#الجزء__الأول

عم فتح عيوني وغمضهن
حاسة بألم شديد براسي
الرؤية عندي مشوشة كتير
مين انا ؟
وين انا؟
شوو الي صار فيني ؟
ليش ما عم أتذكر شي
ليش مافي ذاكرة بعقلي

... : اااااااخ

عمار: امي فااقت فاقت تعي شوفيها

ام عمار: بعد امي بعد اشوفها
كيف بنتي انتي هلء منيحة ؟ عم يجعك شي

...: راسي عم يوجعني شوي
شو الي جابني لهون مين انتو؟

عمار: انا لقيتك بالشارع مرمية شكلو ضاربتك سيارة وغبتي عن الوعي
شو اسمك انتي

..: ااا اناا

ام عمار: ماتخافي احكي لابني عمار هوا ظابط ورح يرجعك لعند اهلك انتي بأمان هون وانا ام عمار

..: انا مابعرف

عمار: مابتعرفي شو اسمك؟

..: اي

عمار: وين اهلك وين ساكنة

..: مابعرف

عمار: كيف مابتعرفي انتي عم تكذبي

ام عمار: ع مهلك عليها ابني

...: ماابعرف مابتذكر شي مين انااا
مين انتوو شو عملتو فيني

ام عمار: خلص اهدي اهدي لا تبكي بس ترتاحي بتتذكري كل شي خلص نامي هلء
تعا ابني لبرا شوي

عمار: شو امي انتي مصدقتيها

ام عمار: ولييش بدا تكذب ياامي

عمار: مابعرف مو مطمنلا حاسستا عم تكذب

ام عمار: خلص لكان روح جيب عمك رائد وهوي بيشوف حالتا وبنتأكد ان كانت عم تكذب ولا لا

عمار: خلص ماشي انا رايح جيبو واجي
وين ابي

ام عمار: لساتو بالمشفى مااجا قال بدو يتأخر عندو عملية

عمار: ماشي امي انا رايح فوتي شوفيها

...

كنت قاعدة عم اتطلع بزوايا الغرفة يلي انا فيها
كانت غرفة شب
طقم نوم باللون الازرق والكحلي
وتياب رجالية معلقة
والمراية ماعليها غير كالونيا ومشط
اطلعت جمبي لقيت صورة على الطاولة يلي حدي
كانت صورة للشخص نفسه يلي كان عندي هلء
الظابط يلي قال اسمو عمار
كنت عم اطلع بصورته وأتأملها
كان وسيم كتير وباين عليه عصبي وجدي

فاتت لعندي المرة
تركت الصورة من ايدي واطلعت عليها

ام عمار: خدي اشربي كاسة هالليمون بتروقي

..: تسلمي
مسكت كاسة الليمون وشربت منا شوي وصرت ابكي

ام عمار: حبيبتي خلص لا تبكي عمار راح يجيب عمه هوا دكتور ورح يشخص حالتك وان شاء الله بتتذكري كل شي وبترجعي لعند اهلك

..: هلء امي شو بتكون عم تعمل ولا ابي
طب انا شو اسمي
مالقيتو معي شي هوية او صورة او اثباات

ام عمار: دورنا والله يابنتي بتيابك كلها يلي غيرتلك اياها مالقينا اي شي غير شوية مصرياات ليكهن خدي

..: طب انا شو ساوي هلء لو مااتذكرت شي كيف بدي عيش ووين
شو بدي اعمل اذا ما بفتكر حدا
رح ترموني بالشارع؟

..: خلص بنتي ماتبكي انا مارح خليكي تطلعي من هالبيت غير لعند اهلك لما تتذكريهن ماتقلقي

ها ليكو اجا عمار

ام عمار: جيت امي تعا لهون هات عمك
فوت رائد

عمار: اتفضل عمي

رائد: السلام عليكم

ام عمار: وعليكن السلام كيفك
تفضل ليكها الصبية

رائد: خلص لكان اتركونا لوحدنا شوي

بعد ما قعد دكتور رائد معي شوي وعملي فحوصات وسالني اسئلة كتير ماعرفت جاوب منها شي
طلع لعندهن برا

عمار: اي عمي شو

رائد: اي ياعمو البنت عندها فقدان ذاكرة مؤقت نتيجة الضربة القوية على الراس
وافكارها مشوشة باين انها متعرضة لصدمة قوية او موقف مؤلم
انا رح اكتبلها شوية مقويات ومهدئات ومع الوقت رح تتحسن وترجعلا ذاكرتا بالتدريج

ام عمار: قلتلك مانا كذابة بس انت دائماً عم تشك بالناس

رائد: هههه ايه ماهما الظباط هيك بيشكو بمين ماكان يعني احتمال شي مرة يشك فيكي ياام عمار ويرميكي بالحبوس

ام عمار: هههههه اي مابستبعداا

عمار: هههه اي خلص عاد عملتوني قصة هلء

رائد: شو ناويين تعملو معا بدك تاخدها عالمخفر ولا المشفى

ام عمار: وين ياخدها البنت مارح تطلع من هون قبل لا تتذكر كل شي بعدا بنرجعا لاهلا
بعدين مو باين عليها متزوجة او شي باينتا صغيرة مافيها اكتر من 19 سنة

عمار: ويين تخليها هون امي ماانتي شايفة البيت ع قدنا ما في غرف بالبيت كلو صالونات ولا بدك تحطيلي بنت بالصالون ضل طالع نازل شوفها

رائد: اناا رايح عليي شغل كملو نقاركن لوحدكن سلاام

عمار: مع السلامة عمي

ام عمار: بنعطيها غرفتك وانت بتنام بالصالون

عمار: بالله شو

ام عمار: خلص امي برضايي عليك مو هاين عليي وديها مخافر ومستشفيات والبنت باينها خايفة كتير وماعم تتذكر شي اعتبرا متل اختك

عمار: حاضر امي تكرمي خلص خليني فوت اخد غراضي من الغرفة تعي معي

ام عمار: نايمة

...: لا فوتو

عمار: انتي رح تبقي هون خدي راحتك اي بدي اخد كم غرض

...: لا خلص انا صرت منيحة بدي امشي مابدي تقل عليكن
شكرا كتير

ام عمار: لا بنتي انا حلفت مابتطلعي من هالبيت الا لبيت اهلك وانتي ان شاء الله شوية وقت وبتتذكري كل شي
ماشي ياملك

عمار: ملك،؟

..: مين ملك

ام عمار: انتي ملك
انا رح سميكي ملك ع اسم بنتي الله يرحمها توفت وهيي صغيرة
ماحبيتي الاسم

...: لا خالتي حلو كتير

عمار: طيب ياملك نورتي البيت

ملك:...

ام عمار: بدي روح اعمل العشا

عمار: وانا طالع سلام

ملك: عمار

عمار: اي شو

ملك: اسفة كتير عالغرفة اذا متدايق هلء بطلع مو مهم

عمار: لاا لا ابداً مافيها شي بس ماتلعبي

#الجزء__الأول

صعب تكون مختلط المشاعر.. عم تتحير بكل شي بتحسه حب ولا مو حب..
بعشقو ولا بحبه متل اخي..
بحب امي اكتر ولا هيي..
ازدواج المشاعر يلي بقلبي عم تعمل اعصار وما عدت قادرة أتحكم فيه
..

كنت قاعدة عندهن متل كل يوم ما بقدر يمر يوم بلا ما شوفها .. قاعدة ع الارض وضامة رجليا لصدري ومقربا من راسا وعم اطلع فيها وفكر
..
هي عمتي.. الي في شي جواتي بيربطني فيها.. بحبا كتير وبحب ضلي حدها وإهتم فيها
هي إمي التانية.. او امي الاولى مابعرف أوصفلكن شعوري إتجاها
بس كل يلي بعرفو اني بحبا اكتر من امي
شو حلوة ملامحها الناعمة والحزينة
كنت عم بتأمل فيها لما فاقت وشافتني فوق راسا

ام معين: رغد انتي هون بنتي
متى اجيتي؟!

رغد: اي الي ساعة عمتي بس انتي غرقانة بأحلامك هههه

ام معين: ليه ما فيقتيني قاعدة لوحدك

رغد: مو مهم ليكني قاعدة ما مليت ما تخافي

ام معين: ما اجو الولاد

رغد: لا ما حد اجا
كيف انتي هلء ان شاء الله احسن

ام معين: اي منيحة ياروحي بكفي شوفتك كل يوم عم تردلي الروح

رغد: هههه اي لكان بدك تشوفي قمر متلي وماتردلك روحك

ام معين: هههههه

قطع حديثنا قيس لما فات

قيس: بس ماتشوفي حالك كتير هههه

قيس شب وسيم طويل وحنطي البشرة وشعراتو سود ناعمين وعيونو متل لون شعره بس فيهن لمعة كلها حنان وحب.. نظرته لوحدا بتخليني انسى كل الاعاصير يلي بتدور جوات قلبي

ام معين: انت جيت ابني
يعطيك العافية

قيس: الله يعافيكي امي.. كيفك رغود

رغد: منيحة بشوفتك
..

قيس هاد ابن عمتي الاصغر.. هاد بيكون حب الطفولة وحب الكبر وكل شي اسمه حب
معين اخوه الكبير يلي بعتبرو الاخ والصديق الي ما بخبي عنه شي
..

قيس: شو رغود بشوف خالي سمحلك تيجي ولا اتخانقتو متل كل يوم

رغد: لا ما سمحلي كل يوم بخبرهن اني رايحة لعند عمتي بيقوم يطاوش فيني ما بعرف ليه
شو صاير عمتي بينك وبينه؟؟

ام معين: والله ياروحي مو صاير شي بتذكر من وقت ما توفت بنتي اسماء من 11 سنة قطعني وماعاد اجا لعندي غير بالمناسبات السعيدة الله يسامحه ابوكي كنا انا واياه روحين ببعض

رغد: بتشتاقيلها لاسماء ياعمتي بعد كل هالسنين

دمعو عيونا ونطقت بصوت عم يرجف

ام معين: وانا بنساها ياعمتو هي كانت بنتي الوحيدة قطعة من قلبي راحت بغمضة عين بتذكر لما كنتي انتي واياها تلعبو هون بهي الغرفة كنتي كل يوم تيجي لعندا

قيس: خلص امي ماتبكي

رغد: خلص عمتي والله مو قصدي ذكرك

ام معين: خلص مافيني شي بدي نام شوي اتركوني ارتاح اي

قيس: براحتك امي تعي رغد نطلع لبرا

طلعت انا وقيس ووقفنا ع باب البيت

رغد: معقول ما رح ييجي يوم وتمشي ع رجليها

قيس: ما في شي كبير ع الله.. بس هيي الها من وقت ماتوفت اسماء ما عاد مشيت يعني الها سنين كتير ما بعرف يارغد مابعرف
المهم مابدك تروحي عالجامعة اليوم

رغد: ما عندي دوام

اطلع قيس فيني من فوق لتحت
انا صبية ناعمة كتير ووجهي طفولي متل ماعم يقولو بشرتي بيضا وخدودي موردين .. عيوني واسعين ..
كان عم يتأمل فيني لحد ما انتبه على لبسي يلي ماعجبو

قيس: صحيح ليه لابسة هااد القميص انا كم مرة خبرتك ماتلبسيه

رغد: لك شو به طويل وبعدين انا بحبه عليي

قيس: اي هي اخر مرة بخبرك لا تلبسيه والله اذا شفتك فيه بعد هلء ما رح يصير خير

رغد: ههههه بتغار

قيس: لا ليش لغار

اطلعت فيه نظرة غضب ولفيت وشي وكنت بدي روح وكلمتو بجكر

رغد: اي لكان رح روح فيه بكرة عالجامعة يلا بااي

قيس: لك تعييي والله بقتلك لو رحتي فيه

رغد: ههههه ليه

قيس: لاني بغاار بغار كتير مبسوطة

رغد: هههه اي مبسوطة

قيس: ههههه ماشي لكان يلا روحي عالبيت هلء امك بتقلق

رغد: اي انا رايحة بشووفك

مشيت من عند بين عمتي شوي لحد ما وصلت بيتا لانهن بنفس الشارع قراب من بعض كتير بتفصل بينا بس شوية بيوت

انا رغد عمري 19 سنة اول سنة الي بالجامعة عم ادرس طب برغبة من ابي انا وحيدة اهلي.. ابي دكتور جراحة وامي ست اكابرية بالبيت دائماً معززة مكرمة وضيوفا ما بيخلصو
احنا وبيت عمتي ما النا غير بعض لإنو مغتربين ومافي النا قرايب كتير هون بروح لعند عمتي كل يوم تقريباً لانه زوجا متوفي من سنين وماعندا غير شابين قيس ومعين وعطول بالشغل..كان عندا بنت قدي بالعمر اسماء بس توفت وهيي عمرا 8 سنين بحادث سير ع باب البيت وهالشي صدم عمتي والزعل الشديد الي مرت فيه صابها بشلل وماعادت تقدر تمشي

وصلت ع باب البيت وقفت واخدت نفس طويل..

رغد: يا ربي انا شو بحبا لعمتي وامي وابي بحبواا بس في شي غريب بين ابي وعمتي ما عم اقدر اعرفو ابي عم يتهرب منا كتير وما بيروح لعندا رغم المسافة القصيرة يلي بينا وكل ما بدي اروح لعندا بيعملي مشاكل وبالعافية لما بيقبل يخليني روح.. حجن واعرف شو السبب

فتت لجوات البيت كانت امي قاعدة عم تتفرج ع شاشة التلفزيون بالصالون.. التفت عالباب وانتبهت اني وصلت

وصال:انتي جيتي ماما وينك لهلء

#اللعبة_الأخيرة
#الجزء__الأول

غالباً الأولاد بكونو كتيرين غلبة وبحبو يلعبو ألعاب مو معروف شو هيه .. بمجرد انو يسمعو عنا شي فوراً فضولهن بخليون يجربو و يحاولو .. أوقات في العاب بتكون بسيطة وخطرة و أوقات في العاب بتكون تافهة .. بس الولد وحتى المراهق او اي انسان ع وجه الارض بحب يجرب بسبب احساس الفضول يلي خلقان معو ..

(( رن الجرس ))

احمد : يلله ياولاد تعو لورا المدرسة ..

سليم : يلا طارق جيب معك دفتر وقلم

كنا أربع صبيان وبنت ..
(( احمد ، سليم ، طارق ، ضياء ، ماسة ))
بالصف التاسع ..

رحنا لورا المدرسة و اعدنا تحت الشجرة .. مابقربو الولاد لهون بالعادة لان الموجهات مابسمحولهن كرمال ماحدا ينأذى بالشجر او يوقع ..

اعدنا بشكل دائري ..
اللعبة كانت انو كل ولد بياخد ورقة وبيكتب عليها رقم اي عمر بيخطر عبالو وبيكتب ورقة تانية عليها طريقة موت بشعة .. منحط كل قسم من الاوراق بعلبة وواحد بيسحب ويلي بكون عمرو اقل شي بيخسر وبدو يجبلنا شوكولا باليوم التاني ..

القصة بلشت بلعبة ..
سليم كتب عأول ورقة : 20 سنة
و الورقة التانية .. حريق

طارق كتب : 20 سنة
الورقة التانية : رصاصة

ضياء : 20 سنة
الورقة التانية : سكين

احمد : 20 سنة
الورقة التانية : قطع الرأس

ضلت ماسة .. وراقا كانت فاضية ماكتبت شي .. بس ماحكت.. ثنينا الوراق و حطيناهن بالصندوق و بلشنا نسحب كل واحد ورقة من اول صن وق وورقة من تاني صندوق ..

سليم ( انا) : غريب وراقي فاضية ..!!

احمد : مين يلي ماكتب ؟

ماسة : انا ماعرفت شو اكتب لهيك تركتن فاضيين

سليم : هههه شكلي انا يلي رح اعزمكن بكرا ع الشوكولا لان هيئتي انا الخسران ..

احمد وطارق : موافقين ..

ضياء : طلعلي 20 وطريقة الموت سكين

احمد : 20 وطريقة موتي قطع راس وليي

طارق : 20 والموت حرق

ماسة : هههه شو كلكن كاتبين نفس الرقم شو هالصدفة

ضياء : هففف رن الجرس يلا قومو ..

طارق : ستنو خلونا نخبي وراق اللعبة هون مشان بالاستراحة التانية نرجع نلعب ..

ضياء : تعو نحفر تحت الشجرة ونخبيون .. بس نرجع منلاقيون مكانون ..

خبينا الاوراق تحت التراب وطلعنا ع الصف .. بلش درس الرياضيات و نحنا بنصو سمعنا صوت صراخ من برا .. فربنا ع الشبابيك لنشوف شو صاير .. كان في حريق بجنينة المدرسة نفس الحديقة يلي كنا اعدين فيا ..
ضلو الاساتذة و الانسات يحاولو يطفو بالنار لبين ما المدير طالعنا كلياتنا من صفوفنا و بعتونا ع البيت .. وصلت سيارات الاطفاء وطفت الحديقة و البناء يلي كانت النار آكلة نصو بسبب قوّتا ..

ضلينا ببيوتنا بعد قرار طلع من الوزارة انو يتوقف الدوام لبين ماتترمم المدرسة وتتصلح .. بهالوقت هاد انا كنت مبسوط كتيير انو رح ارتاح من الدوام و الفيقة بكير و الدروس .. بس مالحقت افرح لان ابي قرر مباشرةً انو ينقلني لمدرسة تانية لان عندي شهادة هالسنة ومو معقول ضل اعد بالبيت وضييع هالوقت الكبير

كل رفقاتي اهاليهن نقلوهن لغير مدارس و صفينا انا و الشلة كل مين بمكان ماعدنا مع بعض ..

صار مارر عالقصة 4 سنين و هلأ خلصنا ثانوي وصرنا جامعات
انا وضياء درسنا بنفس الفرع ويلي هو الحقوق .. ماسة درست كلية التربية .. طارق سجل جغرافية .. احمد درس كلية الادب الفرنسي

ضياء صار قريب مني اكتر من ايام المدرسة لان صار اغلب وقتنا مع بعض وصرنا شباب كلشي اختلف .. ومع هيك كل اسبوع انا وضياء وطارق و احمد وماسة منجتمع بشي مكان ومنطلع مشوير و اي حدا بشوفنا صار حافظنا انو هي الشلة يلي مستحيل تفترق وتبعد عن بعضا ..
_
(( ماسة ))

عايشة عند ستي لان امي و ابي منفصلين من لما كنت صغيرة .. وماعندي حدا يدير بالو عليي غير ستي المرة الكبيرة المخرفة

(( سليم ))

انا عايش مع خالتي مرت ابي و ابنا سليمان يلي هو اخي .. ابي متوفي من زمان... هي كانت قاسية عليي بس بعد وفاة ابي ولما صرت انا المسؤول عنا وعن ابنا انقلبت معاملتا معي كتير

(( احمد ))
بقى انا ابن الزنكيل .. يلي الكل بحبو مصلحة وبس .. عايش مع امي المهملة و ابي المدمن ماحداا بيسأل عني ولا حدا بيهتم فيني كل حياتي مصاري و اهلي مفكرين انو ازا معي مصاري يعني مرتاح

(( طارق ))

انا و امي و ابي و اختي زينة عيلة صغيرة فقيرة عايشة بحي شعبي .. ابي بيطلع من الصبح ليجي بآخر الليل معو كم قرش يادوب يجيبولنا ربطة خبز ومع هيك انا مبسوط و اهلي كملولي دراستي بس ياريت وضعنا المادي كان احسن ..

(( ضياء ))
انا الشب يلي عم يشتغل ويصرف على 4 اخوات صغار .. ابوه و امو ماتوا وتركولا ولاد صغار يسرف عليهن انا يلي متحمل مسؤولية وعمري بس 19 سنة ..
____
الساعة 3:00 الصبح كنت نايم بغرفتي كلا هدوء وعتمة مافي ولا صوت .. صحيت و انا مرعوب ونفسي سخن متل النار كنت عم اسمع صوت دقات قلبي
على قد ماكانت مرتفعة ..

طلعت من غرفتي لاشرب مي بالمطبخ .. للوهلة الاولى شفت ادامي مرت ابي واقفة بالمطبخ ودايرة ضهرا .. فركت عيوني

#الجزء__الأول
Telegram:@rwayate
انتفضت ع صوت دقات الباب ومسحت دموعا بسرعة وهي تتنحنح مشان تجلي صوتها المبحوح : تفضل ..
انفتح الباب وظهرت من وراه الخالة ام علي وهي مبتسمة بدفا ياما تمنت تكون متلها متل عدم مبالاتها للاشيا يلي مو منيحة فرحها العفوي بالاشيا البسيطة تقبلها للواقع وتماشيها معه بصبر حنانها يلي بتوزعه عالكل مندون مقابل
قعدت جنبها ومدت اصابعها لعيونها تمسح دموعا يلي رجعو نزلو بدون ما تحس : نحنا شو حكينا قبل ؟ هالعيون الحلوين ما بيلبقلها الدموع ..
ابتسمت بخجل وهي تدفن حالا بحضنا يلي يحتوي كل موجوع : ما بعرف ايمت رح يخلص هالسجن تعبت يا خالتي وربي تعبت
طبطبت عليها بحنية : الله يبعد عنك التعب يا بنتي يا ريت فيني احمل عنك والله ما بيطلع بايدي شي وانتي اكتر وحدة بتعرفي..
بعدت عنها وهي ترجع شعرها ورا ادانها وابتسمت ابتسامة باهتة : بعرف .. الله لا يحرمني منك يا رب لولا وجودك ما بعرف شو كان صرلي
وقفت وقلبها يوجعها ع هيك بنت بعمر الورد عم تدبل يوم ورا يوم : رايحة كمل شغلي بالأرض بس الجو حلو قلت بركي تجي تشميلك شوية هوا نظيف ..
طلعت عليها بتردد كبير ما بتعرف توافق تطلع او لأ من اول ما اجت ع هالمكان او بالأحرى انرمت بهل مكان ما خطت برا الغرفة حست فيها الخالة ف مسكت ايدها وساعدتها تقوم مشان تمنع اي محاولة رفض او تردد : رح تتسلي كتير انا متأكدة وكمان حلا رح تفرح فيكي كتير ..
هزت راسا لتضحك الخالة بفرح : يالله لا تطولي رح خبر حلا تنطرك
تنهدت بتعب واخدت ربطة صغيرة من عالطاولة وربطت شعرا البندقي الطويل ديل حصان طلعت من الغرفة بعد ما اخدت نفس عميق غيرت يلي باجرا عند الباب ولبست بوط طويل ل حلا ضحكت وهي تحرك عيونا بسرعة حتى ما ينزلو دموعا وهي تقول بقلبا : خلص بقا حياة لا تصيري حساسة هيك هاد بيت مو بيتك ومكان مو مكانك طبيعي ما يكون الك شي خاص فيه والبنت كتير عسل وطيوبة مو مقصرة معك فتحتلك غرفتا وخزانتا..
Telegram:@rwayate
هوت ع عيونا ورسمت ابتسامة هادية وطلعت لتلفحها نسمة هوا بتنعنش و نظرات مهتمة من رجال تنين ضخام شكلن بخوف كأنو اي حدا يقرب عليهن رح يطحنوه طنشت رغم أنها بتعرف مين هدول ولمين بينتمو وانو هنن هون مشانا شخصيا لفت عالشمال وقت سمعت صوت حلا يلي تضحك مو مصدقة وهي تترك الكيس يلي بايدا : ياااو واخييييرا حنيتي علينا مس حياة والله فكرت امي عم تمزح.. تعي تعي خليني فرجيكي الضيعة
ما حبت تخجلا وهي تشوف فرحتها الواضحة ف اضطرت توافق وهي محافظة ع ابتسامتا الهادية : ماشي ..
ما صدقت حلا خبر وهي تشنكل بايدا وتمشي معا وتحكي وتأشر ع كل مكان وما تخلص وحياة تبتسم ع حماسا لحتى وصلو لعند شجرة كبيرة خلت حياة توقف غصب عنا وهي تطلع عليها بعيون قلبو قلوب : توت ؟
ابتسمت حلا وهي تقرب عالشجرة بتحبيه ..صبري لجبلك
حاولت تقطف شي بس طولا ما كان يساعد ورغم انو حياة اطول عنا بس كمان ما قدرت توصل ضحكت حلا ع ملامح حياة بدها تقطف بأي وسيلة كانت عم تطلع حواليا تدور ع شي يساعدا وترجع تنط تحاول انو توصل لأقرب فرع
تعبت ولفت ع حلا يلي لسا عم تضحك وهي تقول : لا تطلعي فيني هيك انتي اطول مني وما قدرتي بربك انا القزومة شو بيطلع بايدي ؟
رجعو عالبيت المسا بعد تغير حلو شافتو حلا ع حياة وهي مندمجة معا بالحكي و لأول مرة يطلع فيها الجانب الطفولي العنيد والدليل ايدا المصبوغة بالتوت بعد ما ندهت لحدا من الولاد يلي عم يلعبو ورفعتو ع كتفا لحتى قطفلا كمية صح كانت صغيرة بس حياة انبسطت فيها كتير ..

مر اسبوع كامل و حياة و حلا صارو قراب من بعض كتير والتمشاية اليومية صار شي ضروري كتير عند حياة يلي يوم عن يوم عم يرجع الدم ينور وشا وترجع حياة المرحة المجنونة المتهورة وأهم شي العنيدة
تجمع الكل عالسفرة وابو علي يمدح طبخ مرتو يلي كانت ريحتو فايحة للحارة التانية وفعلا كان هيك وحياة ادمنت الاكل من تحت ايدا بأيام قليلة كتير
Telegram:@rwayate
كانت عم تاكل بشهية مفتوحة وما قدرت ما تبدي رأيا ككل مرة : تسلم ايدك يا خالتي مو طبيعي هالأكل
ضحكت : صحة وهنا حبيبتي
بعد الغدا و ع سرير ام علي وابو علي المتواضع كانت حلا تحكي وهي متمددة ع رجلين اما : الحمد لله يا ربي واخيرا طلعت من الجو الكئيب شو بتجنن وهي تضحك ..
ابتسمت ام علي رضيانة عالتغيرات يلي عم بتصير مع حياة : سكرة هالبنت الله يريح قلبا..
امنت ع دعاء اما وتربعت وهي تسأل بفضول : ماما أمير ليش جابا عنا شو بدو منا ؟ معقول يحبا
تنهدت ام علي بعجز : والله يا بنتي ما عاد بعرف شو بدو هالولد اكيد الحب آخر شي يفكر فيه صار عمرو بالتلاتينات ولسا ما تزوج رح يجبلي الجلطة.. بس نبه علي انو ما تطلع من البيت خايفة يعصب ازا عرف انو عم تطلع والبغال يلي برا اكيد ما قصرو ..
لوت شفايفا مو مهتمة : عادي حكيلو انو انا اصريت هوي ما بيزعل مني
تنهدت ام علي وهي متوترة من ردة فعل أمير بتعرفو كتير منيح وقت بيعصب ما بيعود يشوف قدامو صح هي امه بالرضاعة

#الجزء__الأول

غالباً الأولاد بكونو كتيرين غلبة وبحبو يلعبو ألعاب مو معروف شو هيه .. بمجرد انو يسمعو عنا شي فوراً فضولهن بخليون يجربو و يحاولو .. أوقات في العاب بتكون بسيطة وخطرة و أوقات في العاب بتكون تافهة .. بس الولد وحتى المراهق او اي انسان ع وجه الارض بحب يجرب بسبب احساس الفضول يلي خلقان معو ..

(( رن الجرس ))

احمد : يلله ياولاد تعو لورا المدرسة ..

سليم : يلا طارق جيب معك دفتر وقلم

كنا أربع صبيان وبنت ..
(( احمد ، سليم ، طارق ، ضياء ، ماسة ))
بالصف التاسع ..

رحنا لورا المدرسة و اعدنا تحت الشجرة .. مابقربو الولاد لهون بالعادة لان الموجهات مابسمحولهن كرمال ماحدا ينأذى بالشجر او يوقع ..

اعدنا بشكل دائري ..
اللعبة كانت انو كل ولد بياخد ورقة وبيكتب عليها رقم اي عمر بيخطر عبالو وبيكتب ورقة تانية عليها طريقة موت بشعة .. منحط كل قسم من الاوراق بعلبة وواحد بيسحب ويلي بكون عمرو اقل شي بيخسر وبدو يجبلنا شوكولا باليوم التاني ..

القصة بلشت بلعبة ..
سليم كتب عأول ورقة : 20 سنة
و الورقة التانية .. حريق

طارق كتب : 20 سنة
الورقة التانية : رصاصة

ضياء : 20 سنة
الورقة التانية : سكين

احمد : 20 سنة
الورقة التانية : قطع الرأس

ضلت ماسة .. وراقا كانت فاضية ماكتبت شي .. بس ماحكت.. ثنينا الوراق و حطيناهن بالصندوق و بلشنا نسحب كل واحد ورقة من اول صن وق وورقة من تاني صندوق ..

سليم ( انا) : غريب وراقي فاضية ..!!

احمد : مين يلي ماكتب ؟

ماسة : انا ماعرفت شو اكتب لهيك تركتن فاضيين

سليم : هههه شكلي انا يلي رح اعزمكن بكرا ع الشوكولا لان هيئتي انا الخسران ..

احمد وطارق : موافقين ..

ضياء : طلعلي 20 وطريقة الموت سكين

احمد : 20 وطريقة موتي قطع راس وليي

طارق : 20 والموت حرق

ماسة : هههه شو كلكن كاتبين نفس الرقم شو هالصدفة

ضياء : هففف رن الجرس يلا قومو ..

طارق : ستنو خلونا نخبي وراق اللعبة هون مشان بالاستراحة التانية نرجع نلعب ..

ضياء : تعو نحفر تحت الشجرة ونخبيون .. بس نرجع منلاقيون مكانون ..

خبينا الاوراق تحت التراب وطلعنا ع الصف .. بلش درس الرياضيات و نحنا بنصو سمعنا صوت صراخ من برا .. فربنا ع الشبابيك لنشوف شو صاير .. كان في حريق بجنينة المدرسة نفس الحديقة يلي كنا اعدين فيا ..
ضلو الاساتذة و الانسات يحاولو يطفو بالنار لبين ما المدير طالعنا كلياتنا من صفوفنا و بعتونا ع البيت .. وصلت سيارات الاطفاء وطفت الحديقة و البناء يلي كانت النار آكلة نصو بسبب قوّتا ..

ضلينا ببيوتنا بعد قرار طلع من الوزارة انو يتوقف الدوام لبين ماتترمم المدرسة وتتصلح .. بهالوقت هاد انا كنت مبسوط كتيير انو رح ارتاح من الدوام و الفيقة بكير و الدروس .. بس مالحقت افرح لان ابي قرر مباشرةً انو ينقلني لمدرسة تانية لان عندي شهادة هالسنة ومو معقول ضل اعد بالبيت وضييع هالوقت الكبير

كل رفقاتي اهاليهن نقلوهن لغير مدارس و صفينا انا و الشلة كل مين بمكان ماعدنا مع بعض ..

صار مارر عالقصة 4 سنين و هلأ خلصنا ثانوي وصرنا جامعات
انا وضياء درسنا بنفس الفرع ويلي هو الحقوق .. ماسة درست كلية التربية .. طارق سجل جغرافية .. احمد درس كلية الادب الفرنسي

ضياء صار قريب مني اكتر من ايام المدرسة لان صار اغلب وقتنا مع بعض وصرنا شباب كلشي اختلف .. ومع هيك كل اسبوع انا وضياء وطارق و احمد وماسة منجتمع بشي مكان ومنطلع مشوير و اي حدا بشوفنا صار حافظنا انو هي الشلة يلي مستحيل تفترق وتبعد عن بعضا ..
_
(( ماسة ))

عايشة عند ستي لان امي و ابي منفصلين من لما كنت صغيرة .. وماعندي حدا يدير بالو عليي غير ستي المرة الكبيرة المخرفة

(( سليم ))

انا عايش مع خالتي مرت ابي و ابنا سليمان يلي هو اخي .. ابي متوفي من زمان... هي كانت قاسية عليي بس بعد وفاة ابي ولما صرت انا المسؤول عنا وعن ابنا انقلبت معاملتا معي كتير

(( احمد ))
بقى انا ابن الزنكيل .. يلي الكل بحبو مصلحة وبس .. عايش مع امي المهملة و ابي المدمن ماحداا بيسأل عني ولا حدا بيهتم فيني كل حياتي مصاري و اهلي مفكرين انو ازا معي مصاري يعني مرتاح

(( طارق ))

انا و امي و ابي و اختي زينة عيلة صغيرة فقيرة عايشة بحي شعبي .. ابي بيطلع من الصبح ليجي بآخر الليل معو كم قرش يادوب يجيبولنا ربطة خبز ومع هيك انا مبسوط و اهلي كملولي دراستي بس ياريت وضعنا المادي كان احسن ..

(( ضياء ))
انا الشب يلي عم يشتغل ويصرف على 4 اخوات صغار .. ابوه و امو ماتوا وتركولا ولاد صغار يسرف عليهن انا يلي متحمل مسؤولية وعمري بس 19 سنة ..
________
الساعة 3:00 الصبح كنت نايم بغرفتي كلا هدوء وعتمة مافي ولا صوت .. صحيت و انا مرعوب ونفسي سخن متل النار كنت عم اسمع صوت دقات قلبي
على قد ماكانت مرتفعة ..

طلعت من غرفتي لاشرب مي بالمطبخ .. للوهلة الاولى شفت ادامي مرت ابي واقفة بالمطبخ ودايرة ضهرا .. فركت عيوني

#الجزء__الأول

صعب تكون مختلط المشاعر.. عم تتحير بكل شي بتحسه حب ولا مو حب..
بعشقو ولا بحبه متل اخي..
بحب امي اكتر ولا هيي..
ازدواج المشاعر يلي بقلبي عم تعمل اعصار وما عدت قادرة أتحكم فيه
..

كنت قاعدة عندهن متل كل يوم ما بقدر يمر يوم بلا ما شوفها .. قاعدة ع الارض وضامة رجليا لصدري ومقربا من راسا وعم اطلع فيها وفكر
..
هي عمتي.. الي في شي جواتي بيربطني فيها.. بحبا كتير وبحب ضلي حدها وإهتم فيها
هي إمي التانية.. او امي الاولى مابعرف أوصفلكن شعوري إتجاها
بس كل يلي بعرفو اني بحبا اكتر من امي
شو حلوة ملامحها الناعمة والحزينة
كنت عم بتأمل فيها لما فاقت وشافتني فوق راسا

ام معين: رغد انتي هون بنتي
متى اجيتي؟!

رغد: اي الي ساعة عمتي بس انتي غرقانة بأحلامك هههه

ام معين: ليه ما فيقتيني قاعدة لوحدك

رغد: مو مهم ليكني قاعدة ما مليت ما تخافي

ام معين: ما اجو الولاد

رغد: لا ما حد اجا
كيف انتي هلء ان شاء الله احسن

ام معين: اي منيحة ياروحي بكفي شوفتك كل يوم عم تردلي الروح

رغد: هههه اي لكان بدك تشوفي قمر متلي وماتردلك روحك

ام معين: هههههه

قطع حديثنا قيس لما فات

قيس: بس ماتشوفي حالك كتير هههه

قيس شب وسيم طويل وحنطي البشرة وشعراتو سود ناعمين وعيونو متل لون شعره بس فيهن لمعة كلها حنان وحب.. نظرته لوحدا بتخليني انسى كل الاعاصير يلي بتدور جوات قلبي

ام معين: انت جيت ابني
يعطيك العافية

قيس: الله يعافيكي امي.. كيفك رغود

رغد: منيحة بشوفتك
..

قيس هاد ابن عمتي الاصغر.. هاد بيكون حب الطفولة وحب الكبر وكل شي اسمه حب
معين اخوه الكبير يلي بعتبرو الاخ والصديق الي ما بخبي عنه شي
..

قيس: شو رغود بشوف خالي سمحلك تيجي ولا اتخانقتو متل كل يوم

رغد: لا ما سمحلي كل يوم بخبرهن اني رايحة لعند عمتي بيقوم يطاوش فيني ما بعرف ليه
شو صاير عمتي بينك وبينه؟؟

ام معين: والله ياروحي مو صاير شي بتذكر من وقت ما توفت بنتي اسماء من 11 سنة قطعني وماعاد اجا لعندي غير بالمناسبات السعيدة الله يسامحه ابوكي كنا انا واياه روحين ببعض

رغد: بتشتاقيلها لاسماء ياعمتي بعد كل هالسنين

دمعو عيونا ونطقت بصوت عم يرجف

ام معين: وانا بنساها ياعمتو هي كانت بنتي الوحيدة قطعة من قلبي راحت بغمضة عين بتذكر لما كنتي انتي واياها تلعبو هون بهي الغرفة كنتي كل يوم تيجي لعندا

قيس: خلص امي ماتبكي

رغد: خلص عمتي والله مو قصدي ذكرك

ام معين: خلص مافيني شي بدي نام شوي اتركوني ارتاح اي

قيس: براحتك امي تعي رغد نطلع لبرا

طلعت انا وقيس ووقفنا ع باب البيت

رغد: معقول ما رح ييجي يوم وتمشي ع رجليها

قيس: ما في شي كبير ع الله.. بس هيي الها من وقت ماتوفت اسماء ما عاد مشيت يعني الها سنين كتير ما بعرف يارغد مابعرف
المهم مابدك تروحي عالجامعة اليوم

رغد: ما عندي دوام

اطلع قيس فيني من فوق لتحت
انا صبية ناعمة كتير ووجهي طفولي متل ماعم يقولو بشرتي بيضا وخدودي موردين .. عيوني واسعين ..
كان عم يتأمل فيني لحد ما انتبه على لبسي يلي ماعجبو

قيس: صحيح ليه لابسة هااد القميص انا كم مرة خبرتك ماتلبسيه

رغد: لك شو به طويل وبعدين انا بحبه عليي

قيس: اي هي اخر مرة بخبرك لا تلبسيه والله اذا شفتك فيه بعد هلء ما رح يصير خير

رغد: ههههه بتغار

قيس: لا ليش لغار

اطلعت فيه نظرة غضب ولفيت وشي وكنت بدي روح وكلمتو بجكر

رغد: اي لكان رح روح فيه بكرة عالجامعة يلا بااي

قيس: لك تعييي والله بقتلك لو رحتي فيه

رغد: ههههه ليه

قيس: لاني بغاار بغار كتير مبسوطة

رغد: هههه اي مبسوطة

قيس: ههههه ماشي لكان يلا روحي عالبيت هلء امك بتقلق

رغد: اي انا رايحة بشووفك

مشيت من عند بين عمتي شوي لحد ما وصلت بيتا لانهن بنفس الشارع قراب من بعض كتير بتفصل بينا بس شوية بيوت

انا رغد عمري 19 سنة اول سنة الي بالجامعة عم ادرس طب برغبة من ابي انا وحيدة اهلي.. ابي دكتور جراحة وامي ست اكابرية بالبيت دائماً معززة مكرمة وضيوفا ما بيخلصو
احنا وبيت عمتي ما النا غير بعض لإنو مغتربين ومافي النا قرايب كتير هون بروح لعند عمتي كل يوم تقريباً لانه زوجا متوفي من سنين وماعندا غير شابين قيس ومعين وعطول بالشغل..كان عندا بنت قدي بالعمر اسماء بس توفت وهيي عمرا 8 سنين بحادث سير ع باب البيت وهالشي صدم عمتي والزعل الشديد الي مرت فيه صابها بشلل وماعادت تقدر تمشي

وصلت ع باب البيت وقفت واخدت نفس طويل..

رغد: يا ربي انا شو بحبا لعمتي وامي وابي بحبواا بس في شي غريب بين ابي وعمتي ما عم اقدر اعرفو ابي عم يتهرب منا كتير وما بيروح لعندا رغم المسافة القصيرة يلي بينا وكل ما بدي اروح لعندا بيعملي مشاكل وبالعافية لما بيقبل يخليني روح.. حجن واعرف شو السبب

فتت لجوات البيت كانت امي قاعدة عم تتفرج ع شاشة التلفزيون بالصالون.. التفت عالباب وانتبهت اني وصلت

وصال:انتي جيتي ماما وينك لهلء

#الجزء__الأول

في فيلا كبيرة باحدى المجتمعات الراقية والمتحررة ، كبرت ايلول برعاية دار عمها بعد ما ماتو اهلها بحادث سير من لما كان عمرها ١٥ سنة ...
ايلول بنت حلوة وجذابة كتير شقرا عيونها خضر ، شعرها طويل وناعم عسلي اللون متوسطة الطول نحيفة المكسم ومتميزة بجمالها وانوثتها الطاغية ، تبلغ من العمر ٢٤ عاما ..
سامي : ابن عمها لايلول شاب وسيم طويل اسمراني ، عيونه بنية اللون يبلغ من العمر ٢٨ عاما ..
علا : بنت عمها لايلول قمحية البشرة عيونها عسلية ، متوسطة الطول والمكسم تبلغ من العمر ٢٣ عاما ..
......
في فيلا العم مهدي مجتمع الكل ع سفرة الفطور ..
مهدي : آآه لو تعرفو كمية الراحة اللي بحس فيها لما اشوفكم مجتمعين وكلكم حواليي
ايلول : يخلينا اياك عمو وضلك جامعنا سوا
سهاد "مرت مهدي " اميين
سامي : احم احم
مهدي : في بتمك حكي استاذ سامي
سامي : بصراحة ايه
علا : بق هالبحصة اللي عندك لنشوف
سامي : اخرسي علاا ولا تقاطعيني
مهدي : احكي سامي عم نسمعك
سامي : بابا انا بدي اخطب
الكل مصدووم ..
علا مسكت ايدها لايلول اللي كانت عم ترجف ..
مهدي : خبر حلوو بس فاجئتنا
سهاد : ايه والله خبر حلوو مين عروستنا الحلوة
مهدي : رح عرفكم عليها بكرة بحفلة عيد ميلادي
ايلول اختنقت وقامت عن السفرة وركضت لغرفتها ..
مهدي : شو صارلها ايلول
علا : ما في شي بابا هي من الصبح تعبانة
مهدي : ليش ما حكيتو هلا فورا رح اطلبلها دكتور
علا : ما في داعي بابا راسها كان عم يوجعها شوي ، شربت مسكن وبعد شوي بتروق انا رح قوم شوفها ..
سامي : رح اجي معك شوفها قلقت عليها
علا : ما في داعي سامي انا بشوفها وبطمنك
سامي : انا رح روح ع الشركة وبنحكي بهالموضوع المسا
مهدي : انا شوي ولاحقك ع الشركة بدي اشرب فنجان القهوة مع مرتي الحلوة
سهاد : وانا رح اجهزو فورا
سامي طلع من البيت وراح ع الشركة ، مهدي وسهاد قعدو سوا بالصالة يشربو قهوتهن ..
..........................
ايلول بغرفتها قاعدة ع تختها وعم تبكي بحرقة ، بتدخل لعندها علا ..
علا : ايلووول الكل حس عليكي
ايلول : مو فارقة معي
علا : انا ما كنت متوقعة انو علاقته مع هالبنت جدية
ايلول عم تبكي : موجووعة كتير ومخنوقة يا علااا ، قلبي عم يتقطع من جوا
علا : حبيبتي ايلول اهدي شوي رح نلاقي حل
ايلول : لكك حل شو حل شوو رح شوف الشب اللي بحبووو عم يلبس المحبس لغيري وانا عم اتفرج عليه ومو طالع بايدي شي
علا : لسة ما صار شي بلكي غير رايوو
ايلول : وازا ما غير رأيو ، يا الله قديشني غبية كل يوم كنت عيش على امل انو يحس فيني وبمشاعري ويفهم حبي الوو
علا : انتي بتعرفي مكانتك عند سامي
ايول : بيعتبرني اخته هاي هي مكانتي ، وهو لهلا عم يتغابى ومو عارف مكانته عندي ، ما بيسال حاله ليش انا لهلا ما حبيت او ارتبطت ليش انا عم اتجاهل الكل بسببو ، هو بيعرف كل شي بس عم يتجاهل هالشي ..
علا : انا وانتي بنعرف سامي منيح ، يعني هو مستحيل يجرحك عن قصد ، يعني يمكن انو عم يحس بشي تجاهك بس عم يهرب من هالمشاعر لانو عم يشوفها غلط او ضد مبادئو
ايلول : انا الي اكتر من اسبوعين عم جهز لعيد ميلاده وعاملتلو مفاجات كتيرة ، طلع هو اللي عاملي احلى مفاجاة
علا : ايلول لا تستبقي الاحداث لسة ما صار شي مجرد حكي
ايلول : علااا اختنقت كتيير هون خلينا نطلع لبرة
علا : مااشي بس انتي اهدي شوي
ايلول : رح حاول
علا : يلا قومي نطلع انا جاهزة ..
......................
بمكان تاني بشركة تانية ..
تيم قاعد ورا مكتبه والسكرتيرة عم تدلكلو بكتافه ..
تيم : شب قمحي البشرة طويل ، ملامح وجهه فاتنة ذات لحية خفيفة وعيون عسلية ، يبلغ من العمر ٢٧ عاما ..
سلوى بدلع : كيف صرت هلا ان شاءالله ارتحت
تيم : ليش في حدا بيلمسوه هالايدين السحرية وبيبقى فيه تعب
سلوى : انا جاهزة باي وقت بتناديني فيه
تيم : معناها رح يكون عنا شغل كتير جهزيلي حالك
سلوى : انا جاهزة بكل وقت
تيم مسكها من خصرها وشدها لعندو بهالوقت انفتح الباب ..
هاني بعصبية : تيم انت شو عم تعمل بدك تفضحنا بالشركة
تيم : ليش شادد ع حالك هيك تعا اشرب قهوة خليك تروق
هاني : اطلعي لبرة ليش بعدك واقفة
سلوى : اووك انا ع مكتبي ازا بتحتاج شي تيم بيك اندهلي
تيم غمزها : ولا يهم عيونك
طلعت سلوى وهاني قفل الباب وراها وكان معصب ..
هاني : انا كم مرة نبهت عليك ما تعمل هالحركات بالشركة هون
تيم : اووف اخي خلص محاضرات فهمنا
هاني : ما فهمت وانا بعرف انك رح تكررها
تيم : شو اعمل ما فيني اقاوم الجمال اخوك وبتعرفو
هاني : ايه انا اللي بعرفك
تيم : صحيح دقلي سامي عم يعزمنا ع حفلة عيد ميلاده
هاني : ايمتى هالحكي
تيم : بكرة
هاني : ليك انا ما بعرفو منيح لسامي وانت يا دوب بتعرفو من شهرين شو لزومه يعزمنا ع هيك حفلة
تيم : انا بحب هالاجواء خصوصا هالحفلة رح تكون كلها شباب وصبايا
هاني : ما فيني اتركك لحالك بهيك حفلة