#الرحلة_البحرية_المشؤومة_بقلم_كنانة_غميان
Telegram@rwayate
نطت شهد معجوقة ع المسرح ...وقلها شادي أختك كندة قالت نتصور كلنا سوا سيلفي ...
شهد : إي يلا على عيني ...وها .....(وطقت صورة لإلهم هنن الثلاثة وبعدها طلعت عيلة أبو كمال وتصوروا كمان ....يعني يوم خيالي بالنسبة للعيلة .)
وأجى وقت العشا يعني وقت الحفلة خلص .....بس في موسيقا هادية شغالة .....وفي ناس قامت ورقصت ..و منهم قاعد عم ياكول
قام مهند بإتجاه كندة اللي عم تستنى فرصة ليرقصها معو.....قرررب ..قررررب ....وقلب كندة عم يدق مع كل خطوة عم يقرب فيها مهند لعندها .....صار قريب منها وهي عم تعمل حالها مو منتبهة ....ووقف قدامها (ياي أخيرا رح يطلبني لرقص)...بس يا فرحة ما كملت بلحظة دار وجهه لطرف التاني ...لطاولة اللي مواجه عيلة كندة تمام
في صبية قاعدة وطلب منها الرقص .......كانت صدمة لكندة اللي رح تبكي إلا شوي ....لاحظت هالشي شهد والدم غلي بعروقها بدها تقوم تفرجيه قيمتو .
شهد: لاتزعلي أختي عمرينو .....شو بدك فيه ...لك يقطع عمروا شو سأيل والله أنتي حلوة وبتاخدي العقل بس هو أجلك مابيفهم ....(صفنت شهد بين الطاولات وشافت ).....كندة ...كندة شوفي هنيك ...في شب عم يطلع فيك كانو هو نفسو اللي كان قدامك وكبوب عليه عصير !!!!!
كندة: وعيونها بالأرض : خلص شهد تركيني بحالي ...
Telegram@rwayate
شهد: ليكوا ...قام ......شكلوا جاية لعندك ؟؟؟؟
كندة: طالما عم تقليلي أنا حلوة ليش ما عم يعبرني
شهد: أجى ...أجى .....ولي شو جنتل وحلو ولابس طقم توكسيدو بيفلج ...لك كندة اطلعي
كندة: خلص بقى ...مابقى بدي شوف حد.....(لسى ما كملت جملتها)
الشب : مرحبا يا آنسة
سمعت كندة صوت ...ودارت وجهها وعيونها دموع مسحت دموعها متل ولاد صغار : ....أهلا ..نعم
الشب : تسمحيلي بهل الرقصة ....
شهد عم تدفشها لتقوم
كندة: بس أنا ما بعرف أرقص؟؟؟
الشب : مو مشكلة ...بس تعالي معي إذا بدك
كندة: طيب ماشي ...بس إذا دعستلك على رجلك لا تلومني
الشب : ههههه ولا يهمك
انحنى الشب ومد أيدو ليمسك أيدها ....حطت كندة أيدو بأيدها ......وبأيدها التاني رفعت شوي من فستانها ...مشيت معو دارت وجهها لعند عيلتها وشهد عملتلها 👍
Telegram@rwayate
وقفت كندة مع الشب بنص القاعة ....شار الشب للفرقة الموسيقية منشان يبلشوا لحن جديد وناعم .....حط أيدو ع خصرها ومسك أيدها التانية ..ركز عينو بعينها ...
كندة استحت : يا الله ...مابعرف أرقص ...خليني أرجع
الشب : مستحيل ...عم استنى هالفرصة حتى أصلك وبالأخير تهربي مني مارح خليك
كندة تفاجأت باللي سمعتو : عفوا ...بس أ أ أنا جد ما بعرف أرقص
الشب: هههههه لحقي حركاتي وبس
كندة: طيب .....
وبلشت الموسيقا .....كانت غنية بعترف أدام عينيك
حركها الشب من هون وهون ..وهي تلحقوا ....مرة تخربط ...ومرة تدعسلوا ع رجلوا ...ومرة حتوقع وتضحك ......وهو يضحك ع ضحكها ...وكل مرة بدها تبطل ....يرجع يجيبها ويقلها شو لازم تعمل ....حتى ظبطت معهم الرقصة بعد جهد متعب .....
Telegram@rwayate
الشب: شكلك تعلمتي بسرعة
كندة: ههه لا بس أنت شاطر ...بس لحقت رجلك
الشب: هههه قصدك راحت رجلي
كندة اتدايقت: عنجد آسفة
الشب : لا ولا يهمك ......أنا مجد
كندة : وانا كندة
الشب: تشرفت بمعرفتك يا كندة .......سامحيني شكلي أحرجتك بالرقصة
كندة: لا ...لا بالعكس ...كتير انبسطت ...والأكتر أنك تحملتني
مجد: لا ولو ...لو ما وافقتي كنت رح أحملك وجيبك غصب ....
كندة: هههههه
مجد عم يبتسم : ماعم بمزح ها
كندة: المعناتها منيح اللي وافقت
مجد:...........(صفن فيها صفنة غريبة)
خلصت الموسيقا...وصفق الكل لرقص الجميع ...بس كندة ومجد كانو محط الأنظار ...خاصة مهند اللي تحول لفلفل أحمر وأدنيه عم يطلعوا بخار
مجد عم يودعها لكندة لعند طاولتها:لازم نلتقي مرة تانية
كندة ابتسمت وهي عم تحرك شعرها لفوق ومسحت غرتها بأيدها :إي أكيد .....
باس أيدها وتركها
قعدت كندة مو مصدقة اللي صار
شهد فتحت تمها وعيونها متفاجأة (لك شو هاد شكلوا طابس فيك ههههههههه لا وبوسة أيد كمان
كندة: سكتي بقى والله مابعرف شو صرلي ...لا وأهلك كلهم هون ....ولييي...
شهد: يلا .....خلصت ...المهم فشيتي قلبك
كندة: إي والله كتير .....بتعرفي جعت قايمة إسكب آكول شي قبل ما يقيموا سفرة البوفيه
شهد: هههههههه اي قومي قومي...شكلك حرقتي حريرات زايدة
كندة : ييييي سقيلة مو بأيدك ....راجعتلك
Telegram@rwayate
وبعد ما خلصت الحفلة ع الآخر
طلعت هالناس ع السطح يتأملو يشربوا فنجان قهوة قبل ما يطلعوا ع النوم
شهد وكندة عم يتأملوا الصور ع الجوالات فرحانين وهنن قاعدين قريبن من البحر عم يكملوا السهرة .....عينهم عم تجاكر الناس اللي قاعدة قدامهم (مها ومهند وأم مهند اللي كتير ادايقت من هالمنظر السخيف بنظرها فقامت من محلها وطلعت ع غرفتها تاركة ولادها لحالهم)