كنت اشتغل من الصبح بكير لوقت العصر وبعدا ييجي يكمل عني.. بس من وقت توفى هادي ما طلعت من البيت وتركت الشغل وتركت كل شي ورايي.. بس هلء صار لازم انسى شوي واطلع من دوامة العذاب يلي عايشة فيها..
اتصلت فيه وبعد ثواني رد عليي.. اعتذرتله عالتأخير كتير وخبرته بإني جاية من بكرة كمل شغل.. وانبسط كتير بالخبر..
بعد ما خلصت المكالمة اتدايقت شوي وحسيت نفسي رح ينقطع وقت تذكرت اني راجعة ع شغلي للمكان الي تعرفت فيه ع هادي..
هادي الانسان الي حبني وحبيته صدفة التقينا.. حبينا وخطبنا سنتين لحد ما كون حالو اتزوجنا..
ضميت رجلي لصدري وغمضت عيوني قبل ما تنتلي بالدموع ونمت..
تاني نهار فقت بكير عملت فنجان قهوة وغيرت تيابي واخدت المفاتيح يلي كانو معي من وقت ماكنت اشتغل حطيتهن بشنتايتي واتصلت ع عمو اسامة خبرته اني رايحة وطلعت ع شغلي..
بعد شي دقايق وصلت لانه المكان قريب كتير ع بيت اهلي.. فتحت المحل وفتت لجوا.. ابتسمت وحسيت الروح ردت فيني يمكن لانه كان لازم من زمان ارجع وكمل حياتي..
بلشت شغل يوم ورا التاني وانا عم أتحسن وغير جو واطلع من جو الاكتئاب يلي كنت فيه..
الساعة 3 العصر كنت قاعدة عم خلص الي عليي واستنى عمو اسامة ييجي يستلم مكاني وارجع ع البيت متل كل يوم.. اتصل فيني
اسامة: ايه مرام كيفك بنتي
مرام: اهلين عمو وينك لهلء
اسامة: رح إتأخر ساعة عليي شي ضروري بدي غلبك معي خليكي شوي لحد ما ارجع ما رح طول
مرام: خلص ولا يهمك عمو ليكني رح استناك
سكرت مع عمو اسامة وقعدت نفخ.. كنت تعباانة وملاانة وجوعانة وبدي ارجع عالبيت وماكان في زباين والمكان فاضي
قمت من مكاني وبلشت رتب بالأدوية بعد دقايق فات شب وتنحنح
التفت عليه.. كان باين عليه بآخر العشرينات او حتى بداية التلاتين طويل وكتافه عراض بشرته فاتحة وعيونه بنية وشعرو بني وممشط بطريقة مرتبة.. كان انيق بطريقة ملفتة
ايمن: مرحبا
مرام: اهلا وسهلا تفضل بشو بقدر ساعدك
ايمن: وين ابي
مرام: وانا شو بعرفني وين ابوك هههه
ايمن: شو يلي بضحك
كتمت ضحكتي وحكيت بصوت راكز
مرام: اسفة مو قصدي بس انت فايت ع صيدلية وعم تسأل عن والدك شو بدي جاوبك يعني .. ضايع شي ههههه
ايمن: ههههه لا ماني ضايع مو ولد صغير انا.. ابي اسامة وينه مو هون
مرام: عفواً عفواً بعتذر كتير ما كنت بعرف بس اول مرة بشوفك وبتجي لهون لهيك ماعرفت
ايمن: بسيطة ماصار شي.. انا كل يوم باجي بهاد الموعد بكون ابي هون بس شكله إتأخر
مرام: ايه اتصل فيني وخبرني رح يتأخر ساعة.. اول مرة يعملا مو عوايده.. انا خلص دوامي من نص ساعة بس نطراه لييجي هلء بيوصل مابتاخر
ايمن: ممممم انتي بنتو لعم ابو مازن
مرام: ايه انا
ايمن: فرصة سعيدة
مرام: نحنا اسعد
بقينا ساكتين وقعد ايمن يتلفت حواليه ومتل يلي عم يدور ع شي..
مرام: بقدر ساعدك بشي لحد مايجي عمو اسامة
ايمن: اه !!! لا لا لا بستناه بس ييجي
مرام: ما تخاف انا بشتغل هون من سنتين يعني صرت خبرة بكل شي ومافي علاج الا وبعرف تفاصيله احكيلي وانا بساعدك
ايمن: لا هلء بييجي الوالد وبعطيني طلبي
مران: بلا ما يتأخر انا بساعدك
جحرني وعلى صوته
ايمن: عم قلك لا بستناه خلص
زميت شفايفي وبلعت ريقي وسحبت حالي ورجعت رتب بالدوا
مرام: ايه متل مابدك
رجع لورا وقعد ع الكرسي وحط رجل ع رجل.. اطلعت فيه من فوق لتحت وكملت ترتيب.. مر كمان اكتر من نص ساعة وعمو اسامة ما رجع.. وانا مو طايقة وجوده معي.. متعجرف ونمرود وشايف حالو ما بعرف ع شو.. ومابشبه ابوه ابداً
طول الوقت ما رجعنا حكينا شي لحد ما فات عم اسامة وهوا مستعجل
اسامة: اتاخرت عليكي يابنتي
مرام: لا عمو ولو براحتك
اسامة: يرضى عليكي يابنتي.. شو ايمن انت هون
ايمن: اي بابا اجيت من نص ساعة وقلت انطرك لتيجي
اسامة: اي تعال هلء رح بعطيك الدوا
مرام: وانا رح روح عمو هلء بينشغل بال ماما انت بتعرف
اسامة: اي بنتي.. شو تعرفتي ع ايمن ابني
مرام: اي اتعرفنا يخليلك اياه شو ادب وذوق والله حصرلي الشررررف
اتطلعت فيه وانا عم بحكي رافعة حاجب ومنزلة حاجب تاني
ضحك ضحكة عالية حسيتها من قلبه
ايمن: اي وانا والله حصلي الشرف انسة مرام
اتدايقت كتير من كلمة انسة وتلبكت.. حتى عمو اسامة انتبه واتنحنح ليغير الموضوع لانه بيعرف قديه بتدايق من هالكلمة يمكن لاني مو حابة اتصنف من فئة الانسات وحابة ضل مدام وكإنه هادي بعدو عايش
مرام: عن اذنكم صار لازم روح
سحبت حالي وطلعت بسرعة..
ايمن: شبها.. انا دايقتها بشي؟!
اسامة: تعا خود الدوا وانا هلء بخبرك
__________________