📚قصص||روايات||منوعة📚

.....الحلقة السابعة
Telegram@rwayate
#الرحلة_البحرية_المشؤومة_بقلم_كنانة_غميان

الشرطي : شو هالصوت اللي طلع من جوا ؟؟؟؟
مجد متلبك : هي مرتي بس.....
الشرطي : شبها مرتك ...
انفتح الباب وطلعت منو أم عبدو ووجهها ماعم يتفسر
مجد مرعوب: شبك يا خالتي ...شبك طمنيني ؟؟؟في شي!صار معك شي؟
أم عبدو زعلانة وراسها بالأرض وأيديها دم وشغلات تانية :مرتك جوا وبلش معها المخاض
مجد عمل حالو مرعوب وعم ينط بأرضو : يالطيف ...يالطيف ...وشو أعمل أنا هلأ قوليلي خالتي
أم عبدو : بسرعة روح جيب سطل مي سخنة حتى نعرف نولدها حالتها تعبانة
مجد: يلا يلا ......
الشرطي قرف من منظر الدم اللي على أيد أم عبدو ...فراحت قربت عليه رافعة أيدها مشمرتهم لفوق : بدك ساعدك بشي سيادة الشرطي
كانت رح يستفرغ وحط أديه على تمو وقلها : لا لا.....مابدي شي
أم عبدو : بس مابيصير لازم نسقيك فنجان قهوة
الشرطي : مشروبة مشروبة (واندار على مجد )تقوم مرتك بالسلامة.....وطلع وحكالهم أنو مافي شي ع المركب

راح خفر السواحل ....وهون فات مجد لعند كندة: وهو عم يشوبر بالمسبحة : هههههههه شوفي ...عيطي لتشبعي ....وعملي اللي بدك ياه ....ماعاد حدا يسأل عنا هون ....ونحنا طلعنا منها متل الشعرة من العجين هههههههه .. مالي فهمان شو هالغبي اللي حاطينو بهل المجال ...شوية كتشب ع زبدة وسمنة خلوه يرتعب ههههههه

دخل وراه( أبو نورس ) فجأة : أسع هيك يا مجد لقلك
مجد: تفضل معلمي
(قرب شوي شوي واطلع على كندة (مربطة ومكممة وعيونها ماعم تتفسر )عم يهدد بصوت عالي)أنتي مابدك تبطلي شوشرة ولعب ولاد .كنت رح تفضحينا لولا ستر الله ....هالمرة رح مررقلك ياها بس المرة الجاية رح اقتلك أنا ..أنتي هلأ بضيافة عمك أبو نورس بتكني وبتهدي بدون ولا حرف .ومارح اسمح لبنت صغيرة اتضوعني وتضوع تعبي وطاقم عملي كللو ..(.فهمتي .......) رح تخلصي بعد كم يوم ...وقت الإتصال رح تفهمي وتعرفي وتنقلعي من وجهي ....
لك ليش حتى استنى ...بكرة (واندار لعند مجد)جهزولي العدة يا شباب ...لنبلش وبخلص من.خلقة هالمفعوصة بقى ونقبض حقنا ..حاجتها هون طلعت ريحتها كتير
Telegram@rwayate
طلع أبو نورس من الغرفة وهو طالع خلقو ع الآخر فضربوا مجد تحية وهو طالع
مجد اطلع بكندة اللي عينها بالأرض وماعاد طلع حسها وعملها حركة سلام بإصبعتين قدام عيونوا : يلا...سلام يا أمورة ..
#كنانة_غميان

سكر مجد الباب وراه ...وتسكرت كندة الدنيا بوجهها صارت كلها سواد ....دموعها تهر لحالها على الكمامة ووجهها قالب متل النار ...ماتلحق الدمعة تنزل على خدها حتى تنشف ....مدت حالها بطريقة متنية ع هالفرشة ....وغفيت من زعلها

تاني يوم ..اجتمع الكل ونادى أبو نورس

سميح هات الجوال واتصل بالرقم اللي أخدتو حضرتك من شؤون الزوار اللي باليخت الكبير منشان نتصل بأبوها للبنت .....تحرك

اتصل أبو نورس بالرقم
وكندة قاعدة مربطة عم تتفرج ..وقدامها سلاح لتهديد اذا بتحكي حرف .وعيونها لفوق عم تتوسل ربها وتدعي
تستنى فرج الله وتخلص حتى ترجع لعند أهلها بقى ....تعبت نفسيتها كتير
Telegram@rwayate
أبو نورس : ألو ...مرحبا
ع الموبايل : أهلا ....مين معي ؟؟؟
أبو نورس : مابدك تحكي مع بنتك
اللي ع الموبايل: بنتي ....ليش وينها بنتي ؟؟؟
أبو نورس : بنتك معنا ...معقول ماعندك خبر ...صرلها عنا وبضيافتنا يومين !!!!!
اللي ع الموبايل : مستحيل ...ليكها بنتي جنبي هون
انصعق أبو نورس: شو ...شو عم تقول .....بنتك مو اسمها ......كندة
اللي ع الموبايل : لا ....بنتي مو كندة ...هي بنت أخي ....أنت اللي خطفتها لكندة !!!!! (صار الصوت يعلى)......رجعها ليش آخدها وخاطفها عوفنا الدنيا عليها ...شو بدك منها....وليش لليوم لحكيتو .......ألو..ألو ..ماتردوا ....ألو
Telegram@rwayate
انفلج أبو نورس من اللي سمعوا ونزلت السماعة من أيدوا على مهلها ... سكر الجوال ولسعتوا صافن(يخربيتها هالمصيبة) وصرخ : لك سميح ..سمييييييح يا ابن القاقونة
سميح عم يرجف: أمرك أمرك معلم ليكني أجيت
الله لا يوفقك ..أنا ماقلتلك بتجبلي البنت اللي أبوها الملياردير
قرب أبو نورس وشلفوا كف بيصوي صوي لسميح : ...شوف ولا ....احكيلي شو صار معك من طقطق لسلام عليكم قبل ما ارتكب فيك جريمة ....احكي

حط سميح أيدو على خدو وصار يبكي متل الأولاد : يا معلم ....أنت مو طلبت مننا نراقب بياعين الدهب ...لأن هنيك بيتواجد المليارديرية .....
#كنانة_غميان

ابو نورس قعد وصار يضرب بأديره على ركبو بقوة :إي ....!!!@

الحلقة الثامنة
Telegram@rwayate
#الرحلة_البحرية_المشؤومة_بقلم_كنانة_غميان

مجد مرتبك : والله يا معلمي ما خطرلي بنوب انو تكون هي المخلوقة مو بنتو لأن لما عانقها كنت مع سميح وقت صار هالحكي .....حتى فيها تيب الأكابر ....أما التانية كانت مشرانية كتير ....

كندة بلشت يصير معها نوع من الهستريا وتضحك : يعني أنتو مستقصدين بنت عمي مها ...مو أنا ههههههههههههعه

مجد بعصبية كازز ع سنانو منشان ماحدا يسمعو : سكتي.....رح تروحي حالك .....لك سكتي حاج ضحك

كندة بطريقة مجنونة وماعاد سمعت حدا : هههههههههه عصابة .....ومنلى عصابة ههههههه صاحبها ....متل......

أبو نورس انغاظ وقرب مسكلها شعرها وقربها لعندو : سكتي عم قلك ...ها ..........بتعرفي أنو هالخربطة رح تكلفك حياتك ...أصلا ماخلق اللي بدو يتضحك على أبو نورس فهمتي وليه ....
سكتت كندة بغصة
كنانة_غميان

أبو نورس بصريخ : هات رقم ابوك لشوف ....تحركي
نأزت وعطتو الرقم غصب عنها
أبو نورس اتصل من رقم جديد وحط هالمرة مكبر الصوت حتى يغيظ كندة ....ورن هالجوال ..
...بووووووب

بووووووووب

أبو كمال: ألو .....
أبو نورس : ألو مرحبا
Telegram@rwayate
أبو كمال : أهلين مين معي بلا صغرة

أبونورس : معك أبو كاعود ...سماع هالكلمتين ..بنتك كندة معنا وصرلها يومين ....ورح اقتلها اذا ما بتدفعلي فدية بمبلغ مرتب وحلو متلها

أبو كمال: هاااه ....مبلغ حلو ومرتب ...قلتلي لكن .... أديش يعني بدك ؟؟؟؟

أبو نورس: اذا بيهمك أمرها وبدك ياها صاغ سليم بتدفعلي فدية 2000000 ليرة

أبو كمال : بس أنا مامعي هالمبلغ
أبو نورس: هاد الحكي مو شغلي بدك اتدبر حالك....
أبو كمال طلع خلقو: شلون مو شغلك.....وكيف بدي دبر حالي يعني .شو شايفني عم قطف من الشجر مصاري ولا عم بيض دهب
أبو نورس : يعني مارح تدفع
أبو كمال: لا مارح ادفع وبلط الزرقا و خدها انقعها وشراب ميتها ...انا مابدي ياها .

أبو نورس منيح لكن ...بكرة رح يصلك طرد براسها
وسكر الخط

كاسم : وهلأ شو رح نعمل
سميح: يعني طاروا المصاري
مجد مصدوم من اللي سمعو كتير

أبو نورس عم يحاكي حالو : العمى بحياتي مامر عاي اب بهالندالة والبخلنة بحياتي ..باع بنتو لهيك بس ولا شي .....(اطلع عليها أبو نورس ..وعرف هالبنت مظلومة عند أبوها )
Telegram@rwayate
كندة ماعاد طلع حسها عيونها وقفوا عن الحركة وصابتها الجمدة ....

صرخ ابو نورس ..حطوها جوا بالغرفة لنشوف شو بدنا نعمل فيها

قرب حملها مجد اللي حس حالو هالمرة حامل قطعة خشبة لا من تمها ولا من كمها .....حطها بالغرفة ..وعلى مهلو حطها على الفرشة ...وهي ماحركت ساكن ...طلع من عندها وسكر الباب وراه ...كندة صار معها اكتئاب وصارت تحكي مع حالها ...(معقولة أبي مابدو ياني لهدرجة أنت رخيصة عندو.....صحي حرمني من كتير شغلات بس انا بحياتي كلها ماكنت نق عليه ولا زيد عليه بشي ...حتى لما بطلني من المدرسة الاعدادي وماخلاني كمل ..سايرتو لأكسب رضاه ....ماكنت بعرف لهدرجة إني هم على قلبو )...ضلت كندة تحاكي حالها طول الليل ...

#كنانة_غميان
Telegram@rwayate
وبعد 3 أيام أجت أم عبدو لعند مجد ومعها صحن الأكل :
أم عبدو: هي تالت يوم و البنت ماعم تاكول شي
مجد: شو عم تقولي أنتي ؟مابيصير ...معقول ما جاعت !
أم عبدو خايفة من ردة فعل مجد: نحفانة وسالت وجهها كتير ....كأنها عم تموت
مجد: ليكون ماعم تحطيلها أكل ظريف
أم عبدو : بالعكس كل شي مناكلوا عم حطلها منو ...ما تنسى من يوميين حطينالها أكل .....وراحت دفشت وكسرت الصحن باللي فيه برجلها
مجد: لا مونسيان :بس هي أمانة عنا وبدنا نرجعها ....طيب غصبيها ع الأكل ...شو ع كيفها القصة
أم عبدو: والله تعبت وأنا عم حاول فيها .....عبس لا تتعب ...مابدها بس عم تشرب مي ....وبأيدي عم شربها ياه
مجد: ولي شو عنيدة رح تموت حالها هالهبلة
أم عبدو : ....طيب شو رأيك تجرب اطعميها أنت؟؟؟

مجد: أنا؟؟؟؟؟ مستحيل شو عم تقولي أنتي ....(فكر شوي)يعني قولتك رح تقبل
Telegram@rwayate
أم عبدو : مابعرف بس ...روح جرب معها ..والله موديلها بيشبه المومياء اللي عم تستنى خطيبها وماكان يجي .....ولا رح يجي

مجد: طيب هات ...خلصيني ...رح جرب معها أمري لله
يتبع........

قعدت على فرشتها ودارت وجهها وماردت عليه .....

طلع لبرا معصب منها وحكي مع ام عبدو من ورا الباب
سمعي شكلها هي بدها تعيد كرتها وتحاول تنتحر .....ديري بالك تحطي اي شي قدامها بتقدر تنتحر فيه
ام عبدو بدها تحكي .....اي بس ...
مجد: لا تقاطعيني ....مابتحطي قدامها لا زجاج ولا سكاكين .ولا........

ام عبدو بدها تحكي ..ماشي بس .
مجد: عم قلك لاتقاطعيني .......ولا حبال منشان ما تشنق حالها ......(هون صفن شوي وارتعب وخضر ) اي والله الحبال ...الحبال اللي كانت مربطة فيهم ........(((((جوا)))
ام عبدو : اي بدي احكي وما كنت تخليني انطق
Telegram@rwayate
فات لجوا بسرعة متل المجنون ...فعلا ماكذب خبر ....لقا كندة عم تعمل عقدة بالحبال وحاطتتها حولين رقبتها ....وبدها تعصها مجد ركض حتى يفكلها ياها (يعني صعب اني اتركك خمس دقايق لحالك يا الله شو هالمصيبة ...خلص كني )وفكلها ياها وعيونها ناصوا بطريقة حاقدة فيها عليه ...عيونها عم تحكي اشكال الوان وقصص بطريقة جأرة ....بس ماحكت ولا كلمة

تحمضلها مجد : طيب ماشي ...لا تاكلي ....دواك عندي ...بسيطة تعي ام عبدو بتتركيها تموت من جوعها ......لا تحطيلها اكل بنوب ولا مي ...سمعتي

وطلع هو وياها لبرا
ام عبدو متفاجأة : عم تحكي جد ؟؟؟
لأ ...بس طولي بالك عليي ..في ببالي موال وبدي غنيه ..ماتحطيلها شي بنوب لحتى قلك سمعتي ...ناديلي كاسم على غرفتي بدياه ضروري
ام عبدو : اعتبروا صار عندك

راح مجد على غرفتو عم يستنى كاسم
دق الباب كاسم وفات : خير ...قال طالبني..في شي؟؟؟
مجد: سماع كاسم .من الآخير ..أنا بعرف ومن زمان أنو معك من حبوب الزهزهة لأنك بتاجر فيها من تحت لتحت بكل مشوار منورح فيه ...رح غطي عليك ...إذا بتعطيني وحدة بس

كاسم تفاجأ وبلش يتهرب : بس أنا.....!!!!
مجد: ولا كلمة والا بقول لأبو نورس ويقيم قيامتك ويحسب الله ماخلقك
كاسم : طيب طيب امري لله ...ايمتى بدك ياها

مجد: اليوم وهلأ ....بسرعة روح متل الولد الأمور بتجيبها وبتجي
Telegram@rwayate
راح غط كاسم شوي ورجع ....خود مسيك .هي حبة...وحطها بأيد مجد : بس دير بالك بتعمل افراط تشاط دماغي زائد ....وممكن تحكي شغلات مخباية بذاكرتك بدون ما تحس ..

مجد: وأديش مفعولها

شي ساعتين ..وبعدين بيرجع كل شي طبيعي بس انت ليش بدك ياها ..؟؟؟؟

عص مجد على أيدو اللي فيها الحبة بكل قوة : ..بعدين بتعرف

#كنانة_غميان

يتبع :........

الحلقة العاشرة
Telegram@rwayate
#الرحلة_البحرية_المشؤومة_بقلم_كنانة_غميان

امر مجد بتسكير باب السطح منشان اذا طلعت مرة تانية كندة على غفلة ما تقدر تطلع ع السطح وترد ترجع تعمل عملتها الأولانية بأنها تنتحر

بعد ساعتين من الحادثة ...صار ينسمع صوت خبط باب قوي من بعيد

طج ..طج...طج.

هي كندة اللي عم تخبط باب غرفتها بكل قوتها اجت أم عبدو لعندها لتعرف شبها : لك ليش هيك عم تخبطي ...يابنتي ... شو بدك ....شو في؟؟؟؟

كندة معصبة : بدي فوت ع الحمام !!!!
أم عبدو : طيب لحظة شوي
شو لحظة شوي ...عم قلك بدي فوت ع الحمام حتى هي كمان بدها أذن ؟؟؟؟
أم عبدو : والله يا حبيبتي هي الأوامر وهلأ برجعلك
كندة : أوامر ...أواااامر ...قلتيلي !!!
راحت ام عبدو لعند مجد اللي كان عم يتحمم بالحمام

طرقت عليه الباب : يا مجد هي البنت بدها تروح ع الحمام ...شو اعمل ؟؟؟؟

نبق راسو من شق الباب و مسح الصابون على وجهو : اي تمام لكن سمعي ....دخليها ع الحمام اللي جنبي واعمل اللي اتفقنا عليه قبل ما تفوت ...وهالحمام لتصليح .......فهمتي

أم عبدو : حاضر

طلعت ام عبدو كندة لتروح ع الحمام
Telegram@rwayate
فاتت كندة متدايقة ...ولقت هالحمام شبه فاضي ريحتو رطوبة ومعبية الدنيا ....بسرعة دورت بالخزاين هون وهنيك ...مالقت شي تقدر تاخدوا او تستفيد منو ....تجاكرت كتير ....وهي اصلا مو جاية منشان تعمل حمام ....أجت بدها تشوف وجهها بالمراية اللي فوق المغسلة كمان مافي ...(شكلو مجد عامل حسابو لكل شي منشان مافكر انتحر مرة تانية )...أجت فتحت المي بدها تغسل وجهها ...مالقت أيادي الحنفيات ...نادت بدها مي فعطتها ام عبدو قنينة مي لتغسل ...و سطل مي كمان حتى ترميها وراها بالتواليت وقالتلها ماتسحب مي السيفون منشان ما تشر المي لبرا فيها عطل

كندة تزاولت كتير من اللي شافتو واللي سمعتو ماتوقعت هيك شي بنوب : هلأ هيك ؟؟؟؟مااااشي يا مجد......و......شو هالصوت

سمعت صوت غنى حطت ادنها ع الحيط وصارت تسمع دندنة ...حدا مبسوط وعم يغني

أنااااااااا اعتزلت الغرام
اعتزلت الغراااااام

.(.هاد صوت مجد ماغيروا عم يتحمم .)
يعني هيك الشغلة ...انت تتنعم بالمي يا جربان وانا بتتركني بقنينة ووسخة ..قال عامل معروف وعاطيني سطل هالسطل ...ممممممم هلأ فهمت ليش قالتلي أم عبدو ما ارفع السيفون ....طلع الشغلة فيها إن
Telegram@rwayate
(((((أنا حتى بالمنام طيفك.رح يبعد عنيييي
يمكن بكرة الأيام من دون بتصالحني))))))

..لا ومروق كمان ومبسوط ..طييييب ...بسيطة ....مفكرني جدبة ما هيك .لخليك تعتزل الحياة كلها ....وهه

مالقت حالها غير سحبت سيفون المي تبع التواليت مع انو نبهت عليها أم عبدو ما تفتح السيفون (لأن بعد مايفضى بيعبي مي من جديد ) .......استنت ثواني ....وسمعت عياط من حمام مجد ..طلع راسو وكللو صابون وبلش يتكتك : لك مين فتح المي الباردةةةةةةةةةة
اجت ام عبدو لعندو : ..ماحدا ...ماحدا الله وكيلك ماحدا ...ليش شوفي ؟؟؟؟

لكن شلون اجت المي الباردة لعندي.....(صفن شوي)لسعتها كندة بالحمام ...ماهيك

إي ...ليش ؟؟؟؟

مممممممم ...فهمت ...(مافي غيرها ) بسيطة يا كندة
عطيني المنشفة بدي اطلع سقعت أنا ..ماعاد أجت المي السخنة
أم عبدو: المناشف كلها بالغسيل
مجد: وانا كيف بدي اطلع
أم عبدو عندي منشفة زهر ....مختومة ...تاخدها
مجد: هلأ بدك ياني اطلع بمنشفة زهر .....طق مخك انتي التانية
أم عبدو : خلص متل مابدك ...اعطيك بشكير صغير
مجد: لك شو بشكير صغير انت كمان ....هات المنشفة خلصيني
Telegram@rwayate
الزهر؟؟؟

مجد عصب: اي العفلقان الزرق ...خلصيني رح موت من بردي

كندة : يا أم عبدو ...أم عبد تعي فتحي الباب خلصت
صارت كندة تضحك (خرجك الله لا يقيمك)وكاتمة ضحكتها منشان ما تنفضح

رجعتها أم عبدو لغرفتها ....لسى مافاتت كندة وبلشت تضحك وتضحك .......حتى دمعو عيونها
Telegram@rwayate
من ورا الباب كان عم يتسمع عليها مجد ع الهسي ولابس منشفتو الزهر .....طيب بسيطة شو عليه

وأجا كاسم من وراه ع غفلة: إييييه ..ماتبلى ..الزهر بيفك القهر
مجد: اتزاول وطلع لغرفتو متدايق .....وحط راسو لينام شوي

بعد ساعة ...صارت تنادي كندة : ...يا ام عبدو ...ام عبدو .....عطيني مي بدي اشرب ....عطشانة

فتحت الباب ام عبدو .
خدي....
يسلمو ...رح موت من عطشي.....(تشرب) يييي لك ليش هيك طعمتها ..كأنها مصدية ......

أم عبدو: هي اللي بقيانة عنا ....بكرة رح يجيبو مي جديدة من المرفأ

نادى مجد لام عبدو ع غلفة ...فركضت هديك وسكرت الباب .... ...ونسيت تقفلو وراها على كندة

راح مجد غاص بالنوم ...بس

بعد شي نص ساعة سمع ضوجة كبيرة فتح عينو نص بنص .لاهي صوت خناق ولا مشكلة ....(.شو في لكن .) ....ورجع نام .....بس رجع سمع صوت واضح وعالي
Telegram@rwayate
((((بشعة حلوه ....بشعة ..حلوة ....بشعة ههننهنههههههه
يلا دورك )))))

الحلقة السادسة عشرة
Telegram@rwayate
#الرحلة_البحرية_المشؤومة_بقلم_كنانة_غميان

الوقت قرب يصير الفجر وكل اللي بالسفينة فراحان ومبسوط ..
.ماعندا كندة ....مو عارفة شو بدو يصير فيها ....خاصة بعد اتفقوا عليها

نط أبو نورس : يلا ياشباب ...اليوم عنا فرحتين ...فرحة حبيبي مجد اللي رح يقفل على باب العزوبية ههههههه وفرحة رجعتنا اليوم لأرض الوطن لهيك استعدو وضبوا غراضكم حتى يرجع كلل واحد لعند أهلو .....ولما يصير في رزقة ببعتلكم خبر متل العادة ..وهلأ.....يلالالاااااااااا....جنوا نطوا ...نطوا نطوا ..هههههههههه

حملت حالها كندة بدها تطلع ع سطح السفينة ...مسكت مقبض الباب ...وماكان يفتح معها

مارح يفتح معك لأني من شوي قفلتو

نأزت كندة من مجد اللي كان وراها

كندة طالع خلقها : فتحلي الباب .....

مافي

عم قلك افتحلي الباب ....

ممنوع ....ولسى بدي لكتب لافتة يمنع الإقتراب والقفز

يا الله يا مجد ..والله تعبت ....بدي أطلع شم شوية هوا نضيف ..طق قلبي من ريحة السيجار والناس العرقانة.....ولاريحة الجرابات .... ...رح استفرغ كأنني بشي مسبح مسكر بس على على أضرب وأقطع

بفتحلك بس على شرط

شو هو ....؟؟؟
Telegram@rwayate
بربطلك أديك بحبلة .....وبضل ماسك بطرف الحبل

أوف وليش بقى .....

حتى اذا فكرت تزتي حالك ع البحر ...تعرفي إني وراك وراك .....وماسكك

لا لا ....لاتخاف ...مارح زت حالي ...حلصني فتحلي هالباب طقت روحي

هادا شرطي .......اذا بدك تطلعي

صفنت كندة شوي مغصوب على أمرها: ماشي أمري لله .....هات الحبل

ربطلها أيدها بقوة وفتحلها الباب .....وطلعت قداموا .....وقرب على رف السطح عم تتأمل كل شي حوليها .....حست حالها بعالم الضياع والفراغ ...شو مخبيتلها الدنيا لسى غير المصيبة اللي هية فيها هلأ ....ماعاد في أمل ترجع لبيت أهلها بنوب .
حطت أديها المربوطين على السطح ...واطلعت على هالبحر الهادي ...ومدت كواعها وارتكت على الرف ..... الهواء اللي قلب لبرودة رايح جاي عم ينشف دموعها اللي عم تنزل لحالها ....رفعت راسها لفوق تشوف القمر اللي لونوا صار على أحمر وهو عم يغيب ...ليبلش يوم جديد وتطلع هالشمس .......صار يمر من خيالها وهي عم تتفرج ع السما عيلتها كلها...خاصة شهد وضحكتها اللي بتنسيها همها .. ((مجد جنبها عم يشوفها شو عم تعمل كل حركة من خطواتها ....حتى ما تغافلوا وتعمل شي مو منيح )
Telegram@rwayate
كندة نفخت نفخة بتنفخ طبخة وتتنهد وصارت تحكي بصوت واطي : آخ يا شهد شو اشتقتلك ...واشتقت لقعداتنا أنا وياك ياترى ...شو عم تعملي بغيابي هلأ ....داب قلبي عليك يا أختي .....شو كنتي تحوفيني بحنانك ....وتصدي معي كل حدا بدو يغلط معي بكلمة .....اشتقت لعانقك وحس بدفا أمانك وقللك ياعمري اشتقتلك ...والله مافي من بعدك يا أختي ....شكلي رح طول كتير قبل ما شوفك ....بس عندي أمل شوفك ....هالشعور عندي كل يوم عن يوم عم يقوى أكتر ....قد مافرقنا هالبحور والبلدان ...أنتي بخاطري وبروحي وين ماكنت ....يارب شوفك عن قريب ......وترجع أيامنا....صارت تتنشوق وتبكي وتمسك بأديها المربوطين تمسح عيونها من الدمع

مجد سمع وشاف كل هالشي وماعمل أي حركة انفعالية ....قرب جنبها: يلا ......بدي فوت تعبت من الوقفة ....مطولة تقعدي هيك كتير ...خلصيني بردت

اندارت ...ومشيت ...وفاتت لجوا ورجع قفل مجد باب السطح وفكلها أديها وهو عم يتأملها بلؤم كبير ....
اطلعت فيه بنظرات حاقدة ...وفاتت
أم نادى مجد : يا أم عبدو ...خديها على غرفتها ...بعد كم ساعة نازلين ع المرفأ

حاضر ...يلا حالا


Telegram@rwayate
أبو نورس : شو يا عريس ...شايفك مو مبسوط

بالعكس كتير مبسوط ...شو بدي أحسن من هيك جوازة ...لا مهر ولا دهب ..ورح تعيش معي بطريقتي وكيف مابدي ....غير إنو رح اعمل على ذلها طول مالي قاعد

أبو نورس عم يطبطبلوا ع كتافو لمجد: والله أنك رجال وبتعجبني .....إي علي ما علي لأعملك أحلى حفلة يحكوا فيها أهل البلد كلها لشهر

مجد : تسلم يا معلمي ...تربايتك أنا ...ولو .

أبو نورس : هههههههه برابو عليك...تذكرت شغلة يا مجد

تفضل يا معلم ...قول

أبو نورس : عم فكر أنو ماحلوة هالبنت تطلع معنا من اليخت ...ويشوفوها معنا كل اللي بالمرفأ

معك حق يا معلم
Telegram@rwayate
لهيك بدنا نلاقي حلل

ولا يهمك ...عندي

ههههه خلص ..المعناتها رح اعتمد عليك بهل الشغلة

خلص اعتبر الأمر محلول معلمي بخاطرك ...رايح نام شوي قبل ما ننزل ...

الله معك ...أبو نورس صار يحاكي حالو :ياترى شو بدو يعمل مجد حتى ماحدا يشوفها ...هههههه لك بيلاقيلها ستين ألف حل ههههه هادا مجد اللي بعرفوا ..حلال المشاكل

مجد: يا أم عبدو .....سمعي شو رح قللك وبتنفذي بالحرف شو رح قللك

أم عبدو بدون تردد : ماشي ...حاضر

وبعد ساعة .. اندق الباب على كندة وفات مجد مع أم عبدو ومعها غراض وكيس

..يلا أم عبدو خديها هالبنت .وشوفي شغلك

.الحلقة التاسعة عشرة والعشرون معا ....

#الرحلة_البحرية_المشؤومة_بقلم_كنانة_غميان

مسكت كندة الإبريق وظبطت هالشاي على 24 ...من مجاميعو ..حتى صبتو بالكاسات وطلعت لبرا

فاتت وحطتو على الطاولة .....وجابت أول كاسة وضيفت بأيدها واوحد واحد ..وأولهم أبو نورس (إي والله بوقتها عقبال مانشربها ببيتكم ياعمي )....
وبعدين أم مجد ..(دخيل هالفتلة ما أحلاها)
ولما وصلت لعند مجد: تفضل حبيبي .....هي كاستك الشاي اللي رح تحبها كتير
Telegram@rwayate
مجد: أكيييييد رح حبها ...خاصة لأنها منك ....لو بتضيفيني السم بشربوا لعيونك

كندة: شكرا حبيبي (إي خدو خدو حاجتك كولكة ) وقعدت بعيد شوي
أم مجد: لك وين قعدتي...تعي قريبي ناح خطيبك ماحلوة اتضلي مستحية طول الوقت

@خالة معلش مرتاحة هون .....

لك تعي تعي ..تسلميلي شو حبيتك من جوات قلبي

@أجت كندة غصب عنها قعدت قريب من مجد

وبعدين يا سادة ياكرام ....حدث كالآتي ..

أم مجد: أي حبيبي مجودة ...بكرة عاملة عزيمة لناس اللي منعرفها كلها ....يعني متل استقبال صغير ...حتى نعرفهم على كنتنا الحلوة

وقف قلبها كندة: لا ...لا خالة مافي داع ...أصلا يمكن مجد مو مأكد موعد العرس ...موهيك مجد

أتدخل أبو نورس :لا لا مأكد ....وأناحجزت الصالة والمعازيم مأمنين ومعروفين ....

كندة خافت وتلبكت : بس مابلحق اعمل شي ولا اشتري شي ....مابدك تجبلي شي مجودة 😉
Telegram@rwayate
متل شو بدك ؟؟؟؟؟

كندة: حبيبي ...أقل شي تياب بدال هدول اللي لابستهم

(أبو نورس حط أيدو على بطنو): ولا يهمك ..أنا بجبلك كل شي بدك ياه واعتبريهم نقوط مني لمجد .....

مجد: مابدي عذابك يا معلمي ....والله فضلك ع راسي

أبو نوس ممغوص وفرحان: لا ولو ...بدي أفرح بحبيبي أكدع شباب البلد ....حقي ولا مو حقي يا أمجد

مجد: حقك يا حبيبي ....يا معلمي

كندة(حبيبي....؟؟؟؟.ومين أبو نورس ......عن جد يا حبيبي ....)

مجد بلش يحس بشي وبلش يتحرقص ..انتبهت عليه أمو

@مجد ...فيك شي

لا...مافيني ...بس شكلي أخدت برد

@والله الجو بارد ....قوم لبسلك شي جاكيت ...واطلعت وشافت أبو نورس (يوه ...شبك أبو نورس ليش هيك صار وجهك ألوان ....

@شكلي أنا كمان آخد برد

وقام أبو نورس ومجد سوا فرد قومة ...بدهم يفوتوا ع الحمام .....ركضوا تنيناتهم ومسكوا طوبة الباب ...وبلش كل واحد يطلع بالتاني ......
Telegram@rwayate
أبو نورس : شبك مجد ليش عم اطوحش بعدلي شوي

مجد: والله صعب يا معلمي أنا مسكت الباب قبلك

أم مجد: طولوا بالكون مو محرزة تعزموا بعض ع الحمام ...مجد ابني تروك عمك يفوت ...شبك ..عيب

أبو نورس بلش عندو الضو الأصفر: إي إي ....خلص بطلع بسرعة .....بعدلي شوية....

مجد: طب وأنا وين روح بحالي

أبو نورس : وأنا شو دخلني ...أم مجد احكيلك كلمة رح موت أنا

خلص مجد عيب.....تروك معلمك يفوت خلصنا مو حلوة قدام كندة

(كندة عم تتفرج على مسرحية الحسناء والوحش بس بسينارسو مغاير تماما)

ترك مجد أبو نورس يفوت ...وهو عم يحوص حولين هالبيت... موبلشت معو الرقصات الهندية حولين السفرة
Telegram@rwayate
..انقلب وجه مجد للون الأخضر .....وصار يدق الباب على أبو نورس خبط ...ودق ...ودربكة ...
يا معلمي كرمال الله عجلك شوي .....تعبت أنا ماعاد فيني ......

أبو نورس ماعاد طلع صوتوا ...شكلوا خلص ...عوووفيت معووالحكايا

يا معلمي ...يا معلم (وبلش يصرخ )ولييييييييي...وليييييييي ...يا أمي ....لك شو اعمل لحقيني ابوس أيدك ...رح انفكح

أم مجد : خلص ..طلاع لبرات البيت ...روح عالجنينة اللي قريبة من هون

أمي لك شبك ... عنجد عم تمزحي ...
وهون بلش النط على أصولوا .....صار ينط متل الكنغر كل مترين بمتر ووجهه يعطي إنذارات خطيرة ...صار يخفق لونو متل ضو الاسعاف

إم مجد عم تحاول تلاقي حل : طيب ...روح ....روح لعند جارتنا ...اللي جنبنا هون .....روح

كندة بقلب بارد: مين جارتكم خالة ....باينتها ظريفة

أم مجد : إي والله يا بنتي ....جاية بكرة ان الله بالإستقبال ....ظريفة وحبابة ...و

مجد عم يتفرج وانشكلت خاصرتو ....محرقص رح يموت : هلأ كتير مناسب هالحديث ماهيك...وليييييي ....وليييييي.....يا خيييي ياخييي

كندة : لك بسرعة ....لحق حالك .....لك روح لعند جارتكم مابدها حيا القصة .....يلا مجودة

ركض مجد للباب ...كأنو عندو سباق للقفز على الرمل ....وكووول على باب صقاق...وصار برا

كندة اطلعت بأم مجد : يا الله يا خالتي أم مجد عنجد البرد أساس كل خللة ...عفوا كل عللة .....يا الله شو صعبة .

بعد شي ساعتين طلع أبو نورس من الحمام ..ووجهه مرتاح كأنو كان مطلق وولد (الحمدلله على سلامتو)
Telegram@rwayate
وأجى كمان مجد من برا وفات ركض على غرفتو عم ينادي لأمو حتى تجبلوا تياب نضيفة ...شكلوا راح فيها

وتاني يوم الصبح.....الحلقة الواحد والعشرين
Telegram@rwayate
#الرحلة_البحرية_المشؤومة_بقلم_كنانة_غميان

وتاني يوم الصبح ..فاقت هالعيلة الكريمة ع الفطور ....ماعدا كندة ماقعدت معاهم ...

مجد: أمي ...ما تجي كندة تفطر معنا ....وينها؟؟؟

@ولو يا مجد شبك حبيبي ما قلتلك مبارح إنها مارح تشوفك ليوم العرس

شو على كيفها الشغل ماحزرت (زحل الطاولة من قدامو وراح ع الغرفة اللي فيها كندة

@لوين قايم ...مجد ...مجد ....لاحول ولا قوة الا بالله

قام مجد شبه معصب ...ودق على باب غرفتو اللي فيها كندة وصار ينادي : كندة ....يا كندة ...قومي فطري معنا

كندة حملت حالها وراحت ورا الباب من الطرف التاني منشان تحاكيه بكل هدوء وبرادة أعصاب ماهية عم تتحضر لهي الثانية وعندها شعور قوي أنو بدو يجي ويحاكيها : نعم .....؟؟؟؟؟شو بدك؟؟؟

@قومي فطري معنا .....تحركي...يلا طلعي

هلأ هيك الواحد بيصبح على حبيبتو ......مو لازم تقلي صباح الخير ....صباح الحب ومدري شو ؟؟؟؟

@مجد نرفز وحاكاها بسرعة : صباح الخير .....صباح البصل .....منيح هيك ارتحتي

ماشي الحال....يعني شوي

@إي .يلا قومي تعي حاجتك حكي مالو طعمة بلش يطلع خلقي

كندة شافتو عم يفلفل وهي عم تتبارد عليه بزيادة : لا لا يطلع خلقك حياتي ....بس لوين؟؟؟لوين بدي قوووم ؟ماعم افهم يا حبيبي

حتى تفطري معنا الزهرمان البخاري

بس أنا مالي جوعانة ....

يعني مابدك تجي ؟؟؟
Telegram@rwayate
قعدت تمسك خصلة شعرها وتلعب فيها : لأ

مجد احتد كمان : طييييب ...مو مشكلة ...حمل حالو وراح ...بس بعد ثواني ؟؟؟؟؟؟ رجع ...ودق الباب عليها كأنو نسيان يقلها شي : كندة ...كندة ... (وماكانت ترد)..لك ردي .....يا الله شو هالبنت ...يا الله .ليش حاسس حالي ضايج كتير هيك .هففففف ...تصطفلي يا ...وراح رجع ع السفرة

كانت كندة حاطة أدنها على الباب عم تسمع حكي مجد ...وحسيت بشي غريب : ...معقولة اللي حاسة فيه يكون مظبوط ...لا لا مو معقول ... ...مستحيل أصلا يصير هيك شي ...مجد قاسي كتير ومستحيل يكون هالشي صحيح...بس مو مشكلة ....أنا أصلا مو نسيانتلو أفعالو الظريفة ....رح اتغاضى عنها بس قدام أمو ...غير هيك لأ ....ماعم أقدر أتخيل سامحو بعد كل شي ساواه معي ....يا الله شو هالورطة ....تضرب هالجوازة كلها .هفغفففففففف.و..نطت مادة حالها على هالتخت ..ومسكت هالمخدة وحطتها فوق راسها

وبعد قريب النصف ساعة ......

أبو نورس : يا الله أنا طالع ...بدك شي أم مجد

@سلامتك حبيبي ....يعني رح تجبلي وحدة تساعدني اليوم ...وهلأ قبل ما اطلع أنا من البيت

إي ...رح جبلك وحدة شغلها نضيف ومرتب ...أنت بتطلعي من هون ...وبترجعي بتلاقي كل شي على كيف كيفك .....
Telegram@rwayate
@حلو كتير ....يسلم أديك حياتي....

مجد: أمي مابدي وصيك ...هي كندة أمانة برقبتنا ...لهيك ديري بالك عليها ماتروح هيك ولا هيك ....مو منشان شي ...بس منشان ماتضيع ...اوك امي

@خلص ولا يهمك هي بأدين أمينة ولو .

بس بترجاك لا تخليها تغيب عن نظرك ولا دقيقة ...ولا دقيقة وحدة ...ماشي

@...يلا روح أبو نورس عم يناديلك (راح وهو عم 👋.)...باي الله معك
.

سمعت كندة صوت طرق الباب وارتاحت ....وماعاد حست على صوت أبو نورس ومجد اللي طلعوا من البيت
...أجت أم مجد تخبرها أنهم راحو....فحملت حالها وطلعت..وقعدت على السفرة لأن الفطور لسعتو موجود .....وبلشت تاكول على مهلها وأم مجد قدامها عم تسايرها وتكمل فطورها

أم مجد: يلا حبببتي خلصي بسرعة و جهزي حالك؟؟؟

تفاجأت كندة ورح تغص : لوين خالة أم مجد ....بكير لسى الوقت ....لوين بدك تاخدني من على بكرة ؟؟؟؟

أم مجد متفائلة كتير : مشوار رح يطيرلك عقلك ...وأنا متأكدة متل مالي شايفتك
Telegram@rwayate
كندة: طيب ماشي...دايمة ع الأكل بيشهي .....رايحة جهز حالي....(مشيت كندة وغسلت وردت رجعت لعند أم مجد مستحية ) مافيني روح

يوه ...ليش مافيك

. ماعندي تياب مناسبين ..بتعرفي كيف أجيت بتياب تنكرية .....بلاها روحتي من أصلها مو ظابطة يا خالة

@ههههه شووو بلاها روحتك ...قال بلاها روحتي ...تعي ولا يهمك ...قومي معي ع غرفتي .
Telegram@rwayate
فاتت معها ع غرفتها قربت منها أم مجدوتحركها بأديها
....وقفي هيك لشوف (وقفت كندة وصارت تتأمل قياسات جسمها وتفتلها دورة كاملة )..ياسلام ..أنتي متل الملكان يا كندة ..وعندي شوية تياب من جهازي من زمان بيجو قياسك حفر وتنزيل.. فتحت باب هالخزانة .... وعطتها طقم كتير موديل وشياكة ..راجعة موضتو ...أسود ومشكوك لولي ...يعني خرج مخطوبة
لبستو كندة مغصوبة بس بعدين ....طار عقلها بالتياب الحلوة بعد ماشافت حالها كيف طالعة فيهم ..صارت تدور وتركض قدام المراية ...وتنط فرحانة

ههههه شو عجبك؟؟؟ ولا لأ

بالعكس بيجنن يا خالة ...كتيير حلو خاصة زراروا وأنتي مذوقة ..

@.تسلميلي حبيبة قلبي
وبلشت تشلحوا ..
انصدمت أم مجد: .لك شو عم تعملي

عم اشلحوا

@طب ليش ...ما عجبك

الحلقة الثانية والعشرون
Telegram@rwayate
#الرحلة_البحرية_المشؤومة_بقلم_كنانة_غميان

قرب يساعدها من وقعتها ....بس هي مستحية وعينها ما بتقدر تحطها بعينو

أم مجد: أهلا حبيبي ...كيفك ..شو أخبارك .. وكيف شغلك ..ليش ماعم نشوفك كتير

@الحمدلله يا خالة ..كيفك انتي .....ان شا الله بخير ....والله حسب شغلي ووضعي ..بتعرفي أنتي

الحمدلله .....شو عم تعمل هون

@والله عم بفتل على كم غرض لازميني .(بس عيونوا ما بتريح بنوب تجاه كندة اللي ما استرجت تحط عينها بعينو

خير ابني شبك ...ليش هيك وجهك أزرق وأحمر ..ييييي وفي دم كمان ع طرف شفتك .....ليش ....شو صار

@مافي شي ..بس وقعت من ع الدرج

سلامتك ....شبك بنتي ما تسلمي

كندة صارت ألوان

لا لاتستحي ..هادا رفيقو لمجد من زمان كاسم

هي سمعت الأسم وبلشت تصفر وترتعب ...حتى أديها بلشوا يتكتكوا
شبك ....تعي قعدي ارتاحي شوي .

كندة بدها بس تروح: لا ...بس عطشت وبدي اشرب مي .....أنا رايحة بس اشتري مي من عند هي البقالية اللي قريبة من هون ...راجعتلك

أم مجد:طيب ديري بالك وخليك قدام عيني ...لا تغطي

طيب ماشي ......ومشيت كندة لعند البقالية وراحت لقدام
Telegram@rwayate
كاسم (الجاهل ياحرام):مين هالبنت؟؟؟؟؟

أم مجد فرحانة:هي خطيبة مجد ...ورح تصير مرتو بعد يومين تؤبشني شو حلوة ...عقبال عندك

كاسم : تسلمي يا خالة وألف مبروك

الله يبارك فيك (صارت عيونهاوتدور عليها لقداام بس ماعاد شافتها وقلقت)يا الله كتير مشغول بالي عليها وصارت بعيدة .....ماعاد شفتها ....ومشيتي على قدي أنا!!!

طيب أنا رايح شوفها ......وانتي لحقينا على مهلك على أقل من مهلك😈

أم مجد: طيب روح الله يحن عليك لأني بخاف عليها كتير
Telegram@rwayate
وصلت كندة لعند البقالة ملهوجة عطتو للبياع مصاري وفتحت غطا القنينة وأديها عم تقصف قصف وشربت مي وعي عم ترجف لدرجة ماعرفت تشرب والمي يروح يمين ويسار ع تيابها ...ودمعتها تنزل لحالها ....صارت تتذكر شغلات عم تحاول تنساها ...بس لسعتها بذاكرتها ....

بيجي بيهمس بأدنها : لك ريتو هنا

بزقت بوجهه لكاسم من رعبتها :عفوا...بس أنت نأزتني ...

مسح وجهه بأيدو ...وعينو مبسوطة بس بشكل غلط

.كندة : .شو بدك ليش لاحقني لهون ؟؟؟؟؟

مابدي شي بس خافت عليك حماتك وقالتلي اجي اطمن عليك وشوفك وين غطيتي

كندة معصبة :الله لا يطمنك بحدا اسمو خير ماعرفتك بهل الأكابرية

كاسم: له له ..هلأ كنا ظراف وما أحلانا ...ليش بلشنا نغلط ...ومد أيدو بدو يحرك شعراتها

كندة بلشت تفور: كاسم بعد عني أحسن ماقول لمجد

كاسم بلش يضحك ويتمسخر:شو بدك تقوليلي لسبع البورمبا تبعك ههههههه ..ليكو رح يتجوزك بعدين ويكسر أنف عيلتك كلها ....اللي اضحكت على معلمنا أبو نورس

كندة اتنرفزت : خلص كاسم روح عني .....بيكفي

كاسم : رايح ...بس قبل ماروح بدي قللك شغلة يا جدبة

أنا مالي جدبة ...ومابدي اسمع منك شي ....بعد من هون عم قللك أحسن مالم عليك الناس كلها
Telegram@rwayate
قرب بعيونوا لعندها وكلها جدية ومن وراها شي :...بتتذكري وقت قلتلك أنو مجد حطلك حبوب زهزها بالمي

أنت واحد كذاب ...ومابصدق هيك حكي

أنا مالي كذاب ياشاطرة ...بس أنتي ما سألتي حالك ليش

كندة:...........؟؟؟

كاسم مستمر بالرواية لأن كندة عطت كل أدنها :أنا رح قللك .....منشان يخليك مدمنة ....ويجننك ...وتغرقي فيه ...ويلعب فيك متل مابدو ويقدر يعمل اللي بدو ..وليكوا وصل ههههههه

هون مررر سهم ناري بدماغ كندة ....وسكتت مفلوجة

كندة معصبة كتير : كذاب ....كذاااب....مابصدق هالحكي مجد مابيعملها...

كاسم حكي نوع من الاستسلام:طيب يا ستي اذا أنا كذاب ....وشو منشان أم عبدو

ردت مصدومة : أم عبدو .....؟؟؟؟شبها أم عبدو كمان؟؟؟

كاسم : ولا شي بس عرفت تمررأ عليك تمثيليتها هالختيارة الجن ......وانتي صدقتيها متل الهبلة

عم قلك مالي هبلة .....بعدين مافهمت عليك ... وضح كلامك ...إي تمثيلية
Telegram@rwayate
انتي سأليها مين حطلك الحبة بالقنينة ....وشوفي شو رح تقلك...

مابضدق ....أم عبدو معقول ؟؟؟؟معقول تعمل هيك شي ؟؟؟؟

كاسم : قرب ناح أدنها : ...اي أم عبدو ....روح لعندها ونطقيها ...بعرف أنك رح تشوفيها بهل اليومين

..(مو بقيان شي لتصل أم مجد لعندهم .....).

كندة: وشو رح يستفيدو طيب ...تذكرت كندة ..(صحي ...حتى لما سألتو لمجد شو صار معي بعد ما طلعت وشربت مي ماحكالي شي )وليش هيك عملوا ....ليش؟؟؟

**كندة مشكلتها ماعم تتذكر شو صار بعدها ...غير إنها كانت نايمة ..وهي متأكدة إنها طلعت ...وبعدها صارت بعالم تاني***وكاسم مستغل الموقف تمام

الحلقة الخامسة والعشرون
Telegram@rwayate
#الرحلة_البحرية_المشؤومة_بقلم_كنانة_غميان

صار كاسم يشدها لعندو وهي تقاوم .....

لك تركني .....تركني منشان الله تروك رجلي...... وسحبها لحتى صارت قدامو وهو أعلى منها على الأرض

@مو قبل ما تقبلي تحبيني وتتجوزيني وتعملي منل ماعملتي لمجد

ليش مين قال إني رضيانة بجوازتي من مجد ولا اللي عم تحكي عليه أنا مالي خبروا .....من رقص وغناء وسو بيعرفني أنا كمان شو عاملة

@حلو المعناتها بتتركيه وبتاخديني إلي !!!

طيب ليش يعني.... هيك كل شي بالزور .....؟؟؟مابيصير هالشغلات بتجي من القلب لحالها
طيب وبعد ما آخدك شو رح تعمل ....(رجل كندة بلشت تتنيها بدون مايحس كاسم)

@تغيرت نظرت كاسم كأنو عيونوا رح تطلع منها نار
ولنقلب قلب ..لخلفية سودا حوليه : رح أقتلك .

ارتعبت كندة وماعاد تعرف شو بدها تقول .....بدك تقتلني ......ليش ...بعد كل عذابك معي وبدك تتزوجني بعدين تقتلني ؟؟؟؟مابتحس أنو كلامك مو منطقي بنوب

@طلع من جيبتو الخلفية سكينة اللي بتفرد بالرحلات ...إي ...بدي أقتلك ...وخليك تحرمي تجيبي ولاد ...أو تفكري فيهم
Telegram@rwayate
شبك كاسم ...شو صرلك ......أنت أكيد مجنون !!!

@كاسم عم يأكد: إي مجنون ....مجنون فيك ......من الساعة اللي شفتك فيها مع مجد ....وقلبي عم يحترق ...وأنا مابدي شي بيناتكم يتم
كتير حاولت ...بس أنتو ليقتكم مستمرين بالتمثيلية ...على فكرة بتاخدو الأوسكار فيها

كاسم ...أنت لازمك دكتور ....مابيصير هيك تعمل ....عم قلك تركيني ...ليش ماعم تسمع ....

@سامحيني كندة بس .... لازم تموتي وأما عم اعمل هالشي لمصلحتك .....حتى ماتفكري بيوم من الأيام تجيبي ولاد وتعذبيهم ....وتفكري تتركيهم...أو تفكري تعملي شي من ورا مجد ....حتى هالشي لمصلحة مجد أكتر هههههه

كندة ماعاد تعرف شو بدها تقول ...تخربطت كل أفكارها ..كاسم انقلب قلب .....
كاسم أنا إذا خبرت مجد كتير رح يتدايق منك خاصة بهل التصرفات اللي عم تعملها
صارت تحس حالها نفسها داق : بعد عني منشان الله
ماعاد فيني أتحمل ...تعبت....

@كاسم بثقة: بالعكس أنا عم قدملوا خدمة .....منو بيخلص منك ومنو بيروح بيتجوز وحدة ...أهلها عندهم خبر بكل شي ....بس مالي فهمان إنتي ليش عم تسايريه ...ليش ماهربتي ...؟؟؟؟معقولة بعد كل شي ولسعتك قاعدة ....شو أنك حوبة
Telegram@rwayate
صارت كندة تبرر وهالحكي من قلبها: مابقدر أهرب منشان أم مجد .....وقلبها الطيب واللي قدمتلي ياه.....ومنشان.......(..قاطعها كاسم )

@أنتي كذابة مو منشان أم بطيخ ...إنتي بتحبيه لمجد ومالك قلب تتركيه

قلبها صار صوتوا لبرا : لا....لا ....أنا مابطيق أسمع بسيرتو ...ليش هيك عم تقول....؟؟؟

@أنا بعرف هالنظرة ....نظرة الأمل حتى تلتقوا مع بعض ....قلبك عم يخفق كلما بتسمعي بسيرتو ......شوفي كيف وجهك قلب على وردي .... ....بس لا تخافي ...ورح خلص عليك قبل ما هالحب يكمل ....وتكملوا مع لبعض ...أنتو بحاجتي هلأ

وانسمع خبط ودق على الباب (كندااااااا إنتي جوااات)...بلحظة اندار كاسم
واستغلت كندة هالظرف ...ضربت رجلها المثنية ....وخبطتوا على صدروا بكعب كندرتها العالية .....وصرخ بال الولي كاسم...(آخخخحخخخخخخخخخخخ....)..

كندة وهي عم تهرب : ....مجدددددد .......أنا هون .....

.بس مجد ماسمعها لأنها بعيدة ...بس هو متأكد إنها جوا .....لأنها مارح تترك البيت ....مارح تقدر ...خوفها وطبيعة شخصيتها مابتسمحلها تترك وتروح
..بلش يعصب مجد: .فتحي الباب ......كندة ....أنا بعرف أنك جوا ....

..صار يدفش مجد بأقصى قوته ....ويدفش ويدفش يحاول يكسر هالباب ....بس ما مشي الحال ...بس هو مستمر....كندة......كنداااااا على دفش وخبط هالباب
Telegram@rwayate
ترك كاسم كندة وفلتها من عزم الضربة اللي أكلها منها ومسك صدروا يدفشو ويدعكو من قوتها .....كأنو السكينة فاتت فيه ...وبدو يقوم

ركضت وتخبت بغرفة أم مجد مرعوبة وسكرت هالباب ...ولقت قدامها شكلة مفاتيح تبع بواب البيت ...وتقعد تجرب فيهم حتى ينقفل الباب بالمفتاح ........وأديها عم ترجف رجف ...ورجليها عم تقصف من الرعبة وتبكي ....مو عارفة شو بدو يصير فيها ...وخشخشة هالمفاتيح بين اديها ...من مفتاح لمفتاح تجرب

وكاسم عم يجر حالو موجوع ...ووقف بالزور ...بدو يلحق فيها ....وهو شايف خيالها من ورا الباب لأنو بللور

باللحظة اللي ظبط فيها المفتاح كان كاسم عم يقرب أكتر بس منتني طاقين من وجعوا .......علامة كعب الكندرة غرق بصدروا وانغرز غرز...لدرجة إنها زرقت وأدمت

مسك كاسم طوبة الباب. باللحظة اللي انقفل فيها الباب (والباب بنصوا في بللور )

الحلقة السادسة والعشرون والأخيرة .كاملة
Telegram@rwayate
#الرحلة_البحرية_المشؤومة_بقلم_كنانة_غميان

بسرعة وبدون ادراك مجد عانقتو كندة بقوة من خواصروا وشدتو ولفتو لف لتبعدو بشكل قوي سريع وهي عم تصرخ (((((...مجدددددددد ديررررر بااااالاااااااك ....)))).فتلقت كندة الطعنة بدالو بنص ظهرها ببوز السكينة الي مع كاسم اللي بكل قوتوا دخلها بقلب جسمها
عينها بعين مجد ...ابتسمت ..ثواني ومجد مو فهمان شو صار ومتفاجأ ..وفقدت الوعي ...وارتخت كلها والدم نفر نفر ...... .لاااااااااااااا كندااااااا...المنظر اللي خلا مجد يفقد السيطرة على حالو.. وفز من غير وعي يضرب بكاسم ضرب ضرب ضرب بأديه ورجليه ...حتى وقع كاسم على ركبو وبعدين ..... استلقى جسموا الأرض منهبي هبي من الضرب ....
Telegram@rwayate
ترك مجد كاسم اللي أدمى جسمو كللو ...
..بسرعة اتصل بجوالواللإسعاف وإجى لعند كندة يشوفها ماعم تحرك ساكن ...نزل ع الأرض على ركبو ورفع نص جسمها وراسها لعندو على حضنو ....حاضنها بأيد وماسك إيدها بالطرف التاني .. وقرب ناح وجهها التعبان اللي مشوح بالدم ...و يحاكيها مرعوب وقلبو عم.يطرق طرق ..:

كندة .....كندة ...ردي علي .كندة ....كرمال الله ردي ........(.صار يبكي ويتغير صوتوا )..طب لك ليش هيك عملتي والله أنا مابستاهل اللي عملتيه .....بعد كل شي ساويتو فيك كندة ...احركي ...احكي ....كلمة .....قرب لعندها وعانقها ..لااااااااا....لااااااااهاااااهااااااا...كندة ...بحبك يا كندة ارحميني وقومي ...لاتروحي وتتركيني ....انتي اللي عم دور عليها ....إنتي اللي أخدتيلي عقلي بطفوليتك وبرائتك .....قرب منها ويعانقها ويقرب على رقبتها ويشم ريحتها ودموعوا صارت تهر لحالها ويلومها .....لك ليش هيك عملتي ليييييييش .......طب ليشششششش ياربي ....ليش تركتيتي ....ليش هيك عملتي ....رح تطلع روحي وراك ...كندة أنا كان لازم احميك مو العكس ......انتي غيرتيني من جوا وعملتي مني مجد مابيشبه القديم .....كابرت عليك وتكبرت على قلبك (صور كندة يتذكرها بضحكتها البريئة ولما رقص معها .....ولماعملت فيه المقلب)
Telegram@rwayate
بحبك .....لك والله بحببببببك ....بس ما بستاهل حبك ...لاوالله .....ولا واحد بالمية ....لك رحتي ضحيتي بحياتك كرمالي ... وانا متل الأجدب رحت خطفتك منشان شوية ورق جرايد لك صار يصرخ يقطع عمر المصاري ...لك يقطع عمر الطمع كللو .....رحت من بين أديي بس منشان شو ....ولا شي .....منشان نحنا نعمل صراع الجبابرة قدام معلمنا ......أنا رح أترك هالشغلة ....والله بتركها كلها وماعاد مد إيدي ع الحرام ....والله التوبة ....بس قومي ....قومي ....قوووومييييييييييي

إجت الإسعاف وأخدوها لكندة .وكاسم
.أم مجد ماوقفت دمعتها .من وقت مادريت وتحضت أبو نورس وتغرق تيابو دموع .وهو زعل كتير ماتوقع يصير هيك شي من زلموا ومن كاسم ......أما مجد ما ترك أيدها لكندة من وقت ما مسكها لوقت ماصارت بالعمليات ...وعينو عليها متأمل إنها تفيق .....
فات ع العمليات معها وحاولوا الأطباء يطالعوه من جوا بس مارضي أبدا

بلشت عملية كندة اللي الأمل منها بالشفاء كتير ضعيف كانت بالغرفة طابة ووجهها ع جنب وبأنفها المنفسة وعلى راسها طاقية المشافي البيضا منظر بيقطع القلب بالنسبة لمجد اللي لسعتو ماسكلها أيدها وعم يتأملها ويدعيلها ....وأم مجد وأبو نورس برا زعلانين ومقهورين ...من منظر مجد وكندة اللي شايفينون من بللور العمليات برا.و الأطبا عم يعملو معجزة بتداوي بعد شق كبير بالأوعية صار داخل هالبنت ..... خايفين من تضرر كبير عندها
Telegram@rwayate
طلع الدكتور لبرا ووجهه ما بيطمن: مين أهل المريضة

أم مجد: أنا أنا ...وهي زوجي .....خير طمن بالي يا دكتور منشان الله ...

الدكتور : لسى ما ...قدرنا انطلعها من حالتها المحرجة ....ونقلنالها دم منيح .....بس بدكم تدعولها كتير حتى تطلع من الشي اللي هية فيه

أم مجد : لا حول ولا قوة الا بالله ....الله يشفيك يا كندة يا حبيبة قلبي ....
أبو نورس : لهل الدرجة حالتها خطرة دكتور ....

مابخبي عليك ...وضعها صعب خاصة إن السكينة دخلت بكتير أماكن واتضررت عندها ....بس عم نعمل جهدنا

أبو نورس : ......الله يقويكم يا ابني ..

بعد ساعتين خلصت العملية بس بقيان كندة تفيق من نومها وساعتها الكل بيقدر عرف إن حالتها منيحة

وعند الفجر وطلوع الشمس ...بلش ضو الشمس يفوت على غرفة كندة بالمشفى ......ولزق الضو بعين مجد اللي فاق ...وحس بأيدو فيها دفا ...بسرعة اندار لعند كندة ليشوفها ....ولقى العجب

لقى كندة مفتحة عيونها وعم تبتسم .....
Telegram@rwayate
همسلها بحنية يا الله يا كندة ...الحمدلله على سلامتك ...ماعم صدق وصار تدمع عينو ...وقرب إيدها لعندو وباسها...طمنيني كيفك هلأ ...شلون صرتي

.......الحلقة السادسة والعشرون الحلقة الأخيرة القسم الثاني

#الرحلة_البحرية_المشؤومة_بقلم_كنانة_غميان

(((صباح يوم العرس))

@مجد: كندة يا قلبي ....إنتي بدك شي مني لسى وما قلتيلي ياه قبل ماروح

لا...أبدا ليش

@حاسك بدك تقولي شي ...بس إنتي لسعتك مستحية

لا...لا مابدي شي ....
@سلامة قلبك بس حاسستك عم تكذب علي .
بشو

@بعلامات وجهك الزرقا اللي كلها ضرب .....إنت متخانق مع حدا .....وماعم تحكيلي .

قلتلك تخانقت مع واحد أزعر وهي كل القصة

@بس قلبي مو مطمن حاسستك مخبي علي شي

لا مافي شي أنا خايفة عليك

@لك ريتك تؤبري قلبي .....شقفة شقفة

بعيد الشر عنك مجد ...يلا قوم هلأ ...عنا شغل كتير اليوم ....

@طيب ...لولا أنو اليوم العرس ما بتركك ......بشوفك المسا يا أحلا الحلوين يا ....

استحت كندة: خلص مجد ....روح حاجةبقى تروك حكي لبعدين تقلي ياه ......شو صرلك....

@ماعم بقدر أتركك ...مابعرف ليش

يا الله ...مجددددددد
Telegram@rwayate
@ههههه خلص خلص ليكني طالع وراجعلك.... حتشوفي مجد بنيو لوك غير اللي بتعرفيه . ....بس كندة عندي سؤال ...

خير مجد ...قول .....في شي .....

#كنانة_غميان

@لو فرضنا أنك شفتي أهلك .......بتتركيني ؟؟؟؟

كندة كننت وماعرفت شو بدها تجاوب.....
@كندة ...اذا شفتي أهلك ...بتتركيني ..وبترجعي معهم شي ؟؟؟؟....

كندة :ترددت شوي كندة .....لا ما بتركك

@مجد: ...وعد ؟؟؟؟؟وعديني ...كندة إذا شفتي أهلك ماتتركيني .......وتروحي معهم

كندة ...خلص بوعددك ....بس أنت شفتهم شي ....إجى حدا وعم تخبي عليي ؟؟؟؟؟

@لأ ...بس مجرد سؤال ....

عنجد؟؟؟؟؟

@اي شو حرام السؤال بدي أتأكد من حبك إلي

وتأكددت

@إي ..الحمدلله ...يلا بشوفك المسا ...بخاطرك
....
Telegram@rwayate
كتير هالسؤال لبكها لكندة وخلاها نضرب أخماس بأسداس.....ماعرفت إذا هالشي فعلا بدها ياه ولا لأ ......حتى مجد خلها توعدوا على فراغ ...يعني مافي شي مضمون ...بس مجد شكلو خايف كتير ......يفقدها حتى عمل هيك .......أهلها ببالها على طول وهي متمنية يكونوا معها بكل شاردة وواردة ......بس مالهم هون ...ولابتعرف عنهم شي .....

منرجع أنا وأنتو لورا
(((((قصة العم أبو مهند بعد ما فتح الصندوق )))))

فتح أبو مهند الصندوق بالمفتاح : ولقى مليكان محشي بحص ...ومحطوط إلو شعر مستعار .....وجنب المليكان في مسجلة ....رفعوالمسجلة أبو مهند وسكرها منوالصوت اللي فيها ...صوت كندة بصريخها .....

الملاح : راح تعبتا ع الفاضي

أبو مهند : مافي شي بيروح ع الفاضي . ...

والمصاري اللي أخدوها ...؟؟؟مالك مزعوج منشانها

صار يضحك أبو مهند: ههههههههه صحتين على قلبهم ...ليش مين قللك مو عامل حسابي

@المللاح : شو قصدك ؟؟؟؟مو حاططلهم شي

أبو مهند: يا حبيبي هدول قراصنة .......أنا أخدت اللي بدهم ياه ....وهنن رح ياخدوا اللي أنا بدي ياه

@مافهمت عليك

مايحلم مني بمليم أحمر ......

@يعني أنت ما بعتت معهم مصاري ...ماهيك

ماهيك ....هدول ناس ما بدهم غير حدا يعلم عليهم

@طب وشو منشان بنت أختك

رح أصلها ....أنا حاطط رادار بالكيس ..وبين وحدة من رزم الأوراق ....بس ليصل لأي مكان .ويهدى ...الرادار رح يعطيني إشارة ....وإجي لعندها ....بهل الجهاز ...ولاقيها ......

@والله فكرة ما بتخطر للعفاريت الزرق .....ماشاء الله عنك يا أبو مهند .....
#كنانة_غميان
المهم هلأ يرسو ...وبعدها منعرف شو رح يصير
Telegram@rwayate
بعد ما رست سفينة القراصنة ...بسرعة ظبط وضعوا أبو مهند وأخد معو كمال .....وصلوا للبلد بعد فترة كم يوم ...والجهاز عطى انذار عند السفينة اللي شافها أبو مهند ...وعرف إنها لأبو نورس ...(قبل يوم العرس ...والوقت المسا)....وصاروا يدوروا من هالنقطة ...وسألو عن صاحب اليخت ...بس صاحبو باعوا من كم يوم ...ولما سأل أبو مهند عن أبو كاعود ..طلع ماحدا بيعرف هالأسم ...ولما سأل وين صاحب اليخت القديم ...كمان ماحدا بيعرف ...يعني أبو نورس محى كل شي وراه

وبلشوا يدوروا على كندة بالمرفأ ومعهم صورتها ......ومن شخص لشخص ...حتى وقفوا شخص وصار يتأمل هالصورة اللي ملقوطة بالموبايل من بعد الحفلة .....

$هي البنت ...ماشفتها......ولمح الطوق اللي برقبتها ......إي صح تذكرت

كمال: شو تذكرت ؟؟؟

$من فترة مابعرف أديش بس انطرقت بواحد وقعتو على الأرض ...ساعدتو ....ورفعتو ....هالمسكين ....شكلو تحسوا غريب...حتى بيشبه ملامح البنت اللي معك

كمال: كيف يعني ؟؟

$لابس تياب إكبر منو ....وصباطوا مبين كبير ..وملامح وجهه كتير ناعمة بس أكتر شي لفت نظري هو الطوق اللي لابسو ...نفس الطوق اللي بالصورة معك .....
Telegram@rwayate
طيب ماشي يسلمو

الله يسلمك....وراح

أبو مهند: هي أختك خلوها تتنكر لتصل لهون .....

كمال: يعني في أمل كبير نلاقيها .....

أبو مهند : إي أكيد

كمال: وهلأ شو بدنا نعمل .....