميها
مهدي : والله وعرفت تختار يا ضرسان
ايلول ابتسمتلها بتصنع ...
علا : كيفك دانا
دانا : تمام حبيبتي كيفك انتي
علا : الحمد لله تمام
مهدي : بعد ما شربنا قهوتنا نيجي لسبب زيارتنا ، بعد ما الشباب تعرفو وحبو بعضهن ما في شي نقدملهم ياه الا انو نجمعهم سوا ، لهيك احنا بشرفنا نطلب ايد بنتكم دانا لابنا سامي ع سنة الله ورسوله ..
ابو دانا : النا الشرف والله ما رح نلاقي نسب يشرفنا متلكم ، اهم شي سعادة اولادتنا
مهدي : خلينا نقرا الفاتحة ع نية التوفيق يلا بسم الله ...
ايلول كانت عم تختنق بس مع هيك ضلت متظاهرة بالثبات والقوة واول وحدة باركتلهم ..
ايلول قامت من مكانها سلمت على دانا وباستها ، وعملت متل الشي مع سامي ..
بعد المباركة قعدو واتفقو ع تفاصيل الخطبة وقررو انها تكون بعد ٣ ايام ، وبعد ما خلصو رجعو ع الفيلا وكانو اهلو ل سامي فرحانين كتير بالعروس ...
ايلول : عن اذنكم انا بدي اطلع ابدل تيابي وانام عندي شغل بكير
مهدي : ماشي عمو ارتاحي اذنك معك
سامي : ايلول فينا نحكي شوي
ايلول : شو فيي
سامي : بدي استشيرك بشي
ايلول بعدم اعجاب : اعطيني شوي وقت لابدل تيابي وبعدها تعا ع غرفتي لنحكي ..
سامي : ماشي تمام وانا رح بدل تيابي واجي ..
طلعت ايلول بدلت تيابها وقعدت قدام مرايتها لحتى تزيل مكياجها ، بهالوقت سامي دق ع الباب ..
ايلول : تفضل
سامي : فيني فوت
ايلول : ايه اكيد
سامي قعد ع التخت وهي كانت قدام مرايتها ، لاففتلو ظهرها ..
ايلول : احكي سامي شو في
سامي : لشو عم تخططي ايلول هدوئك مو عاجبني
ايلول استفزت منه وفتلت الكرسي لوجهو : سامي انت شو بدك تسمع مني ، شو الجواب اللي بدك تسمعو
سامي بتلبك : لا تقنعيني انك بيوم وليلة قفلتي ع الموضوع وعم تتصرفي ولا كانو صار
ايلول باستياء : يعني شو كنت ناطر مني اركض وراك واترجاك هاد اللي بدك ياه لا ما حزرت ، وما بدي اقنعك بشي لانو ما بهمني ازا اقتنعت او لاء انا الموضوع تسكر عندي وانت ما في داعي يضل شاغل بالك انساه واعتبرو ما صار ..
سامي : بتتزكري كيف كانت علاقتنا ، انتي كنتي اقرب الي من علا كل شي كنت خبرك ياه ، لما احتاج لحد احكي معو الجئلك اول حدا وغيرو كتيير ليش هيك عملتي فينا لييش هيك بعدتينا عن بعض لييش حرمتيني منك بهالطريقة
ايلول بغضب : انت ع شوو عم تحاسبني اه ع شو ، كانو احبك كان اختياري انا ما بعرف كيف هالمشاعر كبرت جواتي بدون ما احس ع حالي انا ما الي ذنب بشي ، يا ريت فينا نختار الاشخاص اللي بنحبهم هالشي ما بيصير باختياراتنا والا ما بيكون حب
سامي : حكي فاضي الحب بيصير باختيارك انتي ، لا تحكي معي كانك فيلسوفة بالحب وما حد بفهم فيه غيرك انا اخترت اني احب دانا وحبيتها كان فيكي ما تلجاي لهالخيار بس انتي اخترتيه بايدك
ايلول : سامي انت ما بتحبها ل دانا ورح تفهم كلامي بشي وقت ، انا ما بهمني هالشي كلو اللي بيهمني انك تكون سعيد
سامي : فيكي ترتاحي انا بحبها كتير ل دانا وما رح حب وحدة تانية بحياتي كلها
ايلول : فهمت فهمت فهمت ..
بهالوقت بيرن تلفونها ل ايلول بيكون تيم ..
سامي : مين بدقلك بهالوقت
ايلول : شو علاقتك
سامي : كيف شو علاقتي انا اخوكي الكبير
ايلول : انت مو اخي وحاج تتصرف كانك ولي امري انا بعمر بقدر انتبه ع حالي واخد قرارات بتخصني ، لو سمحت اتركني لحالي هلا
سامي طلع من الغرفة وكان معصب كتير من كلام ايلول ، ايلول اخدت نفس عميق وفتحت الخط ..
ايلول : الو
تيم : كنت رح سكر فكرتك نايمة بعتذر ازا اتصلت بوقت مو مناسب
ايلول : ولا يهمك ما كنت نايمة ، شو فيي
تيم : دقتلك لاخبرك انو العقد صار جاهز وفينا نوقعو بالوقت اللي بتشوفيه مناسب الك
ايلول : تمام بكرة مناسب الي
تيم : أي وقت
ايلول : فيني بكرة دقلك وبخبرك
تيم : تمام رح انطر مكالمتك
ايلول : تمام ، تصبح ع خير
تيم : ايلوول
ايلول : ايووة
تيم : بشوفك بكرة
ايلول ابتسمت : تمام يلا تصبح ع خير
تيم : وانتي من اهلو احلام سعيدة
ايلول : الك كمان وقفلت الخط ..
تيم مع نفسه : ايه لسة بكير ع شو مستعجلة لتقفل الخط

ايلول كانت مزعوجة ومقهورة كتير من كلام سامي معها : كيف ما عاد تنتبه انك عم تجرحني وتاذيني بكل كلمة بتطلع من تمك ، انا طلعت مكبرتك بعيني كتير واتاريني كان معمي ع قلبي اييه بعد هلا ما رح اعطي اي حدا قيمة اكتر ما بيستحق ..
اووف شو تعبانة لازم نام لانو بكرة عندي كتير شغل ، من هلا رح كرس كل حياتي لشغلي وما عاد فكر بشغلات فاضية بتجيب الهم والنكد .. طفت اللمبة وغمضت عيونها وحاولت تهدا وتنام ...
ثاني يوم ..
في الفيلا عند تيم ..
تيم بيجهز حاله بكل اناقة وريحة بارفانو سابقتو ، بينزل لتحت بيتفاجئ بوجود أهله بالبيت ..
تيم بلهفة : ماما باباا ايمتى جيتوو ع اساس اجلتو الترويحة وبيركض لعندهن بيحضنهم ويبوسهم ...
ام هاني : لكك شو هاد يا ابني متحمم بقنينة العطر
تيم : عنجد ماما كل هالقد الريحة قوية
ابو هاني : هههه فوق ما تتخيل
تيم : لاء هي قوية اول شي هلا بتخف بعد شوي ، ايه كيفكم والله البيت كان فاضي علينا من دونكم وينو هاني ..
ابو هاني : اخوك نشيط اكتر منك سبقك ع الشركة
تيم : في اجتماع بكير لهيك
ابو هاني : شو ناطر بلا ما تتاخر انت التاني
تيم : رح خلص شغلي بكير وارجع ع البيت
ام هاني : ما رح نهرب ع محل
تيم : يا ست الكل نورتي بيتك انتي والحج
ام هاني : انت شاطر تاخد بعقلي حلاوة المسا بدنا نحكي بموضوع مهم
تيم : اهااا ماشي ماما يلا بشوفكم .. وطلع من الفيلا
ابو هاني : هههه هرب دغري فهم انك رح تفتحي معه موضوع الجيزة
ام هاني : لوين بده يهرب وهو اخوه خلص حاجتهم بدي اشوف احفادي بحضني
ابو هاني : الله كريم
ام هاني : والنعم بالله
...............
ايلول بعد ما جهزت نفسها نزلت عن الدرج بحماس وتتنطط : صباحووو
سامي عم يتطلع فيها ومندهش كتير من حركاتها
مهدي : صباح الفل
سهاد : شوو حبيبتي شو كل هالحركة والنشاط
ايلول : بعجقة مبارح نسيت خبركم
سامي : بشووو
ايلول : رح يدخل معي شريك جديد بالنادي ، ومن خلاله رح اقدر افتح القسمين بنفس الوقت لهيك انا فرحانة ومتحمسة كتير ..
مهدي باستياء : ايلول كيف ما بتخبرينا بهيك شي مهم ، انتي رفضتي مساعدتي وهلا قبلتيها من واحد غريب ..
ايلول : بعتذر عمو انو نسيت خبرك ، انا بعرف انك بدك تساعدني وتوقف معي بس انا حابة ادخل هالمشروع من تعبي ومالي الخاص
سامي بانزعاج : عم تتصرفي كتير من راسك هالايام
ايلول طنشتو ..
مهدي بنبرة حادة : سامي
سامي : سكتت سكتت ، بس ما رح تخبرينا ست ايلول مين شريكك المفاجئ ..
ايلول : تيم العابد
سامي بيوقف من مكانه مصدوم : شووووو
مهدي : شركات العابد ما غيرها
ايلول : ايه عموو
سامي : مستحيل اسمحلك بهالشي
مهدي : سامي فيك تهدا ، ليش ردة هالفعل هاي
سامي بغضب : انتي من وين بتعرفيه ل تيم لتدخلي معو بشراكة
ايلول : عموو انا بحثت كتير عن الشركة هاي ، وهي من انجح الشركات بالبلد ورح تكون دعم وفرصة منيحة لالي لانهم رح يقدمولي المعدات والات باسعار مناسبة وجودة عالية انا قيمت المشروع منيح وشفت انو مناسب جدا ، بعد اذنك انا بدي تحترم قراراي
مهدي : ماشي يا بنتي انا بوثق فيكي وبقراراتك ، بس خلي ببالك انو باي وقت بتحتاجي دعمي انا موجود ..
ايلول : بعرف هالشي عمو الله لا يحرمني منك هلا عن اذنكم عندي تجهيزات كتير ..
مهدي : اذنك معك حبيبتي
ايلول بتطلع لبرة ، سامي بيحلقها وبيوقفها ..
سامي : كيف بتتجاهليني بهالطريقة
ايلول : وانت كيف بتسمح لحالك تقرر عني بهالطريقة
سامي : ايلووول لا تجننيني تيم اخر واحد فيكي تدخلي بشراكة معو ، انتي ما بتعرفيه ولا بتعرفي ..
ايلول مقاطعة : وفكرت اني بعرفك منيح ، ما كنت شايفة اديشك اناني وما بتفكر الا بحالك
سامي : هلأ انا هيك ايلول
ايلول : إيه انت هيك لو سمحت بعد هلا اتركني اعيش خياراتي واتحمل نتائجها لوحدي بدون تدخلاتك ، ولو سمحت اترك مسافة بيناتنا ما في داعي بكل مرة اذكرك بكلامك .. تركتو ومشيت
سامي مع نفسه وهو معصب : ما لقيتي الا تيم يا ايلوول ، عم بدوري ع المصايب لحالكك كيف رح فهمك هلا كيف رح تسمعيني اوووف منك يا ايلووول رح تجننيني ...
تيم بالشركة قاعد بالاجتماع وعينو ما انشالت عن التلفون ناطر مكالمة ايلول ..
هاني : ايه تيم شو قرارك
تيم شارد ..
هاني : احم احم تيم
تيم وعي ع حاله : ايه معكم
هاني : انا قيمت المشروع وبرايي ان مناسب كتير ورح يعود بفايدة كبيرة للشركة ..
تيم : وانا رايي من رايك
هاني : اذن مبروك علينا المشروع
تيم : اسمحولي فيكم تتفقو مع هاني ع كل التفاصيل
هاني عم يزورو ..
تيم : عن اذنك بنلتقي عن قريب ان شاءالله
احدهم : اذنك معك لقائنا قريب ان شاءالله
تيم طلع من غرفة الاجتماعات وراح ع مكتبو ، كان متوتر وناطر اتصال ايلول ..فاتح ع رقمها ومحتار ازا يدقلها ..
بهالوقت بدقلو ..
تيم مع نفسه قبل ما يرد : واخيراااا
تيم بلهفة : صباح الخير
ايلول : صباح النور
تيم : كيفك اليوم
ايلول : الحمد لله انا هلا فاضية وين بتحب نلتقي

تيم : اي مكان بناسبك
ايلول : نلتقي بنفس الكوفي انا اساسا قريبة من النادي
تيم : تمام شي عشر دقايق بكون عندك
ايلول : ناطرتك .. وقفلت الخط
تيم اخد مفتاح سيارته على عجلة وطلع بسرعة من الشركة ...
...............
ايلول وصلت ع الكوفي قعدت ع الطاولة وراحت بتفكيرها لكلام سامي ..
ايلول مع نفسها : اوووف شو بدك مني يا سامي ليش هيك عم تعمل ليش عم تدايق وتنقهر لما تشوفني منيحة وبخير ، ما عم افهم عليك بالمررة ...
تيم كان واصل وواقف من بعيد عم يراقبها وهي عم تحكي مع حالها ، بيضحك ع حالتها وبيمشي لعندها بخطوات بطيئة بدون ما تحس عليه ...
ايلول : كل ما بفكر بهالموضوع راسي بيوجعني ما عاد فكر ابدا
تيم : وانا هيك رايي
ايلول مندهشة : تيم انت من ايمت هون
تيم : من وقت كنتي تحكي مع حالك
ايلول خجلت من الموقف : ايه وانت عم تراقب من بعيد وتحكي شو هالمجنونة وخايف تقرب
تيم بضحكة : هههههه يعني صحيح عم خاف منك شوي بس مع هيك بخاطر بكل شي وبقرب منك
ايلول ابتسمت : يعني عم تحكي مستعد تتحمل نتائج هالجنون
تيم سحب الكرسي وقعد قبالها وعم يطلع عليها بكل اعجاب : للأخر
ايلول بتتلبك من نظراتو وبتحاول تغير الموضوع : ايه وين العقد
تيم : اووف خليني اخد نفس واشرب شي بالاول
ايلول : ايه اعطيني اقراو وبهالوقت اطلب شي
تيم : تفضلي ست ايلول
ايلول اخدت العقد وصارت تقرا فيه ، تيم طلب قهوة لتنيناتهن ..
ايلول غرقانة بالعقد وعم تقرأ فيه ، وتيم ما شال عيونه عن ايلول سرحان بجمالها ..
ايلول رفعت راسها عن الاوراق واتلبكت لما شافتو عن يطلع عليها بهالطريقة ..
ايلول : تيم ليش هيك عم تطلع فيني
تيم بضحكة : هههه كيف يعني
ايلول بعفوية : شوو كيف يعني رح تاكلني بنظراتك وعيونك
تيم ضحك بصوت عالي : ههههههه
ايلول : ليش عم تضحك
تيم : حبيت عفويتك وصراحتك
ايلول : رح كون صريحة اكتر لا تطلع فيني هيك ، ما بحب هالنظرات ..
تيم : رح كون صريح اكتر انتي بتعرفي اني معجب فيكي وهالشي مو جديد عليكي ، يعني ظلم كبير منك انو تطلبي مني هيك شي لانو مو بايددي
ايلول : شكلي رح اتراجع عن توقيع العقد
تيم : لاء لاء خلص تمام ما رح اطلع عليكي بهالنظرات
ايلول : شروط العقد مناسبة الي وهي وقعت تفضل ..
تيم : ان شاءالله بتكون شراكة خير
ايلول : ان شاءالله .. وقامت من مكانها
تيم : ع وووين
ايلول : شو ع ووين شو رايك ابقى معك طول النهار
تيم : صدقيني ما رح يكون عندي مانع
ايلوول : عندي اشغال كتير مو فاضيتلك
تيم : اشربي القهوة ع الاقل
ايلول : خليها لوقت تاني يلا سلام ... ومشيت
تيم مع نفسه : شو هالبنت هي مو معئووولة
ايلول ماشية وعم تضحك : هههه عنجد انو مجنون وبلا عقل ..
......................
تيم رجع ع الشركة وعقلو مع ايلول ، ايلول مرقت ع النادي وباشرت ع التحضيرات ورجعت ع الفيلا ما كان موجود حدا طلعت على غرفتها بدلت تيابها وتمددت ع تختها ...
بيندق الباب عليها ..
ايلول : تفضل
بيدخل سامي وبتتفاجئ ايلول من تواجده بهالوقت ..
ايلول بتجلس قعدتها : شو في سامي
سامي : مرقت ع النادي حكولي انك مشيتي
ايلول : في شي
سامي قرب منها وقعد قبالها : ايلول انا بدي حاكيكي بس اسمعيني للاخر ممكن
ايلول بعدم اعجاب : تفضل
سامي : انا بعرف انو ما بحقلي ادخل بحياتك وقراراتك ، بس لما اشوفك عم تغلطي قدامي ما فيني اسكت وانتي هلا عم تغلطي انتي ما بتعرفي تيم مثلي ، تيم مانو شخص مزبوط ما فيكي توثقي فيه وتتعاملي معه
ايلول : كيف يعني مانو مزبوط
سامي : يعني دواوينه وقصصه مع البنات ما بيخلصو
ايلول : ايه يعني
سامي : ما فيكي تكوني قريبة من هيك شخص
ايلول : حياته الشخصية ل تيم ما بتهمني هاد اولا ، تانيا هو شب عزابي ومو ناقصه شي يعني يعيش حياته كيف بده هو حر فيها شو علاقتي انا لاقيمه بناءا ع هالشي
سامي : ازا انتي شايفة هيك انتي حرة بس لا تيجي بكرة تشكي وتبكي
ايلول باستياء : لما يصير هيك شي رح تكون اخر شخص اجي اشكيلو وابكيلو
سامي بعصبية : هلاا هيك صفت يا ايلول
ايلول بغضب : انت هيك بدك ما بتنتبه ع حكيك اللي بتحكيلي ياه ، بس ملاحظتك بتصير مليون بالمية ع كل كلمة بتطلع مني وبتاخد اتجاهي مواقف منها ع كلن اللي بيدق الباب بيسمع الجواب وهاد اخر كلامي ، لو سمحت اتركني بدي ارتاح ...
سامي طلع من الغرفة معصب وخبط الباب بقوة وصار يحكي مع نفسه وهو ماشي : ايه الله لا يردك اسطفلي لاشوف اخر عنادك لوين رح يوصلك ..
ايلول بغرفتها عم تاخد شهيق وزفير : اهدي اهدي ايلول ما بستحق تعصيبك ما رح تسمحيلو يستفزك ...
اوووف ما عم ينفع ما عم ينفع عم يعصبني عم يوترني عم يستفزني .... اوووف اووووف

بعد ما خلص تيم شغله رجع ع الفيلا هو وهاني ..
ام هاني مجهزة سفرة الغدا وناطرة اولادها ..
تيم اول ما يدخل : ياااا سلااام شوو اشتقت اشم هالروائح بهالفيلا

ام هاني : وانا اشتقت اطعميك بايديي
تيم : ههههه ماما كبرنا ع هالحركات
ام هاني : ايه معك حق كبرتو وصار لازم
تيم مقاطع : صار لازم نغسل ايدينا قبل الاكل .. وركض لجوا
ابو هاني : هههه ما في فايدة مع هالولد
هاني : ابدا لا تحاولو ههههه
ام هاني : هلا ما رح افتح السيرة ع الاكل بس بعد الاكل ما في مهرب مني
هاني بعدم اعجاب : ماشي ماشي خلينا ناكل هلا
تيم : انا جيت مو معقول شو جوعان ..
قعدو ع السفرة يتغدو سوا وبعد ما خلصو اكل ، انتقلو قعدو بالصالة ..
تيم كان فاتح ع صورة ايلول ع الواتس اب وعم يطلع فيها ويبتسم ..
هاني : احم احم
تيم بينتبهلو وبيسكر تلفونه وبحطه بجيبته : شو فيي
ام هاني : ايه كيف الشغل معكم
هاني : كالعادة الحمد لله كلو تمام
ابو هاني : شو مشاريعكم الجديدة
تيم : بما انو حكيتو مشاريع جديدة خليني احكيلكم بلا ما تسمعو من حدا تاني ، انا دخلت بمشروع نادي رياضي ..
ابو هاني باستغراب : نادي رياضي ، تركت هالشركات كلها و...
تيم مقاطع : بابا يعني ما تعتبرو استثمار ، اعتبرو مشروع شخصي بعيدا عن الشركات
ام هاني : من ايمت بندخل بشغلكم اعملو اللي بتشوفوه مناسب الكم
تيم : ما يحرمنا منكم يا ست الكل انتي
ام هاني : انا بحكي ما بدي ادخل وما بدي احكي بس خلص ما فيني استنى اكتر ، انا بدي افرح فيكم بدي اشوف احفادي بحضني
هاني : ماما انا خطبت مرة وما عاد عيدها
ام هاني : بس يا ابني هاي مو نهاية الدنيا ، اختيارك كان غلط وهاد سبب فشل هاالعلاقة
تيم : وانا بعدني صغير وما بفكر بهالموضوع ، بدي اعيش شبابي ما بدي ادفن حالي بالحيا
ابو هاني : انا بنسحب ع غرفتي لانو ما في فايدة من فتح هالموضوع دايما ما بنوصل لنتيجة .. تركهم وطلع على غرفته ..
ام هاني : ما رح تسمعو كلامي و تفرحولي قلبي آخ منكم رح اضل اتحسر اشوف كنايني متل باقي الناس واحفادي ..
تيم : يا امي لا تحكي هالحكي صدقيني كل شي بوقته حلو ، مانا جاهزين لهيك خطوة والعمر قدامك رح تفرحي فينا لا تخافي بس لما يجي الوقت المناسب ..
قام من مكانه وباسلها راسها وعانقها : لا عاد تحكي هالحكي الله يديمك فوق راسنا طول العمر
ام هاني : الله يرضى عليكم
.......................
بعد ما مرق النهار ..
ايلول بغرفتها عم تمارس اليوغا ..
بتوصلها رسالة ع تلفونها من تيم ..
بتقطع عن اليوغا : مين بهالوقت
تيم : صاحية ؟
لما تشوف اسم تيم بتبتسم وبتدقلو ..
تيم بيفتح الخط ع طول بلهفة : ايلول
ايلول : ما الي خلق اكتب مسجات ايه صاحية في شي
تيم : لاء بس .. وسكت
ايلول : بس شو
تيم : حبيت احكي معك دايقتك
ايلول : كنت عم مارس اليوغا قاطعتني بس ما دايقتني
تيم : بعتذر
ايلول : مو مشكلة
تيم : ما رح عطلك كتير بس اعملي حسابك بكرة عازمك ع الغدا
ايلول : شوو المناسبة
تيم : فيكي تحكي احتفال بسيط بشراكتنا
ايلول : معناها انا لازم اعزمك
تيم : لا انا
ايلول : لا انا
تيم : حكييت انا
ايلول : عندي حل وسط
تيم : ههه شو هو
ايلول : تمام انت بتعزمني ع الغدا بس الحلوان عليي
تيم : اوووه عرض مغري
ايلول : هههه اتفقنا
تيم : اي ساعة رح شوفك
ايلول : فيني مر ع الشركة لعندك لحتى اخد نظرة ع المعدات والات
تيم بفرحة : اكيد طبعاااا كنت رح احكيلك لسة
ايلول : تمام اتفقنااا تصبح ع خيير
تيم : وانتي من اهلوو
تيم كان فرحان كتير بعد ما قفل الخط : يعني هيك بكرة رح قضي كل وقتي معها يا سلااام شوو في احلى من هيكك
ايلول مع نفسها : يييي كيف بعطيه هيك مواعيد نسيانة انو لازم انزل ع السوق لاشتري فستان مشان خطبة اخي الغالي ، امممم شو فيها لو اخدت رأيو اساسا علا ما رح تكون فاضيتلي لانو رح تكون مع دانا طول الوقت ..
هلا هاد اللي هامك يا ايلول فستان خطبة سامي ايه اتظاهري بالقووة لاشوف كيف رح تتماسكي لما تشوفيه عم يلبس المحبس لخطيبتو قدام عيونك وتكون بحضنه وبين ايديه طول الوقت ..
يا رب دخيلك تساعدني وتعطيني القوة الكافية لابقى قوية وثابتة .. انا ما الي غيرك بدونك رح اضيع واشقى لا تتخلى عني وامنحني القوة الكافية اللي اقدر احارب فيها وما اضعف قدام اي حدا من خلقك دخيلك يا رب ... انت ما تخليت عني باي وقت كون معي انا بحاجتك ووحدك عارف شو جواتي وشو شعوري دلني ع الطريق الصح وما تخليني اضيع يا رب ....

كان ليل طويل بالنسبة لتيم ، صحي من نومه بكل حماس لبس تيابه الانيقة ورش من برفانه الخاص ..
وقف قدام المراية : هيك الوضع تمااام
نزل من غرفتو عم يصفر ..
ام هاني : شوو هالنشاط وشو هالانااقة
تيم ركض لعندها باسها وقرصلها خدودها : صباح الفل يا ست الكل
هاني : ما عم سدق عيوني الاستاذ تيم صاحي ومجهز حاله قبلي
تيم : ايه سدق وبلا غلاظتك
هاني : شو السر بهالشي
تيم : انا رح روح لما تخلص غلاظتك بتلحقني
هاني : ايه روح انا بدي اشرب قهوتي ع رواق
تيم : بشوفك بالشركة لكاان
هاني : ايه بنشوفك
تيم ركب سيارته وراح ع الشركة ...
...................
ايلول نايمة بتدخل لعندها علا بتصير تفيق فيها ..
علا : ايلولووو
ايلول بنعوسة : شو بدك
علا : ليش نايمة لهلا ما عندك شغل
ايلول : ليه اكم الساعة
علا : ٩ ونص
ايلول بتفيق بسرعة : شوووو
علا : توقعت انك غاطة ومو دريانة عن حالك
ايلول فزت بسرعة عن تختها ..
علا : ايلول
ايلول : شوو
علا : مو نايمة منيح ما
ايلول بهروب : ليش هيك بتحكي بالعكس نمت منيح
علا : ع اساس ما بعرفك
ايلول : بلا لعي علا اتاخرت
علا : ع شوو
ايلول : ع تيم
علا ضحكت : لكك ايلول انتي ما عاد حكتيلي شي ، شو اخر الاوضاع
ايلول : ما في شي عم نجهز للنادي
علا : بس هيك
ايلول : بس هيييك
علا : ايه بنشووف
ايلول لبست تيابها وفردت شعراتها واخدت مفتاح سيارتها وطلعت ركض : بشوفك المسااا
علا ضحكت : ما في شي عم تحكيلي ايه شو عليه بنستنى وبنشوف ..
..........................
تيم بمكتبه عم يشرب بقهوته بتدقلو ايلول ..
تيم : صباحوو
ايلول : صباحوو
تيم : شو وينك
ايلول : شوي وبوصل فيك تنطرني قدام الشركة
تيم : ايه اكيد ناطرك
ايلول : دقايق بكون عندك
تيم : وانا رح كون ناطرك
تيم قفل الخط ونزل من الشركة ينطر ايلول لتوصل ، بعد دقايق قليلة وصلت ، ركنت السيارة ونزلت منها ..
تيم اول ما شافها مع نفسه : شوو هالعذاب كل مرة بشوفها بتكون احلى من المرة اللي قبلها ..
ايلول وهيي جاية لعندو : عم تاخد مني عادات سيئة
تيم بضحكة : كيف يعني
ايلول : مثلا عم تحكي مع حالك متلي
تيم : هههههه ما انتبهت
ايلول : صباح الخير
تيم : صباح الورد ، تفضلي
دخلو ع الشركة سوا وراحو قعدو بالمكتب ..
تيم : قهوة ؟
ايلول : ما بحكي للقهوة لاء
تيم : نيالها
ايلول ابتسمت ..
تيم : سلوى اتنين قهوة سادة لعندي
سلوى : حاضر تيم بيك
تيم : صحيح وصلتني دعوة ع خطبة سامي
ايلول : عنجد
تيم : ايه
ايلول : اهلا وسهلا
تيم : مبسوط انو رح شوفك حتى بيوم العطلة
ايلول : بعد ما نشرب القهوة رح تاخدني لحتى نشوف المعدات ما هيك
تيم : ايه لا تقلقي
تيم : ايلول انتي منيحة
ايلول : ايه منيحة ليه بتسأل
تيم : ما بعرف حاسس بغير هالشي
ايلول : انا منيحة ما في شي ..
بهالوقت بتدخل سلوى بتقدملهم القهوة ، بيشربو قهوتهن وبيروحو ع المخازن لتشوف ايلول المعدات وبس يخلصو بيطلعو من الشركة سوا بسيارة تيم ، سيارة ايلول بتبقى قدام الشركة .....
................................
تيم بياخدها لايلول ع اكتر مطعم بحب ياكل فيه وبيروحلو ..
تيم : هاد اكتر مطعم بحبه
ايلول : وانا جيت مرة اكلو زاكي
تيم : شو بتحبي تاكلي
ايلول : بما انو ما في مفر باخد ستيك
تيم : وانا رح اخد متلك
ايلول : تمام
تيم بيطلب الاكل وبهالوقت بيقعدو يحكو هو وايلول ..
تيم : ايه من هون ليجي الاكل احكيلي عن حالك
ايلول : شو بدك تعرف عني
تيم : كلششي
ايلول : هههه لا هيك صعب
تيم : لا جد حابب كتير اعرفك عن قرب واعرف كل شي بيخصك ...
ايلول بغصة : فقدت امي وابي لما كان عمري ١٥ سنة ، بعدها اخدني عمي لعندهن وربيت مع علا وسامي ما بعرف لولاهن شو كان صار فيني ، عمي وقف معي كتير وعوضني عن وجود ابي قد ما يقدر ما فرق بيني وبين اولادو ..
من وانا صغيرة لما كنت عصب او ازعل الجئ للركض والرقص ك نوع من تفريغ الطاقة ، كتير كنت احب امارس الرياضة من صغري وكبرت فيني هالشي درست بهاد المجال وتخرجت منه ومعي كتير دورات وشهادات ، وهلا صار وقت تحقيق جزء من احلامي ....
تيم كان متاثر كتير بكلام ايلول وحزن عليها : ما بعرف شو احكيلك بس هلا صار فيني افهم سبب الحزن اللي دايما بشوفه بعيونك ..صحيح الحياة بتاخد منا كتير شغلات بس بنفس الوقت بتعطينا والشطارة هون انو نعرف كيف نسعد حالنا بالشي اللي بنملكو ولازم نتقبل ان الحياة ما بتعطينا كل شي ...
ايلول : ايه معك حق وانا هاد اللي بعملوو
تيم بتردد : وحياتك الخاصة
ايلول بلبكة : شو بها
تيم : يعني في حدا بحياتك او بتحبي حدا
ايلول لتغير الموضوع : كانهم طولو بالاكل
تيم فهم ع ايلول ودخل الشك بقلبه : عم تهربي من الموضوع ..
ايلول : بشو بيهمك هالشي ليش عم تسأل
تيم : انا كنت صريح معك من الاول وحكتلك انو معجب فيكي وحابب كتير اتعرف عليكي شي طبيعي يهمني الموضوع هاد
ايلول : وانا فهمتك انو مستحيل يصير بيناتنا شي ،

اكتر شي فينا نكون عليه اصدقاء ..
تيم انزعج كتير وانقلب مزاجه ..
بهالوقت بيوصل الاكل ..
ايلول : خلينا هلا ناكل وما نحكي بشي اترك كلشي للوقت ..
تيم بزعل : مااشي ..
بعد ما خلصو اكل طلعو من المطعم وركبو بالسيارة ..
تيم بعدو قالب وجهو : ع وين هلا
ايلول : ع البيت
تيم : كيييف ع البيت ع اسااس حتعزميني ع حلو
ايلول : غيرت رايي
تيم : اها ع راحتك
ايلول : تيم
تيم التفت عليها وبزعل : نعم ايلول
ايلول صارت تضحك ..
تيم : شو اللي بضحك ايلول
ايلول عم تخبي ضحكتها : تمام ما رح اضحك ، بس كيف فيني روح معك ع محل وانت قالب خلقتك هيك فيني ..
تيم : بعتذر منك ما بعرف شو صرلي
ايلول : اممممم
تيم : شوو
ايلول : فيني اطلب منك مساعدة
تيم : اكييد انتي بتؤمري
ايلول : بصراحة انا هلا شبعانة ومو مشتهية الحلو فينا ناجلها شوي
تيم : وانا متلك
ايلول : انا لازم اشتري فستان لخطبة سامي فيك تساعدني بهالموضوع ..
تيم متفاجئ : أنااا اساعدك بفستاان
ايلول بضحكة : ايه
تيم : ايلوول انا بساعدك بكل شي بس شوو بفهمني بالفساتين انااا
ايلول بدلع : لااا تردني خايبة بلييز
تيم بابتسامة : ما فيني ارفض بعد هلا
ايلول : ايووة هيك ، يلا شغل سيارتك
تيم : انطلقنا
....................
بعد ما يوصلو ع قدام محل الفساتين تيم بيركن سيارته وبينزلو منها ..
ايلول : يلا تيم شو بك جمدت
تيم : ايلوول اعفيني من هالمهمة انا رح انطرك بالسيارة
ايلوول : لاء لاء ممنوع
تيم : رح تخليني مسخرة قدام الناس ايلول
ايلول ضحكت وراحت سحبتو من ذراعو : يلا مشي مشي
تيم : كييف سايرتك واجيت لهون ما بعرف
ايلول : اسكت ولا حرف
دخلو ع المحل وتيم بعدو متوتر وخجلان من الموقف 😀
ايلول : يعطيكم العافية صبايا
صاحبة المحل : اهلا وسهلا نورتونا
ايلول : تسلمي
صاحبة المحل : فستان خطبة ولا عرس
تيم بلع ريقه ايلول انتبهت ع ملامح وجهه وصارت تضحك عليه ..
ايلول : لا هيك ولا هيك مو انا العروس بدي فستان ناعم بس بنفس الوقت يكون حلو
صاحبة المحل : انا شخصيا رح اهتم فيكي تفضلي معي نشوف الموديلات ..
ايلول : تيم خد نفس واقعد ارتاح
تيم مع نفسه : اووف منك يا ايلول شو عم تخليني اعمل ..
ايلول اختارت عدة فساتين ودخلت لتجربهم ...
طلعت ايلول من غرفة القياس لابسة فستان احمر قصير لفوق الركبة ومكشوف من الظهر ..
تيم كان قاعد ع تلفونه ..
ايلول وقفت قبالو : احم احم
تيم التفت عليها انسحر بجمالها وما عاد فيه يشيل عيونه عنها ..
ايلول خجلت من نظراتو ..
ايلول : تيم
تيم بتلعثم : نعم ايلول
ايلول : شو رايك
تيم : بشو
ايلول : بالفستان شو بشوو
تيم : ما بعرف
ايلول باستياء : شو ما بتعرف مانو حلو يعني
تيم : حلووو بس ..
ايلول : بس شوو
تيم مع نفسه : ما بعرف هاد فستان ولا قميص نوم
تيم : حلوو بس جربي شي تاني ولون تاني
ايلول : اممم معك حق دايما بلبس احمر ما هيك
تيم : ايه مثلا جربي الاسود برايي رح يلبقلك اكتر وازا بيكون طويل احلى هيك بشوف ..
صاحبة المحل : معناها رح فرجيكي موديل كتير رح يعجبكم ..
ايلول : ماشي يلا
تيم مع نفسه : شو بك جنيت من خوف انها تلبسو شو دخلك انت اوووف ...
ايلول لبست الفستان الاسود وطلعت لعند تيم ليشوفه ..
ايلوول : شو رايكك بهاد
تيم : يعني بضل اهون من اللي قبل
ايلول : كيف يعني
تيم : آه ولا شي قصدي كتير حلوو لابقلك
ايلول : وانا حبيتوو خلص رح اخدوو
تيم : تمااام ..
ايلول دخلت بدلت تيابها وحاسبت ع الفستان وطلعو من المحل ...
تيم : هلاا ع وين
ايلول : ناكل حلوو متل ما وعدتك
تيم : شو رايك نلغي الحلو
ايلول : لييش
تيم : مو ع بالي اقعد بمكان مغلق شوفي الجو كيف حلوو
ايلوول : رايي من رايك الاماكن المغلقة بتضغط عليي ، معناها رح نشتري شي ونقعد بالحديقة ..
تيم : هيك بناسبني
ايلول : وانا كمان
تيم : معناها اركبي ...
اشترو كوكتيل وراحو ع الحديقة ..
تيم : هيك فينا نقعد ع رواق
ايلول : ايه معناها تعا لاحكيلك
تيم : شوو
ايلول قعدت ع الارض وتربعت : يلا اقعد
تيم باستغراب : رح نقعد ع الارض
ايلول : ايه
تيم : لشو المقاعد موجودين ازا رح نقعد ع الارض
ايلول مسكتلو ايده وقعدتو حدها : يييي شو بتكبر المواضيع ريلاكس ..
تيم بابتسامة : ييي شو مجنونة
اطلعو ع بعضهن وضحكو سوا : هههههه
تيم وهو صافن فيها : حد حكالك من قبل ان ضحكتك فيها سحر خاص ..
ايلول بتلبك : لاءء
تيم : كييف
ايلول : شوو كيف
تيم : ما بدي ارجع اسالك لانو ما رح تجاوبيني ..
ايلول : ما في وضع متل ما انت مفكر ما في حدا بحياتي ..
تيم فرح كتير : عنجد
ايلول بغصة : ايه
تيم : يا ريت كون محظوظ وتسمحيلي ادخل ع حياتك هيي
ايلول : تيم انا ..
تيم مسكلا ايدها : لا تعطيني جوابك ما بدي اتزكر شي من هاليوم الا كل شي حلو ومميز عشتو معك ...
ايلول بهاللحظة كانت اول مرة بيدق قلبها ل تيم وبتحس بشعور غريب لما لمسلها ايدها ..

ايلول سحبت ايدها بسرعة وقامت من مكانها : خلينا نمشي هلا
تيم وقف عن الارض : ايلوول ليش عم تهربي هيك
ايلول : ما بدي اسمع منك شي
تيم : عم تظلميني هيك اعطيني فرصة وحدة بس
ايلول سكرت ع اذنيها وبغضب : حكتلك ما بدي اسمع شي وقفل ع هالسيرة .. تركتو وراحت ع السيارة
تيم زعل وعصب كتير ضرب رجلوو بقوة للمقعد اللي حدو ولحقها ..
ركبو بالسيارة وراحو ع الشركة وطول الطريق ما حكو مع بعضهن ولا كلمة ..
ايلول نزلت من سيارة تيم وركبت بسيارتها ورجعت ع الفيلا ..
تيم بقي واقف ومقهور وبعصبية : ما عااد اركض وراكي ايلوول .. شغل سيارته ورجع ع الفيلا ...
.............................
بترجع ايلول ع الفيلا ولما بتدخل بتتفاجئ بوجود دانا ..
ايلول : مرحبا
دانا : هلا ايلول كيفك
ايلول : الحمد لله
مهدي وسهاد : اهلين ايلول
علا : وينك عم دقلك ما بتردي
ايلول : جدد ما انتبهت ناسييتو سايلنت
سهاد : مو مشكلة المهم جيتي ع وقت الغدا
ايلول : لو بعرف ما كنت اكلت برة
سامي : من ايمتى بتتغدى برا
ايلول : تيم عزمني ع الغدا بعد ما وقعنا العقد
مهدي : مبرووك حبيبتي
الجميع باستثناء سامي : مبرووك
ايلول : الله يبارك فيكم
سامي بغضب : يعني طلعتي انتي وتيم لحالكم
ايلول : ما تنشغل بهيك امور سامي اهتم بخطيبتك هلا ، عن اذنكم بدي اطلع ارتاح
علا : اقعدي معنااا شوي
ايلول زورتها ..
علا : ازا تعبانة خلص مو مشكلة ارتاحي
ايلول استاذنت منهم وطلعت على غرفتها وبقيت فيها طول النهار ...
تيم كان جانن ومعصب من ايلول حاكى سالي والتقى فيها ..
تيم شارد وعم يفكر بايلول ومو مركز بحكي سالي ..
سالي بتعصب : اووف تيم بما انك ما بدك تحكي ليش دقتيلي ..
تيم : راسي عم يوجعني شوي لهيك
سالي : سلملي حالك وراح انسيك حالك مو بس وجع راسك ..
تيم : تعي اقعدي حدي معناها ..
سالي : فيني اقعد بحضنك
تيم سحبها لعندو و ....
ايلول بقيت بغرفتها وكانت مقهورة كتير وحاسة حالها وحيدة بلا حدا سامي خسرتو ومعها خسرت صداقتو، حتى علا اقرب وحدة لالها صارت بعيدة كتير عنها هي الفترة ...
خطر ببالها تدق ل تيم لانو حست حالها بحاجتو وحابة تحكي معه بس اتزكرت اللي صار اليوم وردت حالها ....
بقيت طول الليل سهرانة ما غفيو عيونها كانت اطول ليلة ممكن تمرق عليها ، ليلة شعرت فيها بالوحدة والوجع والالم والحاجة واشياء كتيرة ما فيها تحكيها او تشرحها لحدا ..
صباح جديد ..
اليوم اللي منتظرينو كل اللي بالفيلا وفرحانين فيه باستثناء ايلول اللي ح يكون من اصعب الاختبارات اللي ممكن تتجاوزها ...
ايلول بعد ما بقيت سهرانة لوجه الصبح غاطة بالنوم بتدخل لعندها علا بفوضة وكركبة كبيرة بالغرفة ...
ايلول بتفتح عيونها : علا شبك شو كل هالفوضة هيي
علا بعجلة : ما عم احسن لاقي كندرتي السودة
ايلول : بتحبي قوم دورلك عليها
علا : يا ريت عندي كتير اشيا اعملها لسة
ايلول بنبرة زعل : راعيي مشاعري شوي حاجتك تتنططي هيك وكانك طايرة من الفرحة
علا : ايلول انا مراعية مشاعرك وانتي كمان راعي مشاعري انو رح تكون خطبة اخي الوحيد وهاي الفرحة حقي فلا تسكتريها عليي ..
ايلول بغصة : ايه معك حق اسفة
علا اخدت غراضها وطلعت من الغرفة ونزلت لعند سامي لياخدهم ع الصالون هيي ودانا ...
..................
بعد مرور النهار اللي مرق كلو تجهيزات وتحضيرات وعجقة الكل صار جاهز لوقت حفلة الخطبة ..
ايلول لبست فستانها الاسود وسرحت شعراتها بالبيت وعملت ميكب خفيف ناعم ، بس طلعت كتير حلوة وبتاخد العقل ..
ايلول واقفة قدام المراية وعم تحكي مع حالها : فكرك يا ست ايلول ازا لبستي وتزينتي وقدرتي تخفي تعب وجهك وعيونك بالميكب رح تقدري تخفي وجع قلبك وغصتك اليوم ..
بهالوقت بيندق الباب عليها بتكون سهاد ، بتدخل لعندها ..
ايلول بتماسك: اهلين مرت عمو شوو كل هالحلاوة
سهاد : تسلمي لقلبي هاد ولا شي مقارنة بجمالك وروعتك
راحت لعندها حضنتها وباركتلها ..
سهاد : يلا بلا ما نتاخر عمك ناطرنا تحت ..
نزلت من الغرفة مع سهاد وطلعو من الفيلا وراحو ع الصالة ، كانو الضيوف بلشو يوصلو والحفلة شوي ورح تبدا ..
................
تيم وهاني بالطريق هاني عم بيسوق وتيم قاعد حدو ..
هاني : تيم شو قصتك الك فترة مو ع بعضك بضلك شارد ومو معنا
تيم : ما في شي
هاني : شو اخر التطورات معك ومع ايلول
تيم بعصبية : ما في تطورات وما رح يصير ولا بقى تجيبلي سيرة ايلول
هاني استغرب وما حكى وكفى سواقتو ..
في الصالة ...
بلشت الحفلة وعليت اصوات الموسيقى والمعازيم ناطرين العرسان ..
بيوصلو تيم وهاني ع الصالة ..
تيم بيلمح ايلول واقفة ع الطاولة لحالها ، بيختار طاولة قبالها ..
لما تنتبهلو بتطلع عليه بيدير وجهو عنها ..
ايلول بتنزعج كتير من تصرفه : عم ياخد موقف مني لسة كانو ناقصة انا ...

بهالوقت بيوصلو العرسان ع باب الصالة وبيدخلو مشلبكين بايد بعضهن والمعازيم عم يصفقولهن ...
بيوقفو بنص الصالة لحتى يلبسو المحابس ، ايلول بتنقهر وبتتوجع كتير وبيغدروها دموعها وبينزلو ع خدها ..
بينتبه عليها تيم ، بتترك الصالة وبتركض لبرا وتيم بس يشوفها هيك بيلحقها ..
بتقعد ع الدرج الخلفي وبتصير تبكي ...
تيم بروح لعندها وبقعد حدها بدون ما يحكي شي بس بيكون مقهور كتير لانو فهم سبب حزنها ..
ايلول وهي عم تبكي : ليش لحقتني
تيم بحزن : ما فيني شوفك بهالحالة واتركك
ايلول : ما رح تسالني ليش عم ببكي
تيم : لااء ابكي لترتاحي
ايلول قربت منه كتير وسندت راسها ع كتفه وصارت تبكي بكل حرقة وقهر ...
تيم قلبه كان موجوع كتير عليها ومنها ، بهاللحظة حس بضياع لاول مرة بواجهو ..
تيم رفعلها راسها عيونها كانو غرقانين بالدموع مسكلا وجهها الصغير بين ايديه : لااا تبكي ما عاد فيني اتحمل شوفك هيك
ايلول مسحت دموعها وبعدت شوي عنه ..
تيم : ما بعرف افرح ولا احزن انك اخترتي كتفي لتبكي عليه وتشاركيني بوجعك هاد بدون ما تهربي ..
ايلول بوجع: عمرك حبيت ؟
تيم اتفاجئ من السؤال وما عرف يرد ..
ايلول بحرقة : انا حبيتو لسامي من لما وعيت ع حالي ، هالحب كان من طرف واحد دايما ما كان في اي مقابل لمشاعري بس انا حميت هالحب جواتي ، يمكن هاد اكتر شي موجعلي قلبي انك تحب حدا بصدق وتخبيه دايما بقلبك وتحميه وتحافظ عليه وما تسمح لحدا يقرب منك او ياخد مكانه طول سنين وبالنهاية تكتشف وتعرف انك كنت عايش هالاحساس الك ومكبرو لالك وبس ولما تكتشف هالشي بتبدا تحارب بهالشعور وتحاول تطالعو منك بكافة الطرق بس انا ضعفت قدام هالشعور قلبي انهزم ما كنت قوية متل ما لازم كون ...
كلمات ايلول كانت عم تغرز بقلبه مثل السكين ل تيم ، لاول مرة بيكون لسانه مربط وما بيعرف شو يحكي ..
ايلول : احكي شي
تيم بحزن : شوو بدك احكي وقام من مكانه ومشي ..
وقفو صوت ايلول : رح تتركني لحالي
تيم غمض عيونه وبقي واقف شوي وبعدها التفت عليها : ما رح يكون الي مكان بحياتك ما رح تسمحيلي امسك ايدك لاطالعك من هالضياع رح تهربي مني طول الوقت انا ما فيني اتحمل هالشي ..
ايلول : انا بحاجتك هلاا كون معي ما تتركني لحالي
تيم رجع لعندها وقعد جمبها : ايلول رح اسالك سؤال وازا بيكون جوابه نعم انا ما رح اتركك ابداا
ايلول : شوو
تيم : انا ما بدي نكون رفقات انا بدي يكون الي بحياتك مكانة خاصة ، بدي هالمشاعر اللي بقلبك واللي حكيتي عنها تكون الي انا رح تعطينا هالفرصة ؟
ايلول ارتبكت كتير : بس انا بخااف
تيم مسكلا ايدها : لا تخافي انا معك وما رح اتركك ورح نتجاوز كل شي سوا
ايلول : ما فيني اوعدك بشي
تيم : تمام موافق بس خلينا نجرب لا تحكمي علينا بالاعدام بدون تجربة
ايلول : تماام
تيم فرح كتير : رح نتجاوز كل شي سوا
وقف من مكانه ومد ايدو : يلا ندخل هلا بكونو لاحظو غيابك
ايلول مسكت ايدو ومشيو : شكراا تيم
تيم : ع شوو
ايلول : انت كنت جمبي بهيك وقت
تيم : انا بدي كون معك بكل وقت
ايلول ابتسمت ..
تيم : وجهك ما بيلبقلو الا الضحك ما عاد بدي شوفك عم تبكي
ايلول هزت براسها ..
تيم : انا رح اسبقك لجوا وانت الحقيني
ايلول : ماشي
تيم دخل ع الصالة شافو سامي وبعدو بثواني دخلت ايلول ، سامي اشتلق ع الوضع وشاور لايلول بايده ..
دخلت ع الحمام زبطت ووجهها واخدت نفس عميق ورجعت ع الصالة وراحت لعند سامي ودانا ..
سامي بنبرة حادة : وينك انتي
دانا : حبيبي شو بك معصب شوي شوي ع البنت
ايلول : شو فيي
سامي : شفتك من وين جاية حسابك بعدين
ايلول بغضب : مين انت لتحاسبني التهي بحالك وتركتو ومشيت ...
تيم انتبه وادايق كتير ..
هاني : وين غطيت
تيم : خلينا نبارك ل سامي ونمشي
هاني : ايه مشي
مشيو لعند سامي ...
وصلو لعندو ..
هاني : الف مبرووك يا عريس الله يهنيك .. سلم عليه وباسو
تيم بدون نفس : الف مبروك سامي
سامي : يبارك فيك عقبالك مع انو ما اتوقع انك مفكر بالموضوع
تيم باستفزاز : ما بتعرف والله هي دنيا يمكن فاجئك عن قريب
سامي : في حداا
تيم : مو وقته هالحكي رح يكون النا قعدة مطولة ، بنستاذن منك هلا والف مبروك مرة تانية ..
هاني : مبروك يا عروس
تيم : مبروك
دانا : شكرا الكم يبارك فيكم
بعد ما باركو لسامي مشيو من الصالة ، تيم غمزها ل ايلول قبل ما يطلع وابتسمتلو ..
بعد ما خلصت الحفلة فلو المعازيم وسامي وصل ايلول اهله ع البيت ورجع لعند خطيبتو ..
علا وايلول طلعو على غرفهن ، وبعد ما بدلو تيابهن علا راحت لعند ايلول ..
علا دقت ع الباب وفاتت كانت ايلول قاعدة بتختها ..
علا : ايلول فيني فوت
ايلول : تعي علا
علا دخلت وقعدت حد ايلول : كيفك
ايلول : هلا خطر ببالك تسالي عن حالي
علا : ايلوول لا تعملي هيك قدري موقفي انتي الثانية ، انا اكتر وحدة كنت حابة تجتمعي انتي وسامي بس ما صار هيك سامي اختار حياته ومشي فيها وانتي كمان كفي حياتك وانسيه ل سامي

تيم : بدي اطلب منك هلاا هلاا تقومي تبدلي تيابك وتروحي ع النادي رح اجي اشوفك هناك
ايلول : بس بعدوو بكير
تيم : ما خصني بدي اشووفك
ايلول : هههه تمااام
تيم : انا رح بدل تيابي واطلع وانتي لا تتاخري
ايلول : اووك بشوفك سلام
تيم : الله معك
ايلول بعد ما قفلت الخط حطت ايدها ع وجهها وصارت تضحك ..
وتيم بعد ما قفل الخط قام ركض من التخت لحتى يجهز حالو ..
ايلول فتحت خزانتها لتختار لبسة وكان جواتها هالمرة حماس كبير لتشوف تيم ..
اختارت من الخزانة بنطلون جينز ازرق فاتح مع بلوزة بيضا شباح وبوت ابيض ، فردت شعراتها ورشت برفان واخدت النظارة ومفتاح السيارة وطلعت من الفيلا بدون ما يحس حدا عليها ... .
تيم كمان جهز حاله بعجلة وطلع من الفيلا ..
.............................
ايلول وصلت قبل تيم ركنت السيارة وما نزلت منها ، قعدت تزبط بشعراتها ع مراية السيارة الا تيم بخبط ع القزاز ..
ايلول خجلت من الموقف فتحتلو قزاز السيارة ..
تيم : قمرر بكل حالاتك
ايلوول : تيم لا تضلك تخجل فيني
تيم : والله مو بقصدي خجلك بس الحكي بيطلع لحالو بس شوفك شو اعمل
ايلول : لا تعمل شي بعد عن الباب لانزل
تيم : ههههه ماشي
ايلول سكرت قزاز السيارة ونزلت ..
تيم صار يطلع فيها من فوق لتحت بنظرات كلها اعجاب ..
ايلول دابت بتيابها من الخجل من نظراتو : اوووف تيم
تيم ؛ هههه لكك شبك
ايلوول : كم مرة ئلتلك لا تطلع فيني هيك
تيم قرب منها وبصوت واطي : كيف عم اطلع
ايلول بلعت ريقها ودقات قلبها تسارعت من قربه : يعني هييك
تيم بصوت حنون: يعني عندك شكوة من تطليعاتي
ايلول رجعت لورا بسرعة : عم تخجلني
تيم بمزحة : متاكدة انك نفس البنت اللي بحركة منها جابتني مرمي ع الارض
ايلول ابتسمت : ههه هداك شي تاني وانت وقتها استحقيت
تيم : هههه ايه بعرف
ايلول : تيم ما بدنا ننسى الدعوات
تيم : لا تحطي ببالك هي الامور الشباب عم يشتغلو شغلهن صح وكلشي تمام
ايلول : طيب خلينا نفوت نلقي نظرة
تيم : اي يلا ..
.....................
في فيلا العم مهدي ..
مهدي وسهاد وسامي قاعدين ع السفرة عم يفطرو ..
مهدي : كانك امبارح تاخرت بالرجعة ع البيت
سامي : ايه خطيبتي ما تركتني ههه
سهاد : الله يهنيكم ماما
سامي : تسلميلي يا ست الكل
بتقاطع حكيهن علا ..
علا : صباح الخير
الجميع : صباح الورد
علا : شو وينها ايلول
الكل بيستغرب ..
سامي : احنا هون من شي نص ساعة ما شفناها
علا : ايه بتكون طلعت بكير
مهدي : مو من عوايدها تصحى بكير كل هالقد
سهاد : ايلول كتير متغيرة الها فترة مو ع بعضها ، حد فيكم بيعرف شو بها
سامي وعلا اطلعو ببعضهن وسكتو ..
مهدي : شو بكن صافنين ببعض انتو ما بتخبو شي ع بعض شو صايرلكم
سامي قام عن السفرة : انا رايح بشوفكم المسا .. اخد غراضه ومشي ..
سامي مع نفسه : ما بيزبط هيك انا لازم الاقيلي صرفة معها هلا بفرجيكي ست ايلول ..
كان معصب كتير منها ركب سيارته وراح لعندها ع النادي ...
تيم وايلول كانو بالنادي عم يتمشو وينفقدو النواقص ويحكو ويضحكو سوا ...
بيوصل سامي وبيشوفهن وبيطير عقله ، تيم وايلول مو منتبهين عليه بيروح وبيوقف قبالهن ..
سامي بيصفقلهن : برافووو عم تشتغلو شغلكن صح
تيم وايلول بتفاجئو من وجوده ، سامي بيقرب لعندهن .....
ايلول : اهلين سامي
سامي عم يطلع ع تيم بغضب ..
تيم : اهلين سامي كيفك
سامي بنبرة حادة : شو عم تعمل هون ؟
تيم بيطلع على ايلول : ما بيعرف
سامي : فهمت انكم رح تفتحو هالنادي سوا ، بس شو شكلك تركت شغلك بالشركات ورح تعطي كل اهتماماتك لهالنادي ..
ايلول : سامي انت
سامي مقاطع : ايلول انتي لا تدخلي
ايلول بغضب : ازا انا ما بدي ادخل مين بده يدخل بهيك وضع ، رح شوفك بتغلطي قدامي واسكتلك
العمال كلهم موقفين شغلهن وعم يطلعو فيهم ..
تيم : لا تعمل شوشرة هون
سامي : ايه معناها تعا معي لبرة
تيم : ايه باجي
سامي طلع لبرة وتيم لحقو وايلول كانت وراهم ...
سامي مسك بياقته ل تيم وبصراخ : بدك تفهمني شو بدك منها لايلول ..
ايلول : انت جنيييت ساامي بعد عنه شو عم تعمل ..
تيم مسكلو ايده ونزلهم بقوة عنه وبصوت خشن : اوعك تعيدها لهالحركة انا لهلا محترمك بس لما بتطاول بتغير الوضع ..
سامي : ايلول مانها من البنات اللي بتعرفهن اللي لما تزهق منهم بترميهم ، انا ما رح اسمحلك تقرب منها بعد هلا ما بدي اشوفك حواليها عم تفهم ..
ايلول بصراخ : بكففففي انا كم مرة فهمتك ما تدخل بحياتي وما تاخد قرارات عني ، انا ماني بنت صغيرة وفيني قرر مين بدخل لحياتي ومين بطلع منها ..وازا بتلاحظ كل مرة بتتجاوز حدودك اللي حطيتلك ياها ..
سامي بغضب : حتى لو كنتي زعلانة مني انا بعرف وين مصلحتك وما رح اسمحلك تدخلي ع حياتك ناس يجرحوكي وياذوكي ، هاد اللي شايفتيه قدامك وبتدافعي عنو بيعرف بنات ع قد شعر راسك وكل يوم مع بنت شكل يعني اللي بدك تفهميه مانو الشخص الصح اللي رح يخليكي تنسيني ...

تيم جن جنونه : هاد الشي بيني وبين ايلول انت ما فيك تدخل بعلاقتنا
سامي : هههه شفتي ما انكر اي كلمة حكيتها
ايلول : سامي روح من هووون
سامي : رح رووح بس مو قبل .. وقرب من تيم بسرعة لكمو لكمة ع وجهوو
سامي : هاد تحذير صغير لالك
تيم اجى ليهجم عليه ايلول وقفت قدامه ومسكتو من كتافه : بترجاك لاءء
ايلوول بصراخ: سامي رووح من هوون
سامي ركب بسيارته وقادها بسرعة وراح من عندهن ..
تيم بغصة : ليش ما خلتيني اضربه خفتي عليه وحمتيه مني ..
ايلول : لااء تيم ما بدي تتخانقو
تيم تركها ومشي ليطلع بالسيارة ..
ايلول مسكتلو ايدو : ع ووين
تيم بحزن: ايلول اتركيني هلاا
ايلول : ما رح اتركك لمكان ..
ايلول طلعت بسيارته : خدنا ع الحديقة لازم نحكي
تيم طلع بالسيارة وساقها بدون ما يحكي ولا كلمة ..
نزلو ع الحديقة وقعدو ع مقعد فيها وكان بعدو ساكت
ايلول دقتو ع كتفو : لا تعاقبني بسكوتك
تيم ما حكى وما التفت عليها ..
ايلول مسكتلو وجهو ودارتو لناحيتها : اطلع في عيوني وانا بحكي معك ..
تيم بغضب : رح جن يا ايلول رح جن كيف كان عم يحكي بكل ثقة انو انتي ما رح تحبي حدا غيرو او تنسيه ..
ايلول : بيهمك حكيو ولا حكيي انا
تيم : ليش انتي عم تحكي شي لافهم
ايلول وهي تطلع فيه: تيم انا بكون كتير مبسوطة معك بحس بالراحة والامان ، انا متاكدة انو هالمشاعر رح تاخدني لمكان ابعد من هيك خلينا ما نستعجل ونترك كل شي للوقت ..
كلام ايلول بالنسبة لتيم اعطاه الامل والتفاؤل وفرح كتير : عنجد عم تحكي
ايلول ابتسمت وهزت براسها ..
تيم : اوووه شو ريحتيني
ايلول : تيم بدي اسالك عن شي
تيم : اسألي
ايلول : شو بالنسبة للكلام اللي حكاه سامي بخصوص البنات وعلاقتك فيهم ، انت الك علاقات كل هالقد ..
تيم توتر : يعني كيف بدي ئلك
ايلول : احكي رح افهمك بس لا تكزب عليي
تيم : يعني انا شب عزابي ما في علاقة تربطني شي طبيعي اطلع مع بنات واختلط فيهم
ايلول تبدلت ملامح وجهها وتيم لاحظ هالشي ..
تيم مسكلا ايدها : ليكي ايلول هالشي كلوو قبلك انتي انا عم حس بمشاعر قوية نجاهك مشاعر اول مرة بعيشها ومبسوط كتير فيها ، مشاعر عم حس حالي مكتفي فيها ما بدي غيرك ولا بدي كون مع حدا تاني انتي بس اللي بدي ياكي ساعديني بهالشي وكوني معي لا تتركيني وانا بوعدك رح اتغير مشانك ما رح اعمل اي شي يزعلك او يجرحك
ايلول : بكفي انك كنت صريح معي انا ما رح حاسبك ع اي شي عشتو مع حدا قبل ما اكون بحياتك انا رح اتعلم اوثق فيك وبدي تكون قد هالثقة هيي بس ازا بشي يوم خنت هالثقة صدقني ما بسامحك طول حياتي
تيم : ما رح خونهااا بوعدك انتي بس اوثقي فيني
ايلول : تمااام ثقتي كاملة فيك
تيم : انا لازم روح ع الشركة هلا بحاكيكي
ايلول : مااشي انتبه ع حالك
تيم ؛ وانتي كمان ، ازا بتحتاجي شي دقيلي
ايلول : اووك
تيم رجع ع الشركة وايلول بقيت شوي وبعد ما خلصت رجعت ع الفيلا ..
..............
وقت المسا ...
في الفيلا عند العم مهدي ..
الكل قاعد بالصالة عم يشربو قهوة باستثناء سامي ..
ايلول شاردة وما عم تحكي ..
علا : ايه ايلول عاش من شافك
ايلول : انشغلت شوي بالتجهيزات للافتتاح
مهدي : التمام ع خير ان شاءالله
بهالوقت بيوصل لايلول مسج ع تلفونها من تيم
تيم : بتفكري فيني متل ما هم فكر فيكي ؟
ايلول بتشوف الرسالة وبتبتسم بترد عليه : هيك شي
تيم : نيالي معناها
ايلول : 😍😍
تيم : شو عم تعملي فيني اسمع صوتك
ايلول : سهرانين كلنا سوا
تيم انزعج كتير : سامي سهران معكم ؟
ايلول : لاء مانو بالبيت ارتاح
تيم مع نفسه : كيف بدي ارتاح وانتي معو بنفس المكان اوووف
تيم : لما تطلعي على غرفتك ابعتيلي
ايلول : ماااشي
رجع سامي ع البيت وكان بعدو معصب ومو شايف قدامه من اللي صار اليوم ..
سامي : اوووه الست ايلوول اتفضلت علينا بشوفتها والقعدة معها
مهدي : شو صايرلكم يا اولاد كانو هالنقار طول وزاد عن حدو
علا : ايه وانا هيك برايي
ايلول قامت عن الكنبة : تصبحو ع خير انا بدي انام
سامي : ايه اذنك معك تعبتي كتير اليوم
ايلول زورتو وطلعت على الغرفة ، وسامي عصب ورجع طلع من الفيلا ...
ايلول قفلت ع حالها بالغرفة وتمددت ع تختها ..
مسكت تلفونها ودقت ل تيم ..
تيم كان ناطرها وحاسس حاله مشتئلها كثير .. لما شاف اسمها ع التلفون فتح الخط بلهفة : وينك لهلأ
ايلول تلقائيا ابتسمت : هيني هون
تيم :طولتي عليي
ايلول : اووف
تيم بحنية : اشتئتلكك
ايلول دخلت ببعضها ودقات قلبها تسارعو ..
تيم : لا تسكتي سمعيني صوتك
ايلول : شوو احكي
تيم : ما اشتئتيلي انتي ؟
ايلول تلبكت كتير وسكتت ..
تيم : تمام تمام ما رح اسال اسئلة خجلك فيها ..
ايلول : تمااام
تيم : كيف معنوياتك للافتتاح
ايلول : تماام التمااام متحمسة كتيير
تيم : وانا كمااان ، شو رح تعملي هلأ ؟
ايلول : رح نام بعد ما اقفل الخط
تيم بتردد : شفتي سامي ؟
ايلول : ما حكينا بعد اللي صار
تيم : ايه احسن
ايلول : لا تفكر بالمووضوع

تيم : رح حاوول
ايلول : خلينا ننام ونرتاح وننسى كل شي سيء صار اليوم ..
تيم : ايلوول انتي من وين طلعتيلي
ايلول : كيف يعني ههه
تيم : لكك شو عملتي فيني لما شوفك ما بحب اتركك ولما بسمع صوتك ما بحب اقفل معك ، عم فكر فيكي طول الوقت ما بتروحي من بالي ولا لحظة لو بيطلع بايديي ما ببعد عنك ثانية وحدة ..
ايلول فاتت ببعضها وحطت ايدها ع قلبها اللي كان بيدق بسرعة من كل كلمة بهمسلها اياها تيم ..
ايلوول سكتت وما عاد سمعلها صوت بس كانت حاسة حالها عم تطير من الفرحة ... بقيو يحكو مع بعض لوقت متاخر ونامو وتركو الخط مفتووح ..
كل لحظة بيقضوها مع بعضهن كانت بالنسبة لتنيناتهن من احلى الاوقات ، بينسو حالهن وبينسو كيف الوقت بيمرق وهنن حد بعض .....
بعد يومين ..
كان يوم الافتتاح تيم وايلول صحيو متحمسين كتير لهاد اليوم وبلشو يجهزو بحالهن ..
تيم اختار بدلة لون كحلي انيقة كتير وبلش يجهز بحاله ليكون بكامل اناقته قدام ايلول ...
ايلول اختارت فستان اخضر قصير قريب من لون عيونها ..
تيم جهز حالو وكان كتير انيق وجذاب ، ايلول لبست فستانها الاخضر مع الاكسسوارات الناعمة وسرحت شعراتها برفعة خفيفة وطلعت كتير حلووة ...
بعد ما جهزت نزلت لتحت ..
مهدي : اوبااااا شوو كل هالحلااوة
ايلول : حلااة عيونك عموو
سهاد : طالعة بتجنني حبيبتي
ايلول : تسلميلي مرت عمو
علا : بتعقدي كالعادة ايلولو
ايلول : تسلموولي ، انا لازم امشي اتاخرت وانتو بس تجهزو اموركم بتلحقو
مهدي : ما رح نتاخر حبيبتي
ايلول : ان شاءالله
ايلول طلعت من الفيلا بحماس كبير وراحت ع النادي ..
وتيم بعد ما جهز حاله راح ع النادي ...
ايلول وصلت ع النادي قبل تيم وبلشت تتفقد بالمكان والنواقص ..
بعدها بشوي وصل تيم دخل وصار يدور بعيونه على ايلول ، لما شافها جمد بمكانه وما اتحرك وعلامات الانزعاج كانت باينة ع وجهو ..
ايلول شافتو وراحت ركض لعندو : كنت ناطرتك خفت تتاخر
تيم عم يتطلع فيها ومو حاكي شي ..
ايلول : شبك تيم لا تخوفني صاير شي
تيم بزعل : ما في شي
ايلول : كيف ما في شي مانك شايف وجهك
تيم بغضب : شبو وجهي
ايلول : ازا ما في مشكلة خلص
تيم زاد بغضبو : ايلول روحي من وجهي
ايلول بزعل وعصبية : يعني لاقيت الوقت المناسب لولدنتك ..تركتو مشيت
تيم لحقها وسحبها من ذراعها ع جنب : تعي لهون
ايلول : اتركنني تيم شو بكك
تيم : انا ما عم اتولدن
ايلول : لكان شو بكك فهمني
تيم : لييييش هييك لابسة ليييش ليييش
ايلول : شبو فستاني مو عاحبكك
تيم بغضب : يعني شو بدي احكيلك ليش مغلبة حالك ولابستيه كان ريحتي حالك وجيتي بلا تياب ، قاال فستااان اي لسة قميص النوم استر منه
ايلول جنت من كلامه وصارت تصرخ عليه : لكك انت كيف بتحكي معي هييك كيييف وعيان ع حالك ..
تيم : لا تجننيني ايلوول مو معئول ما عندك نظر كل هالقد ومو متطلعة ع حالك بالمراية ..
ايلول اتاثرت كتير من حكي تيم معها ونزلو دموعها ..
تيم لما شاف دموعها انقهر كتير : ايلوول لا تبكي لا تبكي شو اعمل جنيت من الغيرة عليكي ما بقدر اتحمل اشوف حدا عم يطلع عليكي وانتي هيك ..
ايلول : انت بتعرف انو انا بلبس هيك ولا مرة حكيت شي اشمعنا اليووم
تيم مسكلا وجهها وقرب منها : هاد الجمال ما بدي حد يشوفه غيري انااا افهمي عليي
ايلول : بس انا ..
تيم قرب وهمسلها باذنا : بحبككك بجنوون ايلوول
ايلوول سمعت هالكلمة عيونها صارو يلمعو من الفرحة وتسارعت دقات قلبها ...
بقيو واقفين قبال بعضهن وانفاسهن لامست بعض ، عم يتطلعو بعيون بعض وكانو كل واحد فيهم بأكد للتاني انو هو اله وبس ...
بيقطع لحظتهم تلفونه ل تيم ..
تيم : ما بدي هاللحظة تنتهي نفسي يوقف العمر هون
ايلول ابتسمت بخجل ..
تيم فتح التلفون : ايه هاني
هاني : وينك ما عم المحك
تيم : ليكني جايي
تيم ل ايلول : لا تزعليي مني
ايلول : كان فيك تحكي معي برواق اول مرة بشوفك هيك
تيم : وانا ما كنت بعرف حالي هيك ، عم عيش معك كلشي جديد حتى انو عم اتعرف ع حالي من جديد لكك شو عملتي فيي
ايلوول : بلا ما نتاخر هلاا رح نحكي بكل شي بعدين ...
تيم : ماشي رح نحكي
ايلول وتيم رجعو ع مكان الافتتاح كان مليان ومعجوق ، كل واحد فيهن انشغل بضيوفو ومعازيمو بس كانو عيونهن ع بعض طول الوقت ...
ايلول عرفت عمها ع تيم وانسجمو كتير بالحكي مع بعضهن ، اما بالنسبة ل سامي ما اجى ع الافتتاح ...

بعد ما خلص الافتتاح وفلو المعازيم تيم وايلول بقيو مع الموظفين ..
تيم : كان كل شي رائع
ايلوول : ايه كلشي تمام التماام وعدد الناس اللي سجلوو مشجع كتير ..
تيم : ايه شو مفكرة بعد هلا
ايلول : انا كنت متفقة مع مدربة انا رح كون صباحي ل ٢ وهي رح تستلم بعدي ل ٥ ...
تيم : وانا اتفقت مع المدربين التانيين وكلشي تمام
ايلول : كتيييير مبسوووطة
تيم : هههه وانا مبسووط لانك مبسووطة
ايلول : فينا نمشي هلأ
تيم : ع ووين تمشي فكرك رح اتركك بهالبساطة اليوم
ايلول : لا تحكيها تيم مو قدرانة ابقى بالكعب اكتر من هيك ..
تيم : هلا رح وصلك ع البيت بتروحي بتبدلي ثيابك وبتلبسي شي مريح
ايلول : ع وين ح نرووح
تيم : بدي امسك ايدك وافتل معك بكل الشوارع
ايلول : ايه بس هلا الكل رح يسالني كيف رح لاقي حجة
تيم : ما بعرف دبري حالك
ايلول : لحظة لحظة معي بدلة رياضة بالسيارة بينفع ما اساسا رح نتمشى ما رح نروح ع محل ..
تيم : اكييد بينفع يلا اركضي خديها وبدلي ثيابك وناطرك ..
ايلول فاتت بدلت تيابها بسرعة البرق وطلعت ركض لعند تيم ..
تيم : ما توقعتك تخلصي بهالسرعة
ايلول : يعني بكل الحالات ما بخلص من لسانك
تيم : ههههه عم امزح معك ...
مسكلا ايدها ومشيو سوا ...
ايلول : ع وين رايحيين
تيم : ما بيفرق المكان المهم نكون سواا
ايلول : معك حق
بقيو ماسكين بايدين بعضهن وعم يتمشوو لاكتر من ساعة ..
تيم : انا تعبت ما فيني اكتر من هيك
ايلول : هههه لازم تكون رياضي اكتر من هيك
تيم : بكفي حبيبتي رياضية
ايلول احمرو خدودها بس سمعت هالكلمة منو وبينها وبين حالها : في حدا بيحكي حبيبتي بكل هالحلااوة يااا
تيم قعد ع مقعد بالشارع : تعي نقعد هوون
ايلول قعدت حدو ..
تيم وهو عم يتطلع فيها : ايلول
ايلول : ايه
تيم : قربي مني اكتر
ايلول : تيم بلا غلاظتك
تيم : ما رح آكلك تعي
ايلول : بس ..
ما كملت حكي الا هو ساحبها لعندو للزقت فيه وحط ايده ع كتافها ..
تيم : هسسس لا تحكي شي وما تعترضي
ايلول كانت عم تاخد نفسها بصعوبة ..
تيم : ايلول
ايلول وراسها بالارض : ايه
تيم : اطلعي فيني
ايلول بلعت ريقها وما رفعت عيونها ..
تيم بايدو شوي شوي لف وجهها لناحيتو : خجلانة مني
ايلول ما حكت شي ..
تيم : حكتلك بحبك ما رح تحكيلي شي او تردي عليي
ايلول بنفس منقطع : ش.و اح.كي
تيم : ما عم تشعري شي اتجاهيي
ايلول بتردد: انا .. انا
تيم مقاطع : انا ما بدي اسمعك انتي بدي اسمع قلبك شو بيئلك
ايلول بشجاعة : إسالوو
تيم باستغراب : ليكني عم اسالو شو جوابه
ايلول : ما رح تعرف هيك .. مسكت ايده وحطتها ع قلبها ..
ايلول : سامع قلبي شو عم يحكي
تيم : انا بحقيقة ما هييك دقاات قلبك هي اليي انا ما هيك
ايلول : هههه ايه لالك
تيم : سمعيني ياها
ايلول بخبث : اايش هيي
تيم : بلا غلاظتك ايلول
ايلول قامت عن المقعد : اووف تيم شو فيها لو جينا بالسيارة كان اريح علينا ، يلا نوقف تاكسي ونرجع هلا بيقلقو عليي
تيم تبدلت ملامح وجهو لزعل : ماشي هلا بنرجع اسف اخرتك
ايلول : تيم
تيم بغضب: خلص ايلول لا تحكيها مستكترة هالكلمة عليي ..
ايلول : رح احكيها
تيم بنبرة جادة : لا تحكيها ايلول لا تحكيها
ايلول : شبك تيم
تيم : انا من اول ما عرفتك وانا عم اشرحلك بمشاعري ما سدقت وحسيت انو في مقابل لهالمشاعر ، ناطف قلبي لاسمع هالكلمة منك وانتي لسة عم تدللي وتتقلي عليي ..
ايلول بغضب : انا ما عم ادلل لما كون جاهزة رح احكيلك ياها ، انت عم تتسابق مع الوقت بدك كلشي بسرعة يصير كانو مهمة ولازم تاديها وتخلص منها بسرعة رح احكيها وقت حس انو لازم احكيها ..
تيم بصراخ : لا تحكيها ايلوول لا تحكيهااا ما بدي اسمعها خلص انا اسفف انو طلبت اسمعها منك ..
ايلول وقفت تاكسي بدون ما تحكي ولا كلمة وركبت فيها ورجعت ع الفيلا ...
تيم وقف تاكسي بعدها راح اخد سيارته ورجع ع الفيلا ...
بوقت المسا بعد ما كل واحد فيهن قعد مع حاله حس بالندم وتانيب الضمير ، لكن عناد كل واحد فيهم منعهم من انهم يحاكو بعض ....
............................
بيمرقو يومين تيم وايلول ما بيحاكو بعضهن وما حد فيهم بيتنازل للتاني ، تيم هاليومين ما بيمرق ع النادي لحتى ما يشوف ايلول ويعاقبها..
ايلول كل ما تجاهلها تيم كانت تزيد بعنادها لانو برايها انو كان عم يتصرف هيك ليضغط عليها وهاد الشي كان يدايقها منو اكتر ...
بالنسبة الهن الوقت ما كان عم يمشي بدون بعضهن ، عم يشتاقو لبعض كتير بس عم يكابرو وما حد فيهم اتنازل للتاني ....
ايلول سهرانة لوحدها بحديقة الفيلا عم تتأمل اكتمال القمر ، عم تفكر ب تيم وبتحكي مع نفسها : اووف ليش عم اشتئلوو هيك ايمتى تعلقت فيه لهالدرجة اييه خليني موت من اشتياقي ما رح حاكيه ابدااا ازا ناطر مني اتنازلك رح تستنى كتير كتيير لحتى تتعلم كيف تعاقبني بهي الطريقة سيد تيم ...
تيم متمدد ع تختو وفاتح ع رقمها لايلول : دق ولا ما دق دق ولا ما دق اووووف ..

قفل تلفونه ورماه بعيد عنه : ما رح دقلك ست ايلول وما رح حاكيكي لشوف اخرة عنادك هاد ، بس والله اشتئتلكك كتيير لييش هيك مصرة تعذبيني ليييش بكففي العذاب اللي عم اتحملو لما فكر انك مع سامي بنفس البيت آآآخ يا ايلول شو عملتي فيني ..
بحبك وبشتئلك بجنووون بس ما رح اتنازلك هالمرة لانو انتي الغلطانة لاشوف لايمتى ..
الساعات والايام ما كانو عم يمرقو عند تيم وايلول ، تيم ما عم يركز باجتماعاتو وشغلو ..
اما ايلول تضلها شاردة طول الوقت ...
تيم كان عم يجن من تجاهل ايلول مع الوقت قاعد بمكتبو وعم يفكر : اييييه انا ما عاد فيني اتحمل رح روح لعندها وانهي كل شي
طلع من مكتبو معصب ع الآخر ...
بيقاطع شرود ايلول تخبط سامي ع الباب ..
ايلول : سامي ! تفضل
سامي : فيني فوت نحكي شوي
ايلول : ايه تعا
سامي : مدايق كتير وما عرفت ع وين بدي اروح ، ما فكرت حالي الا هون قد ما لفيت دايما برجعلك لانو ما بلاقي حد يفهمني متلك
ايلول : شوو فيي سامي شو صاير معكك
سامي بتنهيدة : انا رح افسخ خطبتي
ايلول بتتفاجئ : لييش شو صاير
سامي : ماني مبسوط انا بعرف انو انتي هلا عم تحكي من جواتك انو بستاهل بس
ايلول مقاطعة : ساامي انا بحياتي ما تمنيتلك الاذى بالعكس دايما بتمنالك الخير
سامي : ايه بعرف
ايلول : شو صار
سامي : هيك صار ما عم نتفق كتير امور ، مشاعرنا تغيرت او ع الاغلب ما كان في مشاعر حقيقية بيناتنا ..
ايلول : ما بعرف شو بدي احكيلك سامي
سامي : عم اشتاق لعلاقتنا القديمة سوا ، كيف كنا نقعد نحكي بالساعات وما نخبي ع بعض كيف كنا قراب ونفهم ع بعض .. ع الاغلب انا غلطت وانا السبب بخسارتك يا ريت بيكون عندي فرصة لاصحح غلطي وترجعي توثقي فيي متل قبل ..
ايلول : اللي صار صار وبقي بالماضي خلينا ما نفتح الدفاتر القديمة
سامي : اخدت من وقتك كتير بنحكي المسا بالبيت لازم ارجع ع الشغل ..
ايلول : ماشي رح وصلك لا اتدايق حالك كلشي بينحل ..
ايلول بتطلع لتوصل سامي ع الباب وبهالوقت بتصادف دخول تيم ..
تيم بيجن من الغضب والغيرة لما يشوفهن سوا وبيدخل لجوا بدون ما يحكي مع حدا فيهن ..
ايلول بتتوتر كتير خصوصا بعد تطليعة تيم فيها بهالطريقة ...
تيم رايح جاي بالمكتب عم يحكي مع حاله : ايه انا عم اقتل حالي هناك وهي ولا ع بالها حبيب القلب عندها ..
بخطوات بطيئة ايلول بتدخل ع المكتب ..
تيم بيطلع عليها بغضب ..
ايلول : لييش هيك عم تطلع فيني
تيم بنبرة حادة : بطلعع كيييف بدي
ايلول : لييش جااي
تيم : اكييد مو جااي لحتى اشوفكك يعني
ايلول بزعل : وانا مو قاتلة حالي ع شوفتك
تيم : ايه البركة باللي عم تشوفيهم
ايلول بعصبية : شو قصدك لشو عم تلمح
تيم : فهمتي تلميحي منيح .
ايلوول بصراخ : اطلعع لبرة ما بدي شوفكك
تيم علي صوته : بتحبي تشووفي مييين لكاااان
ايلول : لا تطلعع انا تاركتلك هالمكااان وطالعة
ايلول اخدت شنتايتها وبدها تطلع من الغرفة ، اعترض طريقها تيم ووقف بوجهها وسكر الباب ..
ايلول بغضب : شو عم تعمل بعد عن طريقي
تيم : ما رح بعد .. وقفل بالمفتاح
ايلول : انت جنييت .. صارت تحاول تاخد بالمفتاح منو وهو يخبي فيه ..
صار يقرب منها لحد ما حاصرها بين ايديه ..
ايلول بنفس منقطع : ارج..ع لور..ا واف..تح الباب
تيم ما كان عم يسمعلا كانت نظراتو لالها كلها شوق ولهفة وحب ..
ايلول حاولت تبعدو عنها بس مقاومتها كانت ضعيفة ناحيتو وما قدرت ، استسلمت لقربه منها وما عاد قاومت رفعت عيونها لفوق اتلاقت بعيون تيم وما عاد قدرت تركز الا بعيونه ونسيت كل شي حواليها بكل نظرة منهن ، كانت دقات قلبهن عم تتسارع وتزيد ونسيو انهن متخانقين ووقف الزمن عندهن ..
تيم بهمس: ليش عم تعزبيني هيك
ايلول : شو عملت انا
تيم بنظرات حب : من اول مرة شفتك فيها اخدتيلي عقلي وقلبي ، يوم عن يوم كنت حبك واتعلق فيكي اكتر من اليوم اللي قبلو صرت اتنفس بوجودك انتي وبس ، وقت ما تكوني موجودة الوقت ما عم يمرق ، حياتي بغيابك ما عاد الها طعم او لون ..
انا صرت مجنوون فيكي ما فيني بعد عنك للحظة وحدة ، وعم تسالي شو عملتي شو بدك تعملي اكتر من هيك عم تعزبيني ببعدك وغيابك عني حراام عليكي حس فيني شووي ...
ايلول كانت عم تسمع هالحكي وقلبها رح يطلع من مكانو من سرعة نبضاتو ، ما كان قدامها الا تستسلم قدام ححبه ل تيم قلبها ما قدر يقاوم اكتر من هيك ..
ارتمت بحضنو وضمتو بقوة : بحبكك تيم بحبك كتير بحبك اكتر من اي شي ..
تيم ما كان مسدق اللي سمعو بعدها عنو ومسكها من كتافها : عيدي شوو حكيتي انا سمعت صح ولا عم اتوهم احكيي
ايلول ضحكت : نسيت شو حكيت انا
تيم : ايلووول
ايلول : بحبككك بحبككك سمعت صح هلااا
مسكها من خصرها وصار يدور فيها متل المجنون ..
تيم : انتي اعطتيني الدنياااا
ايلوول : لكك دوختني يا مجنووون وقف وقف
تيم نزلها من حضنو : ايلوول
ايلوول : ايه
تيم : خلينا نطلع من هوون لانو ما بعرف شو فيني اعمل هلا قد ما مشتقلك

ايلوول صار وجهها بالالوان وتلبكت كتير : ايه لكاان افتح الباب بسرعة
تيم فتح الباب ومسكها من ايدها وطلعو سوا ..
تنيناتهن كانو طيرانين من الفرحة وكانو يضلو طول الوقت مع بعضهن والتلفون ما ينزل من ايدهن ، حبهم كان عم يكبر كل يوم اكتر واكتر وتعلقهم ببعض يزيد ...
...........
بعد مرور اسبوع...
ايلول بالنادي عم تعطي حصة تدريب ، تيم كان ناطرها ل تخلص ..
بعد ما خلصت طلعت ركض لعندو
تيم : لكك انتي مجنونة كيف بتطلعي وانتي عرقانة هيك
ايلول : لا تخاف عليي متعودة ما رح امرض
تيم : ازا ما بدي خاف عليكي ع مين رح خااف اه احكيلي
ايلول : رح اخد دوش ع السريع واجيلك
تيم : تمام حبيبتي ناطرك لا تطوليي عليي
ايلول : اوووك
بهالوقت بيوصل سامي لعندهن ..
سامي : شو عم تعمل هون انت
تيم : انا جاي لعند حبيبتي انت شو شغلك هون
سامي : حبيبتك واثق كل هالقد
ايلول : سامي لو سمحت بلا مشاكل
سامي : انا ما بدي اعمل مشاكل انا جيت لاشوفك واخد جواب منك فكرتي بالموضوع ؟
تيم : شو عم تحكي انت جوااب ع شووو
ايلول مقاطعة : سامي بنحكي بعددين مو وقته
سامي : ماشي بنحكي بالبيت المسا ع رواق
تيم بغضب : ما في تحكو بمحل هلا بدي افهم عن شو بتحكو
ايلول توترت كتير وصارت تصرخ ع سامي : ساامي روح من هون هلأ
سامي ركب بسيارته ، تيم لحقو وفتح الباب : هلا بدك تجاوبني
ايلول : انا بحكيلككك خليه يمشي هلا
سامي : ايلوول ما عم نعمل شي غلط الموضوع ببساطة انو انا عرضت على ايلول الزواج
كانت صدمة كبيرة بالنسبة ل تيم وما استوعب الشي اللي سمعو ..
سامي : ناطرك المسا بالبيت ايلول لا تتاخري ، شغل سيارتو ومشي ..
ايلول : تيم انا كنت ..
تيم بغضب وصراخ : ولا كلمة ايلووول ولا كلممة
ايلوول : لاا تعطي ردة هالفعل بلا ما تسمعني
تيم : شو بدك اسمع وافهم اه شو مستنية مني اصفقلك واهنيكي
ايلول : بلا جنانك شايفني قبلت
تيم بصراخ : عم تفكري ايلوول عم تفكرري
ايلوول : ما عم فكرر انا مستحيل اقبل
تيم : لو عنجد بدك هالشي كنتي رفضتي فورا ما رح تستني لهالوقت لترفضي
ايلول : انت ما بتعرف شو صار لا تحكم عليي هيك
تيم : الصورة واضحة قدامي ايلول ، انتي ما نسيتيه ل سامي عم تتظاهري انك ناسيتيه كييف سدقتك وسدقت حبك انو ممكن تنسيه هيك ، كنت عم اضحك ع حالي ايييه بس هلا فقت انا ما عاد سدقك ولا سدق حبك ايلوول ..
ايلول جنت وصارت تصرخ عليه : لككك انت شوو بتخبص شو عم تحكي ، انا رفضت من الاول بس سامي دخل عمي بالموضوع وقد ما ضغط عليي انا قلتلو رح فكر بس لحتى الهيه ولا جواابي معروف من البدااية كيف بتشكك بحبي الك وبتتهمني بالكزب والخدااع
تيم بغضب : لوو كان هيك الموضوع كنتي خبرتيني ما كنتي خبيتي عني هالشي ، ما كنت عرفت بهي الطريقة ع كلن انا ما رح وقف بوجه سعادتك اعتبريني ما كنت ومانها صعبة عليكي لانو انا من الاساس ما كنت ..
ايلول : بما انك بتشكك بحبي وبتعتبر انو كل اللي عشناه سوا شي فاضي ومالو قيمة رح اعتبرك ما كنت عنجد يا خسارة يا تيم ..
تيم : ازا خلصتي حكييك فيكي تروحي سامي ناطرك بلاش تتاخري عليه ..
ايلول ركبت سيارتها وبعدت عن المكان ، تيم كان جانن ع الاخر ومو قادر ياخد نفسه ...
تيم بغضب : انا نسيت حالي وغيرت كل حياتي مشانك بس بعد هاللحظة ما رح اعطيكي ولا ثانية من حياتي ...
طالع تلفونه من جيبته ودق ل سالي ..
سالي : تيم ! ما عم سدق
تيم : وينك انتي
سالي : بالبيت
تيم : فيني اجي لعندك
سالي : عنجد عم تحكي
تيم : ايه
سالي : كتير كتير اشتئتلك ناطرتككك
تيم : وانا مشتئلك كتييير دقايق رح كون عندككك
تيم مع نفسه وبغضب كبير: بهي الطريقة يا ايلول انا رح ارجع لحياتي اللي سرقتيها مني وانتي ما رح يكون الك مكان فيها رح طالعك من حياتي متل ما سمحتلك تدخلي فيها ...
ركب سيارته وهو جانن ومو شايف قدامه وراح لعند سالي ...
ايلول ركنت سيارتها بمكان هادي كانت عم تبكي ومو قدرانة تاخد نفس ...
رجعت بذاكرتها ل قبل ٣ ايام ...
فلاش باك **
كانت بغرفتها عم تبدل تيابها بعد ما رجعت ع الفيلا بيندق الباب عليها ..
ايلول : تفضل
بيفتح سامي الباب : فيني فوت
ايلول : ايه
بيدخل سامي وبيقعد قبالها وبيكون متوتر ومتلبك كتير ..
ايلول : شو فيي سامي
سامي : ايلول انا بعرف انو يمكن كون تاخرت ع الحكي اللي رح احكيه هلأ ، بس هي فرصتي الاخيرة لاصحح غلطي ..
ايلول انا ما فيني اخسرك ، فكرة انو تبعدي عني وعن حياتي مش قادر اتقبلها بالاول ما كنت فهمان ع حالي ولا عارف شو سبب هالمشاعر المخربطة جواتي بس انا عرفت واتاكدت اني بحبك ايلوول وما فيني بعد هلا عيش بلاكي او اتخيلك مع حدا تاني انا بدي فرصة تانية بترجاكي لا ترفضيها ..
ايلول كانت مصدومة وجمدت بمكانها
سامي : لا تجاوبي هلا فكري منيح
ايلول بغضب : انت جنييت بشووو بدك فكررر ، انا جيت لعندك ودست ع كرامتي وكبريائي واعترفتلك بمشاعري ما لاقيت منك الا سخرية واستهزاء واهانة ..

ايلوول : اخراااس انا عملت كلشي بقدرعليه لاحافظك عليك وانا فهمتك شو اللي صار ما سدقتني وقررت تعاقبني بطريقتك ، انت اخترت طريقك وانا رح اختار طريقي بعد هلأ
تيم بغضب : شووو رح تعملي رح تتركيني وترتمي بحضنو ل سامي يعني ، اساسا انتي ما نسيتيه ل سامي وما حبتيني متله ولما اجت الفرصة لعندك مرة تانية ما حبيتي تضيعيها فلا تطلعي بحجج لتخلصي مني ...
ايلول جن جنونها : لككك اسكت اسكت كل ما عم تحكي عم تغرق اكتر واكتر ، انا مو متلك حتى لو ما كنت موجود بحياتي بعد اللي صار ما كنت رح دخل سامي ع حياتي مرة تانية ..
تيم : يعني هلا نهتينا
ايلول : انت اللي نهيتنا مو انا ، وتيم اللي حبيتو انتهى بالنسبة الي ، انت عيشتني الحياة كانو اول مرة بعيشها ، ملكت الدنيا وانا معك ونسيت حالي ، سدقت حالي وانا معك وسدقتك وسدقت حبك ..
تيم بغضب : انا ما كزبت عليكيي انا بحبككك وبعدني بحبككك ، اييييه رحت عنداا لسالي كنت بدي عاقبك
ايلول مقاطعة : انا بكرهكككك وبكره حالي وبكره قلبي اللي حب واحد متلك ، بكره عيوني اللي دورت عليك بكل وقت وبكل ثانية ..متل ما دخلتك ع حياتي رح اعرف كيف طالعك منها ورح انساك قدام عيونككك هاد وعد مني يا تيم العابد ...
تيم بحرقة : ايلوووول حكيكك ثقيل عم تقتليني قتل فيه مشان الله لا تحكي هييك
ايلول دموعها عم تنزل ع السكت : قلتلي حكيي عم يقتلك لكان انا شو صار فيني ، ما فكرت بهالشي لما خنتني انا بكرهككك كل مشاعر الحب اللي بقلبي تحولت لكره وحقد اتجاهك ما رح سامحك لاخر يوم بحياتي بعد هلا ما تفكر تعترض طريقي اخجل من حالك وبعد عن حياتي ..
تيم بغضب : اسكتي ايلووول اسكتي خلصنا زودتيها ما رح اسكتلك ع هالحكي ، انا ما عملت شي بخجل رحت عندا ل سالي ومو ندماااان ..
قلتيلي بتكرهيني اي اكرهي ما بيهمني سمعتي ما بيهمني ، بدك تنسيني ايه انسي لا تفكري انو حياتي رح توقف عليكي ورح ابقى عايش ع اطلالك انا كمان رح عيش حياتي وانساكي وانا عم اطلع بعيونك .. بما انو كل واحد فينا اخد قرارو ما في لزوم نحكي بشي بعد هلا ......
ايلوول بتمتمة : فعلا انك زير نسا شو بدي اتوقع منك ..
تيم سمعها ومسكها من ذراعها وبصراخ: شووو قلتي
ايلول : اتركنييي
تيم : عيدي شو حكيتي
ايلوول : حكييتت انك زير نسا منيح هيييك
تيم عض ع شفافوو : ايه انا زير نسا وكلب نسوااان منيح هيك ورح تعرفي كيف الواحد بيكون كلب نسوان بعد هلا ..
ايلول : عرفت وخلص ما في داعي اعرف شي تاني
تيم : لسة رح تعرفي كتير اشياء
اسلول ركبت بسيارتها ومشيت ..
تيم مع نفسه : ماشي يا ست ايلوول انتي وصلتيني لهالحالة اتلقي مني ..
ايلول مع نفسها وهي عم تسوق : ايلوول لا تبكي ما بيستاهل دموعك ، انا من هون بوعد حالي وعد شرف انو ما بقى تنزل دموعي ع اي رجاال بهالدنيا ...
...............................
تيم بيرجع ع الشركة وبيكون جانن ع الاخر ودمه فاير ، بيدخل ع مكتبو وبيخبط الباب بكل قوته ..
بيضل رايح جاي بالمكتب وعم يطقطق باصابيعو ...
بهالوقت بيدخل لعنده هاني : وينكك لهلا سيد تيم تاركلي كل اشغالك وراكضلي ورا ايلوول وتاركني اتخبط بهالاجتماعات لحالي ..
تيم : فيك ترتاح ايلول ما بقى تعطلني عن شي
هاني : كيف يعني
تيم : خلصص علاقتنااا انتهت
هاني باندهاش : لييش شو اللي صار
تيم : هيك صااار بعد اليووم ما في ايلووول بحياااتي
ترك هاني بالمكتب وطلع منه ..
هاني مع نفسه : هلا رح ترجع تضيع حالك وتغلط اكتر من اول شو اللي صاار
....................
ايلول بالفيلا قاعدة مع العم مهدي ..
مهدي : فكرتي يا ايلول
ايلول : عموو انا ما بدي تزعل مني بس ما فيني وافق ع هالشي
مهدي : انا ما بدي اضغط عليكي يا بنتي بس لو تفكري مرة تانية
ايلول : عموو حتى لو فكرت الف مرة قراري ما رح يتغير
مهدي : هي حياتك يا بنتي وانتي حرة فيها بالنهاية انا ما بدي الا سعادتك
ايلول : يخليلي ياك عمو
بهالوقت بيدخل سامي ع الفيلا ..
سامي : مرحبا
مهدي وايلول : اهلين
مهدي : سامي اقعد احكي انت وايلول انا رح اطلع على غرفتي ..
سامي : ماشي بابا
سامي قعد قبالها ل ايلول ..
ايلول : بدك تحكي شي ولا اطلع ع غرفتي
سامي : بعد اللي حكتيه شو ما احكي متأكد ما رح تتغير النتيجة
ايلول : سامي انا ما بدي تزعل مني والتوتر اللي عم بيضل بيناتنا كتير عم بدايقني وخصوصا انو ساكنين بنفس المكان يعني بكفي خلينا نترك خلافاتنا ع جنب لانو ما عاد فيي حيل
سامي : انا زعجتك ووترتك كتير ما عاد ادايقك فيكي تطمني من هالناحية
ايلول : ريحتني بكلامك
سامي : فيكي ترتاحي
ايلول : طيب انا رح اطلع ع غرفتي بشوفك
سامي : ماشي الله معك ..

بعد مرور ٣ ايام ...
ايلول بتكرس كل وقتها بشغلها بالنادي وبتبقى لوقت متاخر ، لما ترجع ع البيت بتكون هلكانة من التعب بتحط راسها وبتنام ..
تيم ما عاد يمرق ع النادي لحتى ما يشوفها لايلول ، وبيقرأ فاتحتو ع راما البنت اللي اختارتها امه ....ايلول بعد ما تخلص دوامها بتروح تقعد بالحديقة اللي كانت تلتقي فيها مع تيم دايما ...
قاعدة ع المقعد وعم تفكر ب تيم وتحكي مع حالها : لييش ما فيني طالعو من تفكيري ليش عم اشتئلوو كل هالقد ليشش رغم كل شي صار مو قادرة اكرهووو والله قلبي تعب خلصص ما عاد فيه يتحمل ما عاد فيه طااقة ...
ايلول بتقوم من مكانها وهي طالعة بتلتقي مع تيم وجها لوجه .. بيوقفو قبال بعضهن بيتبادلو النظرات بيكونو كتير مشتاقين لبعض وكل واحد نفسه يرتمي بحضن التاني وينسى كل شي بس كبريائهم بيمنعهم من هالشي ...
تيم بيروح ل صوب ايلول بخطوات بطيئة ومترددة ، ايلول بتحاول تتماسك وما تبين توترها وارتباكها ..
تيم : مرحبا
ايلول : هلا
تيم : كيفك
ايلول : تمام الحمد لله وانت
تيم : الحمد لله
ايلول : عن اذنك .. وبتمشي لتهرب من قدامه ..
تيم : ايلوول
بتوقف ايلول وبتاخد نفس وبتلتفت عليه : نعم
تيم : انا خطبت
ايلول بتجمد مكانها وبتحس الدنيا بتفتل فيها ..
تيم : حبيت تسمعي مني
ايلول بتلعثم : الف مبروك .. بتركض وبتطلع من الحديقة ..
تيم بيكون بده يلحقها بس بيرد حاله : ما رح استفاد شي ازا لحقتك هلا ، طرقنا افترقت من زمان ..
ايلول بتضلها تركض لبعيد وبتكون عم تلهث ومو قادرة تاخد نفسها مع هيك ما بتوقف ...
بتضلها تركض لحد ما رجليها ما عاد يحملوها بتقعد ع الارض وبتكون منهارة ع الاخر وجسمها عم يرجف ويرتعش : لكككظ آآآخ آآخ كيف بتعمل فيني هيك كيف طاوعك قلبك كييييف ، حبكك كان كلوو كزب كيف صدقتك وصدقت حبك كيف صدقت انو عيونك ما ممكن تشوف غيري ، عملتتت هيكك قصدااا لتقهرني وتوجعني .. صارت تضرب بحالها ع وجهها ..
لككك ليييش ليييش انا شوو عملتلك لتعاقبني هيكك انا كيف فيني اتحمل شوفك مع وحدة تانية كل هالقد كرهتنني كيف بتقسى عليي هيك وانت كنت ترجف لما تشوف دموعي عم ينزلو بس هلا قلبي عم ينزف قلبي عم يحترق ما رح سامحكك ابداا يا تيم ما رح انسى انك عيشتني هاللحظة وهالألم كلووو رح تشوووف .

بعد شي نهارين ..
ايلول بعد ما خلصت دوامها بالنادي بتتواعد مع علا ليتغدو سوا ..
ايلول بتاخد علا ع نفس المطعم اللي اخدها عليه تيم ، لما يدخلو بتتفاجئ بوجود تيم وخطيبته ...
ايلول بتنقهر كتير بس ما بتبين وبتحاول تتجاهل وجوده ، بتمرق من حدو وما بتحكي معه ولا كلمة وبتروح تقعد قباله ..
تيم بس يشوفها بتوتر كتير قدام راما ..
راما : تيم شبك انخطف لون وجهك انت منيح
تيم : ايه منيح ما فيني شي كملي اكلك
تيم وجه كل نظرو ع ايلول وايلول متجاهلتو وعم تضحك هيي وعلا ..
تيم بيمسك تلفونه وبيبعت لايلول مسج : استنيني عند المغاسل
ايلول بتشوف المسج وبتطنشو ..
بيرجع ببعتلها مسج : ازا ما بتيجي رح اعمل مشكلة
ايلول : علاا رح غسل وراجعة
علا : ماشي لا تتاخري
ايلول بتروح ع الحمام وتيم بلحقها ...
ايلول لما تشوفو : شو بدكك ليش عم تبعتلي
تيم : شو عم تعملي هون
ايلول باستهزاء : والله ما كنت اعرف انو المكان مسجل باسمك
تيم : ايلول ما بدي توتر قدام خطيبتي خدي علا وروحو من هون
ايلول بتحدي : ما حزرت انا بقيانة هون مو عاجبك خد خطيبتك وامشو .. تركتو ومشيت
لحقها ومسكها من ذراعها : وقفي
ايلول دفشتو بكل قوتها : بعد عنني واوعك تلمسني لاكسرلك ايدك
تيم خبط ايدو للحيط وتركها ومشي ورجع لعند راما ..
تيم بنبرة حادة : راما قومي نمشي
راما : شوو صار
تيم : طلعتلي شغلة
راما : ايه ماشي
اخدها وطلعو من المطعم ...
ايلول رجعت لعند علا وكانت مدايقة كتير ووجها ما بيتفسر من العصبية ..
قعدت كتفت دياتها وصارت تهز برجليها ..
علا : شوو صار
ايلول : انخنقت من هالمكان
علا : لييه
ايلول : علا خليني نمشي مو قادرة ابقى
علا : ماشي ع راحتك قومي ..
ايلول وعلا بيرجعو ع الفيلا ، لما يدخلو ايلول بتجمد بمكانها من الفرحة ..
ايلوول : ربيييييع وبتركض لعندوو بتحضنوو
ربيع : لككك شووي يا مجنوونة
ايلوول : شوو اعمل مشتقتلككك كتييير كتييير
ربيع : وانا مشتقلكك بس خنقتيني بدي اخد نفس
ايلول بتضربو ع صدرو : فعلا انك دابة ، ايمتى جييت وكييف ولييش ..
مهدي : لكك اتركي الشب ياخد نفس
علا : اهلا وسهلا ربيع كيفك ، ايلول مو تاركتلنا مجال نسلم عليك
ربيع : هههه الحمد لله تماام شو عاملة انتي
علا : الحمد لله بخير
ربيع بيكون ابن خالتها لايلول واخوها بالرضاعة ساكن مع اهلو برات البلد ..

مهدي : ايلول خدي ربيع واقعدو بالحديقة بتكونو مشتاقين لبعض وفي حكي كتير ..
ايلول : ماشي عمو .. سحبتو لربيع وطلعو قعدو بالحديقة ..
ايلول : لككك ما عم سدق جيت باكتر وقت انا بحاجتك فيه ..
ربيع : رح اقعد اسبوعين هون فيكي تشبعي مني هههه ، هاتي احكيلي شو الاخبار
ايلول غمضت عيونها وتنهدت ...
ربيع : شو وضعك انتي وسامي
ايلول : دفتر سامي تسكر من زمان عندي
ربيع : اووووه شو عدا ما بدا
ايلول : عشقت حدا تاني
ربيع متفاجئ : عنجد عم تحكي
ايلول : بس كمان يا فرحة ما تمت
ربيع : لكك احكيلي كل شي
ايلول خبرتو بكل شي صار معها وكيف تعرفت ع تيم وكيف وصلو لهالحالة ...
ربيع : امممم والله قصتك قصة يا ايلول
ايلول : بعرف هالحكي
ربيع : انتي متاكدة انو خانك
ايلول : هو انكر هالشي وحلف انو ما صار بس انا ما سدقت وفرضا ما خاني شو كان عم يعمل عند هديك البنت هاد سبب كافي لاخد منو موقف واتركو ..
ربيع : بس حسب ما فهمت منك انو انتي بتحبيه كتير
ايلول : للاسف
ربيع : صار عندي فضول اتعرف عليه
ايلول : شو رح يفيد عم قلك خاطب خاطب
ربيع : ايه بس هاد مو معناها بطل يحبك
ايلول : ما بعرف مو فهمانة شي
ربيع : انا ما رح امشي من هون بلا ما احل هالموضوع وتربايتو ع ايدي ها التيم
ايلول : اووعك ربيع ما تقرب منه او تحاكيه
ربيع : رح نلعب لعبة نختبر مشاعرو فيها
ايلول : لعبة شوو هيي ربيع
ربيع : انتي قلتيلي انو خطب بعد ما اتخانقتو يعني عملها جكر فيكي ، رح نشوف ردة فعله للأخ لما تعملي فيه متل ما عمل معكك ..
ايلول : يعني ؟؟
ربيع : انا ما رح كون اخوكي رح كون خطيبك ..
ايلول : هههههه
ربيع : عنجد عم احكي
ايلول : امممم بصراحة مانا فكرة سيئة يعني حبييت هههه واساسا انا مغيوظة ومقهورة كتير منه ونفسي اخد حقي منه ..
ايلول : كيف رح نجمعكم
ربيع : انا عندي خطة هههه
ايلول : شوو هيي
ربيع : رح اشرحلك اياها بس بالاول كفك ..

ايلول ضربت كف وصارو يضحكو مع بعض ...
.......................
تاني نهار ..
تيم بيكون قاعد ع مكتبه وعم يبعت بايميل ع اللاب توب ، بتدخل لعنده السكرتيرة بعد ما تدق ع الباب ..
السكرتيرة : تيم بيك
تيم بدون ما يطلع عليها : احكي
السكرتيرة : الانسة ايلول برا وحابة تشوفك
تيم بيترك ايده عن اللاب وبتفاجئ كتير : ايلوول
السكرتيرة : ايه شو احكيلها
تيم : خليها تفوت
السكرتيرة : تفضلي انسة ايلول
بتدخل ايلول لعنده هي وربيع ماسكين بايدين بعض ..
تيم بيطير عقله وبيبلع ريقه ..
ايلول : مرحبا تيم
تيم وجهو صار احمر من وعم يزور في ربيع ..
ربيع : مرحبا
تيم بتماسك : اهلين مين حضرتك
ايلول : ما عرفتك خطيبي ربيع
هالكلمة بتنزل غز ع راسه ل تيم ، بيشرب رشفة مي من قدامه وبيحاول يتماسك وما يبين شي : اهلين
ربيع : فينا نقعد
تيم بدون نفس : تفضلو
ربيع : انا من وقت عرفت انك شريكها لايلول بالنادي حبيت اتعرف عليك ، لانو بحب كون على نور واعرف مع مين بتتعامل ايلول
تيم عم يطلع على ايلول بكل غضب ورح يجن من الغيرة ..
ربيع : انا ما بدي اخد من وقتك كتير هون بالشركة بس بكون مبسوط ازا بتقبل عزومتي ع العشا المسا لنحكي بالتفاصيل
تيم بنبرة حادة : بشوو بدنا نحكي وتفاصيل شوو ، انا وايلول اتفقنا ع كل شي من الاول
ربيع : بعرف هالشي بس انا بدي من ايلول تفسخ العقد اللي بيناتكم
تيم بصدمة : شووو
ربيع : لا تقلق رح ندفع كافة التعويضات وكل شي بيتوجب علينا ..
تيم عم يضغط ع ايده : انا ما رح افسخ العقد لانو هي مو لعبة اولاد صغار
ربيع : انا فهمان عليك بس انت افهم عليي كمان وحط حالك مكاني انا بغار كتير ع خطيبتي وما بدي تشتغل مع حدا بدي يكون الها شغلها الخاص فيها وهيك بكون مطمن عليها ، خلينا نلتقي المسا ونحكي بالتفاصيل ... ووقف
ربيع : بنلتقي المسا ان شاءالله رح ابعتلك العنوان يلا حبيبتي ..
تيم عم يمسك حاله بقوة : ماشي بنلتقي بس مو معناها انو موافق
ربيع : تماام انا متاكد رح نلاقي حل وسط بيناتنا عن اذنك هلا ..
تيم : اذنك معك
ربيع مسك ايدها لايلول وطلعو من عنده ..
ايلوول صارت تضحك : هههههه لكك ما بعرف كيف قدرت امسك حالي