باليوم التاني ....
تيم بيمرق ع النادي قبل ما يروح ع الشركة ، بيدور بعيونه على ايلول ما بيشوفها ..
تيم للمسؤول : صباح الخير
المسؤول : صباح النور
تيم : ايلول ما رح تيجي اليوم خبرتك لتتصرف
المسؤول : بس الانسة ايلول ما جابت سيرة
تيم : انا بعرف ما رح تيجي ، فيك تلغي تدريباتها اليوم ..
بهالوقت ايلول بتكون نازلة ع الدرج ..
المسؤول : بتصور ما في داعي لانو الانسة ايلول اجت
تيم بيلتفت وراه وبتفاجئ كتير
ايلول : صباح الخير ، ما في داعي لشو
المسؤول : الاستاذ تيم حكى انك ما رح تيجي وطلب مني الغي حصصك اليوم
ايلول بثقة : عفوااا ليش ما بدي اجي
تيم : ما بعرف فكرتك ما رح تيجي
ايلول : لا تفكر انا ما بترك شغلي ناقص
تيم : شو عم تحاولي تعملي يعني
ايلول : عندي تدريب .. ومشيت
تيم : فكرت انو رح يكون قرارك الاول تطلبي تفسخي العقد ..
ايلول التفتت عليه بجرأة : ما في داعي لهيك شي انا ما بخلط بين الشغل وحياتي الخاصة ، كمان لا تفكر انو رح اتجاهل وجودك لانو ما في مفر من هالشي بالنهاية انت شريكي وفي بيناتنا شغل ..
تيم : شريكك
ايلول : اهااا
تيم : ما بدي عطلك شريكتي
ايلول : عطلتني بما فيه الكفاية عن اذنك
ايلول مشيت ..
تيم مع نفسه : اطلع اطلع كيف عم ترمي حكيي شو عم تحاولي تعملي ايلوول عم تتصرفي عكس توقعاتي لشو عم تخططي .. اييه شو عليه لنشوف ..
ركب سيارته وراح ع الشركة ..
ايلول بعد ما خلصت شغلها رجعت ع الفيلا ، اتغدت وطلعت قعدت بغرفتها ...
مسكت تلفونها وصارت تقرأ بالرسائل اللي بينها وبين تيم : رح جن رح جن معئوول في حدا شاطر بالتمثيل كل هالقد ، في شي جواتي رافض يقبل هالشي انا ووين غلطت ووين ..
ليييش عم تقهرري بحالك لييش لو كان حبه الك قوي وحقيقي كان مستحيل يعمل هيك شي ، حاجتكك تفكري اقبلي انك كنتي مخدوعة فيه وبحبه وهيك فيكي تكفي ما رح اسمحلكم تكسرووني بكل مرة بوقع فيها وبنجرح رح كون اقووى ورح اتحمل اكتر ..
مسكت تلفونها ومسحت رقمو وكل الرسائل اللي بيناتهن : رح امسحك بهي السهولة يا تيم ورح تشووف ..
........
تيم بعد ما خلص دوامه رجع ع الفيلا ، اهلو كانو قاعدين بالصالة ..
ام هاني : يعطيك العافية حبيبي
تيم راح قعد حدها وسند راسه ع كتفها ..
ام هاني صارت تلعبلو بشعراتو : شبكك يا روح امك حامل هموم الدنيا كلها ع ظهرك
تيم: ما بعرف يا امي هالدنيا بتلعب معيي
ام هاني : احكيلي فضفضلي لا تكتم جواتك
تيم : لسة حابة تفرحي فيي ؟
ام هاني : اكيييد منى عيني افرح فيك واشوفك احلى عريس
تيم : فيكي تطلبيلي البنت اللي بتشوفيها مناسبة الي
ابو هاني : عنجد عم تحكي اخد قرارك بهالموضوع
ام هاني صارت تبوس في تيم من فرحتها : يا حبيبي يا امي والله لاخطبلك ست العرايس
تيم : اهم شي تكوني راضية ومبسوطة
ام هاني : سعادتك انت اهم شي عندي
تيم : انا متاكد انو ما حد بيريدلي السعادة متلك انت
ام هاني : اكييد يا رووح امكك
تيم باسلها ايدها : انا سلمتك هالموضوع وانا جاهز باي وقت
ام هاني : فوراا وهلا رح حاكي دار ابو امجد ، عندهن هالبنت بتاخد العقل ومرباية كتير من زمان حاطة عيني عليها وكنت مستنية موافقتكم وهلا ما عاد شي يوقفني ..
تيم : مااشي ماما انا طالع ارتاح بغرفتي شوي اتصرفي انتي بهالموضوع ..
ام هاني مسكت تلفونها لتحاكي الجماعة وتيم طلع ليرتاح بغرفته ...
بدل تيابه ورمى حاله ع التخت وراح تفكيرو لعند ايلول : كييف رح شيلك من قلبي كيف رح اقدر ما فكر فيكي ، كييف سمحتلك لحالي اتعلق فيكي كل هالقد وما عملت حساب يجي هاليووم ، نسييت حالي وانا معكك وهلا عم ادفع الثمن ..
ما رح استسلم ورح ابدا عن جديد رح يكون صعب بالاول بس رح يمضى ورح انسى ازا انتي فيكي انا كمان فيني ...
بهالوقت بتدخل لعنده امه فرحانة كتير وعم تضحك ..
تيم : شوو فيي ماما
ام هاني : حاكيت الجماعة وما سدقو اعطونا موعد لبكرة المسا
تيم : ماشي
ام هاني : لييش مانك مبسوط رح تصير عريس اضحك
تيم ابتسم بتصنع ..
ام هاني : بكرة بتخلص شغلك ع بكير
تيم : ماشي ماما
تيم مع نفسه : هي اول خطوة رح تكون لنسيانك يا ايلول ..