فتت عالغرفة وانا عم القط نفسي من امي ونظراتها الي بتشوف كل شي بلمح البصر ومابغفل عنها شي
لقيت ايمن مدد حالو ع ظهرو ع كل السرير وغاطط بسابع نومة
صرت ادفشو بطرف ايدي ع رجلو لفيقو
مرام: ايممن.. ايممممن فيق.. بيستنوك برا فيييق
ايمن: اتركيني ناايم ماقدرت انام من برد هديك الغرفة
مرام: لك بتنام بعدين قووم هلء
مالقيتو الا سحبني باتجاهه ووقعت عليه.. فاق لحظتها وانحرج من الي عمله.. بقينا نطلع بعيون بعض.. وبعدا بسرعة سحبت حالي وقمت
مرام: مجنوون شو الي عملته
ايمن: هههه اسف كنت نايم
مرام: اي يلا غير تيابك وتعا لبرا
قعدنا مع اهلي واطمنو علينا وبعد بساعة مشيو..
مر اليوم ونحنا محرجين نطلع ببعض..
يوم عن يوم كنت عم اخد ع ايمن شوي.. كنا ناكل سوا ونضحك سوا واحيانا نتخ
انق ع اتفه شغلات.. كنا متل اتنين اخوات عايشين ببيت واحد
بس ايمن كان يتعمد يعمل شغلات تدايقني
مرات لاقيه طالع من الحمام ومتعمد ما يكون مكمل لبسه
مرات لاقيه جاي ع غرفتي بنص الليل ونايم ع طرف السرير بحجة انه غرفته برد
بس عموماً كان انسان محترم وعمل متل مااتفقنا تماماً..
كنت عم حضر الاكل وقت كان مستعجل كتير وبدو يروح مشوار
مرام: بس الاكل هلء بيجهز.. استنى شوي
ايمن: لا لا انا بس دقايق رح روح مشوار وارجع
اطلعت فيه كان يلبس بجزمته وايديه عم يرجفو وجبينه عم ينقط عرق
مرام: ايمن شبك صاير شي؟!
ايمن: لا
مرام: مريض شي
ايمن: مافي شي لا تقلقي انا رايح جهزي الاكل بكون اجيت
كملت تجهيز الغدا وانا عم فكر فيه وبشكله الي اول مرة بشوفه هيك.. بعد ربع ساعة رجع عالبيت وحالة افضل بشوي..
حسيت انه صاير شي مشكلة وحلها.. ماحبيت اساله ولا ناقشه لانه ما بنتدخل ببعض بهي الامور
اكلنا ونحنا ساكتين..
حتى ما كمل اكل متل عادته.. اكل لقمتين تلاتة وقام..
المسا خبرني عمي اسامة انه جاية بنته لعنا..
اخته ل أيمن.. رتبت البين وعملت صنف حلويات وغيرت تيابي وخبرت ايمن
بعد ساعة وصلت هيا وطلع عمي معها..
مرام: اهلا وسهلا تفضلو
ايمان: كيفك مروم ماشاء الله عليكي مفتحة
مرام: تسلميلي يارب هاد من ذوقك... كيفك عمو ليه ما عم نشوفك
اسامة: والله يابنتي طول الوقت بهالمحل من بهد ما اخدك ايمن مني صرت قضي كل وقتي فيه
مرام: هههههه لا خلص ماتقلق رح ارجع هاليومين
اسامة: لا لا شو ترجعي لسا بكيير خدي راحتكو وعيشو حياتكو عمو.. بعدين انا عم اتسلى فيه احسن من القعدة بالبيت بتمررض