#الرحلة_البحرية_المشؤومة_بقلم_كنانة_غميان Telegram@rwayate
هون أجت بنت عمتها مها و عيونها رح اطق شرار وغيرة خاصة أنها لابسة نفس اللون هي وياها
مها: كيفك حبيبتي كندة ...ياي ليش هيك موديل فستانك ... كتير أوفر
كندة : ميرسي هالشي من ذوقك
مها انغاظت كتير ..شو قصدك أنا ماعندي ذوق ؟!
كندة: لا بس ....اللي بيدق الباب بيسمع الجواب .!
هون أجى أبوها لمها (أبو مهند)روحي مها أمك بدها ياك
مها: يلا رايحة بابا وعيونها لعند كندة ناويتلها على شي
أبو مهند: كيفك يا بنتي كندة ...ماشاء الله حولك طالعة كتير حلوة ..شو السبب ياترى حتى هيك آخدة الجو كللو
كندة زهر وجهها وماعاد تعرف شو بدها تحكي خجلت كتير تبسمت وعيونها بالأرض ورفعت شعرها ورا أدانها
.فقرب منها عمها مطالع من جيبتو طوق ذهب بقلبو راقصة باليه ..لبسها ياه وعانقها وقلها : الله يحميك ويبعتلك شي حلو متل عيونك الحلوين ياحبيبتي
كندة: تسلم يارب وما يحرمنا منك شو هاد مابقدر آخدوا
Telegram@rwayate
أبو مهند: هاد طوق اشتهيتك فيه ...بنتي أنا بعرف البير وغطاه لاتحكي شي ..اعتبريه هدية مني إلك بمناسبة عيد ميلادك اللي مرق ....بتعرفي كنت بسفر وماقدرت أحضر ...لهيك خدي هي حتى عوضك ولا تحكي ولا كلمة لأن مارح أقبل الرفض( ورن جوالو) هي مرتي عم تناديلي ع الجوال .....عن إذنك
كندة: الله معك 👋(لسعتها مراقبة كندة بكل شي عم يصير معها)
بعد قريب الدقيقتين قربت مها لعندها ومعها كاسة عصير برتقال : .شايفتك كتير مفكرة حالك حلوة اليوم قال لبس المكنسى بتطلع ست النسا
كندة : وأم البزاقة شاقت بنتها ع الحيط قالتلها تقبريهم متل اللولو بالخيط ههههه و
أنا حلوة وأي شي مو عاجبك هي مشكلتلك
مها: حبيبتي أنا أحلى منك غير إني مخطوبة ..كمان وأنتي ماعندك اللي عندي ياه أنا
كندة : ليش شو عندك وماعندي ياه بلا؟
Telegram@rwayate
مها وهي عم تعد على أصابيعها: عدي ...بيت بأسمي وسيارة مع شوفور .. وخطيب بيحبني .......غير رصيدي بالبنك إلي ولحالي بالبنك....وأنتي شو عندك ؟
كندة: ههههه أنا عندي شغلات ماعندك ياها ...وبحياتك مارح تقدري تجيبيها
مها: شو قصدك؟ اكسسوار مثلا
كندة: لا
مها: ذهب
كندة: لا ...ولا هاد
مها: لكن شو ...
كندة : الأخلاق حبيبتي ...خاصة إنها عملة نادرة هالأيام
مها: يعني بلا أخلاق يا قليلة الأدب
ورشت عليها عصير البرتقال ...بس هون في حدا أجى من ورا كندة ودفشها لبعيد حتى ما يندلق عليها العصير (بعدي....انتبهي )...فكررررر العصير على الشب وما صابها لكندة شي ... : إنتي منيحة يا آنسة
مها انسمت من اللي شافتو ..وماظبط مخططها فتركت الكاسة بالأرض وكسرتها وانتترت وفاتت لجوا مو عاجبها اللي صار ...والناس عم تتفرج .
كندة : آه ...أي ...أنا منيحة ......شكرا على موقفك بعتذر عن اللي صار فيك...(صارت تحاول تمسحلوا بالمحارم)
الشب وهو عم ينفض حالو : لا ..ولا يهمك ...المهم أنتي بخير وماصرلك شي
كندة: لا الحمدلله ..بس......
Telegram@rwayate
شهد دخلت بسرعة :شو هالصوت اللي سمعتو وليش هيك مها راكضة متل المجنونة ...ي....ي....شو هاد ... خير خير أختي صرلك شي ...في شي ....احكي ؟؟
كندة مستحية من حكي أختها وحست حالها ولد صغير قدام الشب: لا مافي شي أختي انكسرت كاسة العصير معي ....وهالشب بعدها عني بالوقت المناسب
شهد: شكر كتير إلك ......بس عن إذنك
يلا كندة الكل جوا صار بالقاعة .تعالي
مسكتها شهد من أيدها وشدتها لجوا ...وعيون كندة لورا عم تقول لشب ...شكرا كتير ..باي
الشب حط أديه بجيبوا :مع السلامة(( لنا لقاء ))
شهد: ليش تأخرتي ...وشوووووووو ...مين هالشب اللي كنتي واقفة معو
كندة: قلتلك شو صار ليه ماعم تصدقي
شهد: مابعرف قلبي مو مطمن بنوب ...لبق تطلعي لحالك ..خليك معي مرافقتيني أوك .....لحظة منللك هالطوق الحلو
عجبك؟؟؟
بيجنن....بس منين
عطاني ياه عمي ....
أبو مهند.ماغيرو
كندة : أي
Telegram@rwayate
شهد: والله يسلم دياتو كتير مذوق مع أنو عيلتو كلها فايتة بالحيط ...ي ...ي ليكوا ....فات شادي.......شاااااادي ...شااااادي .ووووووو.....وووووو
صار الكل بالحفلة وبلشت الهيصة والزيطة والزنبليطة . والجمهور كتير متحمس والإضاءة اللي طالعة ...وألوان الليزر ...غير الضباب اللي طلعوه وفتيش ....وبوالين ....
عيلة أبو مهند كل واحد بمكان ...الأب بغرفتو ما بيحب هالأجواء ....وأم مهند حاجزة مع بنها بالشرفة اللي فوق مع الناس الاكلاس
أما مهند ..آخد مجدوا ع الآخر
عم يرقص مع بنات أشكال ألوان ...وكندة عم تستنى دورها .
شهد : لك رقصي ....شبك ....؟؟؟
كندة: آه لا ...ولا شي .....شوفي شهد ... كمال عم يناديلي ...رايحتلو وراجعتلك ركدت لعندو بزور بهل العجقة : خير أخي شوفي ؟؟؟
كمال: بتعرفي أن اليوم عيد ميلادها لشهد
كندة : ووووووو ...صح ....كيف نسيت والأنكا من هيك ....
نطق هو وياها سوا بالحرف : الهديه ...هههههههه
كندة: يا الله شلون وكيف بدنا نجبلها هدية هلأ