#زواج_بالتراضي

بعد ما حبينا .. عشقنا.. وتعلقنا ..
بعد ما ضحكنا .. بكينا .. وتراضينا ..
بعد ما إفترقنا وإجتمعنا وإفترقنا ورجعنا إجتمعناآ ..
بعد ما طال الإنتظآر ل يجتمع العشق تحت غيمة وآحدة ويتكلل بالحلآل..
بتيجي رياح عابرة لتقتلع كل شي حصدناه طول هالسنين..
وبتاخد معها نصف من العشق.. وبيبقى النصف التآني بحآلة عجز وإنكسآر..

ليه دائماً بنطلع للجآنب السلبي من مصائبنا..!
ليه ما بنفكر انه الله حجب عنآ أمور كثير كان من الممكن انها تضرنا ما تنفعنا ..
انه من الممكن الله حرمك من شخص أو شي ليبدلك بالأحسن..

" ف عسى أن تكرهو شيئاً وهو خير لكم "

الجزء الأول :

بلبسي الأسود وعيوني المنفخين.. وجهي الشاحب.. لملمت تيابي واغراضي كلها والي بقي من ريحته..
خلصت العدة وصار لازم روح ع بيت اهلي.. بس ما رح روح لعندهم متل كل مرة بضحك وبتدلل وبحكي وبتحاكي عن هادي .. هالمرة رح ارجع مكسورة.. مجروحة.. وحاسة بالذنب #
خلصت ضب واخدت نفس وكتمت دمعتي وقعدت عالسرير..
اتأملت بزوايا غرفتي إتأملت بيتي .. إتأملت كل مكآن كنآ نقعد فيه.. نضحك فيه..

مرام: ما كان بدي اتركك.. بتمنى ابقى العمر كله ببيتنا هون لوحدي.. بس مافيني
رح اشتاق لروحك ولنفسك وخيالك بهالبيت..
سامحني ياهادي..

حطيت ايدي ع وجهي ودموعي بتنزل لوحدا..
فرحت كتير وقت خلوني اقضي العدة ف بيتي الي عشت فيه اجمل ايام معه.. بس هلء رح اتركه وما رح شوفه بعد هيك..
مسحت دموعي لما سمعت دعسات امي قربت..

اجت لعندي من المطبخ بعد ما ضبت شوية اغراض من الي بقيو..

ام مازن: مرام بنتي يلا ابوكي بيستنى تحت..

مرام: اي جاية

ام مازن: ضل شي تاخديه

مرام: لا امي ماضل

ام مازن: بدك تنزلي تودعي سلفك ومرتو

مرام: امي ما بدهم يشوفوني.. خلص خلينا نمشي

ام مازن: لسا مصرين انك السبب

مرام: اي امي شيلينا من هالسيرة بترجاكي مو ناقصة

ام مازن: الله يريح بالك يابنتي

مرام: ياارب ياماما..

ام مازن: يلا يابنتي خلينا ننزل..

نرلت انا وامي من البيت .. وصلت للطابق يلي تحت الي ساكنة فيه سلفتي سحر.. وقفت دقيقتين حد الباب.. بلحظة كنت رح فوت وسلم عليهم.. بس إتذكرت كلماتها هيا وعادل يلي ما فارقو خيالي..

" سحر: إنتي السبب.. الله يااخدك.. والله من وقت الي خطبك وانا اقنع فيه واقله ابعد عنها هي البنت رح تجيبلك النحس.. وليكو رااح بسببك الهي تروووح روحك

عادل: اي والله ياسحر ما لحق يتهنى الغالي ربي يرحمه.. اسمعي يا بنت لولا الحلال والحرام كان زتيتك بالشارع بس اكراما لاخي ولوالدك الطيب سمحتلك تبقي هون اول ما تخلص العدة بتتركي كل شي وبتنقلعي ع بيت اهلك بتفهمي "
//

اتجمعت الدموع بعيوني.. اخدت نفس وطلعته لبرا بخنقة.. سحبت حالي ونزلت لتحت.. لقينا ابي بيستنى ع باب العمارة بالسيارة سلمت عليه وشغل السيارة ورجعنا ع بيت اهلي ..
رجعت أرملة بعد ما كنت عروس.. اتزوجت من شهرين واترملت بغمضة عين..

اول ما فتت بيت اهلي حسيت براحة كبيرة.. حسيت شي كان كابس ع نفسي وانزااح.. فترة ال4 شهور يلي قضيتها ببيتي عملتلي اكتئاب حاد
قضيتها بكي وحزن ووحدة.. لا كنت اكل ولا اشرب ولا روح ع شغلي.. يمكن لو كنت بقيت كمان شوي كنت رح موت من قهري ..
رتبت غراضي بغرفتي يلي كنت فيها بنت من شهرين..
تمددت ع سريري ومسكت البوم الصور الي تصورناه بفرحي انا وهادي اطلعت ع هادي شكله ابتسامته سماره عيونه العسلية تحسست وجهو بأطراف أصابعي.. ونمت وانا عم أتأمل فيه..
//بقلم نداء الصوالحي

.. مر ع وفاة هادي 7 شهور.. كانت ايامي ببيت اهلي أيام عادية روتينية باردة خالية من أي حيآة
كنت قضي وقتي بين النوم والاكل والصلاة وأقرأ شوية قرآن وأحيآنآ أقرأ روايات.. وأوقات درس اخي الصغير مازن بالصف التاسع وساعده بوظايفه بس لسا ما طلعت من البيت ولا شفت الناس ولا رجعت ع شغلي وحياتي الطبيعية..
لوقت مآ فات لعندي أبي المسا عالغرفة وانا عم بقرأ كتاب..

ابو مازن: شو بابا فايقة

مرام: اي بابا تعى فوت

قرب ابي لعندي وقعد ع طرف السرير..

ابو مازن: شو عم تقرأي

مرام: ممم رواية

ابو مازن: طيب يابنتي هلء اتصل فيني عمك اسامة

مرام: ااخ ياربي شو تعبته معي..

ابو مازن: اي حبيبتي صبر كتير وما قبل يجيب غيرك.. وهلء كتير محرج ومحتاج مساعدة بتحبي ترجعي تداومي عنده بالصيدلية ولا يجيب صيدلي غيرك

مرام: لا لا بابا بدي ارجع.. بكفي ابقى هيك انا تعبت ومليت من القعدة صار لازم ارجع ع شغلي وحياتي الطبيعية

ابو مازن: الله يرضى عليكي ويريح بالك

مرام: هلء بتصل فيه وبخبره اني جاية بكرة

ابو مازن: عين العقل يابنتي.. يلا تصبحي ع خير

مرام: تلاقي الخير بابا..

مسكت الموبايل ودقيت لعمي اسامة.. عمي مو اخ ابي.. هاد رفيقه.. خلوق وطيب ومافي منه.. اول ما تخرجت من جامعتي وخلصت دراسة صيدلة شغلني عنده بالصيدلية بس ما بنعرف عنه كتير وعن حياته غير شغله وعلاقتنا فيه محدودة ومقيدة بالصداقة ما بنعرف حد م

#زواج_بالتراضي
______

الجزء الخامس :

مسكت راس ايمن وسندتو ع ايدي حاولت ارفعو لقيتو تقيل.. قمت جبت مي وقعد رش ع وجهو وطبطب عليه مافاق خفت كتير ودموعي بلشت تهر لحالها..
طلعت من البيت ونزلت ركض لانادي عمي اتذكرت انه بالمحل مو هون
رجعت طلعت عالبيت ودقتلو عالموبايل..

اسامة: الو مرام

مرام: عموو الحقني الحقني وينك

اسامة: شو فيه مرام صاير شي

مرام: ايمن مرمي بالارض ومو راضي يفيق حاولت فيقه بس لساته مغمى عليه

اسامة: شووو.. اتركيه ما تمسكيه اتصلي بالاسعاف وانا ثواني وبكون عندك

سكرت مع عمي واتصلت بالاسعاف وبعدا ضليت قاعدة وماسكة ايمن وعم المس شعرو.. خفت عليه كتير.. ما بعرف خوفي نتج عن عشرة ولا حب بس كل يلي بعرفو اني خايفة يصرلو شي ما بدي ينئذي ما بدي يموت بسببي متل هادي ماابدي..
ضليت قاعدة ع ابكي لحتى سمعت صوت الاسعاف وبعدا فات عمي لعنا بسرعة وفوتهم حملوه واخدوه لتحت

مرام: انا جاية معك انطرني عمي

اسامة: لا مرام خليكي هون

مرام: شوو ضل هوون بدي روح معك بدي اتطمن على ايمن

اسامة: مرام خلص عم قلك خليكي وانا بطمنك

طلع عمي وسكر الباب وراه وانا قعدت مطرحي وانفجرت من البكي
انا ما رح سامح حالي رح موت لو صار لايمن شي

مرام: يارب احميه ياارب لا تاخده هلء ياارب

مسكت الموبايل واتصلت ع اهلي وانا عم ابكي

ابو مازن: الو.. مرام

مرام: بابااا

ابو مازن: شبك بنتي صاير معك شي

مرام: ايمن ايمن بالمشفى مابعرف شو صرله

ابو مازن: خير خير يابنتي انا رايح شوفه.. خدي يامرة احكي مع بنتك

ام مازن: شو ياامي شبه ايمن

مرام: ااخ ياامي حاسة حالي رح مووت كله مني انا يلي زعلته

ام مازن: اهدي حبيبتي اهدي ان شاء الله مابصيرله شي

حكيت مع امي شوي وانا عم ابكي لحتى هديت وسكرت معا.. بعد ما مر ساعة وانا عم استنى كنت بدي اتصل ع عمي بس فجأة فات ع البيت وساند ايمن عليه
ركضت لعندهن وحسيت الروح رجعتلي بس شفته ماشي على رجليه

مرام: ايمنن ايممن الحمدلله ع سلامتك شو صرلك خوفتني عليك

ايمن: ____

اسامة: خليه يرتاح هلء جوا وبس يصحصح بتحكو

فوت عمي ايمن لجوا ومدده عالسرير وطلع لعندي وسكر عليه الباب.. وانا واقفة مطرحي ودموعي مو راضية تنشف

اسامة: لك عمي ليش عم تبكي

مرام: شبه ايمن احكيلي

اسامة: مافي شي الدكتور قال سوء تغذية وفقر دم.. اهتمي فيه بنتي

مرام: جد عمو.. بس هيك؟!

اسامة: اي الحمدلله ماتخافي.. اعطوه محلول تغذية وهلء بتحسن

مرام: ياارب ان شاء الله عمي

اسامة: ديري بالك عليه انا راجع عالمحل ايه

مرام: ماشي عمي الله معك

قعدت ع الكنب وارتحت شوي وبعدا اتصلت ع امي وطمنتا عن ايمن وخبرتني انه ابي حاكيلها انه بخير.. بس صوتها ما طمني وحسيت انها بكيانة.. بس ما كنت قادرة اخد واعطي معها بالحكي
قمت عالمطبخ وبديت جهز اكل ل ايمن عملتله شوربة ودجاج وعصير طبيعي ونطرته ليصحى
وانا بنطر فيه غفيت عيني.. فقت ع صوت ايمن بالمطبخ قمت من مكاني بسرعة لعنده.. كان عم يدور بدو ياكل

مرام: ايمن فقت.. كيفك هلء

ايمن: الحمدلله احسن

مرام: جوعان

ايمن: اي كتير

مرام: روح ارتاح هلء بسخن الاكل وبجبلك اياه

ايمن: بدي غلبك

مرام: اسكوت ما تقول هيك.. روح ارتاح

رجع ايمن عالغرفة وتمدد عالتخت وانا سخنت الاكل واخدته لعنده
قعدت حده عالسرير وحطيت صنية الاكل بحضني

ايمن: خلص ما اتعبي حالك باكل لوحدي

مرام: افتح تمك يلا

بلشت طعميه بايدي وهوا ياكل ويطلع فيني.. ما حكينا شي.. بس عيونا كان فيها الف حكاية
كنت متدايقة كتير وحسيت انه يلي صار لايمن بسببي

مرام: ايمن

ايمن: عيونه

رجف قلبي بس سمعت كلمة عيونه.. تلبكت وماقدرت اطلع فيه.. بس بعدا استجمعت قوتي وحكيت بحزن

مرام: اسفة كتير

ايمن: خلص مرام انسي ما في داعي نحكي بال...

قاطعته قبل مايكمل حكي

مرام: لا بدنا.. انا اسفة ع كل شي حكيته.. ما كان قصدي اشتمك ولا زعلك

ايمن: انا الي اسف.. تعديت حدودي ونسيت اتفاقنا

مرام: لا انت عملت شي كان ممكن يصير باي لحظة بس انا زودتا.. انا اناا مابعرف شو صرلي
خفت كتير وقتا وحسيت بشي غريب
يمكن حسيت بشي اتجاهك وما كان بدي اعترف بهالشي
يمكن ما كان بدي حد يلمسني بعد هادي
بس بعد يلي صرلك.. خفت كتير
خفت تموت بسببي متل ما مات هوا كمان
انا ما بدي ائذيك انا والله مابدي

ايمن: خلص اهدي ما تبكي.. هادي ما مات بسببك

مرام: لا.. اناا.. انا كنت السبب بموته.. ما كان قصدي.. مابعرف كيف هيك صار

ايمن: ما تقولي هيك.. هاد نصيب وعمرو خلص.. انتي ما الك ذنب بشي

مرام: لا الييي.. الييي.. كنت رح روح مكانه بس رفضت.. رفضت

ايمن: خلص اهدي اهدي.. الله يرحمه.. انا بجنبك

مرام: حاسة بالذنب ومو قادرة سامح حالي انا قتلته

ايمن: اسكتي.. انتي ما قتلتي حد.. هادي مات بحريق متل ما عرفت صح.. لكان خلص

مرام: بس كلهن قالو انا السبب

ايمن: شو!

مرام: بتذكر يومها متل كإنه هلء.. كنا سهرانين وفرحانين ك