#الجزء_ الأول
Telegram@rwayate
- لك يلا يا بنت رح تتأخري
-يلااااااا يلااااااااا بس لحتی حط الصندويش بالكيس
-لك بنتي صار دق تلت مرات وفصلتو
-ها جيييت جييييت وينطر كمان دقيقتين شو يعني روح عالجامعۃ بلا صندويش
-الله يصبرو ويحمل معو يلا امي الله معك انتبهي علی حالك
نزلت بسرعۃ وهي عم تربط كيس الصندويش وفتحت باب السيارۃ وفاتت بسرعۃ
-صباح ال
-انو خير و انت نطرتيني عشر دقايق
-اي روق روق عحالك شوي انت الي عم تجي بكير
-ها ها وشو هالكيس
-صندويشاتي كالعادۃ بدك وحدۃ ولا لسا ما شربت قهوتك يا بعدي
-كلي وبلا مئلسۃ
...فتحت الكيس وطالعت صنويشۃ وبلشت تاكلا بعصبيۃ...
(احكيلكن عن حالي: أنا سالي عمري عشرين سنۃ وبعرف إن شاء لله العمر كلو 😍 بدرس طب أسنان بالسنۃ التانيۃ وهاللوح الي جنبي بكون خطيبي لؤي , لا تسألوني كيف خطبنا لأنو ما بعرف , من أنا وصغيرۃ الكل كان يقول سالي ل لؤي بحكم أنو ابن عمي و أصغر شب بالعيلۃ وأنا كذلك أصغر بنت بالعيلۃ ووحيدۃ أمي , السؤال أنو ليش أمي بس ....لأنو البابا توفی بعد زواجو من أمي بسبع سنين والي أمي كانت حامل فيني بالشهر الخامس
مارح طول عليكم السيرۃ بيت جدي اشترطو علی امي انو رح يربوني بشرط إني كون ل لؤي وطبعا أمي وافقت لانو ما إلها حدا ولا مكان تروحلو غير بيت جدي
كبرت أنا ببيت جدي الله يخليلي ياه وما يحرمني منو بدللني وما برفضلي طلب بس المسؤول الأول عني هو لؤي , من لما كنا صغار كان يدير بالو علي و ممنوع حدا يقرب مني غيرو مع أنو هو أصغر شي بس هي أوامر جدي , هو الي كان يوصلني عالمدرسۃ وهو الي كان يشتريلي الأكلات حتی وأنا بيبي هو الي يحملني بالمشاوير ولما صار عمرو 15 سنۃ هو الي صار يشتريلي تيابي حتی وأي شي بعتازو هو الي بلبيلي ياه
ما بنكر أنو هو حنون علي كتير وبعاملني متل أبي لو كان عايش ,بس أنا بحبوكأنو أبي مو زوجي المستقبلي
ولحتی أعطيكن معلومۃ زيادۃ نحن مكتوب كتابنا من خمس سنين بس عم ننتظر لأتخرج أنا لحتی نعمل العرس )
"انا سبونج بوب بوب بوب انا سبونج بوب "
لؤي:سالي هاد موبايلك عم يرن 😳!!!
سالي:لك ايييي والله ....يييييي فصل
لؤي:لك شو هالنغمۃ الي حاططتيا سبونج بوب
سالي:لؤي لا تبلش تركني من الصبح ما ناقصني جن من هلأ
لؤي:...........
(الي ما حكيتلكن ياه أنو أنا شخصيۃ مجنونۃ وفوضويۃ وما بعرف احكي غير دج تصرفاتي عفويۃ وعالتجلي ما بحسب لشي و متسرعۃ وكل تيابي ولاديۃ وألوان فاتحۃ وفاقعۃ وعليهن دباديب ورسومات كرتونيۃ وهاد غير الطفل الي جواتي الي بيحب الأكلات والألعاب وغيرو وغيرو أما لؤي فهو عكسي تماما شخص منظم و راكز بيحسب كل خطوۃ بيخطيا راقي كتير مع الناس وفارض احترامو عالكل أنيق بلبسو وما بيحكي غير الكلمۃ اللازمۃ بس طبعا لما بدو ينصحني بطالع الفرق بالحكي للصراحۃ شخصيتو قويۃ والكل بهابو نظرۃ عيونو بتكفي لحتی يجمد الشخص قدامو , والغريب أنو أنا حتی بخاف منو لما يعصب وبحسبلو حساب ,ولما بيحكي كلمتو بجد ما بسترجي خليه يتنيا )
لؤي;يلا وصلنا نزلي